Dôm Bruk Ngak 1

I. Khao Siam bihu lang pahơh ka bôl Yo Thaic

(1:1 – 12:25)

Pô Yê-su Krist tagôk thôr riga

1 # Lu 1:1-4. Pathau ong Thê-ô-phi-lơ, dalam tapuk ya tha, dahlak krung hu vak ka abih kabha Pô Yê-su krung hu ngak thong pato mưng phunti 2ka tal harei Bhô bihu ba tagôk thôr riga, hadei di tuk Bhô nhơ di Pô Nưbi Ginrơh bloh lang pato dôm Xêh Pachai Bhô krung hu rwah. 3Bhô lijang angui ralô ganap xakrưn ka dôm Xêh Pachai laic Bhô dok diup hadei di tuk krung hu ciup mưtai, thong bhat mưrai thong khol nhu dalam pāk pluh harei, bican pato ka Dit Biya Pô Lingik.

4 # Lu 24:49. Dalam tuk dok thong#1:4 dok thong: Ngan nạn gōk hai nạn ƀang vār thong. dôm Xêh Pachai, Bhô kakei khol nhu: “Jôi tabiak truh dhan Yê-ru-sa-lem, min xang dok tak nan cang kabha Amư krung hu he, nạn kabha khol hư krung hu pang Ita đôm. 5#Mat 3:11; Mag 1:8; Lu 3:16; Yâ 1:33.Kaywa Yâng krung hu ngak ƀap-tem mưng ia, min dalam hadôm harei tra, mưca khol hư bihu ngak ƀap-tem mưng Pô Nưbi Ginrơh.” 6Yau nan, dôm urang krưh dok nhom gaup tak nan pathau thong Bhô laic: “Pô lơy, hu njaup dalam tuk ni Pô padang vơk dit biya I-sra-ên lei?” 7Bhô thuuk: “pagôn thong tuk vag bloh Amư krung hu êng gon jarô mưk, nan nạn bruk khol hư ôh hajat thau. 8#Mat 28:19; Mag 16:15; Lu 24:47,48.Min tuk Pô Nưbi Ginrơh jrang ngok khol hư yơ mưca khol hư tôk mưk gon xagta bloh ngak kaxan ka Ita tak dhan Yê-ru-sa-lem, abih nưgar Yu-đê, nưgar Sa-ma-ri ka tal luic boh tanưh.” 9#Mag 16:19; Lu 24:50,51.Hadei di tuk bican dôm kabha nan bloh, Bhô bihu ba tagôk dalam tuk dôm anưk xêh krưh mong tui Bhô. Hu tha halong taganum rok Bhô kavơk truh di mưta khol nhu. 10Krưh di tuk khol nhu patom mat mong tagôk thôr riga tuk Bhô biđang tagôk, dêh, hu dwa urang likei cuk ao ƀông dang jek khol nhu 11bloh đôm: “Hơic mưnuix Ga-li-lê, habar khol hư kưk dang mong tagôk thôr riga yau nan? Pô Yê-su ni krung bihu ba tagôk thôr riga truh di khol hư, lijang mưca gilaic vơk yau ganap khol hư krung hu ƀôh Bhô tagôk thôr riga rei.”

Dôm anưk xêh tak kati glong

12Hadei di nan, dôm anưk xêh mưng cơk iêu nạn Ô-liu gilaic mai dhan Yê-ru-sa-lem. Cơk nan jek Yê-ru-sa-lem, hađoh tha nôic jalan nao tha harei Sa-ƀat.#1:12 nôic jalan nao tha harei Sa-ƀat: Nôic 1 gai angka. 13#Mat 10:2-4; Mag 3:16-19; Lu 6:14-16.Tuk krung hu tamư dalam dhan, khol nhu tagôk kati glong, libik khol nhu krưh mưdok. Dôm urang nan nạn Phi-e-rơ, Yâng, Ya-kơ, Ar-rê, Phi-lip, Thô-ma, Ƀa-thê-lê-mi, Ma-thi-ơ, Ya-kơ anưk A-phê, Si-môn Xê-lôt, thong Yu-đa anưk Ya-kơ. 14Abih urang nan jang tha hatai ginum gimnit thong dôm urang kamei thong amek Pô Yê-su nạn Ma-ri thubik dôm adei likei Bhô piêh lang kar.

Ma-thia bihu papôk ngak Xêh Pachai kala ka Yu-đa

15Dalam dôm harei nan, Phi-e-rơ dang tagôk krưh dôm dei ai (thanôn mưnuix nhom vơk tak libik nan nôic tha rituh dwa pluh urang) bloh đôm laic: 16“Dei ai lơy, panôic Agal Nưbi bloh Pô Nưbi Ginrơh krung hu nhơ di pabah patao Đa-vit đôm hôr ka Yu-đa Ic-ka-ri-ôt, ra krung hu ba jalan ka dôm ra mưk Pô Yê-su, xang bihu thit. 17Kaywa nhu takrung dok dalam thanôn khol drei thong krung hu tamưbha dalam rapajan ni. 18#Mat 27:3-8.Nhu mưk jiên alin anưd danuh khak drei khing blei tha alok hamu, bloh libuh cut trun, patuh tung thong tuh prôic tabiak. 19Abih bôl dhan Yê-ru-sa-lem jang thau pajip, thangak khol nhu iêu hamu nan tui xap drei nạn Hag-en-đa-ma, ar nạn hamu darah. 20Dalam tapuk Ariya Likam lijang hu vak laic:

‘Cong haget thang nhu gilaic jiơng klāk bhao,

Jôi hu thei mưdok tak nan’

Thong:

‘Cong haget hu tha urang pakan tôk mưk rapajan nhu.’

21 # Mat 3:16; Mag 1:9; Lu 3:21. Mag 16:19; Lu 24:51. Yau nan, dalam dôm urang bhian dok thong khol drei dalam luic tuk vag Pô nạn Pô Yê-su nao mai krưh khol drei, 22mưng tuk Bhô bihu Yâng ngak ƀap-tem ka tal harei Bhô bihu ba tagôk truh di khol drei,#1:22 mưng tuk Bhô... khol drei: ngan nạn mưng tuk Yâng rao lang anga ƀap-tem ka tal tuk Bhô bihu ba tagôk truh krưh khol drei. xang hu tha urang thubik thong khol drei ngak kaxan ka gruk Bhô diup vơk.”

23Dôm anưk xêh papôk dwa urang: Yô-sep iêu nạn Ƀa-sa-ba, lijang iêu nạn Yug-tu, thong Ma-thia. 24Bloh khol nhu lang kar laic: “Pô lơy, Bhô nạn Dê thau pajip tian abih drei, likau sahadah ka khol dahlak thau dalam dwa urang ni, thei nạn mưnuix Pô krung hu rwah 25piêh xalih naphôl thong rapajan Xêh Pachai Yu-đa Ic-ka-ri-ôt, ra krung hu lambil piêh nao tal libik cek karei ka nhu.” 26Khol nhu thwak patik njaup Ma-thia, thong ong bihu pabak tamư tha pluh tha Xêh Pachai.

Currently Selected:

Dôm Bruk Ngak 1: CJM2024

Highlight

Copy