ଲୁକ 12
12
କୁଟୁ କାତାତାୱାଟି ନେହେନ୍ ବାସା ଆଅନ୍
(ମାତିଉ ୧୦:୨୬–୨୭)
1 #
ମାତି ୧୬:୬; ମାର୍କ ୮:୧୫ ଏମ୍ୱାଟି ଗାପ୍ଚି ଦାଲ୍ଲା ରପାଟ୍ଟେ ଆନାହି ନାଚ୍ଚିତ୍ରଚି ଆନ୍ ସ୍ଡିପିଆଇଚ୍ଚେରି । ଏଚିତୁକାତାୱା ଏୱାଞ୍ଜି କାହେନେଃଏ ତା ଗ୍ରାମ୍ୱାଗାଟାରିକି ୱେସ୍ପନ୍ ମ୍ରାସ୍ତେଞ୍ଜି, ପାରୁସିଙ୍ଗ୍ତି କମିରତାୱାଟି ଇଚ୍ଚେସି ତା କୁଟୁ କାତା କୁଲାଟି ନେହେନ୍ ବାସାଆଦୁ ।
2 #
ମାର୍କ ୪:୨୨; ଲୁକ ୮:୧୭ ମତ୍ର ଇନ୍ନିକୁଲା ପଃଙ୍ଗେଏ, ଇହିଙ୍ଗିସି ଇନାଦି ମୁଚ୍ଚି ଆନ୍ ହେଃଲ୍ଲେଏ, ଆଟେ ଇନ୍ନିକୁଲା ୱେସ୍ପନ୍ ଆଃଏ, ଇହିଙ୍ଗିସି ଇନାଦି ମ୍ରାଗାନ୍ ହେଃଲ୍ଲେ । 3ଆଟେ ମିରୁ ଇନ୍ନା ଇନ୍ନା ଆନ୍ଦେରିଃଆ ୱେସାଞ୍ଜେରି, ଏ ହାବେ ଅଲାତାୱା ୱେନ୍ବନ୍ ଆନେ, ଆଟେ ଇନ୍ନା ମ୍ରାଗାନ୍ ମାନ୍ନି ବାକ୍ରାତାୱା ୱେସାଞ୍ଜେରି, ଏଦା ଇଡ୍ଡୁତି ଦଲାନ୍ କୁଃଏଟି ପପ୍କନ୍ ଆନେ ।
ଇନ୍ଦାରିକି ଆଜ୍ଜିନା
(ମାତିଉ ୧୦:୨୮–୩୧)
4ମତ୍ର ମିରୁ ଜେ ନା ତଡ଼େଙ୍ଗ୍ନାତେରି, ମିଙ୍ଗେ ନାନୁ ୱେସ୍ପିଞ୍ଜା, ଏମ୍ୱେନାରି ଗାଣ୍ଡିଙ୍ଗ୍ ପାଗେନ୍ନେରି, ମତ୍ର ଆଟେ ଇନ୍ନା କିଅନ୍ ମୁପେହେଃଲ୍ଲେରି, ଏୱାରିକି ଆଃଜ୍ଜାଟୁ । 5ମତ୍ର ଇନ୍ଦାରିକି ଆଜ୍ଜିଦେରି, ନାନୁ ମିଙ୍ଗେ ୱେସ୍ତା; ପାଗିନାୱାଟି ନର୍କତାୱା ତୁହ୍ପନ୍ ବାଗା ଇମ୍ୱିନ୍ ଦାର୍ମୁତି କାଜ୍ଜୁତାୱା ହକତ୍ ମାନ୍ନେ, ଏୱାଞ୍ଜିକି ଆଜ୍ଜାଟୁ; ହାଁ, ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏୱାଞ୍ଜିକି ଆଜ୍ଜାଟୁ ।
6ସେଙ୍ଗା କସ୍ପଟାଙ୍ଗ୍ ଇନ୍ନା ରି ଟାକ୍କାଟି ପ୍ରାପନ୍ ଆଏହେଃଲ୍ଲେ ? ଆଟେ ଏୱାଡ଼୍ତାୱାଟି ରଣ୍ଡା କସ୍ପଟାତିଦି ୱାଡ଼େ ମୁଲାପେନୁ ବ୍ଡୁଃଜ୍ଜେଞ୍ଜି । 7ମତ୍ର ମି ତ୍ଲାଉତି ହାବେ ତ୍ଲାଏର୍କା ଲେକା ଆନ୍ନୁ । ଏଦାକି ଆଃଜ୍ଜାଟୁ; ମିରୁ ଏଗେଲ୍ କସ୍ପଟାଙ୍ଗ୍ ତାୱାଟି ଗାମିନାତେରି ।
ଦାଲ୍ଲା ନକେସ୍ କ୍ରିସ୍ଟନିକି ଅସ୍ପିକାର କିଅନ୍
(ମାତିଉ ୧୦:୩୨–୩୩; ୧୨:୩୨; ୧୦:୧୯,୨୦)
8ଆଟେ ନାନୁ ମିଙ୍ଗେ ୱେସ୍ପିଞ୍ଜା, ଏମ୍ୱେନାଞ୍ଜି ଦାଲ୍ଲା ନକେସ୍ ନାଙ୍ଗେ ସ୍ୱିକାର କିଆନେଞ୍ଜି, କୁଏଞ୍ଜ୍ ମ୍ରିଃଏଞ୍ଜି ୱାଡ଼େ ମୁଲାପେନୁତି ଦୁତଙ୍ଗ୍ ନକେସି ତାଙ୍ଗେ ସ୍ୱିକାର କିନେଞ୍ଜି; 9ମତ୍ର ଏମ୍ୱେନାଞ୍ଜିକି ନାଙ୍ଗେ ଦାଲ୍ଲା ନକେସି ଅସ୍ପିକାର କିଆନେଞ୍ଜି, ଏୱାଞ୍ଜିକି ମୁଲାପେନୁତି ଦୁତଙ୍ଗ୍ ନକେସ୍ ଅସ୍ପିକାର କିୱା ଆନେ । 10#ମାତି ୧୨:୩୨; ମାର୍କ ୩:୨୯ଆଟେ ଏମ୍ୱେନାଞ୍ଜି କୁଏଞ୍ଜ୍ ମ୍ରିଃଏଞ୍ଜି ବିରୁଦିଆଟି କାତା ୱେସ୍ନେଞ୍ଜି, ଏୱାଞ୍ଜିକି ମାକ୍ସାଡ଼ି ହିୱା ଆନେ; ମତ୍ର ପିର୍ନି ଡିଙ୍ଗା ବିରୁଦିଆଟି ଅଡ୍ଡାଙ୍ଗାତା କିତେସି, ଏୱାଞ୍ଜିକି ମାକ୍ସାଡ଼ି ହିୱାଆଃଏ ।
11 #
ମାତି ୧୦:୧୯,୨୦; ମାର୍କ ୧୩:୧୧; ଲୁକ ୨୧:୧୪,୧୫ ଆଟେ ଏଚ୍ଚିକିଃଆକି ଏୱାରି ମିଙ୍ଗେ ହାଜା ଇଡ୍ଡୁ, ଆକୁଡ଼୍ କିଅନ୍ତାରି ଅଟେ ହକତ୍ ପାଁଣ୍ଡାନ୍ନାରି ରେଃଏସ୍ ଅଦାନେରି, ଏଚିତୁକାତାୱା ମିରୁ ମି ବାଗାଟି ଇନିସ୍କି ଇନ୍ନି କାତା ୱେସ୍ଦେରି, ଏଦାବାଗା ଏଲୁ କିଃଆଟୁ; 12ଇନାକି ଇନ୍ନା ୱେସ୍ପନ୍ ଆନେ, ଏଦା ପିର୍ନି ଡିଙ୍ଗା ଏଚିତୁକାତାୱା ମିଙ୍ଗେ ଗ୍ରାପ୍ତାନେ ।
ମୁର୍କ ଦନିତି ତୁକାଙ୍ଗାତା
13ଦାଲ୍ଲାତାୱାଟି ରଃଅଞ୍ଜି ଜିସୁନିକି ୱେସ୍ତେଞ୍ଜି, ଏ ଗ୍ରାପାଗାଟାତି, ମା ଆବାତି ଦନ ନା ଡ଼ାହି ପାହ୍ପନ୍ ବାଗାଟି ନା ଆମ୍ବେସ୍ନିକି ୱେସ୍ମୁ । 14ମତ୍ର ଜିସୁ ଏୱାଞ୍ଜିକି ୱେସ୍ତେଞ୍ଜି, ଏ ତଡ଼େ, ଏମ୍ୱେନାଞ୍ଜି ନାଙ୍ଗେ ମି କୁଃଏଟି ବିଚାର କିଅନ୍ତାଞ୍ଜି ଅଟେ ବାଗା ପାହା ହିଅନ୍ତାଞ୍ଜି କିଆନ୍ ଆଚି କିଆଞ୍ଜାନେଞ୍ଜି ? 15ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, ନେହେନ୍, ହାବେତ୍ କୁଲାତି ଲୁବୁତାୱାଟି ମି ମି ଗାଣ୍ଡି ଦେହା ଇଟ୍ଟାଟୁ, ଇନାକି ରଃଅଞ୍ଜି କୁଏଞ୍ଜ୍ତି ପରନ୍ ତା ଦନ କୁଃଏଟି ବାସାଆଇହେଃଲ୍ଲେ ।
16ଆଟେ ଏୱାଞ୍ଜି ଏୱାରିକି ଇ ତୁକାଙ୍ଗାତା ୱେସ୍ତେଞ୍ଜି, ରଃଅଞ୍ଜି ଦନି କୁଏଞ୍ଜ୍ତି ମେରାତାୱା ଏଗେଲ୍ ୱେହା ଆତେ । 17ଏମ୍ୱାଟି ଏୱାଞ୍ଜି ତା ମନତାୱା ଏଲୁ କିଆନ୍ ୱେସ୍ତେଞ୍ଜି, ଇନ୍ନା କିଃଇ ? ଇନାକି ନା ୱେହା ଉହି କିଆନ୍ ଇଟ୍ଟନ୍ ବାଗାଟି ଗର୍ରି ହେଃଲ୍ଲେ । 18ଆଟେ ଏୱାଞ୍ଜି ୱେସ୍ତେଞ୍ଜି, ନାନୁ ଇହିଙ୍ଗ୍ କିଃଇ ଜେ; ନା କିଟ୍ଟାଇଡ୍ଡୁ ହାବେ ଲେକ୍ଚାନ୍ ବେର୍ରାଦ୍ କିଆନ୍ କ୍ଲେହି ଅଟେ ଏ ହାବେତାୱା ନା ୱେହା ଅଟେ ହାବେତ୍ ନେହି କୁଲା ଉହି କିଆନାହି ଇଟ୍ଟି, 19ଆଟେ ନାନୁ ନା ପରନ୍ତିଦି ୱେସି, ଏ ପରନ୍, ଏଗେଲ୍ ଅଁଣ୍ଡୁ ବାଗାଟି ନି ଏଗେଲ୍ ଦନ ଅଟେ ନେହି କୁଲା ଉହି ଆନ୍ ମାନ୍ନୁ, ଜାମ୍ୱାମୁ, ତିନ୍ବା ଉନ୍ବା କିମୁ, ରାହାଙ୍ଗ୍ ଆମୁ ।
20ମତ୍ର ମୁଲାପେନୁ ଏୱାଞ୍ଜିକି ୱେସ୍ତେଞ୍ଜି, ଏ ମୁର୍କଗାଟାତି, ନିଞ୍ଜୁ ଡାଡ଼ିଙ୍ଗ୍ ନି ପରନ୍ ନି ତାୱାଟି ଅୱାଆନେ; ଏମ୍ୱାଟି ନିନୁ ଇନ୍ନା ଇନ୍ନା ଉହି କିଆଞ୍ଜି, ଏ ହାବେ ଇନ୍ଦାର୍ତାଃଆ ଆନୁ ? 21ଏମ୍ୱେନାଞ୍ଜି ତା ବାଗା ଦନ ଉହି କିନ୍ନେଞ୍ଜି, ମତ୍ର ମୁଲାପେନୁ କୁଲାଟି ଦନି ଆଃଏ, ଏୱାଞ୍ଜ୍ ପାଟ୍ଟି ଇହିଙ୍ଗିସି ଆନେ ।
ଚିନ୍ତା କିଃଆଟୁ
(ମାତିଉ ୬:୨୫–୩୪)
22ଏମ୍ୱାଟି ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, ଏଦାବାଗା ନାନୁ ମିଙ୍ଗେ ୱେସ୍ପିଞ୍ଜା, ଇନ୍ନା ତିନ୍ନାମୁ ଅଟେ ଇନ୍ନା ଉନ୍ନାମୁ, ଇଞ୍ଜାନ୍ ମି ପରନ୍ ବାଗାଟି ଅଟେ ଇନ୍ନା ହୁଚ୍ଚିନାମୁ ଇଞ୍ଜାନ୍ ମି ଗାଣ୍ଡି ବାଗାଟି ଏଲୁ କିଆନ୍ ତୁଇରୁଡ୍ଡି ଆଃଆଟୁ । 23ଇନାକି ତିନ୍ବା କୁଲାତାୱାଟି ପରନ୍ ଅଟେ ଜିରାଙ୍ଗ୍ ଅଙ୍ଗିଙ୍ଗ୍ ତାୱାଟି ମୁକ୍କେଲ୍ ଗାଣ୍ଡି ନେହାଦି ।
24କାୱାଙ୍ଗ୍ତି କୁଲାଟି ଏଲୁକିଆ ହୁଡ଼ାଟୁ, ଏୱା ମାଟ୍ଟେହେଃଲ୍ଲ କି ରେଗେହେଃଲ୍ଲ, ଆଟେ ଏୱାଡ଼୍ତି କିଟ୍ଟାଇଡ୍ଡୁ କି ପୁର୍ଟୁଡ଼୍ ହେଃଲ୍ଲେ, ଆଟେ ମୁଲାପେନୁ ଏୱାଡ଼ିକି ତିନ୍ବା ପଡ଼ି ହିନ୍ନେଞ୍ଜି; ମିରୁ ପଟ୍ଟାଙ୍ଗ୍ତାୱାଟି ଏଚ୍ଚେ ଏଗେଲ୍ ନେହାତାତେରି । 25ଆଟେ ମି ତାୱାଟି ଏମ୍ୱେନାଞ୍ଜି ଚିନ୍ତା କିଆନ୍ ତା ପରନ୍ତିଦି ର କାଜ୍ଜୁ ଗାପନ୍ ମୁନେଞ୍ଜି ? 26ମିରୁ ଜଦି ହାବେତାୱାଟି ଡଟି କୁଲା ୱାଡ଼େ କିଅନ୍ ମୁପେହେଃଲ୍ଲେରି, ଏହେଙ୍ଗ୍ ଆତେସି ବେର୍ କୁଲା କିଅନ୍ତିକି ଇନ୍ନା କିଅନ୍ ଏଲୁ କିଞ୍ଜେର୍ ?
27କାମ୍ବଡ଼୍ତି ପୁଙ୍ଗା କୁଲାଟି ଏଲୁକିଆ ହୁଡ଼ାଟୁ, ଏୱା ଇନିସ୍ ନଡ଼୍କା ନଲ୍ବେ ହେଃଲ୍ଲ କି ଅଚ୍ଚେହେଃଲ୍ଲ; ଆତେସ୍ୱାଡ଼େ ନାନୁ ମିଙ୍ଗେ ୱେସ୍ପିଞ୍ଜା, ସଲମନନିକି ହାବେତ୍ ଆଡିତ୍ କୁଲା ମାଚ୍ଚେସ୍ ୱାଡ଼େ ଏୱାଞ୍ଜି ଏ ପୁଙ୍ଗା ଡେହେଙ୍ଗ୍ତି ଆଡାନ୍ନି ଗତାଙ୍ଗ୍ ମେଦ୍ଦାହେଃଲ୍ଲାତେଞ୍ଜି । 28ମତ୍ର ଇମ୍ୱିନ୍ ହଲା ନିଞ୍ଜୁ ପାଙ୍ଗାତାୱା ମାନ୍ନେ, ଆଟେ ୱେଃଏ ହଡ୍ଡୁତାୱା କୁମ୍ୱନ୍ ଆଇନେ, ଏୱାତିଦି ଜଦି ମୁଲାପେନୁ ଇହିଙ୍ଗ୍ତି ୱାନ୍ନା ହିନ୍ନେଞ୍ଜି, ଇଚ୍ଚେସି, ଏ ହିତେ ମାଞ୍ଜାଡ଼ି କିଅନ୍ତାତେରି, ଏୱାଞ୍ଜି ମିଙ୍ଗେ ଏଚ୍ଚେ ଏଗେଲ୍ ହିଆଦାଃଏଞ୍ଜି !
29ଏଦାକି ଇନ୍ନା ତିଞ୍ଜେର୍ ଅଟେ ଇନ୍ନା ଉଣ୍ଡେରି, ଏ କୁଲାଟି ଚିନ୍ତା କିଃଆଟୁ, 30ଇନାକି ପୁର୍ତିତି ଅନଜିହୁଦିଙ୍ଗ୍ ଇ ହାବେତ୍ କୁଲା ଦାହି ଦାହି ତ୍ରେବିନ୍ନେରି; ମତ୍ର ଇ ହାବେତ୍ କୁଲା ଜେ ପାଁନ୍ବନ୍ ମାନ୍ନେ, ଏଦା ମି ଆବା ପୁଞ୍ଜିନ୍ନେଞ୍ଜି ।
31ମତ୍ର ମିରୁ ତା ରାଜି ଦାହ୍ଦୁ, ଆଟେ ଇ ହାବେତ୍ କୁଲା ୱାଡ଼େ ମିଙ୍ଗେ ହିୱା ଆନେ ।
ସର୍ଗତି ଦନ
(ମାତିଉ ୬:୧୯–୨୧)
32ଏ ଡଟି ବିଡ଼ା, ଆଃଜ୍ଜାଟୁ, ଇନାକି ମିଙ୍ଗେ ଏ ରାଜି ହିଅନ୍ ବାଗା ମି ଆବା ଏଲୁ କିନ୍ନେଞ୍ଜି ।
33ମି ପାଟ୍ଟି ଇନା ମାନ୍ନୁ, ଏୱା ପ୍ରାଚାନାହି ପାହାହିଦୁ; ଇମ୍ୱିନାଦି ନାହେଡ୍ ଆଃଏ, ଇହିଙ୍ଗ୍ତି ବେଗୁ ମି ବାଗାଟି ହାମ୍ୱେର୍ କିଦୁ; ଇମ୍ୱିନାୱା ତ୍ଡକେଞ୍ଜି ରେଃଏସ୍ ୱାଃଏଞ୍ଜି କି ପ୍ଡିକା ପରଙ୍ଗ୍ ତିଃନ୍ନଅ, ଇହିଙ୍ଗିସି ସର୍ଗତାୱା ନାହେଡ୍ ଆଃଆନ୍ ଦନ ଉହି କିଦୁ, 34ଇନାକି ଇମ୍ୱିନାୱା ମି ଦନ ମାନ୍ନେ, ମି ମନ ୱାଡ଼େ ଏମ୍ବା ମାନ୍ନେ ।
ହାମ୍ୱେର୍ ଆନ୍ ମାନ୍ବନ୍ତି କାମ୍ୱାରେଏଞ୍ଜି
35 #
ମାତି ୨୫:୧–୧୩
ମି ଡାଡ୍ଡି ଗାସାନ୍ ମାନ୍ନାକାଦି ଅଟେ ଡୁବ୍ବି ରିଞ୍ଜାକାଦି; 36#ମାର୍କ ୧୩:୩୪–୩୬ଆଟେ ସକାରେଏଞ୍ଜି ବିବା ବୁଜିତାୱାଟି ୱ୍ଡେଚାନ୍ ୱାନ୍ ଦାରା ୱେତେସି ଗେର୍ପନ୍ ବାଗା କାଚାନ୍ ମାନ୍ନି କାମ୍ବାରାଙ୍ଗା ଡେହେଙ୍ଗ୍ ହାମ୍ୱେର୍ ଆନ୍ ବାସାଆଦୁ ।
37ସକାରେଏଞ୍ଜି ୱାନ୍ ଇମ୍ୱିନ୍ କାମ୍ବାରାଙ୍ଗାନିକି ହାମ୍ୱେର୍ ଆନ୍ କାଚାନ୍ ମାନ୍ନାଦାଃଆ ହୁଡ଼ିନେଞ୍ଜି, ଏୱାରି ଦନ୍ୟ; ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏୱାଞ୍ଜି ତା ଡାଡ୍ଡି ଗାସାନାହି ଏୱାରିକି ତିନ୍ବନ୍ ବାଗା କକ୍କି କିଆନ୍ ଟାକ୍କେ ହାଜ୍ଜାନ୍ ଆଙ୍ଗୁଲ୍ ଆନେଞ୍ଜି । 38ଆଟେ ଏୱାଞ୍ଜି ଜଦି ରି ହୁଚି କି ମୁ ହୁଚି ତୁକାତାୱା ୱାଡ଼େ ୱାନ୍ ଏୱାରିକି ଏଚିଲାକ୍କା ହାମ୍ୱେର୍ ଆନ୍ନା ହୁଡ଼ିନେଞ୍ଜି, ଏହେଙ୍ଗ୍ ଆତେସି ଏ କାମ୍ବାରାଙ୍ଗା ଦନ୍ୟ ।
39 #
ମାତି ୨୪:୪୩,୪୪ ମତ୍ର ଇଦା ପୁଞ୍ଜାଞ୍ଜୁ, ଇମ୍ୱିନ୍ ତୁକାତାୱା ଟ୍ଡକେଞ୍ଜି ୱାନେଞ୍ଜି ଇଞ୍ଜାନ୍ ଇଡ୍ଡୁତି ଗାମିନାଞ୍ଜି ଜଦି ପୁନ୍ନେଞ୍ଜ୍ମା, ଇଚ୍ଚେସି ଏୱାଞ୍ଜି ତା ଇଡ୍ଡୁତି ଦାରା ହାପେଡ଼୍ ଲେପ୍କନ୍ ହିଃଏଞ୍ଜ୍ମା । 40ମିରୁ ୱାଡ଼େ ହାମ୍ୱେର୍ ଆନାହି ମାଞ୍ଜୁ, ଇନାକି ଇମ୍ୱିନ୍ ତୁକାତାୱା ମିରୁ ଏଲୁ କିହେଃଲ୍ଲେରି, ଏ ତୁକାତାୱା କୁଏଞ୍ଜ୍ ମ୍ରିଃଏଞ୍ଜି ୱାନେଞ୍ଜି ।
ବିସ୍ୱସ୍ତ ଅଟେ ଅବିସ୍ୱସ୍ତ କାମ୍ୱାରେଏଞ୍ଜି
(ମାତିଉ ୨୪:୪୫–୫୧)
41ଏମ୍ୱାଟି ପିତର ୱେସ୍ତେଞ୍ଜି, ଏ ଦାର୍ମୁ, ନିନୁ ୱାର୍ରି ମାଙ୍ଗେ କି ହାବେତାରିନିକି ଇ ତୁକାଙ୍ଗାତା ୱେସ୍ପିଞ୍ଜାଦି ? 42ଦାର୍ମୁ ୱେସ୍ତେଞ୍ଜି, ଏଦାକି ମି କାମ୍ବାରେଏଞ୍ଜିକି ଟିକ୍ ତୁକାତାୱା ତିନ୍ବା ହିଅନ୍ ବାଗାଟି ସକାର ଇନ୍ଦାରିକି ଏୱାର୍ତି କୁଃଏଟି ଆଚି କିନେଞ୍ଜି, ଇହିଙ୍ଗିସି ବିସ୍ୱସ୍ତ ଅଟେ ବୁଦ୍ଦିଗାଟି କାମ୍ୱାରେଏଞ୍ଜି ଏମ୍ବେନାଞ୍ଜି ? 43ସକାରେଏଞ୍ଜି ୱାନ୍ ତା ଇମ୍ୱିନ୍ କାମ୍ବାରେଏଞ୍ଜିକି ଏହେଙ୍ଗିସି କିନ୍ନାଦାଃଆ ହୁଡ଼ିନେଞ୍ଜି, ଏୱାଞ୍ଜି ଦନ୍ୟ । 44ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏୱାଞ୍ଜି ଏୱାଞ୍ଜିକି ତା ହାବେତ୍ କୁଲା କୁଃଏଟି ଦାଇତ ହିନେଞ୍ଜି ।
45ମତ୍ର ଜଦି ଏ କାମ୍ୱାରେଏଞ୍ଜି ନା ଦାର୍ମୁ ୱାଅନ୍ ଜୁକୁଡ଼୍ ଆନେ ଇଞ୍ଜାନ୍ ତା ମନତାୱା ଏଲୁ କିଆନ୍ କାମ୍ବାରାଙ୍ଗା କାମ୍ୱାରାସ୍କାନିକି ଚାହ୍ପନ୍ ବାଗା ଅଟେ ତିନ୍ବା ଉନ୍ବା କିଆନ୍ କାଲୁ ପାଞ୍ଜନ୍ ମ୍ରାସ୍ପିନ୍ନେଞ୍ଜି, 46ଏହେଙ୍ଗ୍ ଆତେସି ଇମ୍ୱିନ୍ ଦିନା ବାଗା ଏୱାଞ୍ଜି କାଚାହେଃଲ୍ଲେଞ୍ଜି ଅଟେ ଇମ୍ୱିନ୍ ତୁକା କାମ୍ବାରେଏଞ୍ଜି ପୁଞ୍ଜାହେଃଲ୍ଲେଞ୍ଜି, ଏ ଦିନା ଅଟେ ଏ ତୁକାତାୱା ତା ସକାରେଏଞ୍ଜି ୱାନେଞ୍ଜି, ଆଟେ ଏୱାଞ୍ଜି ଏୱାଞ୍ଜିକି ଏଗେଲ୍ ଦଣ୍ଡ ହିଆନ୍ ଅବିସ୍ୱସ୍ତଗାଟାର୍ ଡ଼ାହି ଏୱାଞ୍ଜିକି ଆଟ୍ନେଞ୍ଜି ।
47ଆଟେ ସକାରେଏଞ୍ଜି ଇନ୍ନା ଇଚ୍ଚା କିନେଞ୍ଜି, ଏଦା ପୁଞ୍ଜାନ୍ ୱାଡ଼େ ଇମ୍ୱିନ୍ କାମ୍ବାରେଏଞ୍ଜି ହାମ୍ୱେର୍ ଆହେଃଲ୍ଲେଞ୍ଜି, ଆଟେ ତା ସକାରେଏଞ୍ଜ୍ତି ଇଚ୍ଚାଟି କାମା କିହେଃଲ୍ଲେଞ୍ଜି, ଏୱାଞ୍ଜି ଏଗେଲ୍ ମାଡା ତିନେଞ୍ଜି; 48ମତ୍ର ଏମ୍ୱେ ପୁନ୍ନେଟେଃଏ ମାଡା ତିନ୍ବନ୍ତି କାମା କିଆନ୍ନେଞ୍ଜି, ଏୱାଞ୍ଜି ହିତେ ମାଡା ତିନେଞ୍ଜି । ଇନ୍ଦାରିକି ଏଗେଲ୍ ହିୱା ଆନ୍ନେ, ଏୱାଞ୍ଜ୍ତାୱାଟି ଏଗେଲ୍ ୱ୍ରିହ୍ପା ଆନେ; ଆଟେ ଦାଲ୍ଲା ଇନ୍ଦାରିକି ଏଗେଲ୍ ସର୍ପି କିଆନ୍ନେରି, ଏୱାଞ୍ଜିକି ଏଗେଲ୍ ୱ୍ରିହ୍ନେରି ।
ଜିସୁ ବାଗାଟି ଆଙ୍ଗେବିଙ୍ଗେ ଆଅନ୍
(ମାତିଉ ୧୦:୩୪–୩୬)
49ନାନୁ ଇ ପୁର୍ତିତାୱା ନାଡ଼ି ପ୍ରୁସ୍ପନ୍ ବାଗାଟି ୱାମାଃଇ, ଆଟେ ଏଦି ଜଦି ନାଡ଼ି ପ୍ରୁଞ୍ଜିତେ, ଏହେଙ୍ଗ୍ ଆତେସି ନା ଇଚ୍ଚା ଅଟେ ଇନ୍ନା ମାନ୍ନେ? 50#ମାର୍କ ୧୦:୩୮ମତ୍ର ନାଙ୍ଗେ ରଣ୍ଡା ଡୁବନ୍ତାୱା ଡୁବନ୍ ଆଅନ୍ ଆନେ, ଆଟେ ଏଦି ୱିହାନ୍ ଟିକ୍ନା ନାନୁ ଦୁଃକ ପାଁଣ୍ଡିମାଃଇ ।
51ନାନୁ ଇ ପୁର୍ତିତାୱା ଲତୁ ହିଅନ୍ ବାଗା ୱାମାଃଇ ଇଞ୍ଜାନ୍ ଇନ୍ନା ମିରୁ ଏଲୁ କିଞ୍ଜେର୍ ? ନାନୁ ମିଙ୍ଗେ ୱେସ୍ପିଞ୍ଜା, ବାଃଏ, ମତ୍ର ଆଙ୍ଗେବିଙ୍ଗେ କିଅନ୍ ୱାମାଃଇ । 52ଇନାକି ହାଦାଡ଼ି ରଣ୍ଡା ଇଡ୍ଡୁତାୱା ସେ ଗାଣ୍ଡି ମାଚ୍ଚେସ୍ ରି ଗାଣ୍ଡିତି ବିରୁଦିଆଟି ମୁ ଗାଣ୍ଡି ଅଟେ ମୁ ଗାଣ୍ଡିତି ବିରୁଦିଆଟି ରି ଗାଣ୍ଡି ଆଙ୍ଗେବିଙ୍ଗେ ଆନେରି । 53ମ୍ରିଃଏଞ୍ଜ୍ ବିରୁଦିଆଟି ଆବା, ଆବା ବିରୁଦିଆଟି ମ୍ରିଃଏଞ୍ଜ୍ ନିଙ୍ଗିନେଞ୍ଜି, ମ୍ରାଗା ବିରୁଦିଆଟି ଇୟା, ଇୟା ବିରୁଦିଆଟି ମ୍ରାଗା, କ୍ଡୁଆ ବିରୁଦିଆଟି ପଦା ଅଟେ ପଦା ବିରୁଦିଆଟି କ୍ଡୁଆ ନିଙ୍ଗିନେ ।
ତୁକାତି ରୁକା
(ମାତିଉ ୧୬:୨–୩)
54ଆଟେ ଏୱାଞ୍ଜି ହାବେ ଦାଲ୍ଲାନିକି ୱାଡ଼େ ୱେସ୍ତେଞ୍ଜି, ୱେଲାକ୍ଡୁପା ଇନ୍ଦେଟି ଜାଗ୍ଗୁ ନିଙ୍ଗନ୍ତାଦା ହୁଡ଼ିତେସି ଏଚିୱାଡ଼େ ମିରୁ ୱେସ୍ପିଞ୍ଜେରି, ପିଜ୍ଜୁ ୱାନେ, ଆଟେ ଏହେଙ୍ଗିସି ଆଇନେ; 55ଆଟେ ୱେଲାରାସି ଇନ୍ଦେଟି ୱ୍ଲିକା ଆଇନାଦାଃଆ ହୁଡ଼ିତେସି ମିରୁ ୱେସ୍ପିଞ୍ଜେରି, ବେର୍ କାର୍ରା ଆନେ, ଆଟେ ଏଚିଲାକ୍କା ଆଇନେ । 56ଏ କୁଟୁଗାଟାତାତେରି, ମିରୁ ଇ ପୁର୍ତିତି ଅଟେ ଜାଗ୍ଗୁତି ରୁକାଙ୍ଗ୍ ପୁଞ୍ଜିଞ୍ଜେରି, ମତ୍ର ଇ କାଲାତି ତୁର୍ରିଙ୍ଗ୍ ହାବେ ଇନିମିଡି ପୁଞ୍ଜେହେଃଲ୍ଲେରି ?
ହିଲାବାଦେର୍ତି ନିସ୍ପୁତି
(ମାତିଉ ୫:୨୫–୨୬)
57ଆଟେ ମିରୁ ଇନ୍ନି କାମା କିଅନ୍ ଟିକ୍, ଇନ୍ନା ବାଗାଟି ଏଦା ମିରୁ ମିରୁ ନିୟେ ବିଚାର କିହେଃଲ୍ଲେରି ? 58ଇନାକି ନି ସତ୍ରୁଗାଟାଞ୍ଜି ଡ଼ାହି ଆଡ୍ଡାନ୍ ଆକୁଡ଼୍ କିଅନ୍ତାଞ୍ଜି ନକେସି ହାଜ୍ଜିନ୍ନି ତୁକାତାୱା ପାହେର୍ତାୱା ତା ତାୱାଟି କୁଲ୍ପା ପାଁନ୍ବନ୍ ବାଗାଟି ସେସ୍ଟା କିମୁ, କାଲେ ଏୱାଞ୍ଜି ନିଙ୍ଗେ ବିଚାର କିଅନ୍ତାଞ୍ଜି ରେଃଏସ୍ ଜେଜ୍ଜାନାହି ଅଦାନେଞ୍ଜି, ଆଟେ ବିଚାର କିଅନ୍ତାଞ୍ଜି ନିଙ୍ଗେ ସିପେଙ୍ଗ୍ କାଜ୍ଜୁତାୱା ସର୍ପି କିଆନେଞ୍ଜି, ଆଟେ ସିପେଙ୍ଗ୍ ନିଙ୍ଗେ ବନ୍ଦି ଇଡ୍ଡୁତାୱା ତୁହ୍ତାନେରି । 59ନାନୁ ନିଙ୍ଗେ ନିଜ୍ଜା ୱେସ୍ପିଞ୍ଜା, ନିନୁ ହାବେ ଟାକ୍କାଙ୍ଗ୍ ତେଃହାନ୍ ଟିକ୍ନା ଏ ଗର୍ରିତାୱାଟି ଇନିମିଡି ୱାଡ଼େ ହଚାନ୍ ୱାଅନ୍ ମୁଃଆ ।
Currently Selected:
ଲୁକ 12: DWK
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
ଲୁକ 12
12
କୁଟୁ କାତାତାୱାଟି ନେହେନ୍ ବାସା ଆଅନ୍
(ମାତିଉ ୧୦:୨୬–୨୭)
1 #
ମାତି ୧୬:୬; ମାର୍କ ୮:୧୫ ଏମ୍ୱାଟି ଗାପ୍ଚି ଦାଲ୍ଲା ରପାଟ୍ଟେ ଆନାହି ନାଚ୍ଚିତ୍ରଚି ଆନ୍ ସ୍ଡିପିଆଇଚ୍ଚେରି । ଏଚିତୁକାତାୱା ଏୱାଞ୍ଜି କାହେନେଃଏ ତା ଗ୍ରାମ୍ୱାଗାଟାରିକି ୱେସ୍ପନ୍ ମ୍ରାସ୍ତେଞ୍ଜି, ପାରୁସିଙ୍ଗ୍ତି କମିରତାୱାଟି ଇଚ୍ଚେସି ତା କୁଟୁ କାତା କୁଲାଟି ନେହେନ୍ ବାସାଆଦୁ ।
2 #
ମାର୍କ ୪:୨୨; ଲୁକ ୮:୧୭ ମତ୍ର ଇନ୍ନିକୁଲା ପଃଙ୍ଗେଏ, ଇହିଙ୍ଗିସି ଇନାଦି ମୁଚ୍ଚି ଆନ୍ ହେଃଲ୍ଲେଏ, ଆଟେ ଇନ୍ନିକୁଲା ୱେସ୍ପନ୍ ଆଃଏ, ଇହିଙ୍ଗିସି ଇନାଦି ମ୍ରାଗାନ୍ ହେଃଲ୍ଲେ । 3ଆଟେ ମିରୁ ଇନ୍ନା ଇନ୍ନା ଆନ୍ଦେରିଃଆ ୱେସାଞ୍ଜେରି, ଏ ହାବେ ଅଲାତାୱା ୱେନ୍ବନ୍ ଆନେ, ଆଟେ ଇନ୍ନା ମ୍ରାଗାନ୍ ମାନ୍ନି ବାକ୍ରାତାୱା ୱେସାଞ୍ଜେରି, ଏଦା ଇଡ୍ଡୁତି ଦଲାନ୍ କୁଃଏଟି ପପ୍କନ୍ ଆନେ ।
ଇନ୍ଦାରିକି ଆଜ୍ଜିନା
(ମାତିଉ ୧୦:୨୮–୩୧)
4ମତ୍ର ମିରୁ ଜେ ନା ତଡ଼େଙ୍ଗ୍ନାତେରି, ମିଙ୍ଗେ ନାନୁ ୱେସ୍ପିଞ୍ଜା, ଏମ୍ୱେନାରି ଗାଣ୍ଡିଙ୍ଗ୍ ପାଗେନ୍ନେରି, ମତ୍ର ଆଟେ ଇନ୍ନା କିଅନ୍ ମୁପେହେଃଲ୍ଲେରି, ଏୱାରିକି ଆଃଜ୍ଜାଟୁ । 5ମତ୍ର ଇନ୍ଦାରିକି ଆଜ୍ଜିଦେରି, ନାନୁ ମିଙ୍ଗେ ୱେସ୍ତା; ପାଗିନାୱାଟି ନର୍କତାୱା ତୁହ୍ପନ୍ ବାଗା ଇମ୍ୱିନ୍ ଦାର୍ମୁତି କାଜ୍ଜୁତାୱା ହକତ୍ ମାନ୍ନେ, ଏୱାଞ୍ଜିକି ଆଜ୍ଜାଟୁ; ହାଁ, ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏୱାଞ୍ଜିକି ଆଜ୍ଜାଟୁ ।
6ସେଙ୍ଗା କସ୍ପଟାଙ୍ଗ୍ ଇନ୍ନା ରି ଟାକ୍କାଟି ପ୍ରାପନ୍ ଆଏହେଃଲ୍ଲେ ? ଆଟେ ଏୱାଡ଼୍ତାୱାଟି ରଣ୍ଡା କସ୍ପଟାତିଦି ୱାଡ଼େ ମୁଲାପେନୁ ବ୍ଡୁଃଜ୍ଜେଞ୍ଜି । 7ମତ୍ର ମି ତ୍ଲାଉତି ହାବେ ତ୍ଲାଏର୍କା ଲେକା ଆନ୍ନୁ । ଏଦାକି ଆଃଜ୍ଜାଟୁ; ମିରୁ ଏଗେଲ୍ କସ୍ପଟାଙ୍ଗ୍ ତାୱାଟି ଗାମିନାତେରି ।
ଦାଲ୍ଲା ନକେସ୍ କ୍ରିସ୍ଟନିକି ଅସ୍ପିକାର କିଅନ୍
(ମାତିଉ ୧୦:୩୨–୩୩; ୧୨:୩୨; ୧୦:୧୯,୨୦)
8ଆଟେ ନାନୁ ମିଙ୍ଗେ ୱେସ୍ପିଞ୍ଜା, ଏମ୍ୱେନାଞ୍ଜି ଦାଲ୍ଲା ନକେସ୍ ନାଙ୍ଗେ ସ୍ୱିକାର କିଆନେଞ୍ଜି, କୁଏଞ୍ଜ୍ ମ୍ରିଃଏଞ୍ଜି ୱାଡ଼େ ମୁଲାପେନୁତି ଦୁତଙ୍ଗ୍ ନକେସି ତାଙ୍ଗେ ସ୍ୱିକାର କିନେଞ୍ଜି; 9ମତ୍ର ଏମ୍ୱେନାଞ୍ଜିକି ନାଙ୍ଗେ ଦାଲ୍ଲା ନକେସି ଅସ୍ପିକାର କିଆନେଞ୍ଜି, ଏୱାଞ୍ଜିକି ମୁଲାପେନୁତି ଦୁତଙ୍ଗ୍ ନକେସ୍ ଅସ୍ପିକାର କିୱା ଆନେ । 10#ମାତି ୧୨:୩୨; ମାର୍କ ୩:୨୯ଆଟେ ଏମ୍ୱେନାଞ୍ଜି କୁଏଞ୍ଜ୍ ମ୍ରିଃଏଞ୍ଜି ବିରୁଦିଆଟି କାତା ୱେସ୍ନେଞ୍ଜି, ଏୱାଞ୍ଜିକି ମାକ୍ସାଡ଼ି ହିୱା ଆନେ; ମତ୍ର ପିର୍ନି ଡିଙ୍ଗା ବିରୁଦିଆଟି ଅଡ୍ଡାଙ୍ଗାତା କିତେସି, ଏୱାଞ୍ଜିକି ମାକ୍ସାଡ଼ି ହିୱାଆଃଏ ।
11 #
ମାତି ୧୦:୧୯,୨୦; ମାର୍କ ୧୩:୧୧; ଲୁକ ୨୧:୧୪,୧୫ ଆଟେ ଏଚ୍ଚିକିଃଆକି ଏୱାରି ମିଙ୍ଗେ ହାଜା ଇଡ୍ଡୁ, ଆକୁଡ଼୍ କିଅନ୍ତାରି ଅଟେ ହକତ୍ ପାଁଣ୍ଡାନ୍ନାରି ରେଃଏସ୍ ଅଦାନେରି, ଏଚିତୁକାତାୱା ମିରୁ ମି ବାଗାଟି ଇନିସ୍କି ଇନ୍ନି କାତା ୱେସ୍ଦେରି, ଏଦାବାଗା ଏଲୁ କିଃଆଟୁ; 12ଇନାକି ଇନ୍ନା ୱେସ୍ପନ୍ ଆନେ, ଏଦା ପିର୍ନି ଡିଙ୍ଗା ଏଚିତୁକାତାୱା ମିଙ୍ଗେ ଗ୍ରାପ୍ତାନେ ।
ମୁର୍କ ଦନିତି ତୁକାଙ୍ଗାତା
13ଦାଲ୍ଲାତାୱାଟି ରଃଅଞ୍ଜି ଜିସୁନିକି ୱେସ୍ତେଞ୍ଜି, ଏ ଗ୍ରାପାଗାଟାତି, ମା ଆବାତି ଦନ ନା ଡ଼ାହି ପାହ୍ପନ୍ ବାଗାଟି ନା ଆମ୍ବେସ୍ନିକି ୱେସ୍ମୁ । 14ମତ୍ର ଜିସୁ ଏୱାଞ୍ଜିକି ୱେସ୍ତେଞ୍ଜି, ଏ ତଡ଼େ, ଏମ୍ୱେନାଞ୍ଜି ନାଙ୍ଗେ ମି କୁଃଏଟି ବିଚାର କିଅନ୍ତାଞ୍ଜି ଅଟେ ବାଗା ପାହା ହିଅନ୍ତାଞ୍ଜି କିଆନ୍ ଆଚି କିଆଞ୍ଜାନେଞ୍ଜି ? 15ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, ନେହେନ୍, ହାବେତ୍ କୁଲାତି ଲୁବୁତାୱାଟି ମି ମି ଗାଣ୍ଡି ଦେହା ଇଟ୍ଟାଟୁ, ଇନାକି ରଃଅଞ୍ଜି କୁଏଞ୍ଜ୍ତି ପରନ୍ ତା ଦନ କୁଃଏଟି ବାସାଆଇହେଃଲ୍ଲେ ।
16ଆଟେ ଏୱାଞ୍ଜି ଏୱାରିକି ଇ ତୁକାଙ୍ଗାତା ୱେସ୍ତେଞ୍ଜି, ରଃଅଞ୍ଜି ଦନି କୁଏଞ୍ଜ୍ତି ମେରାତାୱା ଏଗେଲ୍ ୱେହା ଆତେ । 17ଏମ୍ୱାଟି ଏୱାଞ୍ଜି ତା ମନତାୱା ଏଲୁ କିଆନ୍ ୱେସ୍ତେଞ୍ଜି, ଇନ୍ନା କିଃଇ ? ଇନାକି ନା ୱେହା ଉହି କିଆନ୍ ଇଟ୍ଟନ୍ ବାଗାଟି ଗର୍ରି ହେଃଲ୍ଲେ । 18ଆଟେ ଏୱାଞ୍ଜି ୱେସ୍ତେଞ୍ଜି, ନାନୁ ଇହିଙ୍ଗ୍ କିଃଇ ଜେ; ନା କିଟ୍ଟାଇଡ୍ଡୁ ହାବେ ଲେକ୍ଚାନ୍ ବେର୍ରାଦ୍ କିଆନ୍ କ୍ଲେହି ଅଟେ ଏ ହାବେତାୱା ନା ୱେହା ଅଟେ ହାବେତ୍ ନେହି କୁଲା ଉହି କିଆନାହି ଇଟ୍ଟି, 19ଆଟେ ନାନୁ ନା ପରନ୍ତିଦି ୱେସି, ଏ ପରନ୍, ଏଗେଲ୍ ଅଁଣ୍ଡୁ ବାଗାଟି ନି ଏଗେଲ୍ ଦନ ଅଟେ ନେହି କୁଲା ଉହି ଆନ୍ ମାନ୍ନୁ, ଜାମ୍ୱାମୁ, ତିନ୍ବା ଉନ୍ବା କିମୁ, ରାହାଙ୍ଗ୍ ଆମୁ ।
20ମତ୍ର ମୁଲାପେନୁ ଏୱାଞ୍ଜିକି ୱେସ୍ତେଞ୍ଜି, ଏ ମୁର୍କଗାଟାତି, ନିଞ୍ଜୁ ଡାଡ଼ିଙ୍ଗ୍ ନି ପରନ୍ ନି ତାୱାଟି ଅୱାଆନେ; ଏମ୍ୱାଟି ନିନୁ ଇନ୍ନା ଇନ୍ନା ଉହି କିଆଞ୍ଜି, ଏ ହାବେ ଇନ୍ଦାର୍ତାଃଆ ଆନୁ ? 21ଏମ୍ୱେନାଞ୍ଜି ତା ବାଗା ଦନ ଉହି କିନ୍ନେଞ୍ଜି, ମତ୍ର ମୁଲାପେନୁ କୁଲାଟି ଦନି ଆଃଏ, ଏୱାଞ୍ଜ୍ ପାଟ୍ଟି ଇହିଙ୍ଗିସି ଆନେ ।
ଚିନ୍ତା କିଃଆଟୁ
(ମାତିଉ ୬:୨୫–୩୪)
22ଏମ୍ୱାଟି ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, ଏଦାବାଗା ନାନୁ ମିଙ୍ଗେ ୱେସ୍ପିଞ୍ଜା, ଇନ୍ନା ତିନ୍ନାମୁ ଅଟେ ଇନ୍ନା ଉନ୍ନାମୁ, ଇଞ୍ଜାନ୍ ମି ପରନ୍ ବାଗାଟି ଅଟେ ଇନ୍ନା ହୁଚ୍ଚିନାମୁ ଇଞ୍ଜାନ୍ ମି ଗାଣ୍ଡି ବାଗାଟି ଏଲୁ କିଆନ୍ ତୁଇରୁଡ୍ଡି ଆଃଆଟୁ । 23ଇନାକି ତିନ୍ବା କୁଲାତାୱାଟି ପରନ୍ ଅଟେ ଜିରାଙ୍ଗ୍ ଅଙ୍ଗିଙ୍ଗ୍ ତାୱାଟି ମୁକ୍କେଲ୍ ଗାଣ୍ଡି ନେହାଦି ।
24କାୱାଙ୍ଗ୍ତି କୁଲାଟି ଏଲୁକିଆ ହୁଡ଼ାଟୁ, ଏୱା ମାଟ୍ଟେହେଃଲ୍ଲ କି ରେଗେହେଃଲ୍ଲ, ଆଟେ ଏୱାଡ଼୍ତି କିଟ୍ଟାଇଡ୍ଡୁ କି ପୁର୍ଟୁଡ଼୍ ହେଃଲ୍ଲେ, ଆଟେ ମୁଲାପେନୁ ଏୱାଡ଼ିକି ତିନ୍ବା ପଡ଼ି ହିନ୍ନେଞ୍ଜି; ମିରୁ ପଟ୍ଟାଙ୍ଗ୍ତାୱାଟି ଏଚ୍ଚେ ଏଗେଲ୍ ନେହାତାତେରି । 25ଆଟେ ମି ତାୱାଟି ଏମ୍ୱେନାଞ୍ଜି ଚିନ୍ତା କିଆନ୍ ତା ପରନ୍ତିଦି ର କାଜ୍ଜୁ ଗାପନ୍ ମୁନେଞ୍ଜି ? 26ମିରୁ ଜଦି ହାବେତାୱାଟି ଡଟି କୁଲା ୱାଡ଼େ କିଅନ୍ ମୁପେହେଃଲ୍ଲେରି, ଏହେଙ୍ଗ୍ ଆତେସି ବେର୍ କୁଲା କିଅନ୍ତିକି ଇନ୍ନା କିଅନ୍ ଏଲୁ କିଞ୍ଜେର୍ ?
27କାମ୍ବଡ଼୍ତି ପୁଙ୍ଗା କୁଲାଟି ଏଲୁକିଆ ହୁଡ଼ାଟୁ, ଏୱା ଇନିସ୍ ନଡ଼୍କା ନଲ୍ବେ ହେଃଲ୍ଲ କି ଅଚ୍ଚେହେଃଲ୍ଲ; ଆତେସ୍ୱାଡ଼େ ନାନୁ ମିଙ୍ଗେ ୱେସ୍ପିଞ୍ଜା, ସଲମନନିକି ହାବେତ୍ ଆଡିତ୍ କୁଲା ମାଚ୍ଚେସ୍ ୱାଡ଼େ ଏୱାଞ୍ଜି ଏ ପୁଙ୍ଗା ଡେହେଙ୍ଗ୍ତି ଆଡାନ୍ନି ଗତାଙ୍ଗ୍ ମେଦ୍ଦାହେଃଲ୍ଲାତେଞ୍ଜି । 28ମତ୍ର ଇମ୍ୱିନ୍ ହଲା ନିଞ୍ଜୁ ପାଙ୍ଗାତାୱା ମାନ୍ନେ, ଆଟେ ୱେଃଏ ହଡ୍ଡୁତାୱା କୁମ୍ୱନ୍ ଆଇନେ, ଏୱାତିଦି ଜଦି ମୁଲାପେନୁ ଇହିଙ୍ଗ୍ତି ୱାନ୍ନା ହିନ୍ନେଞ୍ଜି, ଇଚ୍ଚେସି, ଏ ହିତେ ମାଞ୍ଜାଡ଼ି କିଅନ୍ତାତେରି, ଏୱାଞ୍ଜି ମିଙ୍ଗେ ଏଚ୍ଚେ ଏଗେଲ୍ ହିଆଦାଃଏଞ୍ଜି !
29ଏଦାକି ଇନ୍ନା ତିଞ୍ଜେର୍ ଅଟେ ଇନ୍ନା ଉଣ୍ଡେରି, ଏ କୁଲାଟି ଚିନ୍ତା କିଃଆଟୁ, 30ଇନାକି ପୁର୍ତିତି ଅନଜିହୁଦିଙ୍ଗ୍ ଇ ହାବେତ୍ କୁଲା ଦାହି ଦାହି ତ୍ରେବିନ୍ନେରି; ମତ୍ର ଇ ହାବେତ୍ କୁଲା ଜେ ପାଁନ୍ବନ୍ ମାନ୍ନେ, ଏଦା ମି ଆବା ପୁଞ୍ଜିନ୍ନେଞ୍ଜି ।
31ମତ୍ର ମିରୁ ତା ରାଜି ଦାହ୍ଦୁ, ଆଟେ ଇ ହାବେତ୍ କୁଲା ୱାଡ଼େ ମିଙ୍ଗେ ହିୱା ଆନେ ।
ସର୍ଗତି ଦନ
(ମାତିଉ ୬:୧୯–୨୧)
32ଏ ଡଟି ବିଡ଼ା, ଆଃଜ୍ଜାଟୁ, ଇନାକି ମିଙ୍ଗେ ଏ ରାଜି ହିଅନ୍ ବାଗା ମି ଆବା ଏଲୁ କିନ୍ନେଞ୍ଜି ।
33ମି ପାଟ୍ଟି ଇନା ମାନ୍ନୁ, ଏୱା ପ୍ରାଚାନାହି ପାହାହିଦୁ; ଇମ୍ୱିନାଦି ନାହେଡ୍ ଆଃଏ, ଇହିଙ୍ଗ୍ତି ବେଗୁ ମି ବାଗାଟି ହାମ୍ୱେର୍ କିଦୁ; ଇମ୍ୱିନାୱା ତ୍ଡକେଞ୍ଜି ରେଃଏସ୍ ୱାଃଏଞ୍ଜି କି ପ୍ଡିକା ପରଙ୍ଗ୍ ତିଃନ୍ନଅ, ଇହିଙ୍ଗିସି ସର୍ଗତାୱା ନାହେଡ୍ ଆଃଆନ୍ ଦନ ଉହି କିଦୁ, 34ଇନାକି ଇମ୍ୱିନାୱା ମି ଦନ ମାନ୍ନେ, ମି ମନ ୱାଡ଼େ ଏମ୍ବା ମାନ୍ନେ ।
ହାମ୍ୱେର୍ ଆନ୍ ମାନ୍ବନ୍ତି କାମ୍ୱାରେଏଞ୍ଜି
35 #
ମାତି ୨୫:୧–୧୩
ମି ଡାଡ୍ଡି ଗାସାନ୍ ମାନ୍ନାକାଦି ଅଟେ ଡୁବ୍ବି ରିଞ୍ଜାକାଦି; 36#ମାର୍କ ୧୩:୩୪–୩୬ଆଟେ ସକାରେଏଞ୍ଜି ବିବା ବୁଜିତାୱାଟି ୱ୍ଡେଚାନ୍ ୱାନ୍ ଦାରା ୱେତେସି ଗେର୍ପନ୍ ବାଗା କାଚାନ୍ ମାନ୍ନି କାମ୍ବାରାଙ୍ଗା ଡେହେଙ୍ଗ୍ ହାମ୍ୱେର୍ ଆନ୍ ବାସାଆଦୁ ।
37ସକାରେଏଞ୍ଜି ୱାନ୍ ଇମ୍ୱିନ୍ କାମ୍ବାରାଙ୍ଗାନିକି ହାମ୍ୱେର୍ ଆନ୍ କାଚାନ୍ ମାନ୍ନାଦାଃଆ ହୁଡ଼ିନେଞ୍ଜି, ଏୱାରି ଦନ୍ୟ; ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏୱାଞ୍ଜି ତା ଡାଡ୍ଡି ଗାସାନାହି ଏୱାରିକି ତିନ୍ବନ୍ ବାଗା କକ୍କି କିଆନ୍ ଟାକ୍କେ ହାଜ୍ଜାନ୍ ଆଙ୍ଗୁଲ୍ ଆନେଞ୍ଜି । 38ଆଟେ ଏୱାଞ୍ଜି ଜଦି ରି ହୁଚି କି ମୁ ହୁଚି ତୁକାତାୱା ୱାଡ଼େ ୱାନ୍ ଏୱାରିକି ଏଚିଲାକ୍କା ହାମ୍ୱେର୍ ଆନ୍ନା ହୁଡ଼ିନେଞ୍ଜି, ଏହେଙ୍ଗ୍ ଆତେସି ଏ କାମ୍ବାରାଙ୍ଗା ଦନ୍ୟ ।
39 #
ମାତି ୨୪:୪୩,୪୪ ମତ୍ର ଇଦା ପୁଞ୍ଜାଞ୍ଜୁ, ଇମ୍ୱିନ୍ ତୁକାତାୱା ଟ୍ଡକେଞ୍ଜି ୱାନେଞ୍ଜି ଇଞ୍ଜାନ୍ ଇଡ୍ଡୁତି ଗାମିନାଞ୍ଜି ଜଦି ପୁନ୍ନେଞ୍ଜ୍ମା, ଇଚ୍ଚେସି ଏୱାଞ୍ଜି ତା ଇଡ୍ଡୁତି ଦାରା ହାପେଡ଼୍ ଲେପ୍କନ୍ ହିଃଏଞ୍ଜ୍ମା । 40ମିରୁ ୱାଡ଼େ ହାମ୍ୱେର୍ ଆନାହି ମାଞ୍ଜୁ, ଇନାକି ଇମ୍ୱିନ୍ ତୁକାତାୱା ମିରୁ ଏଲୁ କିହେଃଲ୍ଲେରି, ଏ ତୁକାତାୱା କୁଏଞ୍ଜ୍ ମ୍ରିଃଏଞ୍ଜି ୱାନେଞ୍ଜି ।
ବିସ୍ୱସ୍ତ ଅଟେ ଅବିସ୍ୱସ୍ତ କାମ୍ୱାରେଏଞ୍ଜି
(ମାତିଉ ୨୪:୪୫–୫୧)
41ଏମ୍ୱାଟି ପିତର ୱେସ୍ତେଞ୍ଜି, ଏ ଦାର୍ମୁ, ନିନୁ ୱାର୍ରି ମାଙ୍ଗେ କି ହାବେତାରିନିକି ଇ ତୁକାଙ୍ଗାତା ୱେସ୍ପିଞ୍ଜାଦି ? 42ଦାର୍ମୁ ୱେସ୍ତେଞ୍ଜି, ଏଦାକି ମି କାମ୍ବାରେଏଞ୍ଜିକି ଟିକ୍ ତୁକାତାୱା ତିନ୍ବା ହିଅନ୍ ବାଗାଟି ସକାର ଇନ୍ଦାରିକି ଏୱାର୍ତି କୁଃଏଟି ଆଚି କିନେଞ୍ଜି, ଇହିଙ୍ଗିସି ବିସ୍ୱସ୍ତ ଅଟେ ବୁଦ୍ଦିଗାଟି କାମ୍ୱାରେଏଞ୍ଜି ଏମ୍ବେନାଞ୍ଜି ? 43ସକାରେଏଞ୍ଜି ୱାନ୍ ତା ଇମ୍ୱିନ୍ କାମ୍ବାରେଏଞ୍ଜିକି ଏହେଙ୍ଗିସି କିନ୍ନାଦାଃଆ ହୁଡ଼ିନେଞ୍ଜି, ଏୱାଞ୍ଜି ଦନ୍ୟ । 44ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏୱାଞ୍ଜି ଏୱାଞ୍ଜିକି ତା ହାବେତ୍ କୁଲା କୁଃଏଟି ଦାଇତ ହିନେଞ୍ଜି ।
45ମତ୍ର ଜଦି ଏ କାମ୍ୱାରେଏଞ୍ଜି ନା ଦାର୍ମୁ ୱାଅନ୍ ଜୁକୁଡ଼୍ ଆନେ ଇଞ୍ଜାନ୍ ତା ମନତାୱା ଏଲୁ କିଆନ୍ କାମ୍ବାରାଙ୍ଗା କାମ୍ୱାରାସ୍କାନିକି ଚାହ୍ପନ୍ ବାଗା ଅଟେ ତିନ୍ବା ଉନ୍ବା କିଆନ୍ କାଲୁ ପାଞ୍ଜନ୍ ମ୍ରାସ୍ପିନ୍ନେଞ୍ଜି, 46ଏହେଙ୍ଗ୍ ଆତେସି ଇମ୍ୱିନ୍ ଦିନା ବାଗା ଏୱାଞ୍ଜି କାଚାହେଃଲ୍ଲେଞ୍ଜି ଅଟେ ଇମ୍ୱିନ୍ ତୁକା କାମ୍ବାରେଏଞ୍ଜି ପୁଞ୍ଜାହେଃଲ୍ଲେଞ୍ଜି, ଏ ଦିନା ଅଟେ ଏ ତୁକାତାୱା ତା ସକାରେଏଞ୍ଜି ୱାନେଞ୍ଜି, ଆଟେ ଏୱାଞ୍ଜି ଏୱାଞ୍ଜିକି ଏଗେଲ୍ ଦଣ୍ଡ ହିଆନ୍ ଅବିସ୍ୱସ୍ତଗାଟାର୍ ଡ଼ାହି ଏୱାଞ୍ଜିକି ଆଟ୍ନେଞ୍ଜି ।
47ଆଟେ ସକାରେଏଞ୍ଜି ଇନ୍ନା ଇଚ୍ଚା କିନେଞ୍ଜି, ଏଦା ପୁଞ୍ଜାନ୍ ୱାଡ଼େ ଇମ୍ୱିନ୍ କାମ୍ବାରେଏଞ୍ଜି ହାମ୍ୱେର୍ ଆହେଃଲ୍ଲେଞ୍ଜି, ଆଟେ ତା ସକାରେଏଞ୍ଜ୍ତି ଇଚ୍ଚାଟି କାମା କିହେଃଲ୍ଲେଞ୍ଜି, ଏୱାଞ୍ଜି ଏଗେଲ୍ ମାଡା ତିନେଞ୍ଜି; 48ମତ୍ର ଏମ୍ୱେ ପୁନ୍ନେଟେଃଏ ମାଡା ତିନ୍ବନ୍ତି କାମା କିଆନ୍ନେଞ୍ଜି, ଏୱାଞ୍ଜି ହିତେ ମାଡା ତିନେଞ୍ଜି । ଇନ୍ଦାରିକି ଏଗେଲ୍ ହିୱା ଆନ୍ନେ, ଏୱାଞ୍ଜ୍ତାୱାଟି ଏଗେଲ୍ ୱ୍ରିହ୍ପା ଆନେ; ଆଟେ ଦାଲ୍ଲା ଇନ୍ଦାରିକି ଏଗେଲ୍ ସର୍ପି କିଆନ୍ନେରି, ଏୱାଞ୍ଜିକି ଏଗେଲ୍ ୱ୍ରିହ୍ନେରି ।
ଜିସୁ ବାଗାଟି ଆଙ୍ଗେବିଙ୍ଗେ ଆଅନ୍
(ମାତିଉ ୧୦:୩୪–୩୬)
49ନାନୁ ଇ ପୁର୍ତିତାୱା ନାଡ଼ି ପ୍ରୁସ୍ପନ୍ ବାଗାଟି ୱାମାଃଇ, ଆଟେ ଏଦି ଜଦି ନାଡ଼ି ପ୍ରୁଞ୍ଜିତେ, ଏହେଙ୍ଗ୍ ଆତେସି ନା ଇଚ୍ଚା ଅଟେ ଇନ୍ନା ମାନ୍ନେ? 50#ମାର୍କ ୧୦:୩୮ମତ୍ର ନାଙ୍ଗେ ରଣ୍ଡା ଡୁବନ୍ତାୱା ଡୁବନ୍ ଆଅନ୍ ଆନେ, ଆଟେ ଏଦି ୱିହାନ୍ ଟିକ୍ନା ନାନୁ ଦୁଃକ ପାଁଣ୍ଡିମାଃଇ ।
51ନାନୁ ଇ ପୁର୍ତିତାୱା ଲତୁ ହିଅନ୍ ବାଗା ୱାମାଃଇ ଇଞ୍ଜାନ୍ ଇନ୍ନା ମିରୁ ଏଲୁ କିଞ୍ଜେର୍ ? ନାନୁ ମିଙ୍ଗେ ୱେସ୍ପିଞ୍ଜା, ବାଃଏ, ମତ୍ର ଆଙ୍ଗେବିଙ୍ଗେ କିଅନ୍ ୱାମାଃଇ । 52ଇନାକି ହାଦାଡ଼ି ରଣ୍ଡା ଇଡ୍ଡୁତାୱା ସେ ଗାଣ୍ଡି ମାଚ୍ଚେସ୍ ରି ଗାଣ୍ଡିତି ବିରୁଦିଆଟି ମୁ ଗାଣ୍ଡି ଅଟେ ମୁ ଗାଣ୍ଡିତି ବିରୁଦିଆଟି ରି ଗାଣ୍ଡି ଆଙ୍ଗେବିଙ୍ଗେ ଆନେରି । 53ମ୍ରିଃଏଞ୍ଜ୍ ବିରୁଦିଆଟି ଆବା, ଆବା ବିରୁଦିଆଟି ମ୍ରିଃଏଞ୍ଜ୍ ନିଙ୍ଗିନେଞ୍ଜି, ମ୍ରାଗା ବିରୁଦିଆଟି ଇୟା, ଇୟା ବିରୁଦିଆଟି ମ୍ରାଗା, କ୍ଡୁଆ ବିରୁଦିଆଟି ପଦା ଅଟେ ପଦା ବିରୁଦିଆଟି କ୍ଡୁଆ ନିଙ୍ଗିନେ ।
ତୁକାତି ରୁକା
(ମାତିଉ ୧୬:୨–୩)
54ଆଟେ ଏୱାଞ୍ଜି ହାବେ ଦାଲ୍ଲାନିକି ୱାଡ଼େ ୱେସ୍ତେଞ୍ଜି, ୱେଲାକ୍ଡୁପା ଇନ୍ଦେଟି ଜାଗ୍ଗୁ ନିଙ୍ଗନ୍ତାଦା ହୁଡ଼ିତେସି ଏଚିୱାଡ଼େ ମିରୁ ୱେସ୍ପିଞ୍ଜେରି, ପିଜ୍ଜୁ ୱାନେ, ଆଟେ ଏହେଙ୍ଗିସି ଆଇନେ; 55ଆଟେ ୱେଲାରାସି ଇନ୍ଦେଟି ୱ୍ଲିକା ଆଇନାଦାଃଆ ହୁଡ଼ିତେସି ମିରୁ ୱେସ୍ପିଞ୍ଜେରି, ବେର୍ କାର୍ରା ଆନେ, ଆଟେ ଏଚିଲାକ୍କା ଆଇନେ । 56ଏ କୁଟୁଗାଟାତାତେରି, ମିରୁ ଇ ପୁର୍ତିତି ଅଟେ ଜାଗ୍ଗୁତି ରୁକାଙ୍ଗ୍ ପୁଞ୍ଜିଞ୍ଜେରି, ମତ୍ର ଇ କାଲାତି ତୁର୍ରିଙ୍ଗ୍ ହାବେ ଇନିମିଡି ପୁଞ୍ଜେହେଃଲ୍ଲେରି ?
ହିଲାବାଦେର୍ତି ନିସ୍ପୁତି
(ମାତିଉ ୫:୨୫–୨୬)
57ଆଟେ ମିରୁ ଇନ୍ନି କାମା କିଅନ୍ ଟିକ୍, ଇନ୍ନା ବାଗାଟି ଏଦା ମିରୁ ମିରୁ ନିୟେ ବିଚାର କିହେଃଲ୍ଲେରି ? 58ଇନାକି ନି ସତ୍ରୁଗାଟାଞ୍ଜି ଡ଼ାହି ଆଡ୍ଡାନ୍ ଆକୁଡ଼୍ କିଅନ୍ତାଞ୍ଜି ନକେସି ହାଜ୍ଜିନ୍ନି ତୁକାତାୱା ପାହେର୍ତାୱା ତା ତାୱାଟି କୁଲ୍ପା ପାଁନ୍ବନ୍ ବାଗାଟି ସେସ୍ଟା କିମୁ, କାଲେ ଏୱାଞ୍ଜି ନିଙ୍ଗେ ବିଚାର କିଅନ୍ତାଞ୍ଜି ରେଃଏସ୍ ଜେଜ୍ଜାନାହି ଅଦାନେଞ୍ଜି, ଆଟେ ବିଚାର କିଅନ୍ତାଞ୍ଜି ନିଙ୍ଗେ ସିପେଙ୍ଗ୍ କାଜ୍ଜୁତାୱା ସର୍ପି କିଆନେଞ୍ଜି, ଆଟେ ସିପେଙ୍ଗ୍ ନିଙ୍ଗେ ବନ୍ଦି ଇଡ୍ଡୁତାୱା ତୁହ୍ତାନେରି । 59ନାନୁ ନିଙ୍ଗେ ନିଜ୍ଜା ୱେସ୍ପିଞ୍ଜା, ନିନୁ ହାବେ ଟାକ୍କାଙ୍ଗ୍ ତେଃହାନ୍ ଟିକ୍ନା ଏ ଗର୍ରିତାୱାଟି ଇନିମିଡି ୱାଡ଼େ ହଚାନ୍ ୱାଅନ୍ ମୁଃଆ ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0