An E̱fisu 4
4
Swe̱e̱ na hid no
1Miuna̱n m rein a'gag rem yomka Kan Go̱mca̱n Kooye̱, a̱m konk no az a̱n em c'nocurimu ca̱n hwennain goon po̱guna̱n Sila po̱gin no. 2Kalasa na hid no kooye̱ daava. A̱n soot ta̱m neta̱n a kasi, a gaga̱m c'de̱b ne̱. Go̱t na a̱d hyannano u'ka̱ka̱la̱. A̱n kwisi ta̱m na̱ rema̱n to̱nca̱n a̱n reina̱n to̱na̱m na̱. 3Ho̱da̱na̱n i emtin kwe̱, lag na Hora̱md Na'Sil swe̱e̱ hid no a̱n sooca̱d nu'yo̱ro. 4Cinna kwe̱, i u'we̱d uda̱nka̱. I Hora̱md Na'Sil d'da̱n ta̱m a̱n reine. Na po̱gk ta̱m no a̱n sav c'de̱b baan rihi i'da̱nka̱.
5I Kan Go̱mca̱n Kooye̱ uda̱n a̱n reine. I A'Sil a da̱nka̱ a̱n na battin d'ba̱t baa na̱, baptisma ta̱m uda̱nka̱. 6I A'Sil a'da̱nka̱. I na̱nna a̱n rein ta̱m Cet koowe̱. I na̱nna a̱n rein go̱m kwe̱. I na̱nna a̱n rein na'yomk a̱nmin kooye̱. A el la ta̱m baa cinna kwe̱.
7Ka̱risti ne̱e̱k koowe̱ ho̱sma̱n la̱a̱m c'rihi ho̱d u to̱ntine. 8I rina̱n de̱lin bo̱ lalks Na'Sil zeta,
“Au eltin a'con zo,
u to̱o̱k a an na ge̱glin ne.
U ne̱e̱la̱lk ta̱m neta̱n ho̱sma̱n we̱sma̱n emka̱lla̱m c'rihi s'goo-s'goo.”#4:8 Go̱t ta̱m: Zab 68:18.
9Zeuna̱n na zein az, “U vaak u elk a'con zo.” Na la na̱m'ze, az u baak a ciza̱, u uvk a̱nmi nu'cop zo. 10Un bain a ciza̱ a̱n copun yanda̱hna, i unwa a̱n vaakin u elk a̱n cona d'be̱se̱ kwe̱. I rem u vaaksta kooye̱ honhono. 11I unwa a̱n dagin ahyan baa cinna a soot c'comtne. Ahyan baranc Na'Sila̱. Ahyan an ba̱sda̱n kasi lalko. Ahyan an go̱tec a s'gaba. Ahyan ta̱m an la̱a̱sa̱m na. 12Sila em-em taanl a walgt neta̱n a emata na̱ a'yomko. Bat nan guba̱sa̱ we̱du Ka̱risti. 13I taanl a̱n nan soott rihi i'da̱nka̱ a̱n s'gaba. Na nap ta̱m Waav Na'Sila̱. Na ko̱gro̱, i caa na a̱n c'nocurimu ho̱d Ka̱risti.
14A̱n daava̱n lo kaa, a nan soot ta̱m ho̱d yaa'aka̱n da. A nan se̱s ta̱m neta̱n palka̱l na a yangs na a̱n la̱a̱s u c'ko̱l ca̱n ka̱ka̱l da. Ca̱n vers neta̱nrima, ho̱da̱na̱n e̱nc retin ca̱n va̱nka̱lsa̱ c'rihi da. 15Soot na an ve̱ce̱m hyannano m'ga̱u rema̱n a̱n el a̱n to̱nc na̱. I taanl a̱n nan ko̱ga̱rt a̱n s'gaba, na gub ta̱m ho̱d Ka̱risti un rein go̱m kwe̱. 16I Ka̱risti a̱n vaaksain na neta̱n a'da̱n. Ho̱da̱na̱n we̱du retin a c'yob a̱n hwe̱di, u'we̱d la uda̱n. A kooye̱ yobwa em a'yomk honhono, tu nokta c'gub a c'to̱na̱n ta̱ma̱.
Em na nocurimuca̱ d'za̱n
17Rem Kan Go̱mca̱n Kooye̱, a̱m el a̱n kaaga̱m no, an em la ta̱m sooca̱d c'nocurimu ho̱d an ta napin A'Sil da, an keka̱bsa̱n ka̱ka̱la̱. 18A el ni'cumunkunnu, a ta ke̱e̱se̱ rihi a̱n de̱bc na̱ da. A batk ta̱m le̱vk Na'Sil rema̱n robamda̱n napsa̱n a ciin rema̱n honga̱mzac na̱. 19A zatta m'e̱n da. Rihica̱ m'e̱n, ca̱nca a̱n ta ema. Ta em ta̱m kooye̱ goon rihica̱ c'ko̱pto̱ ca.
20Za ho̱da̱n lo bo̱ a̱n na la̱a̱sta̱in no soocda̱n gabs Ka̱risti da. 21Ke̱ng, a̱n hongk da̱n Ye̱so. Ai retin ta̱m i nwaa a ru, na la̱a̱ska̱ no ga̱uma̱n kasi lalk Ye̱so. 22Na la̱a̱ska̱ no, az a̱n lag soocda̱n nocurimuc no ca̱n de̱hne. A̱n lag rihica̱n a̱n lain ta̱n em c'naak a̱n nocurimuc no. Nocurimuca̱n to̱nca̱n rihic naak ko̱pso̱ine. 23Lag na Sila vaakta de̱bc no a keka̱bs non a̱n le̱vk kasi. 24A̱nta̱ma̱ rema̱n Sila vodaska nocurimuc no, em na rihic kasi, ca̱n zattin ri d'reb da. Goon nocurimuca̱n Sila emain no, a̱n soott ho̱d na̱.
25Rema̱n taanlo, koowe̱ lag c'ko̱lo̱. U ve̱ce̱ ta̱m hyaaro m'ga̱u. Rema̱n cinna kwe̱, i u'we̱d uda̱nka̱. 26“Av hwins la i caa a̱n d'ko̱t da.” Av lag la hwed hyoo a̱v el a̱n d'hwins da.#4:26 Go̱t ta̱m: Zab 4:4. 27An ne̱e̱ la A̱krimu d'ke̱e̱ u pe̱tte̱ da. 28Hiv lag d'hivi, u em yomka kasi a̱n komc ru, bat tu kum u ne̱e̱ an robine.
29An lag la lalksa̱n ka̱ka̱l rwa̱n a̱n nwa̱a̱'a no da. Vat na rina̱n ti se̱e̱te̱ ahyan a̱n rina̱n a rein nu'to̱no, i guba̱sta̱ na̱, i se̱e̱te̱ ta̱m an ge̱ne̱in no u'con. 30Gab na sasa. An naas la Hora̱md Na'Sil c'de̱b da. Nap na az i a̱n da̱nda a̱n Sila ta napt no a̱n hweda̱ d'gwa̱a̱ma̱. 31Lag na s'le̱be̱, d'hwinsu, naam c'de̱be̱, a naasma̱n dinda̱ neta̱n na, a giga̱m neta̱n a̱n c'de̱be̱, a kooye̱ goon dumva na. 32Ema na hyannanon rihic c'kasi. A̱n hong ta̱m za̱im na̱. A̱n kwisi na̱, ho̱da̱na̱n Sila kwisitiin no rem Ka̱risti.
Currently Selected:
An E̱fisu 4: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An E̱fisu 4
4
Swe̱e̱ na hid no
1Miuna̱n m rein a'gag rem yomka Kan Go̱mca̱n Kooye̱, a̱m konk no az a̱n em c'nocurimu ca̱n hwennain goon po̱guna̱n Sila po̱gin no. 2Kalasa na hid no kooye̱ daava. A̱n soot ta̱m neta̱n a kasi, a gaga̱m c'de̱b ne̱. Go̱t na a̱d hyannano u'ka̱ka̱la̱. A̱n kwisi ta̱m na̱ rema̱n to̱nca̱n a̱n reina̱n to̱na̱m na̱. 3Ho̱da̱na̱n i emtin kwe̱, lag na Hora̱md Na'Sil swe̱e̱ hid no a̱n sooca̱d nu'yo̱ro. 4Cinna kwe̱, i u'we̱d uda̱nka̱. I Hora̱md Na'Sil d'da̱n ta̱m a̱n reine. Na po̱gk ta̱m no a̱n sav c'de̱b baan rihi i'da̱nka̱.
5I Kan Go̱mca̱n Kooye̱ uda̱n a̱n reine. I A'Sil a da̱nka̱ a̱n na battin d'ba̱t baa na̱, baptisma ta̱m uda̱nka̱. 6I A'Sil a'da̱nka̱. I na̱nna a̱n rein ta̱m Cet koowe̱. I na̱nna a̱n rein go̱m kwe̱. I na̱nna a̱n rein na'yomk a̱nmin kooye̱. A el la ta̱m baa cinna kwe̱.
7Ka̱risti ne̱e̱k koowe̱ ho̱sma̱n la̱a̱m c'rihi ho̱d u to̱ntine. 8I rina̱n de̱lin bo̱ lalks Na'Sil zeta,
“Au eltin a'con zo,
u to̱o̱k a an na ge̱glin ne.
U ne̱e̱la̱lk ta̱m neta̱n ho̱sma̱n we̱sma̱n emka̱lla̱m c'rihi s'goo-s'goo.”#4:8 Go̱t ta̱m: Zab 68:18.
9Zeuna̱n na zein az, “U vaak u elk a'con zo.” Na la na̱m'ze, az u baak a ciza̱, u uvk a̱nmi nu'cop zo. 10Un bain a ciza̱ a̱n copun yanda̱hna, i unwa a̱n vaakin u elk a̱n cona d'be̱se̱ kwe̱. I rem u vaaksta kooye̱ honhono. 11I unwa a̱n dagin ahyan baa cinna a soot c'comtne. Ahyan baranc Na'Sila̱. Ahyan an ba̱sda̱n kasi lalko. Ahyan an go̱tec a s'gaba. Ahyan ta̱m an la̱a̱sa̱m na. 12Sila em-em taanl a walgt neta̱n a emata na̱ a'yomko. Bat nan guba̱sa̱ we̱du Ka̱risti. 13I taanl a̱n nan soott rihi i'da̱nka̱ a̱n s'gaba. Na nap ta̱m Waav Na'Sila̱. Na ko̱gro̱, i caa na a̱n c'nocurimu ho̱d Ka̱risti.
14A̱n daava̱n lo kaa, a nan soot ta̱m ho̱d yaa'aka̱n da. A nan se̱s ta̱m neta̱n palka̱l na a yangs na a̱n la̱a̱s u c'ko̱l ca̱n ka̱ka̱l da. Ca̱n vers neta̱nrima, ho̱da̱na̱n e̱nc retin ca̱n va̱nka̱lsa̱ c'rihi da. 15Soot na an ve̱ce̱m hyannano m'ga̱u rema̱n a̱n el a̱n to̱nc na̱. I taanl a̱n nan ko̱ga̱rt a̱n s'gaba, na gub ta̱m ho̱d Ka̱risti un rein go̱m kwe̱. 16I Ka̱risti a̱n vaaksain na neta̱n a'da̱n. Ho̱da̱na̱n we̱du retin a c'yob a̱n hwe̱di, u'we̱d la uda̱n. A kooye̱ yobwa em a'yomk honhono, tu nokta c'gub a c'to̱na̱n ta̱ma̱.
Em na nocurimuca̱ d'za̱n
17Rem Kan Go̱mca̱n Kooye̱, a̱m el a̱n kaaga̱m no, an em la ta̱m sooca̱d c'nocurimu ho̱d an ta napin A'Sil da, an keka̱bsa̱n ka̱ka̱la̱. 18A el ni'cumunkunnu, a ta ke̱e̱se̱ rihi a̱n de̱bc na̱ da. A batk ta̱m le̱vk Na'Sil rema̱n robamda̱n napsa̱n a ciin rema̱n honga̱mzac na̱. 19A zatta m'e̱n da. Rihica̱ m'e̱n, ca̱nca a̱n ta ema. Ta em ta̱m kooye̱ goon rihica̱ c'ko̱pto̱ ca.
20Za ho̱da̱n lo bo̱ a̱n na la̱a̱sta̱in no soocda̱n gabs Ka̱risti da. 21Ke̱ng, a̱n hongk da̱n Ye̱so. Ai retin ta̱m i nwaa a ru, na la̱a̱ska̱ no ga̱uma̱n kasi lalk Ye̱so. 22Na la̱a̱ska̱ no, az a̱n lag soocda̱n nocurimuc no ca̱n de̱hne. A̱n lag rihica̱n a̱n lain ta̱n em c'naak a̱n nocurimuc no. Nocurimuca̱n to̱nca̱n rihic naak ko̱pso̱ine. 23Lag na Sila vaakta de̱bc no a keka̱bs non a̱n le̱vk kasi. 24A̱nta̱ma̱ rema̱n Sila vodaska nocurimuc no, em na rihic kasi, ca̱n zattin ri d'reb da. Goon nocurimuca̱n Sila emain no, a̱n soott ho̱d na̱.
25Rema̱n taanlo, koowe̱ lag c'ko̱lo̱. U ve̱ce̱ ta̱m hyaaro m'ga̱u. Rema̱n cinna kwe̱, i u'we̱d uda̱nka̱. 26“Av hwins la i caa a̱n d'ko̱t da.” Av lag la hwed hyoo a̱v el a̱n d'hwins da.#4:26 Go̱t ta̱m: Zab 4:4. 27An ne̱e̱ la A̱krimu d'ke̱e̱ u pe̱tte̱ da. 28Hiv lag d'hivi, u em yomka kasi a̱n komc ru, bat tu kum u ne̱e̱ an robine.
29An lag la lalksa̱n ka̱ka̱l rwa̱n a̱n nwa̱a̱'a no da. Vat na rina̱n ti se̱e̱te̱ ahyan a̱n rina̱n a rein nu'to̱no, i guba̱sta̱ na̱, i se̱e̱te̱ ta̱m an ge̱ne̱in no u'con. 30Gab na sasa. An naas la Hora̱md Na'Sil c'de̱b da. Nap na az i a̱n da̱nda a̱n Sila ta napt no a̱n hweda̱ d'gwa̱a̱ma̱. 31Lag na s'le̱be̱, d'hwinsu, naam c'de̱be̱, a naasma̱n dinda̱ neta̱n na, a giga̱m neta̱n a̱n c'de̱be̱, a kooye̱ goon dumva na. 32Ema na hyannanon rihic c'kasi. A̱n hong ta̱m za̱im na̱. A̱n kwisi na̱, ho̱da̱na̱n Sila kwisitiin no rem Ka̱risti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019