Dôm Bruk Ngak 27
27
Phao-lô mưrai Rô-ma
1Tuk krung hu mư irat ka khol dahlak nao jalan tathik tapa I-ta-li yơ khol nhu jao Phao-lô thong dôm radanuh pakan ka tha kar puk ginôr angan Yu-lơ, bha di jabôl mưdhir patao Au-gut-tơ. 2Khol dahlak đik gilai mưng A-tra-mit thi nao mưrai dôm tang ahok rah takai tathik A-si-a, thong khol dahlak tabiak kuradông. A-ri-tag, mưnuix Ma-xê-đô-ni-a pak Tê-sa-lô-ni-ka, nao thubik thong khol dahlak. 3Harei hadei, khol dahlak mưrai Si-đôn; Yu-lơ dok dang mưghơh thong Phao-lô, brei idin ong nao ravang dôm ayut côi thong piêh ka khol nhu iơk mong ong. 4Bloh mưng libik nan, khol dahlak đik gilai nao tui ganak ƀôn palao Sip, kaywa kal nan angin tagar. 5Hadei di tuk thrang tapa tathik gah Si-li-si thong Pam-phi-li, khol dahlak mưrai Mi-ra, bha di Li-si-a. 6Pak nan, kar puk ginôr ƀôh tha thruh gilai mưng A-leg-xan-đri-a nao tapa I-ta-li yơ brei ka khol dahlak đik gilai nan. 7Gilai đôic radơic dalam ralô harei thong xang gleh glar lô mưng mưrai jek dhan Kơ-nit. Kaywa angin tagar ngak ka gilai ôh kakal nao atah hơl, hajiơng khol dahlak đôic tui patug jek ƀôn palao Kơ-rêt, nao thrang tapa Sa-môn. 8Khol dahlak nao rah tui takai tathik thong biak ralô ajandi thong mưrai tha libik iêu nạn Tang ahok Mưlang Bimi, jek dhan La-sê.
9Khol dahlak lihik ralô tuk vag thong mưƀôk adhwan gilaic jiơng ajandi kaywa krung hu tapa gôn Ikak tian ơk,#27:9 gôn Ikak tian ơk: Sani nạn harei rija tabuh glaic ngak dalam harei taluic bilan thalipan ngan bilan tha pluh, nan tuk ganuh marta nan ka nao tathik biak ajandi. nan ka Phao-lô adan khol nhu 10laic: “Pathau dôm ong, dahlak ƀôh mưƀôk adhwan ni mưca gōk ajandi thong rugi prong, ô kan ka dôm kaya kabha thong gilai bloh thong xwan diup khol drei gêk.” 11Min kar puk ginôr dial panôic mưnuix ba gilai thong pô gilai hơl di panôic Phao-lô đôm. 12Kaywa tang ahok nan ôh ligeh ka gilai danưng tamư bilan birak yơ ralô drei jang bram hajiơng niga truh di nan; mưng abih ganap, xang nao tal Phê-nit nạn tang ahok ƀôn palao Kơ-rêt, gah adih nairati thong bayap, piêh padei bal birak pak nan. 13Tuk angin mưrong raup yuk dal, khol nhu đaka hu mưda klan bihu thukak radak mưng buic gal vak thong nao rah tui ƀôn palao Kơ-rêt.
Phao-lô gok ribuk di krưh tathik
14Min ôh chôi, tha binhôr angin prong iêu nạn Ơ-ra-ku-lon mưng ngok ƀôn palao caboh trun. 15Gilai gok balik nao ôh mưda mưradhag nôi thong yava angin nan ka khol dahlak mưduh klāk ka nhu thơk nao. 16Tuk gilai thơk tapa gah mưrong tha ƀôn palao xit iêu nạn Klô-đa, khol dahlak xang biak gleh glar lô mưng pacang khik bihu thruh ge dong rijan. 17Hadei di tuk hwa ge tagôk, khol nhu angui talei brak ikak kajap yơng gilai; bloh kaywa hôic di tavak hakoh ngok hanrai Si-rơ-tơ nan ka khol nhu paglơh rayar trun, piêh ka angin ba nao. 18Harei hadei, binhôr ribuk jang dok giloh khang hajiơng khol nhu raup parah kaya kabha trun tathik. 19Harei ya klau, khol nhu êng di tangin drei parah dôm bakal ngok gilai trun tathik. 20Dalam ralô harei, ôh hu ia harei lijang ôh hu boh patuk halei bhat tabiak, thong binhôr ribuk yơ kưk giloh khang. Taluic, khol dahlak ôh dok pachôm bihu dong vơk.
