I Kô-rinh-tô 13
13
Baak srlanh
1Paich hei mor kươt ơp ntil baak koon bnih u lênh brah, mơq 'bưn geh baak srlanh nei hei dơơn bei chinh nggôôr paich laa pơr phaang a ngôôn. 2Paich hei kươt 'bun mor grnưt noor u gưt leq pal baak chmlih chmleek pôl jôm gưt jhai; paich hei geh leq sêch chưt jơrnơ lôh ndêch bnơm kươt, dôh 'bưn geh baak srlanh nei hei 'bưn sot pi ơơn.#Mat 17:20; 21:21; Mak 11:23. 3Paich hei tacheq leq griêng mlơ jah siêm bơl pngot, kươi teq chhak nơơm jah dol chhu,#13:3 jah dol chhu: Knông m'baak plơơp 'bian ti lah jah pn'hal. dôh 'bưn geh baak srlanh nei ntil au 'bưn thlay ơơn aan hei.
4Baak srlanh rnđơơih ơt ơl, baak srlanh rnđơơih bnih l'ưt; baak srlanh 'bưn skiêr, 'bưn pn'hal nơơm, 'bưn uôt nhjơơl, 5'bưn gôq rêh tih, 'bưn joi thlay êêng, 'bưn gway hao nuih, 'bưn siêm chiêm ntil ap, 6'bưn broh teq u ntil bn'ap, dôh broh knông baak a ngan. 7Baak srlanh rnđơơih ta krôih ơp ntil, jơ ơp ntil, kơndưng ơp ntil, ơt dol ơp ntil.
8Baak srlanh 'bưn khal êch luôch saap. Pal baak grnưt noor a kươi leq, baak smlaang mor til baak êêng a kươi rlu, baak gưt jhai a kươi dưt. 9Đươm bơl bơn gưt jhai geh lnhơơn, mor grnưt noor kot geh lnhơơn; 10dôh tơt baak klanh room ja tơt, nei baak 'bưn klanh a kươi han rlach. 11Khal nha laa koon drêên, hei mor bei koon drêên, gênh bei koon drêên, ơh baak bei koon drêên; dôh tơt ja ttih raap, hei teq ơp ntil pơơn teq u koon drêên. 12Nar au bơl bơn dơơn sau rlach pi bil di ndroong ngrông ngrông; tơt khal nei, bơl bơn a kươi sau mat mơp mat. Nar au hei gưt geh lnhơơn; tơt plah nei, hei a kươi gưt bei Brah ja gưt hei đêêl. 13Mơ bei au nha geh pei ntil au: Chưt jơrnơ, kơndưng, baak srlanh; dôh ntil prêh thlay huôih leq laa baak srlanh.
Currently Selected:
I Kô-rinh-tô 13: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
I Kô-rinh-tô 13
13
Baak srlanh
1Paich hei mor kươt ơp ntil baak koon bnih u lênh brah, mơq 'bưn geh baak srlanh nei hei dơơn bei chinh nggôôr paich laa pơr phaang a ngôôn. 2Paich hei kươt 'bun mor grnưt noor u gưt leq pal baak chmlih chmleek pôl jôm gưt jhai; paich hei geh leq sêch chưt jơrnơ lôh ndêch bnơm kươt, dôh 'bưn geh baak srlanh nei hei 'bưn sot pi ơơn.#Mat 17:20; 21:21; Mak 11:23. 3Paich hei tacheq leq griêng mlơ jah siêm bơl pngot, kươi teq chhak nơơm jah dol chhu,#13:3 jah dol chhu: Knông m'baak plơơp 'bian ti lah jah pn'hal. dôh 'bưn geh baak srlanh nei ntil au 'bưn thlay ơơn aan hei.
4Baak srlanh rnđơơih ơt ơl, baak srlanh rnđơơih bnih l'ưt; baak srlanh 'bưn skiêr, 'bưn pn'hal nơơm, 'bưn uôt nhjơơl, 5'bưn gôq rêh tih, 'bưn joi thlay êêng, 'bưn gway hao nuih, 'bưn siêm chiêm ntil ap, 6'bưn broh teq u ntil bn'ap, dôh broh knông baak a ngan. 7Baak srlanh rnđơơih ta krôih ơp ntil, jơ ơp ntil, kơndưng ơp ntil, ơt dol ơp ntil.
8Baak srlanh 'bưn khal êch luôch saap. Pal baak grnưt noor a kươi leq, baak smlaang mor til baak êêng a kươi rlu, baak gưt jhai a kươi dưt. 9Đươm bơl bơn gưt jhai geh lnhơơn, mor grnưt noor kot geh lnhơơn; 10dôh tơt baak klanh room ja tơt, nei baak 'bưn klanh a kươi han rlach. 11Khal nha laa koon drêên, hei mor bei koon drêên, gênh bei koon drêên, ơh baak bei koon drêên; dôh tơt ja ttih raap, hei teq ơp ntil pơơn teq u koon drêên. 12Nar au bơl bơn dơơn sau rlach pi bil di ndroong ngrông ngrông; tơt khal nei, bơl bơn a kươi sau mat mơp mat. Nar au hei gưt geh lnhơơn; tơt plah nei, hei a kươi gưt bei Brah ja gưt hei đêêl. 13Mơ bei au nha geh pei ntil au: Chưt jơrnơ, kơndưng, baak srlanh; dôh ntil prêh thlay huôih leq laa baak srlanh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.