ລູກາ 11
11
ພຣະເຢຊູເຈົ້າບອນສອນກະເລິ້ຍເລື່ອງການພາວັນນາອະທິຖານ
(ມທ 6:9-13; 7:7-11)
1ມູຕະງາຍ ພຣະເຢຊູກຳລັງພາວັນນາອະທິຖານເຕິກະລຸງສະຖານທີ່ມູແຫ່ງທີ່ແນ່ນອນເຢີພຣະເຢຊູເຈົ້າພາວັນນາອະທິຖານຢຼ້າຍເຢີ ສາວົກກຸ້ຍມະນະກໍໂຊລນັງພຣະອົງຣ້ວຍ, “ພຣະອົງເຈົ້າເອີຍ, ແສ້ໂພດຈຸມຮີໂຢນພາວັນນາອະທິຖານ ອີໂຢຮັນບອນສອນຈຸມສິດຂອງປີດໍນໍໂຢຼ.”
2ພຣະເຢຊູເຈົ້າກ່າວເຢີຈຸມປີດໍຣ້ວຍ,ເຢີຈຸມແປຼພາວັນນາອະທິຖານອັນກຼີ ຈົງໂຊລອີນໍ:
“ຂ້າແດ່ພະບິດາເຈົ້າ
ແສ້ໂຢນພະນຶ້ຂອງພຣະອົງ
ເກີດທີ່ເຄົາລົບບູຊາ ແສ້ໂຢນເວລາຂອງພຣະອົງ
ເຕິກະເລິ້ຍສຳລັບພຣະອົງເພື່ອປົກຄອງເກີດກະສັດ.
3ແສ້ໂຜດແນວຈ້າ ໂດ້ຍໂບ໋ຄູຕະງາຍທີ່ຈຸມ
ຮີຕ້ອງການ
4ແສ້ໂຜດຍົກໂທດບາບກໍາ
ອະໄພບາບກຳ ໂຢນຈຸມຮີນໍໂຢຼ ດ້ວຍຣ້ວຍ,
ຈຸມຮີຍົກຄວາມຜິດ ຄວາມບາບໂຢນຄູນະ ທີ່ຕະຜິດເຢີຈຸມຮີກຼີ.
ແລະ ແສ້ຊິນນຸຍາດໂຢນນູ້ມໍ້ລໍ້ລວງໂຢນຕະຜິດບາບ.”
5ພຣະອົງຊົງກ່າວເຢີນັງຈຸມປີດໍຣ້ວຍ, “ນູ້ເຕິຈຸມແປຼເວິຍມິດສະຫາຍ (ມູນູ້)ກຸ້ຍມະນະ ແລະຈະປໍ້້ຫັ້ລງມິດສະຫາຍ (ມູນູ້) ກຼີເຕິເວລາເຄິ່ງຫະດ່າວ ແລະໂຊລຣ້ວຍ, ສະຫາຍເອີຍ, (ມູນູ້) ແສ້ໂຢນກືຢືມໂດຍໂບ໋ຈັກແປ້ກ້ອນໂຢຼ. 6ເພາະມູນູ້ກຸ້ຍມະນະຂອງກືຫາກໍຫະດ້າວຄະນ້າເຕິແວ່ ແລະກືເລິ້ຍບອນອະໄມ້ຈະໂຢນດໍຈາ້.' 7ຫະຣ້າມິດສະຫາຍ (ມູນູ້) ທີ່ອັດຫະຣ້າກະລຸງ ຈະທຣະອອຍລໍ້ເຕິຣ້ວຍ, ຊິນລົບກວນກືໂຢຼພະເຫິຼ້ງກໍກະຕັ້ງເຢີ ແລະຈຸມໄກ້ຂອງກື ກໍບິດເຢີນັງຮີເອີ້ຍເຢີ ກືໂຢຼລເຣິໂຢນມາຍເລິ້ຍຮອຍບອນດອກ. 8ກືອ້າຈຸມແປຼຣ້ວຍ,ກະເລິ້ຍດໍນູ້ກຼີ ຈະເລິ້ຍໂຢຼລເຣິໂດ້ຍໂບ໋ (ແນວຈ້າ) ໂຢນ ເພາະການເກີດມູນູ້ມະຕຼຸກໍຢຼ້າຍ,ແຕ່ເພາະການດຸແສ້ຂອງຜູ້ເກີດມູນູ້ກຼີດໍກໍຈະໂຢຼລເຣິໂຢນຕາມທີ່ມູນູ້ຕ້ອງການເພື່ອຣ້ວຍກຽດຕິຍຸດຂອງພຣະອົງຈະເລິ້ຍເປິ້ດປໍ້. 9ຫະຣ້າກືຈຶ່ງອ້າເຢີຈຸມເເປຼຣ້ວຍ,ຈົ່ງດຸແສ້ ແລະຈຸມແປຼຈະບອນຣຳ້ ຈົ່ງດຸຊູຫັ້ລງ ແລະຈຸມແປຼຈະບອນທ້ຣຸມ ຈົ່ງດຸກໍກໍ໋ ແລະຈະເວິຍນູ້ເຕີ້ພະເຫິ້ລງໂຢນ. 10ດ້ວຍຣ້ວຍ,ຄູນະທີ່ດຸແສ້ ກໍຈະບອນຣຳ້ ນູ້ມໍ້ທີ່ດຸຫັ້ລງຊູ ກໍຈະບອນທຣຸ້ມ ແລນູ້ມໍ້ທີ່ດຸກໍກໍ໋ກໍຈະເວິຍນໍ້ເຕີ້ພະເຫລິ້ງໂຢນ. 11ເວິຍນູ້ມໍ້ ເຕິຈຸມແປຼທີ່ເກີດອຳຈະເຣິກະແຊັນໂຢນ ເຢີໄກ້ຂອງບອມຢຼະແສ້ເປ້? 12ຫລືຈະເຣິກະດຽ້ມໂຢນ ເຢີໄກ້ແສ້ທຼຽ່ລ? 13ດ້ວຍເຫດກຼີ ຈຸມແປຼຜູ້ເກີດກຸ້ຍຊົ່ວ (ກຸ້ຍເລິ້ຍອໍ) ກໍນັງຮອຍເຣິຂອງອໍໂຢນເຢີໄກ້ຂອງບອມຢຼະ ປູດກວ່າກຼີແອັ້ນຈັກເທົ່າໃດ ພຣະບິດາເຈົ້າຂອງຈຸມແປຼ ຜູ້ສະຖິດອັດເຕິສະຫວັນ ກໍຈະປະທານພຣະວິນຍານບໍຣິສຸດເຈົ້າ ເຢີຜູ້ທີ່ແສ້ເກີດພຣະອົງ.”
ພຣະເຢຊູ ແລະ ເບເອນເຊບູນ
(ມທ 12:22-30; ມຣກ 3:20-27)
14ພຣະເຢຊູເຈົ້າກຳລັງບັງຂັບໄລ່ຢຼາງເລິ້ຍອໍ ເລິ້ຍເກີດໂຊລມະໄຫ້ລລໍ້ ເຢີຢຼາງເລິ້ຍຮອຍໂຊລ ລໍ້ປໍ້້ເຢີ ກຸ້ຍໂກນກຼີ ກໍເລີ່ມຕົ້ນໂຊລບອນ ຫະຣ້າປະຊາຊົນຕ່າງກໍງຶດກະລັກພະໄຫ້ງ, 15ແຕ່ປະຊາຊົນບາງກຸ້ຍໂຊລຣ້ວຍ,“ຄຣາຍເບເອນເຊບູນ ນາຍຂອງຢຼາງເລິ້ຍອໍທີ່ໂຢນອຳນາດແກ່ກຸ້ຍນໍ ບັງຂັບໄລ່ຢຼາງເລິ້ຍອໍລໍ້.” 16ສ່ວນກຸ້ຍກະນໍ້ກຼີ ຫວັງໄອ້ກອ້ມຜິດພຣະເຢຊູເຈົ້າ.ອັນກຼີ ຈຸມປີດໍຈຶ່ງແສ້ໂຢນພຣະອົງຕະໝາຍສຳຄັນການອັດສະຈັນ ເກີດຟຣ້າສະຫວັນ. 17ແຕ່ພຣະເຢຊູເຈົ້າຮອຍເຢີ ຈຸມປີດໍຄຶດອີມໍ້.ອັນກຼີ ພຣະອົງຈຶ່ງກ່າວເຢີຈຸມປີດໍຣ້ວຍ,“ຄັນວ່າປະຊາຊົນຂອງປະເທດມະໄຫລ້ແບ່ງແຍກຈຸມປີດໍຢຼະລໍ້ເກີດກະເລິ່ງກຸ່ມຕໍ່ສູ້ງາ້ຍຢຼະກໍຕັ້ງອັດຕໍ່ໄປເລິ້ຍຮອຍບອນ ເຕິຄອບຄົວມະໄຣ້ ທີ່ສະມາຊິກເຕິຄອບຄົວມະໄຫລ້ແຕກແຍກມະຕຼຸແລະເລິ້ຍສາມາດເກີດຄອບຄົວແອັ້ນຕໍ່ໄປ. 18ຄັນອານາຈັກຂອງຢຼາງເລິ້ຍອໍ ແບ່ງກຸ່ມແຕກແຍກທຣະລໍ້ງ້າຍຢຼະ ອານາຈັກກຼີຈະຕັ້ງອັດບອນອີມໍ້?ຈຸມແປຼກ່າວຫັ້ລງຣ້ວຍ ກືບອນໄລ່ຢຼາງເລິ້ຍອໍລໍ້ບອນເພາະເບເອນເຊບູນໂຢນຣິດອຳນາດເຢີກື. 19ຄັນກືບັງຂັບໄລ່ຈຸມດໍໂດຍເບເອນເຊບູນກຼີ.ຄຣາຍນູ້ມໍ້ໂຢນຣິດອຳນາດເຢີໄກ້ເຈົາຂອງຈຸມແປຼບອນບັງຂັບໄລ່ຢຼາງເລິ້ຍອໍ?ບັນດາໄກ້ເຈົາຂອງຈຸມແປຼຢຼະ ຈະເກີດຜູ້ຕັດສິນຈຸມແປຼ 20ແຕ່ຄັນກືບອນໄລ່ຈຸມຢຼາງເລິ້ຍອໍລໍ້ ໂດຍຣິດອຳນາດຂອງພຣະເຢຊູເຈົ້າ.ອັນກຼີ ແລະສິ່ງພິສູດຣ້ວຍພຣະເຈົ້າບອນເລີ່ມປົກຄອງທຣະດີຈຸມແປຼເຢີ. 21ພຣະເຢຊູເຈົ້າບອນສືບຕໍ່ນຳໃຊ້ຕົວຢ່າງນໍຄື:ເຢີກຸ້ຍແຂງແຮງມະນະ ກະດັງອາວຸດຄົບຊຸດກຽມຈຳ້ຍາມດຸງຂອງບອມຢຼະ ສິ່ງຂອງ ຂອງດໍທີ່ເວິຍກຼີເອິ້ຍມະກຼີກໍປອດໄພ. 22ແຕ່ເຢີເວິຍກຸ້ຍແຂງແຮງກວ່າເຕິຕະໂລມແຕັ້ນ(ຕໍ່ສູ້) ແລະຊະນະດໍປໍ້້ ກຸ້ຍກຼີກໍຈະຍາດເຣິອາວຸດເອີ້ຍມະກຼີ ທີ່ເຈົ້າຂອງດຸງເພິ່ງພາອາໄສ່ອັດກຼີຫະລຸ້ປໍ້້ ແລະແບ່ງຫະແປສິ່ງຂອງ(ຊັບສົມບັດ) ເອີ້ຍມະກຼີທີ່ດໍຍາດເຣິປໍ້້ກຼີໂຢນກຸ້ຍກະນໍ້. 23ນູ້ມໍ້ທີ່ເລິ້ຍບອນອັດຫະຣ້າກື ກໍຕໍ່ສູ້ກື ນູ້ມໍ້ທີ່ເລິ້ຍບອນເຕົ້າໂຮມນັງກື ກໍຕະການງານຕໍ່ສູ້ກື.”
ຢຼາງເລິ້ຍອໍລ້າແອັ້ນດຸງຕີ້
(ມທ 12:43-45)
24ຢຼ້າຍພຣະເຢຊູເຈົ້າບອນອ້າຄຳອຸປະມານໍໂຢນເຢີປະຊາຊົນຣ້ວຍ: “ເຢີຢຼາງເລິ້ຍອໍລໍ້ເຕິເກີດກຸ້ຍມໍ້ເຢີ ດໍກໍທ່ຽວປໍ້້ເຕິກະລຸງຖິ່ນແທ້ຣງກະແດງກັນດານ ເພື່ອຫັ້ລງຊູ້ບ້ອນພັກຜ່ອນໄອແຫຼ້ ເຢີຢຼາງເລິ້ຍອໍ້ກໍຫັ້ລງເລິ້ຍຮອຍບອນ. 25ຢຼາງເລິ້ຍອໍກໍໂຊລຣ້ວຍ, ກືຈະລ້າແອັ້ນເຢີດຸງຕີ້ຂອງກື ທີ່ກືບອນຫະລຸ້ເຕິ.'ອັນກຼີດໍຈຶ່ງລ້າປໍ້ແອັ້ນ ແລະທຣຸ້ມດຸງກຼີຫະນໍ້ອໍມາ້ມ ແລະຕົບແຕ່ງດໍ້ຢ່າງອໍເຢີ. 26ຢ້ຼາຍດໍກໍລໍ້ປໍ້້ປິນອິດຢຼາງເລິ້ຍອໍເຈັດໂຕ ທີ່ຊົ່ວເລິ້ຍອໍ ກວ່າດໍແອັ້ນເຢີຣ້າເຕິໂມດອາໄສ່ອັດນຸງດຸງກຼີ ເຕິທີ່ສຸດກຸ້ຍນໍ ກໍຈະອັດເຕິສະພາບທີ່ຊົ່ວເລິ້ຍອໍປູດກວ່າທຳອິດແອັ້ນ.”
ຄວາມສຸກແທ້
27ເຢີພຣະເຢຊູເຈົ້າກ່າວຖ້ອຍຄຳອັນກຼີເຢີ ກໍເວິຍກັນກຸ້ຍມະນະເຕິຈຸມເວລປະຊາຊົນໂຊລນັງພຣະອົງຣ້ວຍ,“ກັນທີ່ໂຢນເກີດທ່ານແລະບັ້ນແນ້ທ່ານ ຄວນເວິຍຄວາມສຸກປູດທີ່ສຸດ!” 28ແຕ່ພຣະເຢຊູເຈົ້າທຣະອອຍຣ້ວຍ,“ກຸ້ຍກະເລິ່ງນະທີ່ບອນຫະແງ້ຄຳສັ່ງສອນຂອງພຣະເຈົ້າແລະປະຕິບັດຕາມຄຳສັ່ງສອນຂອງພຣະເຢຊູເຈົ້າ ກໍເວິຍຄວາມສຸກປູດກວ່າກຼີແອັ້ນ.”
ປະຊາຊົນແສ້ໂຢນຕະໝາຍສຳຄັນ
(ມທ 12:38-42; ມຣກ 8:12)
29ເຢີປະຊາຊົນເຕົ້າໂຮມມະຕຼຸຢ່າງກະເບິ້ນຄັດຊໍ້ ພຣະເຢຊູເຈົ້າກໍກ່າວເຢີຈຸມປີດໍຣ້ວຍ,“ກຸ້ຍເຕິຍົກນໍຕ່າງກໍຊົ່ວເລິ້ຍອໍ ຈຸມປີດໍແສ້ໂຢນຕະໝາຍສຳຄັນການອັດສະຈັນ ແຕ່ຈະເລິ້ຍບອນໝາຍສຳຄັນໂຢນຈຸມປີດໍ ນອກເກີດໝາຍສຳຄັນຂອງໂຢນາ. 30ດ້ວຍຣ້ວຍ,ໂຢນາເກີດໝາຍສຳຄັນເຢີຊາວເມື່ອງນີເນເວ ອີມໍ້ ບຸດມະນຸດກໍຈະເກີດໝາຍສຳຄັນເຢີກຸ້ຍເຕິຍົກນໍອີກຼີ. 31ເຕິຕະງາຍຕັດສີນໂລກ(ຕັດສິນໂລກ) ນາງກະສັດເກີດທິດໃຕ້ຈະຕະເຢິ່ງຊໍ້ກ່າວໂທດຈຸມແປຼເພາະນາງບອນຫະດ້າວຄະນ້າເຕິເຢິ່ງລືເຢີ່ງເກີດປະເທດຂອງບອມຢຼະ ເພື່ອຫະແງ້ຄຳສັ່ງສອນອັນເປິ້ນປໍ້້ດ້ວຍສະຕິປັນຍາຂອງກະສັດໂຊໂລໂມນກໍອັດເຕິນໍ. 32ເຕິຕະງາຍແຫ່ງພິພາກສາ(ຕັດສິນ) ຊາວເມືອງນີເນເວ ຈະຕະເຢິ່ງຊໍ້ກາ່ວໂທດຈຸມແປຼເພາະປີດໍຕູ໋ພະໄຫງ້ຕີອິດພະໄຫງ້ຕະແມ້ ເຢີບອນຊັງຄຳປະກາດຂອງໂຢນາ ແລະນູ້ມະນະທີ່ເຄິ້ຣຍລືລື ກວ່າໂຢນາ ກໍອັດເຕິບອນນໍ.”
ຄວາມສະຫວ່າງຂອງຈະເຈນ (ຮ່າງກາຍ)
(ມທ 5:15; 6:22-23)
33“ເລິ້ຍບອນຫອມເວິຍນູ້ມໍ້ ເຢີກັ້ນໂຄມອຸ໋ຍຢຼ້າຍ ຕັ້ງດໍ້ເຕິບ້ອນເຄ້ຣະ ຫລືເຣິຫະໂມດດໍ້ເຕິກະຕ່າ,ແຕ່ເຄີຍຕັ້ງດໍ້ເຕິທີ່ຫະຢົ໋ງ ເພື່ອວາ່ກຸ້ຍທີ່ໂມດເຕິ ຈະຫອມແສງສະຫວ່າງກຼີ. 34ກະລ້ອງໝັ້ນຂອງກຸ້ຍມະນະເກີດທຣະເລິຍ ຄືໂຄມອຸ໋ຍສຳລັບຈະເຈນຂອງດໍກຸ້ຍມໍ້ ທີ່ຍອມຣຳ້ຂໍ້ຄວາມຂອງກືກໍທຣະເລິຍຄື ກຸ້ຍມະນະທີ່ເວິຍສາຍກະລ້ອງໝັ້ນອໍ.ຄັນກຸ້ຍມໍ້ກຸ້ຍມະນະເກີດອີກຼີ ດໍຈະເຂົ້າໃຈຄວາມຈິ່ງຄູຢ່າງດໍຈະເກີດທຣະເລິຍຄືຣ້ວຍທັງຈະເຈນຂອງດໍເປິ້ນດ້ວຍຄວາມແສງແຈ້ງ ແຕ່ຄັນນູ້ມໍ້ເລິ້ຍສາມາດຫອມບອນຈະແຈ້ງດໍຈະເລິ້ຍເຂົ້າໃຈຄວາມຈິ່ງເລີຍດໍຈະເກີດທຣະເລິຍຄືຣ້ວຍ ທັງຈະເຈນຂອງດໍເປິ້ນດ້ວຍຄວາມກະໂດະ. 35ດ້ວຍເຫດກຼີ ຈົ່ງລະວັງໂຢນອໍ ກຼໍ້ຼຣ້ວຍຄວາມສະຫວ່າງທີ່ເວິຍເຕິກະລຸງມາຍກຼີກະໂດະປໍ້້. 36ຄັນຈະເຈນຂອງມາຍຄູພາກສ່ວນເປິ້ນດ້ວຍຄວາມສະຫວ່າງທົ່ວປໍ້້ ຄືອີແສງໂຄມອຸ໋ຍສອ່ງເຕິຫະກຣາຍມາຍ ດ້ວຍແສງແຈ້ງອັນແຈ່ມໃສ ຢຼ້າຍຄວາມຄິດຂອງຈຸມແປຼຈະສະຫວ່າງຢ່າງແທ້ຈິ່ງ.”
ພຣະເຢຊູເຈົ້າຕຳນິຈຸມຟາຣີຊາຍ ແລະ ຈຸມທຳມະຈານ
(ມທ 23:1-36; ມຣກ 12:38-40)
37ຂະນະທີ່ພຣະເຢຊູເຈົ້ານັງກ່າວກີຼ ກໍເວິຍກຸ້ຍຟາຣີຊາຍມະນະ ເຊີນພຣະອົງປໍ້້ຣຳ້ຈ້າໂດ້ຍບອນດຸງຂອງບອມຢຼະ ພຣະເຢຊູເຈົ້າຈຶ່ງປໍ້້ ແລະຕະກູແຊ້ງຣຳ້ຈ້າໂດ້ຍ. 38ກຸ້ຍຟາຣີຊາຍນູ້ນໍ ກໍງຶດກະລັກພະໄຫງ້ເຢີຫອມຣ້ວຍ ຍຸງຈະຈ້າ ພຣະອົງເລິ້ຍບອນຊຳລະຣ້າວຕາມທຳນຽມ. 39ອັນກຼີ ພຣະອົງຜູ້ເກີດເຈົ້າຈຶ່ງກ່າວເຢີດໍຣ້ວຍ,“ມາຍກຸ້ຍຟາຣີຊາຍເອີຍ ມາຍເຄີຍກະຊາລຈານຊາມໂຢນສະອາດແຕ່ຫະຣ້າເຄຣົ້າ ແຕ່ຫະຣ້າກະລຸງກຼີ ຈຸມແປຼເປິ້ນແຕ່ການໂລບອິດ ແລະການຊົ່ວເລິ້ຍອໍ. 40ໂອ ກຸ້ຍໂງ່ເອີຍ ພຣະເຈົ້າ ນູ້ບອນສ້າງຫະຣ້າເຄຣົ້າ ກໍບອນສ້າງຫະຣ້າກະລຸງທຣະເລິຍເລິ້ຍຄຣາຍລະ? 41ອີກຼີ ຊິນເກີດກຸ້ຍໂລບ ແລະກຸ້ຍຊົ່ວເລິ້ຍອໍ ກົງກັນຂ້າມຈົ່ງແບ່ງຊັບສິງຂອງທີມາຍເວິຍກຼີເຢີກຸ້ຍທຸກຍາກ.ຄັນມາຍຕະອີກຼີ ກືຮັບຮອງຣ້ວຍມາຍຈະເກີດກຸ້ຍສະອາດຢ່າງແທ້ຈິ່ງນຸງກະລ້ອງໝັ້ນຂອງພຣະເຈົ້າ?ແລະເກີດທີພໍພຣະໄທພຣະເຈົ້າ?,” 42“ແຕ່ວິບັດເຢີມາຍ ຈຸມຟາຣີຊາຍເອີຍ ຈຸມແປຼຖວາຍໜຶ່ງສ່ວນສິບ ເຕິປຼອງຫະໂນ໋ຕາມລະດູການເຢີພຣະເຈົ້າ ຄືໂກ້ນກ້ານກາໍ່ (ໂກ້ນຜັກກາດ) ໂກ້ນຜັກແຜວ ແລະໂກ້ນກະນໍ້ຄູຊະນິດ,ແຕ່ຈຸມແປຼລະເລີຍຄວາມຍຸດຕິທຳ ແລະຄວາມຮັກຂອງພຣະເຈົ້າ ຄຣາຍສິ່ງນໍເຫີ້ຍ ທີ່ຈຸມແປຼຄວນປະຕິບັດ ໂດຍເລິ້ຍລະເລີຍສິ່ງກະນໍ້ແອັ້ນ.” 43“ວິບັດເຢີແປຼ ຈຸມຟາຣີຊາຍເອີຍ ຈຸມແປຼມັກຕະກູບອນເວິຍກຽດກະລຸງທໍາມະສາລາ ແລະມັກໂຢນກຸ້ຍຄຳນັບດ້ວຍຄວາມນັບຖືທຼະດີຕະຫລາດ. 44ວິບັດເຢີຈຸມແປຼ ຈຸມແປຼເກີດຄືບ້ອນເຕິ້ບກະມິດ ທີ່ກຸ້ຍເລິ້ຍສັ່ງເກດຮອຍຫອມ ເກີດບ້ອນທີ່ກຸ້ຍກະເລິ່ງນະກະເດນປໍ້້ລ້າໂລດ ໂດຍເລິ້ຍຮອຍຣ້ວຍເວິຍອະໄມ້.” 45ຢຼ້າຍກໍເວິຍທໍາມະຈານ (ກົດບັນຍັດ) ກຸ້ຍມະນະ ໂຊລເຢີພຣະອົງຣ້ວຍ,“ອາຈານເອີຍ ເຢີທ່ານໂຊລອີນໍ ທ່ານກໍໂຊລໝິ່ນປະໝາດຈຸມແຮທຣະເລິຍ.” 46ພຣະເຢຊູເຈົ້າທະອອຍຣ້ວຍ,“ວິບັດຈະເວິຍເຢີຈຸມແປຼທຣະເລິຍ ຈຸມທໍາມະຈານເອີຍ ຈຸມແປຼວາງພະລະຕຼັງເຕິຫະຢົ໋ງຫະງ້າງໂກນປະຊາຊົນ ສ່ວນຈຸມແປຼຢຼະກຼີ ເລິ້ຍຍອມຫະແງ້ກົດລະບຽບອັນນໍ. 47ວິບັດເຢີຈຸມແປຼເພາະຈຸມແປຼຕະ (ກືບ) ອຸບມຸງ ເຕິບກະມິດອັນອໍມາມໂຢນຜູ້ທໍານວາຍທັງກະເລິ່ງນະ ຄືຈຸມນູ້ທຳນວາຍອັນກຼີເຫີ້ຍ ທີ່ບັນພະບຸລຸດຂອງຈຸມແປຼຢຼະບອນກະເຈຼດ. 48ອີກຼີ ຈຸມແປຼຈຶ່ງເກີດພະຍານຣ້ວຍ ຈຸມແປຼພ້ອມນັງສິ່ງທີ່ບັນພະບຸລຸດຂອງຈຸມແປຼບອນຕະ ຈຸມປີດໍບອນກະເຈຼດບັນດາຜູ້ທຳນວາຍ ແລະຈຸມແປຼກໍເກີດຜູ້ຕະອຸບມຸງໂຢນເຢີສົບ (ກືບ) ອັນກຼີ. 49ດ້ວຍເຫດນໍ ພຣະປັນຍາຂອງພຣະເຈົ້າຈຶ່ງກ່າວຣ້ວຍ, ກືຈະແຕງຈຸມຜູ້ທໍານວາຍ ແລະ ຈຸມອັກຄະສາວົກເຕິເຢີຈຸມປີດໍ,ຈຸມປີດໍຈະກະເຈຼດບາງນະ ແລະຈະຂົ່ມເຫັງບາງນະ. 50ອັນກຼີ ກຸ້ຍເຕິຍົກນໍຈະຕ້ອງຄຣາຍແຊ້ງໂທດຍ້ອນຮາມຂອງບັນດາຜູ້ທໍານວາຍຄູນະທີ່ຮ້ອຍລໍ້ ຣູຄາວວາງຮາກຕະໂລກ (ສ້າງໂລກ), 51ຄືຕັ້ງແຕ່ຮາມຂອງອາເບັນ ຈົນກະເລິ້ຍຮາມຂອງເຊກາຣີຢາ ນູ້ທີ່ຄຣາຍກະເຈຼດລະຫວ່າງແທນບູຊານັງພຣະວິຫານກຼີ ຄຣາຍເຢີກືອ້າຈຸມແປຼຣ້ວຍກຸ້ຍເຕິຍຸກນໍຈະຄຣາຍແຊ້ງໂທດຍ້ອນຮາມຂອງຈຸມກຼີເອີ້ຍມະກຼີທີ່ຄຣາຍກະເຈຼດ.” 52“ວິບັດເຢີມາຍ ຈຸມທໍາບັດດິດເອີຍ ຈຸມແປຼບອນເຣິກະແຈ ທີ່ເຕີ້ປໍ້້ສູ່ຄວາມຮູ້ດໍ້ ຈຸມແປຼຢຼະກໍເລິ້ຍບອນໂມດປໍ້້ ແລະກຸ້ຍທີ່ພະຍາຍາມຈະໂມດປໍ້້ກຼີຈຸມແປຼພັດຂັດຂວາງດໍໍ້.” 53ເຢີພຣະເຢຊູເຈົ້າລໍ້ເກີດກຼີປໍ້້ເຢີ ຈຸມທໍາມະຈານຄຣາຍຄູສອນກົດບັນຍັດຂອງໂມເຊນັງຈຸມຟາຣີຊາຍບອນເກີດສັດຕູທີໜ້າຄຽດເພື່ອຈະກ້ອມຜິດພຣະອົງດ້ວຍຄຳຖາມກະເລິ່ງຂໍ້ທີ່ຍາກ ເອີ້ຍກໍເລີ່ມຕົ້ນໂຈມຕີຕໍ່ຕາ້ນພຣະອົງຢ່າງໜັກ ແລະຕະມໍ໋ພຣະອົງກະເລິ້ຍກະເລິ່ງສິ່ງກະເລິ່ງຢ່າງ, 54ໂດຍຫວັງຫລັ້ງກ້ອມຜິດພຣະອົງເຕິຖ້ອຍຄຳໃດໜຶ່ງ ທີ່ພຣະອົງກ່າວລໍ້ເຕິ.
Currently Selected:
ລູກາ 11: IRR
Highlight
Copy
Compare
Share
Want to have your highlights saved across all your devices? Sign up or sign in
Inh/In Bible by Beyond Translation is licensed under Creative Commons Attribution-ShareAlike 4.0 License.
