Kênh Kaar 10
10
Kot-nay plơq baak jơ
1Tu poh Sê-sa-rê, geh di mbu chhak Kot-nay, kan bôôk lênh phung I-ta-li-a ri. 2Bu ơơm laa bnih chưt ndap, leq nhi nak kot đing mbaanh Brah Ưn; bu rnđơơih tak ươn aan phung raih n'hai ơp ndơq r'bon dan teq u Brah Ưn. 3Laap tơmlai pei bêl mau,#10:3 S'bt: bêl ttal sưn dang nar, awap laa bêl klap sưn dang nar. knông di tơrsau noor, bu sau srlah di lênh brah Brah Ưn ri mưt nhi nơơm u maanh: “Ơi Kot-nay!” 4Bu n'hông n'hing mơq a ngôôn lênh brah u ơh: “Brah ơi, geh kaar ơơn bei nei?” Lênh brah ơh: “Baak r'bon dan n'hai baak tak ươn 'bei ri ja hao rluôt Brah Ưn u kươt Pang chmlam. 5Khal au phrui maanh bu lôh poh Jôp-bê siêr Si-môn, kot chôôl laa Phi-e-rơ. 6Bu nei plah gôq n'hai Si-môn, rak mon lơh pêêk, nhi gôq dơơh daak rmưt.” 7Tơt lênh brah mor n'hai bu ja han hơơi, Kot-nay khuôl baar du knông nak bơl dêch bu ri u di mbu lênh chuh đing a teh kmheng nơơm, 8krơơ kươi jôm ntil aan bu iat, ja nei maanh bu lôh Jôp-bê.
9Nar a ôi, knông plah pei du nei nha han troong, êch dơơh tơt poh nei Phi-e-rơ hao kmbung nhi jah r'bon dan; plah nei, tơmlai nggơl nar tam.#10:9 S'bt: bêl ttal prau, awap laa bêl klap prau. 10Bu nh'hit u awơơi sôông, dôh jơl knông bnih nday plah riap waal nei bu sot wêêng. 11Bu sau trôôk a pơơk, u geh griêng ơơn bei plơơp kma ttih kơt puôn bôh a rich u teh, 12knông nei geh sơp bơl pai griêng puôn jơng, til pai rwin a lơ steh, u chum trôôk. 13Leet geh baak lah n'hai bu laah: “Ơi Phi-e-rơ, phrui kah, lơh pai baah sa.” 14Dôh Phi-e-rơ ơh: “Brah ơi, 'bưn kươt! Đươm koon 'bưn khal êch sa griêng ơơn jrơơk jrơơm paich 'bưn jrah jriêp.” 15Baak nei kươi lah n'hai bu wưt baar laah: “Griêng ơơn Brah Ưn ja lơh aan jrah jriêp nei khơơm mơq laa jrơơk jrơơm.” 16Kaar nei lôh tơt pei wưt; ja nei plơơp kma nei kươt kơn hao trôôk.
17Jơl knông Phi-e-rơ plah rwêch rwưl teq u rpach tơrsau noor nơơm ri ja sau, tôw, bơl bnih Kot-nay maanh han ja wơng kươt nhi Si-môn u plah ta yoong a bôôk lpôông. 18Bu khuôl jah ôp mơq geh dip Si-môn nei Phi-e-rơ plah a au pan. 19Plah Phi-e-rơ ngôôn a gênh teq u tơrsau noor nei Brah Wêêng lah n'hai bu: “Tôw, geh pei du#10:19 pei du: Knông m'baak plơơp 'bian ti laa baar du knông m'baak plơơp 'bian ti nday lah pal du.plah wơng koon. 20Bei nei, phrui ta yoong, jưr han n'hai bu, khơơm nggich nggưl đươm Hei ja maanh bu nei.” 21Phi-e-rơ jưr han n'hai bu u mor: “Hei laa nơơm bnih bơl 'bei plah wơng. Bơl 'bei lôh u đau geh kaar ơơn?” 22Bu ơh: “Kan bôôk Kot-nay laa bnih sêch song, đing mbaanh Brah Ưn, kươt leq raih Jo-thai lơh ndraanh klanh. Bu nei kươt di mbu lênh brah jrah liêu troong, maanh siêr bu siq nhi jah iat baak bu kne.” 23Phi-e-rơ siêr bu mưt u nhi, aan drơm kơơi a nei. Nar a ôi, Phi-e-rơ kah kơơt han n'hai bu; geh m'baak oh bi a Jôp-bê tênh han pôl. 24Nar kươi nei, bu han tơt Sê-sa-rê. Kot-nay pôl n'hai phung mbaang u bơl nang drơơl pơrgum kươi tu nhi, plah kơp ndưng bu. 25Phi-e-rơ chwaat mưt, Kot-nay sot wơơt, kơltut a teh jơng bu baah smbah. 26Dôh Phi-e-rơ kơldơk bu u mor: “Phrui ta yoong, hei kot dơơn laa bnih ei.” 27Di kươi mor chhuôr n'hai Kot-nay, Phi-e-rơ chwaat mưt knông nhi, sau ơk bnih pơrgum kươi. 28Bu mor n'hai bơl bu: “Bơl 'bei gưt bnih Jo-thai ơơm 'bưn kươt ch'bap ta chuôp paich lôh nhi bnih nggoor agaih; dôh Brah Ưn ja tơrsau aan hei gưt laah 'bưn dơơn khuôl di mbu 'bơơn laa jrơơk jrơơm paich 'bưn jrah jriêp. 29Đươm nei, tơt kươt siêr nei hei lôh kơndaal, 'bưn nggich nggưl ơơn. Bei nei hei dan ôp đươm rơ kheet ơơn bơl 'bei siêr hei lôh?” 30Kot-nay ơh: “Puôn nar noor n'au, tơmlai bêl au, nei pei bêl mau, hei plah a nhi r'bon dan nei a drot geh di mbu dook ao aang chraang#10:30 r'bon dan: Knông m'baak plơơp 'bian ti laa ơt jrơng u r'bon dan. lôh sot di mat hei 31u maanh: ‘Ơi Kot-nay, baak r'bon dan 'bei ja kươt chơp u kaar tak ươn 'bei ja kươt Brah Ưn chmlam. 32Bei nei, ay phrui maanh bnih lôh Jôp-bê siêr Si-môn, chôôl laa Phi-e-rơ, lôh u đau. Bu nei plah gôq u Si-môn, rak mon lơh pêêk, nhi dơơh daak rmưt.’ 33Kơndaal hei maanh siêr ay, u ay ja geh chưt klanh lôh u đau. Bei nei khal au, leq sêch bơl hei plah gôq bôôk mat Brah Ưn jah iat jôm ntil Brah ja tơmbơh pn'ak ay.”
34Phi-e-rơ ptơơm mor: “Ngan, hei grnưt Brah Ưn 'bưn a roh 'bơơn, 35Dôh knông leq sêch bơl raih bal, mơq 'bơơn đing mbaanh Brah u lơh ntil sêch song nei kươt Pang sook. 36Brah Ưn ja piyơ baak chhuôr preh tơt koon sau I-sra-ên, chhuôr Baak Sroong Klanh sroong boong đươm Brah Jê-sus Krist, nei laa Brah jôm bnih ri. 37Bơl bu gưt srlah baak pnđing lôh tơt ptơơm a Ga-li-lê ja nei chơơk tơt knông kwaal Ju-đê, di kươi Jang chhuôr teq u bap-tem; 38bei êch Brah Ưn ja lơơm pring aan Brah Jê-sus bnih Na-sa-ret dơng Brah Wêêng u dang kmheng, ja nei Pang han jôm ktôk lơh kaar l'ưt l'mư u tơmbah leq sêch bơl bnih dol chaak ap pnđơơt, đươm Brah Ưn gôq pôl Pang. 39Bơl hei laa bơl bnih ndraanh teq u jôm ntil Pang ja lơh a Ju-đê u Jê-ru-sa-lem. Bu nday ja yôông Pang lơ tơơm chhư baah lưm teq. 40Dôh nar pei, Brah Ưn ja tak lơh Pang rêh kươi u lôh sot, 41'bưn geh aan leq phung raih, baah aan bơl hei laa bơl bnih ndraanh Brah Ưn ja sach noor, nei laa bơl bnih ja sôông sa n'hai Pang di kươi Pang a ktôk chhưt rêh kươi. 42Pang ja tơmbơh tti bơl hei phrui chhuôr aan phung raih, u ndraanh Pang laa Brah Ưn ja lơơk hao jah pơrkat bnih rêh u bah chhưt. 43Leq sêch bơl grnưt noor kot lơh ndraanh laah 'bơơn jơ Pang nei chkhôm saak Pang kươt krôih dôih.”
44Tơt Phi-e-rơ nha plah mor nei Brah Wêêng jưr lơ jôm bnih iat baak preh. 45Bơl jơrnơ dol kat pêêk, lah bơl bnih han pôl n'hai Phi-e-rơ, kot êêng aang đươm griêng tkôm laa Brah Wêêng kot hooch chai lơ bơl raih agaih dơq. 46Bơl jơrnơ nei iat bu mor pal til baak êêng#10:46 Asn: pal til lah raih agaih. u pơt wơơl Brah Ưn. Bei au Phi-e-rơ mor: 47“'Bơơn awap dmôw bap-tem dơng daak aan bơl bnih ja pơih Brah Wêêng kot bei bơl bơn pan?” 48Bei nei, bu tơmbơh lơh bap-tem aan bu tơmoh chhak Brah Jê-sus Krist. Ja nei bu siêr bu nei gôq a kươi pal nar dơơh.
Currently Selected:
Kênh Kaar 10: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 10
10
Kot-nay plơq baak jơ
1Tu poh Sê-sa-rê, geh di mbu chhak Kot-nay, kan bôôk lênh phung I-ta-li-a ri. 2Bu ơơm laa bnih chưt ndap, leq nhi nak kot đing mbaanh Brah Ưn; bu rnđơơih tak ươn aan phung raih n'hai ơp ndơq r'bon dan teq u Brah Ưn. 3Laap tơmlai pei bêl mau,#10:3 S'bt: bêl ttal sưn dang nar, awap laa bêl klap sưn dang nar. knông di tơrsau noor, bu sau srlah di lênh brah Brah Ưn ri mưt nhi nơơm u maanh: “Ơi Kot-nay!” 4Bu n'hông n'hing mơq a ngôôn lênh brah u ơh: “Brah ơi, geh kaar ơơn bei nei?” Lênh brah ơh: “Baak r'bon dan n'hai baak tak ươn 'bei ri ja hao rluôt Brah Ưn u kươt Pang chmlam. 5Khal au phrui maanh bu lôh poh Jôp-bê siêr Si-môn, kot chôôl laa Phi-e-rơ. 6Bu nei plah gôq n'hai Si-môn, rak mon lơh pêêk, nhi gôq dơơh daak rmưt.” 7Tơt lênh brah mor n'hai bu ja han hơơi, Kot-nay khuôl baar du knông nak bơl dêch bu ri u di mbu lênh chuh đing a teh kmheng nơơm, 8krơơ kươi jôm ntil aan bu iat, ja nei maanh bu lôh Jôp-bê.
