Kênh Kaar 13
13
II. Baak Sroong Klanh kươt chhuôr aan bơl bnih nggoor agaih
(13:1–28:31)
Phao-lô u Ba-na-ba kươt maanh han tơmbơh baak jơ
1Knông Phung Jrah tu An-ti-ôt geh bơl grnưt noor u yau tơr ni: Ba-na-ba, Si-mê-ôn chôôl laa Ni-jê, Lu-si-ut bnih Si-ren, Ma-na-hem lah oh siêm snđach Hê-rôt,#13:1 snđach Hê-rôt: Au laa Hê-rôt An-ti-pa, kan bôôk kwaal Ga-li-lê (mơq Lu-ka 3:1). u Sau-lơ. 2Plah bu chuh th'bưn Brah u ơt jrơng nei Brah Wêêng lah: “Phrui krah êêng Ba-na-ba u Sau-lơ aan kaar brnơ Hei ja khuôl bu.” 3Di kươi ơt jrơng u r'bon dan, bu dơih ti lơ baar du u maanh han.
Phao-lô n'hai Ba-na-ba a gguônh Sip. – Sê-jut Phao-lut plơq kươi baak jơ
4Kươt Brah Wêêng maanh, baar du jưr Sê-lơ-si, hơơi a nei jih sbau tơt gguônh Sip. 5Tơt Sa-la-min, bu tơmbơh baak Brah Ưn knông bơl nhi pơrgum bnih Jo-thai ri; kot geh Jang joq jraih. 6Tơt han jôm gguônh aan tơt Pa-phô, tu au bu a mơp mbu trong pol laa bah grnưt noor lhiat bnih Jo-thai chhak Ba-jê-sus; 7bnih au plah gôq n'hai yau tông Sê-jut Phao-lut,#13:7 Awap 'bian laa: Sê-jut Phao-lô. laa di bnih jhai blau. Yau tông maanh siêr Ba-na-ba u Sau-lơ lôh, đươm bu êch iat baak preh teq u Brah Ưn. 8Dôh trong pol nei, chhak Hi-lap laa Ê-li-ma, ta wal baar du, wơng jôm ndroong pơrkhaang yau tông jơ Brah. 9Khal au, Sau-lơ kot chôôl laa Phao-lô, kươt bêêng bơm Brah Wêêng, mơq song teq u bah trong pol nei u mor: 10“'Bei laa koon sau chaak ap ri, kmang jôm ntil sêch song, bêêng lhiat lboor u ch'ươk ch'aak! 'Bei khang pak gei troong song Brah ri yoot neh? 11Au, khal au ti Brah phaat 'bei; 'bei a kươi dol tiah, 'bưn sau mat nar knông di nar khay.” Kơndaal, baak tiah, mang jơ ngôw jưr lơ Ê-li-ma; bu nei han chwiq chwaq, wơng bnih dơp ti têêk nơơm han. 12Tông yau tông sau baak kaar lôh tơt nei jơ, đươm bu êêng aang teq u baak jơ Brah ri.
Baak chhuôr Phao-lô ri tu An-ti-ôt kwaal Pi-si-đi
13Phao-lô u bơl gnasaal pôl a Pa-phô jih sbau Pet-jê knông kwaal Pam-phi-li. Dôh Jang lơơi bu, plơq siq Jê-ru-sa-lem. 14A Pet-jê bu ndih han tơt An-ti-ôt kwaal Pi-si-đi. Tơt nar sa-'bat, bu mưt gôq knông nhi pơrgum. 15Di kươi chôôl sm'bưt ch'bap u grnưt noor, bơl bu liêu troong nhi pơrgum maanh bnih mor n'hai bu: “Ơi oh bi, mơq geh baak ơơn trôih trôl phung raih, dan phrui mor.” 16Phao-lô ta yoong, nhôq ti wak ja nei mor: “Ơi raih bal I-sra-ên u bơl bnih đing mbaanh Brah Ưn, dan phrui iat au: 17Brah Ưn raih I-sra-ên ri au ja sach yau yi bơl bơn, lơh aan raih au klanh sơrnôk knông plah gôq tu Ai-kap, ja nei Pang nhôq paang ti dang kmheng liêu bơl bu sot rlach kwaal nei; 18Knông tơmlai puôn jơt snam, Pang ơt ơl#13:18 ơt ơl: Knông m'baak plơơp 'bian ti laa som ei. bu knông trenh sngat; 19di kươi lưm luôch poh raih knông steh Ka-na-an, Pang aan bơl bu lơh nnơơm steh nei; 20leq sêch knông tơmlai puôn riêng pram jơt snam. Kơi nei,#13:20 leq sêch... Kơi nei: Knông m'baak plơơp 'bian ti laaKơi nei, knông tơmlai puôn riêng pram jơt snam. Pang ldơk aan bơl yau pơrkat aan tơt klap grnưt noor Sa-mu-ên. 21Khal nei bơl bu dan mbu snđach, mơ Brah Ưn ươn Sau-lơ, koon klau Kich ri, pơơn mbaang bnih Bên-ja-min, kan bôôk bơl bu knông puôn jơt snam. 22Ja nei Pang teq snđach nei, ldơk Đa-wit lơh snđach. Pang lơh ndraanh teq u bu laah: ‘Hei ja wơng sau Đa-wit koon klau Je-sê ri, laa bnih Hei broh chưt, bnih a kươi kươt lơh jôm rnđêch Hei.’ 23A mbaang Đa-wit, Brah Ưn ja kn'hao aan I-sra-ên di Brah Đoh, nei laa Brah Jê-sus bei Pang ja pơn. 24Di mat Brah Jê-sus lôh, Jang ja chhuôr bap-tem teq u baak teq lơi dôih aan leq raih I-sra-ên.#Mak 1:4; Lu 3:3. 25Tơt êch dơơh lơh sơp kaar brnơ nơơm, Jang mor: ‘Bơl ay kơn ơơn hei laa 'bơơn? Hei 'bưn geh laa Yaang bơl ay kơn ơơn laang, dôh tôw, geh Yaang lôh kươi hei, hei 'bưn klanh dip doh sroom aan Pang.#Mat 3:11; Mak 1:7; Lu 3:16; 1:20,27. ’
26Ơi oh bi laa koon sau mbaang Ap-ra-ham ri, u bơl bnih đing mbaanh Brah Ưn, baak preh đoh kwaai au kươt piyơ lôh aan nơơm bơl bơn.#13:26 bơl bơn: Knông m'baak plơơp 'bian ti laa oh bi. 27Đươm phung raih u bơl bnih liêu troong bu ri a Jê-ru-sa-lem 'bưn grnưt Brah Jê-sus, kot 'bưn gưt pal baak grnưt noor baah bnih nday rnđơơih chôôl jôm nar sa-'bat. Đươm bei nei, tơt pơrkat Pang, bu ja lơh aan pal baak grnưt noor nei kươt dip plak. 28Paich 'bưn wơng sau rơ kheet ơơn jah pnđing lưm chhưt, bu nha rơ maanh Phi-lat lưm Pang.#Mat 27:22-23; Mak 15:13-14; Lu 23:21-23; 19:15. 29Tơt bu ja lơh dip plak jôm ntil 'bian teq u Pang hơơi nei kjưr Pang u teh rlach chhư rglaang u rôôp tơơp knông kmôôch.#Mat 27:57-61; Mak 15:42-47; Lu 23:50-56; 19:38-42. 30Dôh Brah Ưn ja tak lơh Pang rêh kươi a ktôk chhưt. 31Knông ơk nar, Pang ja lôh sot aan bơl bnih tênh Pang a Ga-li-lê hao Jê-ru-sa-lem; nar au bu kot lơh ndraanh teq u Pang aan phung raih.#Kênh 1:3. 32Nha bơl hei nei chhuôr aan oh bi Baak Sroong Klanh baah Brah Ưn ja pơn aan yau yi bơl bơn 33laah Pang ja lơh dip plak baak pơn nei aan bơl bơn, lah koon sau bu ri, dơng ndroong tak lơh Brah Jê-sus rêh kươi, bei ja 'bian knông Tapơt Brah wưt baar:
‘Koon laa Koon Hei,
Nar au Hei ja lgơơch Koon.’
34Pang ja tak lơh Brah Jê-sus rêh kươi a ktôk chhưt, 'bưn khal êch dol luôch lêêk, bei baak Pang ja lah:
‘Hei a kươi ươn bơl 'bei smlaang jrah u ngan kaar baah Hei ja pơn n'hai Đa-wit.’
35Đươm nei, di Tapơt Brah nday kot geh mor:
‘Brah 'bưn aan Yaang Jrah Pang sau baak luôch lêêk.’
36Nei baah di kươi jraih kaar aan ndroong Brah Ưn ri knông klap nơơm, snđach Đa-wit ja leq n'hơm, kươt rôôp tơơp a gêêng bơl yau yi nơơm u ja sau baak luôch lêêk; 37nha Yaang baah Brah Ưn ja tak lơh rêh kươi nei 'bưn sau baak luôch lêêk. 38Bei nei, ơi oh bi, phrui grnưt laah chkhôm Yaang nei baah baak krôih dôih kươt tơmbơh aan oh bi; 39chkhôm Pang, leq sêch bơl bnih jơ kot kươt chôôl sêch song teq u jôm ntil baah ch'bap Môi-se 'bưn geh chôôl sêch song kươt. 40Nei mơ, phrui njrang, khơơm teq ayơơt ntil bơl grnưt noor ja mor:
41‘Au bơl n'hih nhjơl!
Phrui hơt mrơt u saap 'bat!#13:41 saap 'bat: Paich laachhưt han.
Đươm knông klap bơl 'bei, Hei a kươi lơh di kaar,
Paich geh 'bơơn chhuôr kươi, bơl 'bei kot 'bưn jơ!’”
42Tơt Phao-lô u Ba-na-ba chwaat sot, bu dơrnan baar du ndih chhuôr nti pal baak nei lap nar sa-'bat kươi. 43Tơt jơl pơrgum ja lêêk, ơk bnih Jo-thai u bnih nggoor agaih tênh baak jơ Jo-thai han tênh Phao-lô u Ba-na-ba. Baar du mor chhuôr n'hai trôih trôl bu khang jap dơk knông brêêng smlaang Brah Ưn ri.
44Nar sa-'bat kươi, leq sêch raih knông poh pơrgum kươi jah iat baak Brah.#13:44 baak Brah: Knông m'baak plơơp 'bian ti laa baak Brah Ưn. 45Dôh tơt sau phung raih nei bơl bnih Jo-thai bêêng chưt skiêr, ta wal baak chhuôr Phao-lô ri u gươm chhuôr bu. 46Dôh Phao-lô u Ba-na-ba khwaan mor n'hai bu: “Chkhưm phrui noor tơmbơh baak Brah Ưn aan oh bi; dôh đươm oh bi ja dmôw, u mơq kươi nơơm 'bưn klanh dip pơih baak rêh yoot yôw, mơ khal au bơl hei mhei wih u bơl bnih nggoor agaih. 47Đươm Brah geh tơmbơh lah n'hai bơl hei:
‘Hei ldơk 'bei lơh rơn aang aan bơl bnih nggoor agaih,
Jah liêu baak đoh kwaai tơt ptut play teh.’”
48Tơt iat baak au, bơl bnih nggoor agaih broh s'bai, tư wơơl baak preh Brah; bơl bnih ja kươt waat aan baak rêh yoot yôw kot jơ. 49Baak preh teq u Brah lư jôm kwaal nei. 50Dôh bơl bnih Jo-thai trôt bơl dơur baak jơ đat pơơn teq u bơl kơn hunh u bơl bnih liêu troong knông poh, nôôl bu nhôp kơt Phao-lô u Ba-na-ba u prơh baar du sot rlach kwaal steh bu ri. 51Baar du tơrpôih pưn druih ktôk jơng jah ndun teq bu, ja nei han tơt I-kô-ni.#Mat 10:14; Mak 6:11; Lu 9:5; 10:11. 52Nha bơl jơrnơ nei kươt rlaai bêêng broh s'bai u Brah Wêêng.
Currently Selected:
Kênh Kaar 13: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 13
13
II. Baak Sroong Klanh kươt chhuôr aan bơl bnih nggoor agaih
(13:1–28:31)
Phao-lô u Ba-na-ba kươt maanh han tơmbơh baak jơ
1Knông Phung Jrah tu An-ti-ôt geh bơl grnưt noor u yau tơr ni: Ba-na-ba, Si-mê-ôn chôôl laa Ni-jê, Lu-si-ut bnih Si-ren, Ma-na-hem lah oh siêm snđach Hê-rôt,#13:1 snđach Hê-rôt: Au laa Hê-rôt An-ti-pa, kan bôôk kwaal Ga-li-lê (mơq Lu-ka 3:1). u Sau-lơ. 2Plah bu chuh th'bưn Brah u ơt jrơng nei Brah Wêêng lah: “Phrui krah êêng Ba-na-ba u Sau-lơ aan kaar brnơ Hei ja khuôl bu.” 3Di kươi ơt jrơng u r'bon dan, bu dơih ti lơ baar du u maanh han.
Phao-lô n'hai Ba-na-ba a gguônh Sip. – Sê-jut Phao-lut plơq kươi baak jơ
4Kươt Brah Wêêng maanh, baar du jưr Sê-lơ-si, hơơi a nei jih sbau tơt gguônh Sip. 5Tơt Sa-la-min, bu tơmbơh baak Brah Ưn knông bơl nhi pơrgum bnih Jo-thai ri; kot geh Jang joq jraih. 6Tơt han jôm gguônh aan tơt Pa-phô, tu au bu a mơp mbu trong pol laa bah grnưt noor lhiat bnih Jo-thai chhak Ba-jê-sus; 7bnih au plah gôq n'hai yau tông Sê-jut Phao-lut,#13:7 Awap 'bian laa: Sê-jut Phao-lô. laa di bnih jhai blau. Yau tông maanh siêr Ba-na-ba u Sau-lơ lôh, đươm bu êch iat baak preh teq u Brah Ưn. 8Dôh trong pol nei, chhak Hi-lap laa Ê-li-ma, ta wal baar du, wơng jôm ndroong pơrkhaang yau tông jơ Brah. 9Khal au, Sau-lơ kot chôôl laa Phao-lô, kươt bêêng bơm Brah Wêêng, mơq song teq u bah trong pol nei u mor: 10“'Bei laa koon sau chaak ap ri, kmang jôm ntil sêch song, bêêng lhiat lboor u ch'ươk ch'aak! 'Bei khang pak gei troong song Brah ri yoot neh? 11Au, khal au ti Brah phaat 'bei; 'bei a kươi dol tiah, 'bưn sau mat nar knông di nar khay.” Kơndaal, baak tiah, mang jơ ngôw jưr lơ Ê-li-ma; bu nei han chwiq chwaq, wơng bnih dơp ti têêk nơơm han. 12Tông yau tông sau baak kaar lôh tơt nei jơ, đươm bu êêng aang teq u baak jơ Brah ri.
Baak chhuôr Phao-lô ri tu An-ti-ôt kwaal Pi-si-đi
13Phao-lô u bơl gnasaal pôl a Pa-phô jih sbau Pet-jê knông kwaal Pam-phi-li. Dôh Jang lơơi bu, plơq siq Jê-ru-sa-lem. 14A Pet-jê bu ndih han tơt An-ti-ôt kwaal Pi-si-đi. Tơt nar sa-'bat, bu mưt gôq knông nhi pơrgum. 15Di kươi chôôl sm'bưt ch'bap u grnưt noor, bơl bu liêu troong nhi pơrgum maanh bnih mor n'hai bu: “Ơi oh bi, mơq geh baak ơơn trôih trôl phung raih, dan phrui mor.” 16Phao-lô ta yoong, nhôq ti wak ja nei mor: “Ơi raih bal I-sra-ên u bơl bnih đing mbaanh Brah Ưn, dan phrui iat au: 17Brah Ưn raih I-sra-ên ri au ja sach yau yi bơl bơn, lơh aan raih au klanh sơrnôk knông plah gôq tu Ai-kap, ja nei Pang nhôq paang ti dang kmheng liêu bơl bu sot rlach kwaal nei; 18Knông tơmlai puôn jơt snam, Pang ơt ơl#13:18 ơt ơl: Knông m'baak plơơp 'bian ti laa som ei. bu knông trenh sngat; 19di kươi lưm luôch poh raih knông steh Ka-na-an, Pang aan bơl bu lơh nnơơm steh nei; 20leq sêch knông tơmlai puôn riêng pram jơt snam. Kơi nei,#13:20 leq sêch... Kơi nei: Knông m'baak plơơp 'bian ti laaKơi nei, knông tơmlai puôn riêng pram jơt snam. Pang ldơk aan bơl yau pơrkat aan tơt klap grnưt noor Sa-mu-ên. 21Khal nei bơl bu dan mbu snđach, mơ Brah Ưn ươn Sau-lơ, koon klau Kich ri, pơơn mbaang bnih Bên-ja-min, kan bôôk bơl bu knông puôn jơt snam. 22Ja nei Pang teq snđach nei, ldơk Đa-wit lơh snđach. Pang lơh ndraanh teq u bu laah: ‘Hei ja wơng sau Đa-wit koon klau Je-sê ri, laa bnih Hei broh chưt, bnih a kươi kươt lơh jôm rnđêch Hei.’ 23A mbaang Đa-wit, Brah Ưn ja kn'hao aan I-sra-ên di Brah Đoh, nei laa Brah Jê-sus bei Pang ja pơn. 24Di mat Brah Jê-sus lôh, Jang ja chhuôr bap-tem teq u baak teq lơi dôih aan leq raih I-sra-ên.#Mak 1:4; Lu 3:3. 25Tơt êch dơơh lơh sơp kaar brnơ nơơm, Jang mor: ‘Bơl ay kơn ơơn hei laa 'bơơn? Hei 'bưn geh laa Yaang bơl ay kơn ơơn laang, dôh tôw, geh Yaang lôh kươi hei, hei 'bưn klanh dip doh sroom aan Pang.#Mat 3:11; Mak 1:7; Lu 3:16; 1:20,27. ’
26Ơi oh bi laa koon sau mbaang Ap-ra-ham ri, u bơl bnih đing mbaanh Brah Ưn, baak preh đoh kwaai au kươt piyơ lôh aan nơơm bơl bơn.#13:26 bơl bơn: Knông m'baak plơơp 'bian ti laa oh bi. 27Đươm phung raih u bơl bnih liêu troong bu ri a Jê-ru-sa-lem 'bưn grnưt Brah Jê-sus, kot 'bưn gưt pal baak grnưt noor baah bnih nday rnđơơih chôôl jôm nar sa-'bat. Đươm bei nei, tơt pơrkat Pang, bu ja lơh aan pal baak grnưt noor nei kươt dip plak. 28Paich 'bưn wơng sau rơ kheet ơơn jah pnđing lưm chhưt, bu nha rơ maanh Phi-lat lưm Pang.#Mat 27:22-23; Mak 15:13-14; Lu 23:21-23; 19:15. 29Tơt bu ja lơh dip plak jôm ntil 'bian teq u Pang hơơi nei kjưr Pang u teh rlach chhư rglaang u rôôp tơơp knông kmôôch.#Mat 27:57-61; Mak 15:42-47; Lu 23:50-56; 19:38-42. 30Dôh Brah Ưn ja tak lơh Pang rêh kươi a ktôk chhưt. 31Knông ơk nar, Pang ja lôh sot aan bơl bnih tênh Pang a Ga-li-lê hao Jê-ru-sa-lem; nar au bu kot lơh ndraanh teq u Pang aan phung raih.#Kênh 1:3. 32Nha bơl hei nei chhuôr aan oh bi Baak Sroong Klanh baah Brah Ưn ja pơn aan yau yi bơl bơn 33laah Pang ja lơh dip plak baak pơn nei aan bơl bơn, lah koon sau bu ri, dơng ndroong tak lơh Brah Jê-sus rêh kươi, bei ja 'bian knông Tapơt Brah wưt baar:
‘Koon laa Koon Hei,
Nar au Hei ja lgơơch Koon.’
34Pang ja tak lơh Brah Jê-sus rêh kươi a ktôk chhưt, 'bưn khal êch dol luôch lêêk, bei baak Pang ja lah:
‘Hei a kươi ươn bơl 'bei smlaang jrah u ngan kaar baah Hei ja pơn n'hai Đa-wit.’
35Đươm nei, di Tapơt Brah nday kot geh mor:
‘Brah 'bưn aan Yaang Jrah Pang sau baak luôch lêêk.’
36Nei baah di kươi jraih kaar aan ndroong Brah Ưn ri knông klap nơơm, snđach Đa-wit ja leq n'hơm, kươt rôôp tơơp a gêêng bơl yau yi nơơm u ja sau baak luôch lêêk; 37nha Yaang baah Brah Ưn ja tak lơh rêh kươi nei 'bưn sau baak luôch lêêk. 38Bei nei, ơi oh bi, phrui grnưt laah chkhôm Yaang nei baah baak krôih dôih kươt tơmbơh aan oh bi; 39chkhôm Pang, leq sêch bơl bnih jơ kot kươt chôôl sêch song teq u jôm ntil baah ch'bap Môi-se 'bưn geh chôôl sêch song kươt. 40Nei mơ, phrui njrang, khơơm teq ayơơt ntil bơl grnưt noor ja mor:
41‘Au bơl n'hih nhjơl!
Phrui hơt mrơt u saap 'bat!#13:41 saap 'bat: Paich laachhưt han.
Đươm knông klap bơl 'bei, Hei a kươi lơh di kaar,
Paich geh 'bơơn chhuôr kươi, bơl 'bei kot 'bưn jơ!’”
42Tơt Phao-lô u Ba-na-ba chwaat sot, bu dơrnan baar du ndih chhuôr nti pal baak nei lap nar sa-'bat kươi. 43Tơt jơl pơrgum ja lêêk, ơk bnih Jo-thai u bnih nggoor agaih tênh baak jơ Jo-thai han tênh Phao-lô u Ba-na-ba. Baar du mor chhuôr n'hai trôih trôl bu khang jap dơk knông brêêng smlaang Brah Ưn ri.
44Nar sa-'bat kươi, leq sêch raih knông poh pơrgum kươi jah iat baak Brah.#13:44 baak Brah: Knông m'baak plơơp 'bian ti laa baak Brah Ưn. 45Dôh tơt sau phung raih nei bơl bnih Jo-thai bêêng chưt skiêr, ta wal baak chhuôr Phao-lô ri u gươm chhuôr bu. 46Dôh Phao-lô u Ba-na-ba khwaan mor n'hai bu: “Chkhưm phrui noor tơmbơh baak Brah Ưn aan oh bi; dôh đươm oh bi ja dmôw, u mơq kươi nơơm 'bưn klanh dip pơih baak rêh yoot yôw, mơ khal au bơl hei mhei wih u bơl bnih nggoor agaih. 47Đươm Brah geh tơmbơh lah n'hai bơl hei:
‘Hei ldơk 'bei lơh rơn aang aan bơl bnih nggoor agaih,
Jah liêu baak đoh kwaai tơt ptut play teh.’”
48Tơt iat baak au, bơl bnih nggoor agaih broh s'bai, tư wơơl baak preh Brah; bơl bnih ja kươt waat aan baak rêh yoot yôw kot jơ. 49Baak preh teq u Brah lư jôm kwaal nei. 50Dôh bơl bnih Jo-thai trôt bơl dơur baak jơ đat pơơn teq u bơl kơn hunh u bơl bnih liêu troong knông poh, nôôl bu nhôp kơt Phao-lô u Ba-na-ba u prơh baar du sot rlach kwaal steh bu ri. 51Baar du tơrpôih pưn druih ktôk jơng jah ndun teq bu, ja nei han tơt I-kô-ni.#Mat 10:14; Mak 6:11; Lu 9:5; 10:11. 52Nha bơl jơrnơ nei kươt rlaai bêêng broh s'bai u Brah Wêêng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.