ରମିୟ 12
12
ନେଇ'ନା ଜିବନ୍ ମାପ୍ରୁପୁଲେଇ ବେ'ନେଇ'
1ଗୁତୁନ୍ସା', ଅ ବୁୟାଂଏଁ ତୁନାଲେ, ମାପ୍ରୁ ଆପେ ମାଇନା ଦୟା ଡି'କେନା ଅସୁୟ'ତାସା', #12:1 ଜିବନ୍ ଡୁକୁନୁଂବୁରଂ ଡ'ନା, ଗିଗେ ଗେଲ'କୁନୁଂ ଆଗୁଇ'ତା । ଗୁତୁନ୍ ଇସାଉ ଗିଗେ ଗେଲ'ସେକ୍ ଡୁକୁଡୁତା ।ଜିବନ୍ ଡୁକୁନୁଂବୁରଂ ଗିଗେ ଗେଲ'କୁନୁଂସୁଗ ପେ ପେନା ଞେରି ଗୁଲାଇ ଆମାପ୍ରୁ ଗେ ଡ'ସେକ୍ ନିଂ ଆପେ ସୁନ୍ଡ୍ରବାଲୁକ୍ସେକ୍ ସୁନ'ତିଂ । ଗୁତୁନ୍ ଗେଲ'କୁନୁଂ ପବିତ୍ରବାଇ' ମାରି ମାପ୍ରୁ ଜୁଲ'ନା ସାର୍ଦା ଡିନ୍ଡେମ୍ସୁଗବାଇ' ଡୁକୁଡୁତା । ଡି'କେନାଉ ଆମାପ୍ରୁ ପେ ସତ୍ବାବରେ ସୁନ୍ଡ୍ର ଗଂତୁପେ । 2କେନ୍ ଦର୍ତନିନା ରେମଲେ ଆ'ନା ମି ଡେଂସେକ୍ ଡୁତା ଡୁ'ତୁନା ମା'ଏସୁଗ ପେସା ଏତ୍ସେକ୍ ଆଡୁକୁଗା' । ମାତର୍ ପେ ଆ'ନା ଏତ୍କୁନୁଂସୁଗ ଆରାକ୍ ବଲ୍ବାଇ' ତିମେ ଏତ୍ଲା, ଡୁ'ତୁନ୍ଉ ପେନା ଜିବନ୍ ଟାଟେ ମାପ୍ରୁ ବାଦ୍ଲି ଡେମେଇ' । ଡୁ'ତୁନ୍ ଡେମ'ନା ମାପ୍ରୁନା ମୁନ୍ ମା ଡ'ସେକ୍ ପେ ମାକ୍ତୁପେ । ମାରି ମାଇନା ମୁନ୍ ବଲ୍ ଡୁତା, ମାରି ମାଇନା ମୁନ୍ସୁଗ ନେଇ' ଡୁକୁନା ମାଇ ଅବୁଦି ସାର୍ଦା ଡେନ୍ତା, ମାରି ମାଇନା ମୁନ୍ବକ୍ ଇ'କିସା ଅଲିରାକ୍ବାଇ' ଆଡୁତା ।
3ମାପ୍ରୁ ଦୟା ଡେମ'ସେକ୍ ଆନିଂ ଅଦିକାର୍ ବେଡ'ତାସା' କେନା ନିଂ ଆପେ ଆଗୁଲାଇର ସୁନ'ତିଂ । ମା ଡ'ନା, ନେଇ' ପାଲ୍ ରେମଲେନ୍କୁରୁଂ ଅବୁଦି ବଲ୍ରେମ୍ ଡ'ସେକ୍ ପେ ଇନ୍ଡଇ'ଏସା ବଡ୍ପୁନ୍ ଆଡେଂଗା' । ମାତର୍ ଆଜିସୁଲା ବିସ୍ବାସ୍ ଡିନ୍ଡେମ୍ପୁଲେଇ ମାପ୍ରୁ ଆନେଇ' ଆମୁଇନ୍ଡା ଆମୁଇନ୍ଡା ସାନ୍ଡୁଂଅଁ'ତାସା' ଆ'ନା ନେଇ'ନା ବିସ୍ବାସ୍ ମି ଡୁତା ଡ'ସେକ୍ ନିଜେ ନିଜର୍ନା ଜିବନ୍ବକ୍ ପରିକା ଡେମ୍ । 4#1 କରି 12:12ଆନେଇ' ଆଗୁଲାଇର ଞେରି ଡୁତା, ଗୁତୁନ୍ ଞେରିବକ୍ ତିତି ତିକ୍ସୁଂ ମ' ଲୁନ୍ତୁର୍ ଡି'କେନା ଅବୁଦି ପାଲ୍ପାଲ୍ ଡୁତା । ଗୁତୁନ୍ ଗୁଲାଇନା କାମ୍ ସମାନ୍ ଇ? ଆରାକ୍ । 5ଡୁ'ତୁନ୍ଉ ନେଇ' ଗୁଲାଇର ଅବୁଦିର ଡୁତୁନେଇ' ଡ'ନାସା ଆକିରିସ୍ଟଲା ବିସ୍ବାସ୍ ଡେମ'ତୁନେଇ'ସା' ମୁଇ ଞେରିବକ୍ ଅବୁଦି ମାମା ପାଲ୍ପାଲ୍ ଡୁତା ଡୁ'ତୁନ୍ସୁଗ ମୁଇ ଞେରିସୁଗ ମିସ୍ସେ'ଗା ନେଇ' ଡୁତୁନେଇ' । 6#1 କରି 12:4–11ମାପ୍ରୁ ଆନେଇ' ଦୟା ଡେମ'ତାସା' ଆଗୁଲାଇର ପାଲ୍ପାଲ୍ କାମ୍ ଡିନ୍ଡେମ୍ପୁଲେଇ ବପୁ ବେଡ'ତା । ସା' ମାପ୍ରୁନା ତୁମ' ଅଂଅଁ'ସେକ୍ ଆରେମଲେ ସୁଁସୁପୁଲେଇ ମାପ୍ରୁ ଆମୁଇନ୍ଡା ବପୁ ବେଡ'ତା ଡ'ନା କେନା ମାପ୍ରୁ ଆନିଂ ସୁନ'କୁନୁଂ ତୁମ' ଡ'ସେକ୍ ବଲ୍ ବିସ୍ବାସ୍ ଡେମ'ସେକ୍ ମାଇ ସୁଁସୁ ଡୁତା । 7ମାରି ଆଜାଆଜା ସେବା ଡିନ୍ଡେମ୍ପୁଲେଇ ମାପ୍ରୁ ବପୁ ବେଡ'ତା ଡ'ନା ମା'ଏ ବଲ୍ ସେବା ଡିନ୍ଡେମ୍ ଡୁତା । ମାରି ଆଜାଆଜା ଅମାକ୍ପୁଲେଇ ମାପ୍ରୁ ବପୁ ବେଡ'ତା ଡ'ନା ମା'ଏ ବଲ୍ ଅମାକ୍ ଡୁତା । 8ମାରି ଆଜାଆଜା ଆପାଲ୍ ରେମଲେ ଅ'ବପୁପୁଲେଇ ମାପ୍ରୁ ବପୁ ବେଡ'ତା ଡ'ନା ମା'ଏ ବଲ୍ ଅ'ବପୁ ଡୁତା । ମାରି ଆଜାଆଜା ମାମା ଦର୍କାର୍ ଡେଂକୁନୁଂ ବିବେ'ପୁଲେଇ ମାପ୍ରୁ ବପୁ ବେଡ'ତା ଡ'ନା ମା'ଏ ଜିବନ୍ ବିତ୍ରେ ଅବୁଦି ସାର୍ଦାକ୍ସେକ୍ ବେଡେଇ' । ମାରି ଆଜାଆଜା ମୁନା'ରେମ୍ ଏପୁଲେଇ ମାପ୍ରୁ ବପୁ ବେଡ'ତା ଡ'ନା ମା'ଏ ଅବୁଦି ସାର୍ଦା ଡେଂସେକ୍ ଗୁସୁପୁଲେ ଡିନ୍ଡେମ୍ ଡୁତା । ମାରି ଆଜାଆଜା ଲିବିସୁପ୍ପୁଲେଇ ମାପ୍ରୁ ବପୁ ବେଡ'ତା ଡ'ନା ମା'ଏ ଅବୁଦି ସାର୍ଦା ଡେଂସେକ୍ ଲିବିସୁପ୍ ଡୁତା ।
ଆଲାତ୍ ଡିନ୍ଡେମ୍ନା
9ଆପାଲ୍ ରେମଲେ ଜିବନ୍କୁରୁଂ ଅ'ତୁର୍ସେକ୍ ଆଲାତ୍ ଡିନ୍ଡେମ୍ ଡୁତା । ମାମା ଅଲିରାକ୍ବାଇ' ଡୁତା ଗୁତୁନ୍ ଗୁଲାଇ ଅଡକ୍ସୁଂଅଁ'ସେକ୍ ଇମ୍ବ'ନା ବଲ୍ ଡୁତା ଗୁତୁନା ପେ ସପ୍ । 10ବୁୟାଂଏଁ ତୁନାଲେବୁରଂ ଆଲାତ୍ ଡେଂସେକ୍ ଡୁକୁନୁଂସୁଗ ମୁଇନ୍ଡା ଆମୁଇନ୍ଡା ବଲ୍ ଆଲାତ୍ ଡିନ୍ଡେମ୍ ଡୁତା । ମାରି ମୁଇନ୍ଡା ଆମୁଇନ୍ଡା ମୁନା'ରେମ୍ ଡ'ସେକ୍ ବଲ୍ ମାନ୍ବାର୍ ଡୁତା । 11ପ୍ରବୁନା କାମ୍ ଡିନ୍ଡେମ୍ବେଲା ଜିବନ୍ ବିତ୍ରେକୁରୁଂ ଅବୁଦି ସାର୍ଦାକୁସି ଡେଂସେକ୍ ବଲ୍କାମ୍ ଡେମ୍, ନିସତ୍ ଆଡେଂଗା' । 12ପେ ମା ଆସ୍ସେକ୍ ଡୁତୁପେ ଗୁତୁନା ନେଇ ବାମ୍ତୁନେଇ ଡ'ସେକ୍ ସାର୍ଦା ଡେଂକୁଲା । ରେମଲେ ଆ'ଇ ଦୁକକସ୍ଟ ବେଡ'ନାସା ଆଇଁଲ'ସେକ୍ ଡୁକୁଲା । ମାରି ଆମାପ୍ରୁ ଇସାଉ ପାର୍ତନା ଡେମ'ସେକ୍ ଡୁକୁଲା । 13ଆମାପ୍ରୁନା ରେମଲେ ଆଜାଏସା ମାମା ଦର୍କାର୍ ଡୁକୁନା ଆମା'ଏ ବେ' ମାରି ପେନ୍ ଡିଂଅଁବକ୍ ଜାଏସା ସାକ୍ନା ଆମା'ଏ ବଲ୍ ଜୁ ।
14 #
ମାତିଉ 5:44; ଲୁକ 6:28 ଜାଜା ଆପେ ଅବୁଦି କସ୍ଟ ବେଡ'ତା ଆମା'ଏ ମାପ୍ରୁ ଆସିର୍ବାଦ୍ ଡେମେଇ' ଡ'ସେକ୍ ସୁଁ, ଇନ୍ଡଇ'ଏସା ଆମା'ଏ ଆନା ଆବୁଂଅଁ' । 15ଜାଜା ସାର୍ଦା ଡେଂସେକ୍ ଡୁତା ମା'ଏବୁରଂ ପେସା ସାର୍ଦା ଡେମା ମାରି ଜାଜା ସିନ୍ତାଲ'ରୁନ୍ତାଲ' ଡୁତା ମା'ଏବୁରଂ ପେସା ସିନ୍ତାଲ'ରୁନ୍ତାଲ' ଡୁକୁଲା । 16ଗୁଲାଇର ଏକ୍ଜୁଟ୍ ଡେଂସେକ୍ ଡୁକୁଲା । ବଡ୍ପୁନ୍ ଆଡେଂଗା' ମାତର୍ ଆଜାଆଜା ରେମଲେ ଡାଉରେମ୍ ଡ'ସେକ୍ ଜୁଲ'ତା ଡୁ'ତୁନ୍ବାଇ' ରେମଲେବୁରଂ ପେ ମିସ୍ଲା । ନିଂ ଅବୁଦି ବୁଦିବାଇ' ଡ'ସେକ୍ ଆଏତ୍ଗା' । 17ଆନ ଜାଏସା ଅଲିରାକ୍ବାଇ' ଡେମ'ନା ନିଂସା ଆମାଇ ଡେମ୍ତିଂ ଡ'ସେକ୍ ଆଡେମ' । ମାତର୍ ଗୁଲାଇ ରେମଲେ ଜୁଲ'ନା ଇମ୍ବ'ନା ବଲ୍ ଡିକ୍ତ ଗୁତୁନା ଡିନ୍ଡେମ୍ପୁଲେଇ ଏତ୍ସେକ୍ ଡୁକୁଲା । 18ମାରି ଗୁଲାଇରବୁରଂ ସାନ୍ତିସାର୍ଦା ଡେଂସେକ୍ ଡୁକୁପୁଲେଇ ମା ଡିନ୍ଡେମ୍ ଗଂତୁପେ ଗୁତୁନା ଡିନ୍ଡେମ୍ପୁଲେଇ ପେ ସେସ୍ଟା ଡେମ୍ । 19ଅ ନିଂ ଆଲାତ୍ ଡେମ'କୁନୁଂ ବାଇଲ'ଗେ, ଆପେ ଜାଏସା କସ୍ଟ ବେଡ'ନା ନିଂସା ଆମାଇ ଡନ୍ଡ୍ ବେ'ତିଂ ଡ'ସେକ୍ ଆଏତ୍ଗା' ମାତର୍ ମାପ୍ରୁଲା ଆମାଇ ବିସାର୍ନା ଡେମେଇ' ଡ'ସେକ୍ ଏତ୍କୁଲା । ମାସା'ଡ'ନା “ନିଂଉ ଡନ୍ଡ୍ ବିବେ'ରେମ୍, ମା'ଏ ଡେମ'କୁନୁଂ ଗୁଲାଇପୁଲେଇ ନିଂ ଆମା'ଏ ବେ'ତିଂ” ଡ'ସେକ୍ ପ୍ରବୁ ସୁନ'କୁନୁଂ ମାପ୍ରୁନା ଉଲାକ୍ବକ୍ ଲେକ୍ଲ'ତା । 20ମାତର୍ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂସୁଗ ପେ ଡିନ୍ଡେମ୍ ଡୁତା, ମା ଡ'ନା “ପେନା ଦାଇରେମେ କୁଡୁକ୍ସେକ୍ ଡୁକୁନା ଆମା'ଏ ସୁସୁମ୍ନା ବେ' । ମାରି ଆମା'ଏ ଇଡାକ୍ ଡୁସୁକ୍ନା ଆମା'ଏ ଇ'ପୁଲେଇ ବେ'; ଡୁ'ତୁନା ପେ ଡେମ'ନା ମା'ଏ ଅବୁଦି ଗେୱାବାମ୍ତା” ଡ'ସେକ୍ ଲେକ୍ଲ'ତା । 21ଅଲିରାକ୍ବାଇ'କାମ୍ ଡେମ'ସେକ୍ ଆର୍ ଆଉଇଗା' ମାତର୍ ଗୁଲାଇ ବିସୟବକ୍ ବଲ୍କାମ୍ ଡେମ'ସେକ୍ ଅଲିରାକ୍ବାଇ'ନା ବାଗ୍ବକ୍ ଜିନ୍ସେକ୍ ଡୁକୁଲା ।
Currently Selected:
ରମିୟ 12: BFW
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0