Kênh Kaar 2
2
Brah Wêêng jưr
1Tơt nar ryơơng Pram Rthôl, bơl jơrnơ ta pơrgum di ktôk. 2A drot, geh baak lơ a trôôk bei nggôôr chaal pơk ttih đat, bêêng rlum nhi bơl jơrnơ gôq. 3Bơl jơrnơ sau pal lpiat bei lpiat ôinh lôh sot, pơrgah sot u bat lơ jôm bnih knông bu. 4Jôm bôôk kot kươt bêêng bơm Brah Wêêng, ptơơm mor pal til lah nday#2:4 til lah nday: Knông baak Hi-lap laa glossa rơih lah mor dơng lpiat., tênh bei Brah Wêêng aan bu mor.
5Bei au na geh bơl bnih Jo-thai chuh baak jơ a bơl raih jôm ktôk siq, plah gôq tu Jê-ru-sa-lem. 6Tơt ttang baak nei, phung raih han raan u nglêk nglak đươm jôm bnih kot iat bơl jơrnơ mor baak tơơm kwaal nơơm ri. 7Bu êêng aang đat u ôp tơrnang nơơm: “Leq sêch bơl bnih plah mor nei 'bưn geh laa bnih Ga-li-lê laang? 8Bei nei a hay jôm bnih bơl bơn kot ttang bu mor baak tơơm kwaal bơn ri? 9Nei laa bnih Bat-thê, Mê-đi, Ê-la-mit, bơl bu gôq tu Mê-sô-pô-ta-mi, Ju-đê, Kap-pa-đôk, Pông, A-si-a, 10Phi-ri-ji, Pam-phi-li, Ai-kap, pal kwaal klung Li-bi dơơh Si-ren; nei laa bơl blap a Rô-ma lôh, 11leq bnih Jo-thai paich bnih tênh baak jơ Jo-thai, bnih Kơ-rêt n'hai A-rơp dơq, bơl bơn kot iat bu nhôq til lah bơl bơn baah mor teq u pal kaar dang kmheng Brah Ưn ri.” 12Jôm bnih kot êêng aang u rhơq rpơq, mor tơrnang nơơm: “Kaar au geh rơih bei êch?” 13Dôh geh bnih leet đam điêl laah: “Bơl bu bnhưl bih mhei hơơi.”
Baak chhuôr Phi-e-rơ ri
14Dôh Phi-e-rơ ta yoong n'hai jmơt muôi jơt jơng, hao baak mor n'hai phung raih: “Ơi oh bi laa bnih Jo-thai u leq pal bơl bnih a Jê-ru-sa-lem! Phrui gưt srlah ntil au u chmlam tôr iat baak hei mor: 15Bơl bnih au 'bưn geh bnhưl bei oh bi kơn ơơn laang, đươm bei au mhei laa sưn bêl ôi!#2:15 S'bt: bêl ttal pei dang nar, awap laa bêl klap pei dang nar. 16Dôh au laa ntil Brah ja lah rlach grnưt noor Jô-ên:
17‘Brah Ưn lah: Knông pal nar ptut,
Hei a kươi khut Brah Wêêng Hei lơ jôm pêêk pai;
Koon klau u koon ur bơl 'bei a kươi mor grnưt noor,
Dơlu a kươi sau tơrsau noor,
U bnih raanh a kươi sau a mbơơi.
18Dip, knông pal nar nei, Hei a kươi khut Brah Wêêng Hei lơ bơl dêch klau u dêch ur Hei,
U bu a kươi mor grnưt noor;
19Hei a kươi lơh dơq pal chmlih chmleek a lơ trôôk,
U baak êng aang a teh; nei laa mhaam, ôinh, u nh'iêm;
20Mat nar a kươi but mang jơ ngôw,
Mat khay a kươi but sot mhaam,
Di mat nar ttih đat u chring chraang Brah ri lôh.
21U 'bơơn r'bon dan saak Brah nei a kươi kươt đoh.’
22Ơi raih bal I-sra-ên, dan phrui iat hei mor au: Brah Jê-sus bnih Na-sa-ret ja kươt Brah Ưn tơrsau bôôk mat oh bi u baak u ơp kaar dang kmheng, chmleek u chmlih chmleek. Rlach Pang, Brah Ưn ja lơh tênh pal ntil nei klung oh bi bei nơơm oh bi kot gưt srlah. 23Pang ja dol ndun ndơơp tênh sơmlap ja waat u baak gưt noor Brah Ưn ri, bơl 'bei buôn ti bơl bah đơơk đaak#2:23 bah đơơk đaak: Knông baak Hi-lap laa anomos rơih lah bah 'bưn geh ch'bap, mor ot teq u bnih nggoor agaih. pơng đênh Pang lơ chhư rglaang u lưm teq.#Mat 27:35; Mak 15:24; Lu 23:33; Ja 19:18. 24Dôh Brah Ưn ja tak lơh Pang rêh kươi, đoh rôih Pang rlach til ji rngiêl baak chhưt ri, đươm bu 'bưn geh dơp prap Pang kươt.#Mat 28:5-6; Mak 16:6; Lu 24:5. 25Đa-wit geh lah n'hai Brah:
‘Hei sau Brah nggan bôôk mat hei,
Đươm Brah gôq mak ma hei, mơ hei 'bưn ring n'hông.
26Đươm nei, chưt hei broh s'bai, lpiat hei a hơt a rơơn,
U pêêk pai hei kot a kươi rlu rlơk knông kơndưng.
27Đươm Brah a kươi 'bưn teq wêêng yaang hei ktôk phaan,#2:27 phaan: Knông baak Hi-lap laa Hades, chong teq u ktôk bu chhưt ri.
Kot 'bưn teq aan Yaang Jrah Pang ri sau baak luôch lêêk.
28Brah ja aan hei gưt troong baak rêh,
Kot a kươi tak lơh hei bêêng broh s'bai bôôk mat Pang.’
29Ơi oh bi, hei awap mor jap juôn u oh bi laah yau yi Đa-wit laa bnih ja chhưt, kươt rôôp tơơp n'hai nar au kmôôch bnih ri nha ơơm gôq klung bơl bơn. 30Dôh bu laa mbu grnưt noor, gưt Brah Ưn ja daai pơn laah Pang a kươi dơih di mbu klung mbaang bu gôq lơ gơrnôq nơơm. 31Đươm nei, bu ja sau noor u mor teq u baak rêh kươi Yaang Krist ri laah:
Pang 'bưn dol teq ktôk phaan,
Chhak jan Pang 'bưn sau baak saap luôch.
32Brah Ưn ja tak lơh Brah Jê-sus au rêh kươi; leq sêch bơl hei kot lơh bnih ndraanh teq u ntil nei. 33Bei nei di kươi ja kươt lơơk prêh a mak ma Brah Ưn u ja pơih baak pơn teq u Brah Wêêng a ktôk Bươp, Pang khut Brah Wêêng sot bei oh bi plah sau u ttang. 34Đươm snđach Đa-wit 'bưn dơơn hao trôôk, dôh nơơm bu geh mor laah:
‘Brah ja lah n'hai Brah hei:
Phrui gôq mak ma Hei,
35Aan tơt khal êch Hei dơih bơl bah kmang koon lơh knơơl jơng aan koon.’
36Nei mơ, leq nhi I-sra-ên phrui gưt ngan kaar laah Brah Jê-sus au, Yaang baah oh bi ja pơng đênh lơ chhư rglaang, ja kươt Brah Ưn tư lơh Brah u Yaang Krist.”