9Nar a ôi, knông plah pei du nei nha han troong, êch dơơh tơt poh nei Phi-e-rơ hao kmbung nhi jah r'bon dan; plah nei, tơmlai nggơl nar tam.#10:9 S'bt: bêl ttal prau, awap laa bêl klap prau. 10Bu nh'hit u awơơi sôông, dôh jơl knông bnih nday plah riap waal nei bu sot wêêng. 11Bu sau trôôk a pơơk, u geh griêng ơơn bei plơơp kma ttih kơt puôn bôh a rich u teh, 12knông nei geh sơp bơl pai griêng puôn jơng, til pai rwin a lơ steh, u chum trôôk. 13Leet geh baak lah n'hai bu laah: “Ơi Phi-e-rơ, phrui kah, lơh pai baah sa.” 14Dôh Phi-e-rơ ơh: “Brah ơi, 'bưn kươt! Đươm koon 'bưn khal êch sa griêng ơơn jrơơk jrơơm paich 'bưn jrah jriêp.” 15Baak nei kươi lah n'hai bu wưt baar laah: “Griêng ơơn Brah Ưn ja lơh aan jrah jriêp nei khơơm mơq laa jrơơk jrơơm.” 16Kaar nei lôh tơt pei wưt; ja nei plơơp kma nei kươt kơn hao trôôk.
17Jơl knông Phi-e-rơ plah rwêch rwưl teq u rpach tơrsau noor nơơm ri ja sau, tôw, bơl bnih Kot-nay maanh han ja wơng kươt nhi Si-môn u plah ta yoong a bôôk lpôông. 18Bu khuôl jah ôp mơq geh dip Si-môn nei Phi-e-rơ plah a au pan. 19Plah Phi-e-rơ ngôôn a gênh teq u tơrsau noor nei Brah Wêêng lah n'hai bu: “Tôw, geh pei du#10:19 pei du: Knông m'baak plơơp 'bian ti laa baar du knông m'baak plơơp 'bian ti nday lah pal du.plah wơng koon. 20Bei nei, phrui ta yoong, jưr han n'hai bu, khơơm nggich nggưl đươm Hei ja maanh bu nei.” 21Phi-e-rơ jưr han n'hai bu u mor: “Hei laa nơơm bnih bơl 'bei plah wơng. Bơl 'bei lôh u đau geh kaar ơơn?” 22Bu ơh: “Kan bôôk Kot-nay laa bnih sêch song, đing mbaanh Brah Ưn, kươt leq raih Jo-thai lơh ndraanh klanh. Bu nei kươt di mbu lênh brah jrah liêu troong, maanh siêr bu siq nhi jah iat baak bu kne.” 23Phi-e-rơ siêr bu mưt u nhi, aan drơm kơơi a nei. Nar a ôi, Phi-e-rơ kah kơơt han n'hai bu; geh m'baak oh bi a Jôp-bê tênh han pôl. 24Nar kươi nei, bu han tơt Sê-sa-rê. Kot-nay pôl n'hai phung mbaang u bơl nang drơơl pơrgum kươi tu nhi, plah kơp ndưng bu. 25Phi-e-rơ chwaat mưt, Kot-nay sot wơơt, kơltut a teh jơng bu baah smbah. 26Dôh Phi-e-rơ kơldơk bu u mor: “Phrui ta yoong, hei kot dơơn laa bnih ei.” 27Di kươi mor chhuôr n'hai Kot-nay, Phi-e-rơ chwaat mưt knông nhi, sau ơk bnih pơrgum kươi. 28Bu mor n'hai bơl bu: “Bơl 'bei gưt bnih Jo-thai ơơm 'bưn kươt ch'bap ta chuôp paich lôh nhi bnih nggoor agaih; dôh Brah Ưn ja tơrsau aan hei gưt laah 'bưn dơơn khuôl di mbu 'bơơn laa jrơơk jrơơm paich 'bưn jrah jriêp. 29Đươm nei, tơt kươt siêr nei hei lôh kơndaal, 'bưn nggich nggưl ơơn. Bei nei hei dan ôp đươm rơ kheet ơơn bơl 'bei siêr hei lôh?” 30Kot-nay ơh: “Puôn nar noor n'au, tơmlai bêl au, nei pei bêl mau, hei plah a nhi r'bon dan nei a drot geh di mbu dook ao aang chraang#10:30 r'bon dan: Knông m'baak plơơp 'bian ti laa ơt jrơng u r'bon dan. lôh sot di mat hei 31u maanh: ‘Ơi Kot-nay, baak r'bon dan 'bei ja kươt chơp u kaar tak ươn 'bei ja kươt Brah Ưn chmlam. 32Bei nei, ay phrui maanh bnih lôh Jôp-bê siêr Si-môn, chôôl laa Phi-e-rơ, lôh u đau. Bu nei plah gôq u Si-môn, rak mon lơh pêêk, nhi dơơh daak rmưt.’ 33Kơndaal hei maanh siêr ay, u ay ja geh chưt klanh lôh u đau. Bei nei khal au, leq sêch bơl hei plah gôq bôôk mat Brah Ưn jah iat jôm ntil Brah ja tơmbơh pn'ak ay.”
