Luq kar 10
10
Yer suq Ghig sa suhr chi ni ghad haq tuhz kae pe se
1Awg lawn U ve phehq lag peq khad nuhr Jawd mawd Yer suq chaw suhr chi ni ghad haq kawq lez yug lehq I hehd haq awg mor te lehq teq mor ve ni ghad teq geha Yer suq yawd geh kig te med le lea he lehq te khaz le lea yawd haq keh awg kawd ped kae pe se yaog. 2I hehd teq pa tuhez lehd te huh Yer suq tawd pa hax te lehq I hehd teq pa haq koz vid se, chaw lae ghad ngag haq yonr tug law chehd se chaw cawg mad se yaog I hehd teq pa A cag meh vehr se haq sur se yaog “A cag ghiq tug liz cawg mad Jad vehor. kheh ma khuhd kanx te par A cag ghiq tug A ceh lehax cawg se yaog kheh te se haq te lehq nawg hehd teq pa ti mi awg sehr phad geh bon lawg lor kanx te par chaw sir vehar lag mad vid tug yawd ved A cag ghiq vid tug awg pon. 3Kae lor ngag nawg hehd haq kae pe-a se awr lehr, yawg ehx heh phid awg mor khuhn chehd se haq kha suar yaog. 4Phu lar sax he lehq med ngend he lehq khi noz liz tad yug kae yaq kaw khad lo awg chawd haq naq ox tag ca te daq chehd. 5A sug te ghad ma koz yawd khehnx chaw haq haq yug se heh te lehq haq yug ax ver Nawg hehd yehg U ve hkuhn geh lehq awg kawd ped bon Ir khuhd koz lehq, ‘ha lehg duhd sa se yehg ka che hkuhn cawg vid-oz lehd koz vid’ . 6A suq te ghad ve yehg ka U ve hkuhn chehd se chaw ha lehg duhd sa se haq haq yug ver ha lehg duhd sa se awg bon chaw U ve phad geh chehd tug yaog, chaw ha lehg duhd sa se awg bon haq mad haq yug ver Ghig sa yehg ka U ve haq ha lehg duhd sa se awg bon mad naq vid se yaog. 7Yehg u ve hkuhn chehd lehq I hehd cawg se kheh tawa cad lehq dawg-or Awg lawn koz ver, kanx te se chaw awr lehr yawd te lar se haq kha suar awg phuhd gha cawd se yaog awg nuz awr ve ted yehg khuhn geh tug yehg u ve khuhn ta tawz kae. 8Nawg hehd khar ve te med khuhn kae liz kheh te lehq med khuhn ve chaw yad teq pa nawg hehd haq haq yug ax ver I hehd te car se haq cad lo. 9Med U ve khuhn chehd se chaw nag te pa haq haq sax vid lehq med U ve khuhn chehd se chaw teq pa haq koz vid, ‘Ghig sa nawg hehd teq pa haq haq sax tug lag gag vehr se yaog. lehd koz vid-oz’ . 10Khar thad teq ni haq ma koz nawg hehd med ted mag lo geh se te yand kheh te lehq med U ve khuhn chehd se chaw teq pa nawg hehd haq ha lehg ha ka mad haq yug ax ver med U ve haq yaq kaw khuhn lo kae lehq koz vid se, 11‘med che khuhn ve A jeq ngag hehd teq pa ve khi thawx kawn huhx nehx chehd se ngag hehd siz kha lar haz lehq nawg hehd teq pa te yaq se haq Ghig sa suhx jehg tug yaog; kheh ma khuhd kha nehax tawd lar Ghig sa haq sax tug nawg hehd awg pad lo gag vehr se yaog’ . 12Ngag nawg hehd haq koz ax laq tawd Jehg chez se awg ni gag ver sawx donr med haq khe lex lehq med che gha khar Jad tug yaog.”
Maq yonr se te med le lea khuhn chehd se chaw haq ded vid se
(Mth 11:20-24)
13“Khuhd rar senr med yad teq pao nawg hehd gha toq gha kanr kar jad tug yaog Ber sehd daz med liz kha suar yaog gha toq gha khanr jad tug yaog. awg lawn koz ver nawg hehd vend bax ma duhd phuhz se haq te lehq yaog tud ruz med chaw he lehq six donr med chaw nawg hehd ve med awg khuhn ngag and tug te se haq maq gha mawg se haq te lehq yaog I hehd gha mawg ver vend bax duhd phuhz tug yaog Kheh te lehq cawr mi lehq thoz pu te lar se A poq deh lehq khuhq ha A kor haq khaz kaq se muh Jad veh-og U kheh te se awr lehr I hehd vend bax duhd phuhz se haq gha mawg vid tug te se yaog. 14Kheh ma khuhd suhx jehg se awg ni gag ver khuhd rar senr med yad te pa he lehq Ber sehd daz med yad teq pa ke tud ruz med yad teq pa he lehq six donr med yad teq pa vend bax te se chaw cawg mad jad liz Ghig sa yawd haq har kax ve tug yaog . 15kar per ner onr med yad teq pa-og muhd nuh maq muhd mig lo Ghig sa su haq ke nawg haq chid muha law lehd duhd seawg la? Ghig sa nawg haq muhd naz hoq A mir khuhn chid bag ke tug yaog.”
16“U huh khad nuhr Yer suq Ghig sa awg laq ghuhd teq pa haq koz vid se, A sug te ghad lehq nawg hehd koz khuhd na liz ngag koz khuhd na se yaog A sug lehq nawg hehd haq mad haq yug liz ngag haq mad haq yug se yaog Kheh te lehq ngag haq lag pea sehr phad haq liz mad haq yug se yaog.”
Chaw suhr chi ni ghad kawq kawaq se
17Awg khad nuhr awg laq ghuhd teq pa suhr chi ni ghad liz yaq kaw kag phehq tuhaz se awg ceng haq gha mawg lehq ha lehg Jad se awg khuhn lo I hehd kawaq lehq Yer suq Ghig sa haq koz vid se, “Jawd mawd-o ngag hehd teq pa nawg ved awg meh khuhn tawd pid se te yand ned haeg sar tanr teq pa liz ngag hehd koz khuhd na se yaog lehd koz vid se yaog.”
18Kheh te lehq Yer suq Ghig sa I hehd haq kawq koz vid se, “ned haeg nawg hehd koz khuhd na se te yand ngag ned haeg sar tanr muhd nuh maq lo muhd pehq se haq kha suar che yaq se haq gha mawg se yaog. 19Ngawx lor! ngag nawg hehd haq vig he lehq cir ko noz ma haq naz kix tug kand pax peha heh te lehq Ngag nawg hehd haq kand pax peha lehq awg ha maq daq se haq hehz daq gad tug yaog Kheh te lehq cand par ve awg ghad haq keh kand pax cawg lehq nawg hehd teq pa haq teq chaweh lehaq te lug maq gha hawg. 20Kheh ma khuhd awg ceng che ve haq tag ha lehg chehd awg lawn koz ver nawg ned haeg haq keh kand pax cawg lehq ned haeg liz nawg hehd khuhd na se yaog, Kheh ma khuhd ha lehg ha ka te chehd-oz Awg lawn koz ver nawg hehd ve awg meh awr lehr muhd nuh maq muhd mig khuhn Ghig sa buhq ke lar vehr se yaog.”
