Prerit 19
19
Pol Ephis aulio
1-2Apollo Korinthogw tongphini o jorao Pol Asia amchoitwi khalaywi Ephisw phaiha. Odayw bw kaisa kainwi sagribai malaywi boknw swngkha, "Nokh jephuo Subrai Jisunw paitokkha aiphuo ta Kathar Phala manjak?
Bok bwnw saha, "Kathar Phala hinwi mwngsaswk tongw omonw chwng sijiya." 3Aiphuo Pol saha, "Hai nokh baitinjar baptismo manha?"
Bok saha, "Johonni baptismo."
4Pol saha, "Johonni baptismo ongkha Sumsok daini kha phiroknai. Johon borogroknw sajak, bini jerw Jebw phainw Bwnw mapaitoknw kok ongkha Jisunw mapaitoknw."
5I kok khanagwi o sagrirok Subrai Jisuni mwngwi baptismo lakha. 6Obwni jerw Pol bokni sakao yak tonkhalai, bokni sakao Phala Kathar akhogwi phaika. Tei bok jate jar dophani kokbai kok sani rumkha tei diyari hinwi Kaitor boknw jebw sadi hinwi sakha obwnw sani rumkha. 7Bok odayw kai chi nwi twtwi borog tongw. 8Obwni jerw Pol thumnogw thangwi tal tham jora kharagwi kok sakha. Kaitorni hani kothoyw bw nalchap tokrani bisingtwi borogroknw bijirwni chaitokha. 9Matwr bokni bisingw kaisa kainwini kha karak ongwi paijak hinwi bok paitokni nainiya arw jothoni sakangw Jisuni lamani kothoyw seja khalaini nagkha. Obwni bagwi Pol boknw yakarwi thangkha. Bw sagriroknw lagwi Turanno mwngwi kaisa phwrangsani kok samung rwnai nogw thangwi jwnwm biti kok salailayw. 10Arai khalaywi bisi nwi thangkha, aithani bagwi Asiao jebwrok tong, ta Jihudi, ta Grik jothobw Subraini kok khanakha.
Iskibani chala basarok
11Kaitor Polni bisingtwi khw amok amok samung khalaini nangkha. 12Obw tama Polni gudajak twila tei ri chum bok hayarokni dayw tilangwi thangw arw obwnw yak phanaknaini bisingtwi bokni biyaram gam ongwi thangw, arw chaya phalarok bokni daini akhogwi thangw. 13O joragw dagisa Jihudi jebwrok bere bereywi chaya phalanw akhorwni chaitogwi phai. Matwr tabok Subrai Jisuni mwngwi o chaya phala manjak borog rokni daini chaya phala akhorwgwi honi chaitokni rumkha. Bok sagw, "Pol jebwni kothoyw piri o Jisuni mungbai ang nokhnw akhogwi thandi hinwi thwldok." 14Bokni bisingw kai sini ongkha kaisa Jihudi chontai oja Iskibani basa. Bokbw obwtwi jar khalaiyw. 15Matwr salsa chaya phala o Jihudi roknw saha, "Ang Jisunw siniyw, tei Polnwbo siniyw, matwr nokh swrw?" 16Aiphuo je borogsanw chaya phala rumjak bw o kai snini sakagw bachlugwi kalaikha arw bok jothonw imwtwi jar khlaywi dukka rwkha je, bok kasa masa chagwi basagw ri chum bade o nokni khalwi thangkha. 17I kotho jephuo Iphisw tongnai Jihudi tei Grikrok silaikha aiphuo bok jotho kirilaikha tei Subrai Jisuni mwng chwngchuk ongkha. 18Jebwrok Subrai Jisunw paitokjak omwtwijar kodur borog ephuo phaywi khalang khula khalaywi bokni chaya samungni kothoy gose laikha. 19Jebwrok chaya mwkphil phunok bokni bisingni akkhuni borogni bijap tijap baksa khlaywi thumwi jothoni sakangw obw roknw sokha. Bijapni morok thikywi naiba bachi sai ruphaini pwisa. 20Subraini kok arai khlaywi pwlwngni nangkha arw pharanbai bangni nangkha. 21I tolpirok ongnai jerw Pol thi khalaikha bw Mesidoniya tei Akhayatwi khlaywi Jirusalemw thangnai. Bw saha, "Jirusalemo thangnai jerw ang Rom auliobw mathangnw. 22Obwni jerw Pol Asia amchoyo hatibai kainwi kaitham tongphini bw bini chubanai kainwi Timothi tei Irastonw Mesidoniyao hokha.
