I Kô-rinh-tô 12
12
Baak smlaang Brah Wêêng ri
1Ơi oh bi, hei 'bưn êch oh bi 'bưn gưt ơơn leq teq u pal baak smlaang wêêng yaang. 2Oh bi gưt laah, khal nha laa bnih ndah jơ, oh bi ja dol bơl pơsun kơrlôw liêu han tơrlêêng. 3Bei nei, hei êch oh bi gưt laah, 'bưn mbu 'bơơn kươt Brah Wêêng Brah Ưn ri liêu troong baah leet mor: “Brah Jê-sus dip jah pơđaai sa!” Mơq Brah Wêêng 'bưn liêu troong nei kot 'bưn 'bơơn chôôl “Brah Jê-sus laa Brah!”
4Geh ơk baak smlaang êêng nday, dôh dơơn geh mbu Brah Wêêng.#Rô 12:6-8. 5Geh ơk kheet jraih kaar êêng nday, dôh dơơn geh mlơm Brah. 6Geh ơk kaar bơ êêng nday, dôh dơơn geh mlơm Brah Ưn, Yaang lơh jôm kaar knông jôm bnih. 7Baak tơrsau Brah Wêêng ri kươt ươn jôm bnih laa đươm thlay pôl. 8Bnih au kươt Brah Wêêng ươn baak mor jhai rpech; đươm pôl mlơm Brah Wêêng, bnih nday dơơp kươt baak mor gưt jhai. 9Pôl mlơm Brah Wêêng ươn bnih au chưt jơrnơ; đươm pôl mlơm Brah Wêêng, bnih nday dơơp kươt baak smlaang tơmbah pơrtanh. 10Bnih nei kươt lơh pal chmlih chmleek, bnih nei kươt mor grnưt noor, bnih nei kươt chưrleek pal wêêng, bnih nei kươt mor pal til baak êêng#12:10 til baak êêng: Knông baak Hi-lap lah glossa rơih lah mor u lpiat., bnih nei kươt jhai rơih pal ntil baak nei. 11Leq sêch ơp ntil au laa kaar pôl mlơm Brah Wêêng ri; Pang ta toon baak smlaang aan di mbu muôi tênh rnđêch Pang.
Chhak u pal jơng ti Yaang Krist
12Đươm bei dơơn geh mlơm chhak dôh geh ơk jơng ti; pal jơng ti bei ơk, dôh nha dơơn laa mlơm chhak; Yaang Krist kot bei nei.#Rô 12:4-5. 13Đươm bơl bơn, paich laa bnih Jo-thai paich bnih Hi-lap, dêch paich snôk sroong, leq sêch kot ja dol bap-tem knông mlơm Brah Wêêng jah but mlơm chhak jan; leq sêch kot kươt ôn pôl mlơm Brah Wêêng. 14Đươm chhak 'bưn geh dơơn jơng ti baah geh ơk jơng ti. 15Mơq jơng mor: “Đươm hei 'bưn geh laa ti mơ hei 'bưn pơơn teq u chhak” nei 'bưn bei nei baah jơng 'bưn pơơn teq u chhak. 16Mơq tôr mor: “Đươm hei 'bưn geh laa pi mat mơ hei 'bưn pơơn teq u chhak” 'bưn bei nei baah pi mat 'bưn pơơn teq u chhak. 17Mơq leq dơng chhak kot laa pi mat nei lơh bei êch baah iat? Mơq leq dơng chhak kot laa tôr nei lơh bei êch baah êq? 18Dôh bei au, Brah Ưn ja dap dơih pal jơng ti chhak ri, jôm jơng ti tênh rnđêch Pang. 19Mơq leq sêch dơơn laa mlơm jơng ti nei chhak a êch? 20Bei nei, jơng ti nei ơk, dôh chhak dơơn geh mlơm.
21Pi mat 'bưn geh mor n'hai ti: “Hei 'bưn chkhôm ay;” bôôk 'bưn geh mor n'hai jơng: “Hei 'bưn chkhôm ay.” 22Mat baah kươi, pal jơng ti êch knông chhak mơq bei lhok lhơơi huôih, leet laa chkhôm mbưng huôih nha. 23Pal jơng ti êch knông chhak kươt gênh laa pơl đing nei bơl bơn dươn phrui đing huôih; pal jơng ti êch 'bưn klanh nei bơl bơn dươn phrui ta ôp ơk huôih; 24nha pal jơng ti êch klanh hơơi nei 'bưn chkhôm ta ôp. Dôh Brah Ưn ja dap dơih chhak jan bei nei, jah jơng ti êch pơl peh thlay leet kươt đing huôih, 25jah aan 'bưn geh baak pơrlang khach êch knông chhak, dôh pal jơng ti geh pôl mlơm agleng ta n'hai. 26Mơq mlơm jơng ti êch dol ji nei leq sêch kot ji pôl; mơq mlơm jơng ti êch kươt đing nei leq sêch kot broh s'bai pôl.
27Oh bi laa chhak Yaang Krist ri, u jôm mbu bnih laa mlơm jơng ti. 28Brah Ưn ja dap dơih knông Phung Jrah: daak bôôk laa jơt jơng, ttal baar lah grnưt noor, ttal pei laa yau tơr ni, ndih nha lah bnih lơh chmlih chmleek, hơơi tơt bnih kươt baak smlaang tơmbah pơrtanh, bnih joq jraih, bnih kan bôôk, bnih mor pal til baak êêng.#Êph 4:11. 29Geh lah leq sêch kot lah jơt jơng neh? Leq sêch kot laa bnih grnưt noor neh? Leq sêch kot laa yau tơr ni neh? Leq sêch kot lơh chmlih chmleek neh? 30Leq sêch kot kươt baak smlaang tơmbah pơrtanh neh? Leq sêch kot mor kươt pal til baak êêng neh? Leq sêch kot jhai rơih kươt til baak êêng neh?
31Phrui kmbưng pal baak smlaang prêh huôih. Bei au hei a kươi chong aan oh bi mlơm troong nha klanh đat huôih dơq.
Currently Selected:
I Kô-rinh-tô 12: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
I Kô-rinh-tô 12
12
Baak smlaang Brah Wêêng ri
1Ơi oh bi, hei 'bưn êch oh bi 'bưn gưt ơơn leq teq u pal baak smlaang wêêng yaang. 2Oh bi gưt laah, khal nha laa bnih ndah jơ, oh bi ja dol bơl pơsun kơrlôw liêu han tơrlêêng. 3Bei nei, hei êch oh bi gưt laah, 'bưn mbu 'bơơn kươt Brah Wêêng Brah Ưn ri liêu troong baah leet mor: “Brah Jê-sus dip jah pơđaai sa!” Mơq Brah Wêêng 'bưn liêu troong nei kot 'bưn 'bơơn chôôl “Brah Jê-sus laa Brah!”
4Geh ơk baak smlaang êêng nday, dôh dơơn geh mbu Brah Wêêng.#Rô 12:6-8. 5Geh ơk kheet jraih kaar êêng nday, dôh dơơn geh mlơm Brah. 6Geh ơk kaar bơ êêng nday, dôh dơơn geh mlơm Brah Ưn, Yaang lơh jôm kaar knông jôm bnih. 7Baak tơrsau Brah Wêêng ri kươt ươn jôm bnih laa đươm thlay pôl. 8Bnih au kươt Brah Wêêng ươn baak mor jhai rpech; đươm pôl mlơm Brah Wêêng, bnih nday dơơp kươt baak mor gưt jhai. 9Pôl mlơm Brah Wêêng ươn bnih au chưt jơrnơ; đươm pôl mlơm Brah Wêêng, bnih nday dơơp kươt baak smlaang tơmbah pơrtanh. 10Bnih nei kươt lơh pal chmlih chmleek, bnih nei kươt mor grnưt noor, bnih nei kươt chưrleek pal wêêng, bnih nei kươt mor pal til baak êêng#12:10 til baak êêng: Knông baak Hi-lap lah glossa rơih lah mor u lpiat., bnih nei kươt jhai rơih pal ntil baak nei. 11Leq sêch ơp ntil au laa kaar pôl mlơm Brah Wêêng ri; Pang ta toon baak smlaang aan di mbu muôi tênh rnđêch Pang.
Chhak u pal jơng ti Yaang Krist
12Đươm bei dơơn geh mlơm chhak dôh geh ơk jơng ti; pal jơng ti bei ơk, dôh nha dơơn laa mlơm chhak; Yaang Krist kot bei nei.#Rô 12:4-5. 13Đươm bơl bơn, paich laa bnih Jo-thai paich bnih Hi-lap, dêch paich snôk sroong, leq sêch kot ja dol bap-tem knông mlơm Brah Wêêng jah but mlơm chhak jan; leq sêch kot kươt ôn pôl mlơm Brah Wêêng. 14Đươm chhak 'bưn geh dơơn jơng ti baah geh ơk jơng ti. 15Mơq jơng mor: “Đươm hei 'bưn geh laa ti mơ hei 'bưn pơơn teq u chhak” nei 'bưn bei nei baah jơng 'bưn pơơn teq u chhak. 16Mơq tôr mor: “Đươm hei 'bưn geh laa pi mat mơ hei 'bưn pơơn teq u chhak” 'bưn bei nei baah pi mat 'bưn pơơn teq u chhak. 17Mơq leq dơng chhak kot laa pi mat nei lơh bei êch baah iat? Mơq leq dơng chhak kot laa tôr nei lơh bei êch baah êq? 18Dôh bei au, Brah Ưn ja dap dơih pal jơng ti chhak ri, jôm jơng ti tênh rnđêch Pang. 19Mơq leq sêch dơơn laa mlơm jơng ti nei chhak a êch? 20Bei nei, jơng ti nei ơk, dôh chhak dơơn geh mlơm.
21Pi mat 'bưn geh mor n'hai ti: “Hei 'bưn chkhôm ay;” bôôk 'bưn geh mor n'hai jơng: “Hei 'bưn chkhôm ay.” 22Mat baah kươi, pal jơng ti êch knông chhak mơq bei lhok lhơơi huôih, leet laa chkhôm mbưng huôih nha. 23Pal jơng ti êch knông chhak kươt gênh laa pơl đing nei bơl bơn dươn phrui đing huôih; pal jơng ti êch 'bưn klanh nei bơl bơn dươn phrui ta ôp ơk huôih; 24nha pal jơng ti êch klanh hơơi nei 'bưn chkhôm ta ôp. Dôh Brah Ưn ja dap dơih chhak jan bei nei, jah jơng ti êch pơl peh thlay leet kươt đing huôih, 25jah aan 'bưn geh baak pơrlang khach êch knông chhak, dôh pal jơng ti geh pôl mlơm agleng ta n'hai. 26Mơq mlơm jơng ti êch dol ji nei leq sêch kot ji pôl; mơq mlơm jơng ti êch kươt đing nei leq sêch kot broh s'bai pôl.
27Oh bi laa chhak Yaang Krist ri, u jôm mbu bnih laa mlơm jơng ti. 28Brah Ưn ja dap dơih knông Phung Jrah: daak bôôk laa jơt jơng, ttal baar lah grnưt noor, ttal pei laa yau tơr ni, ndih nha lah bnih lơh chmlih chmleek, hơơi tơt bnih kươt baak smlaang tơmbah pơrtanh, bnih joq jraih, bnih kan bôôk, bnih mor pal til baak êêng.#Êph 4:11. 29Geh lah leq sêch kot lah jơt jơng neh? Leq sêch kot laa bnih grnưt noor neh? Leq sêch kot laa yau tơr ni neh? Leq sêch kot lơh chmlih chmleek neh? 30Leq sêch kot kươt baak smlaang tơmbah pơrtanh neh? Leq sêch kot mor kươt pal til baak êêng neh? Leq sêch kot jhai rơih kươt til baak êêng neh?
31Phrui kmbưng pal baak smlaang prêh huôih. Bei au hei a kươi chong aan oh bi mlơm troong nha klanh đat huôih dơq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.