Kênh Kaar 1
1
I. Baak Sroong Klanh kươt chhuôr aan bơl Jo-thai
(1:1 – 12:25)
Brah Jê-sus Krist#1:0 Chôôl laa Jê-sus Kơ-rít; paich nhôq saak chôôl Jê-sus Koon Brah. hao u trôôk
1Ơi ay Thê-ô-phi-lơ, knông sm'bưt daak bôôk,#Lu 1:1-4. hei ja 'bian teq u jôm ntil Brah Jê-sus ja lơh u kne a bôôk daak 2aan tơt nar Pang kươt kơn hao trôôk, di kươi Pang chkhôm Brah Wêêng baah tti kne bơl jơt jơng Pang ja sach. 3Pang kot nhôq ơk ndroong tơrsau aan bơl jơt jơng laah Pang nha rêh di kươi Pang ja dol chhưt, u sot lôh n'hai bu knông puôn jơt nar, mbơh kne teq u nggoor Brah Ưn.
4Plah gôq n'hai#1:4 gôq n'hai: Paich laa a mơp paich laa sôông sa n'hai. bơl jơt jơng, Pang pn'ak bu: “Khơơm sot rlach poh Jê-ru-sa-lem, dôh phrui a nei kơp ntil Bươp ja pơn, laa ntil bơl 'bei ja ttang Hei mor.#Lu 24:49. 5Đươm Jang ja lơh bap-tem dơng daak, dôh knông ndêq nar nha, bơl 'bei a kươi kươt bap-tem dơng Brah Wêêng.”#Mat 3:11; Mak 1:8; Lu 3:16; Ja 1:33. 6Bei nei, bơl bnih plah ta pơrgum tu nei mor n'hai Pang laah: “Brah ơi, geh lah knông khal au Brah a kươi ei lơơi nggoor I-sra-ên pan?” 7Pang ơh: “Tơt jơl u bêl baah Bươp ja teq kmheng ơơm bei nei, nei laa kaar bơl 'bei 'bưn chkhôm gưt. 8Dôh tơt Brah Wêêng lôh jưr lơ bơl 'bei nei bơl 'bei a kươi dơơp pơih dang kmheng u lơh bnih ndraanh aan Hei tu poh Jê-ru-sa-lem, leq kwaal Ju-đê, kwaal Sa-ma-ri aan tơt tut play teh.”#Mat 28:19; Mak 16:15; Lu 24:47-48. 9Di kươi lah pal ntil nei luôih, Pang kươt kơn hao knông khal bơl jơrnơ plah mơq Pang. Geh di nduq wơơt Pang km'ang saap rlach bôôk mat bu.#Mak 16:19; Lu 24:50-51. 10Plah bu chmlam mơq nggơơr hao trôôk khal Pang gôq lơ nei, tôw, geh baar du klau dook ao book ta yoong dơơh bu 11u lah: “Ơi bnih Ga-li-lê, a hay bơl 'bei khang ta yoong mơq nggơơr u trôôk bei nei? Brah Jê-sus au ja kươt kơn hao u trôôk rlach bơl 'bei, a kươi kot plơq kươi bei ndroong bơl 'bei ja sau Pang hao u trôôk ei.”
Bơl jơrnơ tu lwing prêh
12Ja nei, bơl jơrnơ a bnơm chôôl laa Ô-liu plơq siq poh Jê-ru-sa-lem. Bnơm nei dơơh Jê-ru-sa-lem, ndroong di bôông troong han di nar sa-'bat.#1:12 bôông troong han di nar sa-'bat: Tơmlai 1 km. 13Tơt ja mưt knông poh, bu hao a lwing prêh, ktôk bu plah gôq kơndei. Bơl bnih nei laa Phi-e-rơ, Jang, Ja-kơ, Anh-rê, Phi-lip, Thô-ma, Ba-thê-lê-mi, Ma-thi-ơ, Ja-kơ koon A-phê ri, Si-môn Sê-lôt, u Ju-đa koon Ja-kơ ri.#Mat 10:2-4; Mak 3:16-19; Lu 6:14-16. 14Leq pal bơl bnih nei kot chưt mlơm n'hơm muôi n'hai bơl dơur u Ma-ri laa mei Brah Jê-sus u bơl oh klau Pang baah r'bon dan.