21Kaywa khol nhu krung hu ưn ơk livik harei, nan ka Phao-lô dang krưh khol nhu bloh đôm: “Pathau dôm ong, mưyah vār dahlau pang kadha dahlak, jôi niga truh di ƀôn palao Kơ-rêt yơ khol drei krung hu pleh bihu rugi thong palai lihik ni. 22Min urak ni, dahlak adan dôm ong xang kajap hatai; dalam dôm ong ôh thei mưtai trah, ciêt lihik thruh gilai min! 23Kaywa mưlam bloh tha umat Pô Lingik, Dê dahlak bha di thong ragxa, krung hu bhat mưrai tom dahlak thong bican: 24‘Hơic Phao-lô jôi hôic! Hư xang biđang ƀok di anak Sê-sa; thong mưni, Pô Lingik krung hu ƀai brei ka hư abih mưnuix thubik đik gilai thong hư.’ 25Yau nan likau di dôm ong xang kajap hatai, kaywa dahlak dial kajap di Pô Lingik laic kabha nan mưca mưjiơng tabiak njaup yau panôic Bhô krung hu bican. 26Min cag ghat khol drei mưca dhơk tamư tha ƀôn palao halei nan.”
27Krung hu tal mưlam ya tha pluh pāk bloh khol dahlak jang thơk đông ngok tathik A-đri-a-tic. Dalam tuk krưh mưlam dôm rajabôl ia xanưng laic khol nhu krưh dok mưrai jek hang. 28Khol nhu palao boh thôi trun yơ ƀôh jalam dwa pluh yer; nao atah tha xit tra, khol nhu palao boh thôi yơ ƀôh tha pluh limư yer. 29Kal nan, hôic dhug njaup libik hu patau nan ka khol nhu mưng gah iku gilai palao pāk gal vak trun thong cong kanư lingik drah hadah. 30Min kaywa dôm rajabôl ia krưh dok dwah ganap daup truh di gilai nan yơ palao thruh ge trun tathik, mưngak palao gal vak pak akok gilai. 31Ywa nan ka, Phao-lô đôm thong kar puk ginôr thong rajabôl: “Dôm ong ôh mưda bihu dong thwat, mưyah dôm urang ni kưk dok dalam gilai.” 32Kal nan, dôm rajabôl cakak talei ikak thruh ge nan, piêh nhu lek trun. 33Tuk lingik thi hadah Phao-lô adan abih drei xang ƀang. Ong đôm: “Dôm ong krung hu mong akok kakal tha pluh pāk harei kalah, ưn ơk ôh ƀang tha xit halei. 34Yau nan, dahlak adan dôm ong xang ƀang piêh khik xwan diup, kaywa ôh tha arak ƀuk halei ngok akok dôm ong mưca ôh lihik.” 35Đôm bloh, Phao-lô mưk tapei, dang di anak abih drei đwa karun Pô Lingik, bloh pek tabiak thong raup ƀang. 36Kal nạn abih drei bihu paxơh thong lijang ƀang mưnhum. 37Khol dahlak hu abih dwa rituh tajuh pluh nam#27:37 dwa rituh tajuh pluh nam: Dalam tha thanôn blah vak tangin nạn tajuh pluh nam; dalam tha thanôn blah vak tangin pakan nạn nôic tajuh pluh nam. urang dalam gilai. 38Hadei di tuk ƀang trei laơh, khol nhu parah padai abei trun tathik, ngak ka njôl gilai.
Gok karam gilai
39Tal hadah, khol nhu ôh krưn thau nạn libik halei, min ƀôh hu tum thong takai darak birau mưng khol nhu darô mưyah hu mưda yơ brei gilai đôic tamư ar. 40Yau nan, khol nhu trek talei gal vak parah trun tathik, mưthong tuk nan taleh talei ikak boh ba; bloh khol nhu cadar rayar ligeh tui adih angin, đôic tapak tamư ar. 41Min gilai đôic dhug njaup hanrai cwah karam hajiơng gok tavak hakoh. Akok gilai cut trun cwah đih pakhang, dok iku gilai yơ gok rayak tong tayah tayaic bih. 42Kal nan bôl bala jarô pamưtai dôm radanuh piêh ôh tha urang halei hu mưda lôi tamư ar thong daup klah. 43Min kar puk ginôr ưng dong Phao-lô nan ka ghak drưh jamal paya nan. Ong thurah ka thei thau lôi yơ kadau trun dahlau thong lôi tamư ar; 44thanôn dok vơk tui hadei, mưnuix yơ đik papan, ra yơ kôr arai gilai. Yau nan abih drei jang bihu tagôk ar throng iman.
Currently Selected:
Dôm Bruk Ngak 27: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Dôm Bruk Ngak 27
27
Phao-lô mưrai Rô-ma
1Tuk krung hu mư irat ka khol dahlak nao jalan tathik tapa I-ta-li yơ khol nhu jao Phao-lô thong dôm radanuh pakan ka tha kar puk ginôr angan Yu-lơ, bha di jabôl mưdhir patao Au-gut-tơ. 2Khol dahlak đik gilai mưng A-tra-mit thi nao mưrai dôm tang ahok rah takai tathik A-si-a, thong khol dahlak tabiak kuradông. A-ri-tag, mưnuix Ma-xê-đô-ni-a pak Tê-sa-lô-ni-ka, nao thubik thong khol dahlak. 3Harei hadei, khol dahlak mưrai Si-đôn; Yu-lơ dok dang mưghơh thong Phao-lô, brei idin ong nao ravang dôm ayut côi thong piêh ka khol nhu iơk mong ong. 4Bloh mưng libik nan, khol dahlak đik gilai nao tui ganak ƀôn palao Sip, kaywa kal nan angin tagar. 5Hadei di tuk thrang tapa tathik gah Si-li-si thong Pam-phi-li, khol dahlak mưrai Mi-ra, bha di Li-si-a. 6Pak nan, kar puk ginôr ƀôh tha thruh gilai mưng A-leg-xan-đri-a nao tapa I-ta-li yơ brei ka khol dahlak đik gilai nan. 7Gilai đôic radơic dalam ralô harei thong xang gleh glar lô mưng mưrai jek dhan Kơ-nit. Kaywa angin tagar ngak ka gilai ôh kakal nao atah hơl, hajiơng khol dahlak đôic tui patug jek ƀôn palao Kơ-rêt, nao thrang tapa Sa-môn. 8Khol dahlak nao rah tui takai tathik thong biak ralô ajandi thong mưrai tha libik iêu nạn Tang ahok Mưlang Bimi, jek dhan La-sê.
9Khol dahlak lihik ralô tuk vag thong mưƀôk adhwan gilaic jiơng ajandi kaywa krung hu tapa gôn Ikak tian ơk,#27:9 gôn Ikak tian ơk: Sani nạn harei rija tabuh glaic ngak dalam harei taluic bilan thalipan ngan bilan tha pluh, nan tuk ganuh marta nan ka nao tathik biak ajandi. nan ka Phao-lô adan khol nhu 10laic: “Pathau dôm ong, dahlak ƀôh mưƀôk adhwan ni mưca gōk ajandi thong rugi prong, ô kan ka dôm kaya kabha thong gilai bloh thong xwan diup khol drei gêk.” 11Min kar puk ginôr dial panôic mưnuix ba gilai thong pô gilai hơl di panôic Phao-lô đôm. 12Kaywa tang ahok nan ôh ligeh ka gilai danưng tamư bilan birak yơ ralô drei jang bram hajiơng niga truh di nan; mưng abih ganap, xang nao tal Phê-nit nạn tang ahok ƀôn palao Kơ-rêt, gah adih nairati thong bayap, piêh padei bal birak pak nan. 13Tuk angin mưrong raup yuk dal, khol nhu đaka hu mưda klan bihu thukak radak mưng buic gal vak thong nao rah tui ƀôn palao Kơ-rêt.
Phao-lô gok ribuk di krưh tathik
14Min ôh chôi, tha binhôr angin prong iêu nạn Ơ-ra-ku-lon mưng ngok ƀôn palao caboh trun. 15Gilai gok balik nao ôh mưda mưradhag nôi thong yava angin nan ka khol dahlak mưduh klāk ka nhu thơk nao. 16Tuk gilai thơk tapa gah mưrong tha ƀôn palao xit iêu nạn Klô-đa, khol dahlak xang biak gleh glar lô mưng pacang khik bihu thruh ge dong rijan. 17Hadei di tuk hwa ge tagôk, khol nhu angui talei brak ikak kajap yơng gilai; bloh kaywa hôic di tavak hakoh ngok hanrai Si-rơ-tơ nan ka khol nhu paglơh rayar trun, piêh ka angin ba nao. 18Harei hadei, binhôr ribuk jang dok giloh khang hajiơng khol nhu raup parah kaya kabha trun tathik. 19Harei ya klau, khol nhu êng di tangin drei parah dôm bakal ngok gilai trun tathik. 20Dalam ralô harei, ôh hu ia harei lijang ôh hu boh patuk halei bhat tabiak, thong binhôr ribuk yơ kưk giloh khang. Taluic, khol dahlak ôh dok pachôm bihu dong vơk.
21Kaywa khol nhu krung hu ưn ơk livik harei, nan ka Phao-lô dang krưh khol nhu bloh đôm: “Pathau dôm ong, mưyah vār dahlau pang kadha dahlak, jôi niga truh di ƀôn palao Kơ-rêt yơ khol drei krung hu pleh bihu rugi thong palai lihik ni. 22Min urak ni, dahlak adan dôm ong xang kajap hatai; dalam dôm ong ôh thei mưtai trah, ciêt lihik thruh gilai min! 23Kaywa mưlam bloh tha umat Pô Lingik, Dê dahlak bha di thong ragxa, krung hu bhat mưrai tom dahlak thong bican: 24‘Hơic Phao-lô jôi hôic! Hư xang biđang ƀok di anak Sê-sa; thong mưni, Pô Lingik krung hu ƀai brei ka hư abih mưnuix thubik đik gilai thong hư.’ 25Yau nan likau di dôm ong xang kajap hatai, kaywa dahlak dial kajap di Pô Lingik laic kabha nan mưca mưjiơng tabiak njaup yau panôic Bhô krung hu bican. 26Min cag ghat khol drei mưca dhơk tamư tha ƀôn palao halei nan.”
27Krung hu tal mưlam ya tha pluh pāk bloh khol dahlak jang thơk đông ngok tathik A-đri-a-tic. Dalam tuk krưh mưlam dôm rajabôl ia xanưng laic khol nhu krưh dok mưrai jek hang. 28Khol nhu palao boh thôi trun yơ ƀôh jalam dwa pluh yer; nao atah tha xit tra, khol nhu palao boh thôi yơ ƀôh tha pluh limư yer. 29Kal nan, hôic dhug njaup libik hu patau nan ka khol nhu mưng gah iku gilai palao pāk gal vak trun thong cong kanư lingik drah hadah. 30Min kaywa dôm rajabôl ia krưh dok dwah ganap daup truh di gilai nan yơ palao thruh ge trun tathik, mưngak palao gal vak pak akok gilai. 31Ywa nan ka, Phao-lô đôm thong kar puk ginôr thong rajabôl: “Dôm ong ôh mưda bihu dong thwat, mưyah dôm urang ni kưk dok dalam gilai.” 32Kal nan, dôm rajabôl cakak talei ikak thruh ge nan, piêh nhu lek trun. 33Tuk lingik thi hadah Phao-lô adan abih drei xang ƀang. Ong đôm: “Dôm ong krung hu mong akok kakal tha pluh pāk harei kalah, ưn ơk ôh ƀang tha xit halei. 34Yau nan, dahlak adan dôm ong xang ƀang piêh khik xwan diup, kaywa ôh tha arak ƀuk halei ngok akok dôm ong mưca ôh lihik.” 35Đôm bloh, Phao-lô mưk tapei, dang di anak abih drei đwa karun Pô Lingik, bloh pek tabiak thong raup ƀang. 36Kal nạn abih drei bihu paxơh thong lijang ƀang mưnhum. 37Khol dahlak hu abih dwa rituh tajuh pluh nam#27:37 dwa rituh tajuh pluh nam: Dalam tha thanôn blah vak tangin nạn tajuh pluh nam; dalam tha thanôn blah vak tangin pakan nạn nôic tajuh pluh nam. urang dalam gilai. 38Hadei di tuk ƀang trei laơh, khol nhu parah padai abei trun tathik, ngak ka njôl gilai.
Gok karam gilai
39Tal hadah, khol nhu ôh krưn thau nạn libik halei, min ƀôh hu tum thong takai darak birau mưng khol nhu darô mưyah hu mưda yơ brei gilai đôic tamư ar. 40Yau nan, khol nhu trek talei gal vak parah trun tathik, mưthong tuk nan taleh talei ikak boh ba; bloh khol nhu cadar rayar ligeh tui adih angin, đôic tapak tamư ar. 41Min gilai đôic dhug njaup hanrai cwah karam hajiơng gok tavak hakoh. Akok gilai cut trun cwah đih pakhang, dok iku gilai yơ gok rayak tong tayah tayaic bih. 42Kal nan bôl bala jarô pamưtai dôm radanuh piêh ôh tha urang halei hu mưda lôi tamư ar thong daup klah. 43Min kar puk ginôr ưng dong Phao-lô nan ka ghak drưh jamal paya nan. Ong thurah ka thei thau lôi yơ kadau trun dahlau thong lôi tamư ar; 44thanôn dok vơk tui hadei, mưnuix yơ đik papan, ra yơ kôr arai gilai. Yau nan abih drei jang bihu tagôk ar throng iman.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.