Lu-ka 4
4
Abilêh palwô ngal Pô Yê-su
(Ma-thi-ơ 4:1-11; Mag 1:12-13)
1Pô Yê-su bak lamak Pô Nưbi Ginrơh; Bhô mưng krong Yô-đar gilaic mai bloh bihu Pô Nưbi Ginrơh ba tamư dalam bhum kamrang. 2Tak nan, Bhô ciup ka Abilêh palwô ngal pāk pluh harei. Dalam dôm harei nan, Bhô ôh ƀang haget trah, kal tuk vag nan kloh bloh yơ Bhô lipa. 3Abilêh đôm thong Bhô: “Mưyah hư nạn Anưk Pô Lingik, yơ xang ngak ka patau ni gilaic hajiơng tapei mek!” 4Pô Yê-su thuuk: “Hu panôic vak: ‘Mưnuix urang diup ôh njaup ciêt nhơ di tapei thoh ô.’” 5Abilêh ba Bhô tagôk, pato ka Bhô ƀôh abih dôm dit biya ngok dunya dalam tha binrôk, 6bloh đôm: “Mưca ita brei ka hư abih aco gon thong xêh mưlang khol nhu, kaywa mưnok nhu krung bihu jao ka ita bloh thong ita ưng brei ka thei patui gimnit. 7Yau nan, mưyah hư sambah ita, yơ abih mưca jiơng anưd bha di hư.” 8Pô Yê-su thuuk: “Hu panôic vak: ‘Hư xang bhuktik Pô, nạn Pô Lingik hư, thong ciêt ragxa tha drei Bhô min!’” 9Abilêh lijang ba Bhô mưrai dhan Yê-ru-sa-lem padok Bhô ngok pabung huji, thong đôm: “Mưyah hư nạn Anưk Pô Lingik yơ xang palao drei trun mek; 10kaywa hu panôic vak:
‘Mưca Pô Lingik thurah ka dôm umat khik ramik hư,
11Mưca dôm umat tapông vơh hư ngok tangin, ô mưca takai hư gok hanek patau ô.’”
12Pô Yê-su thuuk: “Hu panôic bican: ‘Hư jôi padau Pô, nạn Pô Lingik hư.’” 13Hadei di tuk angui abih gilong palwô ngal Bhô, Abilêh klāk nao, cang barat pakan.
Rapajan Pô Yê-su tak nưgar Ga-li-lê
(4:14 – 9:50)
Pô Yê-su lang pato tak Na-xa-ret
(Ma-thi-ơ 13:53-58; Mag 6:1-6)
14Pô Yê-su gilaic mai nưgar Ga-li-lê dalam gon xagta Pô Nưbi Ginrơh, thong nưm angan Bhô danưy nao graup bhum jek taphia. 15Bhô pato pakai dalam dôm thang nhom, abih drei jang pôk mưyom Bhô.
Pô Yê-su gok mưlah klak tak Na-xa-ret
(Ma-thi-ơ 13:53-58; Mag 6:1-6)
16Pô Yê-su mưrai dhan Na-xa-ret, nạn libik rong ba Bhô. Tui tana, tamư harei Sa-ƀat, Bhô mưrai thang nhom, dang tagôk piêh pôic. 17Hu urang yêr ka Bhô thang gavang tapuk hôr Ê-sai, Bhô pơh tabiak dwah ƀôh libik hu vak:
18“Pô Nưbi Ginrơh anưd Pô biđang ngok Ita,
Kaywa Bhô krung hu luk mưnhưk ka Ita piêh lang pahơh Khao Siam ka mưnuix kathot.
19Bhô krung hu pachai Ita piêh pablo ka dôm urang gok danuh bihu palao,
Urang tagloh bihu hadah mưta,
Urang gok jwak jek bihu salalah;
Thong pablo thun Pô brei phôl.”
20Bhô balik tapuk vơk, biyar ka mưnuix hadai rija, bloh dok dala. Abih drei dalam thang nhom jang patom mat mong Bhô. 21Bhô raup đôm thong khol nhu: “Harei ni panôic Agal Nưbi bloh khol hư birau pang krung bihu thit.” 22Abih drei jang ngak kaxan siam ka Bhô, thong plơng kadơng ka dôm kadha hanim mưng pabah Bhô. Khol nhu tanhi: “Hu njaup urang ni nạn anưk Yô-sep ô?” 23Bhô bican: “Mưda hak khol hư ưng đôm thong Ita panôic yao ni: ‘Hơic gru bet, xang êng pajru dhit drei! Abih kabha khol dahlak hamit ong krung hu ngak tak dhan Ka-ƀê-na-um, xang ngak tak ni, libik bhum mi ong.’” 24#Yâ 4:44.Bhô gilaic bican: “Biak jơh, Ita đôm thong khol hư, ôh tha pakat hôr halei bihu rok daa tak bhum mi drei. 25Biak jơh, Ita đôm thong khol hư, dalam rai Ê-li, tuk lingik gok danuh kloh dalam klau thun nam bilan, graup nưgar gok bala ơk prong, thong dalam bôl I-sra-ên lijang hu ralô urang kamei bilau. 26Min, Ê-li ôh bihu pachai mưrai tom tha urang halei dalam thanôn khol nhu, klāk tabiak tha urang kamei bilau pak Sa-rep-ta, nưgar Si-đôn. 27Dalam rai hôr Ê-li-sê, pak I-sra-ên lijang hu ralô urang libuh rwak khalong; min ôh thei dalam khol nhu bihu hacih, klāk tabiak Na-a-man mưnuix Si-ri.” 28Abih drei dalam thang nhom pang dôm panôic nan, yơ dangih mưkek. 29Khol nhu dang tagôk hwa Bhô tabiak di lingiu dhan, ba Bhô tagôk pabung cơk, libik mưnuix urang darap dhan, piêh parah Bhô trun. 30Min Bhô pleh truh di khol nhu, bloh nao libik pakan.
Pô Yê-su tiaup ajin
(Mag 1:21-28)
31Bhô nao trun dhan Ka-ƀê-na-um, bha nưgar Ga-li-lê, thong lang pato dalam harei Sa-ƀat. 32#Mat 7:28,29.Abih drei jang plơng kadơng ka gruk lang pato anưd Bhô, kaywa panôic Yê-su bak ganuh gon. 33Dalam thang nhom, tha urang gok ajin haruk haram mưk, ong prêu khang tagôk: “Hơic Yê-su tak Na-xa-ret! 34Khol dahlak thong Bhô hu baxa haget? Bhô mưrai piêh thubang khol dahlak habar? Khol dahlak thau Bhô nạn thei, Bhô nạn Dê Nưbi anưd Pô Lingik!” 35Min Pô Yê-su xayok nhu: “Xang gađang mek! Xang tabiak truh di urang ni!” Ajin binhêt paboh jalơh urang nan di krưh tapôr ralô, thong tabiak truh bloh ôh ngak haget utan tal nhu. 36Abih drei jang thur mưk, đôm thong gaup: “Anga haget ni? Ong nan angui ganuh gon thong xagta bloh thurah ka dôm tan ok yang thong mưnok nhu xang tabiak truh.” 37Nưm angan Bhô danưy tabiak graup bhum tom dar.
Pô Yê-su pajru dhit muk thuma Phi-e-rơ
(Ma-thi-ơ 8:14-17; Mag 1:29-34)
38Pô Yê-su niga thang nhom, tamư thang Si-môn. Muk thuma Phi-e-rơ dok pađiak trak; mưnuix urang likau di Bhô pajru rwak ka muk. 39Bhô mưrai paƀleng rup gah muk, xayok binhôr pađiak bloh pađiak tabiak truh di muk. Muk binhêt bruh tagôk thong ragxa abih drei.
Pô Yê-su ngak dôm thunau crih
(Mag 1:32-34)
40Tuk ia harei tamư cơk, mưnuix urang ba dôm urang gok ralô paka rwak mưrai tom Bhô. Bhô cek tangin tagôk yāup urang thong pajru dhit ka khol nhu. 41Dôm ajin lijang tabiak truh di ralô urang thong prêu katang: “Bhô nạn Anưk Pô Lingik!” Min Bhô xayok thong ôh brei idin mưnok nhu đôm, kaywa mưnok nhu thau Bhô nạn Dê Krist.
Pô Yê-su lang pahơh Khao Siam
(Mag 1:38-39)
42Birau hadah ƀrang, Bhô tamư nao libik jwa. Bôl bhap nao dwah Bhô; tuk krung hu gōk, khol nhu ran khik Bhô vơk, ôh brei niga truh di khol nhu. 43Min Bhô bican thong khol nhu: “Ita lijang xang pablo Khao Siam Dit Biya Pô Lingik ka dôm mưdin pakan vơk, kaywa Ita bihu pachai mưrai thong kaxat nan.” 44Yau nan, Bhô rao lang dalam dôm thang nhom nưgar Yu-đê.
