ମାତିଉ 26
26
ଆଜିସୁଲା ଅଗୁଇ'ପୁଲେଇ ଜିଉଦିରେମଲେନା ମୁନା'ରେମେ ଅଇଁଡେନ୍
(ମାର୍କ 14:1–2; ଲୁକ 22:1–2; ଜଅନ୍ 11:45–53)
1କେନ୍ ତୁମ' ଗୁଲାଇ ସୁଁସୁ ଅ'ଡମ'ସେକ୍ ଜିସୁଲା ଆମାଇନା ସିସ୍ୟଲେ ସୁନ', 2“ଜୁ, ଦୁଇଦିନ୍ ତିର୍ଗି' ନିସ୍ତାର୍ ପରବ୍ ଡୁତା ଡ'ସେକ୍ ପେ ମାଗ'ତୁପେ । ଉନ୍ତା ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ କୁର୍ସବକ୍ ଅଗୁଇ'ପୁଲେଇ ବେ'ତ” ଡ'ସେକ୍ ସୁନ' ।
3ଉନ୍ତ୍ଦିନ୍ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ଆତା କୟାପା ଡ'କୁନୁଂ ମୁନା'ପୁଜାରିଲେନା ମୁନା'ରେମ୍ନା ଡିଂଅଁବକ୍ ରୁନ୍ଗା' । 4ମା'ଏ ଆତା ଆଜିସୁଲା ମି ସୁତ୍ରାୟ' ସବ'ସେକ୍ ଅଗୁୟ'ନା ଡେନ୍ତା ଡ'ସେକ୍ ଅଇଁୟ' । 5“ମାତର୍ ପରବ୍ବେଲା ଆଡେମ୍ନେଇ' ଆରା'ଗେ ରେମଲେ ଇନ୍ଡ୍ରିମ୍ ଆର୍ତ” ଡ'ସେକ୍ ମା'ଏ ସୁନ' ।
ଅବୁଦି ବାସ୍ନାବାଇ' ସୁ'ଉ ଆଜିସୁନ୍ ବ'ବ୍ କିପ୍ଲାଡାଗ' ବିବେ'ଡେନ୍
(ମାର୍କ 14:3–9; ଜଅନ୍ 12:1–8)
6ବେତନିୟା ଉଂଗମ୍ବକ୍ ସିମନ୍ ଡ'ସେକ୍ ମୁଇନ୍ଡା ଡୁକୁ । ଆମାଇ ଇନ୍ତେ କୁକୁମ୍ ସି ବାଂସେକ୍ ଡୁକୁଗା' । ମାଇନା ଡିଂଅଁବକ୍ ଜିସୁଲା ଡୁକୁ । 7#ଲୁକ 7:37,38ଆଇ'ତୁନ୍ବେଲା ମୁଇନ୍ଡା ସେଲାନ୍ଲା ଅତର୍ ଡ'ସେକ୍ ଅବୁଦି ଦାମ୍ବାଇ' ବାସ୍ନାବାଇ'ନା ସୁ'ଉ କାଁସେକ୍ ରିଂଅଁ' ସା'ଗା' । ସା' ମାଇ ଗୁତୁନ୍ ରିଂଅଁ' ସାକ୍ସେକ୍ ଜିସୁଲା ସୁସୁମ୍ପୁଲେଇ ଲେଇ'କୁନୁଂବକ୍ ଆମାଇନା ବ'ବ୍ କିବ୍ଲାଡାଗ'ବେଡ' । 8ଜିସୁନା ସିସ୍ୟଲେ ମାଇ ଡେମ'କୁନୁଂ ଜୁଲ'ସେକ୍ ଗିସେକ୍ସେକ୍ ସୁନ', “ମାସା' ମାଇ ଡି'କେନା ସରଉ ବୁଡାୟ'ତା? 9କେନା ସୁଂଅଁ'ସେକ୍ ଗୁତୁନ୍ ଡାବୁ ଆଗରିବ୍ରେମେ ବେଡ'ନାତା ଡେମାନା” ଡ'ସେକ୍ ସୁନ' । 10ସା' ଜିସୁଲା ମା'ଏ ସୁନ'କୁନୁଂ ମାଗ'ସେକ୍ ଆମା'ଏ ସୁନ' “ମାସା' ପେ ଆତୁନ୍ ସେଲାନ୍ଲା କସ୍ଟ ବେଡ'ତୁପେ? ମାଇ ନିଂପୁଲେଇ ମୁଇ ବଲ୍କାମ୍ ଡେମ'ତା । 11ଗରିବ୍ରେମ୍ତ ପେବୁରଂ ଇସାଉ ଡୁତା । ମାତର୍ ନିଂ ପେବୁରଂ ଇସାଉ ଆଡୁତିଂ । 12ନିଂ ଗୁଇ'ନା ନିଂନା ମଟ୍ ରାଇ'ସାଂ ଇନ୍ଡ୍ରିଂ ସିଁସେଇଁ ବାସ୍ନାବାଇ'ନା ସୁ'ଉ ସୁସୁପୁଲେଇ ମାଇ ନିଂନା ଞେରିବକ୍ ଆ'ନାଉ ସୁସୁଲ'ବେଡ' ଡ'ସେକ୍ ଏତ୍କୁଲା । 13ସା' ଗୁଲାଇ ଦେସ୍ଦୁନିଆବକ୍ ମାପ୍ରୁନା କେନ୍ ବାନିକବର୍ ସୁଁସୁବେଲା ମାଇ ଡେମ'କୁନୁଂସା ଆମାଇ ଏତ୍ବାର୍ପୁଲେଇ ରେମଲେ ବାର୍ସୁନ୍ତ ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ଜିସୁଲା ସୁନ' ।
ଆଜିସୁଲା ଅସୁୟ'ବେ'ତିଂ ଡ'ସେକ୍ ଜିଉଦାଲା ଅଇଁଡେନ୍
(ମାର୍କ 14:10–11; ଲୁକ 22:3–6)
14ଗୁତୁନ୍ ତିର୍ଗି' ଜିସୁନା ବାରଲକ୍ ସିସ୍ୟଲେନ୍ ବିତ୍ରେ ମୁଇନ୍ଡା ଇସ୍କରିୟତ୍ ଜିଉଦା ଡ'ସେକ୍ ଇମି ଡୁକୁନୁଂଆଁ ମୁନା'ପୁଜାରିଲେନ୍ବକ୍ ଉଇଗା' । 15ଉଇସେକ୍ “ନିଂ ଆଜିସୁଲା ଅସୁୟ' ବେଡ'ନା ପେ ଆନିଂ ମା ବେ'ତୁପେ?” ଡ'ସେକ୍ ଅ'ଗଁସ୍ଲା'ଗା' । ସା' ମା'ଏ ତିରିସ୍ଟା ରୁପାନା ଡାବୁ ଏଜାଲ'ସେକ୍ ଆମାଇ ବେଡ' । 16ସା' ଉନ୍ତ୍ଦିନ୍ବାଂସା' ବେଲା ବାଂନା ଆଜିସୁଲା ଅସୁୟ'ବେ'ତିଂ ଡ'ସେକ୍ ଜିଉଦାଲା ଜାଗ୍ଲ'ସେକ୍ ଡୁକୁ ।
ଜିସୁଲା ମାଇନା ସିସ୍ୟଲେବୁରଂ ନିସ୍ତାର୍ ପରବ୍ନା ବଜି ସୁସୁମ୍ଡେନ୍
(ମାର୍କ 14:12–21; ଲୁକ 22:7–13; 21:23; ଜଅନ୍ 13:21–30)
17କମିର୍ ଡ'କୁନୁଂ ମମିସାଇବାର୍ ରୁଟି ସୁସୁମ୍ନା ପରବ୍ନା ମୁଲ୍ନା ଦିନ୍ବକ୍ ଜିସୁନା ସିସ୍ୟଲେ ମାଇନ୍ବକ୍ ସାକ୍ସେକ୍, “ନପୁଲେଇ ନିସ୍ତାର୍ ପରବ୍ନା ବଜି ନେଇ ଆମ୍ବ' ଉଇସେକ୍ ଅଜାକ୍ଅ'ଜୁଂତୁନେଇ ଡ'ସେକ୍ ନ ଏତ୍ଗୁତୁନ?” ଡ'ସେକ୍ ଅ'ଗଁସ୍ଲା'ଗା' ।
18ସା' ମାଇ ସୁନ' “ପେ ମୁନା'ଉଂଗମ୍ବକ୍ ଉଇଗା' ଡ'ନା ନିଂ ସମଡ'କୁନୁଂ ଆମୁଇନ୍ଡା ଆତା ଜୁତୁପେ, ଆମାଇ ସୁଁ: ନିଂନା ବେଲା ଆ'ନା ଡେଂଗୁତା, ଆ'ନା ନନା ଡିଂଅଁବକ୍ ନିଂ ନିଂନା ସିସ୍ୟଲେବୁରଂ ନିସ୍ତାର୍ ପରବ୍ନା ବଜି ସୁମ୍ତିଂ ଡ'ସେକ୍ ନେଇନା ଗୁରୁ ସୁନ'ତା ଡ'ସେକ୍ ସୁଁ” ଡ'ସେକ୍ ସୁନ' । 19ଜିସୁଲା ସୁନ'କୁନୁଂସୁଗ ଗୁତୁନ୍ ସିସ୍ୟଲେ ଉଇସେକ୍ ନିସ୍ତାର୍ ପରବ୍ନା ବଜି ଗୁଲାଇ ଅଜାଗ'ଅ'ଜୁଂଅଁ' ।
20ମୁନ୍ଡି'ଗା'ସା' ଜିସୁଲା ମାଇନା ବାରଲକ୍ ସିସ୍ୟଲେବୁରଂ ସୁସୁମ୍ପୁଲେଇ ଲେଇ'ଗା' । 21ମା'ଏ ଗୁଲାଇର ସୁସୁମ୍ ଡେଂକୁନୁଂବେଲା ଜିସୁଲା ସୁନ' “ପେନ୍ ବିତ୍ରେ ମୁଇନ୍ଡା ଆନିଂ ନିଂନା ଦାଇରେମେନ୍ବକ୍ ଅସୁୟ'ବେ'ତ ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ସୁନ' । 22ସା' ମା'ଏ ଗୁତୁନ୍ ଅଂଅଁ'ସେକ୍ ଅବୁଦି ସିନ୍ତାଲ' ରୁନ୍ତାଲ'ସେ'ଗା ମୁଇନ୍ଡା ମୁଇନ୍ଡା “ଅ ପ୍ରବୁ, ନିଂ କି ଡ'ନ୍ ନିଂ କି?” ଡ'ସେକ୍ ଅ'ଗଁସ୍ଲା'ଗ୍ ମୁଲାୟ' ।
23ସା' ଜିସୁଲା ସୁନ', “ଆ'ନା ଜା ନିଂବୁରଂ ତିରେ ଗିଲାବକ୍ ତିତି ସୁସୁବ'ତା ମାଇଉ ଆନିଂ ଅସୁୟ'ବେ'ତ । 24ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମି ଗୁଇ'ତା ଡ'ସେକ୍ ମାପ୍ରୁନା ଉଲାକ୍ବକ୍ ଲେକ୍ଲ'ବୁଂଅଁ'ତା ଡୁ'ତୁନ୍ଉ ମାଇ ଗୁଇ'ତା । ମାତର୍ ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ଜା ଆଦାଇରେମେ ଅସୁୟ'ବେ'ତ ଆମାଇ ମାପ୍ରୁ ଅବୁଦି ଡନ୍ଡ୍ ବେ'ତ । ଆମାଇ ଆକେ ଜନମ୍ ଆବେଡ'ନା ଅବୁଦି ବଲ୍ ଡେମାନା” ଡ'ସେକ୍ ସୁନ' ।
25ସା' ଇମ୍ବ'ନ୍ ଜିଉଦାଲା ଆଜିସୁଲା ଅସୁୟ'ବେ'ତ ମାଇସା ଆଜିସୁଲା “ଅ ଗୁରୁ, ନିଂ କି?” ଡ'ସେକ୍ ଅ'ଗଁସ୍ଲା'ଗା' ।
ସା' ଜିସୁଲା ଆମାଇ “ଅ'ଅଁ, ନଉ ଗୁତୁନା” ଡ'ସେକ୍ ସୁନ' ।
ପ୍ରବୁବଜ
(ମାର୍କ 14:22–26; ଲୁକ 22:14–20; 1 କରିନ୍ତିୟ 11:23–25)
26 ମା'ଏ ସୁସୁମ୍ବେଲା ଜିସୁଲା ରୁଟି ଜୁଗ'ସେକ୍ ଆମାପ୍ରୁ ସୁନ୍ଡ୍ରକ୍ସେକ୍ ଗୁତୁନ୍ ରୁଟି ସିସିଡ' । ସିସିଡ'ସେକ୍ ଆସିସ୍ୟଲେ ବେଡ'ସେକ୍ ସୁନ' “ଇନ୍ଡ ଜୁଗ' ସୁମ୍, କେନା ନିଂନା ଞେରି” ଡ'ସେକ୍ ସୁନ' ।
27ତିର୍ଗି' ମାଇ ମୁଇ ଗିଲାବକ୍ #26:27 ଗିରିକ୍ ସାମ୍ବକ୍ “ଜିସୁଲା ମୁଇ ଗିଲା ଜୁଗ'ସେକ୍ ଆମାପ୍ରୁ ସୁନ୍ଡ୍ରଗା'” ଡ'ସେକ୍ ଲେକ୍ଲ'ତା । ଜିଉଦିରେମଲେ ଅଂଗୁର୍ନା ସାଗୁର୍ ଇଡ'କୁ । ସା' ଗୁତୁନ୍ ଗିଲାବକ୍ ଅଂଗୁର୍ନା ସାଗୁର୍ ଡୁକୁଗା' ଡ'ସେକ୍ ନେଇ' ସୁଁସୁ ଗଂତୁନେଇ' ।ଅଂଗୁର୍ନା ଡାଗ୍ ଜୁଗ'ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେକ୍ ଗୁତୁନ୍ ଅଂଗୁର୍ନା ଡାଗ୍ ଆମା'ଏ ବେଡ'ସେକ୍ ସୁନ', “ପେ ଗୁଲାଇର କେନା ଇ', 28କେନା ନିଂନା ବନି । କେନ୍ ଅଂଗୁର୍ନା ଡାଗ୍ ଡ'ନା ରେମଲେନା ପାପ୍ କେମା ଡେମ'ସେକ୍ ଆମା'ଏ ପାପ୍ନା ଡନ୍ଡ୍କୁରୁଂ ରକ୍ୟା ଡେମ୍ତିଂ ଡ'ସେକ୍ ରେମଲେବୁରଂ ମାପ୍ରୁ ପର୍ମାନ୍#26:28 ରେମଲେନା ପାପ୍ କେମା ଡେମ'ସେକ୍ ଆମା'ଏ ପାପ୍ନା ଡନ୍ଡ୍କୁରୁଂ ରକ୍ୟା ଡେମ୍ତିଂ ଡ'ସେକ୍ ମାପ୍ରୁ ରେମଲେବୁରଂ ପର୍ମାନ୍ ସବ'କୁନୁଂ ସିନ । ସବ'କୁନୁଂ ମୁଇ ସିନ । ସା' ନିଂନା ବନି ଟାଟେଉ ବେଡ'ସେକ୍ ନିଂ ଗୁଇ'ନାଉ ଗୁତୁନ୍ ପର୍ମାନ୍ ସତ୍ ଡେନ୍ତା । 29ମାତର୍ ନେମ୍ବା ମାଇନା ରାଜି ଅ'ରଇଁୟ'ସେକ୍ ଆରେମଲେ ଜୁଜୁବେଲା ଆତା ପେବୁରଂ ଡୁକୁକ୍ସେକ୍ ମାରି ତିମେ ଅଂଗୁର୍ନା ଡାଗ୍ ଇ'ପନ୍ତେକ୍ ନିଂ କେନ୍ ଅଂଗୁର୍ଡାଗ୍ ମାରି ଇନ୍ଡ'ଇଏସା ଆଇ'ତିଂ ଡ'ସେକ୍ ନିଂ ଆପେ ସୁନ'ତିଂ” ଡ'ସେକ୍ ସୁନ' ।
30ମାରି ଆମାପ୍ରୁ ସୁନ୍ଡ୍ରପୁଲେଇ ମା'ଏ ମୁଇ ସିସେର୍ ସେର'ସେକ୍ ଜିତ କୁନ୍ଡାବକ୍ ଉଇଗା' ।
ପିତର୍ଲା ମା ଡେମ୍ତ ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 14:27–31; ଲୁକ 22:31–34; ଜଅନ୍ 13:36–38)
31ମାରି ଜିସୁଲା ଆମା'ଏ ସୁନ', “ଆ'ନା ତୁମୁଂଗ ପେ ଗୁଲାଇର ଆନିଂ ଅଡକ୍ସୁଂଅଁ'ସେକ୍ ଉର' ଡୁଂତୁପେ । ମାସା'ଡ'ନା ଇନ୍ତେକନ୍ଡେ'କା ମାପ୍ରୁନା ଉଲାକ୍ବକ୍ ମାପ୍ରୁ ସୁନ'କୁନୁଂ ଡି'କେନ୍ ଲେକ୍ଲ'ତା, ମା ଡ'ନା:
ନିଂ ଆଗୁଗୁଇ'ରେମ୍ ସେପ୍ତିଂ,
ସା' ରାସିମେନ୍ଡାଲେ ତଂରିତଂକେ ଡେନ୍ତା ଡ'ସେକ୍ ଲେକ୍ଲ'ତା ।
32 #
ମାତିଉ 28:16
ମାତର୍ ନିଂ ଗୁଇ'କୁନୁଂକୁରୁଂ ମୁରାକ୍ସେକ୍ ପେନ୍ ସିଁସେଇଁ ଗାଲିଲି ଜିଲାବକ୍ ଉଇତିଂ” ଡ'ସେକ୍ ସୁନ' ।
33ସା' ପିତର୍ଲା ସୁନ' “ମା'ଏ ଗୁଲାଇର ଆନ ଅନ୍ତୁର'ସେକ୍ ଡୁଂନାସା ନିଂ ଆନ ଇନ୍ଡଇ'ଏସା ଆଅନ୍ତୁର୍ତିଂ ” ଡ'ସେକ୍ ସୁନ' ।
34ସା' ଜିସୁଲା ଆମାଇ ସୁନ' “ଆ'ନା ତୁମୁଂଗ ଗିସିଂ ସୁସୁ ସିଁସେଇଁଉ ନିଂ ଆମାଇ ଆମାକ୍ତିଂ ଡ'ସେକ୍ ତିନ୍ପାଲି ନ ସୁନ୍ତୁନ ଡ'ସେକ୍ ନିଂ ଆନ ସତଇସା ସୁନ'ତିଂ” ଡ'ସେକ୍ ସୁନ' ।
35ମାତର୍ ପିତର୍ଲା ମାରି ସୁନ' “ନବୁରଂ ଗୁଗୁଇ' ପଡ୍ତା ଡ'ନାସା ଆନ ନିଂ ଆମାକ୍ତିଂ ଡ'ସେକ୍ ଇନ୍ଡଇ'ଏସା ଆସୁନ୍ତିଂ” ଡ'ସେକ୍ ସୁନ' । ମାରି ମାଇବୁରଂ ଡୁକୁନୁଂ ଗୁଲାଇ ସିସ୍ୟଲେସା ଡୁ'ତୁନାଉ ଆଜିସୁଲା ସୁନ' ।
ଗେତ୍ସିମାନି ଡ'ସେକ୍ ମୁଇ ଡିନ୍ଜାବୁର୍ବକ୍ ଜିସୁଲା ପାର୍ତନା ଡିନ୍ଡେମ୍ଡେନ୍
(ମାର୍କ 14:32–42; ଲୁକ 22:39–46)
36ତିର୍ଗି' ଜିସୁଲା ମାଇନା ସିସ୍ୟଲେବୁରଂ ଗେତ୍ସିମାନି ଡ'କୁନୁଂ ମୁଇ ଡିନ୍ଜାବୁର୍ବକ୍ ଉଇଗା' । ଆତା ମାଇ ଆମାଇନା ସିସ୍ୟଲେ ସୁନ' “ନିଂ ଆତା ଉଇସେକ୍ ପାର୍ତନା ଅ'ଡମ'ସେକ୍ ସୁସାପ୍ପନ୍ତେ'କା ପେ ଆକେ ଲେଇ'କୁଲା” ଡ'ସେକ୍ ସୁନ' । 37ସୁନ'ସେକ୍ ମାଇ ଆପିତର୍ଲା ମାରି ଆଜେବଦିନା ଉଁ'ଉଁପାସା ଇମ୍ବାୟବକ୍ ମାଇବୁରଂ ୱାୟ' ଉଇସେକ୍ ଆତା ମାଇ ଅବୁଦି ସିନ୍ତାଲ'ରୁନ୍ତାଲ'ସେକ୍ ଅବୁଦି କସ୍ଟ ମାଇନା ଜିବନ୍ବକ୍ ସା'ଗା' । 38ମାରି ମାଇ ଆମା'ଏ ସୁନ', “ନିଂନା ଜିବନ୍ବକ୍ ଅବୁଦି ସିନ୍ତା ସାକ୍ସେକ୍ ନିଂ ଗୁଗୁଇ'ଗାଗାଇ' ଡେଂକୁନୁଂସୁଗ ଡେଂଗୁତିଂ । ପେ ଆକେ ନିଂବୁରଂ ମଲେମ' ଡୁକୁଲା” ଡ'ସେକ୍ ସୁନ' ।
