1 An Korinti 16
16
Se̱e̱te̱m a s'gaba
1Da̱n kargsama̱n kind rema̱n se̱e̱te̱m kargac a s'gaba, em na ho̱da̱na̱n m ve̱ce̱te̱in a s'gab an copun Galatiya. 2A̱n hweda̱ m'e̱t da̱n kooye̱ tan'il da, lag koowe̱ ka̱a̱sa̱ rina̱n tu nes baan rina̱n Sila ne̱in o. An val la can m ri a̱n kargsta rina̱n ta̱n nes da. 3Am cau, ta̱'m nes an dagin kwe̱ vaac ge̱nke̱, a̱m com ta̱m na̱ a sav ho̱sa̱m no le̱in Urisalima. 4Ai hwenna la az a̱m hava, ta swii mi.
Walgca̱n ha̱gca Bulus
5A̱m to̱nk az a̱m baa hav Makidoniya. I lanma̱n a̱nl a̱n ta̱'m cau baa no. 6Tade̱e̱da ta̱m soot v'daa ca̱nmi baa no. Ti ema a̱m hwaa daava̱n yo̱o̱yo̱n bat ta̱n se̱e̱te̱ m a̱n ha̱gca ri, va̱na̱n ma hav kwe̱. 7A̱m ta to̱n a̱m hau baa no a̱nta̱ma̱ a̱m he̱n no a'esa̱l-esa̱l da. A̱m to̱nk a̱m gos ca̱nmi baa no, a Sila se̱se̱. 8Ta̱'m soot a̱m val daava̱n he̱tda̱n Pe̱ntiko̱st a̱nmin le̱in E̱fisu. 9Rema̱n Sila a̱ba̱ska̱ m haka̱d kasi da̱ na'yomko. Neta̱n el la hwe̱di an reina̱n hwe̱e̱kse̱ma̱n yomka ne.
10A Timoti cau, lag na o u batese baa no. I yomka Kan Go̱mca̱n Kooye̱ u rein nu'em ho̱d ri. 11Rema̱n taanlo, an lag la noc gin o da. Se̱e̱tve̱ na o ho̱da̱na̱n tu emta ha̱gca ru bo̱zbo̱z u vaaka baa ri. A̱m el a̱n go̱tma̱n le̱vk ru a hyaaron no.
12Rina̱n tanin ta̱m hyaare Appo̱llos, a̱m to̱nk be̱ hwe̱di d'kal az u hau baa no d'kut a hyaaron no. De̱bc ru ta ne̱e̱ la o az u hau a̱n daava̱ ha̱n da. Tu hau la au kum d'ke̱e̱.
Lalksa̱ d'be̱se̱
13Soot na a c'walg no, a̱n es ta̱m s'naa s'il a̱n batma̱n ba̱ta̱d no baa Na'Sila̱. Em na c'a̱rma̱, a̱n em ta̱m m'we̱s a̱n s'gaba. 14A̱n rina̱n ta̱n em kwe̱, kwesa na to̱nc netna.
15Hyaarene, a̱n napk az i an buu Istifanus a̱n e̱tin s'gab a̱n copun Akaya. A de̱lk ta̱m de̱bc na̱ a̱n se̱e̱te̱m a s'gaba. A̱m konk no hyaarene, 16gab na rina̱n goon netnan lo zein no. Nes na ta̱m hid no baa koowe̱ un tu se̱e̱te̱ an rein ta em a'yomk na̱m'ga̱u.
17A̱m hongk d'ke̱m hwe̱di an Istifanus a Fo̱kunatus a Akayikus a̱n cetaine. A emaka m rina̱n ta̱n ema be̱ me. 18A la̱ta̱ska̱ de̱bc ri, ac no-no. I ge̱be̱ske̱ a̱n ne̱e̱ goon na̱nna k'gwin.
19A s'gab a̱n copun Asiya el a̱n po̱o̱so̱m no. Akila na Briskila a a s'gabnanan rein a̱n buu na̱, a el a̱n po̱o̱so̱m no hwe̱di a̱n dind Kan Go̱mca̱n Kooye̱. 20Hyaaren a s'gab an rein taha̱n kwe̱ el a̱n po̱o̱so̱m no. Po̱o̱so̱ na hyannano kwe̱ ta̱n le̱pk ta̱n le̱pke̱.
21I mi Bulus a̱n ge̱nin po̱o̱so̱da̱ ha̱n a̱n koma ri. 22A noc za a̱n to̱nc Kan Go̱mca̱n Kooye̱ da, lag u soot kan na emain s'nwa̱a̱.
Kan Go̱mca̱n Kooye̱, han ha.
23Pusuu Ye̱so, Kan Go̱mca̱n Kooye̱ soot d'kut a nwaa na.
24A̱m el a̱n to̱nc no kwe̱ rem Ye̱so Ka̱risti. A̱nha̱a̱n.
Currently Selected:
1 An Korinti 16: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
1 An Korinti 16
16
Se̱e̱te̱m a s'gaba
1Da̱n kargsama̱n kind rema̱n se̱e̱te̱m kargac a s'gaba, em na ho̱da̱na̱n m ve̱ce̱te̱in a s'gab an copun Galatiya. 2A̱n hweda̱ m'e̱t da̱n kooye̱ tan'il da, lag koowe̱ ka̱a̱sa̱ rina̱n tu nes baan rina̱n Sila ne̱in o. An val la can m ri a̱n kargsta rina̱n ta̱n nes da. 3Am cau, ta̱'m nes an dagin kwe̱ vaac ge̱nke̱, a̱m com ta̱m na̱ a sav ho̱sa̱m no le̱in Urisalima. 4Ai hwenna la az a̱m hava, ta swii mi.
Walgca̱n ha̱gca Bulus
5A̱m to̱nk az a̱m baa hav Makidoniya. I lanma̱n a̱nl a̱n ta̱'m cau baa no. 6Tade̱e̱da ta̱m soot v'daa ca̱nmi baa no. Ti ema a̱m hwaa daava̱n yo̱o̱yo̱n bat ta̱n se̱e̱te̱ m a̱n ha̱gca ri, va̱na̱n ma hav kwe̱. 7A̱m ta to̱n a̱m hau baa no a̱nta̱ma̱ a̱m he̱n no a'esa̱l-esa̱l da. A̱m to̱nk a̱m gos ca̱nmi baa no, a Sila se̱se̱. 8Ta̱'m soot a̱m val daava̱n he̱tda̱n Pe̱ntiko̱st a̱nmin le̱in E̱fisu. 9Rema̱n Sila a̱ba̱ska̱ m haka̱d kasi da̱ na'yomko. Neta̱n el la hwe̱di an reina̱n hwe̱e̱kse̱ma̱n yomka ne.
10A Timoti cau, lag na o u batese baa no. I yomka Kan Go̱mca̱n Kooye̱ u rein nu'em ho̱d ri. 11Rema̱n taanlo, an lag la noc gin o da. Se̱e̱tve̱ na o ho̱da̱na̱n tu emta ha̱gca ru bo̱zbo̱z u vaaka baa ri. A̱m el a̱n go̱tma̱n le̱vk ru a hyaaron no.
12Rina̱n tanin ta̱m hyaare Appo̱llos, a̱m to̱nk be̱ hwe̱di d'kal az u hau baa no d'kut a hyaaron no. De̱bc ru ta ne̱e̱ la o az u hau a̱n daava̱ ha̱n da. Tu hau la au kum d'ke̱e̱.
Lalksa̱ d'be̱se̱
13Soot na a c'walg no, a̱n es ta̱m s'naa s'il a̱n batma̱n ba̱ta̱d no baa Na'Sila̱. Em na c'a̱rma̱, a̱n em ta̱m m'we̱s a̱n s'gaba. 14A̱n rina̱n ta̱n em kwe̱, kwesa na to̱nc netna.
15Hyaarene, a̱n napk az i an buu Istifanus a̱n e̱tin s'gab a̱n copun Akaya. A de̱lk ta̱m de̱bc na̱ a̱n se̱e̱te̱m a s'gaba. A̱m konk no hyaarene, 16gab na rina̱n goon netnan lo zein no. Nes na ta̱m hid no baa koowe̱ un tu se̱e̱te̱ an rein ta em a'yomk na̱m'ga̱u.
17A̱m hongk d'ke̱m hwe̱di an Istifanus a Fo̱kunatus a Akayikus a̱n cetaine. A emaka m rina̱n ta̱n ema be̱ me. 18A la̱ta̱ska̱ de̱bc ri, ac no-no. I ge̱be̱ske̱ a̱n ne̱e̱ goon na̱nna k'gwin.
19A s'gab a̱n copun Asiya el a̱n po̱o̱so̱m no. Akila na Briskila a a s'gabnanan rein a̱n buu na̱, a el a̱n po̱o̱so̱m no hwe̱di a̱n dind Kan Go̱mca̱n Kooye̱. 20Hyaaren a s'gab an rein taha̱n kwe̱ el a̱n po̱o̱so̱m no. Po̱o̱so̱ na hyannano kwe̱ ta̱n le̱pk ta̱n le̱pke̱.
21I mi Bulus a̱n ge̱nin po̱o̱so̱da̱ ha̱n a̱n koma ri. 22A noc za a̱n to̱nc Kan Go̱mca̱n Kooye̱ da, lag u soot kan na emain s'nwa̱a̱.
Kan Go̱mca̱n Kooye̱, han ha.
23Pusuu Ye̱so, Kan Go̱mca̱n Kooye̱ soot d'kut a nwaa na.
24A̱m el a̱n to̱nc no kwe̱ rem Ye̱so Ka̱risti. A̱nha̱a̱n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019