Dôm Bruk Ngak 18
18
Phao-lô tak Kô-rir-tô
1Hadei di nan, Phao-lô niga A-thên nao Kô-rir-tô. 2Tak nan, ong gōk tha urang Yo Thaic angan A-qui-la, palei pak Pông, thubik thong hadiup nạn Pê-rit-sin mưng I-ta-li birau mưrai tak ni, kaywa patao Kơ-lôt krung hu thurah ka abih mưnuix Yo Thaic xang niga truh Rô-ma. Phao-lô mưrai ravang khol nhu; 3kaywa thubik ngak danok jhik hadai nan ka Phao-lô mưdok di thang dwa urang piêh ngak bruk thong gaup. 4Dalam yāup harei Sa-ƀat, Phao-lô rao lang dalam thang nhom, ran pahalar ralô mưnuix Yo Thaic thong mưnuix Bôl-Lingiu.#18:4 ralô mưnuix Yo Thaic... Bôl-Lingiu: Ngan nạn ralô mưnuix Yo Thaic gam mưnuix đôm xap Hi-lap. 5Tuk Si-la thong Ti-mô-thê mưng Ma-xê-đô-ni-a mưrai yơ Phao-lô ciêt harat jari jarô bruk lang pato, paxakrưn ka mưnuix Yo Thaic laic Pô Yê-su êng nạn Dê Krist. 6Min kaywa khol nhu pagan gađi thong đôm hanoh niêm, nan ka ong ruh ao bloh đôm thong khol nhu laic: “Darah dôm ong tuh gilaic di akok dôm ong! Dok dahlak yơ ôh hu glaic. Mưng ni, mưca dahlak nao mưrai tom dôm mưnuix Bôl-Lingiu.” 7Phao-lô niga truh di nan, tamư thang urang angan Ti-ti-u Yug-tu, mưnuix bhuktik Pô Lingik; thang ong dok ganak thang nhom. 8Kal nan Krit-pu, kar mong iơk thang nhom, mưthong bih thang ong jang dial Pô Yê-su. Lijang hu ralô urang Kô-rir-tô pang Phao-lô lang yơ dial thong ciup ƀap-tem. 9Dalam mưlam, Pô bican thong Phao-lô dalam tha catôi: “Jôi hôic! Min xang đôm thong jôi gađang; 10Ita mưdok thubik hư, ôh thei balin, ngak utan hư bihu ô, kaywa Ita hu ralô urang dalam dhan ni.” 11Phao-lô mưdok pak nan tha thun nam bilan, pato Panôic Pô Lingik ka khol nhu.
12Min tuk Ga-li-ôn krưh ngak kwan pakrang nưgar A-cai, bôl Yo Thaic nhom gaup vơk balin Phao-lô bloh ba ong tabiak mưdhir an. 13Khol nhu palek palam: “Ban ni pacuh bôl bhap bhuktik Pô Lingik, tha ganap ôh tui hakum jakar.” 14Tuk Phao-lô thi pơh pabah thuuk yơ Ga-li-ôn đôm thong bôl Yo Thaic: “Hơic bôl Yo Thaic, mưyah sani nạn kadha tanrok hakum jakar ngan danuh khak yơ ita hu gađi gadha piêh mưrat pang khol hư. 15Min kaywa sani nạn masalah kamlah cah ka panôic kadha, ngia thong hakum jakar karei anưd khol hư nan ka khol hư êng xang jamrah mek; ita ôh ưng pachang bican dôm bruk nan ô.” 16Bloh ong tiaup khol nhu tabiak truh di mưdhir an. 17Kal nan, khol nhu mưk Sôt-then, kar mong iơk thang nhom tong poh di anak mưdhir an, min Ga-li-ôn ôh angat tal bruk nan.
Gilaic mai An-ti-ôt
18Phao-lô mưdok Kô-rir-tô livik harei, bloh likau drei di dei ai, đik gilai tapa Si-ri thubik thong Pê-rit-sin thong A-qui-la. Pak Sen-krê, ong kwah akok#18:18 kwah akok: Sani nạn adat caƀat anưd mưnuix Yo Thaic, kwah akok nạn tha habang khik panôic halar. kaywa hu panôic hapah. 19Tuk khol nhu mưrai Ê-phê-sô, Phao-lô likau drei dôm ayut drei, bloh tamư thang nhom jajek thong dôm urang Yo Thaic. 20Khol nhu daa ong mưdok vơk tha tuk vag tra, min ong mưlah. 21Ong kanư drei di khol nhu thong đôm: “Mưyah Pô Lingik ưng, mưca dahlak gilaic vơk thong dei ai.” Bloh ong đik gilai niga Ê-phê-sô.
22Tuk nao tal Sê-sa-rê, ong tagôk Yê-ru-sa-lem tanhi ravang Nhom Nưbi, bloh gilaic trun An-ti-ôt. 23Hadei di tuk mưdok tak nan ôh chôi, ong tagôk jalan, nao graup Ga-la-ti thong Phi-ri-gi, ngak ka abih anưk xêh bihu khang kajap.
A-pô-lô tak Ê-phê-sô thong Kô-rir-tô
24Kal nan, hu tha urang Yo Thaic angan A-pô-lô, palei pak A-leg-xan-đri-a, mưrai Ê-phê-sô. Ong hu bijag jajek thong thau haluh Agal Nưbi. 25Ong krung hu baic Agama Pô Yê-su, hu mưnơix tati tatang rao lang thong pato pakai tha ganap raci dôm kabha ka Pô Yê-su, kanê ong ciêt thau ka ƀap-tem Yâng min. 26Ong raup lang ganap pagrưng hatai dalam thang nhom. Tuk Pê-rit-sin thong A-qui-la pang A-pô-lô lang, khol nhu ba ong nao thang, yah yaic Agama Pô Lingik ka ong tani tanat hơl. 27Tuk A-pô-lô ưng nao tapa A-cai, dei ai paxơh ong bloh vak harak kakei dôm anưk xêh xang rok daa ong mưghơh. Tuk tal libik, ong pajup biak ralô ka dôm urang krung hu nhơ di karun hanim bloh dial Pô Yê-su, 28kaywa ong krung hu pabiđang paraduh di mưnuix Yo Thaic biak kati katang, angui Agal Nưbi paxakrưn laic Pô Yê-su êng nạn Dê Krist.
Currently Selected:
Dôm Bruk Ngak 18: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Dôm Bruk Ngak 18
18
Phao-lô tak Kô-rir-tô
1Hadei di nan, Phao-lô niga A-thên nao Kô-rir-tô. 2Tak nan, ong gōk tha urang Yo Thaic angan A-qui-la, palei pak Pông, thubik thong hadiup nạn Pê-rit-sin mưng I-ta-li birau mưrai tak ni, kaywa patao Kơ-lôt krung hu thurah ka abih mưnuix Yo Thaic xang niga truh Rô-ma. Phao-lô mưrai ravang khol nhu; 3kaywa thubik ngak danok jhik hadai nan ka Phao-lô mưdok di thang dwa urang piêh ngak bruk thong gaup. 4Dalam yāup harei Sa-ƀat, Phao-lô rao lang dalam thang nhom, ran pahalar ralô mưnuix Yo Thaic thong mưnuix Bôl-Lingiu.#18:4 ralô mưnuix Yo Thaic... Bôl-Lingiu: Ngan nạn ralô mưnuix Yo Thaic gam mưnuix đôm xap Hi-lap. 5Tuk Si-la thong Ti-mô-thê mưng Ma-xê-đô-ni-a mưrai yơ Phao-lô ciêt harat jari jarô bruk lang pato, paxakrưn ka mưnuix Yo Thaic laic Pô Yê-su êng nạn Dê Krist. 6Min kaywa khol nhu pagan gađi thong đôm hanoh niêm, nan ka ong ruh ao bloh đôm thong khol nhu laic: “Darah dôm ong tuh gilaic di akok dôm ong! Dok dahlak yơ ôh hu glaic. Mưng ni, mưca dahlak nao mưrai tom dôm mưnuix Bôl-Lingiu.” 7Phao-lô niga truh di nan, tamư thang urang angan Ti-ti-u Yug-tu, mưnuix bhuktik Pô Lingik; thang ong dok ganak thang nhom. 8Kal nan Krit-pu, kar mong iơk thang nhom, mưthong bih thang ong jang dial Pô Yê-su. Lijang hu ralô urang Kô-rir-tô pang Phao-lô lang yơ dial thong ciup ƀap-tem. 9Dalam mưlam, Pô bican thong Phao-lô dalam tha catôi: “Jôi hôic! Min xang đôm thong jôi gađang; 10Ita mưdok thubik hư, ôh thei balin, ngak utan hư bihu ô, kaywa Ita hu ralô urang dalam dhan ni.” 11Phao-lô mưdok pak nan tha thun nam bilan, pato Panôic Pô Lingik ka khol nhu.
12Min tuk Ga-li-ôn krưh ngak kwan pakrang nưgar A-cai, bôl Yo Thaic nhom gaup vơk balin Phao-lô bloh ba ong tabiak mưdhir an. 13Khol nhu palek palam: “Ban ni pacuh bôl bhap bhuktik Pô Lingik, tha ganap ôh tui hakum jakar.” 14Tuk Phao-lô thi pơh pabah thuuk yơ Ga-li-ôn đôm thong bôl Yo Thaic: “Hơic bôl Yo Thaic, mưyah sani nạn kadha tanrok hakum jakar ngan danuh khak yơ ita hu gađi gadha piêh mưrat pang khol hư. 15Min kaywa sani nạn masalah kamlah cah ka panôic kadha, ngia thong hakum jakar karei anưd khol hư nan ka khol hư êng xang jamrah mek; ita ôh ưng pachang bican dôm bruk nan ô.” 16Bloh ong tiaup khol nhu tabiak truh di mưdhir an. 17Kal nan, khol nhu mưk Sôt-then, kar mong iơk thang nhom tong poh di anak mưdhir an, min Ga-li-ôn ôh angat tal bruk nan.
Gilaic mai An-ti-ôt
18Phao-lô mưdok Kô-rir-tô livik harei, bloh likau drei di dei ai, đik gilai tapa Si-ri thubik thong Pê-rit-sin thong A-qui-la. Pak Sen-krê, ong kwah akok#18:18 kwah akok: Sani nạn adat caƀat anưd mưnuix Yo Thaic, kwah akok nạn tha habang khik panôic halar. kaywa hu panôic hapah. 19Tuk khol nhu mưrai Ê-phê-sô, Phao-lô likau drei dôm ayut drei, bloh tamư thang nhom jajek thong dôm urang Yo Thaic. 20Khol nhu daa ong mưdok vơk tha tuk vag tra, min ong mưlah. 21Ong kanư drei di khol nhu thong đôm: “Mưyah Pô Lingik ưng, mưca dahlak gilaic vơk thong dei ai.” Bloh ong đik gilai niga Ê-phê-sô.
22Tuk nao tal Sê-sa-rê, ong tagôk Yê-ru-sa-lem tanhi ravang Nhom Nưbi, bloh gilaic trun An-ti-ôt. 23Hadei di tuk mưdok tak nan ôh chôi, ong tagôk jalan, nao graup Ga-la-ti thong Phi-ri-gi, ngak ka abih anưk xêh bihu khang kajap.
A-pô-lô tak Ê-phê-sô thong Kô-rir-tô
24Kal nan, hu tha urang Yo Thaic angan A-pô-lô, palei pak A-leg-xan-đri-a, mưrai Ê-phê-sô. Ong hu bijag jajek thong thau haluh Agal Nưbi. 25Ong krung hu baic Agama Pô Yê-su, hu mưnơix tati tatang rao lang thong pato pakai tha ganap raci dôm kabha ka Pô Yê-su, kanê ong ciêt thau ka ƀap-tem Yâng min. 26Ong raup lang ganap pagrưng hatai dalam thang nhom. Tuk Pê-rit-sin thong A-qui-la pang A-pô-lô lang, khol nhu ba ong nao thang, yah yaic Agama Pô Lingik ka ong tani tanat hơl. 27Tuk A-pô-lô ưng nao tapa A-cai, dei ai paxơh ong bloh vak harak kakei dôm anưk xêh xang rok daa ong mưghơh. Tuk tal libik, ong pajup biak ralô ka dôm urang krung hu nhơ di karun hanim bloh dial Pô Yê-su, 28kaywa ong krung hu pabiđang paraduh di mưnuix Yo Thaic biak kati katang, angui Agal Nưbi paxakrưn laic Pô Yê-su êng nạn Dê Krist.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.