37Tơt ttang ntil nei, pi nuih ji bei bu grach ei, bu ôp drơh Phi-e-rơ u bơl jơt jơng nday laah: “Bơl bi ơi, bơl hei phrui lơh ơơn au?” 38Phi-e-rơ ơh: “Phrui teq lơi dôih, jôm bnih phrui tơmoh chhak Brah Jê-sus Krist pơih bap-tem jah kươt krôih dôih nơơm, ja nei a kươi dơơp griêng tkôm laa Brah Wêêng. 39Đươm baak pơn nei ơn aan oh bi, aan koon sau oh bi, u aan leq sêch jôm bnih a ngngai, nei laa leq sêch bơl bnih baah Brah laa Brah Ưn bơl bơn a kươi khuôl.” 40Phi-e-rơ kươi pơih ơk baak lơh ndraanh baah trôih trôl bu laah: “Oh bi phrui đoh rôih rlach klap ap than au!” 41Bei nei, bơl bnih wơơt baak nei kot kươt lơh bap-tem, u knông nar nei, top geh tơmlai pei ban bnih mưt u phung.
Baak mlơm chưt u baak ta srlanh bnih jơrnơ daak bôôk
42Bơl jơrnơ chmlam prap baak kne bơl jơt jơng ri, ta luum n'hai oh bi, ryơơng pak nom, u baak r'bon dan. 43Jôm bnih kot đing mbaanh đươm geh ơk chmlih chmleek u baak êêng aang kươt lơh tênh rlach bơl jơt jơng. 44Leq sêch jơrnơ kot srinh kươi tơrnang nơơm u pơih jôm griêng lơh griêng pôl.#Kênh 4:32-35. 45Bu tach leq griêng mlơ, griêng grau nơơm geh baah tacheq ta n'hai tênh ntil rn'êch jôm bnih ri. 46Nar êch bu kot chmlam lôh nhi r'bưn; n'hai a nhi au tơt nhi nday, bu pak nom u sôông sa pôl n'hai chưt broh s'bai, ngan kaar, 47pơt wơơl Brah Ưn u kươt 'bun bôôk mat jôm bnih. Rêêng nar, Brah top nak bnih kươt đoh mưt u phung.
Currently Selected:
Kênh Kaar 2: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 2
2
Brah Wêêng jưr
1Tơt nar ryơơng Pram Rthôl, bơl jơrnơ ta pơrgum di ktôk. 2A drot, geh baak lơ a trôôk bei nggôôr chaal pơk ttih đat, bêêng rlum nhi bơl jơrnơ gôq. 3Bơl jơrnơ sau pal lpiat bei lpiat ôinh lôh sot, pơrgah sot u bat lơ jôm bnih knông bu. 4Jôm bôôk kot kươt bêêng bơm Brah Wêêng, ptơơm mor pal til lah nday#2:4 til lah nday: Knông baak Hi-lap laa glossa rơih lah mor dơng lpiat., tênh bei Brah Wêêng aan bu mor.
5Bei au na geh bơl bnih Jo-thai chuh baak jơ a bơl raih jôm ktôk siq, plah gôq tu Jê-ru-sa-lem. 6Tơt ttang baak nei, phung raih han raan u nglêk nglak đươm jôm bnih kot iat bơl jơrnơ mor baak tơơm kwaal nơơm ri. 7Bu êêng aang đat u ôp tơrnang nơơm: “Leq sêch bơl bnih plah mor nei 'bưn geh laa bnih Ga-li-lê laang? 8Bei nei a hay jôm bnih bơl bơn kot ttang bu mor baak tơơm kwaal bơn ri? 9Nei laa bnih Bat-thê, Mê-đi, Ê-la-mit, bơl bu gôq tu Mê-sô-pô-ta-mi, Ju-đê, Kap-pa-đôk, Pông, A-si-a, 10Phi-ri-ji, Pam-phi-li, Ai-kap, pal kwaal klung Li-bi dơơh Si-ren; nei laa bơl blap a Rô-ma lôh, 11leq bnih Jo-thai paich bnih tênh baak jơ Jo-thai, bnih Kơ-rêt n'hai A-rơp dơq, bơl bơn kot iat bu nhôq til lah bơl bơn baah mor teq u pal kaar dang kmheng Brah Ưn ri.” 12Jôm bnih kot êêng aang u rhơq rpơq, mor tơrnang nơơm: “Kaar au geh rơih bei êch?” 13Dôh geh bnih leet đam điêl laah: “Bơl bu bnhưl bih mhei hơơi.”
Baak chhuôr Phi-e-rơ ri
14Dôh Phi-e-rơ ta yoong n'hai jmơt muôi jơt jơng, hao baak mor n'hai phung raih: “Ơi oh bi laa bnih Jo-thai u leq pal bơl bnih a Jê-ru-sa-lem! Phrui gưt srlah ntil au u chmlam tôr iat baak hei mor: 15Bơl bnih au 'bưn geh bnhưl bei oh bi kơn ơơn laang, đươm bei au mhei laa sưn bêl ôi!#2:15 S'bt: bêl ttal pei dang nar, awap laa bêl klap pei dang nar. 16Dôh au laa ntil Brah ja lah rlach grnưt noor Jô-ên:
17‘Brah Ưn lah: Knông pal nar ptut,
Hei a kươi khut Brah Wêêng Hei lơ jôm pêêk pai;
Koon klau u koon ur bơl 'bei a kươi mor grnưt noor,
Dơlu a kươi sau tơrsau noor,
U bnih raanh a kươi sau a mbơơi.
18Dip, knông pal nar nei, Hei a kươi khut Brah Wêêng Hei lơ bơl dêch klau u dêch ur Hei,
U bu a kươi mor grnưt noor;
19Hei a kươi lơh dơq pal chmlih chmleek a lơ trôôk,
U baak êng aang a teh; nei laa mhaam, ôinh, u nh'iêm;
20Mat nar a kươi but mang jơ ngôw,
Mat khay a kươi but sot mhaam,
Di mat nar ttih đat u chring chraang Brah ri lôh.
21U 'bơơn r'bon dan saak Brah nei a kươi kươt đoh.’
22Ơi raih bal I-sra-ên, dan phrui iat hei mor au: Brah Jê-sus bnih Na-sa-ret ja kươt Brah Ưn tơrsau bôôk mat oh bi u baak u ơp kaar dang kmheng, chmleek u chmlih chmleek. Rlach Pang, Brah Ưn ja lơh tênh pal ntil nei klung oh bi bei nơơm oh bi kot gưt srlah. 23Pang ja dol ndun ndơơp tênh sơmlap ja waat u baak gưt noor Brah Ưn ri, bơl 'bei buôn ti bơl bah đơơk đaak#2:23 bah đơơk đaak: Knông baak Hi-lap laa anomos rơih lah bah 'bưn geh ch'bap, mor ot teq u bnih nggoor agaih. pơng đênh Pang lơ chhư rglaang u lưm teq.#Mat 27:35; Mak 15:24; Lu 23:33; Ja 19:18. 24Dôh Brah Ưn ja tak lơh Pang rêh kươi, đoh rôih Pang rlach til ji rngiêl baak chhưt ri, đươm bu 'bưn geh dơp prap Pang kươt.#Mat 28:5-6; Mak 16:6; Lu 24:5. 25Đa-wit geh lah n'hai Brah:
‘Hei sau Brah nggan bôôk mat hei,
Đươm Brah gôq mak ma hei, mơ hei 'bưn ring n'hông.
26Đươm nei, chưt hei broh s'bai, lpiat hei a hơt a rơơn,
U pêêk pai hei kot a kươi rlu rlơk knông kơndưng.
27Đươm Brah a kươi 'bưn teq wêêng yaang hei ktôk phaan,#2:27 phaan: Knông baak Hi-lap laa Hades, chong teq u ktôk bu chhưt ri.
Kot 'bưn teq aan Yaang Jrah Pang ri sau baak luôch lêêk.
28Brah ja aan hei gưt troong baak rêh,
Kot a kươi tak lơh hei bêêng broh s'bai bôôk mat Pang.’
