Johon 8
8
Bebhicârini rejaoaʹ bicâr
1Kheʹ Jisudo Joitun burure cane. 2Porahiluʹ aima setaʹre Jisudo arho Mundirre cane ar sanam âdmi âniṭheʹ hiʹnako. Tâkhni Jisute duruʹketeʹ angko cetʹokolaʹ lagone. 3Emon somai dhormo masṭar ar Forisikote miṭiʹ bebhicâri reja Âniṭheʹ âgukidiako ar angko talare tengokidiako. 4Tâkhni angko dhormo masṭar ar Forisikote Jisu metakidiako, "Guru, ni reja bebhicârkade ar sabnamkane. 5Mosiaʹ ânre nengkaniʹ rejakodo dirite capatʹketeʹ goiʹgirikoaʹ hukum ale makaʹleye. Kheʹ am itâʹ mendam?"
6Angkote Jisu purikkhai laʹte niâ katha metakidiako, jate angkodo âniaʹ nutumte miṭiʹ dos uduʹ dareʹtayako. Tâkhni Jisu tirupkete kâṭupte hasre olla lagone. 7Jâkhni angkote barbar Âni kuliyilaʹ lagonako, tâkhni Ânite beretʹketeʹ angko metakeʹkoe, "Ape talare je bang papkade ânitigi palhere ânido diṛite capatimane." 8Niâtayom Âni abar tirupketeʹ hasre olla lagone.
9Niâ katha atenketeʹ angko harme netako talare harme âdmi khoiʹ suruketeʹ miṭiʹ miṭiʹketeʹ sanamkhoiʹ cangenako. Jisu khâli eklai tahane ar âni reja Âni samangre tengo tahalene. 10Jisute beretʹketeʹ âni reja metakidie, "Angkodo akare? Ekeho ki am sâsti mamaʹ upujukto bang monekadako?" 11Âni reja menkede, "Bang Probhu, ekegi bang monekadako."
Tâkhni Jisu menkede, "Ingho bang moneding. Accha cap, nit khoiʹ ar alo papam."
Probhu Jisu dhârtiniʹ marsal
12Tayomte Jisute arho âdmiko metakeʹkoe, "Inggi dhârtiniʹ marsalkâning. Je Ingâʹ ḍaharre caʹe ânido tinreho nutre bang janga giṛie, borong marsal namheʹ akaṭaʹdo jiui emoʹe."
13Anate Forisikote Jisu metakidiako, "Amaʹ kathado bang sâria, karon amdo nijeyaʹ pokkhe nijegi sakkho maʹkanam."
14Jisute angko metakeʹkoe, "Judiho Ing nijeyaʹ somporke nijegi sakkho maʹing, taoho Ingâʹ sakkhodo sârigtingâ. Karon Ing akare khoiʹ hiʹkâning ar akare caʹkâning anado Ing baṛeing. Kheʹ Ing akare khoiʹ hiʹkâning ar akare caʹkâning anado ape bang baṛeyape. 15Âdmiko alkaketeʹ bicârako apeho engkaketeʹgi bicârape, kheʹ Ingdo ekeyaʹgi bang bicâring. 16Kheʹ Ing judi tinreho bicâring tahale Ingâʹ ana bicâr sârigiâ, karon Ingdo eklaido bangkâning. Ingto miningâ ar jete Ing kolkâdinge Âni Babaho Ing saote miniâ. 17Mosiaʹ ânre ol menaʹa barhor judi miʹlakagi sâkkhi maʹakin tahale anado sârigiâ. 18Ing nijegi Ingâʹ somporke sâkkhi maʹing, ar Ing jete kolkâdminge Âni Babaho Ingâʹ pokkhe sâkkhi maʹe."
19Forisikote Jisu metakidiako, "Amren bomdo akare?"
Jisu menkede, "Apete Ingho bang baṛengape ar Ingren Babaho bang baṛeiape. Judi apete Ing baṛengapehote tahale Ingren Babaho baṛeiapehote."
20Mundirre cetʹoko somai dannaʹ jagare Jisu niâko katha menkede. Kheʹ eketigi Âni bang sablidiako karon thâkniho Âniaʹ somai bang hokantaya.
Aiʹaʹ goiʹ bisoite Probhu Jisu menkede
21Jisute Forisiko arho metakeʹkoe, "Ing cangenkâning. Apete Ing sendrangpehaʹ, kheʹ apedo apeyaʹ papnaʹ talate gojoʹpehaʹ. Ing jeṭheʹ caʹkâning apedo aṛe oho hiʹdarenape."
22Tâkhni Jihudi netako menkedako, "Âni nijegi gojoʹheʹ sitâʹ? Karon Âni mende, 'Ing jeṭheʹ caʹkâning apedo aṛe oho hiʹdarenape.'"
23Jisute angko metakeʹkoe, "Ingdo sorgo khoiʹ hiʹkâning ar apedo dhârtirenkanape. Ar apedo na dhârtiniʹkanape kheʹ Ingdo na dhârtiniʹdo bangkâning. 24Inâte Ingte ape metapekâning, ape apeyaʹ papnaʹ talate gojoʹpehaʹ. Judi ape bang pâtyuʹape je, Inggi Ânikâning, tahale apeyaʹ papnaʹ talatigi apedo gojoʹpehaʹ."
25Tâkhni netakote âni ṭhaṭṭaketeʹ metakidiako, "Amdo ekekanam?"
Jisute angko metakeʹkoe, "Palhe khoiʹ Ingte ape ja metapekâning Ingdo inigiying. 26Ape somporke menaʹ ar bicâr laʹte Ingṭheʹ aima katha menaʹa. Kheʹ jete Ing kolkâdinge âniaʹ talare bedanaʹ bânuʹa, Ingdo âniṭheʹ ja atenkâding anagi dhârtiren âdmiko metakoing."
27Ânite angko je Aiʹren Botaʹ somporke metakosane anado angko bang bujhu dareledako. 28Niâlaʹte Jisu menkede, "Jâkhni apete Âdmi Hopon cetanre rakabipehaʹ tâkhni bujhu dareʹpehaʹ je, Inggi ânikâning. Ar niâho bujhu dareʹpehaʹ je, Ing nije khoiʹdo itâʹgi bang rikiying, borong Babate Ing jeko cetʹokâdinge Ingdo anako kathagi mening. 29Jete Ing kolkâdinge Ânigi Ing saote miniâ. Ânitedo Ing eklai bang bâgikâdinge, karon je kâmire âni kusiʹe Ing sanam somai ana kâmigi rikiying." 30Jisu jâkhni niâko katha mensane tâkhni aimahorgi Âni cetanre pâtyunako.
Abrahamren gidrâko
31Je Jihudikote âni pâtyulidiako Jisute angko metakeʹkoe, "Ingâʹ katha laka judi ape caʹape tahale sâriaʹgi apedo Ingren celakanape. 32Ana bâgiketeʹho ape sâriaʹ baṛe dareʹpehaʹ, ar ana sâriaʹtigi apedo bacopeheʹ."
33Jihudi netakote tâkhni Jisu metakidiako, "Abodo Abrahamren bongsokanabo, abodo tisreho ekerengi das bang hokanabo. Amdo kalkate mendam je, ale bacoʹlehaʹ?"
34Jisute angko metakeʹkoe, sâri sârigi Ingte ape metapekâning, jahegi pap kâmie ânido hone papniʹ das. 35Dasdo cirodin oraʹâdmi saote bang tahane kheʹ gidrâdo cirokal tahane. 36Anate Issorren Hopontetʹte judi ape bacopeye tahale sâriaʹgi apedo bacopeheʹ. 37Ingdo baṛeing apedo Abrahamren bongsoniʹ âdmikanape, kheʹ taoho apete Ing goiʹgiringlaʹ namdape, karon Ingâʹ katha apeyaʹ ontorre aka jagagi bang name. 38Ing Ingren Babaṭheʹ jagi lelkâding anagi mending, ar apedo aperen Babaṭheʹ khoiʹ ja atenkadape, anakogi rikâdape.
39Niâte angko Jihudi netate Jisu metakidiako, "Abrahamgi aleren Babakane."
Jisute angko metakeʹkoe, "Judi ape Abrahamren gidrâ hoʹapehote tahale Abraham lakagi kâmi rikiapehoteʹ. 40Issorṭheʹ khoiʹ je sâriaʹ Ing baṛekâding anagi ape metapekâning, ar taoho apete Ing goiʹgiringla namdape, kheʹ Abrahamdo nangkanaʹ bang rikâkade. 41Aperen Baba ja rikie apeho inâgi rikâdape."
Angkote Jisu metakidiako, "Aleyaʹ janam bebhicârketeʹdo bang hokantaleya, aleren miʹhorgi Baba miniâ, âni Babado hone Issor."
Diabolren gidrâko
42Jisute angko metakeʹkoe, "Issor judi aperen Baba hoʹehote, tahale apete Ing dulâringâpehote, karon Ingdo Issorṭheʹ khoiʹ hiʹkâning ar nitoʹ Ingdo ape talare miningâ. Ingdo nije khoiʹdo bang hiʹkâning, kheʹ Ânitigi Ingdo kolkâdinge. 43Ape ceklaʹ Ingâʹ katha bang bujhu dareʹkanape? Ananaʹ karondo hoʹkana, Ingâʹ katha atenketeʹ apedo bang saho dareʹkanape. 44Diaboldo hoʹkane aperen Baba ar apedo âniren gidrâkanape, analaʹte apedo âniaʹ icchâ puronlaʹ namdape. Diaboldo palhe khoiʹgiʹ khuni tahalene ar âni sâriaʹre bang tahane karon âniaʹ talare aka sâriaʹgi bânuʹa. Ânido jâkhni beda katha mene tâkhni anado nije khoiʹgi mene, karon ânido beda meniʹ âdmikane ar sanam bedanaʹ janamdo âni tala khoiʹgi hokana. 45Karon Ingdo sâriaʹ mening bole apetedo Ing bang pâtyungape. 46Ape talare ekete Ing pâpi mente proman darengpehaʹ? Judi Ing sâri katha mening, tahale ceklaʹ apetedo Ing bang pâtyungape? 47Je âdmi Issorrenkane, ânido Issoraʹ katha atene. Apedo Issorrendo bangkanape bole Issoraʹ katha bang atenape."
48Tâkhni Jihudi netakote Jisu metakidiako, "Ale ki bang ṭhik menkadale je, amdo miṭiʹ Somoriâkanam ar am kharap attate namkaʹmie?"
49Jisu menkede, "Ingdo kharap attate bang namkâdinge. Ingtedo Ingren Baba sonmaneying, kheʹ apete Ing osonmaningkanape. 50Ingdo Ingâʹ nijeyaʹ posongsalaʹ bang kurumuṭiying, kheʹ miʹhor miniâ jete Ing sonman danokâdinge, ar Ânigie bicârokdo. 51Ingte ape sâriaʹgi metapekâning, judi jahegi Ingâʹ katha manoketeʹ caʹako ânido tisho oho gojoʹe."
52Jihudi netakote Âni metakidiako, "Niâjhikâ aledo baṛekedale je, Amdo kharap attate sabkaʹmie. Abraham ar nâbikodo goiʹkanako, ar am mendam, 'Judi jahegi Ingâʹ katha manoketeʹ caʹako angkodo tisho oho gojoʹako.' 53Amdo ki Abraham khoiʹ maranggiâm? Ânito goiʹkane ar nâbikoho goiʹngekanako. Amdo nije itâʹ moneʹam?"
54Jisu menkede, "Judi Ing nijeyaʹ prosongsa nije mening tahale ananaʹdo jahan damgi bânuʹa. Ingren Baba, je apete aperen Issor mente dâbidape Ânitigi Ingdo sonman danonge. 55Apetedo Âni bang baṛeiape, kheʹ Ingtedo Âni baṛeing. Ing judi mening je Ânido bang baṛeing tahale ape laka Ingho miṭiʹ beda meniʹ âdmi hoʹinghâʹ. Kheʹ Ingtedo Âni baṛeing ar Âniaʹ katha manoketeʹ caʹing. 56Aperen Baba Abraham Ingâʹ din lella asate huboʹsane. Ânido ana lelsane ar kusiʹsane."
57Jihudi netakote Jisu metakidiako, "Amaʹ boyos nitho poncas bochor bang hokantama, ar Amte ki Abraham lelkâdiâm?" 58Jisute angko metakeʹkoe, "Sâri sârigi Ingte ape metapekâning Abrahamaʹ janamnaʹ laha khoiʹgi Ingdo miningâ." 59Niâ katha atenketeʹ angko netakotedo Jisu goiʹgiriyilaʹ namkedako anate Âni capadi laʹte diṛi halangkedako. Kheʹ Jisu nijegi baiketeʹ Mundir khoiʹ oṛoʹketeʹ cangene.
Currently Selected:
Johon 8: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Johon 8
8
Bebhicârini rejaoaʹ bicâr
1Kheʹ Jisudo Joitun burure cane. 2Porahiluʹ aima setaʹre Jisudo arho Mundirre cane ar sanam âdmi âniṭheʹ hiʹnako. Tâkhni Jisute duruʹketeʹ angko cetʹokolaʹ lagone. 3Emon somai dhormo masṭar ar Forisikote miṭiʹ bebhicâri reja Âniṭheʹ âgukidiako ar angko talare tengokidiako. 4Tâkhni angko dhormo masṭar ar Forisikote Jisu metakidiako, "Guru, ni reja bebhicârkade ar sabnamkane. 5Mosiaʹ ânre nengkaniʹ rejakodo dirite capatʹketeʹ goiʹgirikoaʹ hukum ale makaʹleye. Kheʹ am itâʹ mendam?"
6Angkote Jisu purikkhai laʹte niâ katha metakidiako, jate angkodo âniaʹ nutumte miṭiʹ dos uduʹ dareʹtayako. Tâkhni Jisu tirupkete kâṭupte hasre olla lagone. 7Jâkhni angkote barbar Âni kuliyilaʹ lagonako, tâkhni Ânite beretʹketeʹ angko metakeʹkoe, "Ape talare je bang papkade ânitigi palhere ânido diṛite capatimane." 8Niâtayom Âni abar tirupketeʹ hasre olla lagone.
9Niâ katha atenketeʹ angko harme netako talare harme âdmi khoiʹ suruketeʹ miṭiʹ miṭiʹketeʹ sanamkhoiʹ cangenako. Jisu khâli eklai tahane ar âni reja Âni samangre tengo tahalene. 10Jisute beretʹketeʹ âni reja metakidie, "Angkodo akare? Ekeho ki am sâsti mamaʹ upujukto bang monekadako?" 11Âni reja menkede, "Bang Probhu, ekegi bang monekadako."
Tâkhni Jisu menkede, "Ingho bang moneding. Accha cap, nit khoiʹ ar alo papam."
Probhu Jisu dhârtiniʹ marsal
12Tayomte Jisute arho âdmiko metakeʹkoe, "Inggi dhârtiniʹ marsalkâning. Je Ingâʹ ḍaharre caʹe ânido tinreho nutre bang janga giṛie, borong marsal namheʹ akaṭaʹdo jiui emoʹe."
13Anate Forisikote Jisu metakidiako, "Amaʹ kathado bang sâria, karon amdo nijeyaʹ pokkhe nijegi sakkho maʹkanam."
14Jisute angko metakeʹkoe, "Judiho Ing nijeyaʹ somporke nijegi sakkho maʹing, taoho Ingâʹ sakkhodo sârigtingâ. Karon Ing akare khoiʹ hiʹkâning ar akare caʹkâning anado Ing baṛeing. Kheʹ Ing akare khoiʹ hiʹkâning ar akare caʹkâning anado ape bang baṛeyape. 15Âdmiko alkaketeʹ bicârako apeho engkaketeʹgi bicârape, kheʹ Ingdo ekeyaʹgi bang bicâring. 16Kheʹ Ing judi tinreho bicâring tahale Ingâʹ ana bicâr sârigiâ, karon Ingdo eklaido bangkâning. Ingto miningâ ar jete Ing kolkâdinge Âni Babaho Ing saote miniâ. 17Mosiaʹ ânre ol menaʹa barhor judi miʹlakagi sâkkhi maʹakin tahale anado sârigiâ. 18Ing nijegi Ingâʹ somporke sâkkhi maʹing, ar Ing jete kolkâdminge Âni Babaho Ingâʹ pokkhe sâkkhi maʹe."
19Forisikote Jisu metakidiako, "Amren bomdo akare?"
Jisu menkede, "Apete Ingho bang baṛengape ar Ingren Babaho bang baṛeiape. Judi apete Ing baṛengapehote tahale Ingren Babaho baṛeiapehote."
20Mundirre cetʹoko somai dannaʹ jagare Jisu niâko katha menkede. Kheʹ eketigi Âni bang sablidiako karon thâkniho Âniaʹ somai bang hokantaya.
Aiʹaʹ goiʹ bisoite Probhu Jisu menkede
21Jisute Forisiko arho metakeʹkoe, "Ing cangenkâning. Apete Ing sendrangpehaʹ, kheʹ apedo apeyaʹ papnaʹ talate gojoʹpehaʹ. Ing jeṭheʹ caʹkâning apedo aṛe oho hiʹdarenape."
22Tâkhni Jihudi netako menkedako, "Âni nijegi gojoʹheʹ sitâʹ? Karon Âni mende, 'Ing jeṭheʹ caʹkâning apedo aṛe oho hiʹdarenape.'"
23Jisute angko metakeʹkoe, "Ingdo sorgo khoiʹ hiʹkâning ar apedo dhârtirenkanape. Ar apedo na dhârtiniʹkanape kheʹ Ingdo na dhârtiniʹdo bangkâning. 24Inâte Ingte ape metapekâning, ape apeyaʹ papnaʹ talate gojoʹpehaʹ. Judi ape bang pâtyuʹape je, Inggi Ânikâning, tahale apeyaʹ papnaʹ talatigi apedo gojoʹpehaʹ."
25Tâkhni netakote âni ṭhaṭṭaketeʹ metakidiako, "Amdo ekekanam?"
Jisute angko metakeʹkoe, "Palhe khoiʹ Ingte ape ja metapekâning Ingdo inigiying. 26Ape somporke menaʹ ar bicâr laʹte Ingṭheʹ aima katha menaʹa. Kheʹ jete Ing kolkâdinge âniaʹ talare bedanaʹ bânuʹa, Ingdo âniṭheʹ ja atenkâding anagi dhârtiren âdmiko metakoing."
27Ânite angko je Aiʹren Botaʹ somporke metakosane anado angko bang bujhu dareledako. 28Niâlaʹte Jisu menkede, "Jâkhni apete Âdmi Hopon cetanre rakabipehaʹ tâkhni bujhu dareʹpehaʹ je, Inggi ânikâning. Ar niâho bujhu dareʹpehaʹ je, Ing nije khoiʹdo itâʹgi bang rikiying, borong Babate Ing jeko cetʹokâdinge Ingdo anako kathagi mening. 29Jete Ing kolkâdinge Ânigi Ing saote miniâ. Ânitedo Ing eklai bang bâgikâdinge, karon je kâmire âni kusiʹe Ing sanam somai ana kâmigi rikiying." 30Jisu jâkhni niâko katha mensane tâkhni aimahorgi Âni cetanre pâtyunako.
Abrahamren gidrâko
31Je Jihudikote âni pâtyulidiako Jisute angko metakeʹkoe, "Ingâʹ katha laka judi ape caʹape tahale sâriaʹgi apedo Ingren celakanape. 32Ana bâgiketeʹho ape sâriaʹ baṛe dareʹpehaʹ, ar ana sâriaʹtigi apedo bacopeheʹ."
33Jihudi netakote tâkhni Jisu metakidiako, "Abodo Abrahamren bongsokanabo, abodo tisreho ekerengi das bang hokanabo. Amdo kalkate mendam je, ale bacoʹlehaʹ?"
34Jisute angko metakeʹkoe, sâri sârigi Ingte ape metapekâning, jahegi pap kâmie ânido hone papniʹ das. 35Dasdo cirodin oraʹâdmi saote bang tahane kheʹ gidrâdo cirokal tahane. 36Anate Issorren Hopontetʹte judi ape bacopeye tahale sâriaʹgi apedo bacopeheʹ. 37Ingdo baṛeing apedo Abrahamren bongsoniʹ âdmikanape, kheʹ taoho apete Ing goiʹgiringlaʹ namdape, karon Ingâʹ katha apeyaʹ ontorre aka jagagi bang name. 38Ing Ingren Babaṭheʹ jagi lelkâding anagi mending, ar apedo aperen Babaṭheʹ khoiʹ ja atenkadape, anakogi rikâdape.
39Niâte angko Jihudi netate Jisu metakidiako, "Abrahamgi aleren Babakane."
Jisute angko metakeʹkoe, "Judi ape Abrahamren gidrâ hoʹapehote tahale Abraham lakagi kâmi rikiapehoteʹ. 40Issorṭheʹ khoiʹ je sâriaʹ Ing baṛekâding anagi ape metapekâning, ar taoho apete Ing goiʹgiringla namdape, kheʹ Abrahamdo nangkanaʹ bang rikâkade. 41Aperen Baba ja rikie apeho inâgi rikâdape."
Angkote Jisu metakidiako, "Aleyaʹ janam bebhicârketeʹdo bang hokantaleya, aleren miʹhorgi Baba miniâ, âni Babado hone Issor."
Diabolren gidrâko
42Jisute angko metakeʹkoe, "Issor judi aperen Baba hoʹehote, tahale apete Ing dulâringâpehote, karon Ingdo Issorṭheʹ khoiʹ hiʹkâning ar nitoʹ Ingdo ape talare miningâ. Ingdo nije khoiʹdo bang hiʹkâning, kheʹ Ânitigi Ingdo kolkâdinge. 43Ape ceklaʹ Ingâʹ katha bang bujhu dareʹkanape? Ananaʹ karondo hoʹkana, Ingâʹ katha atenketeʹ apedo bang saho dareʹkanape. 44Diaboldo hoʹkane aperen Baba ar apedo âniren gidrâkanape, analaʹte apedo âniaʹ icchâ puronlaʹ namdape. Diaboldo palhe khoiʹgiʹ khuni tahalene ar âni sâriaʹre bang tahane karon âniaʹ talare aka sâriaʹgi bânuʹa. Ânido jâkhni beda katha mene tâkhni anado nije khoiʹgi mene, karon ânido beda meniʹ âdmikane ar sanam bedanaʹ janamdo âni tala khoiʹgi hokana. 45Karon Ingdo sâriaʹ mening bole apetedo Ing bang pâtyungape. 46Ape talare ekete Ing pâpi mente proman darengpehaʹ? Judi Ing sâri katha mening, tahale ceklaʹ apetedo Ing bang pâtyungape? 47Je âdmi Issorrenkane, ânido Issoraʹ katha atene. Apedo Issorrendo bangkanape bole Issoraʹ katha bang atenape."
48Tâkhni Jihudi netakote Jisu metakidiako, "Ale ki bang ṭhik menkadale je, amdo miṭiʹ Somoriâkanam ar am kharap attate namkaʹmie?"
49Jisu menkede, "Ingdo kharap attate bang namkâdinge. Ingtedo Ingren Baba sonmaneying, kheʹ apete Ing osonmaningkanape. 50Ingdo Ingâʹ nijeyaʹ posongsalaʹ bang kurumuṭiying, kheʹ miʹhor miniâ jete Ing sonman danokâdinge, ar Ânigie bicârokdo. 51Ingte ape sâriaʹgi metapekâning, judi jahegi Ingâʹ katha manoketeʹ caʹako ânido tisho oho gojoʹe."
52Jihudi netakote Âni metakidiako, "Niâjhikâ aledo baṛekedale je, Amdo kharap attate sabkaʹmie. Abraham ar nâbikodo goiʹkanako, ar am mendam, 'Judi jahegi Ingâʹ katha manoketeʹ caʹako angkodo tisho oho gojoʹako.' 53Amdo ki Abraham khoiʹ maranggiâm? Ânito goiʹkane ar nâbikoho goiʹngekanako. Amdo nije itâʹ moneʹam?"
54Jisu menkede, "Judi Ing nijeyaʹ prosongsa nije mening tahale ananaʹdo jahan damgi bânuʹa. Ingren Baba, je apete aperen Issor mente dâbidape Ânitigi Ingdo sonman danonge. 55Apetedo Âni bang baṛeiape, kheʹ Ingtedo Âni baṛeing. Ing judi mening je Ânido bang baṛeing tahale ape laka Ingho miṭiʹ beda meniʹ âdmi hoʹinghâʹ. Kheʹ Ingtedo Âni baṛeing ar Âniaʹ katha manoketeʹ caʹing. 56Aperen Baba Abraham Ingâʹ din lella asate huboʹsane. Ânido ana lelsane ar kusiʹsane."
57Jihudi netakote Jisu metakidiako, "Amaʹ boyos nitho poncas bochor bang hokantama, ar Amte ki Abraham lelkâdiâm?" 58Jisute angko metakeʹkoe, "Sâri sârigi Ingte ape metapekâning Abrahamaʹ janamnaʹ laha khoiʹgi Ingdo miningâ." 59Niâ katha atenketeʹ angko netakotedo Jisu goiʹgiriyilaʹ namkedako anate Âni capadi laʹte diṛi halangkedako. Kheʹ Jisu nijegi baiketeʹ Mundir khoiʹ oṛoʹketeʹ cangene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh