Mark 1
1
Bâptisma emoiʹ Johonaʹ procar
(Mothi 3:1-12; Luk 3:1-9, 15-17; Johon 1:19-28)
1Issorren Hopon Jisu Khrisṭoaʹ bisoite manja khobornaʹ ehob, 2nâbi Jisaioaʹ boire Issoraʹ men niâ katha ol menaʹa,
"Lelme, ingte ingren khobor emoʹiʹ amaʹ lahare koleikâning.
Âni Amaʹ ḍahar sapretamheʹ." #Malakhi 3:1
3"Sansun jagare miʹhor garjoketeʹ baṛesokokane,
'Apedo Probhuoaʹ ḍahar sapretaipe.
Ânioaʹ ḍahar sojhetaipe.'"#Jisaio 40:3
4Analaʹte bâptisma emoʹiʹ Johon hiʹne, ânite sansun jagare bâptisma makosane ar pap khoiʹ map nam laʹte mon âcurnaʹ bâptisma procarlaʹ lagone. 5Anate Jihudiâ ar Jirusalemren aima âdmi âniṭheʹ caʹlaʹ lagonako. Angko nije nijeoaʹ pap sikârketeʹ Jordon Gangare Johonṭheʹ bâptisma engeledako.
6Johon uṭaʹ upnaʹ lugri bhandesane ar âniaʹ ḍaṛare hartanaʹ belte tol tahalentaya. Âni sosreʹ ar birren ṭangnakoaʹ rase nuisane.
7Âni procarsane, "Ingâʹ tayomte emon miʹhor hijuʹheʹ, ekedo ing khoiʹho suktisâligie, ukṛumketeʹ Ânioaʹ janganaʹ jutânaʹ fitâ lareyaʹ joggo ing bangkâning. 8Ingte ape daʹre bâptisma mapekâning, kheʹ Ânitedo ape pobitro attate bâptisma mapeheʹ."
Probhu Jisuoaʹ bâptisma
(Mothi 3:13-17; Luk 3:21-22)
9Ana somai Jisudo Gâlil prodisâmnaʹ Nasarot khoiʹ hiʹne ar Johonte Ânido Jordon Gangare bâptisma makidie. 10Daʹ khoiʹ rakab hijuʹ sao saotigi Âni lelkede, serma cirâgena ar pobitro atta paroa lakaketeʹ Âni cetanre agro hijuʹkane. 11Ar sorgo khoiʹ niâ katha atenna, "Amgi Ingren dulârniʹ hoponkanam. Ing amre aima sontusṭogiying."
Jisuoaʹ porikkha
(Mothi 4:1-11; Luk 4:1-13)
12Niâtayom pobittro attate Jisu sansun jagare idikidie. 13Aṛe Ânido cullis din tahelene, ana somai Soitante Ânido aima lobh uduʹoisane. Ar birren janoarkoho aṛedo tahelenako, kheʹ sorgodutkote Ânido jotonisanako.
Gâlilre Jisuoaʹ kâmi ehob
(Mothi 4:12-17; Luk 4:14-15)
14Johon jelkhanare bundi tayom Jisu Gâlilre cane, ar aṛe Issoraʹ manja khobor procarlaʹ lagone. 15Jisu menkede, "Somai hiʹngekana, Issoraʹ rajjodo aima sorre. Ape papnaʹ ḍahar khoiʹ mon âcurtenpe ar Issoraʹ manja khoborre pâtyuʹpe."
Cela atang
(Mothi 4:18-22; Luk 5:1-11)
16Gâlil marang ganganaʹ kandhatora caʹ caʹte Jisudo Simon ar âniren boiha Andrio gangare jal girite lelkeʹkine, karon ângkinte hako sabkosanakin. 17Jisute ângkin metakeʹkine, "Ing panjangban, Ingte aban Issor laʹte âdmi sab jâilâ banobanhuʹ," 18Ar tâkhnigi Simon ar Andriodo âkinaʹ jal bâgiketeʹ Jisu saote calonâkin.
19Aṛe khoiʹ thoṛa sâhingre caʹ tayom Jisudo Sibdioren baran gidrâ Jakob ar âniren boiha Johon lelnamkeʹkine. Ângkindo âkinaʹ lâukâre duruʹketeʹ jal ṭhiktensanakin. 20Jisute ângkin ṭâhukeʹkine, ar ângkinte ângkinren bot Sibdio bhaṛauniʹ kâmi âdmi saote lâukâre dohoketeʹ ângkindo Jisu saote calogenakin.
Miṭiʹ kharap attate namiʹ âdmi manjane
(Luk 4:31-37)
21Niâtayom Jisudo celako laite Kofornâhum sohorre cane. Ar jiruʹaʹ dinre Ânido somaj oraʹre caketeʹ âdmiko cetʹokolaʹ lagone. 22Jisuoaʹ cetaʹ atenketeʹ sanamkhoiʹ asarjonako, karon Ânite dhormo masṭarko lakado bang cetʹokosane borong ekeoaʹ khomota menaʹa angkaniʹ âdmi lakagi cetʹokosane. 23Ana somaj oraʹre hoṭhat kharap attate namiʹ miṭiʹ âdmi garjoketeʹ menkede, 24"He Nasarotio Jisu, amdo aleṭheʹ itâʹ koidam? Amte ki ale dhongsolelaʹ hiʹkanam? Ing baṛeing amdo ekekanam, amdo Issorren Âni pobitro âdmikanam."
25Kheʹ Jisute ânido dhamkoketeʹ metakidie, "Thirup! Nâi bhitâr khoiʹ oṛoʹgen!" 26Sao saotigi kharap attate âni âdmido peterkidie ar aima jore garjoketeʹ âni bhitâr khoiʹ oṛoʹgene.
27Niâ lelʹketeʹ sanamkhoiʹ obakketeʹ nijeoaʹ talare menlaʹ lagonako, "Niâdo itâʹ bepar? Niâdo ki miṭiʹ naoa cetʹaʹkana? Khomota saote Ânite kharap attako hukum makoe ar angkote Âni maneyako." 28Ar sao saotigi Gâlilnaʹ sanam oncolre Jisuoaʹ katha saṭlaka pasnogena.
Jisute aima âdmi manjakeʹkoe
(Mothi 8:14-17; Luk 4:38-41)
29Tâkhni Jisu ar Aiʹren celakodo somaj oraʹ bâgiketeʹ Jakob ar Johon saote soja Simon ar Andrioaʹ oraʹre canako. 30Aṛe Simonren anhartetdo ruâte gitiʹ tahelene. Ar angkotedo sao saotigi âniaʹ ruânaʹ kathado Jisu lâiodiâko. 31Jisu âniṭheʹ cane ar âniaʹ ti sabketeʹ beretʹkidie, ar sao saotigi âniaʹ ruâ coṭaʹgentaya ar Jisute angko sebakolaʹ lagone.
32Bela ḍubu tayom âyuplenkheʹ, âdmikote aima ruâ ar kharap attate namiʹ âdmiko Jisuṭheʹ âgukeʹkoako. 33Ar sohorren aima âdmido ana oraʹnaʹ duârre jaoranako. 34Ânite aima ruâ rugikodo aima lakanaʹ ruâ khoiʹ manjakeʹkoe ar âdmikoaʹ bhitâr khoiʹ kharap attako tâṛyukeʹkoe. Kheʹ Ânitedo kharap attako itâʹ kathaho bang mensoleʹkoe, karon angkote Âni cinhuisanako.
Manja Khobor procar laʹte Jisuoaʹ sapro
(Luk 4:42-44)
35Tayom hiluʹ setaʹgoʹ laharigi Jisudo oraʹ khoiʹ oṛoʹgene ar sansun jagare caketeʹ koijonglaʹ lagone. 36Simon ar âniren gateko ekekodo Jisu saote tahelenako, angkote Ânido sendrailaʹ oṛoʹgenako. 37Tayomte Jisu lel namketeʹ metakidiako, "Sanamkhoite am sendramikanako."
38Kheʹ Ânitedo angko metakeʹkoe, "Delabon, abodo eṭaʹ sohorre caʹabo. Jate aṛeho Ing procar dareʹing, karon analaʹtigi Ingdo hiʹkânig." 39Anate Ânido goṭa Gâlil prodisâmnaʹ aima somaj oraʹre caketeʹ procarlaʹ ar kharap attako coṭaʹkolaʹ lagone.
Jisute miṭiʹ kusṭo rugi manjakidie
(Mothi 8:1-4; Luk 5:12-16)
40Miʹdin miṭiʹ kusṭo rugi hiʹketeʹ Âniṭheʹ nehor ar ukrumketeʹ metakidie, "Am ichâlekheʹgi ing sâfâ darengam."
41Âni âdmi cetanre Jisuoaʹ aima maya hontaya. Âni ti lahaketeʹ joṭetketeʹ menkede, "Ingho inâgi koing am sâfâʹme." 42Ar tâkhnigi âni kusṭo rugido sâfâgene.
43Jisute âni tâkhnigi bidâi makidie, kheʹ ana lahare âni koṛaketeʹ metakidie, 44"Lelme, niâ katha ekegi alo lâiokoam. Am borong purohitkoṭheʹ caketeʹ nije udugob ar am je sâfâkanam na âdmiko uduʹko laʹte Mosi akaṭaʹ utsorgelaʹ menkade ana utsorgem. Niâte promanoʹhaʹ je, am sâfâkanam." 45Kheʹ âni âdmi baherre caketeʹ sanam jagare niâ khobor procarlaʹ lagone. Analaʹ Jisudo ar sodorte aka sohorreho bang bolodarelene. Âni sansun jagare tahenlaʹ hontaya, taoreho âdmiko sanam jagakhoiʹ Âniṭheʹ hijuʹlaʹ lagonako.
Currently Selected:
Mark 1: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mark 1
1
Bâptisma emoiʹ Johonaʹ procar
(Mothi 3:1-12; Luk 3:1-9, 15-17; Johon 1:19-28)
1Issorren Hopon Jisu Khrisṭoaʹ bisoite manja khobornaʹ ehob, 2nâbi Jisaioaʹ boire Issoraʹ men niâ katha ol menaʹa,
"Lelme, ingte ingren khobor emoʹiʹ amaʹ lahare koleikâning.
Âni Amaʹ ḍahar sapretamheʹ." #Malakhi 3:1
3"Sansun jagare miʹhor garjoketeʹ baṛesokokane,
'Apedo Probhuoaʹ ḍahar sapretaipe.
Ânioaʹ ḍahar sojhetaipe.'"#Jisaio 40:3
4Analaʹte bâptisma emoʹiʹ Johon hiʹne, ânite sansun jagare bâptisma makosane ar pap khoiʹ map nam laʹte mon âcurnaʹ bâptisma procarlaʹ lagone. 5Anate Jihudiâ ar Jirusalemren aima âdmi âniṭheʹ caʹlaʹ lagonako. Angko nije nijeoaʹ pap sikârketeʹ Jordon Gangare Johonṭheʹ bâptisma engeledako.
6Johon uṭaʹ upnaʹ lugri bhandesane ar âniaʹ ḍaṛare hartanaʹ belte tol tahalentaya. Âni sosreʹ ar birren ṭangnakoaʹ rase nuisane.
7Âni procarsane, "Ingâʹ tayomte emon miʹhor hijuʹheʹ, ekedo ing khoiʹho suktisâligie, ukṛumketeʹ Ânioaʹ janganaʹ jutânaʹ fitâ lareyaʹ joggo ing bangkâning. 8Ingte ape daʹre bâptisma mapekâning, kheʹ Ânitedo ape pobitro attate bâptisma mapeheʹ."
Probhu Jisuoaʹ bâptisma
(Mothi 3:13-17; Luk 3:21-22)
9Ana somai Jisudo Gâlil prodisâmnaʹ Nasarot khoiʹ hiʹne ar Johonte Ânido Jordon Gangare bâptisma makidie. 10Daʹ khoiʹ rakab hijuʹ sao saotigi Âni lelkede, serma cirâgena ar pobitro atta paroa lakaketeʹ Âni cetanre agro hijuʹkane. 11Ar sorgo khoiʹ niâ katha atenna, "Amgi Ingren dulârniʹ hoponkanam. Ing amre aima sontusṭogiying."
Jisuoaʹ porikkha
(Mothi 4:1-11; Luk 4:1-13)
12Niâtayom pobittro attate Jisu sansun jagare idikidie. 13Aṛe Ânido cullis din tahelene, ana somai Soitante Ânido aima lobh uduʹoisane. Ar birren janoarkoho aṛedo tahelenako, kheʹ sorgodutkote Ânido jotonisanako.
Gâlilre Jisuoaʹ kâmi ehob
(Mothi 4:12-17; Luk 4:14-15)
14Johon jelkhanare bundi tayom Jisu Gâlilre cane, ar aṛe Issoraʹ manja khobor procarlaʹ lagone. 15Jisu menkede, "Somai hiʹngekana, Issoraʹ rajjodo aima sorre. Ape papnaʹ ḍahar khoiʹ mon âcurtenpe ar Issoraʹ manja khoborre pâtyuʹpe."
Cela atang
(Mothi 4:18-22; Luk 5:1-11)
16Gâlil marang ganganaʹ kandhatora caʹ caʹte Jisudo Simon ar âniren boiha Andrio gangare jal girite lelkeʹkine, karon ângkinte hako sabkosanakin. 17Jisute ângkin metakeʹkine, "Ing panjangban, Ingte aban Issor laʹte âdmi sab jâilâ banobanhuʹ," 18Ar tâkhnigi Simon ar Andriodo âkinaʹ jal bâgiketeʹ Jisu saote calonâkin.
19Aṛe khoiʹ thoṛa sâhingre caʹ tayom Jisudo Sibdioren baran gidrâ Jakob ar âniren boiha Johon lelnamkeʹkine. Ângkindo âkinaʹ lâukâre duruʹketeʹ jal ṭhiktensanakin. 20Jisute ângkin ṭâhukeʹkine, ar ângkinte ângkinren bot Sibdio bhaṛauniʹ kâmi âdmi saote lâukâre dohoketeʹ ângkindo Jisu saote calogenakin.
Miṭiʹ kharap attate namiʹ âdmi manjane
(Luk 4:31-37)
21Niâtayom Jisudo celako laite Kofornâhum sohorre cane. Ar jiruʹaʹ dinre Ânido somaj oraʹre caketeʹ âdmiko cetʹokolaʹ lagone. 22Jisuoaʹ cetaʹ atenketeʹ sanamkhoiʹ asarjonako, karon Ânite dhormo masṭarko lakado bang cetʹokosane borong ekeoaʹ khomota menaʹa angkaniʹ âdmi lakagi cetʹokosane. 23Ana somaj oraʹre hoṭhat kharap attate namiʹ miṭiʹ âdmi garjoketeʹ menkede, 24"He Nasarotio Jisu, amdo aleṭheʹ itâʹ koidam? Amte ki ale dhongsolelaʹ hiʹkanam? Ing baṛeing amdo ekekanam, amdo Issorren Âni pobitro âdmikanam."
25Kheʹ Jisute ânido dhamkoketeʹ metakidie, "Thirup! Nâi bhitâr khoiʹ oṛoʹgen!" 26Sao saotigi kharap attate âni âdmido peterkidie ar aima jore garjoketeʹ âni bhitâr khoiʹ oṛoʹgene.
27Niâ lelʹketeʹ sanamkhoiʹ obakketeʹ nijeoaʹ talare menlaʹ lagonako, "Niâdo itâʹ bepar? Niâdo ki miṭiʹ naoa cetʹaʹkana? Khomota saote Ânite kharap attako hukum makoe ar angkote Âni maneyako." 28Ar sao saotigi Gâlilnaʹ sanam oncolre Jisuoaʹ katha saṭlaka pasnogena.
Jisute aima âdmi manjakeʹkoe
(Mothi 8:14-17; Luk 4:38-41)
29Tâkhni Jisu ar Aiʹren celakodo somaj oraʹ bâgiketeʹ Jakob ar Johon saote soja Simon ar Andrioaʹ oraʹre canako. 30Aṛe Simonren anhartetdo ruâte gitiʹ tahelene. Ar angkotedo sao saotigi âniaʹ ruânaʹ kathado Jisu lâiodiâko. 31Jisu âniṭheʹ cane ar âniaʹ ti sabketeʹ beretʹkidie, ar sao saotigi âniaʹ ruâ coṭaʹgentaya ar Jisute angko sebakolaʹ lagone.
32Bela ḍubu tayom âyuplenkheʹ, âdmikote aima ruâ ar kharap attate namiʹ âdmiko Jisuṭheʹ âgukeʹkoako. 33Ar sohorren aima âdmido ana oraʹnaʹ duârre jaoranako. 34Ânite aima ruâ rugikodo aima lakanaʹ ruâ khoiʹ manjakeʹkoe ar âdmikoaʹ bhitâr khoiʹ kharap attako tâṛyukeʹkoe. Kheʹ Ânitedo kharap attako itâʹ kathaho bang mensoleʹkoe, karon angkote Âni cinhuisanako.
Manja Khobor procar laʹte Jisuoaʹ sapro
(Luk 4:42-44)
35Tayom hiluʹ setaʹgoʹ laharigi Jisudo oraʹ khoiʹ oṛoʹgene ar sansun jagare caketeʹ koijonglaʹ lagone. 36Simon ar âniren gateko ekekodo Jisu saote tahelenako, angkote Ânido sendrailaʹ oṛoʹgenako. 37Tayomte Jisu lel namketeʹ metakidiako, "Sanamkhoite am sendramikanako."
38Kheʹ Ânitedo angko metakeʹkoe, "Delabon, abodo eṭaʹ sohorre caʹabo. Jate aṛeho Ing procar dareʹing, karon analaʹtigi Ingdo hiʹkânig." 39Anate Ânido goṭa Gâlil prodisâmnaʹ aima somaj oraʹre caketeʹ procarlaʹ ar kharap attako coṭaʹkolaʹ lagone.
Jisute miṭiʹ kusṭo rugi manjakidie
(Mothi 8:1-4; Luk 5:12-16)
40Miʹdin miṭiʹ kusṭo rugi hiʹketeʹ Âniṭheʹ nehor ar ukrumketeʹ metakidie, "Am ichâlekheʹgi ing sâfâ darengam."
41Âni âdmi cetanre Jisuoaʹ aima maya hontaya. Âni ti lahaketeʹ joṭetketeʹ menkede, "Ingho inâgi koing am sâfâʹme." 42Ar tâkhnigi âni kusṭo rugido sâfâgene.
43Jisute âni tâkhnigi bidâi makidie, kheʹ ana lahare âni koṛaketeʹ metakidie, 44"Lelme, niâ katha ekegi alo lâiokoam. Am borong purohitkoṭheʹ caketeʹ nije udugob ar am je sâfâkanam na âdmiko uduʹko laʹte Mosi akaṭaʹ utsorgelaʹ menkade ana utsorgem. Niâte promanoʹhaʹ je, am sâfâkanam." 45Kheʹ âni âdmi baherre caketeʹ sanam jagare niâ khobor procarlaʹ lagone. Analaʹ Jisudo ar sodorte aka sohorreho bang bolodarelene. Âni sansun jagare tahenlaʹ hontaya, taoreho âdmiko sanam jagakhoiʹ Âniṭheʹ hijuʹlaʹ lagonako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh