လုကာ 14
14
အခန် (၁၄)
ကုဖီ ပလူးစာ့အပလား
1မငြီးဆောက်တေတာငြီး အငြီးကု ကိုယ်တော်ယေရှုအွယ့် အီစုံတအန်တာ လေးလေ ဖာရိရှဲဖုန်းကု အွမ့်ခူစာအပလား ယွမ်ကုတွင် ဖာရိရှဲနောင် ကျမ်ဒါဆရာ ကအိုဒါ ခမ်လန်အွယ့်ကုပါစာဖုန်းအွယ့် အိုပွိုင်းဟွိုင့်ဘို့လိုကာ ကိုယ်တော်။ 2နာလိုကာလုဲင်။ ပလူးအိုခံစာဘာ ကျွော့်ခင်ယို့ရောဂါစာ အပလားအွယ့် အိုထွိုင်တာ ကိုယ်တော်မေငါ့ကု။ 3ကိုယ်တော်အွယ့် “မငြီးဆောက်တေတာငြီးကု ကုတမာဖီ တစာ့ရောဂါဖုန်းဒွို နောင်ပညတ်တော် ညီနောဝ် ညီဟနောဝ်” တစီ့လေး ဖာရိရှဲဖုန်းနောင် ကျမ်ဒါဆရာဖုန်း နိန်းအွယ့်။ 4ဒေါင့်မာလဲ့ ပလူးအွယ့်ဟိုအွယ့် ဒေါင့်ပလန်ချာကာဟထွို့ အိုကျွော်ကာဘို့တာ အွယ့်ကြားမဲ့ ကိုယ်တော်အွယ့် ခွိုင်းပလူးအိုခံစာဘာ ရောဂါဝေဒနာစာအွယ့်ပလားထွို့မဲ့ ကုတမာဖီကေ့ထွို့ အန်ကြွ့ကျိန်းချာဒါ့အာ။
5ထွို့မဲ့ ကိုယ်တော်အွယ့် “နားက့ဖုခုယောဝ်း၊ ပူယောဝ်း၊ မေစလင်တေး သျှီ့အုံကုအွယ့် ပျန့်တွို့ မငြီးဆောက်တေတာငြီးကုခယောဝ်း အီထွို့ထန်ကာစွိုတို အလိုင်ချင် မေဟနောဝ်” မိန့်အာကာနိန်းအွယ့်။ 6ဒေါင့်မာလဲ့ ပလူးဖုန်းအွယ့် ပြန်ဖရေဒါကာချာဟ တကျွိုကျွို။
စွမ့်ဖီ တချာ့ဖွိုခရာ
7ကိုယ်တော်ထွိုင်သျှီ ကန်သျှန်ခံဘာ ပလားပင်းစာဖုန်းအွယ့် အီအန်အို့တာတာ အိုလွိုက်ရွေလိုကာ အီအိုနင်းစို့ ခမ်လန်အရေပါကုဖုန်းခါ့ ကိုယ်တော်အွယ့် မိန့်ဒေါင့်ပလူးအွယ့်ဟိုနောင် တတိုက်တွုန်အဘာဒီ့ 8“ပလူးအပလားပလားဒွို မေပင်းနား ဖီကလေးပွဲမင်္ဂလာကုတာခါ့ ကျန်အိုနင်းလိုကာမာ ခမ်းလန်အရေပါကုမာ။ ကွက်တဟနာမေဒေါင့်အွယ့် ပွဲအွယ့်ပွဲကု ပလူးအရေပါ လွို့ထိုင်နားလဲ့ မေကုဲင်းပင်းလဲ့ ပင်းစေးကန်းဒါ။ 9အေ့နေ့ချန်း ပလူးအရေပါလွို့ထိုင်နားစာ မေတွိုလေးခါ့ ပလူးကပင်းစေးကန်းဒါနားစာအွယ့် လေးလေနားဆောင့်ထွို့ ‘ဖီကေ့ နားခမ်လန် ကျန်သျှန်အိုတွိုလေး ဒွိုးပလားတာလုဲင်’ မေဒေါင့်နားနိန်းအွယ့်ခါ့ နားဒွို အီလ့ တကသ့ထွို့ အီအိုနင်းဘာတာ ခမ်လန်အရေလီပါဟစွက်ကု။ 10ဒေါင့်မာလဲ့ နားက့ဒွို မေလေးမင်္ဂလာပွဲကုခါ့ နားက့မေအိုနင်း ခမ်လန် အရေလီပါဟစွက်ကုအွယ့် ပလူးကပင်းစေးကန်းဒါစာအွယ့် လေးလေနားဆောင့်ထွို့ ‘ဖောဝ်၊ လေအိုနင်း ခမ်လန်အရေပေါင်းပါ လွို့ထွိုင်ဒွိုးကုပါလုဲင်’ အီလေဒေါင့်နား နိန်းအွယ့် အွယ့်ကြားမဲ့ နားဒွို အီပျန့်တို ချွော်ဂုဏ်ခရာ ကန်သျှန်လငါ့ဖုန်းမေငါ့ကုဟနေ။ 11ကွက်တဟနာမေဒေါင့်ဘာအွယ့် ပလူးပင်စွိုင်းတိုး နန်တိုးစာဖုန်းဒွို အီခံဘာ ဗွယ်ဖရာချာ့ဖွိုထွို့ ပလူးချာ့ဖွိုတိုး နန်တိုးစာဖုန်းဒွို အီခံဘာ ဗွယ်ဖရာပင်စွိုင်း” မိန့်နိန်းအွယ့်။
12ဒါ့အလိုင် ကိုယ်တော်အွယ့် “နားဒွို မေမိုးပွဲခံသျှန်ခါ့ ကျန်ပင်းဘို့မာ နားဖောဝ်ဖုန်း၊ မိသားစုကုစာဖုန်း၊ ပွော်ဝေဖုန်းနောင် ပလူးယွမ်တီးသဌေစာဖုန်းဟို့မာ။ နားမေမိုးနိန်းအွယ့်အွယ့် ပလူးအွယ့်ဟိုဖုန်းဒွို အီပြန်ပင်းအန်လွူချာဒါ့နား။ 13ခရားနိန်းအွယ့် နားမေမိုးပွဲခံသျှန်ခါ့ ပင်းပလူးဖရန့်ဖုန်း၊ ပလူးနန်အင်္ဂါ လီကျွမ်ဟစာဖုန်း၊ ပလူးနန်လီခရွိုင်ဟစာဖုန်းနောင် ပလူးမေသျှီ့စာဖုန်းလုဲင်။ 14နားမေမိုးနိန်းအွယ့်အွယ့် ပလူးဆင်ရယ်စာဖုန်းဒွို အီပြန်ဆပ်ချာဒါဒါ့ နားကေဇူလီမေဟာ။ ဒေါင့်မာလဲ့ ပလူးတွို့မှန်စာဖုန်း အိုတစီ့ကုထွို့ ဆက်ပြန်မွမ့်ချာဒါ့ခိန်းကု ဗွယ်ဖရာဒွို အီဖီတိုနားဆု အွယ့်ကြားမဲ့ နားဒွို အီပျော်စွင်ဘာတာ” မိန့်ပလူးပင်းအာစာ နိန်းအွယ့်။
ပွဲဒူအန်တအန်မွိုင်ဟ တတိုက်တွုန်
(မဿဲ ၂၂:၁-၁၀)
15ကဟွမ့်ဒါ ငိုမိန့်နိန်းအွယ့်စာ ကန်သျှန်ကအိုနင်းကိုနောင် ကိုယ်တော်ခုံကုထွို့ ကအိုအန်အို့ကိုဒါစာဖုန်းကု အပလားအွယ့် “ပလူး အန်ဘာတအန်မွိုင်ဟ ဗွယ်ဖရာသာသနာတော်ကုစာဒွို ပျန့်တို ပလူးပျော်စွင်ဘာယွမ်တွို့တာစာတိုဟနေ” ဒေါင့်ကိုယ်တော်နိန်းအွယ့်။
16ကိုယ်တော်အွယ့် “အလိုင်ကုဒီ့ ပလူးအပလားအွယ့် အီမိုးပွဲခံသျှန်တာ ပင်းပလူးဖုန်းဟေတန်။ 17ပွဲခံသျှန်တာ တာကားကအို ထွိုင်ရျန်းထွို့စုံလင်ခါ့ အန်ကြွ့လေး စွမ်းစေအပလား ပလူးအာကပင့်စေးကန်းစာဖုန်းဆောင့်ထွို့ ‘ရျန်းစေးကန်းထွို့လိ တာကားကအို။ ကြွာ့လေကာချန်း ပွဲခံသျှန်ကုလုဲင်’ ထွိုင်အန်ချန့်ဒေါင့်နိန်းအွယ့်ခါ့
18ကန်သျှန်ဖုန်းကားကအိုအွယ့် နေ့ကာအကြောင်အမျိုမျိုထွို့ တောင်ပလန်လိုကာ အကြောင်လီလေးဒါဟခရာ။ အကီစွက်ပလားအွယ့် ‘ငါးအန်ပလီးစေးကန်း လုဲင်အကွက်အွယ့်မဲ့ ငါးအိုလူလေဟွိုင့်။ ခွင်လွှတ်ဖီငါး’ ဒေါင့်နိန်းအွယ့်။
19ဒါ့အပလားအွယ့် ‘ငါးအန်ပလီးစေးကန်း ပူအန်ငေချွုန်အွယ့်ကြားမဲ့ ပူဖုန်း မိုးဒါ တမိုးတျာမာ ငါးအိုလူလေဟွိုင့်တုဲင်း။ ခွင်လွှတ်ဖီငါး’ ဒေါင့်နိန်းအွယ့်။
20ဒါ့အပလားအွယ့်လဲ့ ‘ငါးဒွို ကျက်တိုယွမ်တိုပါတာ ဒွိုးခါ့ကုဟို့ အွယ့်ကြားမဲ့ ငါးလေးဒါဟ’ ငြင်းထိုင်ဒါ့နိန်းအွယ့်။
21အွယ့်ခါ့ စွမ်းစေအွယ့်လဲ့ ထွိုင်ဒေါင့်နေ့ချာဒါ့အာဗွယ် တပျန့်ထန်ဖုန်းခါ့ ယွမ်ဗွယ်အွယ့် သ့ဒွိုင်ထန်ယွမ်တွို့တာထွို့ ‘ဟောင့်လေးမွိုင့်မွိုင့် ဝိန်းကုကအိုဒါ ကလေ့ဒူဖုန်းနောင် ကလေ့ပီဖုန်းကု ကအိုဒါ ဆင်ရယ်စာဖုန်း၊ ပလူးနန်လီခရွိုင်ဟစာဖုန်း၊ ပလူးနန်အင်္ဂါ လီကျွမ်ဟစာဖုန်းနောင် ပလူးမေသျှီ့စာဖုန်းဒီ့လုဲင်’ အန်ချန့် အာစွမ်းစေနိန်းအွယ့်။
22စွမ်းစေအွယ့်လဲ့ ပြန်ကျိန်းတွိုချာထွို့ ‘ဗွယ်၊ မိုးထွို့လိနောင် ဗွယ်ကအန်ချန့်စေကန်းအတွုန်။ ဒေါင့်မာလဲ့ ပလူးဖုန်းဟေတန်တာ ခမ်းလန်လွှတ်အိုဟေတန်တုဲင်း’ ဒေါင့်နိန်းအွယ့် အွယ့်ကြားမဲ့
23အာဗွယ်အွယ့် ‘မေနိန်းအွယ့် လေးလေ ဝိန်းခူနောင့်ကု ကအိုဒါ ကလေ့ဒူနောင် ကလေ့ပီကုထွို့ ဟောင့်လေး ခိုခို ပလူးအွယ့်ဟိုလုဲင်။ နိန်းအွယ့်မဲ့ ငါးယွမ်ကု ပလူးဖုန်းအီဝေ့ ဟနေ။ 24ငါးအီဒေါင့်နားဒွို။ ကပင်းကီစေးကန်းဒါစာဖုန်း မေစတွိုလေးဒါခါ့ တအန်ငါးပွဲခံသျှန်ကု အကျွိုကျွိုငါလဲ့ ကျန်ဖီအန်ကျန်မာ’ ဒေါင့်စွမ်းစေနိန်းအွယ့်” မိန့်ပလူးအွယ့်ပလားနိန်းအွယ့်။
တပျန့် တပည့်တော်
(မဿဲ ၁၀:၃၇-၃၈)
25အငြီးကု လူထုပရိသတ်ဖုန်းဟေတန်အွယ့် တွဲ့လေးကိုလိုကာ နောင်ကိုယ်တော် ဂျေရုဆလင်ဝိန်းကု အွယ့်ကြားမဲ့ ကိုယ်တော်အွယ့် လှည့်ဟွိုင့်ထွို့ 26“နားက့နုဲင့် နားက့မေလီရက်လွို့ဒါဟငါး လွို့ထိုင် နားက့မွိုဖာ့၊ ဖု၊ မာ့၊ ပွော်ဝေဖုန်းကာဟ ပါနောင်နားက့နန်ချာတိုးအွယ့် လီပျန့်ဒါဟာ ငါးတပည့်ဟာ။ 27ကွက်ငါးတာမဲ့ နားက့ ခံစာဘာတခုဲင်ဝေဒနာထွို့ အီစီ့တာ ဆန္ဒမေလီအိုဟအွယ့် လီပျန့်ဒါဟာ ငါးတပည့်ဟာ။
28နားက့ကု ပလူးအပလားပလားဒွို မေအီစူ့တဟွိုင့်စင်အဘာအွယ့် ဖီကစူ့ထွို့ကျီ့လ့တစင်တာ ကွမ့်လွမ် နောဝ် လွမ်ဟနောဝ် ဖီကသိတာ အိုနင်းထွို့ အီတွက်စေးကီတိုမေဟနောဝ်။ 29အေ့နေ့ချန်း မေလီတွက်ဟနိန်းအွယ့်အွယ့် အီစူ့ဒါဘို့ တန်တွုန်ဟို့ထွို့ စူ့ထွို့လ့ဟဒါ တဟွိုင့်စင်အဘာလူး။ ပလူးကသျှီဘာဒါ တာအွယ့်ဘာစာဖုန်းဒွိုလဲ့ 30‘ပလူးဒွိုးပလားဒွို အိုတေစူ့ဒါတို တဟွိုင့်စင်လဲ့ လီစူ့ထွို့ဒါဟ’ အီအန်စွမ်ထွို့ ဒေါင့်ပလာလိုကာ အာနိန်းအွယ့်။
31နောင်နိန်းအွယ့်အွယ့်ဟို့ ခွမ့်ခမ်းအိုနောင် ကျေ့စာအဆောင် အပါးဆောင့် ခွမ့်ခမ်းကျေ့စာအို အန်ငြီ့ဆောင်စာအွယ့်ပါး မေအီထန်တွိုက့်အွယ့် ခွမ်ခမ်းအာဆျန်စာဒွို အီအိုနင်းကီဘာနောင် အာပလူးဖီအကြံစာဖုန်း ထွို့ တွိုက့်ကျီ့တာ အာအိုနောဝ် အိုဟနောဝ် အီဆုံဖြတ်လိုကာဘာဟနေ။ 32အေ့နေ့ချန်း မေယူတို တွိုက့်လီပေးဒါဟအွယ့် ခွမ့်ခမ်းအာဆျန်စာဒွို အီအန်ကြွ့လေဘာ အာသံတမန်ဖုန်းထွို့ အီလေကျွူ့ဒေါင့်စွူ့ ဘာကီတို ငိုတတွိုက့်ပွဲငင်ချမ်ရေး ခွမ့်ခမ်းအာဒူစာ အိုယားတုဲင်းကုတွင် ဟနေ။ 33နောင်နိန်းအွယ့်အွယ့်ဟို့ နားက့ကားကအိုဒွိုလဲ့ ပလူးလီ ဖီကြွ့ဒါဟ နားက့ ကပွိုင်ဆိုင်ဒါတာ ကားကအိုစာဒွို လီပျန့်ထွိုက်ဟာ ငါ့တပည့်ဟာ” မိန့်နိန်းအွယ့်။
သီသာ တန်ဖိုလီအိုဟ
(မဿဲ ၅:၁၃။ မာကု ၉:၅၀)
34ထွို့ဒါ့ ကိုယ်တော်အွယ့် “သီသာဒွို အိုခိုတို။ ဒေါင့်မာလဲ့ အဆွမ့်ဓာတ် မေလီအိုဒွမ်းအွယ့် ဖီကလ့ ချာဒါ့ အဆွမ့်ဓာတ်တာ နားပြန်မိုးချာဒါ့လီဒါဟာ။ 35သီသာအွယ့်ဘာအွယ့် ဟန်ဘေ့တာခယောဝ်း၊ ဟန်ဩဇာတာခယောဝ်း စုံလီဒါဟဒွမ်း အွယ့်ကြားမဲ့ အီခံဘာဖီဝိန့်ကေ့။
နာအိုထွို့ ကဟွမ့်ဒါစာဖုန်း အန်ဒင်ရေထွို့ နာလိုကာလုဲင်” မိန့်နိန်းအွယ့်။
Currently Selected:
လုကာ 14: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 14
14
အခန် (၁၄)
ကုဖီ ပလူးစာ့အပလား
1မငြီးဆောက်တေတာငြီး အငြီးကု ကိုယ်တော်ယေရှုအွယ့် အီစုံတအန်တာ လေးလေ ဖာရိရှဲဖုန်းကု အွမ့်ခူစာအပလား ယွမ်ကုတွင် ဖာရိရှဲနောင် ကျမ်ဒါဆရာ ကအိုဒါ ခမ်လန်အွယ့်ကုပါစာဖုန်းအွယ့် အိုပွိုင်းဟွိုင့်ဘို့လိုကာ ကိုယ်တော်။ 2နာလိုကာလုဲင်။ ပလူးအိုခံစာဘာ ကျွော့်ခင်ယို့ရောဂါစာ အပလားအွယ့် အိုထွိုင်တာ ကိုယ်တော်မေငါ့ကု။ 3ကိုယ်တော်အွယ့် “မငြီးဆောက်တေတာငြီးကု ကုတမာဖီ တစာ့ရောဂါဖုန်းဒွို နောင်ပညတ်တော် ညီနောဝ် ညီဟနောဝ်” တစီ့လေး ဖာရိရှဲဖုန်းနောင် ကျမ်ဒါဆရာဖုန်း နိန်းအွယ့်။ 4ဒေါင့်မာလဲ့ ပလူးအွယ့်ဟိုအွယ့် ဒေါင့်ပလန်ချာကာဟထွို့ အိုကျွော်ကာဘို့တာ အွယ့်ကြားမဲ့ ကိုယ်တော်အွယ့် ခွိုင်းပလူးအိုခံစာဘာ ရောဂါဝေဒနာစာအွယ့်ပလားထွို့မဲ့ ကုတမာဖီကေ့ထွို့ အန်ကြွ့ကျိန်းချာဒါ့အာ။
5ထွို့မဲ့ ကိုယ်တော်အွယ့် “နားက့ဖုခုယောဝ်း၊ ပူယောဝ်း၊ မေစလင်တေး သျှီ့အုံကုအွယ့် ပျန့်တွို့ မငြီးဆောက်တေတာငြီးကုခယောဝ်း အီထွို့ထန်ကာစွိုတို အလိုင်ချင် မေဟနောဝ်” မိန့်အာကာနိန်းအွယ့်။ 6ဒေါင့်မာလဲ့ ပလူးဖုန်းအွယ့် ပြန်ဖရေဒါကာချာဟ တကျွိုကျွို။
စွမ့်ဖီ တချာ့ဖွိုခရာ
7ကိုယ်တော်ထွိုင်သျှီ ကန်သျှန်ခံဘာ ပလားပင်းစာဖုန်းအွယ့် အီအန်အို့တာတာ အိုလွိုက်ရွေလိုကာ အီအိုနင်းစို့ ခမ်လန်အရေပါကုဖုန်းခါ့ ကိုယ်တော်အွယ့် မိန့်ဒေါင့်ပလူးအွယ့်ဟိုနောင် တတိုက်တွုန်အဘာဒီ့ 8“ပလူးအပလားပလားဒွို မေပင်းနား ဖီကလေးပွဲမင်္ဂလာကုတာခါ့ ကျန်အိုနင်းလိုကာမာ ခမ်းလန်အရေပါကုမာ။ ကွက်တဟနာမေဒေါင့်အွယ့် ပွဲအွယ့်ပွဲကု ပလူးအရေပါ လွို့ထိုင်နားလဲ့ မေကုဲင်းပင်းလဲ့ ပင်းစေးကန်းဒါ။ 9အေ့နေ့ချန်း ပလူးအရေပါလွို့ထိုင်နားစာ မေတွိုလေးခါ့ ပလူးကပင်းစေးကန်းဒါနားစာအွယ့် လေးလေနားဆောင့်ထွို့ ‘ဖီကေ့ နားခမ်လန် ကျန်သျှန်အိုတွိုလေး ဒွိုးပလားတာလုဲင်’ မေဒေါင့်နားနိန်းအွယ့်ခါ့ နားဒွို အီလ့ တကသ့ထွို့ အီအိုနင်းဘာတာ ခမ်လန်အရေလီပါဟစွက်ကု။ 10ဒေါင့်မာလဲ့ နားက့ဒွို မေလေးမင်္ဂလာပွဲကုခါ့ နားက့မေအိုနင်း ခမ်လန် အရေလီပါဟစွက်ကုအွယ့် ပလူးကပင်းစေးကန်းဒါစာအွယ့် လေးလေနားဆောင့်ထွို့ ‘ဖောဝ်၊ လေအိုနင်း ခမ်လန်အရေပေါင်းပါ လွို့ထွိုင်ဒွိုးကုပါလုဲင်’ အီလေဒေါင့်နား နိန်းအွယ့် အွယ့်ကြားမဲ့ နားဒွို အီပျန့်တို ချွော်ဂုဏ်ခရာ ကန်သျှန်လငါ့ဖုန်းမေငါ့ကုဟနေ။ 11ကွက်တဟနာမေဒေါင့်ဘာအွယ့် ပလူးပင်စွိုင်းတိုး နန်တိုးစာဖုန်းဒွို အီခံဘာ ဗွယ်ဖရာချာ့ဖွိုထွို့ ပလူးချာ့ဖွိုတိုး နန်တိုးစာဖုန်းဒွို အီခံဘာ ဗွယ်ဖရာပင်စွိုင်း” မိန့်နိန်းအွယ့်။
12ဒါ့အလိုင် ကိုယ်တော်အွယ့် “နားဒွို မေမိုးပွဲခံသျှန်ခါ့ ကျန်ပင်းဘို့မာ နားဖောဝ်ဖုန်း၊ မိသားစုကုစာဖုန်း၊ ပွော်ဝေဖုန်းနောင် ပလူးယွမ်တီးသဌေစာဖုန်းဟို့မာ။ နားမေမိုးနိန်းအွယ့်အွယ့် ပလူးအွယ့်ဟိုဖုန်းဒွို အီပြန်ပင်းအန်လွူချာဒါ့နား။ 13ခရားနိန်းအွယ့် နားမေမိုးပွဲခံသျှန်ခါ့ ပင်းပလူးဖရန့်ဖုန်း၊ ပလူးနန်အင်္ဂါ လီကျွမ်ဟစာဖုန်း၊ ပလူးနန်လီခရွိုင်ဟစာဖုန်းနောင် ပလူးမေသျှီ့စာဖုန်းလုဲင်။ 14နားမေမိုးနိန်းအွယ့်အွယ့် ပလူးဆင်ရယ်စာဖုန်းဒွို အီပြန်ဆပ်ချာဒါဒါ့ နားကေဇူလီမေဟာ။ ဒေါင့်မာလဲ့ ပလူးတွို့မှန်စာဖုန်း အိုတစီ့ကုထွို့ ဆက်ပြန်မွမ့်ချာဒါ့ခိန်းကု ဗွယ်ဖရာဒွို အီဖီတိုနားဆု အွယ့်ကြားမဲ့ နားဒွို အီပျော်စွင်ဘာတာ” မိန့်ပလူးပင်းအာစာ နိန်းအွယ့်။
ပွဲဒူအန်တအန်မွိုင်ဟ တတိုက်တွုန်
(မဿဲ ၂၂:၁-၁၀)
15ကဟွမ့်ဒါ ငိုမိန့်နိန်းအွယ့်စာ ကန်သျှန်ကအိုနင်းကိုနောင် ကိုယ်တော်ခုံကုထွို့ ကအိုအန်အို့ကိုဒါစာဖုန်းကု အပလားအွယ့် “ပလူး အန်ဘာတအန်မွိုင်ဟ ဗွယ်ဖရာသာသနာတော်ကုစာဒွို ပျန့်တို ပလူးပျော်စွင်ဘာယွမ်တွို့တာစာတိုဟနေ” ဒေါင့်ကိုယ်တော်နိန်းအွယ့်။
16ကိုယ်တော်အွယ့် “အလိုင်ကုဒီ့ ပလူးအပလားအွယ့် အီမိုးပွဲခံသျှန်တာ ပင်းပလူးဖုန်းဟေတန်။ 17ပွဲခံသျှန်တာ တာကားကအို ထွိုင်ရျန်းထွို့စုံလင်ခါ့ အန်ကြွ့လေး စွမ်းစေအပလား ပလူးအာကပင့်စေးကန်းစာဖုန်းဆောင့်ထွို့ ‘ရျန်းစေးကန်းထွို့လိ တာကားကအို။ ကြွာ့လေကာချန်း ပွဲခံသျှန်ကုလုဲင်’ ထွိုင်အန်ချန့်ဒေါင့်နိန်းအွယ့်ခါ့
18ကန်သျှန်ဖုန်းကားကအိုအွယ့် နေ့ကာအကြောင်အမျိုမျိုထွို့ တောင်ပလန်လိုကာ အကြောင်လီလေးဒါဟခရာ။ အကီစွက်ပလားအွယ့် ‘ငါးအန်ပလီးစေးကန်း လုဲင်အကွက်အွယ့်မဲ့ ငါးအိုလူလေဟွိုင့်။ ခွင်လွှတ်ဖီငါး’ ဒေါင့်နိန်းအွယ့်။
19ဒါ့အပလားအွယ့် ‘ငါးအန်ပလီးစေးကန်း ပူအန်ငေချွုန်အွယ့်ကြားမဲ့ ပူဖုန်း မိုးဒါ တမိုးတျာမာ ငါးအိုလူလေဟွိုင့်တုဲင်း။ ခွင်လွှတ်ဖီငါး’ ဒေါင့်နိန်းအွယ့်။
20ဒါ့အပလားအွယ့်လဲ့ ‘ငါးဒွို ကျက်တိုယွမ်တိုပါတာ ဒွိုးခါ့ကုဟို့ အွယ့်ကြားမဲ့ ငါးလေးဒါဟ’ ငြင်းထိုင်ဒါ့နိန်းအွယ့်။
21အွယ့်ခါ့ စွမ်းစေအွယ့်လဲ့ ထွိုင်ဒေါင့်နေ့ချာဒါ့အာဗွယ် တပျန့်ထန်ဖုန်းခါ့ ယွမ်ဗွယ်အွယ့် သ့ဒွိုင်ထန်ယွမ်တွို့တာထွို့ ‘ဟောင့်လေးမွိုင့်မွိုင့် ဝိန်းကုကအိုဒါ ကလေ့ဒူဖုန်းနောင် ကလေ့ပီဖုန်းကု ကအိုဒါ ဆင်ရယ်စာဖုန်း၊ ပလူးနန်လီခရွိုင်ဟစာဖုန်း၊ ပလူးနန်အင်္ဂါ လီကျွမ်ဟစာဖုန်းနောင် ပလူးမေသျှီ့စာဖုန်းဒီ့လုဲင်’ အန်ချန့် အာစွမ်းစေနိန်းအွယ့်။
22စွမ်းစေအွယ့်လဲ့ ပြန်ကျိန်းတွိုချာထွို့ ‘ဗွယ်၊ မိုးထွို့လိနောင် ဗွယ်ကအန်ချန့်စေကန်းအတွုန်။ ဒေါင့်မာလဲ့ ပလူးဖုန်းဟေတန်တာ ခမ်းလန်လွှတ်အိုဟေတန်တုဲင်း’ ဒေါင့်နိန်းအွယ့် အွယ့်ကြားမဲ့
23အာဗွယ်အွယ့် ‘မေနိန်းအွယ့် လေးလေ ဝိန်းခူနောင့်ကု ကအိုဒါ ကလေ့ဒူနောင် ကလေ့ပီကုထွို့ ဟောင့်လေး ခိုခို ပလူးအွယ့်ဟိုလုဲင်။ နိန်းအွယ့်မဲ့ ငါးယွမ်ကု ပလူးဖုန်းအီဝေ့ ဟနေ။ 24ငါးအီဒေါင့်နားဒွို။ ကပင်းကီစေးကန်းဒါစာဖုန်း မေစတွိုလေးဒါခါ့ တအန်ငါးပွဲခံသျှန်ကု အကျွိုကျွိုငါလဲ့ ကျန်ဖီအန်ကျန်မာ’ ဒေါင့်စွမ်းစေနိန်းအွယ့်” မိန့်ပလူးအွယ့်ပလားနိန်းအွယ့်။
တပျန့် တပည့်တော်
(မဿဲ ၁၀:၃၇-၃၈)
25အငြီးကု လူထုပရိသတ်ဖုန်းဟေတန်အွယ့် တွဲ့လေးကိုလိုကာ နောင်ကိုယ်တော် ဂျေရုဆလင်ဝိန်းကု အွယ့်ကြားမဲ့ ကိုယ်တော်အွယ့် လှည့်ဟွိုင့်ထွို့ 26“နားက့နုဲင့် နားက့မေလီရက်လွို့ဒါဟငါး လွို့ထိုင် နားက့မွိုဖာ့၊ ဖု၊ မာ့၊ ပွော်ဝေဖုန်းကာဟ ပါနောင်နားက့နန်ချာတိုးအွယ့် လီပျန့်ဒါဟာ ငါးတပည့်ဟာ။ 27ကွက်ငါးတာမဲ့ နားက့ ခံစာဘာတခုဲင်ဝေဒနာထွို့ အီစီ့တာ ဆန္ဒမေလီအိုဟအွယ့် လီပျန့်ဒါဟာ ငါးတပည့်ဟာ။
28နားက့ကု ပလူးအပလားပလားဒွို မေအီစူ့တဟွိုင့်စင်အဘာအွယ့် ဖီကစူ့ထွို့ကျီ့လ့တစင်တာ ကွမ့်လွမ် နောဝ် လွမ်ဟနောဝ် ဖီကသိတာ အိုနင်းထွို့ အီတွက်စေးကီတိုမေဟနောဝ်။ 29အေ့နေ့ချန်း မေလီတွက်ဟနိန်းအွယ့်အွယ့် အီစူ့ဒါဘို့ တန်တွုန်ဟို့ထွို့ စူ့ထွို့လ့ဟဒါ တဟွိုင့်စင်အဘာလူး။ ပလူးကသျှီဘာဒါ တာအွယ့်ဘာစာဖုန်းဒွိုလဲ့ 30‘ပလူးဒွိုးပလားဒွို အိုတေစူ့ဒါတို တဟွိုင့်စင်လဲ့ လီစူ့ထွို့ဒါဟ’ အီအန်စွမ်ထွို့ ဒေါင့်ပလာလိုကာ အာနိန်းအွယ့်။
31နောင်နိန်းအွယ့်အွယ့်ဟို့ ခွမ့်ခမ်းအိုနောင် ကျေ့စာအဆောင် အပါးဆောင့် ခွမ့်ခမ်းကျေ့စာအို အန်ငြီ့ဆောင်စာအွယ့်ပါး မေအီထန်တွိုက့်အွယ့် ခွမ်ခမ်းအာဆျန်စာဒွို အီအိုနင်းကီဘာနောင် အာပလူးဖီအကြံစာဖုန်း ထွို့ တွိုက့်ကျီ့တာ အာအိုနောဝ် အိုဟနောဝ် အီဆုံဖြတ်လိုကာဘာဟနေ။ 32အေ့နေ့ချန်း မေယူတို တွိုက့်လီပေးဒါဟအွယ့် ခွမ့်ခမ်းအာဆျန်စာဒွို အီအန်ကြွ့လေဘာ အာသံတမန်ဖုန်းထွို့ အီလေကျွူ့ဒေါင့်စွူ့ ဘာကီတို ငိုတတွိုက့်ပွဲငင်ချမ်ရေး ခွမ့်ခမ်းအာဒူစာ အိုယားတုဲင်းကုတွင် ဟနေ။ 33နောင်နိန်းအွယ့်အွယ့်ဟို့ နားက့ကားကအိုဒွိုလဲ့ ပလူးလီ ဖီကြွ့ဒါဟ နားက့ ကပွိုင်ဆိုင်ဒါတာ ကားကအိုစာဒွို လီပျန့်ထွိုက်ဟာ ငါ့တပည့်ဟာ” မိန့်နိန်းအွယ့်။
သီသာ တန်ဖိုလီအိုဟ
(မဿဲ ၅:၁၃။ မာကု ၉:၅၀)
34ထွို့ဒါ့ ကိုယ်တော်အွယ့် “သီသာဒွို အိုခိုတို။ ဒေါင့်မာလဲ့ အဆွမ့်ဓာတ် မေလီအိုဒွမ်းအွယ့် ဖီကလ့ ချာဒါ့ အဆွမ့်ဓာတ်တာ နားပြန်မိုးချာဒါ့လီဒါဟာ။ 35သီသာအွယ့်ဘာအွယ့် ဟန်ဘေ့တာခယောဝ်း၊ ဟန်ဩဇာတာခယောဝ်း စုံလီဒါဟဒွမ်း အွယ့်ကြားမဲ့ အီခံဘာဖီဝိန့်ကေ့။
နာအိုထွို့ ကဟွမ့်ဒါစာဖုန်း အန်ဒင်ရေထွို့ နာလိုကာလုဲင်” မိန့်နိန်းအွယ့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.