2 An Korinti 1
1
D'Po̱o̱sso̱
1Mi Bulus k'comta̱v Ye̱so Ka̱risti, ho̱da̱na̱n Sila to̱ntine.
I mi a̱n ge̱nvoin no taka̱llaka̱ hna, nwaa an gabs Na'Sil an rein a̱n le̱in Korinti. D'Kut a an zattin ri d'reba̱n da kwe̱ an rein a̱n copun Akaya. C el taha̱n d'kut cwan c Timoti hyanna cinna.
2A̱m el a̱n kons Na'Sil ceta cinna a Kanubu Ye̱so Ka̱risti ni, a ne̱e̱ no u'pusu a la̱ta̱m c'de̱b ne̱.
Silan la̱ta̱sa̱m na c'de̱be̱
3C'Bo̱m baa Na'Sil cet Kan buu cinna Ye̱so Ka̱risti, cetoka̱ m'za̱i a Silan la̱ta̱sa̱m na c'de̱ba̱n kwe̱. 4I na̱nna a̱n rein ta la̱ta̱sa̱ de̱bc cinna kwe̱ daava̱n ryaaka̱ d'koba. I bat nan la̱a̱ la̱ta̱sa̱m an reina̱n d'o̱so̱mo̱ c'de̱b ho̱da̱na̱n a la̱ta̱sta̱in de̱bc cinna. 5Ho̱da̱na̱n Ka̱risti ryaatin d'koba, cinna ta̱m c el na a̱n ryaaka̱ d'kob rem ru. I ho̱da̱n lo bo̱ ta̱m a̱n nan kumt la̱ta̱m c'de̱b hwe̱di rem Ka̱risti.
6A na ryeesa co d'koba, i rema̱n de̱bc no la̱tti, a̱n kum ta̱m d'gwa̱a̱ma̱. A na la̱ta̱sa̱ co c'de̱be̱, i rema̱n de̱bc no la̱tti. La̱tma̱n de̱bca̱n lo, ca̱n de̱l no ta̱m a̱n gag c'de̱b a̱n goon kobda̱ c rein nu'ryau. 7Sakma̱n cou co rem no i ke̱ng. I rema̱n c napk az ho̱da̱na̱n retina̱n ryaaka̱ d'kob ho̱d co, i ho̱da̱n lo bo̱ a̱n ta̱n kumt la̱ta̱m c'de̱b ho̱d co.
8Hyaarene, c he̱nk i ge̱be̱ske̱ c ve̱ce̱ no da̱n kobda̱ c ryain a̱n copun Asiya. Na mekaska co hwelananan hatin we̱sa̱m co. Ca lak be̱ c napk az ca̱n po̱t da. 9Ke̱ng, c lak c kink a̱n de̱bc co az i hweedan nan hwaa co. Rihica̱ ha̱n kum-kum co bat ca̱n nap az a ca̱n la̱a̱ a̱n rut hid co a̱n we̱sa̱m co da. I bat ca̱n sav c'de̱b baa Na'Sila̱, an ta po̱to̱so̱ an wa̱ini. 10Sila gwa̱a̱k co baan goon wa̱a̱'a hna. Ta ryaa la hwic a̱n gwa̱a̱m co. Savma̱n de̱bc co kwe̱ i baa Na'Sila̱. Ta ryaa la hwic a̱n gwa̱a̱m co 11an retina̱n cepkam co. I taanl a̱n neta̱n hwe̱di ta bo̱mt A'Sil rem co, rema̱n pusuuna̱n ca̱n kum an Sila hongtin cepks neta̱n hwe̱di.
Bulus vodaska va̱n wa hava
12Go̱t rina̱n c retina̱n c'ka̱ndi. De̱bc co kwesaka az c emk c'nocurimu i'kasi a̱n copun yanda̱hna, a baa non ta̱ma̱. A̱n gela̱v Na'Sil a m'ga̱u nu rema̱n we̱sa̱m Na'Sila̱. Za a̱n versa̱ c'nocurimu a̱c emtin taanl da. I pusuu Na'Sila̱. 13Rina̱n c ge̱nvoin no i rina̱n ta̱n la̱a̱ u'po̱go a̱n ke̱e̱se̱ ta̱ma̱. A̱m de̱lk c'de̱b az 14awaz a̱n ta ke̱e̱se̱ co a̱nta̱ma̱ da, ta̱n ke̱e̱se̱ kwe̱ a̱n hwici. Az ta̱n la̱a̱ a̱n em c'ka̱ndi a̱n cwan, ho̱da̱na̱n ca̱n emt c'ka̱ndi a̱n nwaa a̱n hweda̱n Kanubu Ye̱so tu vaakta.
15A̱m napk taanlo, i rina̱n de̱lin bo̱ a̱m walgt a̱n de̱bc ri az ta̱'m baa hau baa no na̱m'e̱te̱, bat ta̱n kum pusuu u v'illa̱. 16Ta̱'m hato baa no am la ta̱'m nok-nok Makidoniya. Am la ta̱m ta̱'m vaaka-vaaka, ta̱'m hata, bat ta̱n ema m d'se̱e̱te̱ a̱m havt copun Judiya. 17Am walgtin a̱m hau baa no, i do̱l a̱m retine? A̱m la ta̱'m se̱e̱pse̱ c'rihi ho̱da̱na̱n an copun yanda̱ha̱n retin ta eme? An rein ta ze “Ha̱.” A vaak a ze, “Aabo?”
18Ho̱da̱na̱n Sila retin ka m'ga̱u, i ho̱da̱n lo bo̱ a̱n lalk co retine. Za na ze, “Ha̱.” Na vaak na ze, “Aabo” da. 19Waav Na'Sil Ye̱so Ka̱risti, u'na̱n c bisiin no unwa cwan c Se̱las c Timoti ni, za kan tu ze “Ha̱.” U vaak u ze, “Aabo” da. Baa ru kooye̱ daava, “Ha̱, i ha̱.”
20Rina̱n Sila vatin kwe̱ az ta ema, a “Esaska e” a̱n Ka̱risti. I rina̱n de̱lin bo̱ nan zeta, “A̱nha̱a̱n” a̱n dind Ye̱so, rem na ne̱e̱t A'Sil k'gwin. 21I Silan esasain cinna d'kut a̱n gabs Ka̱risti. I na̱nna a̱n dagin na. 22A se̱e̱ke̱ na c'nape. A de̱le̱ke̱ ta̱m na Hora̱md na̱ a̱n de̱bc cinna, i kwesata az cinna i neta̱n na̱.
23Sila napk az a̱m ta to̱n a̱m sud a̱n o̱so̱so̱ no da. I rina̱n de̱lin bo̱ a̱m ta vaakto Korinti da. 24Ca la ta̱m a̱n de̱lka̱m no a̱n batt d'ba̱t baa Na'Sil da. C la na na'yomk d'kut bat ta̱n em c'za̱ngkta̱ hwe̱di. Rema̱n i a̱n batma̱n ba̱ta̱d no baa Na'Sil a̱n ta̱n est s'naa s'ila̱.
Currently Selected:
2 An Korinti 1: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
2 An Korinti 1
1
D'Po̱o̱sso̱
1Mi Bulus k'comta̱v Ye̱so Ka̱risti, ho̱da̱na̱n Sila to̱ntine.
I mi a̱n ge̱nvoin no taka̱llaka̱ hna, nwaa an gabs Na'Sil an rein a̱n le̱in Korinti. D'Kut a an zattin ri d'reba̱n da kwe̱ an rein a̱n copun Akaya. C el taha̱n d'kut cwan c Timoti hyanna cinna.
2A̱m el a̱n kons Na'Sil ceta cinna a Kanubu Ye̱so Ka̱risti ni, a ne̱e̱ no u'pusu a la̱ta̱m c'de̱b ne̱.
Silan la̱ta̱sa̱m na c'de̱be̱
3C'Bo̱m baa Na'Sil cet Kan buu cinna Ye̱so Ka̱risti, cetoka̱ m'za̱i a Silan la̱ta̱sa̱m na c'de̱ba̱n kwe̱. 4I na̱nna a̱n rein ta la̱ta̱sa̱ de̱bc cinna kwe̱ daava̱n ryaaka̱ d'koba. I bat nan la̱a̱ la̱ta̱sa̱m an reina̱n d'o̱so̱mo̱ c'de̱b ho̱da̱na̱n a la̱ta̱sta̱in de̱bc cinna. 5Ho̱da̱na̱n Ka̱risti ryaatin d'koba, cinna ta̱m c el na a̱n ryaaka̱ d'kob rem ru. I ho̱da̱n lo bo̱ ta̱m a̱n nan kumt la̱ta̱m c'de̱b hwe̱di rem Ka̱risti.
6A na ryeesa co d'koba, i rema̱n de̱bc no la̱tti, a̱n kum ta̱m d'gwa̱a̱ma̱. A na la̱ta̱sa̱ co c'de̱be̱, i rema̱n de̱bc no la̱tti. La̱tma̱n de̱bca̱n lo, ca̱n de̱l no ta̱m a̱n gag c'de̱b a̱n goon kobda̱ c rein nu'ryau. 7Sakma̱n cou co rem no i ke̱ng. I rema̱n c napk az ho̱da̱na̱n retina̱n ryaaka̱ d'kob ho̱d co, i ho̱da̱n lo bo̱ a̱n ta̱n kumt la̱ta̱m c'de̱b ho̱d co.
8Hyaarene, c he̱nk i ge̱be̱ske̱ c ve̱ce̱ no da̱n kobda̱ c ryain a̱n copun Asiya. Na mekaska co hwelananan hatin we̱sa̱m co. Ca lak be̱ c napk az ca̱n po̱t da. 9Ke̱ng, c lak c kink a̱n de̱bc co az i hweedan nan hwaa co. Rihica̱ ha̱n kum-kum co bat ca̱n nap az a ca̱n la̱a̱ a̱n rut hid co a̱n we̱sa̱m co da. I bat ca̱n sav c'de̱b baa Na'Sila̱, an ta po̱to̱so̱ an wa̱ini. 10Sila gwa̱a̱k co baan goon wa̱a̱'a hna. Ta ryaa la hwic a̱n gwa̱a̱m co. Savma̱n de̱bc co kwe̱ i baa Na'Sila̱. Ta ryaa la hwic a̱n gwa̱a̱m co 11an retina̱n cepkam co. I taanl a̱n neta̱n hwe̱di ta bo̱mt A'Sil rem co, rema̱n pusuuna̱n ca̱n kum an Sila hongtin cepks neta̱n hwe̱di.
Bulus vodaska va̱n wa hava
12Go̱t rina̱n c retina̱n c'ka̱ndi. De̱bc co kwesaka az c emk c'nocurimu i'kasi a̱n copun yanda̱hna, a baa non ta̱ma̱. A̱n gela̱v Na'Sil a m'ga̱u nu rema̱n we̱sa̱m Na'Sila̱. Za a̱n versa̱ c'nocurimu a̱c emtin taanl da. I pusuu Na'Sila̱. 13Rina̱n c ge̱nvoin no i rina̱n ta̱n la̱a̱ u'po̱go a̱n ke̱e̱se̱ ta̱ma̱. A̱m de̱lk c'de̱b az 14awaz a̱n ta ke̱e̱se̱ co a̱nta̱ma̱ da, ta̱n ke̱e̱se̱ kwe̱ a̱n hwici. Az ta̱n la̱a̱ a̱n em c'ka̱ndi a̱n cwan, ho̱da̱na̱n ca̱n emt c'ka̱ndi a̱n nwaa a̱n hweda̱n Kanubu Ye̱so tu vaakta.
15A̱m napk taanlo, i rina̱n de̱lin bo̱ a̱m walgt a̱n de̱bc ri az ta̱'m baa hau baa no na̱m'e̱te̱, bat ta̱n kum pusuu u v'illa̱. 16Ta̱'m hato baa no am la ta̱'m nok-nok Makidoniya. Am la ta̱m ta̱'m vaaka-vaaka, ta̱'m hata, bat ta̱n ema m d'se̱e̱te̱ a̱m havt copun Judiya. 17Am walgtin a̱m hau baa no, i do̱l a̱m retine? A̱m la ta̱'m se̱e̱pse̱ c'rihi ho̱da̱na̱n an copun yanda̱ha̱n retin ta eme? An rein ta ze “Ha̱.” A vaak a ze, “Aabo?”
18Ho̱da̱na̱n Sila retin ka m'ga̱u, i ho̱da̱n lo bo̱ a̱n lalk co retine. Za na ze, “Ha̱.” Na vaak na ze, “Aabo” da. 19Waav Na'Sil Ye̱so Ka̱risti, u'na̱n c bisiin no unwa cwan c Se̱las c Timoti ni, za kan tu ze “Ha̱.” U vaak u ze, “Aabo” da. Baa ru kooye̱ daava, “Ha̱, i ha̱.”
20Rina̱n Sila vatin kwe̱ az ta ema, a “Esaska e” a̱n Ka̱risti. I rina̱n de̱lin bo̱ nan zeta, “A̱nha̱a̱n” a̱n dind Ye̱so, rem na ne̱e̱t A'Sil k'gwin. 21I Silan esasain cinna d'kut a̱n gabs Ka̱risti. I na̱nna a̱n dagin na. 22A se̱e̱ke̱ na c'nape. A de̱le̱ke̱ ta̱m na Hora̱md na̱ a̱n de̱bc cinna, i kwesata az cinna i neta̱n na̱.
23Sila napk az a̱m ta to̱n a̱m sud a̱n o̱so̱so̱ no da. I rina̱n de̱lin bo̱ a̱m ta vaakto Korinti da. 24Ca la ta̱m a̱n de̱lka̱m no a̱n batt d'ba̱t baa Na'Sil da. C la na na'yomk d'kut bat ta̱n em c'za̱ngkta̱ hwe̱di. Rema̱n i a̱n batma̱n ba̱ta̱d no baa Na'Sil a̱n ta̱n est s'naa s'ila̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019