29Ơi oh bi, hei awap mor jap juôn u oh bi laah yau yi Đa-wit laa bnih ja chhưt, kươt rôôp tơơp n'hai nar au kmôôch bnih ri nha ơơm gôq klung bơl bơn. 30Dôh bu laa mbu grnưt noor, gưt Brah Ưn ja daai pơn laah Pang a kươi dơih di mbu klung mbaang bu gôq lơ gơrnôq nơơm. 31Đươm nei, bu ja sau noor u mor teq u baak rêh kươi Yaang Krist ri laah:
Pang 'bưn dol teq ktôk phaan,
Chhak jan Pang 'bưn sau baak saap luôch.
32Brah Ưn ja tak lơh Brah Jê-sus au rêh kươi; leq sêch bơl hei kot lơh bnih ndraanh teq u ntil nei. 33Bei nei di kươi ja kươt lơơk prêh a mak ma Brah Ưn u ja pơih baak pơn teq u Brah Wêêng a ktôk Bươp, Pang khut Brah Wêêng sot bei oh bi plah sau u ttang. 34Đươm snđach Đa-wit 'bưn dơơn hao trôôk, dôh nơơm bu geh mor laah:
‘Brah ja lah n'hai Brah hei:
Phrui gôq mak ma Hei,
35Aan tơt khal êch Hei dơih bơl bah kmang koon lơh knơơl jơng aan koon.’
36Nei mơ, leq nhi I-sra-ên phrui gưt ngan kaar laah Brah Jê-sus au, Yaang baah oh bi ja pơng đênh lơ chhư rglaang, ja kươt Brah Ưn tư lơh Brah u Yaang Krist.”
37Tơt ttang ntil nei, pi nuih ji bei bu grach ei, bu ôp drơh Phi-e-rơ u bơl jơt jơng nday laah: “Bơl bi ơi, bơl hei phrui lơh ơơn au?” 38Phi-e-rơ ơh: “Phrui teq lơi dôih, jôm bnih phrui tơmoh chhak Brah Jê-sus Krist pơih bap-tem jah kươt krôih dôih nơơm, ja nei a kươi dơơp griêng tkôm laa Brah Wêêng. 39Đươm baak pơn nei ơn aan oh bi, aan koon sau oh bi, u aan leq sêch jôm bnih a ngngai, nei laa leq sêch bơl bnih baah Brah laa Brah Ưn bơl bơn a kươi khuôl.” 40Phi-e-rơ kươi pơih ơk baak lơh ndraanh baah trôih trôl bu laah: “Oh bi phrui đoh rôih rlach klap ap than au!” 41Bei nei, bơl bnih wơơt baak nei kot kươt lơh bap-tem, u knông nar nei, top geh tơmlai pei ban bnih mưt u phung.
Baak mlơm chưt u baak ta srlanh bnih jơrnơ daak bôôk
42Bơl jơrnơ chmlam prap baak kne bơl jơt jơng ri, ta luum n'hai oh bi, ryơơng pak nom, u baak r'bon dan. 43Jôm bnih kot đing mbaanh đươm geh ơk chmlih chmleek u baak êêng aang kươt lơh tênh rlach bơl jơt jơng. 44Leq sêch jơrnơ kot srinh kươi tơrnang nơơm u pơih jôm griêng lơh griêng pôl.#Kênh 4:32-35. 45Bu tach leq griêng mlơ, griêng grau nơơm geh baah tacheq ta n'hai tênh ntil rn'êch jôm bnih ri. 46Nar êch bu kot chmlam lôh nhi r'bưn; n'hai a nhi au tơt nhi nday, bu pak nom u sôông sa pôl n'hai chưt broh s'bai, ngan kaar, 47pơt wơơl Brah Ưn u kươt 'bun bôôk mat jôm bnih. Rêêng nar, Brah top nak bnih kươt đoh mưt u phung.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.