II Kô-rir-tô 9
9
Pajup dôm mưnuix dial Pô hal val
1Ka bruk dai patih dôm xêh nưbi, dahlak ôh hajat xang vak paƀlwak ka dei ai vơk. 2Dahlak thau tian tatang tiak dei ai, thong dahlak krung hu mưyeh mưyom ka dei ai thong mưnuix dok pak Ma-xê-đô-ni-a laic mưnuix A-cai krung hu thudia mưng thun bloh. Tian tatang tiak dei ai krung hu pabruh ralô urang. 3Min dahlak krung hu pabrei dôm dei ai ni nao, piêh boh mưyeh mưyom khol dahlak ka dei ai ôh gilaic jiơng ôh hu hanim, thong piêh ka dei ai hu mưda thudia, yau panôic dahlak krung hu đôm; 4ô mưca tuk dôm urang Ma-xê-đô-ni-a thubik mưrai tom dahlak, ƀôh dei ai ôh thudia yơ khol dahlak – mưyah ôh ưng đôm nạn abih dei ai gêk – mưca gok tachaup ƀok kaywa krung hu parcaya yau nan. 5Kaywa nạn dahlak xanưng hajat xang pabruh hadôm urang mưrai libik dei ai dahlau thong thrap gap thudia nôk rik patom bloh dei ai krung hu he, piêh bruk rik patom ni bihu thudia yau tha drap alin êng gimnit mih ôh kaywa ep tatơk.
6Xang kanal laic: Thei drāk takik yơ ywak takik, thei drāk ralô yơ ywak ralô. 7Yāup urang hajat rik patom patui pak tian drei krung hu jarô, ôh duh hatai ngan kaywa ep tatơk, Kaywa Pô Lingik anit ranam urang ƀai limah tha ganap bui tian. 8Pô Lingik hu gon ƀai brei ka dei ai karun hanim mưhê xarai piêh biyar tal abih hanư jat dei ai, gilaic dok hu dalah dalai piêh ngak abih bruk siam, 9Yau hu vak laic:
“Mưnuix hali halang lanưng hatai, pajup ra kathot raƀah;
Gruk kahanôt urang nan dok kađong miêt miêt.”
10Dê brei jao athar pajeh ka urang drāk thong tapei ngak kaya ƀang mưca brei jao athar pajeh ka dei ai thong ngak ka canưg, lijang mưca paƀlwak bingu boh kahanôt anưd dei ai. 11Dei ai mưca bihu mưbhag dalam abih gruk piêh ngak abih bruk hanim phôl; piêh tapa khol drei, mưnuix urang mưca đwa karun Pô Lingik. 12Kaywa bruk dai patih ni ô kan biyar tal hanư jat ka dôm xêh nưbi bloh dok ngak ka ralô urang đwa karun Pô Lingik vơk. 13Bruk dai patih ni nạn kaxan piêh ka khol nhu tahamid Pô Lingik, kaywa gruk pang tui Khao Siam anưd Dê Krist bloh dei ai krung hu sahadah, thong kaywa gruk dai patih lanưng hatai anưd dei ai jom thong khol nhu thong abih drei. 14Dok khol nhu mưca lang kar ka dei ai thong lanek dei ai, kaywa karun hanim langka Pô Lingik krung hu ƀai brei ka dei ai. 15Đwa karun Pô Lingik kaywa gruk ƀai brei anưd Bhô ôh panưh nôi!
Currently Selected:
II Kô-rir-tô 9: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
II Kô-rir-tô 9
9
Pajup dôm mưnuix dial Pô hal val
1Ka bruk dai patih dôm xêh nưbi, dahlak ôh hajat xang vak paƀlwak ka dei ai vơk. 2Dahlak thau tian tatang tiak dei ai, thong dahlak krung hu mưyeh mưyom ka dei ai thong mưnuix dok pak Ma-xê-đô-ni-a laic mưnuix A-cai krung hu thudia mưng thun bloh. Tian tatang tiak dei ai krung hu pabruh ralô urang. 3Min dahlak krung hu pabrei dôm dei ai ni nao, piêh boh mưyeh mưyom khol dahlak ka dei ai ôh gilaic jiơng ôh hu hanim, thong piêh ka dei ai hu mưda thudia, yau panôic dahlak krung hu đôm; 4ô mưca tuk dôm urang Ma-xê-đô-ni-a thubik mưrai tom dahlak, ƀôh dei ai ôh thudia yơ khol dahlak – mưyah ôh ưng đôm nạn abih dei ai gêk – mưca gok tachaup ƀok kaywa krung hu parcaya yau nan. 5Kaywa nạn dahlak xanưng hajat xang pabruh hadôm urang mưrai libik dei ai dahlau thong thrap gap thudia nôk rik patom bloh dei ai krung hu he, piêh bruk rik patom ni bihu thudia yau tha drap alin êng gimnit mih ôh kaywa ep tatơk.
6Xang kanal laic: Thei drāk takik yơ ywak takik, thei drāk ralô yơ ywak ralô. 7Yāup urang hajat rik patom patui pak tian drei krung hu jarô, ôh duh hatai ngan kaywa ep tatơk, Kaywa Pô Lingik anit ranam urang ƀai limah tha ganap bui tian. 8Pô Lingik hu gon ƀai brei ka dei ai karun hanim mưhê xarai piêh biyar tal abih hanư jat dei ai, gilaic dok hu dalah dalai piêh ngak abih bruk siam, 9Yau hu vak laic:
“Mưnuix hali halang lanưng hatai, pajup ra kathot raƀah;
Gruk kahanôt urang nan dok kađong miêt miêt.”
10Dê brei jao athar pajeh ka urang drāk thong tapei ngak kaya ƀang mưca brei jao athar pajeh ka dei ai thong ngak ka canưg, lijang mưca paƀlwak bingu boh kahanôt anưd dei ai. 11Dei ai mưca bihu mưbhag dalam abih gruk piêh ngak abih bruk hanim phôl; piêh tapa khol drei, mưnuix urang mưca đwa karun Pô Lingik. 12Kaywa bruk dai patih ni ô kan biyar tal hanư jat ka dôm xêh nưbi bloh dok ngak ka ralô urang đwa karun Pô Lingik vơk. 13Bruk dai patih ni nạn kaxan piêh ka khol nhu tahamid Pô Lingik, kaywa gruk pang tui Khao Siam anưd Dê Krist bloh dei ai krung hu sahadah, thong kaywa gruk dai patih lanưng hatai anưd dei ai jom thong khol nhu thong abih drei. 14Dok khol nhu mưca lang kar ka dei ai thong lanek dei ai, kaywa karun hanim langka Pô Lingik krung hu ƀai brei ka dei ai. 15Đwa karun Pô Lingik kaywa gruk ƀai brei anưd Bhô ôh panưh nôi!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.