Kênh Kaar 12
12
Phung Jrah dol nhôp kơt. – Phi-e-rơ dol khaam u kươt đoh jraih
1Plah khal nei, snđach Hê-rôt#12:1 snđach Hê-rôt: Au laa Hê-rôt Ak-rip-pa I, kan bôôk leq kwaal Pa-let-tin, sau yau snđach Hê-rôt Ttih ri. sot ti lơh ji rngiêl m'baak bnih knông Phung Jrah. 2Snđach nhôq đao lưm Ja-kơ laa bi Jang ri; 3Tơt sau ntil nei dip chưt bnih Jo-thai, snđach kot maanh nhôp Phi-e-rơ dơq. 4Khal au laa pal nar ryơơng Nom 'Bưn Kenh. Snđach nhôp Phi-e-rơ teq mưt u khaam, ndơơp aan puôn phung lênh tawai kray, u waat kươi ryơơng Chloong Rlach a kươi liêu sot pơrkat bôôk mat phung raih. 5Bei nei, Phi-e-rơ dol groon knông khaam, nha Phung Jrah khang lơbeh lơban r'bon dan n'hai Brah Ưn aan bu.
6Dôh, kơndaal knông mang di mat Hê-rôt ndơơp Phi-e-rơ sot pơrkat, Phi-e-rơ plah bêch klung baar du lênh, dol kơt dơng baar chrwak u geh lênh kray a bôôk lpôông khaam. 7A drot, mbu lênh Brah ri lôh sot, u rơn aang yơr knông khaam jơ ngôw. Lênh brah goh teq u rpaih Phi-e-rơ pơrlay bu u mor: “Phrui gway kah kơơt.” Chrwak kơndaal a doh sot rlach ti bu. 8Lênh brah maanh: “Phrui rêt buq u lap dook sroom.” Phi-e-rơ lơh tênh. Lênh brah kươi wơơt: “Phrui dook ao gaaih n'hai tênh Hei.” 9Phi-e-rơ chwaat sot tênh baah 'bưn gưt laah ntil lênh brah lơh nei laa a ngan, khang kơn ơơn laa nơơm sau tơrsau noor. 10Tơt rloot rlach lpôông kray daak bôôk, ja nei lpôông kray wưt baar, bu tơt lpôông teek liêu mưt u poh. Lpôông nei a pơơk êêng di mat baar du u bu chloong rlach, sot a gaaih troong đôôn; lênh brah kơndaal lơơi Phi-e-rơ.
11Phi-e-rơ kah kơơt u mor: “Khal au hei gưt ngan laah Brah ja maanh lênh brah Pang đoh jraih hei rôih rlach ti Hê-rôt u rlach jôm ntil raih Jo-thai plah kơp ndưng.” 12Tơt grnưt kươt ntil nei, bu lôh u nhi Ma-ri, mei Jang ri, kot chôôl laa Mak; a au geh ơk bnih plah pơrgum kươi r'bon dan. 13Bu goh lpôông a bôôk, mbu dêch ur chhak Rô-đơ han sot ta miat. 14Gưt lah baak Phi-e-rơ, dơur broh s'bai đat lôh moh a wich leq pơơk lpôông, baah tuôt plơq mưt tơmbơh baak laah Phi-e-rơ plah ta yoong a bôôk lpôông. 15Bu lah: “Ay wơơng hơơi!” Dôh mei jap juôn nei laa a ngan. Bu mor: “Ngan laa lênh brah bu ri.” 16Dôh Phi-e-rơ khang goh ndih; tơt bu pơơk lpôông, sau Phi-e-rơ nei êêng aang. 17Dôh bu pơih ti wak maanh ơt rngơt, ja nei krơơ kươi aan bu ndroong ơơn Brah ja đoh nơơm bu rlach khaam; bu maanh: “Phrui aan Ja-kơ u oh bi gưt kaar au.” Kơi nei, bu sot han u lôh di ktôk nday.
18Tơt aang, geh baak pơrsup ttih klung bơl lênh, đươm bu 'bưn gưt kaar ơơn ja lôh tơt aan Phi-e-rơ. 19Hê-rôt maanh wơng trach dôh 'bưn wơng kươt Phi-e-rơ; snđach ôp rngach bơl bnih lênh kray, ja nei maanh lưm bơl nei. Kơi nei, snđach lơơi Ju-đê jưr Sê-sa-rê u gôq kươi tu nei.
Snđach Hê-rôt chhưt
20Khal au, Hê-rôt hao nuih đat raih Ti-rơ u Si-đôn; bei nei, bu pôl chưt lôh a mơp snđach. Di kươi ndit kươt dêch tadơơh snđach ri laa Ba-la-tut, bu lôh dan kơrkham đươm kwaal bu tak chkhôm teq u griêng sa kwaal snđach ri. 21Tơt nar ja waat, Hê-rôt dook khôw ao snđach gôq lơ gơrnôq tơmbơh lah aan bu. 22Phung raih khuôl ttih: “Au laa baak di mbu brah, 'bưn geh baak koon bnih laang!” 23Kơndaal, di mbu lênh Brah ri pơm Hê-rôt đươm snđach 'bưn ta krich chring chraang aan Brah Ưn. Snđach dol pi raai sa baah chhưt.
24Khal au, baak preh Brah Ưn lư jôm ktôk u nar rơơh raal dươn. 25Di kươi lơh sơp kơrnan kaar jưn ndơơp, Ba-na-ba u Sau-lơ lơơi Jê-ru-sa-lem plơq siq An-ti-ôt, liêu pôl Jang, kot khuôl laa Mak.
Currently Selected:
Kênh Kaar 12: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 12
12
Phung Jrah dol nhôp kơt. – Phi-e-rơ dol khaam u kươt đoh jraih
1Plah khal nei, snđach Hê-rôt#12:1 snđach Hê-rôt: Au laa Hê-rôt Ak-rip-pa I, kan bôôk leq kwaal Pa-let-tin, sau yau snđach Hê-rôt Ttih ri. sot ti lơh ji rngiêl m'baak bnih knông Phung Jrah. 2Snđach nhôq đao lưm Ja-kơ laa bi Jang ri; 3Tơt sau ntil nei dip chưt bnih Jo-thai, snđach kot maanh nhôp Phi-e-rơ dơq. 4Khal au laa pal nar ryơơng Nom 'Bưn Kenh. Snđach nhôp Phi-e-rơ teq mưt u khaam, ndơơp aan puôn phung lênh tawai kray, u waat kươi ryơơng Chloong Rlach a kươi liêu sot pơrkat bôôk mat phung raih. 5Bei nei, Phi-e-rơ dol groon knông khaam, nha Phung Jrah khang lơbeh lơban r'bon dan n'hai Brah Ưn aan bu.
6Dôh, kơndaal knông mang di mat Hê-rôt ndơơp Phi-e-rơ sot pơrkat, Phi-e-rơ plah bêch klung baar du lênh, dol kơt dơng baar chrwak u geh lênh kray a bôôk lpôông khaam. 7A drot, mbu lênh Brah ri lôh sot, u rơn aang yơr knông khaam jơ ngôw. Lênh brah goh teq u rpaih Phi-e-rơ pơrlay bu u mor: “Phrui gway kah kơơt.” Chrwak kơndaal a doh sot rlach ti bu. 8Lênh brah maanh: “Phrui rêt buq u lap dook sroom.” Phi-e-rơ lơh tênh. Lênh brah kươi wơơt: “Phrui dook ao gaaih n'hai tênh Hei.” 9Phi-e-rơ chwaat sot tênh baah 'bưn gưt laah ntil lênh brah lơh nei laa a ngan, khang kơn ơơn laa nơơm sau tơrsau noor. 10Tơt rloot rlach lpôông kray daak bôôk, ja nei lpôông kray wưt baar, bu tơt lpôông teek liêu mưt u poh. Lpôông nei a pơơk êêng di mat baar du u bu chloong rlach, sot a gaaih troong đôôn; lênh brah kơndaal lơơi Phi-e-rơ.
11Phi-e-rơ kah kơơt u mor: “Khal au hei gưt ngan laah Brah ja maanh lênh brah Pang đoh jraih hei rôih rlach ti Hê-rôt u rlach jôm ntil raih Jo-thai plah kơp ndưng.” 12Tơt grnưt kươt ntil nei, bu lôh u nhi Ma-ri, mei Jang ri, kot chôôl laa Mak; a au geh ơk bnih plah pơrgum kươi r'bon dan. 13Bu goh lpôông a bôôk, mbu dêch ur chhak Rô-đơ han sot ta miat. 14Gưt lah baak Phi-e-rơ, dơur broh s'bai đat lôh moh a wich leq pơơk lpôông, baah tuôt plơq mưt tơmbơh baak laah Phi-e-rơ plah ta yoong a bôôk lpôông. 15Bu lah: “Ay wơơng hơơi!” Dôh mei jap juôn nei laa a ngan. Bu mor: “Ngan laa lênh brah bu ri.” 16Dôh Phi-e-rơ khang goh ndih; tơt bu pơơk lpôông, sau Phi-e-rơ nei êêng aang. 17Dôh bu pơih ti wak maanh ơt rngơt, ja nei krơơ kươi aan bu ndroong ơơn Brah ja đoh nơơm bu rlach khaam; bu maanh: “Phrui aan Ja-kơ u oh bi gưt kaar au.” Kơi nei, bu sot han u lôh di ktôk nday.
18Tơt aang, geh baak pơrsup ttih klung bơl lênh, đươm bu 'bưn gưt kaar ơơn ja lôh tơt aan Phi-e-rơ. 19Hê-rôt maanh wơng trach dôh 'bưn wơng kươt Phi-e-rơ; snđach ôp rngach bơl bnih lênh kray, ja nei maanh lưm bơl nei. Kơi nei, snđach lơơi Ju-đê jưr Sê-sa-rê u gôq kươi tu nei.
Snđach Hê-rôt chhưt
20Khal au, Hê-rôt hao nuih đat raih Ti-rơ u Si-đôn; bei nei, bu pôl chưt lôh a mơp snđach. Di kươi ndit kươt dêch tadơơh snđach ri laa Ba-la-tut, bu lôh dan kơrkham đươm kwaal bu tak chkhôm teq u griêng sa kwaal snđach ri. 21Tơt nar ja waat, Hê-rôt dook khôw ao snđach gôq lơ gơrnôq tơmbơh lah aan bu. 22Phung raih khuôl ttih: “Au laa baak di mbu brah, 'bưn geh baak koon bnih laang!” 23Kơndaal, di mbu lênh Brah ri pơm Hê-rôt đươm snđach 'bưn ta krich chring chraang aan Brah Ưn. Snđach dol pi raai sa baah chhưt.
24Khal au, baak preh Brah Ưn lư jôm ktôk u nar rơơh raal dươn. 25Di kươi lơh sơp kơrnan kaar jưn ndơơp, Ba-na-ba u Sau-lơ lơơi Jê-ru-sa-lem plơq siq An-ti-ôt, liêu pôl Jang, kot khuôl laa Mak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.