Mothi 20
20
Uamtwi barini yagolrok
1Chukha auar imwtwijar naisrwngni kosol. Kaisa borog tongw jebwni kwrwngsa uamtwi bari tongw. Bw salsa aichuk aita bini uamtwi bariyw samung tangni bagwi yagol naitubni phatarw thangkha. 2Bw salsani yagolni yakpai rwni hinwi goseywi lakha tei boknw bini uamtwi bariyw samung tangni hokha. 3Jerw bw phurungni dam chuku aita hatiyw thangwi nungba, kainwi kaitham borogrok bachagwi tonglaijak tamni hinba bokni khalaijanai samung kwrwi. 4Bw boknw sakha, 'Nokhni mwngsa samung kwrwi khalai ani uamtwi bariyw samung tangni thangdi. Nokhni podiya yakpainw ang nokhnw rwnai.'
5"Tei bokbw bini kokni maping samung tangni thanglaikha. Arwbw bw diphor tei sarini dam tham aita hatiyw thangwi aguni kosol yagol thi khalaika arw samungw hoka. 6Jerw sarini dam ba aita arwbw hatiyw thangwi kainwi kaitham borogroknw bachajak nungwi boknw sakha, 'Nokh samung tangya karwi tamani salbiti irw bachagwi tong?'
7"Bok bwnw saba, 'Kaisabw chwngnw samungw ringkhojiya.'
Bw o borogroknw sakha, 'Nokhbw ani uamtwi bariyw samung tangni thangdi.'
8"Jerw swinda ongwi paikhalai o uamtwi barini nophangsa bini twiphangnw sakha, "Yagolroknw ringkhogwi bokni yakpai rwdi, paithakni jimin pwila jora rwdi." 9Sarini dam ba aita jebwrok phaijak bok phaywi kaisa kaisa salsani yakpai mangkha. 10Jebwrok sakangw samung tangjak bok phaywi bakha kalaikha, chwng arw kabang mannw, matwr bokbw salsani yakpai mankha. 11-12Obwbai bok o nuphangsanw thamchi kagwi sakha, 'Jebwroknw paithak dayw lajak boklai keber udam kaisase samung tangjak, matwr chwnglai phurungni jimin bukhorokni kwlwmtwi yakungw khibiywi samung tanglaikha, hekphwng nwng boknw chwngbai baksa yakpai rwkha.'
13"Aiphuo nuphangsa bokni bisingni kaisanw sakha, 'Aphaksa! Ang nini sakagw tama chaya khalaijak? Nwnglai salsani yakpai baise samung tangni hinwi goseywi lajakbile! 14Nwng nini srangpai lagwi thangdi, ani muchukma, nwnw jebw rwjak o paithak borognwbw obwnw rwnw. 15Jebw ani sakni obwnw ani muchukmani maping yakwlni bagri tama ani kwrwi? Owk ang khakuar obwni bagwi dwi nwng thamchi kadok?' 16Arai khalaywi jebwrok paithakgw bok pwilagw ongnw tei jebwrok pwilagw bok paithakgw kalainw."
Jisu arwbw oaisa sakni thwinaini kothoyw sakha
(Mark 10:32-34; Luk 18:31-34)
17Jerw Jisu jephini Jirusalemw thangdok, aiphuo Bw Bini chinwi sagrinw pangkaisa ringkhogwi sakha, 18"Naidi, chwng Jirusalemw thangdok. Orw Borogni Sajlanw chontai ojarok tei raida phwrangsarokni yagw rumwi rwnw. Bok Bini nalchir khalaywi Bwnw thwini chugw hinwi thi khalainw. 19Bok Bwnw thechra mechra khalaini bagwi tei lathamsakbai buni bagwi arw kruso rwni bagwi Bejihudia rokni yagw abwi rwnw, jerw Bw salthamni salw kwthwi daini kathang ongwi bachanw."
Jakob bai Johonni bomani kabokma
(Mark 10:35-45)
20Aiphuo Sibdiyoni bihik basala kainwi Johon bai Jakobnw bini logeo lagwi Jisuni dayw phaywi mwngsaswk sanni bagwi Bwnw khulumkha.
21Jisu bwnw saba, "Nwng tama nai?"
Bw joba rwgwi sakha, "Nwng i tholmanw rwdi jate, Nini auarw ani i basa chalaknwini kaisa Nini yagra phaising tei kaisa yaksi phaising achukmannaitwi."
22Jisu joba rwgwi boknw sakha, "Nokh tama naidok obwnw siyakho. Ang je duguni piyangw nwngni thangdok obwnw tama nokh nwngmannw?"
Bok Bwnw saba, "Owk chwng pharinw."
23Aiphuo Jisu boknw sakha, "Daijjw nokh Ani duguni piyangw nwngnw, matwr Ani yagra tei yaksi phaising achuk rwni bagri Ani kwrwi. Ani apha jebwrokni bagwi obwnw chongwi tonjak bokse obwnw mannw."
24I koknw khanagwi kothe kaichi sagri o takhuknwini sakagw thamchi kakha. 25Tei Jisu boknw Bini koriyw ringkhogwi sakha, "Nokh siyw, Bejihudi rokni bisingw sakwlpha bokni Subrai ongw tei ojamarok bokni sakagw pwsini khalaiyw. 26Nokhni bisingw obotwijar ongalak, matwr nokhni bisingw kaisaswk kotor ongni nayw hingkhalai, bw nokhni seleng maongnw, 27Tei nokhni bisingw kaisaswk oja ongni nayw hingkhalai, bw nokhni gabur maongnw, 28Bakha tondi, Borogni Sajla mwngjani bagwi phaiya matwr mwngnise phaiyw tei kabangma borogni singlini bodle sakni singlinw rwnise phaiyw."
Kana kainwi hamka
(Mark 10:46-52; Luk 18:35-43)
29Jisu bai Bini sagrirok Jiriho aulini akhogwi thangphini kodur borog bokni ukhum ukhum himlaidok. 30Lama kandao kana kainwi achugwi tongjak, o lamatwi Jisu himwi thangdok hinwi khanagwi bok chiriywi sakha, "Subrai, bugra Dayudni acheing, chwnw khairokdi."
31Borogrok boknw phwrwk tongdi hinwi dasa rwkha. Matwr bok arwse chirikhogwi sakha, "Subrai, bugra Dayudni acheing, chwnw khairokdi."
32Aiphuo Jisu bathagwi boknw ringkhogwi sakha, "Nokh tama nai? Ang nokhni bagwi tama khalaijanai?"
33Bok Bwnw sakha, "Subrai, chini mokol phiyogwi rwdi."
34Aiphuo Jisu khakhamwi bokni mokol rumkha, arw loge loge bok mokol nungkha tei Bini ukhum ukhum himkha.
Currently Selected:
Mothi 20: TPE
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 20
20
Uamtwi barini yagolrok
1Chukha auar imwtwijar naisrwngni kosol. Kaisa borog tongw jebwni kwrwngsa uamtwi bari tongw. Bw salsa aichuk aita bini uamtwi bariyw samung tangni bagwi yagol naitubni phatarw thangkha. 2Bw salsani yagolni yakpai rwni hinwi goseywi lakha tei boknw bini uamtwi bariyw samung tangni hokha. 3Jerw bw phurungni dam chuku aita hatiyw thangwi nungba, kainwi kaitham borogrok bachagwi tonglaijak tamni hinba bokni khalaijanai samung kwrwi. 4Bw boknw sakha, 'Nokhni mwngsa samung kwrwi khalai ani uamtwi bariyw samung tangni thangdi. Nokhni podiya yakpainw ang nokhnw rwnai.'
5"Tei bokbw bini kokni maping samung tangni thanglaikha. Arwbw bw diphor tei sarini dam tham aita hatiyw thangwi aguni kosol yagol thi khalaika arw samungw hoka. 6Jerw sarini dam ba aita arwbw hatiyw thangwi kainwi kaitham borogroknw bachajak nungwi boknw sakha, 'Nokh samung tangya karwi tamani salbiti irw bachagwi tong?'
7"Bok bwnw saba, 'Kaisabw chwngnw samungw ringkhojiya.'
Bw o borogroknw sakha, 'Nokhbw ani uamtwi bariyw samung tangni thangdi.'
8"Jerw swinda ongwi paikhalai o uamtwi barini nophangsa bini twiphangnw sakha, "Yagolroknw ringkhogwi bokni yakpai rwdi, paithakni jimin pwila jora rwdi." 9Sarini dam ba aita jebwrok phaijak bok phaywi kaisa kaisa salsani yakpai mangkha. 10Jebwrok sakangw samung tangjak bok phaywi bakha kalaikha, chwng arw kabang mannw, matwr bokbw salsani yakpai mankha. 11-12Obwbai bok o nuphangsanw thamchi kagwi sakha, 'Jebwroknw paithak dayw lajak boklai keber udam kaisase samung tangjak, matwr chwnglai phurungni jimin bukhorokni kwlwmtwi yakungw khibiywi samung tanglaikha, hekphwng nwng boknw chwngbai baksa yakpai rwkha.'
13"Aiphuo nuphangsa bokni bisingni kaisanw sakha, 'Aphaksa! Ang nini sakagw tama chaya khalaijak? Nwnglai salsani yakpai baise samung tangni hinwi goseywi lajakbile! 14Nwng nini srangpai lagwi thangdi, ani muchukma, nwnw jebw rwjak o paithak borognwbw obwnw rwnw. 15Jebw ani sakni obwnw ani muchukmani maping yakwlni bagri tama ani kwrwi? Owk ang khakuar obwni bagwi dwi nwng thamchi kadok?' 16Arai khalaywi jebwrok paithakgw bok pwilagw ongnw tei jebwrok pwilagw bok paithakgw kalainw."
Jisu arwbw oaisa sakni thwinaini kothoyw sakha
(Mark 10:32-34; Luk 18:31-34)
17Jerw Jisu jephini Jirusalemw thangdok, aiphuo Bw Bini chinwi sagrinw pangkaisa ringkhogwi sakha, 18"Naidi, chwng Jirusalemw thangdok. Orw Borogni Sajlanw chontai ojarok tei raida phwrangsarokni yagw rumwi rwnw. Bok Bini nalchir khalaywi Bwnw thwini chugw hinwi thi khalainw. 19Bok Bwnw thechra mechra khalaini bagwi tei lathamsakbai buni bagwi arw kruso rwni bagwi Bejihudia rokni yagw abwi rwnw, jerw Bw salthamni salw kwthwi daini kathang ongwi bachanw."
Jakob bai Johonni bomani kabokma
(Mark 10:35-45)
20Aiphuo Sibdiyoni bihik basala kainwi Johon bai Jakobnw bini logeo lagwi Jisuni dayw phaywi mwngsaswk sanni bagwi Bwnw khulumkha.
21Jisu bwnw saba, "Nwng tama nai?"
Bw joba rwgwi sakha, "Nwng i tholmanw rwdi jate, Nini auarw ani i basa chalaknwini kaisa Nini yagra phaising tei kaisa yaksi phaising achukmannaitwi."
22Jisu joba rwgwi boknw sakha, "Nokh tama naidok obwnw siyakho. Ang je duguni piyangw nwngni thangdok obwnw tama nokh nwngmannw?"
Bok Bwnw saba, "Owk chwng pharinw."
23Aiphuo Jisu boknw sakha, "Daijjw nokh Ani duguni piyangw nwngnw, matwr Ani yagra tei yaksi phaising achuk rwni bagri Ani kwrwi. Ani apha jebwrokni bagwi obwnw chongwi tonjak bokse obwnw mannw."
24I koknw khanagwi kothe kaichi sagri o takhuknwini sakagw thamchi kakha. 25Tei Jisu boknw Bini koriyw ringkhogwi sakha, "Nokh siyw, Bejihudi rokni bisingw sakwlpha bokni Subrai ongw tei ojamarok bokni sakagw pwsini khalaiyw. 26Nokhni bisingw obotwijar ongalak, matwr nokhni bisingw kaisaswk kotor ongni nayw hingkhalai, bw nokhni seleng maongnw, 27Tei nokhni bisingw kaisaswk oja ongni nayw hingkhalai, bw nokhni gabur maongnw, 28Bakha tondi, Borogni Sajla mwngjani bagwi phaiya matwr mwngnise phaiyw tei kabangma borogni singlini bodle sakni singlinw rwnise phaiyw."
Kana kainwi hamka
(Mark 10:46-52; Luk 18:35-43)
29Jisu bai Bini sagrirok Jiriho aulini akhogwi thangphini kodur borog bokni ukhum ukhum himlaidok. 30Lama kandao kana kainwi achugwi tongjak, o lamatwi Jisu himwi thangdok hinwi khanagwi bok chiriywi sakha, "Subrai, bugra Dayudni acheing, chwnw khairokdi."
31Borogrok boknw phwrwk tongdi hinwi dasa rwkha. Matwr bok arwse chirikhogwi sakha, "Subrai, bugra Dayudni acheing, chwnw khairokdi."
32Aiphuo Jisu bathagwi boknw ringkhogwi sakha, "Nokh tama nai? Ang nokhni bagwi tama khalaijanai?"
33Bok Bwnw sakha, "Subrai, chini mokol phiyogwi rwdi."
34Aiphuo Jisu khakhamwi bokni mokol rumkha, arw loge loge bok mokol nungkha tei Bini ukhum ukhum himkha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh