Mark 2
2
Jisute miṭiʹ bâsli rugi manjakidie
(Mothi 9:1-8; Luk 5:17-26)
1Thoṛa din tayom Jisu arho Kofornâhumre calone. Âdmiko aten namkedako je Jisu oraʹre miniâ. 2Tâkhni nâniʹ hor aṛe jaoranako je, oraʹto sângingnaʹ katha, duârnaʹ bahirreho ar jaga bang tahalena. Jisu âdmikoṭheʹ Issoraʹ katha procarlaʹ lagone. 3Emon somai poneya âdmite miṭiʹ bâsli rugi goʹketeʹ Âniṭheʹ âgukidiako. 4Kheʹ bhiṛ laʹte angkote âni Jisuoaʹ sorre bang idi darelidiako. Jisu jeṭheʹ tahalene, ṭhik âniaʹ cetan chadrenaʹ thoṛagan ocoʹkedako. Inâ tayom ana jhiʹ jagate bichnâ soho âni bâsli rugi latarre agrokidiako. 5Jisu angkoaʹ pâtyu lelte âni bâsli rugi metakidie, "He gidrâ, amaʹ sanam pap map gentama."
6Aṛe koyekṭeʹ dhormo masṭarko duruʹ tahalenako. Angko mone mone bhabnoʹsanako, 7"Ni âdmi nangkanaʹ katha mende ceklaʹ? Ânite to Issor opomandie. Miṭiʹgimatro Issor bâgiketeʹ ar eke pap map dareʹe?"
8Angko je ana sanam katha bhabnoʹsanako ana Jisu tâkhnigi nijeoaʹ attate bujhu dareketeʹ angko metakeʹkoe, "Apedo ceklaʹ mone monete niâ sanam katha bhabnoʹkanape? 9Ni bâsli rugi akaṭaʹ men sohoja, 'Amaʹ pap map gentama,' se, 'Beretop' amaʹ bichnâ rakapketeʹ daṛa berop?'#Luk 5:23 10Kheʹ ape jate baṛe dareʹape dhârtire pap map maonaʹ khomota Âdmi Hoponaʹ menaʹa" Niâ porjonto menketeʹ Jisute âni bâsli rugi metakidie, 11"Ingte am metamkâning, beretop, amaʹ bichnâ rakapketeʹ oraʹ cagen."
12Tâkhnigi âni âdmi beretʹketeʹ âniaʹ bichnâ rakapkede ar sanamkhoiʹaʹ samnetigi bahirte calogene. Niâte sanamkhoiʹ asarjoketeʹ Issoraʹ gourobketeʹ menkedako, "Ale tisho niâlakanaʹ bang lelkadale."
Probhu Jisute Lebi Aiʹren cela holaʹte ṭâhukidie
(Mothi 9:9-13; Luk 5:27-32)
13Tayomte Jisu arho Gâlil marang ganganaʹ kandhare cane. Tâkhni aima âdmi Âniṭheʹ hiʹnako, ar Ânite angko cedkolaʹ lagone. 14Niâtayom âni ḍaharte caloʹ caloʹte lelkidie Alpheren gidrâ Lebi khajna engeonaʹ oraʹre duruʹkane. Jisute âni metakidie, "Hijup, ingren cela hop." Tâkhni Lebi beretʹketeʹ Jisu suliʹ calone.
15Tayomte Jisu Lebioaʹ oraʹre jomlaʹ durupne. Tâkhni aima khajna engeonko ar pâpi âdmiko Jisu ar Âniren celako suliʹ jomlaʹ durupnako, karon aima âdmi Jisuoaʹ sao saote caloʹsanako.#2:15 Jihudiaʹ somaire Jihudiko mensanako je, ekeko ṭekso engeyako angkodo pâpigiâko. 16Forisi dolren dhormo masṭarko jâkhni lelkedako Jisu khajna engeonko ar pâpi âdmiko suliʹ jomde tâkhni angkote Aiʹren celako metakeʹkoako, "Âni ṭekso engeonko ar pâpi âdmiko suliʹ jom nuide ceklaʹ?"
17Niâ katha atenketeʹ Jisute angko dhormo masṭarko metakeʹkoe, "Manjaonko laʹtedo ḍaktaraʹ dorkar bânuʹa borong osukuniʹko laʹtigi dorkar menaʹa. Ingte dhârmikko ṭâhuko laʹtedo bang hiʹkâning borong pâpikogi ṭâhukolaʹ hiʹkâning."
Upâsnaʹ bisoite cedaʹ
(Mothi 9:14-17; Luk 5:33-39)
18Bâptismadata Johonren celako ar Forisiko upâsoʹsanako. Ana lelte koyekṭeʹ âdmi Jisuṭheʹ hiʹketeʹ menkedako, "Johonren celako ar Forisiren celako upâsako, kheʹ amren celakodo bang upâsdako, niânaʹ karon itâʹ?
19Jisute angko uttorre metakeʹkoe, "Bapla oraʹren jaoye saote tahate ki jaoye saoren âdmiko upâs dareʹako? Tiniʹdin jaoye saore tahane inâʹdin angko bang upâs dareʹako. 20Kheʹ emon somai hijuʹhaʹ jâkhni angkoṭheʹ khoiʹ jaoye idi hoʹhaʹ, ar ana somaire angko upâskohaʹ."
21Ekeho mare angaʹre naoa lugrite tâli bang maʹako. Judi maʹako tahale ana mare lugri khoiʹ naoa tâlido oreʹ hijuʹa. Anate ana oreʹ arho marangoʹa. 22Mare hartanaʹ begre ekeho ânggurnaʹ naoa pâurâ bang doheyako. Judi doheyako tahale ânggurnaʹ pâurânaʹ karonte beg cirâketeʹ ânggurnaʹ pâurâ ar beg barangi nosṭogenhaʹ. Kheʹ ânggurnaʹ naoa pâurâdo naoa begrigi dohelaʹ hoʹa."
Jiruʹaʹbar somporke cedaʹ
(Mothi 12:1-8; Luk 6:1-5)
23Miʹ din jiruʹaʹ dinre Jisu fosolnaʹ khet talatora caʹsane. Âniren celako caloʹ caloʹte gele tungiʹlaʹ lagonako. 24Anate Forisikote Jisu metakidiako, "Lelme, jiruʹaʹ dinre amren celako nangkanaʹ kâmi ceklaʹ rikâdako, akaṭaʹdo rikâ ucit bangkana?"
25Jisute angko metakeʹkoe, "Dâud ar âniren gateko jomaʹ obhabte rangeʹte itâʹ cikiledako ape ki bang paṛhokanape? 26Obiyathor jâkhni sanam khoiʹ marang purohit tahalene ana somaire Dâud kalkate Issoraʹ oraʹre boloketeʹ akaṭaʹ piṭhâ purohitko bâgiketeʹ eṭaʹ ar ekeyaʹho jomaʹ ucit bang tahalena, ana jomlede ar aʹiren gatekoho jomsoleʹkoe."
27Jisute arho angko metakeʹkoe, "Âdmiaʹ manja laʹtigi jiruʹaʹ dindo bano hokana, kheʹ jiruʹaʹ din laʹte âdmikoaʹdo bano bang hokana. 28Anate Âdmi Hopongi jiruʹaʹ dinrenho mâlikkane."
Currently Selected:
Mark 2: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mark 2
2
Jisute miṭiʹ bâsli rugi manjakidie
(Mothi 9:1-8; Luk 5:17-26)
1Thoṛa din tayom Jisu arho Kofornâhumre calone. Âdmiko aten namkedako je Jisu oraʹre miniâ. 2Tâkhni nâniʹ hor aṛe jaoranako je, oraʹto sângingnaʹ katha, duârnaʹ bahirreho ar jaga bang tahalena. Jisu âdmikoṭheʹ Issoraʹ katha procarlaʹ lagone. 3Emon somai poneya âdmite miṭiʹ bâsli rugi goʹketeʹ Âniṭheʹ âgukidiako. 4Kheʹ bhiṛ laʹte angkote âni Jisuoaʹ sorre bang idi darelidiako. Jisu jeṭheʹ tahalene, ṭhik âniaʹ cetan chadrenaʹ thoṛagan ocoʹkedako. Inâ tayom ana jhiʹ jagate bichnâ soho âni bâsli rugi latarre agrokidiako. 5Jisu angkoaʹ pâtyu lelte âni bâsli rugi metakidie, "He gidrâ, amaʹ sanam pap map gentama."
6Aṛe koyekṭeʹ dhormo masṭarko duruʹ tahalenako. Angko mone mone bhabnoʹsanako, 7"Ni âdmi nangkanaʹ katha mende ceklaʹ? Ânite to Issor opomandie. Miṭiʹgimatro Issor bâgiketeʹ ar eke pap map dareʹe?"
8Angko je ana sanam katha bhabnoʹsanako ana Jisu tâkhnigi nijeoaʹ attate bujhu dareketeʹ angko metakeʹkoe, "Apedo ceklaʹ mone monete niâ sanam katha bhabnoʹkanape? 9Ni bâsli rugi akaṭaʹ men sohoja, 'Amaʹ pap map gentama,' se, 'Beretop' amaʹ bichnâ rakapketeʹ daṛa berop?'#Luk 5:23 10Kheʹ ape jate baṛe dareʹape dhârtire pap map maonaʹ khomota Âdmi Hoponaʹ menaʹa" Niâ porjonto menketeʹ Jisute âni bâsli rugi metakidie, 11"Ingte am metamkâning, beretop, amaʹ bichnâ rakapketeʹ oraʹ cagen."
12Tâkhnigi âni âdmi beretʹketeʹ âniaʹ bichnâ rakapkede ar sanamkhoiʹaʹ samnetigi bahirte calogene. Niâte sanamkhoiʹ asarjoketeʹ Issoraʹ gourobketeʹ menkedako, "Ale tisho niâlakanaʹ bang lelkadale."
Probhu Jisute Lebi Aiʹren cela holaʹte ṭâhukidie
(Mothi 9:9-13; Luk 5:27-32)
13Tayomte Jisu arho Gâlil marang ganganaʹ kandhare cane. Tâkhni aima âdmi Âniṭheʹ hiʹnako, ar Ânite angko cedkolaʹ lagone. 14Niâtayom âni ḍaharte caloʹ caloʹte lelkidie Alpheren gidrâ Lebi khajna engeonaʹ oraʹre duruʹkane. Jisute âni metakidie, "Hijup, ingren cela hop." Tâkhni Lebi beretʹketeʹ Jisu suliʹ calone.
15Tayomte Jisu Lebioaʹ oraʹre jomlaʹ durupne. Tâkhni aima khajna engeonko ar pâpi âdmiko Jisu ar Âniren celako suliʹ jomlaʹ durupnako, karon aima âdmi Jisuoaʹ sao saote caloʹsanako.#2:15 Jihudiaʹ somaire Jihudiko mensanako je, ekeko ṭekso engeyako angkodo pâpigiâko. 16Forisi dolren dhormo masṭarko jâkhni lelkedako Jisu khajna engeonko ar pâpi âdmiko suliʹ jomde tâkhni angkote Aiʹren celako metakeʹkoako, "Âni ṭekso engeonko ar pâpi âdmiko suliʹ jom nuide ceklaʹ?"
17Niâ katha atenketeʹ Jisute angko dhormo masṭarko metakeʹkoe, "Manjaonko laʹtedo ḍaktaraʹ dorkar bânuʹa borong osukuniʹko laʹtigi dorkar menaʹa. Ingte dhârmikko ṭâhuko laʹtedo bang hiʹkâning borong pâpikogi ṭâhukolaʹ hiʹkâning."
Upâsnaʹ bisoite cedaʹ
(Mothi 9:14-17; Luk 5:33-39)
18Bâptismadata Johonren celako ar Forisiko upâsoʹsanako. Ana lelte koyekṭeʹ âdmi Jisuṭheʹ hiʹketeʹ menkedako, "Johonren celako ar Forisiren celako upâsako, kheʹ amren celakodo bang upâsdako, niânaʹ karon itâʹ?
19Jisute angko uttorre metakeʹkoe, "Bapla oraʹren jaoye saote tahate ki jaoye saoren âdmiko upâs dareʹako? Tiniʹdin jaoye saore tahane inâʹdin angko bang upâs dareʹako. 20Kheʹ emon somai hijuʹhaʹ jâkhni angkoṭheʹ khoiʹ jaoye idi hoʹhaʹ, ar ana somaire angko upâskohaʹ."
21Ekeho mare angaʹre naoa lugrite tâli bang maʹako. Judi maʹako tahale ana mare lugri khoiʹ naoa tâlido oreʹ hijuʹa. Anate ana oreʹ arho marangoʹa. 22Mare hartanaʹ begre ekeho ânggurnaʹ naoa pâurâ bang doheyako. Judi doheyako tahale ânggurnaʹ pâurânaʹ karonte beg cirâketeʹ ânggurnaʹ pâurâ ar beg barangi nosṭogenhaʹ. Kheʹ ânggurnaʹ naoa pâurâdo naoa begrigi dohelaʹ hoʹa."
Jiruʹaʹbar somporke cedaʹ
(Mothi 12:1-8; Luk 6:1-5)
23Miʹ din jiruʹaʹ dinre Jisu fosolnaʹ khet talatora caʹsane. Âniren celako caloʹ caloʹte gele tungiʹlaʹ lagonako. 24Anate Forisikote Jisu metakidiako, "Lelme, jiruʹaʹ dinre amren celako nangkanaʹ kâmi ceklaʹ rikâdako, akaṭaʹdo rikâ ucit bangkana?"
25Jisute angko metakeʹkoe, "Dâud ar âniren gateko jomaʹ obhabte rangeʹte itâʹ cikiledako ape ki bang paṛhokanape? 26Obiyathor jâkhni sanam khoiʹ marang purohit tahalene ana somaire Dâud kalkate Issoraʹ oraʹre boloketeʹ akaṭaʹ piṭhâ purohitko bâgiketeʹ eṭaʹ ar ekeyaʹho jomaʹ ucit bang tahalena, ana jomlede ar aʹiren gatekoho jomsoleʹkoe."
27Jisute arho angko metakeʹkoe, "Âdmiaʹ manja laʹtigi jiruʹaʹ dindo bano hokana, kheʹ jiruʹaʹ din laʹte âdmikoaʹdo bano bang hokana. 28Anate Âdmi Hopongi jiruʹaʹ dinrenho mâlikkane."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh