Prerit 20
20
Pol Mesidoniya bai Gris amchoyo philwi thangkha
1Hurumuru thagwi paikhalai Pol paitoai roknw ringkhoka. Boknw khabaja rwgwi paywi bokni daini hamalai lagwi bw Mesidoniya aita thangni chengkha. 2Bw o amchoi twi Mesidoniyagw thangtwi thangtwi jatejar jegao Khristo rwknai roknw kabangma kok sagwi khabaja rwkha, paithakgw Grisw phaywi sokpaikha. 3Odayw bw tal tham tongkha. Bw jephuo twibom lamatwi Siriyagw thangni bagwi jugaldok, aiphugw bw khanakha Jihudirok bini baithe kwrwngsa kokchap khalaidok, aithani bw Mesidoniyatwi philwi thangni bagwi thi khalaikha. 4Biroya daini Purherni basa Sopatro, Thisoloniki daini Aristarkho bai Sikundo, Dorbi daini Gaiyo, Timothiyo arw Asia daini Tukhik tei Trophim Polbai baksa thangkha. 5O borogrok aguo thangwi Troya aulio chini bagwi naisinglaikha. 6Chothani bader auan ter jerw chwng Philipi auli daini twibom lamatwi thangwi salba jerw Troyao bokbai baksa daljakha. Chwng odayw sal sini tongkha.
Utukhnw kwthwi daini kathang khalaikha
7Hati barni pwila salw pabaksani bagwi tei chamung chani bagwi baksa khaywi thumja laikha. Aiphuo Pol borogni dayw pirni nangkha. Jerwni salw thangjanai hinwi bw hor thugwi bokbai kok sagwi tongkha. 8Chwng sakani je khadalw thumja laikha odayw kabangma chati tongw. 9Utukh mwngwi kaisa chakwlwi o nokni tailam dayw achukjak. Polni kok kalok sanai jorao bw thugwi paikha. Thumani solai bw tham tala sakani tolao kalaikha. Borogrok thangwi jephuni bwnw tisakha, naiba bw thwywi paikha. 10Aiphuo Pol tolagw akhoka arw o chakwlwinw kongwi kabagwi sakha, "Takiridi, bw tabokbw kathang tongw." 11Obwni jerw Pol sakani nuksingw thangwi auan sapaikha arw chalaywi nunglaywi aichuk jora bokbai koklam salaikha. Obwni jerw bokni daini thankha. 12Borogrok o chakwlwinw kathang habagw nokgw tilangmanwi khasto mankha.
Iphis daini Polni hamalai
13Chwng sakangw thangwi rungtorw kagwi Asw aita thangkha. Odaini Polnw tisagwi tilangni kok ongjak. Bwnw tisagwi tilangni kok bw chwnw sajak twmwi himba himnai lamatwi bw odayw thangni naijak. 14Jerw Aswgw Pol bai chwng malaikha, tei bw rungtorw chini dayw phaikha. Chwng jothobw Mitulini aulio thangkha. 15Jerwni salw odaini chwng rungtor bai Khiyo twibong koriyw sokphaikha arw nwithek salw chwng Sam twibong koreyw bathakkha tei jerwni salo Militw thangkha, 16Pol thi khalaijak je bw Iphisw thangalak. Bw Asiagw kabang jora tongni nainiya, twmwi hinba bachi sal ter aguo Jirusalemw kasokni bagwi bw dophri dophra ongjak. 17Pol Milit daini Iphisw borog hogwi odaini mothani okara chakara roknw ringkhokha. 18Bok odayw kasoknai jerw Pol boknw sakha, "Asia amchoyo phainai pwila salni jimin ang nokhbai baksa tongphini tama khalaywi tongjak omwnw nokh siyw. 19Jihudi rokni jatejar kokchapni bagwi ang kabangma bajaimarogw kalaijak, matwr ang koinene khlaywi mokolni mwktwibai Subraini seleng ongwi Bwnw mwngjak. 20Nokhni bagwi jebw gam obwnw bakhao twiya karwi ang nokhni dayw jwnwm sajak, obwni solai phatarw khalang khulang khalaywi arw nokhni nok biti biti thangwi phwrwngjak tei pirijak. 21Jihudi iba Bejihudi jothoni dayw sajak bok jate kha phiroknaitwi, Kaitorni aita philnaitwi tei Subrai Jisunw paitoknaitwi. 22Matwr tabok ang kathar phalani tholma makhananw, aithani ang Jirusalemw thangdok. Odayw ani ta ongnw ang obwnw siya. 23Keber ang i koknw siyw, kathar phala jotho aulio anw i koknw sagwi rwjak je, ang alongw matongnw tei satokma mamannw. 24Matwr ani dayw ani singlini mwngsa morok kwrwi, Ani kwrwngsa muchungma ongkha, ang paithak jora khalmanaitwi, eba Subrai Jisu je samung anw rwjak obwnw pairw mannaitwi. O samung ongkhadwi Kaitorni khakhamnai kothoma kothoyw yakumu rwnai. 