ମାତିଉ 27
27
ଆଜିସୁଲା ପିଲାତନ୍ବକ୍ ଇନ୍ଡ୍ରିଂଡେନ୍
(ମାର୍କ 15:1; ଲୁକ 23:1–2; ଜଅନ୍ 18:28–32)
1ଇନ୍ଜୁର୍ ପୁରୁଂପୁରୁଂ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ଗୁଲାଇର ଲେଇ'ସେକ୍ ଆଜିସୁଲା ମି ଅଗୁୟ'ନା ଡେନ୍ତା ଡ'ସେକ୍ ଅଇଁୟ' । 2ମାରି ମା'ଏ ଆମାଇ ତୁଲ'ସେକ୍ ଆତା ସାସନ୍ ଡେମ'କୁନୁଂ ରମିୟ ଦେସ୍ନା ମୁନା'ରେମ୍ ପିଲାତନ୍ବକ୍ ରିଂଅଁ' ଉଇସେକ୍ ମାଇନା ତିତିବକ୍ ବେଡ' ।
ଜିଉଦାଲା ଡେଗୁଗ୍ ଗୁଗୁଇ'ଡେନ୍
(ପେରିତ 1:18–19)
3 #
ପେରିତ 1:18,19 ଆଜିସୁଲା ଅଗୁଇ'ପୁଲେଇ ବେଡ' ଡ'ସେକ୍ ଜିଉଦାଲା ମାଗ'ସା' ନିଂ ଅଲିରାକ୍ବାଇ' କାମ୍ ଡେମ'ନିଂବେ ଡ'ସେକ୍ ମାଇ ଅବୁଦି ସିନ୍ତାଲ'ସେକ୍ ଗୁତୁନ୍ ତିରିସ୍ଟା ରୁପାନ୍ ଡାବୁ ମୁନା'ପୁଜାରିଲେ ମାରି ମୁନା'ରେମଲେ ଲେଇ'କୁନୁଂବକ୍ ରିଂଅଁ' ସା'ଗା' । 4ରିଂଅଁ' ସାକ୍ସେକ୍ “ଆମୁଇନ୍ଡା ଦରମ୍ବାଇ' ରେମବକ୍ ଅଗୁଇ'ପୁଲେଇ ନିଂ ଅସୁୟ' ବେଡ'ନିଂସା' ପାପ୍କାମ୍ ଡେମ'ତିଂ” ଡ'ସେକ୍ ଆମା'ଏ ସୁନ' ।
ସା' ମା'ଏ, “ଡୁ'ତୁନ୍ ଡ'ନା ଆନେଇ ମା ଡେନ୍ତା? ଗୁତୁନ୍ ନନା କାମ୍” ଡ'ସେକ୍ ସୁନ' ।
5ସା' ଜିଉଦାଲା ଗୁତୁନ୍ ଡାବୁ ଗୁଲାଇ ମନ୍ଦିର୍ବକ୍ ରାନ୍ଡେଲ'ସେକ୍ ଉନ୍ତ୍କୁରୁଂ ଡୁଂଗା' । ମାରି ମାଇ ଉଇସେକ୍ ଡେଗୁଗ୍ ଗୁଇ'ଗା' ।
6ମାରି ମୁନା'ପୁଜାରିଲେ ଗୁତୁନ୍ ରୁପାନ୍ ଡାବୁ ଜୁଗ'ସେକ୍ “କେନ୍ ଡାବୁ ଆମୁଇନ୍ଡା ଅଗୁଇ'ପୁଲେଇ ବେଡ'କୁନୁଂ ଡାବୁ, ସା' ମନ୍ଦିର୍ବକ୍ ଡୁକୁନୁଂ ଡାବୁବୁରଂ କେନା ମିସାଇଁବାର୍ନା ନେଇ'ନା ନିୟମ୍ ଆରାକ୍” ଡ'ସେକ୍ ସୁନ' । 7ସା' ମା'ଏ ଗୁଲାଇର ଅଇଁୟ'ସେକ୍ ଜାଜା ପାଲ୍ ଦେସ୍କୁରୁଂ ସାକ୍ସେକ୍ ମା'ଏନ୍ବକ୍ ଡୁତା ଆମା'ଏ ଆତିଲ'ସୁଂସୁଂପୁଲେଇ ଗୁତୁନ୍ ଡାବୁବୁରଂ କୁମ୍ବି'ଗେନା ଜମି ସବ' । 8ସା' ଆତୁନ୍ ଜମି ବନିଜମି ଡ'ସେକ୍ ଆ'ନାସା ସୁନ'ତା । 9ସା' ଜିରିମିୟ ଡ'କୁନୁଂ ବାବବାଦିଲା ମାପ୍ରୁନା ଉଲାକ୍ବକ୍ ଲେକ୍ଲ'ବୁଂଅଁ', ମା ଡ'ନା:
“ମାଇପୁଲେଇ ଡାବୁ ବେ'ତୁନେଇ ଡ'ସେକ୍ ଇସ୍ରାଏଲ୍ ରେମଲେ ଅସିଡ'କୁନୁଂ
ଗୁତୁନ୍ ତିରିସ୍ଟା ରୁପାନ୍ ଡାବୁ ମା'ଏ ଜୁଗ'ସେକ୍
10ପ୍ରବୁଲା ସୁନ'କୁନୁଂସୁଗ
କୁମ୍ବି'ଗେନା ଜମି ସବ'” ଡ'ସେକ୍ ଲେକ୍ଲ'କୁନୁଂ ତୁମ' ଡି'କେନା ସତ୍ ଡେଂଗା' ।
ପିଲାତଲା ଆଜିସୁଲା ଅ'ଗଁସ୍ଲାଗ୍ଡେନ୍
(ମାର୍କ 15:2–5; ଲୁକ 23:3–5; ଜଅନ୍ 18:33–38)
11ଆଇ'ତୁନ୍ବେଲା ଆତା ସାସନ୍ ଡେମ'କୁନୁଂ ରମିୟ ଦେସ୍ନା ମୁନା'ରେମ୍ବକ୍ ଆଜିସୁଲା ରିଂଅଁ' ସାକ୍ସେକ୍ ମାଇନା ସାର୍ମ'କନ୍ଡେକ୍ ଅ'ତନ' । ସା' ମାଇ ଆମାଇ “ନ ଜିଉଦିରେମଲେନା ରାଜା ଇ?” ଡ'ସେକ୍ ଅ'ଗଁସ୍ଲା'ଗା'ସା',
“ଅଁ'ଅଁ, ନ ସୁନ'କୁନୁଂସୁଗ” ଡ'ସେକ୍ ସୁନ' । 12ମାତର୍ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ଗୁଲାଇର ମା ଡ' ସୁନ'ସା'ଏସା ମାଇ ଜୁ' ଡୁକୁ ।
13ସା' ପିଲାତଲା ଆମାଇ ସୁନ', “ଜୁ, ମା'ଏ ଗୁଲାଇର ମାଇ ଅଲିରାକ୍ବାଇ' କାମ୍ ଡେମ'ତା ଡ'ସେକ୍ ନନା ବିସୟ ସାକି ସୁନ'କୁନୁଂ ଗୁଲାଇ ନ ଆଅଂତୁନ ଇ?” ଡ'ସେକ୍ ଅ'ଗଁସ୍ଲା'ଗା' । 14ମାତର୍ ଜିସୁଲା ଆମା'ଏ ମୁଇ ତୁମ'ସା ଆସୁନ୍ତ, ସା' ଗୁତୁନ୍ ଜୁଲ'ସେକ୍ ପିଲାତଲା ଅବୁଦି କାବା ଡେଂଉଇଗା' ।
ଆଜିସୁଲା ଅଗୁଇ' ଡ'ସେକ୍ ପିଲାତଲା ସୁଁସୁଡେନ୍
(ମାର୍କ 15:6–15; ଲୁକ 23:13–25; ଜଅନ୍ 18:39—19:16)
15ବରସ୍କେ ବରସ୍ ନିସ୍ତାର୍ ପରବ୍ବେଲା ବନ୍ଦିକୁରୁଂ ଆଜାଏସା ଆମୁଇନ୍ଡା ଅ'ତୁର' ବେ' ଡ'ସେକ୍ ରେମଲେ ସୁନ'ନା ଇସାଉ ଡୁ'ତୁନା ରମିୟ ଦେସ୍ନା ମୁନା'ରେମ୍ ବନ୍ଦିକୁରୁଂ ଅ'ତୁର' ବେଡ'କୁ । 16ଉନ୍ତା ଆତା ବନ୍ଦିବକ୍ #27:16 ଏନ୍ତୁକ୍ ଉଲାକ୍ବକ୍ ମାଇନା ଇମି ଜିସୁ ବାରବ୍ବାଲା ଡ'ସେକ୍ ଲେକ୍ଲ'ତା ।ବାରବ୍ବା ଡ'ସେକ୍ ମୁଇନ୍ଡା ଡୁକୁଗା' । ମାଇ ଅବୁଦି ଟାକ୍ରିବାଇ' ଡ'ସେକ୍ ରେମଲେ ଗୁଲାଇର ମାଗ'କୁ । 17ସା' ମା'ଏ ରେମଲେ ଗୁଲାଇର ରୁନ୍କୁନୁଂବକ୍ ପିଲାତଲା ଆମା'ଏ ସୁନ', “ଆଜା ନିଂ ଅ'ତୁର' ବିବେ'ନା ଆପେ ମୁନ୍? ଆବାରବ୍ବାଲା କି କିରିସ୍ଟ ଡ'କୁନୁଂ ଆଜିସୁଲା?” ଡ'ସେକ୍ ଅ'ଗଁସ୍ଲା'ଗା' । 18ମାସା'ଡ'ନା ମା'ଏ ଆଜିସୁଲା ଆଂକାର୍ ଡେଂସେ'ଗାଉ ନିଂବକ୍ ରିଂଅଁ'ତା ଡ'ସେକ୍ ପିଲାତଲା ମାଗ'କୁ ।
19ସା' ମାଇ ବିସାର୍ନା ଡିନ୍ଡେମ୍ନା ଜାଗାବକ୍ ଲେଇ'କୁନୁଂବେଲା ମାଇନା କୁନୁଇ' “ମାଇ ମୁଇନ୍ଡା ଦରମ୍ବାଇ' ରେମସା' ନ ଆମାଇ ମାସା ଆଡେମ' । ମାସା'ଡ'ନା ନିଂ ମାଇନା ବିସୟ ମୁସୁକ୍ଡିମ୍ବକ୍ ଜୁଲ'ନିଂସା' ଆନିଂ ଅବୁଦି କସ୍ଟ ଡେଂଗୁତା” ଡ'ସେକ୍ ଆମୁଇନ୍ଡା ମାଇନ୍ବକ୍ ସୁଁସୁ ବେନ୍ଟାୟ' ।
20ମାତର୍ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ଗୁଲାଇର ଆବାରବ୍ବାଲା ଅ'ତୁର'ସେକ୍ ଆଜିସୁଲା ଅଗୁଇ' ଡୁତା ଡ'ସେକ୍ ପେ ସୁଁ ଡ'ସେକ୍ ଆରେମଲେ ସୁତ୍ରାୟ' । 21ସା' ପିଲାତଲା ଆମା'ଏ “ଗୁତୁନ୍ ଇମ୍ବାୟବକ୍ ଆଜା ଅ'ତୁର' ବେ' ଡ'ସେକ୍ ପେ ଆନିଂ ସୁନ'ତୁପେ?” ଡ'ସେକ୍ ଅ'ଗଁସ୍ଲା'ଗା'ସା' ରେମଲେ “ଆବାରବ୍ବାଲା” ଡ'ସେକ୍ ସୁନ' ।
22ସା' “ଡୁ'ତୁନ୍ ଡ'ନା କିରିସ୍ଟଲା ଡ'କୁନୁଂ ଆଜିସୁଲା ନିଂ ମା ଡେମ୍ତିଂ?” ଡ'ସେକ୍ ପିଲାତଲା ସୁନ' । ସା' ମା'ଏ ଗୁଲାଇର, “ଆମାଇ କୁର୍ସବକ୍ ଅଡାୟ' ଅଗୁଇ'” ଡ'ସେକ୍ ଅବୁଦି ଡକ୍ତି'ତା କିରକ୍ସେକ୍ ସୁନ' ।
23ସା' “ମାସା' ଡୁ'ତୁନ୍ଉ ଡିନ୍ଡେମ୍ ଡୁତା? ମାଇ ମା ବୁଲ୍ ଡେମ'ସା'?” ଡ'ସେକ୍ ପିଲାତଲା ଅ'ଗଁସ୍ଲା'ଗା' । ମାତର୍ ରେମଲେ ଗୁଲାଇର ଅବୁଦି ଡକ୍ତି'ତା କିରକ୍ସେକ୍ “ଆମାଇ କୁର୍ସବକ୍ ଅଡାୟ' ଅଗୁଇ'!” ଡ'ସେକ୍ ସୁନ' ।
24ସା' ପିଲାତଲା ନିଂ ମାରି ମାସା ଡିନ୍ଡେମ୍ ଆଗଂତିଂ ଡ'ସେକ୍ ମାଗ' ମାରି ରେମଲେ ଗୁଲାଇର ଅଦିକ୍ ଅଦିକ୍ କିରକ୍ସେକ୍ ଇନ୍ଡ୍ରିମ୍ ମୁଲାଇବାର୍ ଡେଂକୁନୁଂ ଜୁଲ'ସେକ୍ ପିଲାତଲା ଡାଗ୍ ଜୁଗ'ସେକ୍ ଗୁଲାଇର ଜୁଲ'କୁନୁଂବକ୍ ମାଇନା ତିତି ଗୁଇ'ତିକ୍ସେକ୍ ସୁନ', “ଆକେନ୍ ରେମ ପେଉ ଅଗୁଇ'ଡେନ୍ତୁପେସା' ଆପେଉ ପାପ୍ ଜୁତ, ଆନିଂ ଆରାକ୍, ଗୁତୁନା ପେଉ ମାଗ'କୁଲା” ଡ'ସେକ୍ ସୁନ' ।
25ସା' ଗୁଲାଇ ରେମଲେ ସୁନ' “ଆମାଇ ଅଗୁଇ'ୟ'ନା ମାପ୍ରୁ ଆନେଇ ମାରି ଆନେଇନା ଉଁ'ଉଁନେସା ପାପ୍ ଜୁଲେଇ'” ଡ'ସେକ୍ ସୁନ' ।
26ତିର୍ଗି' ପିଲାତଲା ଆବାରବ୍ବାଲା ଅ'ତୁର'ବେଡ' । ମାତର୍ ଆଜିସୁଲା ଅବୁଗ' ମାରି କୁର୍ସବକ୍ ଅଗୁଇ' ଡ'ସେକ୍ ବେଡ' ।
ସଇନିକଲେ ଆଜିସୁଲା ଅ'କିୟାଲିଡେନ୍
(ମାର୍କ 15:16–20; ଜଅନ୍ 19:2–3)
27ତିର୍ଗି' ପିଲାତନା ସଇନିକଲେ ଆଜିସୁଲା ପିଲାତନା ଡିଂଅଁବକ୍ ରିଂଅଁ' ଉଇସେକ୍ ଆପାଲ୍ ସଇନିକଲେସା ୱାୟ'ସା' ମା'ଏ ଗୁଲାଇର ଆତା ମାଇନ୍ବକ୍ ରୁନ୍ଗା' । 28ମାରି ମା'ଏ ମାଇନା ଇମ୍ପ' ତଗ'ସେକ୍ ମୁଇ କିଲୁଂବେଇଁ ଇମ୍ପ' ଅ'କୁକୁୟ' । 29ଅ'କୁକୁୟ'ସେକ୍ ଗୁରାଇ'ବୁରଂ ଅ'ରଇଁୟ'କୁନୁଂ ବାଂଟିସୁଗ ଗଲ'କୁନୁଂ ଆଜିସୁଲା ଅରାଂବଗ' ବେଡ' । ମାରି ମାଇନା ସୁସୁମ୍ତିବକ୍ ମୁଇ ବୁ'ଡୁଂ ଅସବ'ସେକ୍ ମାଇନା ସାରମ'କନ୍ଡେକ୍ ଏନ୍ଡିକ୍ସେକ୍ “ଅ ଜିଉଦିରେମଲେନା ରାଜା, ଆନ ନମସ୍କାର୍” ଡ'ସେକ୍ ଅବୁଦି ଅ'କିୟାଲିଗା' । 30ମା'ଏ ଆମାଇ ଆସାର୍ମ' ବୁଇ'ତୁର' ବେଡ'ସେକ୍ ମାଇନା ତିତିବକ୍ ଡୁକୁନୁଂ ଗୁତୁନ୍ ବୁ'ଡୁଂ ଜୁଗ'ସେକ୍ ଆବ'ବ୍ ବୁ'ଡୁଂବୁରଂ ମାରିମାରି ବୁଗ' । 31ଅ'କିୟାଲି ଅ'ଡମ'ସେକ୍ ମା'ଏ ଗୁତୁନ୍ କିଲୁଂବେଇଁ ରଂଗବାଇ' ଇମ୍ପ' ଅ'କୁକୁୟ'କୁନୁଂ ଉରିଗ'ସେକ୍ ଜିସୁନା ଇମ୍ପ' ଅ'କୁକୁୟ'ବେଡ' । ଅ'କୁକୁୟ'ସେକ୍ ଆମାଇ କୁର୍ସବକ୍ ଅଗୁଇ'ପୁଲେଇ ରିଂଅଁ' ଉଇଗା' ।
ଆଜିସୁଲା କୁର୍ସବକ୍ ଅଗୁଇ'ଡେନ୍
(ମାର୍କ 15:21–32; ଲୁକ 23:26–43; ଜଅନ୍ 19:17–27)
32ରିଂଅଁ' ଉଇରେମ୍ କୁରିନିୟ ମୁନା'ଉଂଗମ୍ନା ସିମନ୍ ଡ'ସେକ୍ ଇମିକୁନୁଂ ଆମୁଇନ୍ଡା କୁରୁଂବକ୍ ସୁସାପ୍ଡେଂକୁନୁଂ ଜୁଲ' । ସା' ଆଜିସୁଲା ଅଗୁଇ'ପୁଲେଇ ଇନ୍ଡ୍ରିଂ ଡେଂକୁନୁଂ ଗୁତୁନ୍ କୁର୍ସ ଡୁଁ ଡ'ସେକ୍ ସଇନିକଲେ ଆମାଇ ଅ'ଡୁନ' । 33ମାରି ମା'ଏ ଗଲ୍ଗତା ଡ'ସେକ୍ ମୁଇ ଜାଗାବକ୍ ଡେଲ' । ଗଲ୍ଗତା ଡ'ନା “କୁରାଇଁବ'ବ୍ନା ଜାଗା” ଡ'ସେକ୍ ଅର୍ତ ଡୁତା । 34ମାରି ମା'ଏ ଅଂଗୁର୍ନା ଡାଗ୍ବକ୍ ପୁସାଇ'ବାଇ'#27:34 ପୁସାଇ'ଗର୍ସୁଗବାଇ' ଅଂଗୁର୍ଡାଗ୍ବକ୍ ମିସାୟ' ଡ'ସେକ୍ ଏତ୍ଗୁତା । ଗୁତୁନ୍ ସି'ରଂନା ଇମି ମିର୍ । ଗୁତୁନ୍ ଇଡ'ନା ଞେରି ଇନ୍ସାପ୍ ସିକୁନୁଂବକ୍ ସି ଉନାତା । ମାୟ'ସେ'ଗା ଆଜିସୁଲା ଇ'ପୁଲେଇ ବେଡ' । ମାତର୍ ମାଇ ଇନ୍ସାଂଗା' । 35ତିର୍ଗି' ଆଜିସୁଲା ଗୁତୁନ୍ କୁର୍ସବକ୍ ଉରନ'ସେ'ଗା କୁନ୍ଟିବୁରଂ ତାଂଅଁ' । ତାଂଅଁ'ସେ'ଗା ଜିସୁନା ସକାବାନ୍ଦା ଇମ୍ପ'ସେନ୍ଡି ଆଜାଆଜା ବାମ୍ତା ଡ'ସେକ୍ ପାନ୍ଜି ବୁଂଅଁ'ସେକ୍ ବାନ୍ଟାଲ' । 36ମାରି ମା'ଏ ଆତା ଆମାଇ ଜାଗ୍ଲ' ଲେଇ'କୁ । 37ମାରି ମା'ଏ ମାଇନା ବୁଲ୍କାମ୍ ମା ଡ'ସେକ୍ ଲେକ୍ଲ' ଡ'ନା “କୁନା ଜିସୁଲା, ଜିଉଦିରେମଲେନା ରାଜା” ଡ' ଲେକ୍ଲ'ସେକ୍ ମାଇନା ବ'ବ୍କନ୍ଡେକ୍ ତାଂଅଁ'ବୁଅଁ' । 38ଅଲିରାକ୍ବାଇ' କାମ୍ ଡେମ'କୁନୁଂ ଆଇମ୍ବାୟସା ଆମୁଇନ୍ଡା ଜିସୁନା ସୁସୁମ୍ତିକୁରୁଂ ମାରି ଆମୁଇନ୍ଡା ବାସାକ୍ତିକୁରୁଂ ଆତା ଜିସୁଲାବୁରଂ କୁର୍ସବକ୍ ଅ'ତନ' । 39କୁରୁଂବକ୍ ଉଇ ଇ'ରେମ୍ ଆଜିସୁଲା ଜୁଲ'ସେକ୍ ଅବୁଦି ଅ'ଡୁର୍ବକ୍ ଅ'ଡୁର୍ସେକ୍ସେକ୍ ଅବୁଦି ଅ'କିୟାଲିଗା' । 40#ମାତିଉ 26:61; ଜଅନ୍ 2:19ମାରି ମା'ଏ “ଆ'ନା ଜୁ, କେନ୍ ମାପ୍ରୁନା ମନ୍ଦିର୍ ଅ'ଲାର'ସେକ୍ ତିନ୍ଦିନ୍ବକ୍ ଅ'ରଇଁତିଂ ଡ'କୁନୁଂଆଁ । ନ ମାପ୍ରୁନା ଉଁ'ଉଁ ଡ'ନା ଗୁତୁନ୍ କୁର୍ସକୁରୁଂ ନ ଆ'ନା ଆଲୁଂ ଜର୍ସେକ୍ ନନା ଜିବନ୍ ନ ନିଜେ ରକ୍ୟା ଡେମ୍ବରା” ଡ'ସେକ୍ ଆମାଇ ସୁନ' ।
41ଡୁ'ତୁନା ମୁନା'ପୁଜାରିଲେ ମାରି ନିୟମ୍ ଅମାକ୍ରେମେ ମାରି ଜିଉଦିରେମଲେନା ମୁନା'ରେମେ ଗୁଲାଇରସା ଆଜିସୁଲା ଅବୁଦି ଅ'କିୟାଲିଗା'। 42ମା'ଏ ସୁନ' “ଜୁ, ମାଇ ଆପାଲ୍ ରେମଲେ ରକ୍ୟା ଡେମ'କୁ, ଆ'ନା ମାଇନା ଜିବନ୍ ରକ୍ୟା ଡିନ୍ଡେମ୍ ମାଇ ଆଗଂତା । ଇସ୍ରାଏଲ୍ ରେମଲେନା ରାଜାଲା ମାଇ ଇ? ଆ'ନା ଗୁତୁନ୍ କୁର୍ସକୁରୁଂ ମାଇ ଜରେଇ' । ଡୁ'ତୁନ୍ ଡ'ନା ନେଇ ଜୁଲ'ସେ'ଗା ଆମାଇ ବିସ୍ବାସ୍ ଡେମ୍ତୁନେଇ । 43ମାଇ ଆମାପ୍ରୁ ବିସ୍ବାସ୍ ଡେମ'ସେ'ଗା ଡୁତା, ମାରି ନିଂ ମାପ୍ରୁନା ଉଁ'ଉଁ ଡ'ସେକ୍ ମାଇ ସୁନ'ତା । ଡୁ'ତୁନ୍ ଡ'ନା ଆମାଇ ଆନିଂ ଦର୍କାର୍ ଡ'ସେକ୍ ମାପ୍ରୁ ଏତ୍ତା ଡ'ନା ମାପ୍ରୁ ଆମାଇ ରକ୍ୟା ଡେମେଇ'” ଡ'ସେକ୍ ସୁନ' । 44ଜିସୁଲାବୁରଂ ତିରେ ଅ'ତନ'କୁନୁଂ ଡୁଂଗା'ରେମ୍ପାସା ଆଜିସୁଲା ଡୁ'ତୁନ୍ଉ ସୁନ'ସେକ୍ ନିନ୍ଦାଲ' ।
ଜିସୁଲା ଗୁଗୁଇ'ଡେନ୍
(ମାର୍କ 15:33–41; ଲୁକ 23:44–49; ଜଅନ୍ 19:28–30)
45ଉନ୍ତ୍ଦିନ୍ ବାର୍ଟାବେଲାକୁରୁଂ ତିନ୍ଟାବେଲା ପନ୍ତେକ୍ ଗୁତୁନ୍ ଗୁଲାଇ ରାଜି ଞୁର୍ ଉଇଗା' । 46ତିନ୍ଟାବେଲାସୁଗ ଜିସୁଲା “ଏଲି, ଏଲି ଲାମା ସବକ୍ତାନି?” ଡ'ନା “ଅ ନିଂନା ମାପ୍ରୁ, ଅ ନିଂନା ମାପ୍ରୁ, ମାସା' ଆନିଂ ନ ଅଡକ୍ସୁଂଅଁ' ଡୁଂନ?” ଡ'ସେକ୍ ଡକ୍ତି'ତା ଉ'ଗା' ।
47ଉ'ଗା'ସା' ଆତା ତଂକୁନୁଂ ରେମଲେ ଏନ୍ତୁକ୍ର ଗୁତୁନା ଅଂଅଁ'ସେ'ଗା “ଜୁ, ମାଇ ଆଏଲିୟଲା ୱାୟ'ତା” ଡ'ସେକ୍ ସୁନ' ।
48ସା' ମୁଇନ୍ଡା ସେଟ୍ଟ' ଉର' ଉଇସେକ୍ ମୁଇ ସ୍ପନ୍ଜ୍ ରିଂଅଁ' ସା'ଗା' । ମାରି ପୁସୁଇ'ବାଇ' ଅଂଗୁର୍ଡାଗ୍ବକ୍ ଗୁତୁନ୍ ସ୍ପନ୍ଜ୍ ଜୁଂଡାଗ'ସେକ୍ ଆବୁ'ଡୁଂ ପୁଗ'ସେକ୍ ଆଜିସୁଲା ଇ'ପୁଲେଇ ଅଡାୟ' ବେଡ' । 49ମାତର୍ ଆତା ମାରି ଡୁକୁନୁଂ ରେମଲେ “ଡୁ'ତୁନା ମାଇ ଡୁକୁଲେଇ', ଆ'ନା ଏଲିୟଲା ସାକ୍ସେକ୍ ଆମାଇ ରକ୍ୟା ଡେମ୍ତ କି ଆରାକ୍, ଜୁନେଇ'” ଡ'ସେକ୍ ସୁନ' ।
50ତିର୍ଗି' ଜିସୁଲା ମାରି ଅବୁଦି ଡକ୍ତି'ତା ଉକ୍ସେ'ଗା ଗୁଇ'ଉଇଗା' ।
51ଆଇ'ତୁନ୍ବେଲା ଆତା ମାପ୍ରୁନା ମନ୍ଦିର୍ ବିତ୍ରେ ଅ'ଡିପୁଲେଇ ତୁଲ'କୁନୁଂ ମୁନା' ଇମ୍ପ' ବାଗ୍ବକ୍କୁରୁଂ ଆଲୁଂ ସିଂସାଡ୍ ଗାର୍ଉଇଗା' । ମାରି ଦର୍ତନି ଲୁନ୍ଡୁର୍ଗା' ମାରି ବୁରେଲେସା ବାର୍ତାକ୍ ବାର୍ଲୁଂଉଇଗା', 52-53ମାରି ଗୁଇ'କୁନୁଂ ରେମଲେବକ୍ ଆତିଲ'କୁନୁଂ ଜାଗା ରୁକ୍ଉଇଗା' ମାରି ସିଁସେଇଁଉ ଗୁଇ'କୁନୁଂ ମାପ୍ରୁନା ଦରମ୍ବାଇ' ରେମଲେ ଅବୁଦିର ଜିସୁଲା ଗୁଇ'ସେକ୍ ବୁରକୁନୁଂ ତିର୍ଗି' ବୁରକ୍ସେକ୍ ରାଇ'ସାଂବକ୍କୁରୁଂ ତୁତୁର୍ଆର୍ଗା' । ତୁତୁର୍ଆର୍ସେକ୍ ଜିଉଦିରେମଲେ ପବିତ୍ରବାଇ' ମୁନା'ଉଂଗମ୍ ଡ'ସେକ୍ ଜୁଲ'କୁନୁଂ ଜିରୁସାଲମ୍ ଉଂଗମ୍ବକ୍ ମା'ଏ ଉଇସେକ୍ ଆତା ଅବୁଦି ରେମଲେବକ୍ ଅ'ତୁନାଗା' ।
54ଆଇ'ତୁନ୍ବେଲା ରମିୟ ସଇନିକ୍ ରେମଲେନା ମୁନା'ରେମ୍ ମୁଇନ୍ଡା ମାରି ଆଜିସୁଲା ଜାଗ୍ଲ'ସେକ୍ ମାଇବୁରଂ ଡୁକୁନୁଂ ମାଇନା ସଇନିକ୍ ରେମଲେସା ଆତା ଡୁକୁ । ଦର୍ତନି ଲୁନ୍ଡୁର୍କୁନୁଂ ମାରି ମାମା ଡେଂକୁନୁଂ ମା'ଏ ଜୁଲ'ସେଗା ଅବୁଦି ବୁତୁଂଆର୍ଉଇଗା' । ସା' ମା'ଏ “ଜୁ, କେନ୍ ରେମ ମୁଇନ୍ଡା ସତଇସା ମାପ୍ରୁନା ଉଁ'ଉଁ ଡୁକୁ” ଡ'ସେକ୍ ସୁନ' ।
55 #
ଲୁକ 8:2,3 ଅବୁଦି ସେଲାନେସା ଆତା ସୁଲୁଂକୁରୁଂ ଜୁଲ' ତଂକୁଗା' । ମା'ଏ ଆଜିସୁଲା ସାନ୍ଡୁଂପୁଲେଇ ଗାଲିଲି ଜିଲାକୁରୁଂ ଆମାଇ ତେଂଗି' ସା'କୁଗା' । 56ମା'ଏବୁରଂ ମଗ୍ଦଲିନି ମରିୟମା ମାରି ଜାକୁବ୍ନା, ଜସେପ୍ନା ୟଂ ମରିୟମା ମାରି ଜେବଦିନା ଉଁ'ଉଁପାନା ୟଂସା ଡୁକୁଗା' ।
ଜିସୁନା ମଟ୍ ଲାଗ୍ଲାଗ୍ବକ୍ ବୁଂବୁଂଡେନ୍
(ମାର୍କ 15:42–47; ଲୁକ 23:50–56; ଜଅନ୍ 19:38–42)
57ମାରି ଆରାମାତିୟା ଡ'ସେକ୍ ମୁଇ ଉଂଗମ୍ନା ଜସେପ୍ଲା ଡ'କୁନୁଂଆଁ ମୁଇନ୍ଡା ଅବୁଦି ସାକାର୍ବାଇ' ଡୁକୁ । ମାଇ ଜିସୁନା ମୁଇନ୍ଡା ସିସ୍ୟ ଏଗ୍ସେକ୍ ଡୁକୁ । ଉନ୍ତ୍ଦିନ୍ ମୁନ୍ଡି'ଗା'ସା' 58ମାଇ ପିଲାତନ୍ବକ୍ ଉଇସେକ୍ ଜିସୁନା ମଟ୍ ଲୁଡ'ସା' ଆମାଇ ବେ' ଡ'ସେକ୍ ପିଲାତଲା ସୁନ' । 59ସା' ଜସେପ୍ଲା ଜିସୁନା ମଟ୍ ଜୁଗ'ସେକ୍ ମୁଇ ବଲ୍ଟାବାଇ' ଇମ୍ପ'ବୁରଂ ଗବ'ସୁଂଅଁ' । 60ଗବ'ସେକ୍ ମୁଇ ବୁରେବକ୍ ଜସେପ୍ଲା ତିମେବାଇ' ଲାଗ୍ଲାଗ୍ ଅ'ରଇଁୟ'କୁନୁଂବକ୍ ରିଂସେକ୍ ବିତ୍ରେ ଅଡିରିଗ' ବେଡ' । ଅଡିରିଗ'ସେକ୍ ଆତୁନ୍ ଲାଗ୍ଲାଗ୍ନା ଡାନ୍ଡର୍ ବୁଡାଲା ବୁରେବୁରଂ ଅନ୍ତୁଡ'ସେକ୍ ଡୁଂଗା'। 61ମଗ୍ଦଲିନି ମରିୟମା ମାରି ମୁଇନ୍ଡା ମରିୟମ୍ମା ମାଇପା ଇମ୍ବାୟ ଗୁତୁନ୍ ତୁମ' ଲାଗ୍ଲାଗ୍ କନ୍ଡେକ୍ ଲେଇ'କୁଗା' ।
ସଇନିକଲେ ଲାଗ୍ଲାଗ୍ ଜାଗ୍ବାର୍ଡେନ୍
62ବେରା ବିସ୍ରାମ୍ଦିନ୍ ମୁନା'ପୁଜାରିଲେ ମାରି ପାରୁସିଦଲ୍ନା ରେମଲେ ଗୁଲାଇର ପିଲାତନ୍ବକ୍ ଉଇଗା' । 63#ମାତିଉ 16:21; 17:23; 20:19; ମାର୍କ 8:31; 9:31; 10:33,34; ଲୁକ 9:22; 18:31–33ମା'ଏ ଉଇସେକ୍ ସୁନ' “ଗୁରୁ, ଜୁ ମାଇ ଜିବନ୍ ଡୁକୁନୁଂବେଲା ‘ନିଂ ତିନ୍ଦିନ୍ବକ୍ ବୁରତିଂ’ ଡ'ସେକ୍ ମାଇ ସୁନ'କୁଗା' । ଗୁତୁନ୍ ନାଡାଇବାର୍ରେମ୍ ଡୁ'ତୁନ୍ଉ ସୁନ'କୁନୁଂ ଆ'ନା ନେଇ ଏତ୍ଗୁତୁନେଇ । 64ସା' ତିନ୍ଦିନ୍ ପନ୍ତେକ୍ ଆତୁନ୍ ଲାଗ୍ଲାଗ୍ ବଲ୍ ଜାଗ୍ବାର୍ପୁଲେଇ ସୁଁ । ଆରାକ୍ନା ମାଇନା ସିସ୍ୟଲେ ସାକ୍ସେକ୍ ମାଇନା ମଟ୍ ଡୁଂଗା'ଲ'ରିଂସେକ୍ ମାଇ ଗୁଇ'କୁନୁଂକୁରୁଂ ବୁରଗା' ଡ'ସେକ୍ ଆରେମଲେ ସୁନ୍ତ । ଡୁ'ତୁନ୍ ଡେଂନା ସିଁସେଇଁ ନାଡାୟ'କୁନୁଂକୁରୁଂ ଆ'ନା ମାରି ଅଦିକ୍ ନାଡାଇତ” ଡ'ସେକ୍ ସୁନ' ।
65ସା' “ଗୁତୁନ୍ ଜାଗ୍ବାର୍ପୁଲେଇ ଆରେମଲେ ନିଂ ବେ'ତିଂ । ପେ ଉଇସେକ୍ ମି ବୁଂବୁଂ ଡୁତା ଡୁ'ତୁନା ବଲ୍ ଜାଗ୍ଲ'କୁଲା” ଡ'ସେକ୍ ପିଲାତଲା ସୁନ' । 66ସା' ମା'ଏ ଉଇସେକ୍ ଆତୁନ୍ ଲାଗ୍ଲାଗ୍ନା ଡାନ୍ଡର୍ବକ୍ ଡୁକୁନୁଂ ବୁରେ ଜାଏସା ଆ'କୁରେଇ' ଡ'ସେକ୍ ବୁରେ ବାଗ୍ବକ୍ ମୁଇ ସିନ ବୁଂଅଁ' । ମାରି ଆତା ଜାଗ୍ବାର୍ରେମେବକ୍ସା ବଲ୍ ଅଜାଗ୍ଲ'।
Currently Selected:
ମାତିଉ 27: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 27
27
ଆଜିସୁଲା ପିଲାତନ୍ବକ୍ ଇନ୍ଡ୍ରିଂଡେନ୍
(ମାର୍କ 15:1; ଲୁକ 23:1–2; ଜଅନ୍ 18:28–32)
1ଇନ୍ଜୁର୍ ପୁରୁଂପୁରୁଂ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ଗୁଲାଇର ଲେଇ'ସେକ୍ ଆଜିସୁଲା ମି ଅଗୁୟ'ନା ଡେନ୍ତା ଡ'ସେକ୍ ଅଇଁୟ' । 2ମାରି ମା'ଏ ଆମାଇ ତୁଲ'ସେକ୍ ଆତା ସାସନ୍ ଡେମ'କୁନୁଂ ରମିୟ ଦେସ୍ନା ମୁନା'ରେମ୍ ପିଲାତନ୍ବକ୍ ରିଂଅଁ' ଉଇସେକ୍ ମାଇନା ତିତିବକ୍ ବେଡ' ।
ଜିଉଦାଲା ଡେଗୁଗ୍ ଗୁଗୁଇ'ଡେନ୍
(ପେରିତ 1:18–19)
3 #
ପେରିତ 1:18,19 ଆଜିସୁଲା ଅଗୁଇ'ପୁଲେଇ ବେଡ' ଡ'ସେକ୍ ଜିଉଦାଲା ମାଗ'ସା' ନିଂ ଅଲିରାକ୍ବାଇ' କାମ୍ ଡେମ'ନିଂବେ ଡ'ସେକ୍ ମାଇ ଅବୁଦି ସିନ୍ତାଲ'ସେକ୍ ଗୁତୁନ୍ ତିରିସ୍ଟା ରୁପାନ୍ ଡାବୁ ମୁନା'ପୁଜାରିଲେ ମାରି ମୁନା'ରେମଲେ ଲେଇ'କୁନୁଂବକ୍ ରିଂଅଁ' ସା'ଗା' । 4ରିଂଅଁ' ସାକ୍ସେକ୍ “ଆମୁଇନ୍ଡା ଦରମ୍ବାଇ' ରେମବକ୍ ଅଗୁଇ'ପୁଲେଇ ନିଂ ଅସୁୟ' ବେଡ'ନିଂସା' ପାପ୍କାମ୍ ଡେମ'ତିଂ” ଡ'ସେକ୍ ଆମା'ଏ ସୁନ' ।
ସା' ମା'ଏ, “ଡୁ'ତୁନ୍ ଡ'ନା ଆନେଇ ମା ଡେନ୍ତା? ଗୁତୁନ୍ ନନା କାମ୍” ଡ'ସେକ୍ ସୁନ' ।
5ସା' ଜିଉଦାଲା ଗୁତୁନ୍ ଡାବୁ ଗୁଲାଇ ମନ୍ଦିର୍ବକ୍ ରାନ୍ଡେଲ'ସେକ୍ ଉନ୍ତ୍କୁରୁଂ ଡୁଂଗା' । ମାରି ମାଇ ଉଇସେକ୍ ଡେଗୁଗ୍ ଗୁଇ'ଗା' ।
6ମାରି ମୁନା'ପୁଜାରିଲେ ଗୁତୁନ୍ ରୁପାନ୍ ଡାବୁ ଜୁଗ'ସେକ୍ “କେନ୍ ଡାବୁ ଆମୁଇନ୍ଡା ଅଗୁଇ'ପୁଲେଇ ବେଡ'କୁନୁଂ ଡାବୁ, ସା' ମନ୍ଦିର୍ବକ୍ ଡୁକୁନୁଂ ଡାବୁବୁରଂ କେନା ମିସାଇଁବାର୍ନା ନେଇ'ନା ନିୟମ୍ ଆରାକ୍” ଡ'ସେକ୍ ସୁନ' । 7ସା' ମା'ଏ ଗୁଲାଇର ଅଇଁୟ'ସେକ୍ ଜାଜା ପାଲ୍ ଦେସ୍କୁରୁଂ ସାକ୍ସେକ୍ ମା'ଏନ୍ବକ୍ ଡୁତା ଆମା'ଏ ଆତିଲ'ସୁଂସୁଂପୁଲେଇ ଗୁତୁନ୍ ଡାବୁବୁରଂ କୁମ୍ବି'ଗେନା ଜମି ସବ' । 8ସା' ଆତୁନ୍ ଜମି ବନିଜମି ଡ'ସେକ୍ ଆ'ନାସା ସୁନ'ତା । 9ସା' ଜିରିମିୟ ଡ'କୁନୁଂ ବାବବାଦିଲା ମାପ୍ରୁନା ଉଲାକ୍ବକ୍ ଲେକ୍ଲ'ବୁଂଅଁ', ମା ଡ'ନା:
“ମାଇପୁଲେଇ ଡାବୁ ବେ'ତୁନେଇ ଡ'ସେକ୍ ଇସ୍ରାଏଲ୍ ରେମଲେ ଅସିଡ'କୁନୁଂ
ଗୁତୁନ୍ ତିରିସ୍ଟା ରୁପାନ୍ ଡାବୁ ମା'ଏ ଜୁଗ'ସେକ୍
10ପ୍ରବୁଲା ସୁନ'କୁନୁଂସୁଗ
କୁମ୍ବି'ଗେନା ଜମି ସବ'” ଡ'ସେକ୍ ଲେକ୍ଲ'କୁନୁଂ ତୁମ' ଡି'କେନା ସତ୍ ଡେଂଗା' ।
ପିଲାତଲା ଆଜିସୁଲା ଅ'ଗଁସ୍ଲାଗ୍ଡେନ୍
(ମାର୍କ 15:2–5; ଲୁକ 23:3–5; ଜଅନ୍ 18:33–38)
11ଆଇ'ତୁନ୍ବେଲା ଆତା ସାସନ୍ ଡେମ'କୁନୁଂ ରମିୟ ଦେସ୍ନା ମୁନା'ରେମ୍ବକ୍ ଆଜିସୁଲା ରିଂଅଁ' ସାକ୍ସେକ୍ ମାଇନା ସାର୍ମ'କନ୍ଡେକ୍ ଅ'ତନ' । ସା' ମାଇ ଆମାଇ “ନ ଜିଉଦିରେମଲେନା ରାଜା ଇ?” ଡ'ସେକ୍ ଅ'ଗଁସ୍ଲା'ଗା'ସା',
“ଅଁ'ଅଁ, ନ ସୁନ'କୁନୁଂସୁଗ” ଡ'ସେକ୍ ସୁନ' । 12ମାତର୍ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ଗୁଲାଇର ମା ଡ' ସୁନ'ସା'ଏସା ମାଇ ଜୁ' ଡୁକୁ ।
13ସା' ପିଲାତଲା ଆମାଇ ସୁନ', “ଜୁ, ମା'ଏ ଗୁଲାଇର ମାଇ ଅଲିରାକ୍ବାଇ' କାମ୍ ଡେମ'ତା ଡ'ସେକ୍ ନନା ବିସୟ ସାକି ସୁନ'କୁନୁଂ ଗୁଲାଇ ନ ଆଅଂତୁନ ଇ?” ଡ'ସେକ୍ ଅ'ଗଁସ୍ଲା'ଗା' । 14ମାତର୍ ଜିସୁଲା ଆମା'ଏ ମୁଇ ତୁମ'ସା ଆସୁନ୍ତ, ସା' ଗୁତୁନ୍ ଜୁଲ'ସେକ୍ ପିଲାତଲା ଅବୁଦି କାବା ଡେଂଉଇଗା' ।
ଆଜିସୁଲା ଅଗୁଇ' ଡ'ସେକ୍ ପିଲାତଲା ସୁଁସୁଡେନ୍
(ମାର୍କ 15:6–15; ଲୁକ 23:13–25; ଜଅନ୍ 18:39—19:16)
15ବରସ୍କେ ବରସ୍ ନିସ୍ତାର୍ ପରବ୍ବେଲା ବନ୍ଦିକୁରୁଂ ଆଜାଏସା ଆମୁଇନ୍ଡା ଅ'ତୁର' ବେ' ଡ'ସେକ୍ ରେମଲେ ସୁନ'ନା ଇସାଉ ଡୁ'ତୁନା ରମିୟ ଦେସ୍ନା ମୁନା'ରେମ୍ ବନ୍ଦିକୁରୁଂ ଅ'ତୁର' ବେଡ'କୁ । 16ଉନ୍ତା ଆତା ବନ୍ଦିବକ୍ #27:16 ଏନ୍ତୁକ୍ ଉଲାକ୍ବକ୍ ମାଇନା ଇମି ଜିସୁ ବାରବ୍ବାଲା ଡ'ସେକ୍ ଲେକ୍ଲ'ତା ।ବାରବ୍ବା ଡ'ସେକ୍ ମୁଇନ୍ଡା ଡୁକୁଗା' । ମାଇ ଅବୁଦି ଟାକ୍ରିବାଇ' ଡ'ସେକ୍ ରେମଲେ ଗୁଲାଇର ମାଗ'କୁ । 17ସା' ମା'ଏ ରେମଲେ ଗୁଲାଇର ରୁନ୍କୁନୁଂବକ୍ ପିଲାତଲା ଆମା'ଏ ସୁନ', “ଆଜା ନିଂ ଅ'ତୁର' ବିବେ'ନା ଆପେ ମୁନ୍? ଆବାରବ୍ବାଲା କି କିରିସ୍ଟ ଡ'କୁନୁଂ ଆଜିସୁଲା?” ଡ'ସେକ୍ ଅ'ଗଁସ୍ଲା'ଗା' । 18ମାସା'ଡ'ନା ମା'ଏ ଆଜିସୁଲା ଆଂକାର୍ ଡେଂସେ'ଗାଉ ନିଂବକ୍ ରିଂଅଁ'ତା ଡ'ସେକ୍ ପିଲାତଲା ମାଗ'କୁ ।
19ସା' ମାଇ ବିସାର୍ନା ଡିନ୍ଡେମ୍ନା ଜାଗାବକ୍ ଲେଇ'କୁନୁଂବେଲା ମାଇନା କୁନୁଇ' “ମାଇ ମୁଇନ୍ଡା ଦରମ୍ବାଇ' ରେମସା' ନ ଆମାଇ ମାସା ଆଡେମ' । ମାସା'ଡ'ନା ନିଂ ମାଇନା ବିସୟ ମୁସୁକ୍ଡିମ୍ବକ୍ ଜୁଲ'ନିଂସା' ଆନିଂ ଅବୁଦି କସ୍ଟ ଡେଂଗୁତା” ଡ'ସେକ୍ ଆମୁଇନ୍ଡା ମାଇନ୍ବକ୍ ସୁଁସୁ ବେନ୍ଟାୟ' ।
20ମାତର୍ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ଗୁଲାଇର ଆବାରବ୍ବାଲା ଅ'ତୁର'ସେକ୍ ଆଜିସୁଲା ଅଗୁଇ' ଡୁତା ଡ'ସେକ୍ ପେ ସୁଁ ଡ'ସେକ୍ ଆରେମଲେ ସୁତ୍ରାୟ' । 21ସା' ପିଲାତଲା ଆମା'ଏ “ଗୁତୁନ୍ ଇମ୍ବାୟବକ୍ ଆଜା ଅ'ତୁର' ବେ' ଡ'ସେକ୍ ପେ ଆନିଂ ସୁନ'ତୁପେ?” ଡ'ସେକ୍ ଅ'ଗଁସ୍ଲା'ଗା'ସା' ରେମଲେ “ଆବାରବ୍ବାଲା” ଡ'ସେକ୍ ସୁନ' ।
22ସା' “ଡୁ'ତୁନ୍ ଡ'ନା କିରିସ୍ଟଲା ଡ'କୁନୁଂ ଆଜିସୁଲା ନିଂ ମା ଡେମ୍ତିଂ?” ଡ'ସେକ୍ ପିଲାତଲା ସୁନ' । ସା' ମା'ଏ ଗୁଲାଇର, “ଆମାଇ କୁର୍ସବକ୍ ଅଡାୟ' ଅଗୁଇ'” ଡ'ସେକ୍ ଅବୁଦି ଡକ୍ତି'ତା କିରକ୍ସେକ୍ ସୁନ' ।
23ସା' “ମାସା' ଡୁ'ତୁନ୍ଉ ଡିନ୍ଡେମ୍ ଡୁତା? ମାଇ ମା ବୁଲ୍ ଡେମ'ସା'?” ଡ'ସେକ୍ ପିଲାତଲା ଅ'ଗଁସ୍ଲା'ଗା' । ମାତର୍ ରେମଲେ ଗୁଲାଇର ଅବୁଦି ଡକ୍ତି'ତା କିରକ୍ସେକ୍ “ଆମାଇ କୁର୍ସବକ୍ ଅଡାୟ' ଅଗୁଇ'!” ଡ'ସେକ୍ ସୁନ' ।
24ସା' ପିଲାତଲା ନିଂ ମାରି ମାସା ଡିନ୍ଡେମ୍ ଆଗଂତିଂ ଡ'ସେକ୍ ମାଗ' ମାରି ରେମଲେ ଗୁଲାଇର ଅଦିକ୍ ଅଦିକ୍ କିରକ୍ସେକ୍ ଇନ୍ଡ୍ରିମ୍ ମୁଲାଇବାର୍ ଡେଂକୁନୁଂ ଜୁଲ'ସେକ୍ ପିଲାତଲା ଡାଗ୍ ଜୁଗ'ସେକ୍ ଗୁଲାଇର ଜୁଲ'କୁନୁଂବକ୍ ମାଇନା ତିତି ଗୁଇ'ତିକ୍ସେକ୍ ସୁନ', “ଆକେନ୍ ରେମ ପେଉ ଅଗୁଇ'ଡେନ୍ତୁପେସା' ଆପେଉ ପାପ୍ ଜୁତ, ଆନିଂ ଆରାକ୍, ଗୁତୁନା ପେଉ ମାଗ'କୁଲା” ଡ'ସେକ୍ ସୁନ' ।
25ସା' ଗୁଲାଇ ରେମଲେ ସୁନ' “ଆମାଇ ଅଗୁଇ'ୟ'ନା ମାପ୍ରୁ ଆନେଇ ମାରି ଆନେଇନା ଉଁ'ଉଁନେସା ପାପ୍ ଜୁଲେଇ'” ଡ'ସେକ୍ ସୁନ' ।
26ତିର୍ଗି' ପିଲାତଲା ଆବାରବ୍ବାଲା ଅ'ତୁର'ବେଡ' । ମାତର୍ ଆଜିସୁଲା ଅବୁଗ' ମାରି କୁର୍ସବକ୍ ଅଗୁଇ' ଡ'ସେକ୍ ବେଡ' ।
ସଇନିକଲେ ଆଜିସୁଲା ଅ'କିୟାଲିଡେନ୍
(ମାର୍କ 15:16–20; ଜଅନ୍ 19:2–3)
27ତିର୍ଗି' ପିଲାତନା ସଇନିକଲେ ଆଜିସୁଲା ପିଲାତନା ଡିଂଅଁବକ୍ ରିଂଅଁ' ଉଇସେକ୍ ଆପାଲ୍ ସଇନିକଲେସା ୱାୟ'ସା' ମା'ଏ ଗୁଲାଇର ଆତା ମାଇନ୍ବକ୍ ରୁନ୍ଗା' । 28ମାରି ମା'ଏ ମାଇନା ଇମ୍ପ' ତଗ'ସେକ୍ ମୁଇ କିଲୁଂବେଇଁ ଇମ୍ପ' ଅ'କୁକୁୟ' । 29ଅ'କୁକୁୟ'ସେକ୍ ଗୁରାଇ'ବୁରଂ ଅ'ରଇଁୟ'କୁନୁଂ ବାଂଟିସୁଗ ଗଲ'କୁନୁଂ ଆଜିସୁଲା ଅରାଂବଗ' ବେଡ' । ମାରି ମାଇନା ସୁସୁମ୍ତିବକ୍ ମୁଇ ବୁ'ଡୁଂ ଅସବ'ସେକ୍ ମାଇନା ସାରମ'କନ୍ଡେକ୍ ଏନ୍ଡିକ୍ସେକ୍ “ଅ ଜିଉଦିରେମଲେନା ରାଜା, ଆନ ନମସ୍କାର୍” ଡ'ସେକ୍ ଅବୁଦି ଅ'କିୟାଲିଗା' । 30ମା'ଏ ଆମାଇ ଆସାର୍ମ' ବୁଇ'ତୁର' ବେଡ'ସେକ୍ ମାଇନା ତିତିବକ୍ ଡୁକୁନୁଂ ଗୁତୁନ୍ ବୁ'ଡୁଂ ଜୁଗ'ସେକ୍ ଆବ'ବ୍ ବୁ'ଡୁଂବୁରଂ ମାରିମାରି ବୁଗ' । 31ଅ'କିୟାଲି ଅ'ଡମ'ସେକ୍ ମା'ଏ ଗୁତୁନ୍ କିଲୁଂବେଇଁ ରଂଗବାଇ' ଇମ୍ପ' ଅ'କୁକୁୟ'କୁନୁଂ ଉରିଗ'ସେକ୍ ଜିସୁନା ଇମ୍ପ' ଅ'କୁକୁୟ'ବେଡ' । ଅ'କୁକୁୟ'ସେକ୍ ଆମାଇ କୁର୍ସବକ୍ ଅଗୁଇ'ପୁଲେଇ ରିଂଅଁ' ଉଇଗା' ।
ଆଜିସୁଲା କୁର୍ସବକ୍ ଅଗୁଇ'ଡେନ୍
(ମାର୍କ 15:21–32; ଲୁକ 23:26–43; ଜଅନ୍ 19:17–27)
32ରିଂଅଁ' ଉଇରେମ୍ କୁରିନିୟ ମୁନା'ଉଂଗମ୍ନା ସିମନ୍ ଡ'ସେକ୍ ଇମିକୁନୁଂ ଆମୁଇନ୍ଡା କୁରୁଂବକ୍ ସୁସାପ୍ଡେଂକୁନୁଂ ଜୁଲ' । ସା' ଆଜିସୁଲା ଅଗୁଇ'ପୁଲେଇ ଇନ୍ଡ୍ରିଂ ଡେଂକୁନୁଂ ଗୁତୁନ୍ କୁର୍ସ ଡୁଁ ଡ'ସେକ୍ ସଇନିକଲେ ଆମାଇ ଅ'ଡୁନ' । 33ମାରି ମା'ଏ ଗଲ୍ଗତା ଡ'ସେକ୍ ମୁଇ ଜାଗାବକ୍ ଡେଲ' । ଗଲ୍ଗତା ଡ'ନା “କୁରାଇଁବ'ବ୍ନା ଜାଗା” ଡ'ସେକ୍ ଅର୍ତ ଡୁତା । 34ମାରି ମା'ଏ ଅଂଗୁର୍ନା ଡାଗ୍ବକ୍ ପୁସାଇ'ବାଇ'#27:34 ପୁସାଇ'ଗର୍ସୁଗବାଇ' ଅଂଗୁର୍ଡାଗ୍ବକ୍ ମିସାୟ' ଡ'ସେକ୍ ଏତ୍ଗୁତା । ଗୁତୁନ୍ ସି'ରଂନା ଇମି ମିର୍ । ଗୁତୁନ୍ ଇଡ'ନା ଞେରି ଇନ୍ସାପ୍ ସିକୁନୁଂବକ୍ ସି ଉନାତା । ମାୟ'ସେ'ଗା ଆଜିସୁଲା ଇ'ପୁଲେଇ ବେଡ' । ମାତର୍ ମାଇ ଇନ୍ସାଂଗା' । 35ତିର୍ଗି' ଆଜିସୁଲା ଗୁତୁନ୍ କୁର୍ସବକ୍ ଉରନ'ସେ'ଗା କୁନ୍ଟିବୁରଂ ତାଂଅଁ' । ତାଂଅଁ'ସେ'ଗା ଜିସୁନା ସକାବାନ୍ଦା ଇମ୍ପ'ସେନ୍ଡି ଆଜାଆଜା ବାମ୍ତା ଡ'ସେକ୍ ପାନ୍ଜି ବୁଂଅଁ'ସେକ୍ ବାନ୍ଟାଲ' । 36ମାରି ମା'ଏ ଆତା ଆମାଇ ଜାଗ୍ଲ' ଲେଇ'କୁ । 37ମାରି ମା'ଏ ମାଇନା ବୁଲ୍କାମ୍ ମା ଡ'ସେକ୍ ଲେକ୍ଲ' ଡ'ନା “କୁନା ଜିସୁଲା, ଜିଉଦିରେମଲେନା ରାଜା” ଡ' ଲେକ୍ଲ'ସେକ୍ ମାଇନା ବ'ବ୍କନ୍ଡେକ୍ ତାଂଅଁ'ବୁଅଁ' । 38ଅଲିରାକ୍ବାଇ' କାମ୍ ଡେମ'କୁନୁଂ ଆଇମ୍ବାୟସା ଆମୁଇନ୍ଡା ଜିସୁନା ସୁସୁମ୍ତିକୁରୁଂ ମାରି ଆମୁଇନ୍ଡା ବାସାକ୍ତିକୁରୁଂ ଆତା ଜିସୁଲାବୁରଂ କୁର୍ସବକ୍ ଅ'ତନ' । 39କୁରୁଂବକ୍ ଉଇ ଇ'ରେମ୍ ଆଜିସୁଲା ଜୁଲ'ସେକ୍ ଅବୁଦି ଅ'ଡୁର୍ବକ୍ ଅ'ଡୁର୍ସେକ୍ସେକ୍ ଅବୁଦି ଅ'କିୟାଲିଗା' । 40#ମାତିଉ 26:61; ଜଅନ୍ 2:19ମାରି ମା'ଏ “ଆ'ନା ଜୁ, କେନ୍ ମାପ୍ରୁନା ମନ୍ଦିର୍ ଅ'ଲାର'ସେକ୍ ତିନ୍ଦିନ୍ବକ୍ ଅ'ରଇଁତିଂ ଡ'କୁନୁଂଆଁ । ନ ମାପ୍ରୁନା ଉଁ'ଉଁ ଡ'ନା ଗୁତୁନ୍ କୁର୍ସକୁରୁଂ ନ ଆ'ନା ଆଲୁଂ ଜର୍ସେକ୍ ନନା ଜିବନ୍ ନ ନିଜେ ରକ୍ୟା ଡେମ୍ବରା” ଡ'ସେକ୍ ଆମାଇ ସୁନ' ।
41ଡୁ'ତୁନା ମୁନା'ପୁଜାରିଲେ ମାରି ନିୟମ୍ ଅମାକ୍ରେମେ ମାରି ଜିଉଦିରେମଲେନା ମୁନା'ରେମେ ଗୁଲାଇରସା ଆଜିସୁଲା ଅବୁଦି ଅ'କିୟାଲିଗା'। 42ମା'ଏ ସୁନ' “ଜୁ, ମାଇ ଆପାଲ୍ ରେମଲେ ରକ୍ୟା ଡେମ'କୁ, ଆ'ନା ମାଇନା ଜିବନ୍ ରକ୍ୟା ଡିନ୍ଡେମ୍ ମାଇ ଆଗଂତା । ଇସ୍ରାଏଲ୍ ରେମଲେନା ରାଜାଲା ମାଇ ଇ? ଆ'ନା ଗୁତୁନ୍ କୁର୍ସକୁରୁଂ ମାଇ ଜରେଇ' । ଡୁ'ତୁନ୍ ଡ'ନା ନେଇ ଜୁଲ'ସେ'ଗା ଆମାଇ ବିସ୍ବାସ୍ ଡେମ୍ତୁନେଇ । 43ମାଇ ଆମାପ୍ରୁ ବିସ୍ବାସ୍ ଡେମ'ସେ'ଗା ଡୁତା, ମାରି ନିଂ ମାପ୍ରୁନା ଉଁ'ଉଁ ଡ'ସେକ୍ ମାଇ ସୁନ'ତା । ଡୁ'ତୁନ୍ ଡ'ନା ଆମାଇ ଆନିଂ ଦର୍କାର୍ ଡ'ସେକ୍ ମାପ୍ରୁ ଏତ୍ତା ଡ'ନା ମାପ୍ରୁ ଆମାଇ ରକ୍ୟା ଡେମେଇ'” ଡ'ସେକ୍ ସୁନ' । 44ଜିସୁଲାବୁରଂ ତିରେ ଅ'ତନ'କୁନୁଂ ଡୁଂଗା'ରେମ୍ପାସା ଆଜିସୁଲା ଡୁ'ତୁନ୍ଉ ସୁନ'ସେକ୍ ନିନ୍ଦାଲ' ।
ଜିସୁଲା ଗୁଗୁଇ'ଡେନ୍
(ମାର୍କ 15:33–41; ଲୁକ 23:44–49; ଜଅନ୍ 19:28–30)
45ଉନ୍ତ୍ଦିନ୍ ବାର୍ଟାବେଲାକୁରୁଂ ତିନ୍ଟାବେଲା ପନ୍ତେକ୍ ଗୁତୁନ୍ ଗୁଲାଇ ରାଜି ଞୁର୍ ଉଇଗା' । 46ତିନ୍ଟାବେଲାସୁଗ ଜିସୁଲା “ଏଲି, ଏଲି ଲାମା ସବକ୍ତାନି?” ଡ'ନା “ଅ ନିଂନା ମାପ୍ରୁ, ଅ ନିଂନା ମାପ୍ରୁ, ମାସା' ଆନିଂ ନ ଅଡକ୍ସୁଂଅଁ' ଡୁଂନ?” ଡ'ସେକ୍ ଡକ୍ତି'ତା ଉ'ଗା' ।
47ଉ'ଗା'ସା' ଆତା ତଂକୁନୁଂ ରେମଲେ ଏନ୍ତୁକ୍ର ଗୁତୁନା ଅଂଅଁ'ସେ'ଗା “ଜୁ, ମାଇ ଆଏଲିୟଲା ୱାୟ'ତା” ଡ'ସେକ୍ ସୁନ' ।
48ସା' ମୁଇନ୍ଡା ସେଟ୍ଟ' ଉର' ଉଇସେକ୍ ମୁଇ ସ୍ପନ୍ଜ୍ ରିଂଅଁ' ସା'ଗା' । ମାରି ପୁସୁଇ'ବାଇ' ଅଂଗୁର୍ଡାଗ୍ବକ୍ ଗୁତୁନ୍ ସ୍ପନ୍ଜ୍ ଜୁଂଡାଗ'ସେକ୍ ଆବୁ'ଡୁଂ ପୁଗ'ସେକ୍ ଆଜିସୁଲା ଇ'ପୁଲେଇ ଅଡାୟ' ବେଡ' । 49ମାତର୍ ଆତା ମାରି ଡୁକୁନୁଂ ରେମଲେ “ଡୁ'ତୁନା ମାଇ ଡୁକୁଲେଇ', ଆ'ନା ଏଲିୟଲା ସାକ୍ସେକ୍ ଆମାଇ ରକ୍ୟା ଡେମ୍ତ କି ଆରାକ୍, ଜୁନେଇ'” ଡ'ସେକ୍ ସୁନ' ।
50ତିର୍ଗି' ଜିସୁଲା ମାରି ଅବୁଦି ଡକ୍ତି'ତା ଉକ୍ସେ'ଗା ଗୁଇ'ଉଇଗା' ।
51ଆଇ'ତୁନ୍ବେଲା ଆତା ମାପ୍ରୁନା ମନ୍ଦିର୍ ବିତ୍ରେ ଅ'ଡିପୁଲେଇ ତୁଲ'କୁନୁଂ ମୁନା' ଇମ୍ପ' ବାଗ୍ବକ୍କୁରୁଂ ଆଲୁଂ ସିଂସାଡ୍ ଗାର୍ଉଇଗା' । ମାରି ଦର୍ତନି ଲୁନ୍ଡୁର୍ଗା' ମାରି ବୁରେଲେସା ବାର୍ତାକ୍ ବାର୍ଲୁଂଉଇଗା', 52-53ମାରି ଗୁଇ'କୁନୁଂ ରେମଲେବକ୍ ଆତିଲ'କୁନୁଂ ଜାଗା ରୁକ୍ଉଇଗା' ମାରି ସିଁସେଇଁଉ ଗୁଇ'କୁନୁଂ ମାପ୍ରୁନା ଦରମ୍ବାଇ' ରେମଲେ ଅବୁଦିର ଜିସୁଲା ଗୁଇ'ସେକ୍ ବୁରକୁନୁଂ ତିର୍ଗି' ବୁରକ୍ସେକ୍ ରାଇ'ସାଂବକ୍କୁରୁଂ ତୁତୁର୍ଆର୍ଗା' । ତୁତୁର୍ଆର୍ସେକ୍ ଜିଉଦିରେମଲେ ପବିତ୍ରବାଇ' ମୁନା'ଉଂଗମ୍ ଡ'ସେକ୍ ଜୁଲ'କୁନୁଂ ଜିରୁସାଲମ୍ ଉଂଗମ୍ବକ୍ ମା'ଏ ଉଇସେକ୍ ଆତା ଅବୁଦି ରେମଲେବକ୍ ଅ'ତୁନାଗା' ।
54ଆଇ'ତୁନ୍ବେଲା ରମିୟ ସଇନିକ୍ ରେମଲେନା ମୁନା'ରେମ୍ ମୁଇନ୍ଡା ମାରି ଆଜିସୁଲା ଜାଗ୍ଲ'ସେକ୍ ମାଇବୁରଂ ଡୁକୁନୁଂ ମାଇନା ସଇନିକ୍ ରେମଲେସା ଆତା ଡୁକୁ । ଦର୍ତନି ଲୁନ୍ଡୁର୍କୁନୁଂ ମାରି ମାମା ଡେଂକୁନୁଂ ମା'ଏ ଜୁଲ'ସେଗା ଅବୁଦି ବୁତୁଂଆର୍ଉଇଗା' । ସା' ମା'ଏ “ଜୁ, କେନ୍ ରେମ ମୁଇନ୍ଡା ସତଇସା ମାପ୍ରୁନା ଉଁ'ଉଁ ଡୁକୁ” ଡ'ସେକ୍ ସୁନ' ।
55 #
ଲୁକ 8:2,3 ଅବୁଦି ସେଲାନେସା ଆତା ସୁଲୁଂକୁରୁଂ ଜୁଲ' ତଂକୁଗା' । ମା'ଏ ଆଜିସୁଲା ସାନ୍ଡୁଂପୁଲେଇ ଗାଲିଲି ଜିଲାକୁରୁଂ ଆମାଇ ତେଂଗି' ସା'କୁଗା' । 56ମା'ଏବୁରଂ ମଗ୍ଦଲିନି ମରିୟମା ମାରି ଜାକୁବ୍ନା, ଜସେପ୍ନା ୟଂ ମରିୟମା ମାରି ଜେବଦିନା ଉଁ'ଉଁପାନା ୟଂସା ଡୁକୁଗା' ।
ଜିସୁନା ମଟ୍ ଲାଗ୍ଲାଗ୍ବକ୍ ବୁଂବୁଂଡେନ୍
(ମାର୍କ 15:42–47; ଲୁକ 23:50–56; ଜଅନ୍ 19:38–42)
57ମାରି ଆରାମାତିୟା ଡ'ସେକ୍ ମୁଇ ଉଂଗମ୍ନା ଜସେପ୍ଲା ଡ'କୁନୁଂଆଁ ମୁଇନ୍ଡା ଅବୁଦି ସାକାର୍ବାଇ' ଡୁକୁ । ମାଇ ଜିସୁନା ମୁଇନ୍ଡା ସିସ୍ୟ ଏଗ୍ସେକ୍ ଡୁକୁ । ଉନ୍ତ୍ଦିନ୍ ମୁନ୍ଡି'ଗା'ସା' 58ମାଇ ପିଲାତନ୍ବକ୍ ଉଇସେକ୍ ଜିସୁନା ମଟ୍ ଲୁଡ'ସା' ଆମାଇ ବେ' ଡ'ସେକ୍ ପିଲାତଲା ସୁନ' । 59ସା' ଜସେପ୍ଲା ଜିସୁନା ମଟ୍ ଜୁଗ'ସେକ୍ ମୁଇ ବଲ୍ଟାବାଇ' ଇମ୍ପ'ବୁରଂ ଗବ'ସୁଂଅଁ' । 60ଗବ'ସେକ୍ ମୁଇ ବୁରେବକ୍ ଜସେପ୍ଲା ତିମେବାଇ' ଲାଗ୍ଲାଗ୍ ଅ'ରଇଁୟ'କୁନୁଂବକ୍ ରିଂସେକ୍ ବିତ୍ରେ ଅଡିରିଗ' ବେଡ' । ଅଡିରିଗ'ସେକ୍ ଆତୁନ୍ ଲାଗ୍ଲାଗ୍ନା ଡାନ୍ଡର୍ ବୁଡାଲା ବୁରେବୁରଂ ଅନ୍ତୁଡ'ସେକ୍ ଡୁଂଗା'। 61ମଗ୍ଦଲିନି ମରିୟମା ମାରି ମୁଇନ୍ଡା ମରିୟମ୍ମା ମାଇପା ଇମ୍ବାୟ ଗୁତୁନ୍ ତୁମ' ଲାଗ୍ଲାଗ୍ କନ୍ଡେକ୍ ଲେଇ'କୁଗା' ।
ସଇନିକଲେ ଲାଗ୍ଲାଗ୍ ଜାଗ୍ବାର୍ଡେନ୍
62ବେରା ବିସ୍ରାମ୍ଦିନ୍ ମୁନା'ପୁଜାରିଲେ ମାରି ପାରୁସିଦଲ୍ନା ରେମଲେ ଗୁଲାଇର ପିଲାତନ୍ବକ୍ ଉଇଗା' । 63#ମାତିଉ 16:21; 17:23; 20:19; ମାର୍କ 8:31; 9:31; 10:33,34; ଲୁକ 9:22; 18:31–33ମା'ଏ ଉଇସେକ୍ ସୁନ' “ଗୁରୁ, ଜୁ ମାଇ ଜିବନ୍ ଡୁକୁନୁଂବେଲା ‘ନିଂ ତିନ୍ଦିନ୍ବକ୍ ବୁରତିଂ’ ଡ'ସେକ୍ ମାଇ ସୁନ'କୁଗା' । ଗୁତୁନ୍ ନାଡାଇବାର୍ରେମ୍ ଡୁ'ତୁନ୍ଉ ସୁନ'କୁନୁଂ ଆ'ନା ନେଇ ଏତ୍ଗୁତୁନେଇ । 64ସା' ତିନ୍ଦିନ୍ ପନ୍ତେକ୍ ଆତୁନ୍ ଲାଗ୍ଲାଗ୍ ବଲ୍ ଜାଗ୍ବାର୍ପୁଲେଇ ସୁଁ । ଆରାକ୍ନା ମାଇନା ସିସ୍ୟଲେ ସାକ୍ସେକ୍ ମାଇନା ମଟ୍ ଡୁଂଗା'ଲ'ରିଂସେକ୍ ମାଇ ଗୁଇ'କୁନୁଂକୁରୁଂ ବୁରଗା' ଡ'ସେକ୍ ଆରେମଲେ ସୁନ୍ତ । ଡୁ'ତୁନ୍ ଡେଂନା ସିଁସେଇଁ ନାଡାୟ'କୁନୁଂକୁରୁଂ ଆ'ନା ମାରି ଅଦିକ୍ ନାଡାଇତ” ଡ'ସେକ୍ ସୁନ' ।
65ସା' “ଗୁତୁନ୍ ଜାଗ୍ବାର୍ପୁଲେଇ ଆରେମଲେ ନିଂ ବେ'ତିଂ । ପେ ଉଇସେକ୍ ମି ବୁଂବୁଂ ଡୁତା ଡୁ'ତୁନା ବଲ୍ ଜାଗ୍ଲ'କୁଲା” ଡ'ସେକ୍ ପିଲାତଲା ସୁନ' । 66ସା' ମା'ଏ ଉଇସେକ୍ ଆତୁନ୍ ଲାଗ୍ଲାଗ୍ନା ଡାନ୍ଡର୍ବକ୍ ଡୁକୁନୁଂ ବୁରେ ଜାଏସା ଆ'କୁରେଇ' ଡ'ସେକ୍ ବୁରେ ବାଗ୍ବକ୍ ମୁଇ ସିନ ବୁଂଅଁ' । ମାରି ଆତା ଜାଗ୍ବାର୍ରେମେବକ୍ସା ବଲ୍ ଅଜାଗ୍ଲ'।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0