Currently Selected:
Lu-ka 4: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 4
4
Abilêh palwô ngal Pô Yê-su
(Ma-thi-ơ 4:1-11; Mag 1:12-13)
1Pô Yê-su bak lamak Pô Nưbi Ginrơh; Bhô mưng krong Yô-đar gilaic mai bloh bihu Pô Nưbi Ginrơh ba tamư dalam bhum kamrang. 2Tak nan, Bhô ciup ka Abilêh palwô ngal pāk pluh harei. Dalam dôm harei nan, Bhô ôh ƀang haget trah, kal tuk vag nan kloh bloh yơ Bhô lipa. 3Abilêh đôm thong Bhô: “Mưyah hư nạn Anưk Pô Lingik, yơ xang ngak ka patau ni gilaic hajiơng tapei mek!” 4Pô Yê-su thuuk: “Hu panôic vak: ‘Mưnuix urang diup ôh njaup ciêt nhơ di tapei thoh ô.’” 5Abilêh ba Bhô tagôk, pato ka Bhô ƀôh abih dôm dit biya ngok dunya dalam tha binrôk, 6bloh đôm: “Mưca ita brei ka hư abih aco gon thong xêh mưlang khol nhu, kaywa mưnok nhu krung bihu jao ka ita bloh thong ita ưng brei ka thei patui gimnit. 7Yau nan, mưyah hư sambah ita, yơ abih mưca jiơng anưd bha di hư.” 8Pô Yê-su thuuk: “Hu panôic vak: ‘Hư xang bhuktik Pô, nạn Pô Lingik hư, thong ciêt ragxa tha drei Bhô min!’” 9Abilêh lijang ba Bhô mưrai dhan Yê-ru-sa-lem padok Bhô ngok pabung huji, thong đôm: “Mưyah hư nạn Anưk Pô Lingik yơ xang palao drei trun mek; 10kaywa hu panôic vak:
‘Mưca Pô Lingik thurah ka dôm umat khik ramik hư,
11Mưca dôm umat tapông vơh hư ngok tangin, ô mưca takai hư gok hanek patau ô.’”
12Pô Yê-su thuuk: “Hu panôic bican: ‘Hư jôi padau Pô, nạn Pô Lingik hư.’” 13Hadei di tuk angui abih gilong palwô ngal Bhô, Abilêh klāk nao, cang barat pakan.
Rapajan Pô Yê-su tak nưgar Ga-li-lê
(4:14 – 9:50)
Pô Yê-su lang pato tak Na-xa-ret
(Ma-thi-ơ 13:53-58; Mag 6:1-6)
14Pô Yê-su gilaic mai nưgar Ga-li-lê dalam gon xagta Pô Nưbi Ginrơh, thong nưm angan Bhô danưy nao graup bhum jek taphia. 15Bhô pato pakai dalam dôm thang nhom, abih drei jang pôk mưyom Bhô.
Pô Yê-su gok mưlah klak tak Na-xa-ret
(Ma-thi-ơ 13:53-58; Mag 6:1-6)
16Pô Yê-su mưrai dhan Na-xa-ret, nạn libik rong ba Bhô. Tui tana, tamư harei Sa-ƀat, Bhô mưrai thang nhom, dang tagôk piêh pôic. 17Hu urang yêr ka Bhô thang gavang tapuk hôr Ê-sai, Bhô pơh tabiak dwah ƀôh libik hu vak:
18“Pô Nưbi Ginrơh anưd Pô biđang ngok Ita,
Kaywa Bhô krung hu luk mưnhưk ka Ita piêh lang pahơh Khao Siam ka mưnuix kathot.
19Bhô krung hu pachai Ita piêh pablo ka dôm urang gok danuh bihu palao,
Urang tagloh bihu hadah mưta,
Urang gok jwak jek bihu salalah;
Thong pablo thun Pô brei phôl.”
