Kênh Kaar 9
9
Sau-lơ plơq kươi baak jơ
1Khal au, Sau-lơ khang kaap u lơh lưm bơl jơrnơ Brah ri. Bu lôh u yau thwaai ttơơm, 2dan khaak mbơh ptơơm lôh bơl nhi pơrgum a Đa-mach jah mơq a mơp bnih êch pơơn teq u Baak Jơ, n'hai leq klau dơur, nei nhôp kơt jưn teq u Jê-ru-sa-lem. 3Dôh tơt sau-lơ plah han dơơh poh Đa-mach, a drot geh rơn aang a trôôk chring chraang rlum bu. 4Bu a mrah u teh u ttang geh baak lah n'hai nơơm bu: “Ơi Sau-lơ, Sau-lơ, a hay 'bei nhôp kơt Hei?” 5Bu ơh: “Brah ơi, Brah laa 'bơơn?” Brah lah: “Hei laa nơơm Jê-sus pa 'bei plah nhôp kơt. 6Dôh phrui ta yoong, mưt knông poh, bnih nday a kươi maanh 'bei jôm ntil phrui lơh.” 7Bơl bnih han pôl n'hai bu kot ta yoong kươi nglik nglak, đươm bu ttang baak mor dôh 'bưn sau 'bơơn ơơm. 8Sau-lơ a teh ta yoong, pi mat pơơk dôh khah 'bưn sau ơơn leq. Bnih nday dơp ti bu têêk mưt u poh Đa-mach. 9Knông pei nar, bu 'bưn sau, 'bưn sa u kot 'bưn ôn ơơn leq.
A-na-nia lơh bap-tem aan Sau-lơ
10Plah nei, tu poh Đa-mach geh di jơrnơ chhak laa A-na-nia. Brah lah n'hai bu knông di tơrsau noor laah: “Ơi A-na-nia!” Bu ơh: “Brah ơi, geh hei au.” 11Brah lah: “Phrui ta yoong, han tơt nhi Ju-đa a troong chôôl laa Song Chưt, wơng di mbu chôôl Sau-lơ poh a Tat-sơ. Tôw, bnih nei plah r'bon dan, 12u [knông tơrsau noor]#9:12 [knông tơrsau noor]: Knông m'baak plơơp 'bian ti 'bưn geh pal sêr au. ja sau di mbu chôôl laa A-na-nia chwaat mưt dơih ti lơ chhak jah kươt aang mat kươi.” 13A-na-nia ơh: “Brah ơi, koon geh ttang ơk bnih mor bnih au ja lơh khuich gưt pal êch koon sơih Ay ri a Jê-ru-sa-lem. 14Bei au bnih nei a au, geh sơp kmheng bơl yau thwaai ndap ttơơm ri junh ndơơp jah nhôp kơt leq sêch jôm bnih dan jjuh saak Ay.” 15Dôh Brah lah: “Phrui han, đươm Hei ja sach bnih au lơh di til mlơ aan Hei jah liêu saak Hei lôh aan bơl bnih nggoor agaih, bơl snđach, u koon raih I-sra-ên; 16Hei a kươi leet aan bnih nei gưt phrui dol rngiêl đươm saak Hei tơt ggơr êch.” 17A-na-nia sot han; bu chwaat mưt u nhi ja nei dơih ti lơ Sau-lơ u mor: “Ơi bi Sau-lơ, Brah laa Brah Jê-sus, ja lôh sot n'hai bi lơ troong han lôh u đau, maanh hei lôh jah aan bi kươt aang mat kươi u kươt bêêng 'bơm Brah Wêêng.” 18Kơndaal geh pi ơơn bei kơrsaap a pi mat Sau-lơ tup u teh u bu kươt aang mat; ja nei bu ta yoong u pơih bap-tem. 19Di kươi sôông sa luôih, bu kươt kah kơơt kmlang.
Pal baak chhuôr ptơơm Sau-lơ ri
20Sau-lơ a kươi m'baak nar n'hai bơl jơrnơ tu Đa-mach. Kơndaal bu tơmbơh knông bơl nhi pơrgum laah Brah Jê-sus laa Koon Brah Ưn. 21'Bơơn ttang bei nei kot êêng aang, mor laah: “Au 'bưn geh laa bah u ja lưm khuich bơl bnih dan jjuh saak nei tu Jê-ru-sa-lem, u kot lôh u đau jah kơt bu jưn teq u aan bơl yau thwaai ndap ttơơm laang?” 22Dôh Sau-lơ top dươn moh dang, ta tau n'hai bơl bnih Jo-thai rêh a Đa-mach, u ndraanh laah Brah Jê-sus laa Yaang Krist.
