Ma-thi-ơ 18

Gruk glong banrik biak

(Mag 9:33-37; Lu-ka 9:46-48)

1 # Lu 22:24. Tuk nan, dôm anưk xêh mưrai tanhi Pô Yê-su laic: “Thei nạn mưnuix glong banrik hơl di bih dalam Dit Biya Thôr Riga?” 2Bhô iêu tha ban xit mưrai, cek dang di krưh dôm anưk xêh 3#Mag 10:15; Lu 18:17.thong bican: “Biak jơh, Ita đôm thong khol hư, mưyah khol hư ôh xalih thong gilaic hajiơng yau anưk raneh, yơ mưca khol hư ôh tuk halei tamư Dit Biya Thôr Riga bihu. 4Yau nan, urang halei aneh drei yau ban xit ni mưca nạn urang glong banrik hơl di bih dalam Dit Biya Thôr Riga. 5Dok thei kaywa di angan Ita rok daa tha ban xit yau ni, ar nạn rok daa Ita.

Dôm palwô ngal ngak ka tanrok glaic

(Mag 9:43-48; Lu-ka 17:1-2)

6Min thei ngak ka tha dalam dôm ban xit krung hu dial Ita lek tamư danuh glaic, yơ dak ikak lathung patau di takôi urang nan, bloh parah trun tathik jalam dok hơl.” 7“Lihin din ka dunya ka dôm kabha ngak ka hanek tanrok! Kaywa dôm kabha ngak ka hanek tanrok ôh mưda pleh bihu, min lihin din ka thei nạn ra ngak ka hanek tanrok! 8#Mat 5:30.Mưyah tangin ngan takai hư ngak ka hư tanrok glaic, xang koh thong parah nhu mek! Kaywa dak hư joh takai ngan kut tangin bloh tamư gruk diup dok hơl tal abih dwa tangin, dwa takai, bloh gok parah tamư apui rit rai. 9#Mat 5:29.Dok mưyah mưta hư ngak ka hư tanrok glaic, xang log thong parah nhu mek! Kaywa dak hư tagloh tha gah mưta bloh tamư gruk diup, dok hơl tal dwa gah mưta bloh gok parah tamư apui nôriga.”

Arkatê ka pabo calah

(Lu-ka 15:3-7)

10 # Lu 19:10. “Xang ajut, jôi paong rineh halei dalam dôm anưk rineh ni! Kaywa Ita đôm thong khol hư, dôm umat khol nhu dok ngok thôr riga takung ƀôh ƀok Amư Ita nạn Dê dok ngok thôr riga. 11[Kaywa Anưk Mưnuix krung hu mưrai piêh dong ra gok pao lihik.]#18:11 Dalam tha thanôn blah vak tangin ôh hu kanen 11. 12Khol hư xanưng urang nan yau halei? Mưyah urang glang pabo hu tha rituh pabo bloh tha drei nao calah, yơ urang nan ôh cek thalipan pluh thalipan drei vơk ngok cơk thong nao dwah drei calah nan ô? 13Biak jơh, Ita đôm thong khol hư, mưyah urang nan dwah bihu yơ mưca bui ôn ka drei nạn hơl di thalipan pluh thalipan drei ôh calah. 14Lijang yau nan, Amư khol hư#18:14 Amư khol hư: Dalam tha thanôn blah vak tangin nạn Amư Ita. dok ngok thôr riga ôh ưng thei dalam dôm ban xit ni gok pao lihik.”

Ganap dok dang thong dei ai tanrok xwel

15 # Lu 17:3. “Mưyah dei ai tanrok xwel [thong hư],#18:15 [thong hư]: Dalam tha thanôn blah vak tangin ôh hu dôm ankhar ni. xang gōk karei thong đôm ka urang nan thau kabha nan. Mưyah urang nan ciup pang, yơ hư bihu dei ai vơk. 16Min mưyah urang nan ôh ciup pang, yơ xang ba tha ngan dwa urang nao thong hư, piêh danưng tamư di panôic dwa ngan klau rakaxan, bloh abih panôic bihu pakrưn. 17Mưyah urang nan jang ôh ciup pang khol nhu, yơ xang akhan bruk nan ka Nhom Nưbi; thong mưyah urang nan jang ôh ciup pang Nhom Nưbi, yơ xang mong urang nan yau mưnuix lingiu agama thong ra mưk jiư. 18#Mat 16:19; Yâ 20:23.Biak jơh, Ita đôm thong khol hư, phak kabha haget khol hư ikak ala tanưh lijang mưca gok ikak ngok thôr riga; thong kabha haget khol hư taleh ala tanưh lijang mưca bihu taleh ngok thôr riga. 19Biak jơh, Ita gilaic đôm thong khol hư, mưyah dwa urang dalam khol hư ginum gimnit thong gaup pak ala tanưh bloh likau kanư pathar pathar kabha haget, yơ Amư Ita dok ngok thôr riga mưca ƀai brei ka khol nhu. 20Kaywa libik halei hu dwa, klau urang nưmax angan Ita nhom gaup vơk yơ Ita mưca dok krưh khol nhu.”

Arkatê ka halun ôh ampun

21 # Lu 17:3,4. Tuk nan, Phi-e-rơ mưrai jek Pô Yê-su thong tanhi: “Pathau Pô, mưyah dei ai dahlak tanrok xwel thong dahlak, yơ mưca dahlak ampun ka khol nhu hadôm ƀang? Hu njaup tajuh ƀang lei?” 22Bhô thuuk: “Ita ôh đôm thong hư ôh njaup ciêt tajuh ƀang ô, min nạn tajuh pluh ƀang tajuh.#18:22 tajuh pluh ƀang tajuh: Ngan nạn tajuh pluh tajuh ƀang.

23Yau nan, Dit Biya Thôr Riga pagap yau tha pakat patao dêh ưng kahria thô ngar thong dôm halun drei. 24Tuk patao raup rah iơk thô, mưnuix urang ba mai ka patao tha urang tavak thre patao tha pluh ribau ta-lâng.#18:24 ta-lâng: Tha ta-lâng dô jiên kong tha urang ngak apah dalam tha pluh limư thun. 25Kaywa urang nạn ôh hu haget piêh biyar nan ka patao thurah pablei nhu, hadiup anưk thong ƀang angui, piêh biyar thre. 26Urang halun khôi trun neh likau: ‘Pathau Pô, likau mưdei ka dahlak yơ mưca dahlak biyar abih!’ 27Patao padrut tian anit, palao urang nan nao thang thong pakloh thre ka nhu. 28Min tuk halun nan tabiak nao, gōk tha urang ayut côi, lijang ngak halun, tavak thre di drei tha rituh đơ-ni-ê#18:28 đơ-ni-ê: Tha đơ-ni-ê dô jiên kong ngak apah tha harei., yơ pan di takôi thong đôm: ‘Xang biyar abih thre mai.’ 29Urang ayut khôi, neh likau: ‘Likau mưdei ka dahlak yơ mưca dahlak biyar ka xaai.’ 30Min urang nan ôh ciup, kưk mưk ayut karơk dalam thang danuh ka tal tuk biyar abih thre. 31Dôm ayut côi pakan ƀôh yau nan ka padrôi lô, nao lak vơk thong patao abih bruk krung hu mưjiơng tabiak. 32Patao thurah iêu halun nan mưrai thong đôm: ‘Hơic halun xag mưjưy dêh, kami krung hu klāk abih thre ka hư, kaywa hư neh likau kami. 33Habar hư glaic ôh athur alim ka ayut côi drei, yau kami krung hu athur alim hư?’ 34Patao dangih, jao nhu ka urang khik thang danuh ka tal tuk biyar abih thre. 35Mưyah yāup urang dalam khol hư ôh bih tian ampun ka dei ai drei, yơ Amư Ita ngok thôr riga lijang dok dang thong khol hư yau nan rei.”

Currently Selected:

Ma-thi-ơ 18: CJM2024

Highlight

Copy