25Tabok ang jebwnw sadok kha rwgwi khanadi, nokhni bisingw jebwrokni dayw Kaitorni auarni kothomanw sajak bok kaisabw ani makhangnw arw nunglak. 26Aithani bagwi ang tabok nokhnw parai parai khlaywi sadok, kaisachwkni thwini bagwi ang dai kwrwi. 27Kaitorni jotho muchukma, obwnw ang nokhnw sagwi rwjak. 28Sakni barkeo krwk tongdi arw Kathar Phala nokhnw je palni naijanai dai rwjak, Kaitorni o mothanw nairwkdi, twmwi hinba Bw Bini sakni thwibai i mothanw paywi lajak. 29Ang siyw je, ang thangnai jerw kirimasincha kentua rokni kosol nokhni dayw phainw arw merani jaknw phiyaknw. 30Obw tama, nokh jebwrok irw tong nokhni bisingni kaisa kainwi borogbw bachagwi Kaitorni kwbwini kothoyw misa sani chaitoknw, paitoai roknw nokhni sakni sagri khalaini bagwi. 31Ang nokhnw jothonw sal hor mokolni mwktwibai kwrwk khalaywi thandok. 32Ang nokhnw tabok Kaitor tei Bini kokni khakhammani yagw abwi rwdok. Bw nokhnw gathiywi tisamanw tei Bw Bini borogni bagwi je hamari tisagwi tongjak obwnw rwmanw. 33Nokhni dayw ang jephuo tongjak aiphuo ang kaisani rangchak, ruphai, ri chum dayw oaisabw lopha ongjiya. 34Nokh gam khaywi siyw je ani sakni tei aphak rokni nangnai manwi manni bagwi ang i yak kongnwi bai samung khalaijak. 35Ang jebwrok khalaijak obwbai nokhnw phunokjak je, karak tangsrangbai chwng kebel roknw chubathai arw Subrai Jisuni i kok chini bakhao tongthai kalaiyw je, 'Mannaini naikhalai rwnai daywse Arw kabang hamari tongw.'" 36I koknw sanai jerw Pol jothobai baksa yesu mokoromwi surikha. 37Jerw mothani ojarok jotho Polnw kabagwi mutum chakha arw karapni nagkha. 38Bok arw Polni makhangnw nungalak, i kokni bagwi baithak khlaywi bok kabang dugu mangkha. Obwni jerw bok bwbai baksa baksa rungtor jora thankha.
Currently Selected:
Prerit 20: TPE
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Prerit 20
20
Pol Mesidoniya bai Gris amchoyo philwi thangkha
1Hurumuru thagwi paikhalai Pol paitoai roknw ringkhoka. Boknw khabaja rwgwi paywi bokni daini hamalai lagwi bw Mesidoniya aita thangni chengkha. 2Bw o amchoi twi Mesidoniyagw thangtwi thangtwi jatejar jegao Khristo rwknai roknw kabangma kok sagwi khabaja rwkha, paithakgw Grisw phaywi sokpaikha. 3Odayw bw tal tham tongkha. Bw jephuo twibom lamatwi Siriyagw thangni bagwi jugaldok, aiphugw bw khanakha Jihudirok bini baithe kwrwngsa kokchap khalaidok, aithani bw Mesidoniyatwi philwi thangni bagwi thi khalaikha. 4Biroya daini Purherni basa Sopatro, Thisoloniki daini Aristarkho bai Sikundo, Dorbi daini Gaiyo, Timothiyo arw Asia daini Tukhik tei Trophim Polbai baksa thangkha. 5O borogrok aguo thangwi Troya aulio chini bagwi naisinglaikha. 6Chothani bader auan ter jerw chwng Philipi auli daini twibom lamatwi thangwi salba jerw Troyao bokbai baksa daljakha. Chwng odayw sal sini tongkha.
Utukhnw kwthwi daini kathang khalaikha
7Hati barni pwila salw pabaksani bagwi tei chamung chani bagwi baksa khaywi thumja laikha. Aiphuo Pol borogni dayw pirni nangkha. Jerwni salw thangjanai hinwi bw hor thugwi bokbai kok sagwi tongkha. 8Chwng sakani je khadalw thumja laikha odayw kabangma chati tongw. 9Utukh mwngwi kaisa chakwlwi o nokni tailam dayw achukjak. Polni kok kalok sanai jorao bw thugwi paikha. Thumani solai bw tham tala sakani tolao kalaikha. Borogrok thangwi jephuni bwnw tisakha, naiba bw thwywi paikha. 10Aiphuo Pol tolagw akhoka arw o chakwlwinw kongwi kabagwi sakha, "Takiridi, bw tabokbw kathang tongw." 11Obwni jerw Pol sakani nuksingw thangwi auan sapaikha arw chalaywi nunglaywi aichuk jora bokbai koklam salaikha. Obwni jerw bokni daini thankha. 12Borogrok o chakwlwinw kathang habagw nokgw tilangmanwi khasto mankha.
