Johon 9
9
Andhra âdmi lelnamkede
1Ḍaharte caʹ somai Jisute miṭiʹ andhra âdmi lelnamkidie. Ânido janam khoiʹgi andhra tahalene. 2Tâkhni celakote Jisu kulikidiako, "Guru, ekeyaʹ papte nâi âdmido andhraketeʹ janamkane? Âni nijeyaʹ se aiʹren engat botaʹ papte?"
3Jisu menkede, "Ânido nijeho bang papkade, âniren engat botho bang papkadakin. Niâdo hokana jate Issoraʹ kâmi âniaʹ talate pasnoʹa. 4Jete Ing kolkâdinge, bela tahan tahante Âniaʹ kâmi rikâdo aboaʹ dorkar. Nindâ hijuʹkana tâkhni ekeho oho kâmi dareʹako. 5Ing tiniʹdin dhârtire miningâ Inggi dhârtiniʹ marsalkâning."
6Niâ katha men tayom Âni hasre thuketeʹ losotʹkede. Inâtayom Ânido ana losot andhraoaʹ metʹre lagatʹkede. 7Âni menkede, "Cap, Siloho pukhrire caketeʹ hâtumop." Siloho mane kolhona.
Âni âdmi hâtumne ar lelnamketeʹ âcur hiʹne. 8Tâkhni sorniʹ âdmikote ar jekote âni lahare lellidiako, angkodo menlaʹ lagonako nâido ki âni âdmi bangkane ekedo duruʹ duruʹte koisane?"
9Ekekodo menkedako, "He, nigito âni âdmikane." Arho ekekodo menkedako, "Judiho lelte âni lakane kheʹ ânido bangkane."
Kheʹdo âni âdmi nijegi menkede, "He, inggi âni âdmikâning."
10Angkote âni metakidiako, "Kheʹ kalkate amdo lelnamdam?"
11Âni menkede, "Miṭiʹ âdmi ekedo Jisu nutumte ṭâhuiako Ânitedo losotketeʹ ingâʹ metʹre lagatketeʹ metakidinge, 'Siloho pukhrire caketeʹ hâtumop.' Ing cakete hâtumning ar lelnamkiding."
12Angkote âni metakidiako, "Âni âdmido akare?"
Âni menkede, "Ingdo bang baṛeing."
Forisiko duk namkedako
13Je âdmi andhra tahalene âdmikote ânido Forisi netakoṭheʹ idikidiako. 14Akahiluʹ Jisute losotkete âniaʹ metʹre lagatʹketeʹ metʹ manjaleʹtaie ana hiluʹdo tahalena jiruʹaʹ din. 15Niâlaʹte ânido Forisikote arho kulikidiako, "Am kalkaketeʹ lelnamkedam?"
Ânite Forisiko metakeʹkoe, "Ânido Ingâʹ metʹ cetanre losot lagatʹkede, ar ingdo hâtumoʹtigi lelnamkiding."
16Niâte Forisiko talakhoiʹ koekṭeʹ menkedako, "Âni âdmido Issorṭheʹ khoiʹ bang hiʹkane, karon Ânido jiruʹaʹ din bang palone."
Eṭaʹ Forisiko menkedako, "Eke âdmi pâpigie ânido kalkate nangkanaʹ asarjo kâmi rikâ dareʹe?" Nengkaketeʹ angko talare motna omil lelnamna.
17Tâkhni angkote âni âdmi arho kulikidiako, "Amdo Âniaʹ somporke itâʹ menam? Karon Âniteto amaʹgi metʹ manjakaʹtame."
Âni âdmido menkede, "Ânido miṭiʹ nâbikane."
18Kheʹ Jihudi netakote âni âdmiren engat bot ṭâhuketeʹ bang kulikin dhâbiʹ bang pâtyulenako je, âni âdmi lahate andhragi tahalene ar nitoʹdo lelnamde. 19Angkote âni âdmiren engat bot kulikeʹkinâko, "Nâi ki abanren âni gidrâkane ekeyaʹ somporkedo menaban je, ânido andhraketeʹ janamlene? Nitoʹ ânido kalkate lelnamde?"
20Âniren engat bot menkedakin, "Âlingdo baṛeyâling nâido hone âlingren gidrâkane, ar nâido andhraketeʹgi janamlene. 21Kheʹ kalkate ânido nitoʹ lelnamde anado âling bang baṛeyâling, ar ekete je âniaʹ metʹ manjakaʹtaye anaho bang baṛeyâling. Âniaʹdo boyos hokantaia, ânigi kuliyipe. Ânido aiaʹ bisoi aiʹgi menmane." 22Âniren engat botdo Jihudi netakoaʹ botorte niâko katha menkedakin, karon Jihudi netakodo laharigi ṭhikledako je, jahetigi judi Jisu "Khrisṭo" mente sikâriâko tahale ânido somaj oraʹ khoiʹ oṛoʹgiri hoʹhaʹ. 23Anate âniren engat botdo menledakin, "Âniaʹ boyos hokantaia, ânigi kuliyipe."
24Angko netakote dosrahale âni andhra âdmi ṭâhuketeʹ metakidiako, "Aleto baṛeyale Âni âdmido miṭiʹ pâpikane. Niâlaʹte am sâriaʹ katha menketeʹ Issoraʹ gourobme."
25Tâkhni ânido menkede, "Âni pâpikane se bang anado ingdo bang baṛeing. Miṭiʹ bisoi baṛeing je, lahate ing andhra tahalining ar nitoʹdo lelnamding."
26Netako menkedako, "Ânite am cikâkaʹmie? Kalkate Ânite amaʹ metʹ manjakaʹtame?" 27Âni âdmite angko metakeʹkoe, "Ingteto laharigi ape metakaʹpeing, kheʹ apedo bang atenkadape. Tahale ceklaʹ apedo arho atenlaʹ namdape? Ape ki Âniren cela hoʹlaʹ namdape?"
28Niâte netakote âni âdmi aima aleʹberaketeʹ metakidiako, "Amdo Âni âdmiren celakanam, kheʹ aledo Mosiren celakanale. 29Aledo baṛeyale Issor Mosi saote katha menkade, kheʹ Âni âdmido akare khoiʹ hiʹkane anado ale bang baṛeyale."
30Tâkhni âni âdmite angko metakeʹkoe, "Niâgi hona miṭiʹ asarjo bisoi je, apedo bang baṛeyape Ânido akare khoiʹ hiʹkane, taoho Ânite ingâʹ metʹ manjakaʹtinge. 31Aledo baṛeyale je Issortedo pâpikoaʹ katha bang atentakoe. Kheʹ judi jahe âdmi Issorren bhokto hoʹako ar Âniaʹ icchâ laka kâmiako tahale Issorte angkoaʹ katha atentakoe. 32Dhârti teyarnaʹ tayom khoiʹ tinreho bang atenkana janam khoiʹ andhra emon jahe âdmiaʹ metʹ jahegi manjakadako. 33Judi Âni Issorṭheʹ khoiʹ bang hijuʹehote tahale itâʹgi bang rikâ dareʹehote."
34Netakote âni metakidiako, "Am ekebaregi papre janam engekadam, ar amte ale cedlekanam?" Tâkhni angkote âni somaj khoiʹ oṛoʹgirikidiako.
35Jisu atenkede je, netakote ânido somaj oraʹ khoiʹ oṛoʹgirikâdiako. Tayomte Ânite âni âdmido sendra namketeʹ metakidie, "Amte ki âdmi hopon pâtyuoiam?"
36Âni menkede, "Probhu, ânido ekekane, ing lâiong jate ingdo âni cetanre pâtyu darening."
37Jisute âni metakidie, "Amte Âni lelkâdiâm, ar Ânigi am saote katha mende."
38Tâkhni âni âdmido menked, "Probhu, Ing pâtyuʹing." Niâ menketeʹ ânite Jisu ḍoboʹketeʹ Issoraʹ sonman makidie.
39Tâkhni Jisu menkede, "Ingdo na dhârtire bicâr laʹte hiʹkâning, jate ekeko bang lelnamako angko lelnamako ar ekeko lelnamako angko jate andhroʹako. 40Koekṭeʹ Forisikoho Jisu saote tahalenako. Angkodo niâ katha atenketeʹ Jisu metakidiako, "Tahale am ki menla namdam je, aledo andhragiâle?" 41Jisute angko metakeʹkoe, "Ape judi andhra hoʹapehote tahale apeyaʹdo jahan pap bang tahantapeyaʹhote. Kheʹ apedo menape je, apedo lelnamape, analaʹte apeyaʹdo pap tahegenkantapeya.
Currently Selected:
Johon 9: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Johon 9
9
Andhra âdmi lelnamkede
1Ḍaharte caʹ somai Jisute miṭiʹ andhra âdmi lelnamkidie. Ânido janam khoiʹgi andhra tahalene. 2Tâkhni celakote Jisu kulikidiako, "Guru, ekeyaʹ papte nâi âdmido andhraketeʹ janamkane? Âni nijeyaʹ se aiʹren engat botaʹ papte?"
3Jisu menkede, "Ânido nijeho bang papkade, âniren engat botho bang papkadakin. Niâdo hokana jate Issoraʹ kâmi âniaʹ talate pasnoʹa. 4Jete Ing kolkâdinge, bela tahan tahante Âniaʹ kâmi rikâdo aboaʹ dorkar. Nindâ hijuʹkana tâkhni ekeho oho kâmi dareʹako. 5Ing tiniʹdin dhârtire miningâ Inggi dhârtiniʹ marsalkâning."
6Niâ katha men tayom Âni hasre thuketeʹ losotʹkede. Inâtayom Ânido ana losot andhraoaʹ metʹre lagatʹkede. 7Âni menkede, "Cap, Siloho pukhrire caketeʹ hâtumop." Siloho mane kolhona.
Âni âdmi hâtumne ar lelnamketeʹ âcur hiʹne. 8Tâkhni sorniʹ âdmikote ar jekote âni lahare lellidiako, angkodo menlaʹ lagonako nâido ki âni âdmi bangkane ekedo duruʹ duruʹte koisane?"
9Ekekodo menkedako, "He, nigito âni âdmikane." Arho ekekodo menkedako, "Judiho lelte âni lakane kheʹ ânido bangkane."
Kheʹdo âni âdmi nijegi menkede, "He, inggi âni âdmikâning."
10Angkote âni metakidiako, "Kheʹ kalkate amdo lelnamdam?"
11Âni menkede, "Miṭiʹ âdmi ekedo Jisu nutumte ṭâhuiako Ânitedo losotketeʹ ingâʹ metʹre lagatketeʹ metakidinge, 'Siloho pukhrire caketeʹ hâtumop.' Ing cakete hâtumning ar lelnamkiding."
12Angkote âni metakidiako, "Âni âdmido akare?"
Âni menkede, "Ingdo bang baṛeing."
Forisiko duk namkedako
13Je âdmi andhra tahalene âdmikote ânido Forisi netakoṭheʹ idikidiako. 14Akahiluʹ Jisute losotkete âniaʹ metʹre lagatʹketeʹ metʹ manjaleʹtaie ana hiluʹdo tahalena jiruʹaʹ din. 15Niâlaʹte ânido Forisikote arho kulikidiako, "Am kalkaketeʹ lelnamkedam?"
Ânite Forisiko metakeʹkoe, "Ânido Ingâʹ metʹ cetanre losot lagatʹkede, ar ingdo hâtumoʹtigi lelnamkiding."
16Niâte Forisiko talakhoiʹ koekṭeʹ menkedako, "Âni âdmido Issorṭheʹ khoiʹ bang hiʹkane, karon Ânido jiruʹaʹ din bang palone."
Eṭaʹ Forisiko menkedako, "Eke âdmi pâpigie ânido kalkate nangkanaʹ asarjo kâmi rikâ dareʹe?" Nengkaketeʹ angko talare motna omil lelnamna.
17Tâkhni angkote âni âdmi arho kulikidiako, "Amdo Âniaʹ somporke itâʹ menam? Karon Âniteto amaʹgi metʹ manjakaʹtame."
Âni âdmido menkede, "Ânido miṭiʹ nâbikane."
18Kheʹ Jihudi netakote âni âdmiren engat bot ṭâhuketeʹ bang kulikin dhâbiʹ bang pâtyulenako je, âni âdmi lahate andhragi tahalene ar nitoʹdo lelnamde. 19Angkote âni âdmiren engat bot kulikeʹkinâko, "Nâi ki abanren âni gidrâkane ekeyaʹ somporkedo menaban je, ânido andhraketeʹ janamlene? Nitoʹ ânido kalkate lelnamde?"
20Âniren engat bot menkedakin, "Âlingdo baṛeyâling nâido hone âlingren gidrâkane, ar nâido andhraketeʹgi janamlene. 21Kheʹ kalkate ânido nitoʹ lelnamde anado âling bang baṛeyâling, ar ekete je âniaʹ metʹ manjakaʹtaye anaho bang baṛeyâling. Âniaʹdo boyos hokantaia, ânigi kuliyipe. Ânido aiaʹ bisoi aiʹgi menmane." 22Âniren engat botdo Jihudi netakoaʹ botorte niâko katha menkedakin, karon Jihudi netakodo laharigi ṭhikledako je, jahetigi judi Jisu "Khrisṭo" mente sikâriâko tahale ânido somaj oraʹ khoiʹ oṛoʹgiri hoʹhaʹ. 23Anate âniren engat botdo menledakin, "Âniaʹ boyos hokantaia, ânigi kuliyipe."
24Angko netakote dosrahale âni andhra âdmi ṭâhuketeʹ metakidiako, "Aleto baṛeyale Âni âdmido miṭiʹ pâpikane. Niâlaʹte am sâriaʹ katha menketeʹ Issoraʹ gourobme."
25Tâkhni ânido menkede, "Âni pâpikane se bang anado ingdo bang baṛeing. Miṭiʹ bisoi baṛeing je, lahate ing andhra tahalining ar nitoʹdo lelnamding."
26Netako menkedako, "Ânite am cikâkaʹmie? Kalkate Ânite amaʹ metʹ manjakaʹtame?" 27Âni âdmite angko metakeʹkoe, "Ingteto laharigi ape metakaʹpeing, kheʹ apedo bang atenkadape. Tahale ceklaʹ apedo arho atenlaʹ namdape? Ape ki Âniren cela hoʹlaʹ namdape?"
28Niâte netakote âni âdmi aima aleʹberaketeʹ metakidiako, "Amdo Âni âdmiren celakanam, kheʹ aledo Mosiren celakanale. 29Aledo baṛeyale Issor Mosi saote katha menkade, kheʹ Âni âdmido akare khoiʹ hiʹkane anado ale bang baṛeyale."
30Tâkhni âni âdmite angko metakeʹkoe, "Niâgi hona miṭiʹ asarjo bisoi je, apedo bang baṛeyape Ânido akare khoiʹ hiʹkane, taoho Ânite ingâʹ metʹ manjakaʹtinge. 31Aledo baṛeyale je Issortedo pâpikoaʹ katha bang atentakoe. Kheʹ judi jahe âdmi Issorren bhokto hoʹako ar Âniaʹ icchâ laka kâmiako tahale Issorte angkoaʹ katha atentakoe. 32Dhârti teyarnaʹ tayom khoiʹ tinreho bang atenkana janam khoiʹ andhra emon jahe âdmiaʹ metʹ jahegi manjakadako. 33Judi Âni Issorṭheʹ khoiʹ bang hijuʹehote tahale itâʹgi bang rikâ dareʹehote."
34Netakote âni metakidiako, "Am ekebaregi papre janam engekadam, ar amte ale cedlekanam?" Tâkhni angkote âni somaj khoiʹ oṛoʹgirikidiako.
35Jisu atenkede je, netakote ânido somaj oraʹ khoiʹ oṛoʹgirikâdiako. Tayomte Ânite âni âdmido sendra namketeʹ metakidie, "Amte ki âdmi hopon pâtyuoiam?"
36Âni menkede, "Probhu, ânido ekekane, ing lâiong jate ingdo âni cetanre pâtyu darening."
37Jisute âni metakidie, "Amte Âni lelkâdiâm, ar Ânigi am saote katha mende."
38Tâkhni âni âdmido menked, "Probhu, Ing pâtyuʹing." Niâ menketeʹ ânite Jisu ḍoboʹketeʹ Issoraʹ sonman makidie.
39Tâkhni Jisu menkede, "Ingdo na dhârtire bicâr laʹte hiʹkâning, jate ekeko bang lelnamako angko lelnamako ar ekeko lelnamako angko jate andhroʹako. 40Koekṭeʹ Forisikoho Jisu saote tahalenako. Angkodo niâ katha atenketeʹ Jisu metakidiako, "Tahale am ki menla namdam je, aledo andhragiâle?" 41Jisute angko metakeʹkoe, "Ape judi andhra hoʹapehote tahale apeyaʹdo jahan pap bang tahantapeyaʹhote. Kheʹ apedo menape je, apedo lelnamape, analaʹte apeyaʹdo pap tahegenkantapeya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh