Chibkees 10

Naw-es Cob Tus Tej Xeesntxwz

(1 Xwdtxheej Vaajntxwb 1.5-23)

1Tod qaas kwg dej nyaas ntajtes taaz liad, Naw-es pes tuz tus: Xees, Haas has Yafej maad muaj tuski. Cob nraaz qaas na yog cud cob xeesntxwz.

2Yafej cob tus, Nkumes, Mankos, Madais, Yavaas, Tunpas, Mesekis has Tilas. Cud cob na yog yiadkoos qhais cob neeg kwg tseed ris cud lus xeed. 3Yaad neeg Akenas, Lifas has Tawnkamas yog Nkumes cob xeesntxwz. 4Yavaas cob xeesntxwz yog Elisas, Xapees, Kithis has Ludes, 5cud yog yiadkoos qhais cob neeg kwg muz nyos rias tej koog pobtxwb has rias tej ntug habtxwb. Cob na yog Yafej cob xeesntxwz, cud nyaz muz nyos nyaz is lus teschias rias ni nyaz xeed has nyaz paas kwg has nyaz yaad luz.

6Haas cob tus yog Kuses, Izib, Linpias, has Kana-aas, cud cob na yog yiadkoos qhais cob neeg kwg ris cud lus xeed. 7Kuses cob xeesntxwz yog Senpas, Havilas, Satas, La-amas, has Satekas. La-amas cob xeesntxwz yog cob neeg Senpas has cob Dedaas. 8Kuses muaj is tug tus hu ua Nimelus, niz yog thiaj tuz neeg kwg muaj fwjchid kaab teschias nyos hub ntajtes na. 9Vaajtswb paas niz, niz ha ua taw is tug neeg tua nqaj kwg nto npe heeb, vid ni na tej neeg ha pheej has tas, “Thob tuz Tswb ua tu koj kuas koj yog is tug neeg tua nqaj kwg nyos nto npe is yaad ni Nimelus!” 10Lus nroog Npanpiloos, lus nroog Elekhas has lus nroog Akas, yog thiaj cob nroog kwg niz xus kaab, pes lus nroog na puabtsig nyos hub teschias Npanpiloos. 11Niz taw tiad hub lus teschias qhai muz tu hub teschias Axilias has muz tsid lus nroog Nineves, lus nroog Lehawnpaws Iles, lus nroog Kalas 12has lus nroog Lesees kwg nyos hub ntu nruasnraas qhais lus nroog Nineves has lus tuadcees nroog Kalas.

13Izib cob xeesntxwz, mas yog cob Lidias, cob Anas, cob Lehasnpis, cob Nafetus, 14cob Pathelus, cob Kaselus has Kelites; cob neeg Filitees yog cob neeg kwg has luz saw na tej xeesntxwz.#10.14 Phaw na txhais has tas, Kelites … tej xeesntxwz; phaw Henplais has tas, niz cob xeesntxwz yog cob Filitees has ncaw luz qhais Keletes.

15Kana-aas tuz tus hlus yog Xidoos, has Hethas yog yiadkoos qhais cob neeg kwg tseed ris ostug lus xeed. 16Kana-aas yog yiadkoos qhais cob Yenpus, cob Amawles, cob Nkinkasis, 17cob Hivis, cob Alikis, cob Xinis, 18cob Alevas, cob Xemalis has cob Hamathis. Cob Kana-aas muas fais ua tej xeed tso tiad nyaz muz nyos nyaz, 19ua tu cob Kana-aas tuz nridtes kwg pib qhais Xidoos saas qaastes muz txug ntua tu Nkelas kwg ze tu qhais Nkaxas, has saas hnoostuaj muz txug tu qhais Xawdoos, Kawmawlas, Amas has Xenpawyees kwg nyos ze tu Lasas. 20Qhais na yog Haas cob xeesntxwz kwg muas fais ua tej xeed has tso nyaz muz nyos muaj nyaz is lus teschias, nyaz paas kwg has nyaz yaad luz.

21Xees kwg yog Yafej tuz tijlawg, niz yog yiadkoos qhais cob neeg Henplais. 22Xees cob tus kwg yog Elames, Asus, Apakesas, Lus, has Alaas, cud puabtsig yog yiadkoos qhais cob neeg kwg ris cud lus xeed. 23Alaas cob xeesntxwz yog cob Uxes, cob Hus, cob Nkethes has cob Mesej. 24Apakesas yog Selas vaid has Selas yog Enpes vaid. 25Enpes muaj os tug tus: muaj is tug hu ua Pelej,#10.25 Pelej: Lus npe na has ni Henplais lu luz kwg has tas, “sis fais.” tu qhob tad kwg niz ua neej nyos qhais cob neeg hub ntajtes na taw sis fais liad, has kua ni is tug hu ua Yawketaas. 26Yawketaas cob xeesntxwz yog cob Amawdas, cob Selefas, cob Haxemaves, cob Yelas, 27cob Hadawlaas, cob Uxas, cob Dikelas, 28cob Awnpales, cob A-npi-ma-ees, cob Senpas, 29cob Awfilis, cob Havilas has cob Yawnpas. Taaznrhiab cob na puabtsig yog Yawketaas cob xeesntxwz. 30Lus teschias kwg cud nyos mas txij ntua qhais Masas muz txug tu qhais Sefalas kwg nyos tid lus laaj roos saas hnoostuaj. 31Cob na yog Xees cob xeesntxwz cud nyaz muz nyos nyaz is lus teschias rias ni nyaz xeed has nyaz paas kwg has nyaz yaad luz.

32Taaznrhiab cob neeg kwg has taaz luz na puabtsig yog Naw-es cob xeesntxwz, is tad dhaw tu is tad rias ni cud tej yaad neeg. Tod qaas kwg dej nyaas ntajtes ha muaj ntaw yaad neeg tiad muz nyos pub lus ntajtes na, cud yog Naw-es cob tus tej xeesntxwz.

Currently Selected:

Chibkees 10: CQD2024

Highlight

Copy