Mothi 21
21
Jisu Jirusalemw habkha
(Mark 11:1-11; Luk 19:28-40; Johon 12:12-19)
1Jisu bai Bini sagrirok tei borogrok Jirusalemni korekara phaikha tei Bwitphogi kamiyw suikha jebw Joipal Hapong koreyw. Aiphuo Jisu Bini sagri rokni bisingni kainwinw hokha, 2imwnw sagwi "Nokh o sakangni kamiyw thangdi. Orw suinai loge loge nokh nungnw koraitua masa khajak tongw tei bwbai madam koraitua masabw tongw. Obwnw khengwi Ani dayw twbwdi. 3Kaisaswk nokhnw mwngsaswk sakhalai nokh sadi, 'Imw Subraini nangw.' Obwbai aiphuose bw o koraituanw nokhnw honw."
4Imw ongkhadwi diyarirokni bisingtwi i kok sajajak obw soknaitwi: 5"Nini Siyon sajwk Jirusalemnw sadi,
Naidi, nini bugra nini dayw phaidok,
Bw koinene, tei koraituani sakagw achukjak,
koraitua madamni sakagw achugwi phaidok."#21:5 Sokhoriyo lobong 9: khep 9, Mothi lobong 21: khep 5
6Jisu o sagriroknw jekhalaywi tholjak bok thangwi arai khalaywi khlaikha. 7Bok o koraitua bai koraitua madamnw twbwkha tei o koraitua mangnwi sakagw bokni sakrokni gadu bogwi rwgwi paikhalai Jisu orw achukha. 8Kodur borog lama sakagw bokni basakni gadu bogwi rwkha. Kotherok bophang bedek tanwi lagwi lama sakagw salwi rwkha. 9Jebwrok Jisuni sakangw tei ukhumw thanglaidok bok chirikhogwi salaini nangkha,
"Hosanna,#21:9 "Hosanna, Hosanna ongkhadwi Oramiyoni kwrwngsa kok jebwni gatha ongkhadwi "Tabok tekhokdi" eba "Kaitorni lopma ongthwk " bugra Dayudni bosong!
Subraini mwngwi Jebw phaidok hamsa.
"Chukhao Kaitorni Hosanna!"
10Jephuo Jisu Jirusalemo habkha aiphuo aulini jotho jegao hurumuru ongwi thangkha. Jothobw swnglaini nanglaikha, "Bw swrw?"
11Borogrok sakha, "Bw ongkhadwi diyari, Galilni Nasarot kamini Jisu."
Noktharw Subrai Jisu
(Mark 11:15-19; Luk 19:45-48)
12Jerw Jisu noktharw habkha tei orw jebwrok phallaidok pailaidok boknw rwgwi hokha. Bw rang bodlainai borogrokni majwk tei jebwrok pharuk phallai bokni achuknai jeganw phiklai rwgwi hoka. 13Bw boknw sakha, "Kathar elembagw Kaitor sajak, 'Ani noknw surinai nok hinwi hinnw,' matwr nokh imwnw taidani gob rwlainai nok khalaywi tisakha."
14Jerw kana bai khorarok noktharw Jisuni dayw phaikha, tei Bw boknw hamrwkha. 15Matwr chontai ojarok tei kerongnal phwrangsa rok Bini amok chajanaijar samung nungkha. Bok noktharw cherokroknw chirigwi samani khanakha, "Hosanna, bugra Dayudni bosong!" Imwroknw nungwi bok aise thamchi kakha. 16Tei Jisunw sakha, "Khanakhadwi, o cherokrok tama sadok?"
Jisu boknw sakha, "Owk, khanajak. Elembagw nokh tama oaisabw pokrejiyadwi:
Cherok girarok tei kwlwirokni kok bisingw
Nwng sakni bagwi lobma jugaljak?"#21:16 Gitsongita 8:2
17Jerw Jisu boknw yakarwi aulini phatarw Bwithoniya kamiyw thangkha tei horw o jegao thuka.
Jisu dwrmw bophangnw sraimani
(Mark 11:12-14)
18Phurungw aulio philwi phaiphini Jisu ukhrijakha. 19Lama koreyw dwrmw bophang phangsa nungwi Bw bophang koriyw thangkha, matwr orw balaini bade mwngsabw nungliya. Aiphuo Bw o bophangnw hinba, "Arw oaisabw nini dayw bathai thaiyatwi." Tei aiphuo dwrmw bophang thwywi thangkha.
20Sagrirok obwnw nungwi amok chagwi sakha, "Dwrmw bophang atakkiya khalaywi tani thwiywi thangkha?"
21Joba rwgwi Jisu boknw sakha, "Ang nokhnw kwbwi kwbwise sadok, nokh khabaseya karwi paitokgw hingkhlai Ang jekhalaywi dwrmw bophangnw khalaikha nokhbw obotwijar khalaimannw. Keber obwya, matwr i hapongnwbw jwtini sagw, 'Bachagwi twijlangw thangwi bakhalaidi,' halai obwbw ongnw. 22Nokh paitogwi surimwng sanw hingkhlai nokh jebwnw binw obwnw mannw."
Raida ojarok Jisunw khabase kaha
(Mark 11:27-33; Luk 20:1-8)
23Jisu arwbw noktharni kholao phaikha, tei Bw jephini phwrwngdok aiphuo chontai ojarok tei okara chakararok Bini orw phaywi swngkha, "Nwng swrwni bagribai imwrok khalaidok? Swrw nwnw i bagri rwkha?"
24Jisu boknw sakha, "Ang nokhnw kok khoksa swngnw, arw nokh Anw obwnw sakhalai Angbw nokhnw sanai Ang swrwni bagribai imwroknw khalaidok. 25Halai nokh samanw, Johonni baptismo rwnai bagri bwrwni phaikha?"
Aiphuo bok sakni bai sak salailaywi sakha, "Chwng jwtini sagw, 'Kaitorni orwni,' Halai Bw sanw, 'Halai nokh bwnw tani paitokliya?' 26Arwbw, jwtini chwng sagw 'Borogni daini,' halai borogrokni dayw chini kirima tongw, tamni hinba Johonnw jothobw diyari hinwi maniyw."
27Aithani bok Jisunw sakha, "Chwng siya."
Aiphuo Jisu boknw sakha, "Halai Ang swrwni bagribai imwnw khalaidok, Angbw nokhnw saya."
Basa chala kainwini naisrwng
28Obwni jerw Jisu sakha, "Nokh tama bakha ka? Rumdi, borog kaisani chala basa kainwi tongw. O borogsa bini basa okarani dayw thangwi sakha, 'Tini nwng uamtwi bariyw thangwi samung tangdi.' 29Basala sakha, 'Ang thangya apha.' Matwr jerw bw kha phirogwi samungw thangkha. 30Aiphuo o borogsa basala girani dayw thangwi o koknw arwbw sakha. Basala gira joba rwgwi sakha, 'Ang thangdok,' matwr bw thangniya. 31I kainwini bisingw kwbwi kwbwini bophani muchukmanw swrw palekha?"
Aiphuo bok joba rwgwi saba, "Basala okara."
Jisu boknw saba, "Ang nokhnw daijw khalaywi sadok, ol kholuarok tei swinalirok nokhni sakangw Kaitorni auarw habdok. 32Tamni hinba Johon Kaitorni muchukmani kosol himni thangni lama phunokni bagwi nokhni dayw phaijak, arw nokh bwnw paitokjiya. Matwr ol kholuarok tei swinalirok bwnw paitokjak. Obwnw nungwibw nokh kha phirogwi bwnw paitokjiya.
Baga lanai hachuarokni naisrwng
(Mark 12:1-12; Luk 20:9-19)
33"Khanadi, arw kwrwngsa naisrwng sagana. Borog kaisa uamtwi bari khorsa khlaiwi obwnw kitingwi tengra rwkha. Jerw bw uamtwi phereywi uamtwi bwtwi khlaini bagwi kwrwngsa hakor khurha. Obwni jerw bw hachua rokni dayw o uamtwi barinw baga rwgwi buihao thangkha. 34Bathai mwnnai jorao bw o bathaini bagitanw twbwgwi phaini bagwi bini gabur roknw o hachuarokni dayw hoka. 35Matwr hachuarok o gabur roknw rumwi bokni bisingni kaisanw bukha, kaisanw buthalwi pairwkha tei arw kaisanw holong kokkha. 36Jerw bw pwilani naywi kabangma gabur roknw hokha, matwr hachuarok o gabur rokbaibw obwtwijar khalaikha.
37Uamtwi barini nophangsa paithakgw sakni basalanw hokha, Bw oansokma, 'Bok ani basanw borom rwnwna.' 38Matwr o hachuarok jephini nophangni basalanw nungkha ephuo sakni bisingw salaini nangkha, 'Imwse jerw rangrini pwingman ongnw. Himdi chwng bwnw buthalwi pairwgana, iswkhalai chwng rangrini nophang ongnw.' 39Bok bwnw rumwi o uamtwi barini phatarw tilangwi buthalwi pairwkha.
40"Halai sale, uamtwi barini nophang jephini phainw ephuo bw o hachua roknw tama khalainw?"
41Bok Jisunw sakha, "Bw o borog kikhiri roknw oaisagwi buthalwi pairwnw arw jebwrok bwnw bathai thainai jogw bathai bagita rwnw bokni dayw o uamtwi barinw baga rwnw." 42Jerw Jisu boknw sakha, "Nokh tama kathar Elembagw pokrejiya?
'Itangirirok yakhaknai holongse
jothoni naikhalai nangchuknai holong ongwi kasakha,
Subrai imwnw khalaikha,
arw obw chini mokolw amok nangw."
43Obwni bagwi Ang nokhnw sadok, Kaitorni auar nokhni daini swywi lanw arw imwtwijar borogroknw rwnw jebwrokni langmagw o auarni podia bathai nungjaknw.
44Je borog o holong sakagw kalainw bw baikhrubwi bechala bechala ongwi thangnw arw o holong jebwni sakagw kalainw bw bwdring ongwi thanw."
45Chontai ojarok tei Phorisirok Jisuni kokthupnw khanagwi bujikha Bw bokni kothoywse sadok. 46Aiphuo bok Jisunw rumni naikha, matwr borogroknw kiriywi obwnw khalainiya, tamni hinba borogrok Bwnw diyari hinwi bakha kagw.
Currently Selected:
Mothi 21: TPE
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 21
21
Jisu Jirusalemw habkha
(Mark 11:1-11; Luk 19:28-40; Johon 12:12-19)
1Jisu bai Bini sagrirok tei borogrok Jirusalemni korekara phaikha tei Bwitphogi kamiyw suikha jebw Joipal Hapong koreyw. Aiphuo Jisu Bini sagri rokni bisingni kainwinw hokha, 2imwnw sagwi "Nokh o sakangni kamiyw thangdi. Orw suinai loge loge nokh nungnw koraitua masa khajak tongw tei bwbai madam koraitua masabw tongw. Obwnw khengwi Ani dayw twbwdi. 3Kaisaswk nokhnw mwngsaswk sakhalai nokh sadi, 'Imw Subraini nangw.' Obwbai aiphuose bw o koraituanw nokhnw honw."
4Imw ongkhadwi diyarirokni bisingtwi i kok sajajak obw soknaitwi: 5"Nini Siyon sajwk Jirusalemnw sadi,
Naidi, nini bugra nini dayw phaidok,
Bw koinene, tei koraituani sakagw achukjak,
koraitua madamni sakagw achugwi phaidok."#21:5 Sokhoriyo lobong 9: khep 9, Mothi lobong 21: khep 5
6Jisu o sagriroknw jekhalaywi tholjak bok thangwi arai khalaywi khlaikha. 7Bok o koraitua bai koraitua madamnw twbwkha tei o koraitua mangnwi sakagw bokni sakrokni gadu bogwi rwgwi paikhalai Jisu orw achukha. 8Kodur borog lama sakagw bokni basakni gadu bogwi rwkha. Kotherok bophang bedek tanwi lagwi lama sakagw salwi rwkha. 9Jebwrok Jisuni sakangw tei ukhumw thanglaidok bok chirikhogwi salaini nangkha,
"Hosanna,#21:9 "Hosanna, Hosanna ongkhadwi Oramiyoni kwrwngsa kok jebwni gatha ongkhadwi "Tabok tekhokdi" eba "Kaitorni lopma ongthwk " bugra Dayudni bosong!
Subraini mwngwi Jebw phaidok hamsa.
"Chukhao Kaitorni Hosanna!"
10Jephuo Jisu Jirusalemo habkha aiphuo aulini jotho jegao hurumuru ongwi thangkha. Jothobw swnglaini nanglaikha, "Bw swrw?"
11Borogrok sakha, "Bw ongkhadwi diyari, Galilni Nasarot kamini Jisu."
Noktharw Subrai Jisu
(Mark 11:15-19; Luk 19:45-48)
12Jerw Jisu noktharw habkha tei orw jebwrok phallaidok pailaidok boknw rwgwi hokha. Bw rang bodlainai borogrokni majwk tei jebwrok pharuk phallai bokni achuknai jeganw phiklai rwgwi hoka. 13Bw boknw sakha, "Kathar elembagw Kaitor sajak, 'Ani noknw surinai nok hinwi hinnw,' matwr nokh imwnw taidani gob rwlainai nok khalaywi tisakha."
14Jerw kana bai khorarok noktharw Jisuni dayw phaikha, tei Bw boknw hamrwkha. 15Matwr chontai ojarok tei kerongnal phwrangsa rok Bini amok chajanaijar samung nungkha. Bok noktharw cherokroknw chirigwi samani khanakha, "Hosanna, bugra Dayudni bosong!" Imwroknw nungwi bok aise thamchi kakha. 16Tei Jisunw sakha, "Khanakhadwi, o cherokrok tama sadok?"
Jisu boknw sakha, "Owk, khanajak. Elembagw nokh tama oaisabw pokrejiyadwi:
Cherok girarok tei kwlwirokni kok bisingw
Nwng sakni bagwi lobma jugaljak?"#21:16 Gitsongita 8:2
17Jerw Jisu boknw yakarwi aulini phatarw Bwithoniya kamiyw thangkha tei horw o jegao thuka.
Jisu dwrmw bophangnw sraimani
(Mark 11:12-14)
18Phurungw aulio philwi phaiphini Jisu ukhrijakha. 19Lama koreyw dwrmw bophang phangsa nungwi Bw bophang koriyw thangkha, matwr orw balaini bade mwngsabw nungliya. Aiphuo Bw o bophangnw hinba, "Arw oaisabw nini dayw bathai thaiyatwi." Tei aiphuo dwrmw bophang thwywi thangkha.
20Sagrirok obwnw nungwi amok chagwi sakha, "Dwrmw bophang atakkiya khalaywi tani thwiywi thangkha?"
21Joba rwgwi Jisu boknw sakha, "Ang nokhnw kwbwi kwbwise sadok, nokh khabaseya karwi paitokgw hingkhlai Ang jekhalaywi dwrmw bophangnw khalaikha nokhbw obotwijar khalaimannw. Keber obwya, matwr i hapongnwbw jwtini sagw, 'Bachagwi twijlangw thangwi bakhalaidi,' halai obwbw ongnw. 22Nokh paitogwi surimwng sanw hingkhlai nokh jebwnw binw obwnw mannw."
Raida ojarok Jisunw khabase kaha
(Mark 11:27-33; Luk 20:1-8)
23Jisu arwbw noktharni kholao phaikha, tei Bw jephini phwrwngdok aiphuo chontai ojarok tei okara chakararok Bini orw phaywi swngkha, "Nwng swrwni bagribai imwrok khalaidok? Swrw nwnw i bagri rwkha?"
24Jisu boknw sakha, "Ang nokhnw kok khoksa swngnw, arw nokh Anw obwnw sakhalai Angbw nokhnw sanai Ang swrwni bagribai imwroknw khalaidok. 25Halai nokh samanw, Johonni baptismo rwnai bagri bwrwni phaikha?"
Aiphuo bok sakni bai sak salailaywi sakha, "Chwng jwtini sagw, 'Kaitorni orwni,' Halai Bw sanw, 'Halai nokh bwnw tani paitokliya?' 26Arwbw, jwtini chwng sagw 'Borogni daini,' halai borogrokni dayw chini kirima tongw, tamni hinba Johonnw jothobw diyari hinwi maniyw."
27Aithani bok Jisunw sakha, "Chwng siya."
Aiphuo Jisu boknw sakha, "Halai Ang swrwni bagribai imwnw khalaidok, Angbw nokhnw saya."
Basa chala kainwini naisrwng
28Obwni jerw Jisu sakha, "Nokh tama bakha ka? Rumdi, borog kaisani chala basa kainwi tongw. O borogsa bini basa okarani dayw thangwi sakha, 'Tini nwng uamtwi bariyw thangwi samung tangdi.' 29Basala sakha, 'Ang thangya apha.' Matwr jerw bw kha phirogwi samungw thangkha. 30Aiphuo o borogsa basala girani dayw thangwi o koknw arwbw sakha. Basala gira joba rwgwi sakha, 'Ang thangdok,' matwr bw thangniya. 31I kainwini bisingw kwbwi kwbwini bophani muchukmanw swrw palekha?"
Aiphuo bok joba rwgwi saba, "Basala okara."
Jisu boknw saba, "Ang nokhnw daijw khalaywi sadok, ol kholuarok tei swinalirok nokhni sakangw Kaitorni auarw habdok. 32Tamni hinba Johon Kaitorni muchukmani kosol himni thangni lama phunokni bagwi nokhni dayw phaijak, arw nokh bwnw paitokjiya. Matwr ol kholuarok tei swinalirok bwnw paitokjak. Obwnw nungwibw nokh kha phirogwi bwnw paitokjiya.
Baga lanai hachuarokni naisrwng
(Mark 12:1-12; Luk 20:9-19)
33"Khanadi, arw kwrwngsa naisrwng sagana. Borog kaisa uamtwi bari khorsa khlaiwi obwnw kitingwi tengra rwkha. Jerw bw uamtwi phereywi uamtwi bwtwi khlaini bagwi kwrwngsa hakor khurha. Obwni jerw bw hachua rokni dayw o uamtwi barinw baga rwgwi buihao thangkha. 34Bathai mwnnai jorao bw o bathaini bagitanw twbwgwi phaini bagwi bini gabur roknw o hachuarokni dayw hoka. 35Matwr hachuarok o gabur roknw rumwi bokni bisingni kaisanw bukha, kaisanw buthalwi pairwkha tei arw kaisanw holong kokkha. 36Jerw bw pwilani naywi kabangma gabur roknw hokha, matwr hachuarok o gabur rokbaibw obwtwijar khalaikha.
37Uamtwi barini nophangsa paithakgw sakni basalanw hokha, Bw oansokma, 'Bok ani basanw borom rwnwna.' 38Matwr o hachuarok jephini nophangni basalanw nungkha ephuo sakni bisingw salaini nangkha, 'Imwse jerw rangrini pwingman ongnw. Himdi chwng bwnw buthalwi pairwgana, iswkhalai chwng rangrini nophang ongnw.' 39Bok bwnw rumwi o uamtwi barini phatarw tilangwi buthalwi pairwkha.
40"Halai sale, uamtwi barini nophang jephini phainw ephuo bw o hachua roknw tama khalainw?"
41Bok Jisunw sakha, "Bw o borog kikhiri roknw oaisagwi buthalwi pairwnw arw jebwrok bwnw bathai thainai jogw bathai bagita rwnw bokni dayw o uamtwi barinw baga rwnw." 42Jerw Jisu boknw sakha, "Nokh tama kathar Elembagw pokrejiya?
'Itangirirok yakhaknai holongse
jothoni naikhalai nangchuknai holong ongwi kasakha,
Subrai imwnw khalaikha,
arw obw chini mokolw amok nangw."
43Obwni bagwi Ang nokhnw sadok, Kaitorni auar nokhni daini swywi lanw arw imwtwijar borogroknw rwnw jebwrokni langmagw o auarni podia bathai nungjaknw.
44Je borog o holong sakagw kalainw bw baikhrubwi bechala bechala ongwi thangnw arw o holong jebwni sakagw kalainw bw bwdring ongwi thanw."
45Chontai ojarok tei Phorisirok Jisuni kokthupnw khanagwi bujikha Bw bokni kothoywse sadok. 46Aiphuo bok Jisunw rumni naikha, matwr borogroknw kiriywi obwnw khalainiya, tamni hinba borogrok Bwnw diyari hinwi bakha kagw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh