Romio 4
4
Issoraʹ cetanre Abrahamaʹ pâtyu tahalena
1Tahale aboren sederen dhârtiren baba Abrahamaʹ bisoite abodo itâʹ menbohaʹ? Ânioaʹ jiuire itâʹ ghoṭolenaʹ? 2Kâmi laʹte judi Abraham nirdos mente atangoʹehoteʹ tahale to ânido gourob dareʹehoteʹ. Kheʹ Issor samneredo gourobaʹ itâʹgi bânuʹtaia. 3Pobitro sastrore ol menaʹa, "Abraham Issoraʹ kathare pâtyune ar ana laʹtigi ânido dhârmik mente atangkidie.
4Kâmiketeʹ akaṭaʹ darma namoʹa anado dan bangkana, anado paonakana. 5Kheʹ ekedo nijeoaʹ cesṭare bang nirbhorketeʹ eken Issor pâtyuoye, Issorte ânioaʹ ana pâtyu laʹte âni dhârmik mente atangie, karon Ânitigi pâpiko akoaʹ pâtyu talate dhârmik mente atangkoe. 6Dâudteho angko âdmi dhonno metakaʹkoe ekekodo Issorte jahanaʹ begor kâmitigi dhârmik mente atangkaʹkoe.
7Dhonnogiâko angko âdmiko,
ekekoaʹdo odhormo mapkantakoa,
ekekoaʹ pap dapal doho hokana.
8Dhonnogiâko angko âdmiko,
ekeoaʹ pap Probhute bang sabtakoe.#Siringko 32:1-2
9Dâud menkade, eken angkogi ki dhonno men hokana, ekeoaʹdo sunnot hokantakoa? Obossoi bang, ekekoaʹ sunnot bang hokantakoa angko Ojihudikoho dhonno men hokana, "Abo menledabo je, Abrahamdo dhârmik mente atangkidie karon ânido Issorre pâtyulene." 10Tinre Issorte Abraham dhârmik metalidie? Sunnot hoʹ lahare se tayomte? Sunnot hoʹ laharigi dharo holena, tayomtedo bang. 11Begor sunnotrigi pâtyu laʹte je Issorte âni dhârmik mente dharolidie, tayomte niâ sunnotgi proman ar cinhât uduge je laharigi Issoraʹ cetanre Abrahamaʹ pâtyu tahalentaya. Tahale leloʹkâniʹ, ekeko pâtyukana angkoren botkane Abraham, ekekoaʹ sunnot bang hokâniʹ. 12Nako bâgiketeʹho, sunnot rikâ lahare Abraham alka pâtyunaʹ ḍaharte caloʹsane, ekeko sunnotonkhoiʹ âdmi ana laka caʹako Abrahamdo angkorenho babakane.
Issoraʹ rikit pâtyunaʹ talatigi namoʹa
13Abraham ar âniren gusṭikoṭheʹ Issor rikitlede je, niâ dhârti Abrahamaʹgi hoʹtaihaʹ. Âni niâ rikitlede karon âni Issor cetanre pâtyulene. Abraham je ân palonkade analaʹte Issordo bang rikitkade. Abrahamte Issor pâtyukidie anate Issorte Abraham dhârmik mente atangkidie. 14Karon Issoraʹ rikit judi ekeko ân palonako angko ma hoʹa tahale pâtyunaʹ jahan mane bang tahena ar Issoraʹ rikitnaʹho jahan dam bang tahena, 15karon ânte Issoraʹ edre ṭâhu âgie. Ar sârido itâʹ je, akare ân bânuʹa aṛedo ân bang palonaʹho itâʹgi bânuʹa.
16Anate âdmi Issor cetanre pâtyu talate niâ rikit puronoʹa, jate nado Issoraʹ dayanaʹ dan ho darena. Ar anate Abrahamren gusṭiko laʹtigi niâ rikitdo puronoʹhaʹ. Ân palon âdmiko laʹtigi je eken niâ rikit puronoʹhaʹ anado bang, kheʹ ekeko âdmi Abraham lakaketeʹ pâtyuʹako angko laʹteho niâ rikit puronoʹhaʹ. Abrahamdo hoʹkane aboren baba. 17Pobitro sastrore ol menaʹa, "Ingte am aima jâtkoren sederen babaketeʹ dohokaʹmiying, "Ana lakatedo Issoraʹ metʹre Abrahamdo aboren sanam âdmiren babakane. Eketedo goiʹonkhoiʹ jiui makoe ar Ânido akako bânuʹa anako khoiʹ naoaoaʹ teyare Âni Issor Abrahamte pâtyuolidie.
18"Ar ana katha lakagi Abraham aima jâtren baba holene. Jâkhni baba hoʹaʹ aka asagi bang tahelentaia tâkhniho Abrahamdo Issor cetanre asa dohoketeʹ pâtyulene. Issorte âni metalidie, "Amren gusṭikodo sermaren Ipilko laka aima hoʹkohaʹ." 19Miʹso bochor laka boyosniʹ harme Abraham bujhu darelede je, ânioaʹ hormote ado bang kâmiʹtaie ar Saraoaʹho gidrâ janamkoaʹ asa bang tahalentaia, taoreho Abrahamaʹ pâtyudo durbol bang tahelentaia. 20Issoraʹ rikit cetanre ânioaʹ jahan sondeho bang tahelentaia, borong ânido pâtyure arho keṭeʹketeʹ Issoraʹ gourobsane. 21Issor akaṭaʹ rikitlede ana rikiaʹ khomota Âniaʹ tahelentaya ana somporke Abrahamaʹ purâ pâtyu tahalentaia. 22Niâ laʹtigi Abrahamaʹ pâtyu laʹte ânido dhârmik mente atang holena. 23"Abraham dhârmik mente dharo holena, "Niâ kathado eken Abraham laʹtedo bang ol hokana, 24Abo laʹteho ol hokana. Aboaʹ pâtyu laʹte Issorte aboho dhârmik mente dharokaʹboe, karon Ekete aboren Probhu Jisu goiʹ khoiʹ jiuitʹlidie ar abo ekekodo Âni cetanrigi pâtyuʹabo. 25Aboaʹ pap laʹte Jisudo goiʹ laʹte jimâ holena ar abo Issoraʹ samnere nirdos mente atangbo laʹte Ânido goiʹ khoiʹ jiuitʹ rakablene.
Currently Selected:
Romio 4: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