23Kơi ơk nar, bnih Jo-thai mon pơrgênh jmlôm lưm Sau-lơ. 24Dôh geh bnih mbơh baak Sau-lơ gưt pơrgênh jmlôm bu ri. Bu kray pal lpôông poh leq mang dang nar jah lưm aan kươt Sau-lơ. 25Dôh mang, bơl jơrnơ pơih sah nh'jưr bu a gaaih pinir poh.#II Kô 11:32-33.
26Tơt lôh Jê-ru-sa-lem, Sau-lơ êch ta plam n'hai bơl jơrnơ, dôh leq sêch kot n'hông, 'bưn jơ bu laa jơrnơ ngan. 27Ba-na-ba jraih liêu bu lôh u bơl jơt jơng, chhuôr aan bu kaar Brah ja lôh sot lah n'hai bu lơ troong laa bei êch, n'hai bu ja khwaan chhuôr saak Brah Jê-sus tu poh Đa-mach sot bei êch laang. 28A nei, Sau-lơ han tơt n'hai jơrnơ tu Jê-ru-sa-lem, 29n'hai tơmoh chhak Brah baah chhuôr di ndroong khwaan. Bu kot mor chhuôr u ta rmhanh u bơl bnih Jo-thai mor baak Hi-lap, mơ bu wơng ndroong lưm bu. 30Ttang baak nei, oh bi liêu bu jưr Sê-sa-rê drơh, u liêu bu han Tat-sơ.
Ê-nê kươt tơmbah
31Bei nei, Phung Jrah knông leq kwaal Ju-đê, Ga-li-lê u Sa-ma-ri kươt a dơơn baak sroong boong, sun moon, chwaat han knông baak đing mbaanh Brah; chkhôm Brah Wêêng jraih, nak bơl jơrnơ nar rơq dươn.
32Khal au, Phi-e-rơ han jôm ktôk, kot lôh u bơl koon sơih tu poh Li-đa dơq. 33Tu nei, bu a mơp di mbu dol awiêl chôôl laa Ê-nê, bêch lơ ndơl u phaam snam hôm. 34Phi-e-rơ mor n'hai bi laah: “Ơi Ê-nê, Brah Jê-sus Krist tơmbah aan bi; phrui ta yoong, kwaih ndơl haanh!” Kơndaal, bu nei ta yoong. 35Leq sêch raih a Li-đa u Sa-rôn sau bei nei kot plơq siq n'hai Brah.
Baak rêh kươi Ta-bi-tha ri
36Tu poh Jôp-bê, geh di dơur jơrnơ chôôl laa Ta-bi-tha, kot khuôl laa Đô-ka; yau ur lơh ơk kaar klanh u rnđơơih tak ươn. 37Knông pal nar nei, yau ur dol pơrtanh u chhưt. Bu nday um tu kơmôich mei, ja nei dơih knông di lwing prêh. 38Bơl jơrnơ ttang baak Phi-e-rơ plah a tu Li-đa, dơơh Jôp-bê, mơ maanh baar du lôh dơrnan bu: “Dan siêr ay lôh gway.” 39Phi-e-rơ ta yoong han n'hai baar du. Tơt lôh ktôk, bu nday liêu Phi-e-rơ lôh lwing prêh. Leq sêch bơl mei pndrau kot ta yoong gêêng bu baah nhim, u ndơơp aan bu mơq pal êch ao ryoq n'hai khôw ao nday baah Đô-ka ja jinh aan bu plah yau ur nha rêh. 40Phi-e-rơ maanh jôm bnih sot a gaaih ja nei kơltut kôq tang r'bon dan. Kơi nei, bu wih u kơmôich bnih chhưt u mor: “Ơi Ta-bi-tha, phrui kah kơơt!” Yau ur lin mat sau Phi-e-rơ, gôq dơk drơh. 41Phi-e-rơ ndơơp ti sot kơldơk yau ur, ja nei khuôl bơl koon sơih u bơl mei pndrau lôh, dơơn aan bu sau yau ur plah rêh. 42Kaar nei lư chhuôr jôm Jôp-bê mơ geh ơk bnih jơ tênh Brah. 43Nha Phi-e-rơ gôq kươi Jôp-bê ơk nar n'hai di mbu rak mon lơh pêêk chhak laa Si-môn.
Currently Selected:
Kênh Kaar 9: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 9
9
Sau-lơ plơq kươi baak jơ
1Khal au, Sau-lơ khang kaap u lơh lưm bơl jơrnơ Brah ri. Bu lôh u yau thwaai ttơơm, 2dan khaak mbơh ptơơm lôh bơl nhi pơrgum a Đa-mach jah mơq a mơp bnih êch pơơn teq u Baak Jơ, n'hai leq klau dơur, nei nhôp kơt jưn teq u Jê-ru-sa-lem. 3Dôh tơt sau-lơ plah han dơơh poh Đa-mach, a drot geh rơn aang a trôôk chring chraang rlum bu. 4Bu a mrah u teh u ttang geh baak lah n'hai nơơm bu: “Ơi Sau-lơ, Sau-lơ, a hay 'bei nhôp kơt Hei?” 5Bu ơh: “Brah ơi, Brah laa 'bơơn?” Brah lah: “Hei laa nơơm Jê-sus pa 'bei plah nhôp kơt. 6Dôh phrui ta yoong, mưt knông poh, bnih nday a kươi maanh 'bei jôm ntil phrui lơh.” 7Bơl bnih han pôl n'hai bu kot ta yoong kươi nglik nglak, đươm bu ttang baak mor dôh 'bưn sau 'bơơn ơơm. 8Sau-lơ a teh ta yoong, pi mat pơơk dôh khah 'bưn sau ơơn leq. Bnih nday dơp ti bu têêk mưt u poh Đa-mach. 9Knông pei nar, bu 'bưn sau, 'bưn sa u kot 'bưn ôn ơơn leq.
A-na-nia lơh bap-tem aan Sau-lơ
10Plah nei, tu poh Đa-mach geh di jơrnơ chhak laa A-na-nia. Brah lah n'hai bu knông di tơrsau noor laah: “Ơi A-na-nia!” Bu ơh: “Brah ơi, geh hei au.” 11Brah lah: “Phrui ta yoong, han tơt nhi Ju-đa a troong chôôl laa Song Chưt, wơng di mbu chôôl Sau-lơ poh a Tat-sơ. Tôw, bnih nei plah r'bon dan, 12u [knông tơrsau noor]#9:12 [knông tơrsau noor]: Knông m'baak plơơp 'bian ti 'bưn geh pal sêr au. ja sau di mbu chôôl laa A-na-nia chwaat mưt dơih ti lơ chhak jah kươt aang mat kươi.” 13A-na-nia ơh: “Brah ơi, koon geh ttang ơk bnih mor bnih au ja lơh khuich gưt pal êch koon sơih Ay ri a Jê-ru-sa-lem. 14Bei au bnih nei a au, geh sơp kmheng bơl yau thwaai ndap ttơơm ri junh ndơơp jah nhôp kơt leq sêch jôm bnih dan jjuh saak Ay.” 15Dôh Brah lah: “Phrui han, đươm Hei ja sach bnih au lơh di til mlơ aan Hei jah liêu saak Hei lôh aan bơl bnih nggoor agaih, bơl snđach, u koon raih I-sra-ên; 16Hei a kươi leet aan bnih nei gưt phrui dol rngiêl đươm saak Hei tơt ggơr êch.” 17A-na-nia sot han; bu chwaat mưt u nhi ja nei dơih ti lơ Sau-lơ u mor: “Ơi bi Sau-lơ, Brah laa Brah Jê-sus, ja lôh sot n'hai bi lơ troong han lôh u đau, maanh hei lôh jah aan bi kươt aang mat kươi u kươt bêêng 'bơm Brah Wêêng.” 18Kơndaal geh pi ơơn bei kơrsaap a pi mat Sau-lơ tup u teh u bu kươt aang mat; ja nei bu ta yoong u pơih bap-tem. 19Di kươi sôông sa luôih, bu kươt kah kơơt kmlang.
Pal baak chhuôr ptơơm Sau-lơ ri
20Sau-lơ a kươi m'baak nar n'hai bơl jơrnơ tu Đa-mach. Kơndaal bu tơmbơh knông bơl nhi pơrgum laah Brah Jê-sus laa Koon Brah Ưn. 21'Bơơn ttang bei nei kot êêng aang, mor laah: “Au 'bưn geh laa bah u ja lưm khuich bơl bnih dan jjuh saak nei tu Jê-ru-sa-lem, u kot lôh u đau jah kơt bu jưn teq u aan bơl yau thwaai ndap ttơơm laang?” 22Dôh Sau-lơ top dươn moh dang, ta tau n'hai bơl bnih Jo-thai rêh a Đa-mach, u ndraanh laah Brah Jê-sus laa Yaang Krist.
23Kơi ơk nar, bnih Jo-thai mon pơrgênh jmlôm lưm Sau-lơ. 24Dôh geh bnih mbơh baak Sau-lơ gưt pơrgênh jmlôm bu ri. Bu kray pal lpôông poh leq mang dang nar jah lưm aan kươt Sau-lơ. 25Dôh mang, bơl jơrnơ pơih sah nh'jưr bu a gaaih pinir poh.#II Kô 11:32-33.
26Tơt lôh Jê-ru-sa-lem, Sau-lơ êch ta plam n'hai bơl jơrnơ, dôh leq sêch kot n'hông, 'bưn jơ bu laa jơrnơ ngan. 27Ba-na-ba jraih liêu bu lôh u bơl jơt jơng, chhuôr aan bu kaar Brah ja lôh sot lah n'hai bu lơ troong laa bei êch, n'hai bu ja khwaan chhuôr saak Brah Jê-sus tu poh Đa-mach sot bei êch laang. 28A nei, Sau-lơ han tơt n'hai jơrnơ tu Jê-ru-sa-lem, 29n'hai tơmoh chhak Brah baah chhuôr di ndroong khwaan. Bu kot mor chhuôr u ta rmhanh u bơl bnih Jo-thai mor baak Hi-lap, mơ bu wơng ndroong lưm bu. 30Ttang baak nei, oh bi liêu bu jưr Sê-sa-rê drơh, u liêu bu han Tat-sơ.
Ê-nê kươt tơmbah
31Bei nei, Phung Jrah knông leq kwaal Ju-đê, Ga-li-lê u Sa-ma-ri kươt a dơơn baak sroong boong, sun moon, chwaat han knông baak đing mbaanh Brah; chkhôm Brah Wêêng jraih, nak bơl jơrnơ nar rơq dươn.
32Khal au, Phi-e-rơ han jôm ktôk, kot lôh u bơl koon sơih tu poh Li-đa dơq. 33Tu nei, bu a mơp di mbu dol awiêl chôôl laa Ê-nê, bêch lơ ndơl u phaam snam hôm. 34Phi-e-rơ mor n'hai bi laah: “Ơi Ê-nê, Brah Jê-sus Krist tơmbah aan bi; phrui ta yoong, kwaih ndơl haanh!” Kơndaal, bu nei ta yoong. 35Leq sêch raih a Li-đa u Sa-rôn sau bei nei kot plơq siq n'hai Brah.
Baak rêh kươi Ta-bi-tha ri
36Tu poh Jôp-bê, geh di dơur jơrnơ chôôl laa Ta-bi-tha, kot khuôl laa Đô-ka; yau ur lơh ơk kaar klanh u rnđơơih tak ươn. 37Knông pal nar nei, yau ur dol pơrtanh u chhưt. Bu nday um tu kơmôich mei, ja nei dơih knông di lwing prêh. 38Bơl jơrnơ ttang baak Phi-e-rơ plah a tu Li-đa, dơơh Jôp-bê, mơ maanh baar du lôh dơrnan bu: “Dan siêr ay lôh gway.” 39Phi-e-rơ ta yoong han n'hai baar du. Tơt lôh ktôk, bu nday liêu Phi-e-rơ lôh lwing prêh. Leq sêch bơl mei pndrau kot ta yoong gêêng bu baah nhim, u ndơơp aan bu mơq pal êch ao ryoq n'hai khôw ao nday baah Đô-ka ja jinh aan bu plah yau ur nha rêh. 40Phi-e-rơ maanh jôm bnih sot a gaaih ja nei kơltut kôq tang r'bon dan. Kơi nei, bu wih u kơmôich bnih chhưt u mor: “Ơi Ta-bi-tha, phrui kah kơơt!” Yau ur lin mat sau Phi-e-rơ, gôq dơk drơh. 41Phi-e-rơ ndơơp ti sot kơldơk yau ur, ja nei khuôl bơl koon sơih u bơl mei pndrau lôh, dơơn aan bu sau yau ur plah rêh. 42Kaar nei lư chhuôr jôm Jôp-bê mơ geh ơk bnih jơ tênh Brah. 43Nha Phi-e-rơ gôq kươi Jôp-bê ơk nar n'hai di mbu rak mon lơh pêêk chhak laa Si-môn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.