Ma-thia kươt maanh lơh jơt jơng tơh Ju-đa
15Knông pal nar nei, Phi-e-rơ ta yoong lwah bơl oh bi#1:15 Asn: bơl mei ruh oh bi. (nak bnih pơrgum kươi ktôk nei tơmlai di riêng baar jơt du) baah mor laah: 16“Ơi oh bi, baak Sm'bưt Brah pa Brah Wêêng ja chkhôm wiêm snđach Đa-wit mor grnưt noor teq u Ju-đa, bnih ja liêu troong aan bơl bah nhôp Brah Jê-sus, phrui kươt dip plak. 17Đươm bu ơơm a knông nak bơl bơn u ja joq dơơn knông kênh kaar au. 18Pang pơih prak tkôm dôih 'baap nơơm ri ja pook di tup pưng srei, ja nei a kơq u teh, prih pul u khut sot proch.#Mat 27:3-8. 19Baak nei leq raih poh Jê-ru-sa-lem kot gưt srlah, mơ bu khuôl pưng srei nei tênh chrnôl êêng nơơm laa Hak-en-đa-ma, rơih laa pưng srei mhaam. 20Knông sm'bưt Tapơt Brah kot geh 'bian laah:
‘Dan aan ktôk gôq bu but rhông rhaang,
Khơơm geh 'bơơn gôq a nei’
u:
‘Dan geh di mbu nday dơơp kaar bu.’
21Bei nei, knông bơl bnih ja gôq n'hai bơl bơn knông rluôt nar khay Brah laa Brah Jê-sus han rwach klung bơl bơn, 22a bơh Pang kươt Jang lơh bap-tem aan tơt nar Pang kươt kơn hao rlach lwah bơl bơn,#1:22 a bơh Pang... bơl bơn: Paich laa a bơh Jang mbơh chhuôr baak preh bap-tem aan tơt jơl Pang kươt kơn hao rlach lwah bơl bơn. phrui geh di mbu n'hai bơl bơn lơh ndraanh teq u baak rêh kươi Pang ri.”#Mat 3:16; Mak 1:9; 16:19; Lu 3:21; 24:51.
23Bơl jơrnơ maanh sot baar du: Jô-sep chôôl laa Ba-sa-ba, kot chôôl laa Juk-tu, u Ma-thia. 24Ja nei bu r'bon dan laah: “Brah ơi, Ay laa Yaang gưt srlah chưt jôm bnih, dan tơrsau aan bơl hei gưt knông baar du au, 'bơơn laa bnih Brah ja sach 25jah tơh kaar lơh u kơrnan jơt jơng Ju-đa ri, bnih ja ndun kơrlap jah han tơt ktôk ơn êêng aan bu.” 26Bu pool sach geh Ma-thia, u bu kươt top chhem teq u jmơt muôi jơt jơng.
Currently Selected:
Kênh Kaar 1: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 1
1
I. Baak Sroong Klanh kươt chhuôr aan bơl Jo-thai
(1:1 – 12:25)
Brah Jê-sus Krist#1:0 Chôôl laa Jê-sus Kơ-rít; paich nhôq saak chôôl Jê-sus Koon Brah. hao u trôôk
1Ơi ay Thê-ô-phi-lơ, knông sm'bưt daak bôôk,#Lu 1:1-4. hei ja 'bian teq u jôm ntil Brah Jê-sus ja lơh u kne a bôôk daak 2aan tơt nar Pang kươt kơn hao trôôk, di kươi Pang chkhôm Brah Wêêng baah tti kne bơl jơt jơng Pang ja sach. 3Pang kot nhôq ơk ndroong tơrsau aan bơl jơt jơng laah Pang nha rêh di kươi Pang ja dol chhưt, u sot lôh n'hai bu knông puôn jơt nar, mbơh kne teq u nggoor Brah Ưn.
4Plah gôq n'hai#1:4 gôq n'hai: Paich laa a mơp paich laa sôông sa n'hai. bơl jơt jơng, Pang pn'ak bu: “Khơơm sot rlach poh Jê-ru-sa-lem, dôh phrui a nei kơp ntil Bươp ja pơn, laa ntil bơl 'bei ja ttang Hei mor.#Lu 24:49. 5Đươm Jang ja lơh bap-tem dơng daak, dôh knông ndêq nar nha, bơl 'bei a kươi kươt bap-tem dơng Brah Wêêng.”#Mat 3:11; Mak 1:8; Lu 3:16; Ja 1:33. 6Bei nei, bơl bnih plah ta pơrgum tu nei mor n'hai Pang laah: “Brah ơi, geh lah knông khal au Brah a kươi ei lơơi nggoor I-sra-ên pan?” 7Pang ơh: “Tơt jơl u bêl baah Bươp ja teq kmheng ơơm bei nei, nei laa kaar bơl 'bei 'bưn chkhôm gưt. 8Dôh tơt Brah Wêêng lôh jưr lơ bơl 'bei nei bơl 'bei a kươi dơơp pơih dang kmheng u lơh bnih ndraanh aan Hei tu poh Jê-ru-sa-lem, leq kwaal Ju-đê, kwaal Sa-ma-ri aan tơt tut play teh.”#Mat 28:19; Mak 16:15; Lu 24:47-48. 9Di kươi lah pal ntil nei luôih, Pang kươt kơn hao knông khal bơl jơrnơ plah mơq Pang. Geh di nduq wơơt Pang km'ang saap rlach bôôk mat bu.#Mak 16:19; Lu 24:50-51. 10Plah bu chmlam mơq nggơơr hao trôôk khal Pang gôq lơ nei, tôw, geh baar du klau dook ao book ta yoong dơơh bu 11u lah: “Ơi bnih Ga-li-lê, a hay bơl 'bei khang ta yoong mơq nggơơr u trôôk bei nei? Brah Jê-sus au ja kươt kơn hao u trôôk rlach bơl 'bei, a kươi kot plơq kươi bei ndroong bơl 'bei ja sau Pang hao u trôôk ei.”
Bơl jơrnơ tu lwing prêh
12Ja nei, bơl jơrnơ a bnơm chôôl laa Ô-liu plơq siq poh Jê-ru-sa-lem. Bnơm nei dơơh Jê-ru-sa-lem, ndroong di bôông troong han di nar sa-'bat.#1:12 bôông troong han di nar sa-'bat: Tơmlai 1 km. 13Tơt ja mưt knông poh, bu hao a lwing prêh, ktôk bu plah gôq kơndei. Bơl bnih nei laa Phi-e-rơ, Jang, Ja-kơ, Anh-rê, Phi-lip, Thô-ma, Ba-thê-lê-mi, Ma-thi-ơ, Ja-kơ koon A-phê ri, Si-môn Sê-lôt, u Ju-đa koon Ja-kơ ri.#Mat 10:2-4; Mak 3:16-19; Lu 6:14-16. 14Leq pal bơl bnih nei kot chưt mlơm n'hơm muôi n'hai bơl dơur u Ma-ri laa mei Brah Jê-sus u bơl oh klau Pang baah r'bon dan.
Ma-thia kươt maanh lơh jơt jơng tơh Ju-đa
15Knông pal nar nei, Phi-e-rơ ta yoong lwah bơl oh bi#1:15 Asn: bơl mei ruh oh bi. (nak bnih pơrgum kươi ktôk nei tơmlai di riêng baar jơt du) baah mor laah: 16“Ơi oh bi, baak Sm'bưt Brah pa Brah Wêêng ja chkhôm wiêm snđach Đa-wit mor grnưt noor teq u Ju-đa, bnih ja liêu troong aan bơl bah nhôp Brah Jê-sus, phrui kươt dip plak. 17Đươm bu ơơm a knông nak bơl bơn u ja joq dơơn knông kênh kaar au. 18Pang pơih prak tkôm dôih 'baap nơơm ri ja pook di tup pưng srei, ja nei a kơq u teh, prih pul u khut sot proch.#Mat 27:3-8. 19Baak nei leq raih poh Jê-ru-sa-lem kot gưt srlah, mơ bu khuôl pưng srei nei tênh chrnôl êêng nơơm laa Hak-en-đa-ma, rơih laa pưng srei mhaam. 20Knông sm'bưt Tapơt Brah kot geh 'bian laah:
‘Dan aan ktôk gôq bu but rhông rhaang,
Khơơm geh 'bơơn gôq a nei’
u:
‘Dan geh di mbu nday dơơp kaar bu.’
21Bei nei, knông bơl bnih ja gôq n'hai bơl bơn knông rluôt nar khay Brah laa Brah Jê-sus han rwach klung bơl bơn, 22a bơh Pang kươt Jang lơh bap-tem aan tơt nar Pang kươt kơn hao rlach lwah bơl bơn,#1:22 a bơh Pang... bơl bơn: Paich laa a bơh Jang mbơh chhuôr baak preh bap-tem aan tơt jơl Pang kươt kơn hao rlach lwah bơl bơn. phrui geh di mbu n'hai bơl bơn lơh ndraanh teq u baak rêh kươi Pang ri.”#Mat 3:16; Mak 1:9; 16:19; Lu 3:21; 24:51.
23Bơl jơrnơ maanh sot baar du: Jô-sep chôôl laa Ba-sa-ba, kot chôôl laa Juk-tu, u Ma-thia. 24Ja nei bu r'bon dan laah: “Brah ơi, Ay laa Yaang gưt srlah chưt jôm bnih, dan tơrsau aan bơl hei gưt knông baar du au, 'bơơn laa bnih Brah ja sach 25jah tơh kaar lơh u kơrnan jơt jơng Ju-đa ri, bnih ja ndun kơrlap jah han tơt ktôk ơn êêng aan bu.” 26Bu pool sach geh Ma-thia, u bu kươt top chhem teq u jmơt muôi jơt jơng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.