Yer suq Guig sa ha lehg ha ka te se
(Mth 11:25-27; 13:16-17)
21Awg yand awg nar rir U ve khuhn Yer suq Ghig sa awr lehr daq kehg se awg ha phu awg khuhn ha lehg ha ka he lehq koz se, “mig gig he lehq muhd nuh maq thag lo chehd se awg ceng kha peg haq keh Ir jad se ngag hehd ve A pa Ghig sa-o, ngag nawg haq chid muh se yaog Awg lawn koz ver nawg khuhd ceh lar se awg ceng che teq pa cud yig cawg par he lehq sinr pix se chaw teq pa haq maq sinr vid se yaog. Kheh ma khuhd chaw yad nehax heh te lehq A sug yawd awg haq tanr nehz chehd se chaw haq sinr tug awg pon pheq mar vid tug yaog ngag hehd ve A pa Ghig sa-o nawg U kheh te seawg lehq ngag sinr se yaog nawg ni ma cawd se yaog.”
22“Ngag ved Jawd mawd A pa Ghig sa awr lehr sinr pix se he lehq kand pax ngag haq pehar se yaog. A pa Ghig sa mehz ver yad phu haq te ghad liz maq sinr hawg Kheh te lehq yad phu mehz ver A pa Ghig sa haq te ghad liz maq sinr hawg Kheh te lehq yad phu pheq mar vid gad se chaw mehz ver awr pa Ghig sa khawehd phehq se haq maq sinr hawg.” 23Kheh te peg lehq Yer suq Ghig sa awg laq ghuhd teq pa phawr kawr phawz ngawx pe lehq I hehd teq pa haq lehax koz vid se, “chaw ted ghad le lea and jad se awg lawn U ve teq pa haq nawg hehd gha mawg se awr lehr Ghig sa ve awg bon phehq se yaog nawg hehd gha mawg se U ve haq ha lehg chehd-oz, 24Ngag nawg hehd haq awg cehg mag koz ax laq, ‘cuh kar par he lehq Jawd mawd laex ghad nawg hehd mawg se awg ceng haq mawg gad se yaog kheh ma khuhd I hehd maq gha mawg kheh te lehq nawg hehd gha kad se awg ceng haq liz kad gad se yaog kheh ma khuhd I hehd maq gha kad se yaog.’ ”
Sar mar riq chaw ni ma daq se awg lawn tawd pa hax
25Te pawz thad awg lid tawd khuhd sinr par chaw te ghad Yer suq Ghig sa haq lawd ngawx tug tu-ag lehq na se, “sar lar-og, ngag khawd kheh gha te law le co tiq ha tiq se a saq haq gha tug?”
26Yer suq Ghig sa yawd haq kawq koz vid lehq na se, “awg lid tawd khuhd khawd kheh te buhq lar law le? Nawg ghawn peg se te yang khawd kheh te na gha le?”
27Kheh te lehq haw khaz var u ve kawq koz khuhq vid se, “Nawg ved Jawd mawd Ghig sa haq haq lo nawg ved ni ma co ha awg tawng kha gag awg ghad awg sax he lehq nawg ved duhd khad kha peg” he lehq “Nawg awg ton haq haq se haq kha kha suar awg chawd awg paz haq liz haq lor.”
28Yer suq Ghig sa kawq koz khuhq vid se, “nawg koz se cawd vehor u ve haq kha suar cax lehq te kae lor kheh te ver nawg A saq haq gha tug yaog.”
29Kheh te lar lehq, awg lid tawd khuhd mar par U ve phad yawd awr lehr thed cawd se yaog lehd sinr vid tug Yer suq Ghig sa haq te pawz kawq na ngawx se, “Ghig sa ve awg lid tawd khuhd khuhn cawg se A sug koz chehd seawg le ngag kiz ngag Naz chehd se ngag ve awg chawd cehq mag phehq se?”
