Dôm Bruk Ngak 28
28
Phao-lô tak ƀôn palao Man-tơ
1Hadei di tuk bihu klah tabiak rijan, khol dahlak mưng thau laic ƀôn palao ni angan Man-tơ. 2Bôl puk bhum hadah tabiak kateh mưghơh thong khol dahlak. Kaywa lingik raup hajān thong lian nan ka khol nhu buh apui tagôk thong rok daa abih khol dahlak. 3Phao-lô dôn tha canak njuh parah tamư ƀuk apui yơ tha ula tanbôm mưng dalam canak njuh gok pađiak thro tabiak mưgavang kajap di tangin ong. 4Tuk bôl puk bhum ƀôh ula mưgavang di tangin Phao-lô yơ đôm thong gaup: “Biak urang ni nạn ra pamưtai mưnuix! Nan yơ kanê klah di mưtai dalam tathik bloh adil jang ôh brei idin diup!” 5Min Phao-lô ƀrah ula tanbôm tamư apui bloh ôh gok pađik pađwa haget trah. 6Khol nhu xanưng laic ong mưca gok birah tagôk ngan jalơh trun mưtai binhêt; min hadei di tuk cang tha kal, ôh ƀôh kabha haget camrih mưjiơng tabiak, khol nhu gilaic xalih gimnit thong đôm laic ong nạn tha pakat yang.
7Jek nan nạn tanưh ong Pup-li-u, Ginôr ƀôn palao nan. Ong rok daa thong payak pađam khol dahlak ganap dalang dalôi dalam klau harei. 8Tuk nạn amư Pup-li-u dok krưh đih ngok canưng kaywa gok ligah lian thong tan paran. Phao-lô mưrai ravang, cek tangin ngok ong lang kar thong pajru dhit. 9Tuk bruk nan mưjiơng tabiak, abih mưnuix pađik rwak ngok ƀôn palao jang mưrai tom Phao-lô, thong abih bihu pajru dhit. 10Khol nhu ba tian puja banrik khol dahlak; tuk khol dahlak đik gilai, khol nhu dok brei jao pakar hajat angui ka khol dahlak gêk.
Phao-lô tak Rô-ma
11Klau bilan hadei, khol dahlak đik gilai hu angan Đi-ôt-kua mưng A-leg-xan-đri-a mưrai, nạn ahok krung hu kađāup bal lian tak ƀôn palao ni. 12Khol dahlak mưrai Si-ra-ku-sơ thong mưdok vơk tak nan klau harei. 13Mưng libik nan, khol dahlak đôic yơng thong mưrai Rê-gi-um. Harei hadei angin mưrong brôk tagôk, khol dahlak mưrai Pu-te-ô-li ciêt hadei di dwa harei. 14Khol dahlak gōk dôm dei ai tak nan, khol nhu daa khol dahlak mưdok vơk thong khol nhu tajuh harei. Yau nan khol dahlak krung hu mưrai Rô-ma. 15Dôm dei ai mưdok tak nan hamit khao khol dahlak mưrai yơ tabiak tal klơng Ap-pi-u thong libik Klau Kwan piêh rok. Phao-lô ƀôh dei ai yơ đwa karun Pô Lingik thong paƀlwak hatai tian. 16Tuk khol dahlak tamư dhan Rô-ma, Phao-lô bihu idin mưdok karei thong tha urang rajabôl khik mong.
17Hadei di klau harei, Phao-lô daa dôm kar pan akok mưnuix Yo Thaic mưrai; tuk khol nhu nhom vơk, ong đôm: “Pathau dei ai, mưyah ôh ngak kabha haget mưradhag di paran ngan adat caƀat muk kei khol drei, dahlak krung hu gok mưk tak Yê-ru-sa-lem thong jao ka mưnuix Rô-ma. 18Hadei di tuk athul tanhi dahlak, khol nhu ưng biyar salalah ka dahlak, kaywa ƀôh dahlak ôh ngak kabha haget đang mưtai. 19#Bruk 25:11.Min mưnuix Yo Thaic paraduh nan ka dahlak xang avo tagôk Sê-sa, mih dahlak ôh hu gimnit palek palam paran drei ô! 20Kaywa gađi gadha nan, dahlak krung hu likau gōk thong đôm pôic thong dei ai; kaywa êng boh pachôm anưd bôl I-sra-ên bloh dahlak bak ba talei threng ni.” 21Khol nhu thuuk: “Khol dahlak ôh tôk bihu harak halei mưng Yu-đê đôm ka xaai, thong lijang ôh hu dei ai halei mưrai tak ni brei thau ngan nạn đôm jhak xaai. 22Yau nan min, khol dahlak ưng thau xaai xanưng yau halei, kaywa khol dahlak thau kavôm ni gok mưnuix urang pagan gađi graup libik.”
23Hadei di tuk jarô harei gōk ong, khol nhu mưrai ravang ong tak thang padei biak ralô. Mưng pagê tal biêr harei, ong kưk ngak kaxan thong lang ar Dit Biya Pô Lingik ka khol nhu, angui hakum jakar Mô-se thong dôm panôic hôr bloh ran pahalar khol nhu ka Pô Yê-su. 24Tha thanôn mưnuix ciup pahalar kaywa di panôic ong lang, dok thanôn pakan ôh ciup dial. 25Ywa nan ka, khol nhu bak yang thong gaup bloh tabiak nao nan ka Phao-lô đôm paƀlwak panôic ni: “Pô Nưbi Ginrơh krung hu bican biak njaup lô, tuk Bhô angui pakat hôr Ê-sai bican thong muk kei dei ai laic:
26‘Xang mưrai tom bôl ni bloh đôm:
Khol hư pang bloh ôh thau haget,
Khol hư mong yơ ôh ƀôh haget.
27Kaywa tian bôl ni gilaic jiơng xup palup,
Tangi khol nhu trak,
Mưta khol nhu pik.
Hôic lô mưta khol nhu ƀôh bihu,
Tangi khol nhu pang bihu,
Tian khol nhu thau bihu,
Thong khol nhu gilaic vơk
Piêh Ita pajru dhit kaic.’
28Yau nan, xang thau laic gruk dong paklah anưd Pô Lingik krung bihu pahơh ka mưnuix Bôl-Lingiu thong mưca khol nhu pangik pang.” 29[Tuk Phao-lô đôm bloh, dôm urang Yo Thaic tabiak nao, jajek thong gaup danưh.]#28:29 Dalam tha thanôn blah vak tangin ôh hu kanen 29.
30Phao-lô mưdok bih dwa thun tak tha thang apah. Ong rok daa dôm urang mưrai ravang drei, 31lang Dit Biya Pô Lingik thong pato ka Pô nạn Pô Yê-su Krist tha ganap salalah, ôh gok thei pakaup.
Currently Selected:
Dôm Bruk Ngak 28: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Dôm Bruk Ngak 28
28
Phao-lô tak ƀôn palao Man-tơ
1Hadei di tuk bihu klah tabiak rijan, khol dahlak mưng thau laic ƀôn palao ni angan Man-tơ. 2Bôl puk bhum hadah tabiak kateh mưghơh thong khol dahlak. Kaywa lingik raup hajān thong lian nan ka khol nhu buh apui tagôk thong rok daa abih khol dahlak. 3Phao-lô dôn tha canak njuh parah tamư ƀuk apui yơ tha ula tanbôm mưng dalam canak njuh gok pađiak thro tabiak mưgavang kajap di tangin ong. 4Tuk bôl puk bhum ƀôh ula mưgavang di tangin Phao-lô yơ đôm thong gaup: “Biak urang ni nạn ra pamưtai mưnuix! Nan yơ kanê klah di mưtai dalam tathik bloh adil jang ôh brei idin diup!” 5Min Phao-lô ƀrah ula tanbôm tamư apui bloh ôh gok pađik pađwa haget trah. 6Khol nhu xanưng laic ong mưca gok birah tagôk ngan jalơh trun mưtai binhêt; min hadei di tuk cang tha kal, ôh ƀôh kabha haget camrih mưjiơng tabiak, khol nhu gilaic xalih gimnit thong đôm laic ong nạn tha pakat yang.
7Jek nan nạn tanưh ong Pup-li-u, Ginôr ƀôn palao nan. Ong rok daa thong payak pađam khol dahlak ganap dalang dalôi dalam klau harei. 8Tuk nạn amư Pup-li-u dok krưh đih ngok canưng kaywa gok ligah lian thong tan paran. Phao-lô mưrai ravang, cek tangin ngok ong lang kar thong pajru dhit. 9Tuk bruk nan mưjiơng tabiak, abih mưnuix pađik rwak ngok ƀôn palao jang mưrai tom Phao-lô, thong abih bihu pajru dhit. 10Khol nhu ba tian puja banrik khol dahlak; tuk khol dahlak đik gilai, khol nhu dok brei jao pakar hajat angui ka khol dahlak gêk.
Phao-lô tak Rô-ma
11Klau bilan hadei, khol dahlak đik gilai hu angan Đi-ôt-kua mưng A-leg-xan-đri-a mưrai, nạn ahok krung hu kađāup bal lian tak ƀôn palao ni. 12Khol dahlak mưrai Si-ra-ku-sơ thong mưdok vơk tak nan klau harei. 13Mưng libik nan, khol dahlak đôic yơng thong mưrai Rê-gi-um. Harei hadei angin mưrong brôk tagôk, khol dahlak mưrai Pu-te-ô-li ciêt hadei di dwa harei. 14Khol dahlak gōk dôm dei ai tak nan, khol nhu daa khol dahlak mưdok vơk thong khol nhu tajuh harei. Yau nan khol dahlak krung hu mưrai Rô-ma. 15Dôm dei ai mưdok tak nan hamit khao khol dahlak mưrai yơ tabiak tal klơng Ap-pi-u thong libik Klau Kwan piêh rok. Phao-lô ƀôh dei ai yơ đwa karun Pô Lingik thong paƀlwak hatai tian. 16Tuk khol dahlak tamư dhan Rô-ma, Phao-lô bihu idin mưdok karei thong tha urang rajabôl khik mong.
17Hadei di klau harei, Phao-lô daa dôm kar pan akok mưnuix Yo Thaic mưrai; tuk khol nhu nhom vơk, ong đôm: “Pathau dei ai, mưyah ôh ngak kabha haget mưradhag di paran ngan adat caƀat muk kei khol drei, dahlak krung hu gok mưk tak Yê-ru-sa-lem thong jao ka mưnuix Rô-ma. 18Hadei di tuk athul tanhi dahlak, khol nhu ưng biyar salalah ka dahlak, kaywa ƀôh dahlak ôh ngak kabha haget đang mưtai. 19#Bruk 25:11.Min mưnuix Yo Thaic paraduh nan ka dahlak xang avo tagôk Sê-sa, mih dahlak ôh hu gimnit palek palam paran drei ô! 20Kaywa gađi gadha nan, dahlak krung hu likau gōk thong đôm pôic thong dei ai; kaywa êng boh pachôm anưd bôl I-sra-ên bloh dahlak bak ba talei threng ni.” 21Khol nhu thuuk: “Khol dahlak ôh tôk bihu harak halei mưng Yu-đê đôm ka xaai, thong lijang ôh hu dei ai halei mưrai tak ni brei thau ngan nạn đôm jhak xaai. 22Yau nan min, khol dahlak ưng thau xaai xanưng yau halei, kaywa khol dahlak thau kavôm ni gok mưnuix urang pagan gađi graup libik.”
23Hadei di tuk jarô harei gōk ong, khol nhu mưrai ravang ong tak thang padei biak ralô. Mưng pagê tal biêr harei, ong kưk ngak kaxan thong lang ar Dit Biya Pô Lingik ka khol nhu, angui hakum jakar Mô-se thong dôm panôic hôr bloh ran pahalar khol nhu ka Pô Yê-su. 24Tha thanôn mưnuix ciup pahalar kaywa di panôic ong lang, dok thanôn pakan ôh ciup dial. 25Ywa nan ka, khol nhu bak yang thong gaup bloh tabiak nao nan ka Phao-lô đôm paƀlwak panôic ni: “Pô Nưbi Ginrơh krung hu bican biak njaup lô, tuk Bhô angui pakat hôr Ê-sai bican thong muk kei dei ai laic:
26‘Xang mưrai tom bôl ni bloh đôm:
Khol hư pang bloh ôh thau haget,
Khol hư mong yơ ôh ƀôh haget.
27Kaywa tian bôl ni gilaic jiơng xup palup,
Tangi khol nhu trak,
Mưta khol nhu pik.
Hôic lô mưta khol nhu ƀôh bihu,
Tangi khol nhu pang bihu,
Tian khol nhu thau bihu,
Thong khol nhu gilaic vơk
Piêh Ita pajru dhit kaic.’
28Yau nan, xang thau laic gruk dong paklah anưd Pô Lingik krung bihu pahơh ka mưnuix Bôl-Lingiu thong mưca khol nhu pangik pang.” 29[Tuk Phao-lô đôm bloh, dôm urang Yo Thaic tabiak nao, jajek thong gaup danưh.]#28:29 Dalam tha thanôn blah vak tangin ôh hu kanen 29.
30Phao-lô mưdok bih dwa thun tak tha thang apah. Ong rok daa dôm urang mưrai ravang drei, 31lang Dit Biya Pô Lingik thong pato ka Pô nạn Pô Yê-su Krist tha ganap salalah, ôh gok thei pakaup.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.