An E̱fisu 5
5
E̱l na nocurimuc ni'cumunkun
1Ai retin i nwaa aknanan Sila rein ta to̱n hwe̱di, em na d'sooc ho̱da̱na̱n Sila retin ta to̱no̱. 2Em na c'nocurimu a̱n to̱nc hyannanon ho̱da̱na̱n Ka̱risti to̱ntin cinna, u nesk hid ru sak u d'ha̱ng baa Na'Sil rem cinna.
3An lag la na tana lalk d'o̱m baa no alla kooye̱ goon ko̱pto̱ca alla c'zo̱rmo̱'is da. Rema̱n goon rihica̱ ha̱n ta hwenna baa netna Na'Sil an zattin ri d'reb da. 4An em la lalksa̱ d'al alla ho̱rman ka̱ka̱l alla ta̱m do̱lun ka̱ka̱l da. Rihica̱ ha̱n ta hwenna baa no da. Bo̱mc Na'Sil c'taa a̱n hwennain ca̱ rwa̱n a̱n nwa̱a̱'a no. 5Rema̱n a̱n baask a̱n napk kwe̱ az ka d'o̱mo̱, kan ri d'rebo alla ka c'zo̱rmo̱'isa̱, (goon nocun lo el ho̱d kan gabma̱n cepko), u zatta u'yob baan go̱mc Ka̱risti a go̱mc Na'Sil a̱n da.
6An lag la noc palk no a̱n lalksa̱n ka̱ka̱l da. I rema̱n goon rihica̱ ha̱n a̱n Sila retin ta hwinsi a c'honga̱mza. 7An em la c'rihi d'kut a goon na̱nnan da. 8Nwaa, de̱ha̱n a̱n lak ni'cumunkunnu. A̱nta̱ma̱ la, i nwaa a d'za̱n rema̱n gabs Kanubu Ye̱so. Em na c'nocurimu ho̱d an reina̱n d'za̱n.
9Nap na az i za̱ndan rein da̱n de̱l emma̱n rihic kasi, m'ga̱u a gela̱v Na'Sil na̱. 10Hob na a̱n napa, a̱n em ta̱m rina̱n ti pusa̱sa̱ Kan Go̱mca̱n Kooye̱ c'de̱be̱. 11E̱l na rihica̱n ka̱ka̱l ca̱ ni'cumunkunnu, a̱n a̱da̱sa̱ ta̱m ca̱. 12Tanama̱n rihica̱n an c'honga̱mzan rein ta em m'ze̱se̱, i rihica̱ m'e̱n. 13Kooye̱ a̱n na sain baa d'za̱n, nan he̱n ho̱da̱n inya. 14Rina̱n ti kwesa c'rihi kwe̱, i d'za̱n. I rina̱n de̱lin bo̱ na zeta,
“Pa̱dka̱, vo ka m'la̱va̱, a̱v po̱to̱.
Ka̱risti ta̱m tu za̱na̱sa̱ vo.”
15Rema̱n taanlo, gab na c'nocurimu sasa, ho̱d a s'vere, za ho̱d kipa̱n da. 16Em na a'yomk i kasi a̱n kooye̱ ke̱e̱da a̱n kumine, rema̱n daav naak na. 17An em la m'kip da. Nap na bano rina̱n Kan Go̱mca̱n Kooye̱ rein tu to̱no̱.
18An lag la kyaam hwaa no da, a̱m el ta̱m gabt na d'kade. Soot na bano a Hora̱md Na'Sil na̱. 19Ema na hyannano c'gedmo, c'saara a sepca̱n Hora̱md Na'Sil la̱a̱sa̱in no. Cepk na a̱n bo̱m ta̱m Kan Go̱mca̱n Kooye̱ a̱n de̱bc no. 20Kooye̱ daava, bo̱m na A'Sil K'Ceto a̱n c'rihi kwe̱, a̱n dind Kan Buu Cinna Ye̱so Ka̱risti. 21Koowe̱ hwenga hyan rema̱n ne̱e̱m Ka̱risti k'gwin.
Netana a a̱rma̱n na̱
22Netana, hwenga na a̱rma̱n no rem Ka̱risti, ho̱da̱na̱n ta̱n hwengta Kanubu Ye̱so. 23I a̱ra̱m a̱n rein go̱m va̱ netav ru, ho̱da̱na̱n Ka̱risti retin go̱m va̱ a s'gaba. I a s'gab a̱n rein we̱du Ka̱risti. I unwa ta̱m a̱n rein Kan Gwa̱a̱ma̱d na̱. 24Ho̱da̱na̱n a s'gab gabtin rina̱n Ka̱risti zeine, i ho̱da̱n lo bo̱ a̱n netan ta gabt kooye̱ a̱n a̱rma̱n na̱ zein na̱.
25Nwaa a̱ra̱mna̱, to̱n na netan no ho̱da̱na̱n Ka̱risti to̱ntin a s'gaba, i cek na hok o rem na̱. 26I rema̱n u vaaksa na̱ an zattin ri d'reb da, a̱n guzma̱n ko̱tc na̱ a̱n we̱sma̱n lalks ru. 27Tu noktva hid ru kargad a s'gab an reina̱n d'za̱n, an zattin c'ko̱pto̱ alla c'lima̱l da alla kooye̱ in ti naas noc da. I a soot an zattin ri d'reb da a an zattin rina̱n nan ze a emk i naak da. 28I ho̱da̱n lo bo̱ i ge̱be̱ste̱in a̱rma̱n to̱n netan na̱ ho̱da̱na̱n ta to̱nt hid na̱. Koowe̱ a̱n to̱nin netav ru, i hid ru u to̱nine.
29A nan tak la a̱n kum nocuna̱n ha̱lin hid ru da. Tu ryaaksa hid ru. U go̱t hid ru i kasi, ho̱da̱na̱n Ka̱risti retina̱n go̱tec a s'gaba. 30Cinna ta̱m kwe̱, i yobca̱n we̱du ru. 31I rema̱n taanl a̱n a̱ra̱m tu lagt ceto a inu nu, u de̱pe̱ netav ru. Na̱nna i'il ta vaak u'we̱d uda̱nka̱.#5:31 Go̱t ta̱m: D'Tak 2:24. 32Ri ha̱n bo̱ i damran rihi a'ze̱se̱. I tank Ka̱risti a kargad a s'gab na. 33Puti a tan na, lag kooye̱ a̱ra̱mwa to̱n netav ru ho̱da̱na̱n tu to̱nt hid ru. Neta ta̱ma̱, u ne̱e̱ a̱rma̱v ru k'gwin.
Currently Selected:
An E̱fisu 5: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An E̱fisu 5
5
E̱l na nocurimuc ni'cumunkun
1Ai retin i nwaa aknanan Sila rein ta to̱n hwe̱di, em na d'sooc ho̱da̱na̱n Sila retin ta to̱no̱. 2Em na c'nocurimu a̱n to̱nc hyannanon ho̱da̱na̱n Ka̱risti to̱ntin cinna, u nesk hid ru sak u d'ha̱ng baa Na'Sil rem cinna.
3An lag la na tana lalk d'o̱m baa no alla kooye̱ goon ko̱pto̱ca alla c'zo̱rmo̱'is da. Rema̱n goon rihica̱ ha̱n ta hwenna baa netna Na'Sil an zattin ri d'reb da. 4An em la lalksa̱ d'al alla ho̱rman ka̱ka̱l alla ta̱m do̱lun ka̱ka̱l da. Rihica̱ ha̱n ta hwenna baa no da. Bo̱mc Na'Sil c'taa a̱n hwennain ca̱ rwa̱n a̱n nwa̱a̱'a no. 5Rema̱n a̱n baask a̱n napk kwe̱ az ka d'o̱mo̱, kan ri d'rebo alla ka c'zo̱rmo̱'isa̱, (goon nocun lo el ho̱d kan gabma̱n cepko), u zatta u'yob baan go̱mc Ka̱risti a go̱mc Na'Sil a̱n da.
6An lag la noc palk no a̱n lalksa̱n ka̱ka̱l da. I rema̱n goon rihica̱ ha̱n a̱n Sila retin ta hwinsi a c'honga̱mza. 7An em la c'rihi d'kut a goon na̱nnan da. 8Nwaa, de̱ha̱n a̱n lak ni'cumunkunnu. A̱nta̱ma̱ la, i nwaa a d'za̱n rema̱n gabs Kanubu Ye̱so. Em na c'nocurimu ho̱d an reina̱n d'za̱n.
9Nap na az i za̱ndan rein da̱n de̱l emma̱n rihic kasi, m'ga̱u a gela̱v Na'Sil na̱. 10Hob na a̱n napa, a̱n em ta̱m rina̱n ti pusa̱sa̱ Kan Go̱mca̱n Kooye̱ c'de̱be̱. 11E̱l na rihica̱n ka̱ka̱l ca̱ ni'cumunkunnu, a̱n a̱da̱sa̱ ta̱m ca̱. 12Tanama̱n rihica̱n an c'honga̱mzan rein ta em m'ze̱se̱, i rihica̱ m'e̱n. 13Kooye̱ a̱n na sain baa d'za̱n, nan he̱n ho̱da̱n inya. 14Rina̱n ti kwesa c'rihi kwe̱, i d'za̱n. I rina̱n de̱lin bo̱ na zeta,
“Pa̱dka̱, vo ka m'la̱va̱, a̱v po̱to̱.
Ka̱risti ta̱m tu za̱na̱sa̱ vo.”
15Rema̱n taanlo, gab na c'nocurimu sasa, ho̱d a s'vere, za ho̱d kipa̱n da. 16Em na a'yomk i kasi a̱n kooye̱ ke̱e̱da a̱n kumine, rema̱n daav naak na. 17An em la m'kip da. Nap na bano rina̱n Kan Go̱mca̱n Kooye̱ rein tu to̱no̱.
18An lag la kyaam hwaa no da, a̱m el ta̱m gabt na d'kade. Soot na bano a Hora̱md Na'Sil na̱. 19Ema na hyannano c'gedmo, c'saara a sepca̱n Hora̱md Na'Sil la̱a̱sa̱in no. Cepk na a̱n bo̱m ta̱m Kan Go̱mca̱n Kooye̱ a̱n de̱bc no. 20Kooye̱ daava, bo̱m na A'Sil K'Ceto a̱n c'rihi kwe̱, a̱n dind Kan Buu Cinna Ye̱so Ka̱risti. 21Koowe̱ hwenga hyan rema̱n ne̱e̱m Ka̱risti k'gwin.
Netana a a̱rma̱n na̱
22Netana, hwenga na a̱rma̱n no rem Ka̱risti, ho̱da̱na̱n ta̱n hwengta Kanubu Ye̱so. 23I a̱ra̱m a̱n rein go̱m va̱ netav ru, ho̱da̱na̱n Ka̱risti retin go̱m va̱ a s'gaba. I a s'gab a̱n rein we̱du Ka̱risti. I unwa ta̱m a̱n rein Kan Gwa̱a̱ma̱d na̱. 24Ho̱da̱na̱n a s'gab gabtin rina̱n Ka̱risti zeine, i ho̱da̱n lo bo̱ a̱n netan ta gabt kooye̱ a̱n a̱rma̱n na̱ zein na̱.
25Nwaa a̱ra̱mna̱, to̱n na netan no ho̱da̱na̱n Ka̱risti to̱ntin a s'gaba, i cek na hok o rem na̱. 26I rema̱n u vaaksa na̱ an zattin ri d'reb da, a̱n guzma̱n ko̱tc na̱ a̱n we̱sma̱n lalks ru. 27Tu noktva hid ru kargad a s'gab an reina̱n d'za̱n, an zattin c'ko̱pto̱ alla c'lima̱l da alla kooye̱ in ti naas noc da. I a soot an zattin ri d'reb da a an zattin rina̱n nan ze a emk i naak da. 28I ho̱da̱n lo bo̱ i ge̱be̱ste̱in a̱rma̱n to̱n netan na̱ ho̱da̱na̱n ta to̱nt hid na̱. Koowe̱ a̱n to̱nin netav ru, i hid ru u to̱nine.
29A nan tak la a̱n kum nocuna̱n ha̱lin hid ru da. Tu ryaaksa hid ru. U go̱t hid ru i kasi, ho̱da̱na̱n Ka̱risti retina̱n go̱tec a s'gaba. 30Cinna ta̱m kwe̱, i yobca̱n we̱du ru. 31I rema̱n taanl a̱n a̱ra̱m tu lagt ceto a inu nu, u de̱pe̱ netav ru. Na̱nna i'il ta vaak u'we̱d uda̱nka̱.#5:31 Go̱t ta̱m: D'Tak 2:24. 32Ri ha̱n bo̱ i damran rihi a'ze̱se̱. I tank Ka̱risti a kargad a s'gab na. 33Puti a tan na, lag kooye̱ a̱ra̱mwa to̱n netav ru ho̱da̱na̱n tu to̱nt hid ru. Neta ta̱ma̱, u ne̱e̱ a̱rma̱v ru k'gwin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019