30Yer suq Ghig sa yawd haq tawd pa hax te lehq che kheh kawq koz khuhq vid se, “haw khaz te ghad cawg se Yer ruq sar lehnr med lo yaq lehq Yer riq khod med lo kae tod se yaq kaw kag huh yawd chaw khuhd teq pa ve laq kuhx khuhn lo gha gag lehq, chaw khuhd te pa haw khaz var yawd cawg se med ngend kha peg he lehq yawd ve har A poq liz yug lehq yawd had phuhz dawz lehq A lag lag suh te lehq chid bar haz se yaog. 31Awg yand u ve khuhn paw khod te ghad yaq kaw U ve te khad haq kae cawd lehq chaw U ve phad haq gha mawg se te yand te phawd lo Jaw veh se yaog. 32U ve haq kha kha sura ler viq chaw te ghad liz yaq kaw U ve haq yaeg lehq chaw U ve phad haq gha mawg se te yand yaq kaw Jad lo Jaw veh se yaog. 33Kheh ma khuhd, lawd kir yad Sar mar riq khaz lo chehd se chaw yaq kaw U ve haq lag lehq chaw U ve haq gha mawg se te yand yawd haq har kax Jad se yaog. 34Kheh te lehq yawd chehd lo kae lehq yawd ved nag kig awg khuh te pa haq sar lonr chu he lehq A pehx med ghig Juhd ke lehq pha pez huz thiz vid peg lehq yawd U ve phad haq yawd ved pix lag nehax thang chid taz vid lehq chaw hax kig yehg ted yehg lo sir kae lehq yawd haq ngawx haq sax vid se yaog. 35Teq ni kawq ghag lehq yawd phu nid thehq yug tuhz lehq yehg sehr phad haq pid lehq koz vid se, ‘chaw che phad haq kha nehax haq sax vid mehr nawg che nuz awr kawq yehd mad ver ngag kaw kawaq ver kawq khuhq sehr ar lawg.’
36Chaw che seh ghad khuhn ve, sud dawz se phad ve awg chawd a sug te ghad law le?”
37Awg lid tawd khuhd mar par U ve phad kawq koz khuhq vid se, “yawd haq ha kax se chaw te ghad yaog.” Yer suq Ghig sa kawq koz mar vid se, Nawg liz u kheh ca te-o.
Mar riq he lehq Mar thaq chehd lo Yer suq Ghig sa ca gid se
38Awg yand u ve khuhn Yer suq Ghig sa yawd ved awg laq ghud geh kae tod se te yand yawd khaz te khaz lo gag lehq khaz U ve khuhn yad mid ma Mar thaq meh se te ghad cawg se yaog kheh te lehq yawd Yer suq haq haq yug lehq yawd ved yehg khuhn geh se yaog. 39Kheh te lehq Mar thaq awg nax ma te ghad cawg se awg meh Mar riq meh se yaog. yawd Jawd mawd Yer suq ve ki pand mi lehq yawd mar se tawd khuhd haq na se yaog. 40Mar thaq awr lehr yehg kanx ka kanx te tug cawg lar se haq lehax te chehd se yaog kheh te lehq Mar thaq yer suq chehd lo lag lehq koz se, “Jawd mawd-og nawg teq chaweh lehaq ma koz vid seawg la ngag nax Mar riq ngag haq kanx kha peg ghad ngag te ghad lehax haq te cuhar se? Mar riq haq ngag geh kanx ga tea lehd koz vid lawg ma.”
41Kheh ma khuhd Jawd mawd Yer suq kawq koz khuhq vid se, “Mar thaq mar thaq-o nawg duhd har se khuhn ted ceng le lea haq lehax duhd khix chehd se law lehg. 42Lonr Jad se awg ceng awr lehr ted ceng lehax cawg se yaog Ghig sa haq sax se he lehq Yer suq Ghig sa ve tawd khuhd Ghig sa haq caz daq se haq na se awr lehr awg bon gha se yaog Mar riq daq Jad se awg ceng U ve haq lez yug veh-o kheh te lehq te ghad lehaq mar riq geh awg ceng che ve lu yug kae maq gha hawg.”
Currently Selected:
Luq kar 10: LHU
Highlight
Share
Copy
Want to have your highlights saved across all your devices? Sign up or sign in
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.