34Phi-e-rơ ptơơm mor: “Ngan, hei grnưt Brah Ưn 'bưn a roh 'bơơn, 35Dôh knông leq sêch bơl raih bal, mơq 'bơơn đing mbaanh Brah u lơh ntil sêch song nei kươt Pang sook. 36Brah Ưn ja piyơ baak chhuôr preh tơt koon sau I-sra-ên, chhuôr Baak Sroong Klanh sroong boong đươm Brah Jê-sus Krist, nei laa Brah jôm bnih ri. 37Bơl bu gưt srlah baak pnđing lôh tơt ptơơm a Ga-li-lê ja nei chơơk tơt knông kwaal Ju-đê, di kươi Jang chhuôr teq u bap-tem; 38bei êch Brah Ưn ja lơơm pring aan Brah Jê-sus bnih Na-sa-ret dơng Brah Wêêng u dang kmheng, ja nei Pang han jôm ktôk lơh kaar l'ưt l'mư u tơmbah leq sêch bơl bnih dol chaak ap pnđơơt, đươm Brah Ưn gôq pôl Pang. 39Bơl hei laa bơl bnih ndraanh teq u jôm ntil Pang ja lơh a Ju-đê u Jê-ru-sa-lem. Bu nday ja yôông Pang lơ tơơm chhư baah lưm teq. 40Dôh nar pei, Brah Ưn ja tak lơh Pang rêh kươi u lôh sot, 41'bưn geh aan leq phung raih, baah aan bơl hei laa bơl bnih ndraanh Brah Ưn ja sach noor, nei laa bơl bnih ja sôông sa n'hai Pang di kươi Pang a ktôk chhưt rêh kươi. 42Pang ja tơmbơh tti bơl hei phrui chhuôr aan phung raih, u ndraanh Pang laa Brah Ưn ja lơơk hao jah pơrkat bnih rêh u bah chhưt. 43Leq sêch bơl grnưt noor kot lơh ndraanh laah 'bơơn jơ Pang nei chkhôm saak Pang kươt krôih dôih.”
44Tơt Phi-e-rơ nha plah mor nei Brah Wêêng jưr lơ jôm bnih iat baak preh. 45Bơl jơrnơ dol kat pêêk, lah bơl bnih han pôl n'hai Phi-e-rơ, kot êêng aang đươm griêng tkôm laa Brah Wêêng kot hooch chai lơ bơl raih agaih dơq. 46Bơl jơrnơ nei iat bu mor pal til baak êêng#10:46 Asn: pal til lah raih agaih. u pơt wơơl Brah Ưn. Bei au Phi-e-rơ mor: 47“'Bơơn awap dmôw bap-tem dơng daak aan bơl bnih ja pơih Brah Wêêng kot bei bơl bơn pan?” 48Bei nei, bu tơmbơh lơh bap-tem aan bu tơmoh chhak Brah Jê-sus Krist. Ja nei bu siêr bu nei gôq a kươi pal nar dơơh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.