Iphisw hurumuru
23O jorao Jisuni lamani kothoy lagwi rak hurumuru ongni rumkha. 24Dimitriyo mwngni ruphai taknai kaisa mwtaijwk Artemis matai nokni kosol gira gira ruphaini matai nok takgw. I samungni bisingtwi jotho ruphai taknairokni kabangma amrai ongw. 25Aithani bagwi bw boknw jothonw baksa khalaywi ringkhoha tei bokbai baksa bokni kosol samung tangnai roknwbw ringkhoha, arw sakha, "Takhukrok nokh siyw i samung bai chwng jothobw gam jurok laiyw. 26Matwr nokh nungdok tei khanadok je, Pol mwngwi o borogsa chini Iphisw arw sani thanghalai jotho Asia aulio kodur borognw kronai lamagw tilangwi thangkha. Bw sagw je, borogni yagw taknai matai tairok mwngsaya. 27Imwbai keber chini bebarw mwng gam thanw obwya, kotor mwtaijwk Artemis noktharbw misa ongwi thanw. Tei obw tama o mataijwk jebwnw Asia amchoini jotho borogrok tei hayungni borogrok lob, o borogrok bwnw arw kotor hinwi bakha kagalak." 28I koknw khanagwi borogrok aise thamchi kalaikha. Bok chirigwi sani nangkha, "Iphisiyorokni Artemis mwtaijwkse kotor." 29Tei jotho auli hurumuru bai kwplwng ongkha. Mesidoniyani Gaiyo bai Aristarkho jebwrok Polbai baksa thangjak boknw borogrok rumkha arw jotho baksa khlaywi baichukni jegao rwgwi thanglaikha. 30Pol baichuk jegao borogni sakangw thangni naikha matwr sagrirok bwnw thangni rwniya. 31O amchoini habagri oja kainwi kaitham Polni aphak tongw, bokbw Polnw arai hinwi sagwi hogwi baithak khlaywi kabokkha bw dosa khekir lagwi o baichuk jegao thangyatwi. 32Imwni bisingw baichukni jegao hurumuru ongni nangkha. Kainwi kaitham borog kok khoksa sagwi chirik laidok, arw bagsa borog kothe kok sagwi chirik laidok. Matwr bagsa borog siya tani bok o baichuk jegao phailaikha. 33Jihudirok Aleksandornw sakangw sungwi hoka tei bok bwnw sagwi rwkha bw ta satai. Aiphuo Aleksandar borogni sakangw sakni aita kok sani bagwi yakni tharbai borognw phwrwk khalaini chaitokha. 34Matwr bok jephuo bijimankha je bw kaisa Jihudi, ephuo kharang gara khlaywi chirikni nangkha. Dam nwi twtwi ai hinwi bok chirigwi sakha, "Iphisiyorokni Artemis mwtaijwkse kotor." 35Paithak jorao aulini kaisa kamula baithak habagri borog roknw phwrwk khlaywi saha, "Iphisni borogrok, I koknw jotho siyw je, kotor Artemis mwtaijwk nokthar arw nokha daini bini je mwtaimang kalaijak bini rwkkhia khalainai ongkha Iphis auli. 36I kwbwi koknw kaisaswk narang khalaimaya, ephuo bedamanni kosol samung tangya karwi nokh phwrwk khlaywi tongthai kalaiyw. 37Twmwi hinba nokh je i borogroknw irw twbwkha, bok lai nokthar daini khokjiya eba chini mwtaijwknw lachima phunukjiya. 38Jwtini Dimitriyo tei kothe ruphai taknairok kaisaswkni baithe mwngsachwk kok sani naiyw halai kerongtho lai khulang tongw tei sakwlpharokbw odayw tongw, bok odayw thangwi bokni baithe nali khalai thwk. 39Matwr nokh jwtini arw kabang mwngsachwk sani nayw halai nalchiraibai habagri baichukgw obwnw chomcho makhalainw. 40Tinini tolpi ongmani bagwi chini sakao dosa phaimanw. Jwtini obw ongw, hai chwng i hurumuruni mwngsa nalchap phunok mangalak, twmwi hinba i hurumuruni mwngsa nalchap kwrwi." 41Bw i koknw sagwi baichuknw pairwkha.
Currently Selected:
Prerit 19: TPE
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Prerit 19
19
Pol Ephis aulio
1-2Apollo Korinthogw tongphini o jorao Pol Asia amchoitwi khalaywi Ephisw phaiha. Odayw bw kaisa kainwi sagribai malaywi boknw swngkha, "Nokh jephuo Subrai Jisunw paitokkha aiphuo ta Kathar Phala manjak?
Bok bwnw saha, "Kathar Phala hinwi mwngsaswk tongw omonw chwng sijiya." 3Aiphuo Pol saha, "Hai nokh baitinjar baptismo manha?"
Bok saha, "Johonni baptismo."
4Pol saha, "Johonni baptismo ongkha Sumsok daini kha phiroknai. Johon borogroknw sajak, bini jerw Jebw phainw Bwnw mapaitoknw kok ongkha Jisunw mapaitoknw."
5I kok khanagwi o sagrirok Subrai Jisuni mwngwi baptismo lakha. 6Obwni jerw Pol bokni sakao yak tonkhalai, bokni sakao Phala Kathar akhogwi phaika. Tei bok jate jar dophani kokbai kok sani rumkha tei diyari hinwi Kaitor boknw jebw sadi hinwi sakha obwnw sani rumkha. 7Bok odayw kai chi nwi twtwi borog tongw. 8Obwni jerw Pol thumnogw thangwi tal tham jora kharagwi kok sakha. Kaitorni hani kothoyw bw nalchap tokrani bisingtwi borogroknw bijirwni chaitokha. 9Matwr bokni bisingw kaisa kainwini kha karak ongwi paijak hinwi bok paitokni nainiya arw jothoni sakangw Jisuni lamani kothoyw seja khalaini nagkha. Obwni bagwi Pol boknw yakarwi thangkha. Bw sagriroknw lagwi Turanno mwngwi kaisa phwrangsani kok samung rwnai nogw thangwi jwnwm biti kok salailayw. 10Arai khalaywi bisi nwi thangkha, aithani bagwi Asiao jebwrok tong, ta Jihudi, ta Grik jothobw Subraini kok khanakha.
Iskibani chala basarok
11Kaitor Polni bisingtwi khw amok amok samung khalaini nangkha. 12Obw tama Polni gudajak twila tei ri chum bok hayarokni dayw tilangwi thangw arw obwnw yak phanaknaini bisingtwi bokni biyaram gam ongwi thangw, arw chaya phalarok bokni daini akhogwi thangw. 13O joragw dagisa Jihudi jebwrok bere bereywi chaya phalanw akhorwni chaitogwi phai. Matwr tabok Subrai Jisuni mwngwi o chaya phala manjak borog rokni daini chaya phala akhorwgwi honi chaitokni rumkha. Bok sagw, "Pol jebwni kothoyw piri o Jisuni mungbai ang nokhnw akhogwi thandi hinwi thwldok." 14Bokni bisingw kai sini ongkha kaisa Jihudi chontai oja Iskibani basa. Bokbw obwtwi jar khalaiyw. 15Matwr salsa chaya phala o Jihudi roknw saha, "Ang Jisunw siniyw, tei Polnwbo siniyw, matwr nokh swrw?" 16Aiphuo je borogsanw chaya phala rumjak bw o kai snini sakagw bachlugwi kalaikha arw bok jothonw imwtwi jar khlaywi dukka rwkha je, bok kasa masa chagwi basagw ri chum bade o nokni khalwi thangkha. 17I kotho jephuo Iphisw tongnai Jihudi tei Grikrok silaikha aiphuo bok jotho kirilaikha tei Subrai Jisuni mwng chwngchuk ongkha. 18Jebwrok Subrai Jisunw paitokjak omwtwijar kodur borog ephuo phaywi khalang khula khalaywi bokni chaya samungni kothoy gose laikha. 19Jebwrok chaya mwkphil phunok bokni bisingni akkhuni borogni bijap tijap baksa khlaywi thumwi jothoni sakangw obw roknw sokha. Bijapni morok thikywi naiba bachi sai ruphaini pwisa. 20Subraini kok arai khlaywi pwlwngni nangkha arw pharanbai bangni nangkha. 21I tolpirok ongnai jerw Pol thi khalaikha bw Mesidoniya tei Akhayatwi khlaywi Jirusalemw thangnai. Bw saha, "Jirusalemo thangnai jerw ang Rom auliobw mathangnw. 22Obwni jerw Pol Asia amchoyo hatibai kainwi kaitham tongphini bw bini chubanai kainwi Timothi tei Irastonw Mesidoniyao hokha.
Iphisw hurumuru
23O jorao Jisuni lamani kothoy lagwi rak hurumuru ongni rumkha. 24Dimitriyo mwngni ruphai taknai kaisa mwtaijwk Artemis matai nokni kosol gira gira ruphaini matai nok takgw. I samungni bisingtwi jotho ruphai taknairokni kabangma amrai ongw. 25Aithani bagwi bw boknw jothonw baksa khalaywi ringkhoha tei bokbai baksa bokni kosol samung tangnai roknwbw ringkhoha, arw sakha, "Takhukrok nokh siyw i samung bai chwng jothobw gam jurok laiyw. 26Matwr nokh nungdok tei khanadok je, Pol mwngwi o borogsa chini Iphisw arw sani thanghalai jotho Asia aulio kodur borognw kronai lamagw tilangwi thangkha. Bw sagw je, borogni yagw taknai matai tairok mwngsaya. 27Imwbai keber chini bebarw mwng gam thanw obwya, kotor mwtaijwk Artemis noktharbw misa ongwi thanw. Tei obw tama o mataijwk jebwnw Asia amchoini jotho borogrok tei hayungni borogrok lob, o borogrok bwnw arw kotor hinwi bakha kagalak." 28I koknw khanagwi borogrok aise thamchi kalaikha. Bok chirigwi sani nangkha, "Iphisiyorokni Artemis mwtaijwkse kotor." 29Tei jotho auli hurumuru bai kwplwng ongkha. Mesidoniyani Gaiyo bai Aristarkho jebwrok Polbai baksa thangjak boknw borogrok rumkha arw jotho baksa khlaywi baichukni jegao rwgwi thanglaikha. 30Pol baichuk jegao borogni sakangw thangni naikha matwr sagrirok bwnw thangni rwniya. 31O amchoini habagri oja kainwi kaitham Polni aphak tongw, bokbw Polnw arai hinwi sagwi hogwi baithak khlaywi kabokkha bw dosa khekir lagwi o baichuk jegao thangyatwi. 32Imwni bisingw baichukni jegao hurumuru ongni nangkha. Kainwi kaitham borog kok khoksa sagwi chirik laidok, arw bagsa borog kothe kok sagwi chirik laidok. Matwr bagsa borog siya tani bok o baichuk jegao phailaikha. 33Jihudirok Aleksandornw sakangw sungwi hoka tei bok bwnw sagwi rwkha bw ta satai. Aiphuo Aleksandar borogni sakangw sakni aita kok sani bagwi yakni tharbai borognw phwrwk khalaini chaitokha. 34Matwr bok jephuo bijimankha je bw kaisa Jihudi, ephuo kharang gara khlaywi chirikni nangkha. Dam nwi twtwi ai hinwi bok chirigwi sakha, "Iphisiyorokni Artemis mwtaijwkse kotor." 35Paithak jorao aulini kaisa kamula baithak habagri borog roknw phwrwk khlaywi saha, "Iphisni borogrok, I koknw jotho siyw je, kotor Artemis mwtaijwk nokthar arw nokha daini bini je mwtaimang kalaijak bini rwkkhia khalainai ongkha Iphis auli. 36I kwbwi koknw kaisaswk narang khalaimaya, ephuo bedamanni kosol samung tangya karwi nokh phwrwk khlaywi tongthai kalaiyw. 37Twmwi hinba nokh je i borogroknw irw twbwkha, bok lai nokthar daini khokjiya eba chini mwtaijwknw lachima phunukjiya. 38Jwtini Dimitriyo tei kothe ruphai taknairok kaisaswkni baithe mwngsachwk kok sani naiyw halai kerongtho lai khulang tongw tei sakwlpharokbw odayw tongw, bok odayw thangwi bokni baithe nali khalai thwk. 39Matwr nokh jwtini arw kabang mwngsachwk sani nayw halai nalchiraibai habagri baichukgw obwnw chomcho makhalainw. 40Tinini tolpi ongmani bagwi chini sakao dosa phaimanw. Jwtini obw ongw, hai chwng i hurumuruni mwngsa nalchap phunok mangalak, twmwi hinba i hurumuruni mwngsa nalchap kwrwi." 41Bw i koknw sagwi baichuknw pairwkha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh