Lu-ka 2
2
Pô Yê-su jrang mưnưk
(Ma-thi-ơ 1:18-25)
1Tuk nan, Sê-sa Au-gut-tơ tabiak harak gon rah mong akok bôl graup dunya. 2Sani nạn, gruk rah yaup tamưrơp bihu ngak dalam rai Qui-ri-ni-u, ngak kwan pakrang nưgar Si-ri. 3Abih drei jang xang gilaic mai bhum mi piêh keng angan. 4Kaywa Yô-sep nan talei pajeh Đa-vit, nan ka lijang mưng dhan Na-xa-ret, nưgar Ga-li-lê, tagôk dhan Đa-vit iêu nạn Ƀêt-lê-hem, bha nưgar Yu-đê, 5piêh keng angan drei thong angan Ma-ri, mưnuix krung hu cek xanôi thong drei, krưh dok hu linhang. 6Krưh dok tuk dwa urang mưdok tak nan yơ harei Ma-ri mưnưk mưboh tal pajơ. 7Kanai mưnưk anưk likei kacwa, mưk khan mưtham papok anưk drei cek đih dalam kamang harơk, kaywa thang padei ôh dok libik halei ka khol nhu.
Dôm urang glang pabo thong dôm umat
8Lijang dalam bhum nan hu hadôm urang glang pabo dok pak ƀlang along, mưdơh mưlam khik mong tapôr pabo. 9Tha umat Pô bhat mưrai tom khol nhu, xêh mưlang Pô tanrak hadah tom dar hajiơng khol nhu biak thur mưk. 10Umat bican laic: “Jôi hôic! Mưni, ita akhan ka khol hư tha khao siam, sani mưca nạn gruk bui ôn prong ka abih drei. 11Kaywa harei ni tak dhan Đa-vit tha Dê Dong Paklah, nạn Dê Krist, nạn Pô krung bihu mưnưk tabiak ka khol hư. 12Sani nạn habang piêh ka khol hư krưn hu Bhô: Khol hư mưca gōk tha anưk rineh papok mưng khan mưtham pađih dalam kamang harơk.” 13Asak, hu ribun ribau jabôl lingik umat thubik thong umat nan pôk mưyom Pô Lingik laic:
14“Tahamid Pô Lingik Glong Yatha,
Thug siam di tanưh ka urang bihu karun!”
15Hadei di tuk dôm umat niga khol nhu tagôk thôr riga bloh, dôm urang glang pabo đôm thong gaup laic: “Khol drei xang nao tal dhan Ƀêt-lê-hem iơk bruk krung hu mưjiơng tabiak bloh Pô brei ka khol drei thau.” 16Yau nan, khol nhu bhưng bhưng nao tal nan, gōk Ma-ri, Yô-sep, thong ƀôh anưk rineh dok đih dalam kamang harơk. 17Tuk ƀôh yau nan, khol nhu binhêt lak vơk dôm panôic umat đôm ka anưk rineh nan. 18Thei pang dôm kadha bloh dôm urang glang pabo binô lijang plơng kadơng. 19Dok Ma-ri yơ twôk ratak dôm panôic nan thong mưnưgxa dalam tian. 20Dôm urang glang pabo gilaic mai, tahamid thong pôk mưyom Pô Lingik ka dôm kabha khol nhu krung hu pang thong ƀôh, njaup yau panôic krung hu brei thau dahlau thong khol nhu.
Pô Yê-su bihu patah angan
21 #
Lu 1:31. Tuk bihu tal dalipan harei, tuk xang khao tan ka anưk rineh, yơ khol nhu patah angan nạn Yê-su, nạn angan umat krung hu patah dahlau di tuk anưk rineh bihu đung dalam tian amek.
Rija limah Pô Yê-su libik huji
22Tuk dôm harei jamưah tui hakum jakar Mô-se krung hu kloh, amek amư ba anưk rineh tagôk dhan Yê-ru-sa-lem piêh limah ka Pô, 23yau krung hu vak dalam hakum jakar Pô laic: “Graup anưk likei kacwa xang cek karei likam ka Pô”, 24thong limah tha yau katrau bôk, ngan katrau anưk, yau hakum jakar Pô krung hu tathit.
Panôic Si-mê-ôn pôk mưyom – Muk hôr An-ne
25Tuk nan, tak dhan Yê-ru-sa-lem, hu tha urang kahanôt thong jalan adat, angan nạn Si-mê-ôn. Ong mong akok gruk pajiông anưd bôl I-sra-ên, thong Pô Nưbi Ginrơh biđang ngok ong. 26Pô Nưbi Ginrơh krung hu brei ka ong thau dahlau laic mưca ong ôh mưtai dahlau di tuk ƀôh Dê Krist anưd Pô. 27Bihu Pô Nưbi Ginrơh padrut, ong tamư huji njaup tuk amek amư ba anưk rineh nạn Yê-su mưrai piêh ngak ka Bhô dôm tana rakun tui hakum jakar. 28Ong pôk anưk rineh bloh pôk mưyom Pô Lingik laic:
29“Pô lơy, urak ni likau di Pô brei ka halun Pô tabiak nao thug siam,
Tui yau panôic Bhô;
30Kaywa mưta dahlak krung hu ƀôh gruk dong paklah Bhô,
31Bloh Bhô krung hu thrap gap pak anak abih bôl,
32Nạn tanrak hadah pachang jalan ka dôm mưnuix Bôl-Lingiu,
Thong nạn xêh mưlang anưd I-sra-ên, nạn bôl Bhô.”
33Amek amư anưk rineh plơng kadơng ka dôm panôic Si-mê-ôn đôm ka anưk rineh. 34Si-mê-ôn tadhau phôl ka dwa hadiup pathang thong đôm thong Ma-ri, amek anưk rineh laic: “Anưk rineh ni krung bihu kamưnrat piêh ngak ka ralô urang dalam I-sra-ên hanek jalơh ngan bruh tagôk, thong nạn tha habang ngak jiơng gruk pagan gađi. 35Dok nai, tha ƀek padak lijang mưca klaup luic tung tian nai, piêh thangka jalam dađaup anưd ralô urang xang pabiđang tabiak.”
36Lijang hu hôr kamei An-ne, anưk kamei Pha-nu-ên, gah mông A-se, krung hu prong thun. Hadei di tuk khing likei, muk krung hu đih dok thong pathang bihu tajuh thun, 37bloh dok bilau, tal mưni krung hu dalipan pluh pāk thun.#2:37 tal mưni krung hu dalipan pluh pāk thun: Ngan nạn tal mưni krung hu dalipan pluh pāk thun. Muk ôh bik niga huji, kưk harei mưlam ragxa Pô, ikak tian ơk thong lang kar. 38Dalam tuk nan, muk lijang mưrai tak nan, pôk mưyom Pô Lingik thong đôm ka anưk rineh ka abih drei dok mong akok gruk dong paklah dhan Yê-ru-sa-lem.
Gilaic mai Na-xa-ret
39 #
Mat 2:23. Tuk krung hu pathik abih bruk tui hakum jakar Pô, Yô-sep thong Ma-ri gilaic mai dhan drei nạn Na-xa-ret bha nưgar Ga-li-lê. 40Anưk rineh prong tagôk thong tati katang; bak lamak gruk jag karag thong karun hanim Pô Lingik dok thong Bhô.
Pô Yê-su tuk hu tha pluh dwa thun
41Yāup thun tal Rija Gan Tapa, amek amư Pô Yê-su bhian nao tagôk dhan Yê-ru-sa-lem. 42Tuk bihu tha pluh dwa thun, Bhô mưthong amek amư nao tagôk tak nan, tamưbha rija tui bhian adat. 43Tuk dôm harei rija hu tapa bloh, amek amư gilaic mai, min kei xit Yê-su dok vơk dhan Yê-ru-sa-lem bloh amek amư Bhô ôh thau. 44Khol nhu kưk đaka Bhô nao thubik thong tapôr mưnuix, nan ka hadei tha harei nao di jalan mưng pachang dwah Bhô dalam gaup gan thong dôm urang krưn bưn. 45Tuk ôh ƀôh Bhô, khol nhu binhêt gilaic vơk dhan Yê-ru-sa-lem piêh dwah. 46Hadei klau harei, khol nhu gōk Bhô dalam huji krưh dok pak krưh dôm gru agama Yo Thaic, thong pang thong tanhi. 47Abih urang pang Bhô jang plơng kadơng ka gruk dilir thong dôm panôic lang pađao Bhô. 48Tuk khol nhu ƀôh Bhô yơ plơng kadơng, bloh amek Bhô đôm thong Bhô: “Anưk lơy, habar anưk ngak ka amek amư yau ni? Amư anưk thong amek krung hu uh tarak dwah anưk!” 49Bhô thuuk thong khol nhu: “Habar amư amek gilaic dwah dahlak? Ôh thau laic dahlak xang jari jarô bruk Amư dahlak ô?#2:49 dahlak xang jari jarô bruk Amư dahlak ô? Ngan nạn dahlak xang mưdok dalam thang Amư dahlak ô?” 50Min khol nhu ôh thau kadha Bhô birau đôm. 51Bhô tui amek amư nao gilaic mai Na-xa-ret thong halar tui khol nhu. Amek Bhô dal kanal abih panôic nan dalam tian.
52Pô Yê-su bik paƀlwak jag karag, rup pabhap bik prong, bik bihu bui tian Pô Lingik thong mưnuix urang.
Currently Selected:
Lu-ka 2: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 2
2
Pô Yê-su jrang mưnưk
(Ma-thi-ơ 1:18-25)
1Tuk nan, Sê-sa Au-gut-tơ tabiak harak gon rah mong akok bôl graup dunya. 2Sani nạn, gruk rah yaup tamưrơp bihu ngak dalam rai Qui-ri-ni-u, ngak kwan pakrang nưgar Si-ri. 3Abih drei jang xang gilaic mai bhum mi piêh keng angan. 4Kaywa Yô-sep nan talei pajeh Đa-vit, nan ka lijang mưng dhan Na-xa-ret, nưgar Ga-li-lê, tagôk dhan Đa-vit iêu nạn Ƀêt-lê-hem, bha nưgar Yu-đê, 5piêh keng angan drei thong angan Ma-ri, mưnuix krung hu cek xanôi thong drei, krưh dok hu linhang. 6Krưh dok tuk dwa urang mưdok tak nan yơ harei Ma-ri mưnưk mưboh tal pajơ. 7Kanai mưnưk anưk likei kacwa, mưk khan mưtham papok anưk drei cek đih dalam kamang harơk, kaywa thang padei ôh dok libik halei ka khol nhu.
Dôm urang glang pabo thong dôm umat
8Lijang dalam bhum nan hu hadôm urang glang pabo dok pak ƀlang along, mưdơh mưlam khik mong tapôr pabo. 9Tha umat Pô bhat mưrai tom khol nhu, xêh mưlang Pô tanrak hadah tom dar hajiơng khol nhu biak thur mưk. 10Umat bican laic: “Jôi hôic! Mưni, ita akhan ka khol hư tha khao siam, sani mưca nạn gruk bui ôn prong ka abih drei. 11Kaywa harei ni tak dhan Đa-vit tha Dê Dong Paklah, nạn Dê Krist, nạn Pô krung bihu mưnưk tabiak ka khol hư. 12Sani nạn habang piêh ka khol hư krưn hu Bhô: Khol hư mưca gōk tha anưk rineh papok mưng khan mưtham pađih dalam kamang harơk.” 13Asak, hu ribun ribau jabôl lingik umat thubik thong umat nan pôk mưyom Pô Lingik laic:
14“Tahamid Pô Lingik Glong Yatha,
Thug siam di tanưh ka urang bihu karun!”
15Hadei di tuk dôm umat niga khol nhu tagôk thôr riga bloh, dôm urang glang pabo đôm thong gaup laic: “Khol drei xang nao tal dhan Ƀêt-lê-hem iơk bruk krung hu mưjiơng tabiak bloh Pô brei ka khol drei thau.” 16Yau nan, khol nhu bhưng bhưng nao tal nan, gōk Ma-ri, Yô-sep, thong ƀôh anưk rineh dok đih dalam kamang harơk. 17Tuk ƀôh yau nan, khol nhu binhêt lak vơk dôm panôic umat đôm ka anưk rineh nan. 18Thei pang dôm kadha bloh dôm urang glang pabo binô lijang plơng kadơng. 19Dok Ma-ri yơ twôk ratak dôm panôic nan thong mưnưgxa dalam tian. 20Dôm urang glang pabo gilaic mai, tahamid thong pôk mưyom Pô Lingik ka dôm kabha khol nhu krung hu pang thong ƀôh, njaup yau panôic krung hu brei thau dahlau thong khol nhu.
Pô Yê-su bihu patah angan
21 #
Lu 1:31. Tuk bihu tal dalipan harei, tuk xang khao tan ka anưk rineh, yơ khol nhu patah angan nạn Yê-su, nạn angan umat krung hu patah dahlau di tuk anưk rineh bihu đung dalam tian amek.
Rija limah Pô Yê-su libik huji
22Tuk dôm harei jamưah tui hakum jakar Mô-se krung hu kloh, amek amư ba anưk rineh tagôk dhan Yê-ru-sa-lem piêh limah ka Pô, 23yau krung hu vak dalam hakum jakar Pô laic: “Graup anưk likei kacwa xang cek karei likam ka Pô”, 24thong limah tha yau katrau bôk, ngan katrau anưk, yau hakum jakar Pô krung hu tathit.
Panôic Si-mê-ôn pôk mưyom – Muk hôr An-ne
25Tuk nan, tak dhan Yê-ru-sa-lem, hu tha urang kahanôt thong jalan adat, angan nạn Si-mê-ôn. Ong mong akok gruk pajiông anưd bôl I-sra-ên, thong Pô Nưbi Ginrơh biđang ngok ong. 26Pô Nưbi Ginrơh krung hu brei ka ong thau dahlau laic mưca ong ôh mưtai dahlau di tuk ƀôh Dê Krist anưd Pô. 27Bihu Pô Nưbi Ginrơh padrut, ong tamư huji njaup tuk amek amư ba anưk rineh nạn Yê-su mưrai piêh ngak ka Bhô dôm tana rakun tui hakum jakar. 28Ong pôk anưk rineh bloh pôk mưyom Pô Lingik laic:
29“Pô lơy, urak ni likau di Pô brei ka halun Pô tabiak nao thug siam,
Tui yau panôic Bhô;
30Kaywa mưta dahlak krung hu ƀôh gruk dong paklah Bhô,
31Bloh Bhô krung hu thrap gap pak anak abih bôl,
32Nạn tanrak hadah pachang jalan ka dôm mưnuix Bôl-Lingiu,
Thong nạn xêh mưlang anưd I-sra-ên, nạn bôl Bhô.”
33Amek amư anưk rineh plơng kadơng ka dôm panôic Si-mê-ôn đôm ka anưk rineh. 34Si-mê-ôn tadhau phôl ka dwa hadiup pathang thong đôm thong Ma-ri, amek anưk rineh laic: “Anưk rineh ni krung bihu kamưnrat piêh ngak ka ralô urang dalam I-sra-ên hanek jalơh ngan bruh tagôk, thong nạn tha habang ngak jiơng gruk pagan gađi. 35Dok nai, tha ƀek padak lijang mưca klaup luic tung tian nai, piêh thangka jalam dađaup anưd ralô urang xang pabiđang tabiak.”
36Lijang hu hôr kamei An-ne, anưk kamei Pha-nu-ên, gah mông A-se, krung hu prong thun. Hadei di tuk khing likei, muk krung hu đih dok thong pathang bihu tajuh thun, 37bloh dok bilau, tal mưni krung hu dalipan pluh pāk thun.#2:37 tal mưni krung hu dalipan pluh pāk thun: Ngan nạn tal mưni krung hu dalipan pluh pāk thun. Muk ôh bik niga huji, kưk harei mưlam ragxa Pô, ikak tian ơk thong lang kar. 38Dalam tuk nan, muk lijang mưrai tak nan, pôk mưyom Pô Lingik thong đôm ka anưk rineh ka abih drei dok mong akok gruk dong paklah dhan Yê-ru-sa-lem.
Gilaic mai Na-xa-ret
39 #
Mat 2:23. Tuk krung hu pathik abih bruk tui hakum jakar Pô, Yô-sep thong Ma-ri gilaic mai dhan drei nạn Na-xa-ret bha nưgar Ga-li-lê. 40Anưk rineh prong tagôk thong tati katang; bak lamak gruk jag karag thong karun hanim Pô Lingik dok thong Bhô.
Pô Yê-su tuk hu tha pluh dwa thun
41Yāup thun tal Rija Gan Tapa, amek amư Pô Yê-su bhian nao tagôk dhan Yê-ru-sa-lem. 42Tuk bihu tha pluh dwa thun, Bhô mưthong amek amư nao tagôk tak nan, tamưbha rija tui bhian adat. 43Tuk dôm harei rija hu tapa bloh, amek amư gilaic mai, min kei xit Yê-su dok vơk dhan Yê-ru-sa-lem bloh amek amư Bhô ôh thau. 44Khol nhu kưk đaka Bhô nao thubik thong tapôr mưnuix, nan ka hadei tha harei nao di jalan mưng pachang dwah Bhô dalam gaup gan thong dôm urang krưn bưn. 45Tuk ôh ƀôh Bhô, khol nhu binhêt gilaic vơk dhan Yê-ru-sa-lem piêh dwah. 46Hadei klau harei, khol nhu gōk Bhô dalam huji krưh dok pak krưh dôm gru agama Yo Thaic, thong pang thong tanhi. 47Abih urang pang Bhô jang plơng kadơng ka gruk dilir thong dôm panôic lang pađao Bhô. 48Tuk khol nhu ƀôh Bhô yơ plơng kadơng, bloh amek Bhô đôm thong Bhô: “Anưk lơy, habar anưk ngak ka amek amư yau ni? Amư anưk thong amek krung hu uh tarak dwah anưk!” 49Bhô thuuk thong khol nhu: “Habar amư amek gilaic dwah dahlak? Ôh thau laic dahlak xang jari jarô bruk Amư dahlak ô?#2:49 dahlak xang jari jarô bruk Amư dahlak ô? Ngan nạn dahlak xang mưdok dalam thang Amư dahlak ô?” 50Min khol nhu ôh thau kadha Bhô birau đôm. 51Bhô tui amek amư nao gilaic mai Na-xa-ret thong halar tui khol nhu. Amek Bhô dal kanal abih panôic nan dalam tian.
52Pô Yê-su bik paƀlwak jag karag, rup pabhap bik prong, bik bihu bui tian Pô Lingik thong mưnuix urang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.