20Bhô balik tapuk vơk, biyar ka mưnuix hadai rija, bloh dok dala. Abih drei dalam thang nhom jang patom mat mong Bhô. 21Bhô raup đôm thong khol nhu: “Harei ni panôic Agal Nưbi bloh khol hư birau pang krung bihu thit.” 22Abih drei jang ngak kaxan siam ka Bhô, thong plơng kadơng ka dôm kadha hanim mưng pabah Bhô. Khol nhu tanhi: “Hu njaup urang ni nạn anưk Yô-sep ô?” 23Bhô bican: “Mưda hak khol hư ưng đôm thong Ita panôic yao ni: ‘Hơic gru bet, xang êng pajru dhit drei! Abih kabha khol dahlak hamit ong krung hu ngak tak dhan Ka-ƀê-na-um, xang ngak tak ni, libik bhum mi ong.’” 24#Yâ 4:44.Bhô gilaic bican: “Biak jơh, Ita đôm thong khol hư, ôh tha pakat hôr halei bihu rok daa tak bhum mi drei. 25Biak jơh, Ita đôm thong khol hư, dalam rai Ê-li, tuk lingik gok danuh kloh dalam klau thun nam bilan, graup nưgar gok bala ơk prong, thong dalam bôl I-sra-ên lijang hu ralô urang kamei bilau. 26Min, Ê-li ôh bihu pachai mưrai tom tha urang halei dalam thanôn khol nhu, klāk tabiak tha urang kamei bilau pak Sa-rep-ta, nưgar Si-đôn. 27Dalam rai hôr Ê-li-sê, pak I-sra-ên lijang hu ralô urang libuh rwak khalong; min ôh thei dalam khol nhu bihu hacih, klāk tabiak Na-a-man mưnuix Si-ri.” 28Abih drei dalam thang nhom pang dôm panôic nan, yơ dangih mưkek. 29Khol nhu dang tagôk hwa Bhô tabiak di lingiu dhan, ba Bhô tagôk pabung cơk, libik mưnuix urang darap dhan, piêh parah Bhô trun. 30Min Bhô pleh truh di khol nhu, bloh nao libik pakan.
Pô Yê-su tiaup ajin
(Mag 1:21-28)
31Bhô nao trun dhan Ka-ƀê-na-um, bha nưgar Ga-li-lê, thong lang pato dalam harei Sa-ƀat. 32#Mat 7:28,29.Abih drei jang plơng kadơng ka gruk lang pato anưd Bhô, kaywa panôic Yê-su bak ganuh gon. 33Dalam thang nhom, tha urang gok ajin haruk haram mưk, ong prêu khang tagôk: “Hơic Yê-su tak Na-xa-ret! 34Khol dahlak thong Bhô hu baxa haget? Bhô mưrai piêh thubang khol dahlak habar? Khol dahlak thau Bhô nạn thei, Bhô nạn Dê Nưbi anưd Pô Lingik!” 35Min Pô Yê-su xayok nhu: “Xang gađang mek! Xang tabiak truh di urang ni!” Ajin binhêt paboh jalơh urang nan di krưh tapôr ralô, thong tabiak truh bloh ôh ngak haget utan tal nhu. 36Abih drei jang thur mưk, đôm thong gaup: “Anga haget ni? Ong nan angui ganuh gon thong xagta bloh thurah ka dôm tan ok yang thong mưnok nhu xang tabiak truh.” 37Nưm angan Bhô danưy tabiak graup bhum tom dar.
Pô Yê-su pajru dhit muk thuma Phi-e-rơ
(Ma-thi-ơ 8:14-17; Mag 1:29-34)
38Pô Yê-su niga thang nhom, tamư thang Si-môn. Muk thuma Phi-e-rơ dok pađiak trak; mưnuix urang likau di Bhô pajru rwak ka muk. 39Bhô mưrai paƀleng rup gah muk, xayok binhôr pađiak bloh pađiak tabiak truh di muk. Muk binhêt bruh tagôk thong ragxa abih drei.
Pô Yê-su ngak dôm thunau crih
(Mag 1:32-34)
40Tuk ia harei tamư cơk, mưnuix urang ba dôm urang gok ralô paka rwak mưrai tom Bhô. Bhô cek tangin tagôk yāup urang thong pajru dhit ka khol nhu. 41Dôm ajin lijang tabiak truh di ralô urang thong prêu katang: “Bhô nạn Anưk Pô Lingik!” Min Bhô xayok thong ôh brei idin mưnok nhu đôm, kaywa mưnok nhu thau Bhô nạn Dê Krist.
Pô Yê-su lang pahơh Khao Siam
(Mag 1:38-39)
42Birau hadah ƀrang, Bhô tamư nao libik jwa. Bôl bhap nao dwah Bhô; tuk krung hu gōk, khol nhu ran khik Bhô vơk, ôh brei niga truh di khol nhu. 43Min Bhô bican thong khol nhu: “Ita lijang xang pablo Khao Siam Dit Biya Pô Lingik ka dôm mưdin pakan vơk, kaywa Ita bihu pachai mưrai thong kaxat nan.” 44Yau nan, Bhô rao lang dalam dôm thang nhom nưgar Yu-đê.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.