II Kô-rir-tô 8
8
II. Iêu daa rik patom ka Nhom Nưbi Yê-ru-sa-lem
(8:1 – 9:15)
Tian lanưng hatai anưd mưnuix Ma-xê-đô-ni-a
1 #
Rô 15:26. Pathau dei ai, dahlak ưng dei ai thau karun hanim Pô Lingik krung hu ƀai brei ka dôm Nhom Nưbi Ma-xê-đô-ni-a. 2Khol nhu krung hu tapa ralô rijan min bak gruk bui ôn. Dalam hal val ketat yơ tian lanưng hatai khol nhu gilaic bik dalah dalai. 3Kaywa dahlak ngak kaxan laic khol nhu krung hu êng gimnit rik patom tui xagta drei, gilaic dok tapa di xagta vơk. 4Thong khol nhu pôic neh kanư likau di khol dahlak ngak karun brei ka khol nhu bihu tamưbha dalam gruk dai patih dôm xêh nưbi. 5Khol nhu krung hu ngak tapa gruk cang mong khol dahlak; kaywa dahlau di bih khol nhu krung hu limah drei ka Pô thong bloh ka khol dahlak, tui jamal Pô Lingik. 6Ywa nan ka, khol dahlak krung hu paxơh Tit lijang xang pathik bruk hanim phôl ni, di krưh dei ai yau xaai nan krung hu raup ngak.
7Yau nan, yau dei ai krung hu ƀlwak tapa dalam abih bruk: Sagar, panôic đôm, kalimah, tian tatang tiak, thong tiak anit ranam jom thong khol dahlak, yơ dei ai lijang hajiơng ƀlwak tapa dalam bruk hanim phôl ni. 8Dahlak đôm kabha ni ôh njaup piêh thurah ka dei ai ô, min dahlak ciêt đôm tagôk tian tatang tiak anưd dôm urang pakan piêh iơk tian anit ranam dei ai tapak tung tal nưm halei? 9Kaywa dei ai thau karun hanim Pô khol drei nạn Pô Yê-su Krist, Bhô takrung mưda min krung hu gilaic hajiơng kathot kaywa dei ai, piêh kaywa gruk kathot raƀah anưd Bhô, dei ai gilaic hajiơng ginup mưda. 10Dahlak jum gimnit ka masalah ni, nan nạn tha ganap mong hu hanim ka dei ai: Kaywa mưng thun dahlau, dei ai ô kan nan dôm urang tamưrơp klan kabha ni bloh dok cong takrư klan vơk. 11Yau nan, urak ni xang pathik kabha ni mek piêh gruk cong takrư dei ai bihu biyar tal mưng ganap ngak kiet kabha ni tui prưn dei ai. 12Mưyah tha urang thudia tian limah yơ panôja mưca bihu halar ciup, giƀak ngok kabha khol nhu hu mih ôh giƀak di kabha khol nhu ôh hu. 13Dahlak ôh ưng dôm urang pakan bihu njôl thiak, dok dei ai xang trak paƀlwak, min ưng hu gruk hatang. 14Kal ni dei ai dok dalah dalai yơ xang dai patih ka dôm urang hal val; piêh tuk khol nhu dalah dalai yơ mưca khol nhu dai patih ka dei ai tuk hal val. Yau nan nạn kahanôt. 15Yau hu panôic vak laic:
“Ra patom ralô lijang ôh libeh.
Urang patom takik lijang ôh u.”
Paha xakrưn Tit thong dôm ayut nao thubik
16Đwa karun Pô Lingik, Bhô lijang krung hu padok tamư tian Tit gruk angat tatang tiak yau dahlak hu thong dei ai, 17kaywa ô kan xaai nan tôk panôic kanư di khol dahlak bloh êng xaai nan lijang tati tatang êng gimnit mưrai ravang dei ai. 18Khol dahlak lijang papôk tha dei ai nao thubik thong Tit, sani nạn urang bihu abih Nhom Nưbi pôk mưyom ka gruk hit rao lang Khao Siam. 19Ô kan yau nan, xaai nan lijang bihu dôm Nhom Nưbi kamưnrat nao thong khol dahlak dalam gruk hit hanim phôl ni, nạn bruk bloh khol dahlak dok yattrak, kaywa xêh mưlang anưd Pô#8:19 anưd Pô: Dalam tha thanôn blah vak tangin nạn anưd êng Pô. thong piêh pahưn tian tatang tiak khol dahlak. 20Khol dahlak ajut piêh pleh pathar pathar panôic ƀwah galwah halei ka ganap angui thanôn jiên rik patom prong pabha ni. 21Kaywa khol dahlak ran ngak kabha siam mưkrư, ô kan mưdok di anak Pô, bloh thong di anak mưnuix urang gêk. 22Khol dahlak lijang papôk tha dei ai khol dahlak nao thubik thong khol nhu; sani nạn mưnuix khol dahlak krung hu long iơk ralô ƀang thong ƀôh hu tian tatang tiak dalam ralô masalah; min urak ni xaai nan bik tatang tiak hơl vơk, kaywa xaai nạn biak parcaya dei ai. 23Ka nôk Tit, xaai nạn mưnuix tha puk thong nạn mưnuix harung ngak thubik thong dahlak piêh pajup dei ai; dok dwa dei ai dêh nạn kaphwari anưd dôm Nhom Nưbi, thong xêh mưlang Dê Krist. 24Ywa nan ka, di anak dôm Nhom Nưbi, dei ai xang xakrưn tiak anit ranam anưd dei ai lijang yau boh mưyeh mưyom khol dahlak ka dei ai.