Iphis daini Polni hamalai
13Chwng sakangw thangwi rungtorw kagwi Asw aita thangkha. Odaini Polnw tisagwi tilangni kok ongjak. Bwnw tisagwi tilangni kok bw chwnw sajak twmwi himba himnai lamatwi bw odayw thangni naijak. 14Jerw Aswgw Pol bai chwng malaikha, tei bw rungtorw chini dayw phaikha. Chwng jothobw Mitulini aulio thangkha. 15Jerwni salw odaini chwng rungtor bai Khiyo twibong koriyw sokphaikha arw nwithek salw chwng Sam twibong koreyw bathakkha tei jerwni salo Militw thangkha, 16Pol thi khalaijak je bw Iphisw thangalak. Bw Asiagw kabang jora tongni nainiya, twmwi hinba bachi sal ter aguo Jirusalemw kasokni bagwi bw dophri dophra ongjak. 17Pol Milit daini Iphisw borog hogwi odaini mothani okara chakara roknw ringkhokha. 18Bok odayw kasoknai jerw Pol boknw sakha, "Asia amchoyo phainai pwila salni jimin ang nokhbai baksa tongphini tama khalaywi tongjak omwnw nokh siyw. 19Jihudi rokni jatejar kokchapni bagwi ang kabangma bajaimarogw kalaijak, matwr ang koinene khlaywi mokolni mwktwibai Subraini seleng ongwi Bwnw mwngjak. 20Nokhni bagwi jebw gam obwnw bakhao twiya karwi ang nokhni dayw jwnwm sajak, obwni solai phatarw khalang khulang khalaywi arw nokhni nok biti biti thangwi phwrwngjak tei pirijak. 21Jihudi iba Bejihudi jothoni dayw sajak bok jate kha phiroknaitwi, Kaitorni aita philnaitwi tei Subrai Jisunw paitoknaitwi. 22Matwr tabok ang kathar phalani tholma makhananw, aithani ang Jirusalemw thangdok. Odayw ani ta ongnw ang obwnw siya. 23Keber ang i koknw siyw, kathar phala jotho aulio anw i koknw sagwi rwjak je, ang alongw matongnw tei satokma mamannw. 24Matwr ani dayw ani singlini mwngsa morok kwrwi, Ani kwrwngsa muchungma ongkha, ang paithak jora khalmanaitwi, eba Subrai Jisu je samung anw rwjak obwnw pairw mannaitwi. O samung ongkhadwi Kaitorni khakhamnai kothoma kothoyw yakumu rwnai. 25Tabok ang jebwnw sadok kha rwgwi khanadi, nokhni bisingw jebwrokni dayw Kaitorni auarni kothomanw sajak bok kaisabw ani makhangnw arw nunglak. 26Aithani bagwi ang tabok nokhnw parai parai khlaywi sadok, kaisachwkni thwini bagwi ang dai kwrwi. 27Kaitorni jotho muchukma, obwnw ang nokhnw sagwi rwjak. 28Sakni barkeo krwk tongdi arw Kathar Phala nokhnw je palni naijanai dai rwjak, Kaitorni o mothanw nairwkdi, twmwi hinba Bw Bini sakni thwibai i mothanw paywi lajak. 29Ang siyw je, ang thangnai jerw kirimasincha kentua rokni kosol nokhni dayw phainw arw merani jaknw phiyaknw. 30Obw tama, nokh jebwrok irw tong nokhni bisingni kaisa kainwi borogbw bachagwi Kaitorni kwbwini kothoyw misa sani chaitoknw, paitoai roknw nokhni sakni sagri khalaini bagwi. 31Ang nokhnw jothonw sal hor mokolni mwktwibai kwrwk khalaywi thandok. 32Ang nokhnw tabok Kaitor tei Bini kokni khakhammani yagw abwi rwdok. Bw nokhnw gathiywi tisamanw tei Bw Bini borogni bagwi je hamari tisagwi tongjak obwnw rwmanw. 33Nokhni dayw ang jephuo tongjak aiphuo ang kaisani rangchak, ruphai, ri chum dayw oaisabw lopha ongjiya. 34Nokh gam khaywi siyw je ani sakni tei aphak rokni nangnai manwi manni bagwi ang i yak kongnwi bai samung khalaijak. 35Ang jebwrok khalaijak obwbai nokhnw phunokjak je, karak tangsrangbai chwng kebel roknw chubathai arw Subrai Jisuni i kok chini bakhao tongthai kalaiyw je, 'Mannaini naikhalai rwnai daywse Arw kabang hamari tongw.'" 36I koknw sanai jerw Pol jothobai baksa yesu mokoromwi surikha. 37Jerw mothani ojarok jotho Polnw kabagwi mutum chakha arw karapni nagkha. 38Bok arw Polni makhangnw nungalak, i kokni bagwi baithak khlaywi bok kabang dugu mangkha. Obwni jerw bok bwbai baksa baksa rungtor jora thankha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh