ଲୁକ 11
11
ଜିସୁ ପ୍ରାତ୍ନା କୁଲାଟି ଗ୍ରାପନ୍
(ମାତିଉ ୬:୯–୧୩; ୭:୭–୧୧)
1ରନେସି ଜିସୁ ଇମ୍ୱିନ୍ ଗର୍ରିତାୱା ପ୍ରାତ୍ନା କିଚ୍ଚେଞ୍ଜି; ତାନୁ ପ୍ରାତ୍ନା ୱିହି କିଅନେଃଏ, ତା ଗ୍ରାମ୍ବାଗାଟାରି ତାୱାଟି ରଃଅଞ୍ଜି ୱେସ୍ତେଞ୍ଜି, “ଏ ଦାର୍ମୁ, ଡୁବନ୍ ହିନ୍ନି ଜହନ ଇନିମିଡି ତା ଗ୍ରାମ୍ୱାଗାଟାରିକି ପ୍ରାତ୍ନା କିଅନ୍ ବାଗା ଗ୍ରାପ୍ତେଞ୍ଜି, ନିନୁ ୱାଡ଼େ ଏଚିଲାକ୍କା ମାଙ୍ଗେ ପ୍ରାତ୍ନା କିଅନ୍ ଗ୍ରାପ୍ତାମୁ ।”
2ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ଏଚ୍ଚିକିଃଆ ମିରୁ ପ୍ରାତ୍ନା କିଦେରି, ଏଚିତୁକାତାୱା ଇହିଙ୍ଗିସି ୱେସ୍ଦୁ,
ଆବା,
ନି ପାରୁ ପିର୍ନି ଇଞ୍ଜାନ୍ ମାନି ଆପାକାଦି ।
ନି ରାଜି ୱାପାକାଦି ।
3ହାବେ ଦିନା ମାଙ୍ଗେ ତିନ୍ବା ପଡ଼ି ହିଆମୁ ।
4ମା ପାପ ହାବେ ମାକ୍ସାଡ଼ି କିଆମୁ,
ଇନାକି ମାମୁ ୱାଡ଼େ ମା ମା ବିରୁଦିଗାଟାରିକି ମାକ୍ସାଡ଼ି କିନାମୁ ।
ପରିକ୍ୟାତାୱା ମାଙ୍ଗେ ତାଚ୍ଚିୱାଃଆ ।”
5ଆଟେ ଜିସୁ ଏୱାରିକି ୱେସ୍ତେଞ୍ଜି, “ମିଙ୍ଗେ ଇନ୍ଦାରିକି ଇହିଙ୍ଗ୍ତି ତଡ଼େଞ୍ଜି ମାନ୍ନେଞ୍ଜ୍ମା, ଇନ୍ଦାର୍ ରେଃଏସ୍ ଡାଡ଼ିଙ୍ଗ୍ ତୁଲେକିଃଆ ଏୱାଞ୍ଜି ହାଜ୍ଜାନ୍ ୱେସ୍ନେଞ୍ଜି, ଏ ତଡ଼େ ନାଙ୍ଗେ ମୁଞ୍ଜା ରୁଟିଙ୍ଗ୍ ଉଦେର୍ ହିଆମୁ, 6ଇନାକି ନା ତଡ଼େଞ୍ଜି ନା ରେଃଏସ୍ ୱାନ୍ ମାନ୍ନେଞ୍ଜି, ତାଙ୍ଗେ ହିଅନ୍ ବାଗା ନା ରେଃଏସ୍ ଇନ୍ନା ହେଃଲ୍ଲ, 7ଆଟେ ଏୱାଞ୍ଜି ଇଡ୍ଡୁ ଲାଃଇ ମାଞ୍ଜାନ୍ ଇହିଙ୍ଗିସି ୱ୍ଡେପ୍ଚ୍ଚି ୱେସ୍ତେଞ୍ଜି, ନାଙ୍ଗେ ବିସ୍କି କିଆଦାଃଆ; ଦାରା ଟୁଣ୍ଡାଆତେ, ଆଟେ ନା ବଦାଙ୍ଗ୍ ନା ଡ଼ାହି ହୁଞ୍ଜାନ୍ନେରି; ନାନୁ ନିଙ୍ଗାନ୍ ନିଙ୍ଗେ ହିଅନ୍ ମୁତାଦାଃଏନୁ । 8ନାନୁ ମିଙ୍ଗେ ୱେସ୍ପିଞ୍ଜା, ଏୱାଞ୍ଜି ତା ତଡ଼େଞ୍ଜି ଆନ୍ନି ବାଗାଟି ତାଙ୍ଗେ ନିଙ୍ଗାନ୍ ହିଃଏଞ୍ଜି, ଆତେସ୍ୱାଡ଼େ ଏୱାଞ୍ଜି ଲେଜ୍ଜା ଆଃଏଟେଃଏ ଲାଗ୍ଗେ ଲାଗ୍ଗେ ୱ୍ରିହ୍ପିନ୍ନି ବାଗାଟି ଏୱାଞ୍ଜି ନିଙ୍ଗାନ୍, ଏୱାଞ୍ଜିକି ଇନ୍ନା ଦରକାର, ଏୱା ତାଙ୍ଗେ ହିନେଞ୍ଜି ।
9ନାନୁ ୱାଡ଼େ ମିଙ୍ଗେ ୱେସ୍ପିଞ୍ଜା, ୱ୍ରିହ୍ଦୁ ମିଙ୍ଗେ ହିୱା ଆନେ, ଦାହ୍ଦୁ ମିରୁ ପାଁଣ୍ଡେରି; ଦାରାତାୱା ୱେଦୁ, ମି ବାଗାଟି ଗେର୍ପା ଆନେ । 10ଇନାକି ଏମ୍ୱେନାଞ୍ଜି ୱ୍ରିହ୍ନେଞ୍ଜି, ଏୱାଞ୍ଜିକି ହିୱା ଆନେ, ଏମ୍ୱେନାଞ୍ଜି ଦାହ୍ନେଞ୍ଜି ଏୱାଞ୍ଜି ପାଁନେଞ୍ଜି; ଆଟେ ଏମ୍ୱେନାଞ୍ଜି ଦାରାତାୱା ୱେନେଞ୍ଜି, ଏୱାଞ୍ଜ୍ ବାଗାଟି ଦାରା ଗେର୍ପା ଆନେ । 11ଆଟେ ମି ତାୱା ଇହିଙ୍ଗିସି ଆବା ଏମ୍ୱେନାଞ୍ଜି ମାନ୍ନେଞ୍ଜି, ଏମ୍ବେନାଞ୍ଜିକି ତା ମ୍ରିଃଏଞ୍ଜି ମିନୁ ୱ୍ରିହ୍ତେସି ତାନୁ ଏୱାଞ୍ଜିକି ମିନୁ ହିଃଏଟେଃଏ ରାଚୁ ହିନେଞ୍ଜି ? 12କି ମେଞ୍ଜୁ ୱ୍ରିହ୍ତେସି ତାନୁ ଏୱାଞ୍ଜିକି କାଚ୍ଚାଜାନା ହିନେଞ୍ଜି ? 13ଏଦାକି ମିରୁ ଡ଼ଃଆନାତେରି ଆତେସ୍ୱାଡ଼େ ମି ମି ବଦାଙ୍ଗ୍ନିକି ନିଗ୍ଗାଗାଟି ଦାନ ହିଅନ୍ ପୁଞ୍ଜିଞ୍ଜେରି, ଏହେଙ୍ଗ୍ ଆତେସି ଇମ୍ୱିନ୍ ଆବା ସର୍ଗଟି ଦାନ ହିଞ୍ଜାନେଞ୍ଜି, ଏୱାଞ୍ଜି ତାଙ୍ଗେ ୱ୍ରିହ୍ପିନ୍ନି ଦାଲ୍ଲାନିକି ଏଚ୍ଚେ ଏଗେଲ୍ ପିର୍ନି ଡିଙ୍ଗା ହିଃଏଞ୍ଜି ?”
ଜିସୁ ଅଟେ ବାଲ୍ଜିବୁଲ୍
(ମାତିଉ ୧୨:୨୨–୩୦; ମାର୍କ ୩:୨୦–୨୭)
14ଜିସୁ ରଃଅଞ୍ଜି ବୁତ ଆହାଚ୍ଚି କାତା ପୁଃନ୍ନାନ୍ କୁଏଞ୍ଜିକି ନେହି କିତେଞ୍ଜି, ଏଚ୍ଚିକିଃଆ ବୁତ ପିହ୍ତେ, ଏ କୁଏଞ୍ଜି କାତା ୱେସ୍ପନ୍ ମ୍ରାସ୍ତେଞ୍ଜି ! ଦାଲ୍ଲା ଏଦା ହୁଡ଼ାନ୍ ଆକ୍କାବାଡ଼ାଙ୍ଗ୍ ଆତେରି । 15#ମାତି ୯:୩୪; ୧୦:୨୫ମତ୍ର ଏୱାରି ଟିଆଟି ଏମ୍ୱେ ଏମ୍ୱେ ୱେସ୍ତେରି, “ଏୱାଞ୍ଜି ବୁତଙ୍ଗ୍ତି ଗାମିନାଞ୍ଜି ବାଲ୍ଜିବୁଲ୍ତି ସାହାଜ୍ୟଟି ବୁତଙ୍ଗ୍ ପିହ୍ପିକିନ୍ନେଞ୍ଜି ।”
16 #
ମାତି ୧୨:୩୮; ୧୬:୧; ମାର୍କ ୮:୧୧ ବିହିତାରି ଜିସୁନିକି ପରିକ୍ୟା କିଅନ୍ତି ଉଦେସିଆଟି ତାଙ୍ଗେ ଜାଗ୍ଗୁଟି ରଣ୍ଡା ତୁର୍ରି ୱ୍ରିହ୍ତେରି । 17ମତ୍ର ଜିସୁ ଏୱାର୍ତି ମନତି କାତା ପୁଞ୍ଜାନ୍ ଏୱାରିକି ୱେସ୍ତେଞ୍ଜି, “ଜଦି ଇମ୍ୱିନ୍ ରାଜି ଆଙ୍ଗେ ଆନାହି ତା ବିରୁଦିଆଟି ନିଙ୍ଗେନ୍ନେ, ଇଚ୍ଚେସି ଏଦି ଲେଙ୍ଗିନେ, ଆଟେ ଇଡ୍ଡୁ କୁଃଏଟି ଇଡ୍ଡୁ ବାସାଆଃଏ ।” 18ଆଟେ ସଇତାନ ୱାଡ଼େ ଜଦି ରି ବାଗା ଆନାହି ତା ବିରୁଦତାୱା ନିଙ୍ଗେନ୍ନେ, ଏହେଙ୍ଗ୍ ଆତେସି ତା ରାଜି ଇନିମିଡି ରଞ୍ଜାନ୍ ବାସାଆନେ ? ନାନୁ ବାଲ୍ଜିବୁଲ୍ତି ସାହାଜ୍ୟ ଡ଼ାହି ବୁତଙ୍ଗ୍ତିଦି ପିହ୍ପି କିମାଃଇ ଇଞ୍ଜାନ୍ ମିରୁ ୱେସ୍ପିଞ୍ଜେରି । 19ମତ୍ର ନାନୁ ଜଦି ବାଲ୍ଜିବୁଲ୍ତି ସାହାଜ୍ୟଟି ବୁତଙ୍ଗ୍ତିଦି ପିହ୍ପି କିମାଃଇ, ଏହେଙ୍ଗ୍ ଆତେସି ନି ମ୍ରିକା ଇନ୍ଦାର୍ ସାହାଜ୍ୟଟି ବୁତଙ୍ଗ୍ ପିହ୍ପି କିନ୍ନେରି ? ଏଦାକି ମି ଦାଲ୍ଲାନେଃଏ ମିଙ୍ଗେ ବିଚାର କିଅନ୍ତାରି ଆନେରି । 20ନାନୁ ଜଦି ମୁଲାପେନୁତି ବଲ ଡ଼ାହି ବୁତଙ୍ଗ୍ତିଦି ପିହ୍ପି କିମାଃଇ, ଏହେଙ୍ଗ୍ ଆତେସି ତ ଦାର୍ମୁତି ରାଜି ମି ରେଃଏସ୍ ଏତାତ୍ଦେ ।
21ବଲଗାଟି କୁଏଞ୍ଜି ଏଚ୍ଚେକ୍ ଟିକ୍ନା ଦୁର୍ଗୁଙ୍ଗ୍ ଡ଼ାହି ହାମ୍ୱେର୍ ଆନ୍ ବାସାଆନାହି ତା ନାଜୁ ରକ୍ୟା କିନ୍ନେଞ୍ଜି, ଏଚି ଟିକ୍ନା ତା ଦନ ନେହେନ୍ ବାସାଆଇନେ; 22ମତ୍ର ଏଚ୍ଚିକିଃଆ ତା ତାୱାଟ୍ ଏଗେଲ୍ ବଲଗାଟାଞ୍ଜି ୱାନ୍ ଏୱାଞ୍ଜି ଡ଼ାହି ଜୁଜ୍ଜି ଆନ୍ ଜିତି ଆଇନ୍ନେଞ୍ଜି, ଏଚିତୁକାତାୱା ଇମ୍ୱିନ୍ ଦୁର୍ଗୁତାୱା ତା ନାର୍ରା ମାଚ୍ଚେ, ଏୱା ହାବେ ଏୱାଞ୍ଜି ମିଞ୍ଜାନ୍ ଅନେଞ୍ଜି, ଆଟେ ତା ମିଞ୍ଜାଚ୍ଚି ଦନ ହାବେ ପାହାନ୍ ଅନେଞ୍ଜି ।
23 #
ମାର୍କ ୯:୪୦
ଏମ୍ୱେନାଞ୍ଜି ନାପେଟ୍ ହେଃଲ୍ଲେଞ୍ଜି, ଏୱାଞ୍ଜି ନା ବିରୁଦିଗାଟାଞ୍ଜି; ଆଟେ ଏମ୍ୱେନାଞ୍ଜି ନା ଡ଼ାହି ଉହି କିହେଃଲ୍ଲେଞ୍ଜି, ଏୱାଞ୍ଜି ବାରାୱିତି କିନ୍ନେଞ୍ଜି ।
ବୁତ ୱ୍ଡେଚି ୱାଅନ୍
(ମାତିଉ ୧୨:୪୩–୪୫)
24ଡ଼ଃଆନ୍ ଡିଙ୍ଗା ରଃଅଞ୍ଜି କୁଏଞ୍ଜ୍ତାୱାଟି ହଚାନ୍ ହାଚ୍ଚି ଡେଗ୍ଗା ଏଜୁ ହେଃଲ୍ଲାନ୍ ଗର୍ରିଙ୍ଗ୍ ହାବେ ତ୍ରେଜାନାହି ଜାମ୍ୱନ୍ ଦାହ୍ପିନ୍ନେ, ଆଟେ ଜାମ୍ୱନ୍ତି ଗର୍ରି ପାଃନେଟେଃଏ ୱେସ୍ପିନ୍ନେ, ନାନୁ ଇମ୍ୱିନ୍ ଇଡ୍ଡୁଟି ହଚାନ୍ ୱାଚ୍ଚେ, ନା ଏ ଇଡ୍ଡୁଇନ୍ଦା ୱ୍ଡେଚାନ୍ ହାଃଇ; 25ଆଟେ ବୁତ ୱାନ୍ ଏ ଇଡ୍ଡୁ ନଗ୍ଜାନ୍ ଅଟେ ନେହେନ୍ ରହାନ୍ନାଦାଃଆ ହୁଡ଼ିତେ । 26ଏଚିତୁକାତାୱା ଏ ଡ଼ଃଆନ୍ ଡିଙ୍ଗା ହାଜ୍ଜାନ୍ ତା ତାୱାଟି ଗାପ୍ଚି ଡ଼ଃଆନ୍ ଆଟେ ଅଡ଼ି ଗଟ୍ଟା ଡିଙ୍ଗାଙ୍ଗ୍ ତା ଡ଼ାହି ଆହାନ୍ ୱାଇନେ, ଆଟେ ଏୱା ହଲ୍ଜାନାହି ଏଦିମ୍ୱା ବାସାଆଇନୁ, ଆଟେ ଏ କୁଏଞ୍ଜ୍ତି କାହେତ୍ ଦଣ୍ଡ ତାୱାଟ୍ ଡେଗ୍ଗାତ୍ ଦଣ୍ଡ ଏଗେଲ୍ ଡ଼ଃଆନାଦି ଆନେ ।
ବାକ୍ୟ ପାଲ୍ନି ଆଅନ୍ତାଞ୍ଜି ଦନ୍ୟ
27ଏୱାଞ୍ଜି ଇ ହାବେତ୍ କାତା ୱେସ୍ପିଚ୍ଚି ତୁକାତାୱା ଦାଲ୍ଲା ତାୱାଟି ରଣ୍ଡି ଆଚାଲୁ ଗଜେଲ୍ ଆନ୍ ୱେସ୍ତେ, “ଦନ୍ୟ ଏ ଇୟା, ଏମ୍ୱେନାଦିକି ନିଙ୍ଗେ ଟୁଟୁତାୱା ଆହାଞ୍ଜାତେ ଆଟେ ଏ ରାଙ୍ଗୁ ଇମ୍ୱିନାୱାଟି ନିନୁ ଉଟ୍ଟି ।”
28ମତ୍ର ଜିସୁ ୱେସ୍ତେଞ୍ଜି, ବାଃଏ, ଏମ୍ୱେନାରିକି ମୁଲାପେନୁତି କାତା ୱେଞ୍ଜିନ୍ନେରି ଅଟେ ପାଲ୍ନି ଆଇନ୍ନେରି, ଏୱାରି ଦନ୍ୟ ।
ଜୁନସତି ତୁର୍ରି
(ମାତିଉ ୧୨:୩୮–୪୨)
29 #
ମାତି ୧୬:୪; ମାର୍କ ୮:୧୨ ଦାଲ୍ଲା ହାବେ ଗୁଟ୍ଟୁ ଗୁଟ୍ଟୁ ଆନାହି ଜିସୁ ରେଃଏସ୍ ରପାଟ୍ଟେ ଆଇଚ୍ଚି ତୁକାତାୱା ଏୱାଞ୍ଜି ୱେସ୍ପନ୍ ମ୍ରାସ୍ତେଞ୍ଜି, “ଇ ହାଦାଡ଼୍ତି କୁଇଙ୍ଗ୍ ଡ଼ଃଆନାରି; ଇୱାରି ତୁର୍ରି ଦାହ୍ପିନ୍ନେରି, ମତ୍ର ଜୁନସତି ତୁର୍ରି ପିହାନ୍ ବିହି ଇମ୍ୱିନ୍ ତୁର୍ରି ଏୱାରିକି ହିୱାଆଃଏ । 30ଇନାକି ଜୁନସ ଇନିମିଡି ନିନିବି ଦାଲ୍ଲା ବାଗା ତୁର୍ରି ଲାକ୍କା ଆତେଞ୍ଜି, କୁଏଞ୍ଜ୍ ମ୍ରିଃଏଞ୍ଜି ୱାଡ଼େ ଏହେଙ୍ଗିସି ଇ ହାଦାଡ଼୍ତି କୁଇଙ୍ଗ୍ ବାଗା ତୁର୍ରି ଆନେଞ୍ଜି । 31ୱେଲାରାସି ଇନ୍ଦେଟ୍ ମାନ୍ନି ଦେସାତି ରାଡ଼ିଆଲୁ ବିଚାରତାୱା ଇ କାଲାତି କୁଏଞ୍ଜି ଡ଼ାହି ନିଙ୍ଗାନ୍ ଇୱାରିକି ଦୁସି ହିନେ, ଇନାକି ଏଦି ସଲମନତି ଗ୍ୟାଁନ କାତା ୱେନ୍ବନ୍ ବାଗା ପୁର୍ତିତି ଗାପ୍ଚି ଦେହାଟି ୱାଚ୍ଚେ; ଆଟେ ହୁଡ଼ାଟୁ, ସଲମନ ତାୱାଟି ଗାପ୍ଚି ବେର୍ କୁଲା ଇ ଗର୍ରିତାୱା ମାନ୍ନେ । 32ନିନିବିତି ଦାଲ୍ଲା ବିଚାରତାୱା ଇ କାଲାତି କୁଇଙ୍ଗ୍ ଡ଼ାହି ନିଙ୍ଗାନ୍ ଇୱାରିକି ଦୁସି କିନେରି, ଇନାକି ଏୱାରି ଜୁନସତି ପ୍ରଚାରତାୱା ଏଲୁୱ୍ଡେପ୍ଚାଚ୍ଚେରି, ଆଟେ ହୁଡ଼ାଟୁ, ଜୁନସ ତାୱାଟି ଗାପ୍ଚି ବେର୍ କୁଲା ଇ ଗର୍ରିତାୱା ମାନ୍ନେ ।”
ଗାଣ୍ଡିତି ଅଲା
(ମାତିଉ ୫:୧୫; ୬:୨୨–୨୩)
33 #
ମାତି ୫:୧୫; ମାର୍କ ୪:୨୧; ଲୁକ ୮:୧୬ “ଏମ୍ୱେ ଡୁବ୍ବି ପ୍ରୁସାନ୍ ହୁଃଡ଼ାନ୍ ବାକ୍ରାତାୱା କି ମାଡ଼ା ନେତେ ଇଟ୍ଟେହେଃଲ୍ଲେରି, ମତ୍ର ଡୁବ୍ବି ମୁଣ୍ଡାତାୱା ଇଟ୍ଟେନ୍ନେରି, ଇନିମିଡିକି ଲାଃଇ ହଲ୍ବିନ୍ନି ଦାଲ୍ଲା ଅଲା ହୁଡ଼ନ୍ ମୁନେରି । 34ନି କାନ୍ନୁ ଆଇନେ ମୁକ୍କେଲ୍ ଗାଣ୍ଡିତି ଅଲା । ଜଦି ନି କାନ୍ନୁ ନେହି ମାନ୍ନେ, ଇଚ୍ଚେସି ନି ମୁକ୍କେଲ୍ ଗାଣ୍ଡି ହାବେ ଅଲା ଆନେ; ମତ୍ର ଏଚ୍ଚିକିଃଆ ମି କାନ୍ନୁ ଡ଼ଃଆନାଦି ଆଇନେ ଇଚ୍ଚେସି, ମି ଗାଣ୍ଡି ଆନ୍ଦେର୍ ଆଇନେ । 35ଆଟେ ୱାଡ଼େ ନେହେନ୍ ବାସାଆଦୁ, ଇନିମିଡି ମି ହଡାଙ୍ଗ୍ତି ଅଲା ଆନ୍ଦେର୍ ଆଃଏ । 36ଏଦାକି ଜଦି ମି ଗାଣ୍ଡି ହାବେ ଅଲା ଆନେ ଅଟେ ଏମ୍ୱାତି ଇମ୍ୱିନ୍ ପାହେଡ଼୍ ଆନ୍ଦେର୍ ହେଃଲ୍ଲେଏ, ଏହେଙ୍ଗ୍ ଆତେସି ଡୁବ୍ବି ଇନିମିଡି ଏଗେଲ୍ ଅଲା ଡ଼ାହି ମିଙ୍ଗେ ଅଲା ହିଆନେ, ଏଚିଲାକ୍କା ମି ହାବେତ୍ ଗାଣ୍ଡି ଅଲା ଆନେ ।”
ଜିସୁ ପାରୁସି ଅଟେ ସାସ୍ତ୍ରିଙ୍ଗ୍ନିକି ଦୁସ ହିତେଞ୍ଜି
(ମାତିଉ ୨୩:୧–୩୬; ମାର୍କ ୧୨:୩୮–୪୦)
37ଜିସୁ କାତା ୱେସ୍ପିଚ୍ଚି ତୁକାତାୱା ରଃଅଞ୍ଜି ପାରୁସି ତାଙ୍ଗେ ତା ଇଜ୍ଜା ହିମ୍ୱା ଉନ୍ବନ୍ ବାଗା ଆର୍ତେଞ୍ଜି, ଆଟେ ଜିସୁ ଇଡ୍ଡୁତାୱା ହଲ୍ଜାନାହି ଉନ୍ବନ୍ ବାଗା କକ୍ତେଞ୍ଜି । 38ମତ୍ର ଉଃନ୍ନାନ୍ କାହେ ତାନୁ ଜେ କାଜ୍ଜୁ ନଗ୍ଜା ହେଃଲ୍ଲାତେଞ୍ଜି, ଇଦା ପୁଞ୍ଜାନ୍ ପାରୁସି ଆକ୍କାବାଡ଼ାଙ୍ଗ୍ ଆତେଞ୍ଜି । 39ଏମ୍ବା ଦାର୍ମୁ ତାଙ୍ଗେ ୱେସ୍ତେଞ୍ଜି, ମିରୁ ପାରୁସିଙ୍ଗ୍ନାତେର୍ ପାଃଏ ଗିନ୍ନା ଅଟେ ଚଡ଼ିଆତି ୱାର୍ରି କାଟ ନବ୍ଗିଞ୍ଜେରି, ମତ୍ର ମି ଲାଃଇ କୁଟୁ ଅଟେ ଡ଼ଃଆନ୍ କୁଲାଟି ନେଞ୍ଜାନ୍ନେ । 40ଏ ମୁର୍କଗାଟାତାତେରି, ଏମ୍ୱେନାଞ୍ଜି କୁଃଏଟ୍ ୱାଡୁ କ୍ଲେହିତେଞ୍ଜି, ଏୱାଞ୍ଜି ଇନ୍ନା ଲାଃଇଟ୍ ୱାଡୁ ୱାଡ଼େ କ୍ଲେହାହେଃଲ୍ଲେଞ୍ଜି ? 41ମିରୁ ଇନ୍ନା ହାବେ ଉହି କିଆଞ୍ଜେରି ଏଦା ପାଃନାନାରିନିକି ପାହାହିଦୁ; ଏହେଙ୍ଗ୍ଆତେସ୍ ମିରୁ ଡ଼ାଙ୍ଗ୍ନା ପିର୍ରି ଆଦେରି ।
42ମତ୍ର ହାୟ, ଦଣ୍ଡ ପାଁନ୍ବନ୍ତି ପାରୁସିଙ୍ଗ୍ନାତେରି, ଇନାକି ମିରୁ ପଦିନା ଅଟେ ଆରୁଦ ଅଟେ ହାବେତ୍ କୁଚ୍ଚାଡେଲଙ୍ଗ୍ତି ଦସମାଂସ ହିଞ୍ଜେରି, ଆଟେ ନିୟେ ବିଚାର ଅଟେ ମୁଲାପେନୁତି ଜେଡା ଅବହେଲା କିଞ୍ଜେରି; ମତ୍ର ଇ ହାବେ ପାଲ୍ନି ଆଅନ୍ ଅଟେ ବିହିତାଃଆ ହାବେ ଅବହେଲା କିଅନ୍ ଉଚିତ୍ ଆଃଏ ।
43ହାୟ, ଦଣ୍ଡ ପାଁନ୍ବନ୍ତି ପାରୁସିଙ୍ଗ୍ନାତେର୍, ଇନାକି ମିରୁ ହାଜା ଇଡ୍ଡୁତାୱା ବେର୍ ବେର୍ ଗର୍ରି ଅଟେ ହାଟ୍ଟୁ ବଜାରତାୱା ଜୁହାରି ପାଁନ୍ବନ୍ ବାଗା ନେହି ପାଁଣ୍ଡିଞ୍ଜେରି । 44ହାୟ, ମିରୁ ଦଣ୍ଡ ପାଁନ୍ବନ୍ତାତେରି, ଇନାକି ମିରୁ ହୁଃଡ଼ାନ୍ ଗ୍ରିପାଙ୍ଗୁଟି ଡେହେଙ୍ଗ୍; ତା କୁଃଏଟି ତାକନ୍ତି ଦାଲ୍ଲା ଏଦି ଗ୍ରିପାଙ୍ଗୁଟି ଇଞ୍ଜାନ୍ ପୁଞ୍ଜେହେଃଲ୍ଲେରି ।
45ଏମ୍ୱାଟି ହାଜୁ ପୁତିତି କାତା ପୁନ୍ବନ୍ତାରି ତାୱାଟି ରଃଅଞ୍ଜି ଜିସୁନିକି ୱେସ୍ତେଞ୍ଜି, “ଏ ଗ୍ରାପାଗାଟାତି, ଇଦା ୱେସାନାହି ନିନୁ ମାଙ୍ଗେ ୱାଡ଼େ ଲେଜ୍ଜା କିଞ୍ଜାଦି ।”
46ଏୱାଞ୍ଜି ୱେସ୍ତେଞ୍ଜି, ହାୟ, ହାଜୁ ପୁତିତି କାତା ପୁନ୍ବନ୍ତାତେରି ଜେ ମିରୁ, ମିରୁ ୱାଡ଼େ ଦଣ୍ଡ ପାଁଣ୍ଡେରି, ଇନାକି ମିରୁ କୁଇଙ୍ଗ୍ତି ନେପିତାୱା ପିଗୁ କାଁଞ୍ଜୁ ମାଟ୍ଚା ହିଞ୍ଜେରି ଅଟେ ନିଜେ ରଣ୍ଡା ୱାଞ୍ଜୁ ଡ଼ାହି ୱାଡ଼େ ଏଦା ଡିଗାନ୍ ସାହାଜ୍ୟ କିହେଃଲ୍ଲେରି । 47ହାୟ, ମିରୁ ଦଣ୍ଡ ପାଁନ୍ବନ୍ତାତେରି, ଇନାକି ମିରୁ ବାବବାଦିଙ୍ଗ୍ତି ଗ୍ରିପାଙ୍ଗୁଟି କ୍ଲେହେଞ୍ଜେରି, ମତ୍ର ମି ଜୁଜୁଆକେଙ୍ଗ୍ ଏୱାରିକି ପାଗାଚ୍ଚେରି । 48ଏଦାକି ମି ଜୁଜୁଆକେଙ୍ଗ୍ତି କାମାତି କୁଲାଟି ମିରୁ ସାକି ମାଞ୍ଜେରି ଅଟେ ଏଦା ହାଁ ଇଞ୍ଜାନ୍ ୱେସ୍ପିଞ୍ଜେରି; ଇନାକି ଏୱାରି ପାଃଏ ଏୱାରିକି ପାଗିତେରି, ମତ୍ର ମିରୁ ଏୱାର୍ତି ଗ୍ରିପାଙ୍ଗୁଟି କ୍ଲେହେଞ୍ଜେରି । 49ଏଦାବାଗା ମୁଲାପେନୁ ୱାଡ଼େ ତା ପୁନ୍ବା ଡେହେଙ୍ଗ୍ ୱେସାଞ୍ଜାନେଞ୍ଜି, ନାନୁ ଏୱାରି ରେଃଏସ୍ ବାବବାଦିଙ୍ଗ୍ନିକି ଅଟେ ପେରିତଙ୍ଗ୍ନିକି ପାଣ୍ଡିଦାଃଇ; ଏୱାର୍ତାୱାଟି ଇନ୍ଦା ଇନ୍ଦାରିକି ଏୱାରି ପାଗିନେରି ଅଟେ ଇନ୍ଦା ଇନ୍ଦାରିକି ବିହାନପୁ ହିନେରି, 50ଇନିମିଡି ହେବଲତି ରାକ୍କାଟିଆଟି ଇମ୍ୱିନ୍ ଜିକରିୟ ଲାକାବେଦି ଅଟେ ମନ୍ଦିରତି ମାଦ୍ଦେ ମାନ୍ନି ପିର୍ନି ଗର୍ରିତାୱା ହାତେଞ୍ଜି, ତା ରାକ୍କା ଟିକ୍ନା ଇ ପୁର୍ତି ମ୍ରାନ୍ଦନ୍ତାୱାଟି ଏଚ୍ଚେ ବାବବାଦିଙ୍ଗ୍ତି ରାକ୍କା ବଙ୍ଗାନ୍ନେ, 51ହେବଲନିକି ପାଗନ୍ତାୱାଟି ମ୍ରାସାନାହି ଜିକରିୟ ଟିକ୍ନା ଇନ୍ଦାରିକି ମନ୍ଦିରତି ପିର୍ନି ଗର୍ରି ଅଟେ ଲାକାବେଦିତି ମାଦ୍ଦି ପାଗନ୍ ଆଚ୍ଚେ । ଏଦାକି ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇ କାଲାତି ଦାଲ୍ଲା ଏ ହାବେତାରି ବାଗାଟି ଦଣ୍ଡ ପାଁନେରି ।
52ହାୟ, ହାଜୁ ପୁତି ପୁଞ୍ଜାନ୍ନାତାତେରି ମି ବାଗା ଗାପ୍ଚି ଦଣ୍ଡ ମାନ୍ନେ, ମିରୁ ଗ୍ୟାଁନତି କୁଚ୍ଚିକିଲା ମିଞ୍ଜିତେରି, ମିରୁ ନିଜେ ହଃଲାତେରି, ଆଟେ ହଲ୍ବନ୍ ବାଗାଟି ଇଚ୍ଚା କିନ୍ନି ଦାଲ୍ଲାନିକି ଆଃଏ କିତେରି ।
53ଆଟେ ଏୱାଞ୍ଜି ଏମ୍ୱାଟି ହଚାନ୍ ହାଚ୍ଚାୱିଃଆଟି ସାସ୍ତ୍ରି ଅଟେ ପାରୁସିଙ୍ଗ୍ ଏଗେଲ୍ ହେଃଏସ୍ ଆନାହି, 54ତା କାତାତି ବୁଲ୍ ଆହ୍ପନ୍ ବାଗା ତାଙ୍ଗେ ଏଗେଲ୍ ୱେନ୍ବନ୍ ମ୍ରାସ୍ତେରି ।
Currently Selected:
ଲୁକ 11: DWK
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
ଲୁକ 11
11
ଜିସୁ ପ୍ରାତ୍ନା କୁଲାଟି ଗ୍ରାପନ୍
(ମାତିଉ ୬:୯–୧୩; ୭:୭–୧୧)
1ରନେସି ଜିସୁ ଇମ୍ୱିନ୍ ଗର୍ରିତାୱା ପ୍ରାତ୍ନା କିଚ୍ଚେଞ୍ଜି; ତାନୁ ପ୍ରାତ୍ନା ୱିହି କିଅନେଃଏ, ତା ଗ୍ରାମ୍ବାଗାଟାରି ତାୱାଟି ରଃଅଞ୍ଜି ୱେସ୍ତେଞ୍ଜି, “ଏ ଦାର୍ମୁ, ଡୁବନ୍ ହିନ୍ନି ଜହନ ଇନିମିଡି ତା ଗ୍ରାମ୍ୱାଗାଟାରିକି ପ୍ରାତ୍ନା କିଅନ୍ ବାଗା ଗ୍ରାପ୍ତେଞ୍ଜି, ନିନୁ ୱାଡ଼େ ଏଚିଲାକ୍କା ମାଙ୍ଗେ ପ୍ରାତ୍ନା କିଅନ୍ ଗ୍ରାପ୍ତାମୁ ।”
2ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ଏଚ୍ଚିକିଃଆ ମିରୁ ପ୍ରାତ୍ନା କିଦେରି, ଏଚିତୁକାତାୱା ଇହିଙ୍ଗିସି ୱେସ୍ଦୁ,
ଆବା,
ନି ପାରୁ ପିର୍ନି ଇଞ୍ଜାନ୍ ମାନି ଆପାକାଦି ।
ନି ରାଜି ୱାପାକାଦି ।
3ହାବେ ଦିନା ମାଙ୍ଗେ ତିନ୍ବା ପଡ଼ି ହିଆମୁ ।
4ମା ପାପ ହାବେ ମାକ୍ସାଡ଼ି କିଆମୁ,
ଇନାକି ମାମୁ ୱାଡ଼େ ମା ମା ବିରୁଦିଗାଟାରିକି ମାକ୍ସାଡ଼ି କିନାମୁ ।
ପରିକ୍ୟାତାୱା ମାଙ୍ଗେ ତାଚ୍ଚିୱାଃଆ ।”
5ଆଟେ ଜିସୁ ଏୱାରିକି ୱେସ୍ତେଞ୍ଜି, “ମିଙ୍ଗେ ଇନ୍ଦାରିକି ଇହିଙ୍ଗ୍ତି ତଡ଼େଞ୍ଜି ମାନ୍ନେଞ୍ଜ୍ମା, ଇନ୍ଦାର୍ ରେଃଏସ୍ ଡାଡ଼ିଙ୍ଗ୍ ତୁଲେକିଃଆ ଏୱାଞ୍ଜି ହାଜ୍ଜାନ୍ ୱେସ୍ନେଞ୍ଜି, ଏ ତଡ଼େ ନାଙ୍ଗେ ମୁଞ୍ଜା ରୁଟିଙ୍ଗ୍ ଉଦେର୍ ହିଆମୁ, 6ଇନାକି ନା ତଡ଼େଞ୍ଜି ନା ରେଃଏସ୍ ୱାନ୍ ମାନ୍ନେଞ୍ଜି, ତାଙ୍ଗେ ହିଅନ୍ ବାଗା ନା ରେଃଏସ୍ ଇନ୍ନା ହେଃଲ୍ଲ, 7ଆଟେ ଏୱାଞ୍ଜି ଇଡ୍ଡୁ ଲାଃଇ ମାଞ୍ଜାନ୍ ଇହିଙ୍ଗିସି ୱ୍ଡେପ୍ଚ୍ଚି ୱେସ୍ତେଞ୍ଜି, ନାଙ୍ଗେ ବିସ୍କି କିଆଦାଃଆ; ଦାରା ଟୁଣ୍ଡାଆତେ, ଆଟେ ନା ବଦାଙ୍ଗ୍ ନା ଡ଼ାହି ହୁଞ୍ଜାନ୍ନେରି; ନାନୁ ନିଙ୍ଗାନ୍ ନିଙ୍ଗେ ହିଅନ୍ ମୁତାଦାଃଏନୁ । 8ନାନୁ ମିଙ୍ଗେ ୱେସ୍ପିଞ୍ଜା, ଏୱାଞ୍ଜି ତା ତଡ଼େଞ୍ଜି ଆନ୍ନି ବାଗାଟି ତାଙ୍ଗେ ନିଙ୍ଗାନ୍ ହିଃଏଞ୍ଜି, ଆତେସ୍ୱାଡ଼େ ଏୱାଞ୍ଜି ଲେଜ୍ଜା ଆଃଏଟେଃଏ ଲାଗ୍ଗେ ଲାଗ୍ଗେ ୱ୍ରିହ୍ପିନ୍ନି ବାଗାଟି ଏୱାଞ୍ଜି ନିଙ୍ଗାନ୍, ଏୱାଞ୍ଜିକି ଇନ୍ନା ଦରକାର, ଏୱା ତାଙ୍ଗେ ହିନେଞ୍ଜି ।
9ନାନୁ ୱାଡ଼େ ମିଙ୍ଗେ ୱେସ୍ପିଞ୍ଜା, ୱ୍ରିହ୍ଦୁ ମିଙ୍ଗେ ହିୱା ଆନେ, ଦାହ୍ଦୁ ମିରୁ ପାଁଣ୍ଡେରି; ଦାରାତାୱା ୱେଦୁ, ମି ବାଗାଟି ଗେର୍ପା ଆନେ । 10ଇନାକି ଏମ୍ୱେନାଞ୍ଜି ୱ୍ରିହ୍ନେଞ୍ଜି, ଏୱାଞ୍ଜିକି ହିୱା ଆନେ, ଏମ୍ୱେନାଞ୍ଜି ଦାହ୍ନେଞ୍ଜି ଏୱାଞ୍ଜି ପାଁନେଞ୍ଜି; ଆଟେ ଏମ୍ୱେନାଞ୍ଜି ଦାରାତାୱା ୱେନେଞ୍ଜି, ଏୱାଞ୍ଜ୍ ବାଗାଟି ଦାରା ଗେର୍ପା ଆନେ । 11ଆଟେ ମି ତାୱା ଇହିଙ୍ଗିସି ଆବା ଏମ୍ୱେନାଞ୍ଜି ମାନ୍ନେଞ୍ଜି, ଏମ୍ବେନାଞ୍ଜିକି ତା ମ୍ରିଃଏଞ୍ଜି ମିନୁ ୱ୍ରିହ୍ତେସି ତାନୁ ଏୱାଞ୍ଜିକି ମିନୁ ହିଃଏଟେଃଏ ରାଚୁ ହିନେଞ୍ଜି ? 12କି ମେଞ୍ଜୁ ୱ୍ରିହ୍ତେସି ତାନୁ ଏୱାଞ୍ଜିକି କାଚ୍ଚାଜାନା ହିନେଞ୍ଜି ? 13ଏଦାକି ମିରୁ ଡ଼ଃଆନାତେରି ଆତେସ୍ୱାଡ଼େ ମି ମି ବଦାଙ୍ଗ୍ନିକି ନିଗ୍ଗାଗାଟି ଦାନ ହିଅନ୍ ପୁଞ୍ଜିଞ୍ଜେରି, ଏହେଙ୍ଗ୍ ଆତେସି ଇମ୍ୱିନ୍ ଆବା ସର୍ଗଟି ଦାନ ହିଞ୍ଜାନେଞ୍ଜି, ଏୱାଞ୍ଜି ତାଙ୍ଗେ ୱ୍ରିହ୍ପିନ୍ନି ଦାଲ୍ଲାନିକି ଏଚ୍ଚେ ଏଗେଲ୍ ପିର୍ନି ଡିଙ୍ଗା ହିଃଏଞ୍ଜି ?”
ଜିସୁ ଅଟେ ବାଲ୍ଜିବୁଲ୍
(ମାତିଉ ୧୨:୨୨–୩୦; ମାର୍କ ୩:୨୦–୨୭)
14ଜିସୁ ରଃଅଞ୍ଜି ବୁତ ଆହାଚ୍ଚି କାତା ପୁଃନ୍ନାନ୍ କୁଏଞ୍ଜିକି ନେହି କିତେଞ୍ଜି, ଏଚ୍ଚିକିଃଆ ବୁତ ପିହ୍ତେ, ଏ କୁଏଞ୍ଜି କାତା ୱେସ୍ପନ୍ ମ୍ରାସ୍ତେଞ୍ଜି ! ଦାଲ୍ଲା ଏଦା ହୁଡ଼ାନ୍ ଆକ୍କାବାଡ଼ାଙ୍ଗ୍ ଆତେରି । 15#ମାତି ୯:୩୪; ୧୦:୨୫ମତ୍ର ଏୱାରି ଟିଆଟି ଏମ୍ୱେ ଏମ୍ୱେ ୱେସ୍ତେରି, “ଏୱାଞ୍ଜି ବୁତଙ୍ଗ୍ତି ଗାମିନାଞ୍ଜି ବାଲ୍ଜିବୁଲ୍ତି ସାହାଜ୍ୟଟି ବୁତଙ୍ଗ୍ ପିହ୍ପିକିନ୍ନେଞ୍ଜି ।”
16 #
ମାତି ୧୨:୩୮; ୧୬:୧; ମାର୍କ ୮:୧୧ ବିହିତାରି ଜିସୁନିକି ପରିକ୍ୟା କିଅନ୍ତି ଉଦେସିଆଟି ତାଙ୍ଗେ ଜାଗ୍ଗୁଟି ରଣ୍ଡା ତୁର୍ରି ୱ୍ରିହ୍ତେରି । 17ମତ୍ର ଜିସୁ ଏୱାର୍ତି ମନତି କାତା ପୁଞ୍ଜାନ୍ ଏୱାରିକି ୱେସ୍ତେଞ୍ଜି, “ଜଦି ଇମ୍ୱିନ୍ ରାଜି ଆଙ୍ଗେ ଆନାହି ତା ବିରୁଦିଆଟି ନିଙ୍ଗେନ୍ନେ, ଇଚ୍ଚେସି ଏଦି ଲେଙ୍ଗିନେ, ଆଟେ ଇଡ୍ଡୁ କୁଃଏଟି ଇଡ୍ଡୁ ବାସାଆଃଏ ।” 18ଆଟେ ସଇତାନ ୱାଡ଼େ ଜଦି ରି ବାଗା ଆନାହି ତା ବିରୁଦତାୱା ନିଙ୍ଗେନ୍ନେ, ଏହେଙ୍ଗ୍ ଆତେସି ତା ରାଜି ଇନିମିଡି ରଞ୍ଜାନ୍ ବାସାଆନେ ? ନାନୁ ବାଲ୍ଜିବୁଲ୍ତି ସାହାଜ୍ୟ ଡ଼ାହି ବୁତଙ୍ଗ୍ତିଦି ପିହ୍ପି କିମାଃଇ ଇଞ୍ଜାନ୍ ମିରୁ ୱେସ୍ପିଞ୍ଜେରି । 19ମତ୍ର ନାନୁ ଜଦି ବାଲ୍ଜିବୁଲ୍ତି ସାହାଜ୍ୟଟି ବୁତଙ୍ଗ୍ତିଦି ପିହ୍ପି କିମାଃଇ, ଏହେଙ୍ଗ୍ ଆତେସି ନି ମ୍ରିକା ଇନ୍ଦାର୍ ସାହାଜ୍ୟଟି ବୁତଙ୍ଗ୍ ପିହ୍ପି କିନ୍ନେରି ? ଏଦାକି ମି ଦାଲ୍ଲାନେଃଏ ମିଙ୍ଗେ ବିଚାର କିଅନ୍ତାରି ଆନେରି । 20ନାନୁ ଜଦି ମୁଲାପେନୁତି ବଲ ଡ଼ାହି ବୁତଙ୍ଗ୍ତିଦି ପିହ୍ପି କିମାଃଇ, ଏହେଙ୍ଗ୍ ଆତେସି ତ ଦାର୍ମୁତି ରାଜି ମି ରେଃଏସ୍ ଏତାତ୍ଦେ ।
21ବଲଗାଟି କୁଏଞ୍ଜି ଏଚ୍ଚେକ୍ ଟିକ୍ନା ଦୁର୍ଗୁଙ୍ଗ୍ ଡ଼ାହି ହାମ୍ୱେର୍ ଆନ୍ ବାସାଆନାହି ତା ନାଜୁ ରକ୍ୟା କିନ୍ନେଞ୍ଜି, ଏଚି ଟିକ୍ନା ତା ଦନ ନେହେନ୍ ବାସାଆଇନେ; 22ମତ୍ର ଏଚ୍ଚିକିଃଆ ତା ତାୱାଟ୍ ଏଗେଲ୍ ବଲଗାଟାଞ୍ଜି ୱାନ୍ ଏୱାଞ୍ଜି ଡ଼ାହି ଜୁଜ୍ଜି ଆନ୍ ଜିତି ଆଇନ୍ନେଞ୍ଜି, ଏଚିତୁକାତାୱା ଇମ୍ୱିନ୍ ଦୁର୍ଗୁତାୱା ତା ନାର୍ରା ମାଚ୍ଚେ, ଏୱା ହାବେ ଏୱାଞ୍ଜି ମିଞ୍ଜାନ୍ ଅନେଞ୍ଜି, ଆଟେ ତା ମିଞ୍ଜାଚ୍ଚି ଦନ ହାବେ ପାହାନ୍ ଅନେଞ୍ଜି ।
23 #
ମାର୍କ ୯:୪୦
ଏମ୍ୱେନାଞ୍ଜି ନାପେଟ୍ ହେଃଲ୍ଲେଞ୍ଜି, ଏୱାଞ୍ଜି ନା ବିରୁଦିଗାଟାଞ୍ଜି; ଆଟେ ଏମ୍ୱେନାଞ୍ଜି ନା ଡ଼ାହି ଉହି କିହେଃଲ୍ଲେଞ୍ଜି, ଏୱାଞ୍ଜି ବାରାୱିତି କିନ୍ନେଞ୍ଜି ।
ବୁତ ୱ୍ଡେଚି ୱାଅନ୍
(ମାତିଉ ୧୨:୪୩–୪୫)
24ଡ଼ଃଆନ୍ ଡିଙ୍ଗା ରଃଅଞ୍ଜି କୁଏଞ୍ଜ୍ତାୱାଟି ହଚାନ୍ ହାଚ୍ଚି ଡେଗ୍ଗା ଏଜୁ ହେଃଲ୍ଲାନ୍ ଗର୍ରିଙ୍ଗ୍ ହାବେ ତ୍ରେଜାନାହି ଜାମ୍ୱନ୍ ଦାହ୍ପିନ୍ନେ, ଆଟେ ଜାମ୍ୱନ୍ତି ଗର୍ରି ପାଃନେଟେଃଏ ୱେସ୍ପିନ୍ନେ, ନାନୁ ଇମ୍ୱିନ୍ ଇଡ୍ଡୁଟି ହଚାନ୍ ୱାଚ୍ଚେ, ନା ଏ ଇଡ୍ଡୁଇନ୍ଦା ୱ୍ଡେଚାନ୍ ହାଃଇ; 25ଆଟେ ବୁତ ୱାନ୍ ଏ ଇଡ୍ଡୁ ନଗ୍ଜାନ୍ ଅଟେ ନେହେନ୍ ରହାନ୍ନାଦାଃଆ ହୁଡ଼ିତେ । 26ଏଚିତୁକାତାୱା ଏ ଡ଼ଃଆନ୍ ଡିଙ୍ଗା ହାଜ୍ଜାନ୍ ତା ତାୱାଟି ଗାପ୍ଚି ଡ଼ଃଆନ୍ ଆଟେ ଅଡ଼ି ଗଟ୍ଟା ଡିଙ୍ଗାଙ୍ଗ୍ ତା ଡ଼ାହି ଆହାନ୍ ୱାଇନେ, ଆଟେ ଏୱା ହଲ୍ଜାନାହି ଏଦିମ୍ୱା ବାସାଆଇନୁ, ଆଟେ ଏ କୁଏଞ୍ଜ୍ତି କାହେତ୍ ଦଣ୍ଡ ତାୱାଟ୍ ଡେଗ୍ଗାତ୍ ଦଣ୍ଡ ଏଗେଲ୍ ଡ଼ଃଆନାଦି ଆନେ ।
ବାକ୍ୟ ପାଲ୍ନି ଆଅନ୍ତାଞ୍ଜି ଦନ୍ୟ
27ଏୱାଞ୍ଜି ଇ ହାବେତ୍ କାତା ୱେସ୍ପିଚ୍ଚି ତୁକାତାୱା ଦାଲ୍ଲା ତାୱାଟି ରଣ୍ଡି ଆଚାଲୁ ଗଜେଲ୍ ଆନ୍ ୱେସ୍ତେ, “ଦନ୍ୟ ଏ ଇୟା, ଏମ୍ୱେନାଦିକି ନିଙ୍ଗେ ଟୁଟୁତାୱା ଆହାଞ୍ଜାତେ ଆଟେ ଏ ରାଙ୍ଗୁ ଇମ୍ୱିନାୱାଟି ନିନୁ ଉଟ୍ଟି ।”
28ମତ୍ର ଜିସୁ ୱେସ୍ତେଞ୍ଜି, ବାଃଏ, ଏମ୍ୱେନାରିକି ମୁଲାପେନୁତି କାତା ୱେଞ୍ଜିନ୍ନେରି ଅଟେ ପାଲ୍ନି ଆଇନ୍ନେରି, ଏୱାରି ଦନ୍ୟ ।
ଜୁନସତି ତୁର୍ରି
(ମାତିଉ ୧୨:୩୮–୪୨)
29 #
ମାତି ୧୬:୪; ମାର୍କ ୮:୧୨ ଦାଲ୍ଲା ହାବେ ଗୁଟ୍ଟୁ ଗୁଟ୍ଟୁ ଆନାହି ଜିସୁ ରେଃଏସ୍ ରପାଟ୍ଟେ ଆଇଚ୍ଚି ତୁକାତାୱା ଏୱାଞ୍ଜି ୱେସ୍ପନ୍ ମ୍ରାସ୍ତେଞ୍ଜି, “ଇ ହାଦାଡ଼୍ତି କୁଇଙ୍ଗ୍ ଡ଼ଃଆନାରି; ଇୱାରି ତୁର୍ରି ଦାହ୍ପିନ୍ନେରି, ମତ୍ର ଜୁନସତି ତୁର୍ରି ପିହାନ୍ ବିହି ଇମ୍ୱିନ୍ ତୁର୍ରି ଏୱାରିକି ହିୱାଆଃଏ । 30ଇନାକି ଜୁନସ ଇନିମିଡି ନିନିବି ଦାଲ୍ଲା ବାଗା ତୁର୍ରି ଲାକ୍କା ଆତେଞ୍ଜି, କୁଏଞ୍ଜ୍ ମ୍ରିଃଏଞ୍ଜି ୱାଡ଼େ ଏହେଙ୍ଗିସି ଇ ହାଦାଡ଼୍ତି କୁଇଙ୍ଗ୍ ବାଗା ତୁର୍ରି ଆନେଞ୍ଜି । 31ୱେଲାରାସି ଇନ୍ଦେଟ୍ ମାନ୍ନି ଦେସାତି ରାଡ଼ିଆଲୁ ବିଚାରତାୱା ଇ କାଲାତି କୁଏଞ୍ଜି ଡ଼ାହି ନିଙ୍ଗାନ୍ ଇୱାରିକି ଦୁସି ହିନେ, ଇନାକି ଏଦି ସଲମନତି ଗ୍ୟାଁନ କାତା ୱେନ୍ବନ୍ ବାଗା ପୁର୍ତିତି ଗାପ୍ଚି ଦେହାଟି ୱାଚ୍ଚେ; ଆଟେ ହୁଡ଼ାଟୁ, ସଲମନ ତାୱାଟି ଗାପ୍ଚି ବେର୍ କୁଲା ଇ ଗର୍ରିତାୱା ମାନ୍ନେ । 32ନିନିବିତି ଦାଲ୍ଲା ବିଚାରତାୱା ଇ କାଲାତି କୁଇଙ୍ଗ୍ ଡ଼ାହି ନିଙ୍ଗାନ୍ ଇୱାରିକି ଦୁସି କିନେରି, ଇନାକି ଏୱାରି ଜୁନସତି ପ୍ରଚାରତାୱା ଏଲୁୱ୍ଡେପ୍ଚାଚ୍ଚେରି, ଆଟେ ହୁଡ଼ାଟୁ, ଜୁନସ ତାୱାଟି ଗାପ୍ଚି ବେର୍ କୁଲା ଇ ଗର୍ରିତାୱା ମାନ୍ନେ ।”
ଗାଣ୍ଡିତି ଅଲା
(ମାତିଉ ୫:୧୫; ୬:୨୨–୨୩)
33 #
ମାତି ୫:୧୫; ମାର୍କ ୪:୨୧; ଲୁକ ୮:୧୬ “ଏମ୍ୱେ ଡୁବ୍ବି ପ୍ରୁସାନ୍ ହୁଃଡ଼ାନ୍ ବାକ୍ରାତାୱା କି ମାଡ଼ା ନେତେ ଇଟ୍ଟେହେଃଲ୍ଲେରି, ମତ୍ର ଡୁବ୍ବି ମୁଣ୍ଡାତାୱା ଇଟ୍ଟେନ୍ନେରି, ଇନିମିଡିକି ଲାଃଇ ହଲ୍ବିନ୍ନି ଦାଲ୍ଲା ଅଲା ହୁଡ଼ନ୍ ମୁନେରି । 34ନି କାନ୍ନୁ ଆଇନେ ମୁକ୍କେଲ୍ ଗାଣ୍ଡିତି ଅଲା । ଜଦି ନି କାନ୍ନୁ ନେହି ମାନ୍ନେ, ଇଚ୍ଚେସି ନି ମୁକ୍କେଲ୍ ଗାଣ୍ଡି ହାବେ ଅଲା ଆନେ; ମତ୍ର ଏଚ୍ଚିକିଃଆ ମି କାନ୍ନୁ ଡ଼ଃଆନାଦି ଆଇନେ ଇଚ୍ଚେସି, ମି ଗାଣ୍ଡି ଆନ୍ଦେର୍ ଆଇନେ । 35ଆଟେ ୱାଡ଼େ ନେହେନ୍ ବାସାଆଦୁ, ଇନିମିଡି ମି ହଡାଙ୍ଗ୍ତି ଅଲା ଆନ୍ଦେର୍ ଆଃଏ । 36ଏଦାକି ଜଦି ମି ଗାଣ୍ଡି ହାବେ ଅଲା ଆନେ ଅଟେ ଏମ୍ୱାତି ଇମ୍ୱିନ୍ ପାହେଡ଼୍ ଆନ୍ଦେର୍ ହେଃଲ୍ଲେଏ, ଏହେଙ୍ଗ୍ ଆତେସି ଡୁବ୍ବି ଇନିମିଡି ଏଗେଲ୍ ଅଲା ଡ଼ାହି ମିଙ୍ଗେ ଅଲା ହିଆନେ, ଏଚିଲାକ୍କା ମି ହାବେତ୍ ଗାଣ୍ଡି ଅଲା ଆନେ ।”
ଜିସୁ ପାରୁସି ଅଟେ ସାସ୍ତ୍ରିଙ୍ଗ୍ନିକି ଦୁସ ହିତେଞ୍ଜି
(ମାତିଉ ୨୩:୧–୩୬; ମାର୍କ ୧୨:୩୮–୪୦)
37ଜିସୁ କାତା ୱେସ୍ପିଚ୍ଚି ତୁକାତାୱା ରଃଅଞ୍ଜି ପାରୁସି ତାଙ୍ଗେ ତା ଇଜ୍ଜା ହିମ୍ୱା ଉନ୍ବନ୍ ବାଗା ଆର୍ତେଞ୍ଜି, ଆଟେ ଜିସୁ ଇଡ୍ଡୁତାୱା ହଲ୍ଜାନାହି ଉନ୍ବନ୍ ବାଗା କକ୍ତେଞ୍ଜି । 38ମତ୍ର ଉଃନ୍ନାନ୍ କାହେ ତାନୁ ଜେ କାଜ୍ଜୁ ନଗ୍ଜା ହେଃଲ୍ଲାତେଞ୍ଜି, ଇଦା ପୁଞ୍ଜାନ୍ ପାରୁସି ଆକ୍କାବାଡ଼ାଙ୍ଗ୍ ଆତେଞ୍ଜି । 39ଏମ୍ବା ଦାର୍ମୁ ତାଙ୍ଗେ ୱେସ୍ତେଞ୍ଜି, ମିରୁ ପାରୁସିଙ୍ଗ୍ନାତେର୍ ପାଃଏ ଗିନ୍ନା ଅଟେ ଚଡ଼ିଆତି ୱାର୍ରି କାଟ ନବ୍ଗିଞ୍ଜେରି, ମତ୍ର ମି ଲାଃଇ କୁଟୁ ଅଟେ ଡ଼ଃଆନ୍ କୁଲାଟି ନେଞ୍ଜାନ୍ନେ । 40ଏ ମୁର୍କଗାଟାତାତେରି, ଏମ୍ୱେନାଞ୍ଜି କୁଃଏଟ୍ ୱାଡୁ କ୍ଲେହିତେଞ୍ଜି, ଏୱାଞ୍ଜି ଇନ୍ନା ଲାଃଇଟ୍ ୱାଡୁ ୱାଡ଼େ କ୍ଲେହାହେଃଲ୍ଲେଞ୍ଜି ? 41ମିରୁ ଇନ୍ନା ହାବେ ଉହି କିଆଞ୍ଜେରି ଏଦା ପାଃନାନାରିନିକି ପାହାହିଦୁ; ଏହେଙ୍ଗ୍ଆତେସ୍ ମିରୁ ଡ଼ାଙ୍ଗ୍ନା ପିର୍ରି ଆଦେରି ।
42ମତ୍ର ହାୟ, ଦଣ୍ଡ ପାଁନ୍ବନ୍ତି ପାରୁସିଙ୍ଗ୍ନାତେରି, ଇନାକି ମିରୁ ପଦିନା ଅଟେ ଆରୁଦ ଅଟେ ହାବେତ୍ କୁଚ୍ଚାଡେଲଙ୍ଗ୍ତି ଦସମାଂସ ହିଞ୍ଜେରି, ଆଟେ ନିୟେ ବିଚାର ଅଟେ ମୁଲାପେନୁତି ଜେଡା ଅବହେଲା କିଞ୍ଜେରି; ମତ୍ର ଇ ହାବେ ପାଲ୍ନି ଆଅନ୍ ଅଟେ ବିହିତାଃଆ ହାବେ ଅବହେଲା କିଅନ୍ ଉଚିତ୍ ଆଃଏ ।
43ହାୟ, ଦଣ୍ଡ ପାଁନ୍ବନ୍ତି ପାରୁସିଙ୍ଗ୍ନାତେର୍, ଇନାକି ମିରୁ ହାଜା ଇଡ୍ଡୁତାୱା ବେର୍ ବେର୍ ଗର୍ରି ଅଟେ ହାଟ୍ଟୁ ବଜାରତାୱା ଜୁହାରି ପାଁନ୍ବନ୍ ବାଗା ନେହି ପାଁଣ୍ଡିଞ୍ଜେରି । 44ହାୟ, ମିରୁ ଦଣ୍ଡ ପାଁନ୍ବନ୍ତାତେରି, ଇନାକି ମିରୁ ହୁଃଡ଼ାନ୍ ଗ୍ରିପାଙ୍ଗୁଟି ଡେହେଙ୍ଗ୍; ତା କୁଃଏଟି ତାକନ୍ତି ଦାଲ୍ଲା ଏଦି ଗ୍ରିପାଙ୍ଗୁଟି ଇଞ୍ଜାନ୍ ପୁଞ୍ଜେହେଃଲ୍ଲେରି ।
45ଏମ୍ୱାଟି ହାଜୁ ପୁତିତି କାତା ପୁନ୍ବନ୍ତାରି ତାୱାଟି ରଃଅଞ୍ଜି ଜିସୁନିକି ୱେସ୍ତେଞ୍ଜି, “ଏ ଗ୍ରାପାଗାଟାତି, ଇଦା ୱେସାନାହି ନିନୁ ମାଙ୍ଗେ ୱାଡ଼େ ଲେଜ୍ଜା କିଞ୍ଜାଦି ।”
46ଏୱାଞ୍ଜି ୱେସ୍ତେଞ୍ଜି, ହାୟ, ହାଜୁ ପୁତିତି କାତା ପୁନ୍ବନ୍ତାତେରି ଜେ ମିରୁ, ମିରୁ ୱାଡ଼େ ଦଣ୍ଡ ପାଁଣ୍ଡେରି, ଇନାକି ମିରୁ କୁଇଙ୍ଗ୍ତି ନେପିତାୱା ପିଗୁ କାଁଞ୍ଜୁ ମାଟ୍ଚା ହିଞ୍ଜେରି ଅଟେ ନିଜେ ରଣ୍ଡା ୱାଞ୍ଜୁ ଡ଼ାହି ୱାଡ଼େ ଏଦା ଡିଗାନ୍ ସାହାଜ୍ୟ କିହେଃଲ୍ଲେରି । 47ହାୟ, ମିରୁ ଦଣ୍ଡ ପାଁନ୍ବନ୍ତାତେରି, ଇନାକି ମିରୁ ବାବବାଦିଙ୍ଗ୍ତି ଗ୍ରିପାଙ୍ଗୁଟି କ୍ଲେହେଞ୍ଜେରି, ମତ୍ର ମି ଜୁଜୁଆକେଙ୍ଗ୍ ଏୱାରିକି ପାଗାଚ୍ଚେରି । 48ଏଦାକି ମି ଜୁଜୁଆକେଙ୍ଗ୍ତି କାମାତି କୁଲାଟି ମିରୁ ସାକି ମାଞ୍ଜେରି ଅଟେ ଏଦା ହାଁ ଇଞ୍ଜାନ୍ ୱେସ୍ପିଞ୍ଜେରି; ଇନାକି ଏୱାରି ପାଃଏ ଏୱାରିକି ପାଗିତେରି, ମତ୍ର ମିରୁ ଏୱାର୍ତି ଗ୍ରିପାଙ୍ଗୁଟି କ୍ଲେହେଞ୍ଜେରି । 49ଏଦାବାଗା ମୁଲାପେନୁ ୱାଡ଼େ ତା ପୁନ୍ବା ଡେହେଙ୍ଗ୍ ୱେସାଞ୍ଜାନେଞ୍ଜି, ନାନୁ ଏୱାରି ରେଃଏସ୍ ବାବବାଦିଙ୍ଗ୍ନିକି ଅଟେ ପେରିତଙ୍ଗ୍ନିକି ପାଣ୍ଡିଦାଃଇ; ଏୱାର୍ତାୱାଟି ଇନ୍ଦା ଇନ୍ଦାରିକି ଏୱାରି ପାଗିନେରି ଅଟେ ଇନ୍ଦା ଇନ୍ଦାରିକି ବିହାନପୁ ହିନେରି, 50ଇନିମିଡି ହେବଲତି ରାକ୍କାଟିଆଟି ଇମ୍ୱିନ୍ ଜିକରିୟ ଲାକାବେଦି ଅଟେ ମନ୍ଦିରତି ମାଦ୍ଦେ ମାନ୍ନି ପିର୍ନି ଗର୍ରିତାୱା ହାତେଞ୍ଜି, ତା ରାକ୍କା ଟିକ୍ନା ଇ ପୁର୍ତି ମ୍ରାନ୍ଦନ୍ତାୱାଟି ଏଚ୍ଚେ ବାବବାଦିଙ୍ଗ୍ତି ରାକ୍କା ବଙ୍ଗାନ୍ନେ, 51ହେବଲନିକି ପାଗନ୍ତାୱାଟି ମ୍ରାସାନାହି ଜିକରିୟ ଟିକ୍ନା ଇନ୍ଦାରିକି ମନ୍ଦିରତି ପିର୍ନି ଗର୍ରି ଅଟେ ଲାକାବେଦିତି ମାଦ୍ଦି ପାଗନ୍ ଆଚ୍ଚେ । ଏଦାକି ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇ କାଲାତି ଦାଲ୍ଲା ଏ ହାବେତାରି ବାଗାଟି ଦଣ୍ଡ ପାଁନେରି ।
52ହାୟ, ହାଜୁ ପୁତି ପୁଞ୍ଜାନ୍ନାତାତେରି ମି ବାଗା ଗାପ୍ଚି ଦଣ୍ଡ ମାନ୍ନେ, ମିରୁ ଗ୍ୟାଁନତି କୁଚ୍ଚିକିଲା ମିଞ୍ଜିତେରି, ମିରୁ ନିଜେ ହଃଲାତେରି, ଆଟେ ହଲ୍ବନ୍ ବାଗାଟି ଇଚ୍ଚା କିନ୍ନି ଦାଲ୍ଲାନିକି ଆଃଏ କିତେରି ।
53ଆଟେ ଏୱାଞ୍ଜି ଏମ୍ୱାଟି ହଚାନ୍ ହାଚ୍ଚାୱିଃଆଟି ସାସ୍ତ୍ରି ଅଟେ ପାରୁସିଙ୍ଗ୍ ଏଗେଲ୍ ହେଃଏସ୍ ଆନାହି, 54ତା କାତାତି ବୁଲ୍ ଆହ୍ପନ୍ ବାଗା ତାଙ୍ଗେ ଏଗେଲ୍ ୱେନ୍ବନ୍ ମ୍ରାସ୍ତେରି ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0