An E̱fisu 6
6
Aka̱n a an matin na̱-na̱
1Nwaa akna, ai retin a̱n el a̱n gabs Kan Go̱mca̱n Kooye̱, gab na rina̱n an matin no zein no. I taanl bo̱ i ge̱be̱ste̱ine. 2“Ne̱e̱ na ceta no a inanon k'gwin.” I giira uha̱n a̱n rein u m'e̱te̱, un Sila gigiin an gabma̱n giiraune lalk ho̱d uhna, 3“Ta̱'v gos a̱n c'nocurimu, ta̱m i rwa̱a̱ v pa̱ra̱ra̱.”#6:3 Go̱t ta̱m: Rsgi 5:16.
4Nwaa c'ceto no, an za̱ngs la aka̱n no da. Guba̱sa̱ na na̱ a̱n la̱a̱sa̱ na̱. A̱n kwesa ta̱m na̱ le̱vk Kanubu Ye̱so.
Cokno a an buu na̱-na̱
5Nwaa cokno, gab na rina̱n an gigin no a̱n copun yanda̱ha̱n zein no. Gel na na̱, a̱n ne̱e̱ na̱ k'gwin d'ba̱t d'da̱n ho̱da̱na̱n ta̱n emata Ka̱risti. 6Em na rina̱n a zein no. Za rem a bo̱mt no da. Za ta̱m waz a el a̱n go̱ta̱m no da. Ho̱d coka̱n Ka̱risti, em na rina̱n Sila ta to̱n d'ba̱t d'da̱nka̱, kooye̱ daava. 7Em na a'yomk d'ba̱t d'da̱n a̱n pusuu c'de̱be̱. Zai i Kan Go̱mca̱n Kooye̱ a̱n rein nu'ema, za neta̱nrima da. 8Em na taanlo, rema̱n a̱n napk az Kan Go̱mca̱n Kooye̱ tu cop koowe̱ rihi kasi iu emine. A to̱n i coko alla waav nu'bu.
9Nwaa ta̱m an kinin cokno, ema na coka̱n no taanlo. An taa la na̱ a̱n c'gaag da. Rema̱n a̱n napk az kan gigin no kwe̱, u el a'cona. A zatta la c'ka̱a̱ka̱nsi da.
Rihica̱n dumi d'gaag c Na'Sila̱
10A̱n d'be̱se̱, es na s'naa s'il a̱n gabs Kan Go̱mca̱n Kooye̱, a̱n we̱sa̱m ru. 11To̱p na rihica̱n dumi d'gaag ca̱n Sila ne̱in no kwe̱, bat ta̱n hwekst dumi d'gaag a rina̱n A̱krimu walginna̱n kwe̱. 12Nap na az dumi cinna za a neta̱nriman da. I i'dum a rinnas'ce ne. A go̱mgo̱ma̱n na̱-na̱. A e̱nm naaka̱n a̱nmin copun yanda̱ha̱n d'naake. A we̱sma̱n hora̱mc naaka̱n ca̱n rein a̱nmi na'cona. 13Rema̱n taanlo, to̱p na a̱n bo̱p ta̱m rihica̱n dumi d'gaag ca̱n Sila ne̱in no kwe̱. Rema̱n a hwed naak can, ta̱n la̱a̱ a̱n es a̱n dumu. An taas ta̱m kwe̱, na gita̱ ta̱m no a̱n esk s'naa s'ila̱.
14Es na s'naa s'ila̱. Lag ga̱um soot no ho̱da̱n gagca̱v nu'bad a̱n ba̱ya no. Lag ta̱m e̱lma̱n rihica̱ d'reb soot ho̱da̱n kabido̱ka̱ k'ko̱m baa no.#6:14 Go̱t ta̱m: Isa 11:5; 59:17. 15Walgca̱n ba̱sda̱n kasi lalkun la̱ta̱m c'de̱b soot ho̱d c'kaat a̱n naas no.#6:15 Go̱t ta̱m: Isa 52:7.
16Za rihica̱ ha̱n c'taa da. Lag na ta̱m batma̱n ba̱ta̱d no baa Na'Sil soot ho̱d k'cumu ka̱n-ka̱n goda, ka̱ rims ta̱m hwelanan eels A̱krimu. 17Lag na gwa̱a̱ma̱d Na'Sil soot no ho̱da̱n zemnada̱ k'ko̱mo̱. Bo̱p na ta̱m lalks Na'Sil sa̱ soot no ho̱da̱n vanka̱n ciin we̱sma̱n Hora̱md Na'Sila̱. 18Cepk na a̱n we̱sma̱n Hora̱md Na'Sil kooye̱ daava, baan kooye̱ goon cepks sa a s'kon na. Soot na a c'walga̱n kooye̱ daava. A̱n cepka ta̱m netna Na'Sil kwe̱.
19Cepka na ta̱m me. Az daava̱n ta̱'m a̱ba̱sta̱ nwa̱a̱'a ri kwe̱, Sila kwesa m rina̱n ta̱'m vata. U ne̱e̱ m ta̱m a̱rmc nu'vato. A̱m ba̱tksa̱ ta̱m rihic ze̱sk ca̱n kasi lalko. 20I mi k'comtuna̱n na gagin rema̱n ba̱sda̱n kasi lalkune. Rema̱n taanlo cepka na me, bat ta̱'m ryaa hwic a̱n d'ba̱s a̱n c'a̱ra̱m ho̱d i ge̱be̱ste̱ine.
Po̱o̱so̱d d'be̱se̱
21Taikikus, i hyaare. A̱m el ta̱'m to̱n o hwe̱di. I unwa ta̱m kan yomka Kan Go̱mca̱n Kooye̱ na̱m'ga̱u. Tu ve̱ce̱ no c'rihi kwe̱, bat ta̱n nap ho̱da̱na̱n m retine a rina̱n m rein nu'em no. 22A̱m como-como o baa no bat ta̱n nap ho̱da̱na̱n c retine, u swidi no ta̱m m'we̱se̱.
23Hyaarene, lag Sila ne̱e̱ no la̱ta̱m c'de̱be̱. A'Sil K'Ceto a Kanubu Ye̱so Ka̱ristin ne̱e̱ no de̱bca̱n to̱na̱m hyannano a bata̱m d'ba̱ta̱n baa Na'Sila̱. 24Pusuu Na'Sil boro baa an reina̱n to̱nc Kan Buu cinna Ye̱so Ka̱risti d'kala. A̱nha̱a̱n.
Currently Selected:
An E̱fisu 6: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An E̱fisu 6
6
Aka̱n a an matin na̱-na̱
1Nwaa akna, ai retin a̱n el a̱n gabs Kan Go̱mca̱n Kooye̱, gab na rina̱n an matin no zein no. I taanl bo̱ i ge̱be̱ste̱ine. 2“Ne̱e̱ na ceta no a inanon k'gwin.” I giira uha̱n a̱n rein u m'e̱te̱, un Sila gigiin an gabma̱n giiraune lalk ho̱d uhna, 3“Ta̱'v gos a̱n c'nocurimu, ta̱m i rwa̱a̱ v pa̱ra̱ra̱.”#6:3 Go̱t ta̱m: Rsgi 5:16.
4Nwaa c'ceto no, an za̱ngs la aka̱n no da. Guba̱sa̱ na na̱ a̱n la̱a̱sa̱ na̱. A̱n kwesa ta̱m na̱ le̱vk Kanubu Ye̱so.
Cokno a an buu na̱-na̱
5Nwaa cokno, gab na rina̱n an gigin no a̱n copun yanda̱ha̱n zein no. Gel na na̱, a̱n ne̱e̱ na̱ k'gwin d'ba̱t d'da̱n ho̱da̱na̱n ta̱n emata Ka̱risti. 6Em na rina̱n a zein no. Za rem a bo̱mt no da. Za ta̱m waz a el a̱n go̱ta̱m no da. Ho̱d coka̱n Ka̱risti, em na rina̱n Sila ta to̱n d'ba̱t d'da̱nka̱, kooye̱ daava. 7Em na a'yomk d'ba̱t d'da̱n a̱n pusuu c'de̱be̱. Zai i Kan Go̱mca̱n Kooye̱ a̱n rein nu'ema, za neta̱nrima da. 8Em na taanlo, rema̱n a̱n napk az Kan Go̱mca̱n Kooye̱ tu cop koowe̱ rihi kasi iu emine. A to̱n i coko alla waav nu'bu.
9Nwaa ta̱m an kinin cokno, ema na coka̱n no taanlo. An taa la na̱ a̱n c'gaag da. Rema̱n a̱n napk az kan gigin no kwe̱, u el a'cona. A zatta la c'ka̱a̱ka̱nsi da.
Rihica̱n dumi d'gaag c Na'Sila̱
10A̱n d'be̱se̱, es na s'naa s'il a̱n gabs Kan Go̱mca̱n Kooye̱, a̱n we̱sa̱m ru. 11To̱p na rihica̱n dumi d'gaag ca̱n Sila ne̱in no kwe̱, bat ta̱n hwekst dumi d'gaag a rina̱n A̱krimu walginna̱n kwe̱. 12Nap na az dumi cinna za a neta̱nriman da. I i'dum a rinnas'ce ne. A go̱mgo̱ma̱n na̱-na̱. A e̱nm naaka̱n a̱nmin copun yanda̱ha̱n d'naake. A we̱sma̱n hora̱mc naaka̱n ca̱n rein a̱nmi na'cona. 13Rema̱n taanlo, to̱p na a̱n bo̱p ta̱m rihica̱n dumi d'gaag ca̱n Sila ne̱in no kwe̱. Rema̱n a hwed naak can, ta̱n la̱a̱ a̱n es a̱n dumu. An taas ta̱m kwe̱, na gita̱ ta̱m no a̱n esk s'naa s'ila̱.
14Es na s'naa s'ila̱. Lag ga̱um soot no ho̱da̱n gagca̱v nu'bad a̱n ba̱ya no. Lag ta̱m e̱lma̱n rihica̱ d'reb soot ho̱da̱n kabido̱ka̱ k'ko̱m baa no.#6:14 Go̱t ta̱m: Isa 11:5; 59:17. 15Walgca̱n ba̱sda̱n kasi lalkun la̱ta̱m c'de̱b soot ho̱d c'kaat a̱n naas no.#6:15 Go̱t ta̱m: Isa 52:7.
16Za rihica̱ ha̱n c'taa da. Lag na ta̱m batma̱n ba̱ta̱d no baa Na'Sil soot ho̱d k'cumu ka̱n-ka̱n goda, ka̱ rims ta̱m hwelanan eels A̱krimu. 17Lag na gwa̱a̱ma̱d Na'Sil soot no ho̱da̱n zemnada̱ k'ko̱mo̱. Bo̱p na ta̱m lalks Na'Sil sa̱ soot no ho̱da̱n vanka̱n ciin we̱sma̱n Hora̱md Na'Sila̱. 18Cepk na a̱n we̱sma̱n Hora̱md Na'Sil kooye̱ daava, baan kooye̱ goon cepks sa a s'kon na. Soot na a c'walga̱n kooye̱ daava. A̱n cepka ta̱m netna Na'Sil kwe̱.
19Cepka na ta̱m me. Az daava̱n ta̱'m a̱ba̱sta̱ nwa̱a̱'a ri kwe̱, Sila kwesa m rina̱n ta̱'m vata. U ne̱e̱ m ta̱m a̱rmc nu'vato. A̱m ba̱tksa̱ ta̱m rihic ze̱sk ca̱n kasi lalko. 20I mi k'comtuna̱n na gagin rema̱n ba̱sda̱n kasi lalkune. Rema̱n taanlo cepka na me, bat ta̱'m ryaa hwic a̱n d'ba̱s a̱n c'a̱ra̱m ho̱d i ge̱be̱ste̱ine.
Po̱o̱so̱d d'be̱se̱
21Taikikus, i hyaare. A̱m el ta̱'m to̱n o hwe̱di. I unwa ta̱m kan yomka Kan Go̱mca̱n Kooye̱ na̱m'ga̱u. Tu ve̱ce̱ no c'rihi kwe̱, bat ta̱n nap ho̱da̱na̱n m retine a rina̱n m rein nu'em no. 22A̱m como-como o baa no bat ta̱n nap ho̱da̱na̱n c retine, u swidi no ta̱m m'we̱se̱.
23Hyaarene, lag Sila ne̱e̱ no la̱ta̱m c'de̱be̱. A'Sil K'Ceto a Kanubu Ye̱so Ka̱ristin ne̱e̱ no de̱bca̱n to̱na̱m hyannano a bata̱m d'ba̱ta̱n baa Na'Sila̱. 24Pusuu Na'Sil boro baa an reina̱n to̱nc Kan Buu cinna Ye̱so Ka̱risti d'kala. A̱nha̱a̱n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019