Currently Selected:
II Kô-rir-tô 8: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
II Kô-rir-tô 8
8
II. Iêu daa rik patom ka Nhom Nưbi Yê-ru-sa-lem
(8:1 – 9:15)
Tian lanưng hatai anưd mưnuix Ma-xê-đô-ni-a
1 #
Rô 15:26. Pathau dei ai, dahlak ưng dei ai thau karun hanim Pô Lingik krung hu ƀai brei ka dôm Nhom Nưbi Ma-xê-đô-ni-a. 2Khol nhu krung hu tapa ralô rijan min bak gruk bui ôn. Dalam hal val ketat yơ tian lanưng hatai khol nhu gilaic bik dalah dalai. 3Kaywa dahlak ngak kaxan laic khol nhu krung hu êng gimnit rik patom tui xagta drei, gilaic dok tapa di xagta vơk. 4Thong khol nhu pôic neh kanư likau di khol dahlak ngak karun brei ka khol nhu bihu tamưbha dalam gruk dai patih dôm xêh nưbi. 5Khol nhu krung hu ngak tapa gruk cang mong khol dahlak; kaywa dahlau di bih khol nhu krung hu limah drei ka Pô thong bloh ka khol dahlak, tui jamal Pô Lingik. 6Ywa nan ka, khol dahlak krung hu paxơh Tit lijang xang pathik bruk hanim phôl ni, di krưh dei ai yau xaai nan krung hu raup ngak.
7Yau nan, yau dei ai krung hu ƀlwak tapa dalam abih bruk: Sagar, panôic đôm, kalimah, tian tatang tiak, thong tiak anit ranam jom thong khol dahlak, yơ dei ai lijang hajiơng ƀlwak tapa dalam bruk hanim phôl ni. 8Dahlak đôm kabha ni ôh njaup piêh thurah ka dei ai ô, min dahlak ciêt đôm tagôk tian tatang tiak anưd dôm urang pakan piêh iơk tian anit ranam dei ai tapak tung tal nưm halei? 9Kaywa dei ai thau karun hanim Pô khol drei nạn Pô Yê-su Krist, Bhô takrung mưda min krung hu gilaic hajiơng kathot kaywa dei ai, piêh kaywa gruk kathot raƀah anưd Bhô, dei ai gilaic hajiơng ginup mưda. 10Dahlak jum gimnit ka masalah ni, nan nạn tha ganap mong hu hanim ka dei ai: Kaywa mưng thun dahlau, dei ai ô kan nan dôm urang tamưrơp klan kabha ni bloh dok cong takrư klan vơk. 11Yau nan, urak ni xang pathik kabha ni mek piêh gruk cong takrư dei ai bihu biyar tal mưng ganap ngak kiet kabha ni tui prưn dei ai. 12Mưyah tha urang thudia tian limah yơ panôja mưca bihu halar ciup, giƀak ngok kabha khol nhu hu mih ôh giƀak di kabha khol nhu ôh hu. 13Dahlak ôh ưng dôm urang pakan bihu njôl thiak, dok dei ai xang trak paƀlwak, min ưng hu gruk hatang. 14Kal ni dei ai dok dalah dalai yơ xang dai patih ka dôm urang hal val; piêh tuk khol nhu dalah dalai yơ mưca khol nhu dai patih ka dei ai tuk hal val. Yau nan nạn kahanôt. 15Yau hu panôic vak laic:
“Ra patom ralô lijang ôh libeh.
Urang patom takik lijang ôh u.”
Paha xakrưn Tit thong dôm ayut nao thubik
16Đwa karun Pô Lingik, Bhô lijang krung hu padok tamư tian Tit gruk angat tatang tiak yau dahlak hu thong dei ai, 17kaywa ô kan xaai nan tôk panôic kanư di khol dahlak bloh êng xaai nan lijang tati tatang êng gimnit mưrai ravang dei ai. 18Khol dahlak lijang papôk tha dei ai nao thubik thong Tit, sani nạn urang bihu abih Nhom Nưbi pôk mưyom ka gruk hit rao lang Khao Siam. 19Ô kan yau nan, xaai nan lijang bihu dôm Nhom Nưbi kamưnrat nao thong khol dahlak dalam gruk hit hanim phôl ni, nạn bruk bloh khol dahlak dok yattrak, kaywa xêh mưlang anưd Pô#8:19 anưd Pô: Dalam tha thanôn blah vak tangin nạn anưd êng Pô. thong piêh pahưn tian tatang tiak khol dahlak. 20Khol dahlak ajut piêh pleh pathar pathar panôic ƀwah galwah halei ka ganap angui thanôn jiên rik patom prong pabha ni. 21Kaywa khol dahlak ran ngak kabha siam mưkrư, ô kan mưdok di anak Pô, bloh thong di anak mưnuix urang gêk. 22Khol dahlak lijang papôk tha dei ai khol dahlak nao thubik thong khol nhu; sani nạn mưnuix khol dahlak krung hu long iơk ralô ƀang thong ƀôh hu tian tatang tiak dalam ralô masalah; min urak ni xaai nan bik tatang tiak hơl vơk, kaywa xaai nạn biak parcaya dei ai. 23Ka nôk Tit, xaai nạn mưnuix tha puk thong nạn mưnuix harung ngak thubik thong dahlak piêh pajup dei ai; dok dwa dei ai dêh nạn kaphwari anưd dôm Nhom Nưbi, thong xêh mưlang Dê Krist. 24Ywa nan ka, di anak dôm Nhom Nưbi, dei ai xang xakrưn tiak anit ranam anưd dei ai lijang yau boh mưyeh mưyom khol dahlak ka dei ai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.