Dôm Bruk Ngak 19
19
Phao-lô tak Ê-phê-sô
1Dalam tuk A-pô-lô mưdok Kô-rir-tô, yơ Phao-lô nao jalan dalam nưgar, mưrai Ê-phê-sô. Gōk tha thanôn anưk xêh pak nan, 2ong tanhi: “Mưng tuk dial, dei ai krung hu tôk mưk Pô Nưbi Ginrơh pajơ?” Khol nhu thuuk: “Khol dahlak ô ka bhian hamit đôm hu Pô Nưbi Ginrơh halei trah.” 3Ong gilaic tanhi: “Yau nan dei ai krung hu tôk ƀap-tem halei?” Khol nhu thuuk: “Ƀap-tem Yâng.” 4#Mat 3:11; Mag 1:4,7,8; Lu 3:4,16; Yâ 1:26,27.Phao-lô đôm: “Yâng krung hu ngak ƀap-tem ka gruk tumal glaic, pađar bôl bhap xang dial Dê mưca mưrai hadei di drei, ar nạn dial Pô Yê-su.” 5Hamit yau nan, khol nhu takabal ƀap-tem nưmax angan Pô nạn Pô Yê-su. 6Tuk Phao-lô cek tangin tagôk yơ Pô Nưbi Ginrơh jrang ngok khol nhu; khol nhu đôm xap pakan thong panôic hôr. 7Harung nôic tha pluh dwa urang.
8Phao-lô tamư thang nhom, lang pato tha ganap khang hatai jajek thong pahalar mưnuix pang ka Dit Biya Pô Lingik luic klau bilan. 9Min hu hadôm urang panik, ôh ciup dial, gilaic dok klao bilei Agama Pô Yê-su di anak bôl bhap nan ka ong kadun truh di khol nhu, ba dôm anưk xêh tabiak karei, thong yāup harei yah padah dalam thang baic Ti-ra-nu.#19:9 Ti-ra-nu: Dalam tha thanôn blah vak tangin nạn Ti-ra-nu mưng tuk tha pluh tha pagê tal tuk pāk biêr harei. 10Bruk ni kakal dalam dwa thun, thangak abih drei pak A-si-a, bih mưnuix Yo Thaic gam mưnuix Bôl-Lingiu#19:10 bih mưnuix Yo Thaic... Bôl-Lingiu: Ngan nạn bih mưnuix Yo Thaic thong mưnuix đôm xap Hi-lap. jang bihu pang panôic Pô. 11Pô Lingik angui tangin Phao-lô ngak dôm thunau crih xak tajai, 12thangak mưnuix urang mưk xiêup thong ao lah ong krung hu angui padok ngok dôm urang rwak yơ rwak hakik thrơh lihik thong dôm agarih yang gok tiaup tabiak truh di khol nhu.
Dôm anưk likei Sê-va jaup ajin
13Kal nan hu hadôm gru badut mưnuix Yo Thaic nao mưng libik ni tal libik dêh, lijang long mưk angan Pô nạn Pô Yê-su tiaup dôm agarih yang truh di dôm ra gok khol nhu mưk. Khol nhu đôm: “Ita nưmax angan Pô nạn Yê-su, Dê bloh Phao-lô rao lang, thurah ka khol hư.” 14Dôm urang ngak bruk ni nạn tajuh anưk likei gru mưliêng glong yatha Yo Thaic angan Sê-va. 15Min agarih yang đôm thong khol nhu: “Ita thau Yê-su thong lijang thau pajip Phao-lô gêk, min khol hư nạn thei?” 16Mưnuix gok agarih yang mưk blak tamư khol nhu, mưjwak thong tong alah bih mưnok nhu thangak khol nhu xang klāk thang đôic daup, rup mưlun pun, thong tathram bak drei. 17Abih mưnuix pak Ê-phê-sô, bih urang Yo Thaic thong urang Hi-lap thau bruk krung hu mưjiơng tabiak yơ thur mưk; angan Pô nạn Pô Yê-su bik bihu pôkja. 18Ralô urang krung hu dial, mưrai tao glaic thong đôm pajip dôm bruk drei krung hu ngak. 19Hu tha thanôn mưnuix dahlau dêh ngak danok badut ba tapuk katap khol nhu nao cuh di anak abih drei. Mưnuix urang kahria lingai dôm tapuk nan yom nôic limư pluh ribau pariak jiên. 20Yau nan, nhơ di gon xagta Pô Lingik, panôic Pô kưk cak rôk thong dak harei dak khang kajap.#19:20 Yau nan... khang kajap: Dalam tha thanôn blah vak tangin nạn Yau nan, thong gon xagta, anga Pô kưk ravak thong thit tamư kati katang.
Đê-mê-triu ngak racol
21Hadei di dôm bruk nan, Phao-lô mư irat dalam tian#19:21 Phao-lô mư irat dalam tian: Ngan nạn Phao-lô bihu Pô Nưbi Ginrơh ariêng ba. nao tapa nưgar Ma-xê-đô-ni-a thong nưgar A-cai bloh mưrai Yê-ru-sa-lem. Ong đôm: “Hadei di tuk nao tal nan, dahlak lijang xang mưrai ravang Rô-ma gêk.” 22Ong pachai dwa urang dai bruk ka drei nạn Ti-mô-thê thong Ê-rat nao dahlau tapa Ma-xê-đô-ni-a; ong yơ dok vơk A-si-a tha tuk vag tra.
23Dalam tanut vagtu, hu tha binhôr racol prong mưjiơng tabiak baxa tal Agama Pô Yê-su. 24Tha urang ragei pariak angan Đê-mê-triu ngak dôm alaya yang kamei Ag-tê-mit#19:24 Ag-tê-mit: nạn bia yang rumư thong ginup mưda anưd mưnuix Hi-lap, mưnuix Rô-ma iêu nạn Đi-ar. mưng pariak, ba mai ralô laba ka dôm ragei ngak mưng tangin. 25Ong patom nhom dôm urang ragei nạn tha danok thong drei vơk bloh đôm: “Pathau dôm ayut, dôm ayut thau khol drei bihu ginup mưda nan nhơ di bruk ni. 26Yau dôm ayut krung hu ƀôh thong hamit, ô kan tak Ê-phê-sô min mưda yau abih A-si-a, ban Phao-lô ni krung hu pahalar thong ngak ka ralô urang xuk calah. Nhu đôm laic dôm thek hayap kaywa tangin mưnuix ngak tabiak ôh njaup nạn dôm yang. 27Yau nan, ô kan bruk pablei talei khol drei hu mưda gok lihik angan jiư, min huji yang kamei Ag-tê-mit lijang gok paong; bloh gruk prong di prong anưd yang kamei bihu abih nưgar A-si-a mưthong bih nưrah pôkja lijang mưca palai lihik.” 28Pang dôm panôic nan, khol nhu đik dangih drêu tagôk: “Prong di prong lô nạn bia yang Ag-tê-mit anưd bôl Ê-phê-sô!” 29Abih dhan jang racol; khol nhu mưthong đôic tamư thang doh, hwa tui Gai-ut, A-ri-tag, nạn bôl Ma-xê-đô-ni-a, mưnuix nao thubik thong Phao-lô. 30Phao-lô ưng tabiak nao di anak bôl bhap, min dôm anưk xêh ghak drưh ong. 31Hadôm urang pan akok pak A-si-a nạn ayut ong, lijang pađar mưnuix mưrai adan ong jôi kadran tamư thang doh. 32Dalam tuk nan, tapôr ralô biak takaplung: mưnuix yơ drêu tagôk yau ni, ra yơ prêu tagôk yau dêh, kaywa bha ralô jang ôh thau habar drei patom nhom pak ni. 33Mưnuix Yo Thaic jhul ong A-leg-xan-đơ tabiak gah anak thong hadôm urang dalam tapôr ralô pađar ong đôm tagôk. A-leg-xan-đơ mưk tangin tabiak habang ưng payah padah di anak bôl bhap. 34Min birau di tuk krưn hu ong nạn mưnuix Yo Thaic yơ abih tapôr bôl tha yava iêu prong xap dalam luic dwa tuk: “Prong di prong lô nạn bia yang Ag-tê-mit anưd mưnuix Ê-phê-sô!” 35Tuk nan, ong dikar mưdin pađar bôl bhap gađang bloh pađang akhan: “Pathau bhap paran Ê-phê-sô, thei gilaic ôh thau dhan Ê-phê-sô nạn mưnuix khik mong huji yang kamei Ag-tê-mit mưng lingik jrang trun ô? 36Dôm kabha nan ôh thei hu mưda kamlah cah, nan ka khol hư xang patom hatai, jôi ngak kabha haget khamat khamei. 37Kaywa dôm urang bloh bhap paran krung hu mưk ba mưrai sani ôh klek xavah pakar likam lijang ôh hanoh niêm thong bia yang khol drei. 38Yau nan, mưyah Đê-mê-triu thong dôm ragei ngak mưng tangin ong hu ưng yak bak thei yơ krung hu dôm mưdhir an thong kwan pakrang pajơ, xang lôi khol nhu yak bak gaup. 39Dok mưyah bhap paran kanư bruk haget vơk, yơ mưca bihu lang padah tak ginum biai ligeh adat. 40Kaywa hôic lô mưca khol drei hu mưda gok palek palam ka bruk brôk kalin harei ni, thong khol drei ôh mưda dwah gađi gadha halei piêh kar dađaup gruk patom nhom rôn thrưng ni.” 41Đôm bloh, ong ralôi tapôr ralô.
Currently Selected:
Dôm Bruk Ngak 19: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Dôm Bruk Ngak 19
19
Phao-lô tak Ê-phê-sô
1Dalam tuk A-pô-lô mưdok Kô-rir-tô, yơ Phao-lô nao jalan dalam nưgar, mưrai Ê-phê-sô. Gōk tha thanôn anưk xêh pak nan, 2ong tanhi: “Mưng tuk dial, dei ai krung hu tôk mưk Pô Nưbi Ginrơh pajơ?” Khol nhu thuuk: “Khol dahlak ô ka bhian hamit đôm hu Pô Nưbi Ginrơh halei trah.” 3Ong gilaic tanhi: “Yau nan dei ai krung hu tôk ƀap-tem halei?” Khol nhu thuuk: “Ƀap-tem Yâng.” 4#Mat 3:11; Mag 1:4,7,8; Lu 3:4,16; Yâ 1:26,27.Phao-lô đôm: “Yâng krung hu ngak ƀap-tem ka gruk tumal glaic, pađar bôl bhap xang dial Dê mưca mưrai hadei di drei, ar nạn dial Pô Yê-su.” 5Hamit yau nan, khol nhu takabal ƀap-tem nưmax angan Pô nạn Pô Yê-su. 6Tuk Phao-lô cek tangin tagôk yơ Pô Nưbi Ginrơh jrang ngok khol nhu; khol nhu đôm xap pakan thong panôic hôr. 7Harung nôic tha pluh dwa urang.
8Phao-lô tamư thang nhom, lang pato tha ganap khang hatai jajek thong pahalar mưnuix pang ka Dit Biya Pô Lingik luic klau bilan. 9Min hu hadôm urang panik, ôh ciup dial, gilaic dok klao bilei Agama Pô Yê-su di anak bôl bhap nan ka ong kadun truh di khol nhu, ba dôm anưk xêh tabiak karei, thong yāup harei yah padah dalam thang baic Ti-ra-nu.#19:9 Ti-ra-nu: Dalam tha thanôn blah vak tangin nạn Ti-ra-nu mưng tuk tha pluh tha pagê tal tuk pāk biêr harei. 10Bruk ni kakal dalam dwa thun, thangak abih drei pak A-si-a, bih mưnuix Yo Thaic gam mưnuix Bôl-Lingiu#19:10 bih mưnuix Yo Thaic... Bôl-Lingiu: Ngan nạn bih mưnuix Yo Thaic thong mưnuix đôm xap Hi-lap. jang bihu pang panôic Pô. 11Pô Lingik angui tangin Phao-lô ngak dôm thunau crih xak tajai, 12thangak mưnuix urang mưk xiêup thong ao lah ong krung hu angui padok ngok dôm urang rwak yơ rwak hakik thrơh lihik thong dôm agarih yang gok tiaup tabiak truh di khol nhu.
Dôm anưk likei Sê-va jaup ajin
13Kal nan hu hadôm gru badut mưnuix Yo Thaic nao mưng libik ni tal libik dêh, lijang long mưk angan Pô nạn Pô Yê-su tiaup dôm agarih yang truh di dôm ra gok khol nhu mưk. Khol nhu đôm: “Ita nưmax angan Pô nạn Yê-su, Dê bloh Phao-lô rao lang, thurah ka khol hư.” 14Dôm urang ngak bruk ni nạn tajuh anưk likei gru mưliêng glong yatha Yo Thaic angan Sê-va. 15Min agarih yang đôm thong khol nhu: “Ita thau Yê-su thong lijang thau pajip Phao-lô gêk, min khol hư nạn thei?” 16Mưnuix gok agarih yang mưk blak tamư khol nhu, mưjwak thong tong alah bih mưnok nhu thangak khol nhu xang klāk thang đôic daup, rup mưlun pun, thong tathram bak drei. 17Abih mưnuix pak Ê-phê-sô, bih urang Yo Thaic thong urang Hi-lap thau bruk krung hu mưjiơng tabiak yơ thur mưk; angan Pô nạn Pô Yê-su bik bihu pôkja. 18Ralô urang krung hu dial, mưrai tao glaic thong đôm pajip dôm bruk drei krung hu ngak. 19Hu tha thanôn mưnuix dahlau dêh ngak danok badut ba tapuk katap khol nhu nao cuh di anak abih drei. Mưnuix urang kahria lingai dôm tapuk nan yom nôic limư pluh ribau pariak jiên. 20Yau nan, nhơ di gon xagta Pô Lingik, panôic Pô kưk cak rôk thong dak harei dak khang kajap.#19:20 Yau nan... khang kajap: Dalam tha thanôn blah vak tangin nạn Yau nan, thong gon xagta, anga Pô kưk ravak thong thit tamư kati katang.
Đê-mê-triu ngak racol
21Hadei di dôm bruk nan, Phao-lô mư irat dalam tian#19:21 Phao-lô mư irat dalam tian: Ngan nạn Phao-lô bihu Pô Nưbi Ginrơh ariêng ba. nao tapa nưgar Ma-xê-đô-ni-a thong nưgar A-cai bloh mưrai Yê-ru-sa-lem. Ong đôm: “Hadei di tuk nao tal nan, dahlak lijang xang mưrai ravang Rô-ma gêk.” 22Ong pachai dwa urang dai bruk ka drei nạn Ti-mô-thê thong Ê-rat nao dahlau tapa Ma-xê-đô-ni-a; ong yơ dok vơk A-si-a tha tuk vag tra.
23Dalam tanut vagtu, hu tha binhôr racol prong mưjiơng tabiak baxa tal Agama Pô Yê-su. 24Tha urang ragei pariak angan Đê-mê-triu ngak dôm alaya yang kamei Ag-tê-mit#19:24 Ag-tê-mit: nạn bia yang rumư thong ginup mưda anưd mưnuix Hi-lap, mưnuix Rô-ma iêu nạn Đi-ar. mưng pariak, ba mai ralô laba ka dôm ragei ngak mưng tangin. 25Ong patom nhom dôm urang ragei nạn tha danok thong drei vơk bloh đôm: “Pathau dôm ayut, dôm ayut thau khol drei bihu ginup mưda nan nhơ di bruk ni. 26Yau dôm ayut krung hu ƀôh thong hamit, ô kan tak Ê-phê-sô min mưda yau abih A-si-a, ban Phao-lô ni krung hu pahalar thong ngak ka ralô urang xuk calah. Nhu đôm laic dôm thek hayap kaywa tangin mưnuix ngak tabiak ôh njaup nạn dôm yang. 27Yau nan, ô kan bruk pablei talei khol drei hu mưda gok lihik angan jiư, min huji yang kamei Ag-tê-mit lijang gok paong; bloh gruk prong di prong anưd yang kamei bihu abih nưgar A-si-a mưthong bih nưrah pôkja lijang mưca palai lihik.” 28Pang dôm panôic nan, khol nhu đik dangih drêu tagôk: “Prong di prong lô nạn bia yang Ag-tê-mit anưd bôl Ê-phê-sô!” 29Abih dhan jang racol; khol nhu mưthong đôic tamư thang doh, hwa tui Gai-ut, A-ri-tag, nạn bôl Ma-xê-đô-ni-a, mưnuix nao thubik thong Phao-lô. 30Phao-lô ưng tabiak nao di anak bôl bhap, min dôm anưk xêh ghak drưh ong. 31Hadôm urang pan akok pak A-si-a nạn ayut ong, lijang pađar mưnuix mưrai adan ong jôi kadran tamư thang doh. 32Dalam tuk nan, tapôr ralô biak takaplung: mưnuix yơ drêu tagôk yau ni, ra yơ prêu tagôk yau dêh, kaywa bha ralô jang ôh thau habar drei patom nhom pak ni. 33Mưnuix Yo Thaic jhul ong A-leg-xan-đơ tabiak gah anak thong hadôm urang dalam tapôr ralô pađar ong đôm tagôk. A-leg-xan-đơ mưk tangin tabiak habang ưng payah padah di anak bôl bhap. 34Min birau di tuk krưn hu ong nạn mưnuix Yo Thaic yơ abih tapôr bôl tha yava iêu prong xap dalam luic dwa tuk: “Prong di prong lô nạn bia yang Ag-tê-mit anưd mưnuix Ê-phê-sô!” 35Tuk nan, ong dikar mưdin pađar bôl bhap gađang bloh pađang akhan: “Pathau bhap paran Ê-phê-sô, thei gilaic ôh thau dhan Ê-phê-sô nạn mưnuix khik mong huji yang kamei Ag-tê-mit mưng lingik jrang trun ô? 36Dôm kabha nan ôh thei hu mưda kamlah cah, nan ka khol hư xang patom hatai, jôi ngak kabha haget khamat khamei. 37Kaywa dôm urang bloh bhap paran krung hu mưk ba mưrai sani ôh klek xavah pakar likam lijang ôh hanoh niêm thong bia yang khol drei. 38Yau nan, mưyah Đê-mê-triu thong dôm ragei ngak mưng tangin ong hu ưng yak bak thei yơ krung hu dôm mưdhir an thong kwan pakrang pajơ, xang lôi khol nhu yak bak gaup. 39Dok mưyah bhap paran kanư bruk haget vơk, yơ mưca bihu lang padah tak ginum biai ligeh adat. 40Kaywa hôic lô mưca khol drei hu mưda gok palek palam ka bruk brôk kalin harei ni, thong khol drei ôh mưda dwah gađi gadha halei piêh kar dađaup gruk patom nhom rôn thrưng ni.” 41Đôm bloh, ong ralôi tapôr ralô.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.