39ମାରି ମାଇ ଇ'କି ଡଗ୍ରି'ତା ଉଇସେକ୍ ଏନ୍ଡିକ୍ସେକ୍ “ଅ ନିଂନା ବା, ଡି'କେନ୍ବାଇ' କସ୍ଟ ଗୁଲାଇ ନିଂକୁରୁଂ ସୁଲୁଂ ବୁଂବୁଂ ଡେନ୍ତା ଡ'ନା ସୁଲୁଂ ବୁଂ । ମାତର୍ ନିଂନା ମୁନ୍ ଆରାକ୍ ନନା ମୁନ୍ସୁଗ ନ ଡେମ୍” ଡ'ସେକ୍ ମାଇ ପାର୍ତନା ଡେମ' ।
40ମାରି ମାଇ ମାଇନା ସିସ୍ୟଲେନ୍ବକ୍ ସା'ଗା', ସା' ମା'ଏ ଲେମ'କୁନୁଂ ଜୁଲ' । ସା' ମାଇ ଆପିତର୍ଲା, “ପେ ମଲେମ' ନିଂବୁରଂ ମୁଇ ଗନ୍ଟାସା ଲିଲେଇ' ଆଗଂତୁପେ ଇ? 41ପେ ମଲେମ' ପାର୍ତନା ଡେମ' ଡୁକୁଲା, ଡୁ'ତୁନ୍ ଡେମ'ନା ପେନ୍ ଜିବନ୍ବକ୍ ପରିକା ଆସାପ୍ତା । ମାସା'ଡ'ନା ନିଂ ସୁନ'କୁନୁଂସୁଗ ଡିନ୍ଡେମ୍ପୁଲେଇ ଆପେ ମୁନ୍ ଡୁତା ମାତର୍ ବପୁ ଆରାକ୍ସା' ଆଗଂତୁପେ” ଡ'ସେକ୍ ସୁନ' ।
42ମାଇ ମାରି ଉଇସେକ୍, “ଅ ନିଂନା ବା, କେନ୍ କସ୍ଟ ନିଂବକ୍ ସାକ୍ସେକ୍ ଗୁତୁନ୍ କସ୍ଟ ଆନିଂ ଡେଂନାଉ ଡେନ୍ତା ଡ'ସେକ୍ ଡୁତା ଡ'ନା ନନା ମୁନ୍ସୁଗ ଡେମେଇ'” ଡ'ସେକ୍ ପାର୍ତନା ଡେମ' ।
43ମାରି ସାକ୍ସେକ୍ ମାଇ ଜୁଲ'ସା' ମା'ଏ ମାରି ଲେମ'କୁନୁଂ ଜୁଲ' । ଆମା'ଏନା ମ' ଜୁଲ'ନା ଲେମ' ଡୁସୁ'କୁସା' ଅବୁଦି କସ୍ଟ ଡେଂକୁ । 44ସା' ମାଇ ମା'ଏନ୍କୁରୁଂ ମାରି ଉଇସେକ୍ ସିଁସେଇଁଉ ମି ପାର୍ତନା ଡେମ'କୁ ଡୁ'ତୁନ୍ଉ ମାରି ପାର୍ତନା ଡେମ' ।
45ତିର୍ଗି' ମାଇ ମାର୍ ମୁସ ସିସ୍ୟଲେନ୍ବକ୍ ସାକ୍ସେକ୍ ସୁନ', “ମାରି ଲେମ'ଗୁତୁପେ ଇ? ଲେମ'ସେକ୍ ବାନି ପୁନ୍ଗୁତୁପେ ଇ? ଆ'ଇତୁନ୍ ଡେନ୍ତାବେ । ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ପାପ୍ବାଇ' ରେମଲେନା ତିତିବକ୍ ଅସୁୟ' ବିବେ'ନା ବେଲା ଆ'ନା ଡେଂଗୁତା । 46ଇନ୍ସେଇ'ଉ ତନା, ଡ ଉୟାନେଇ' । ଜୁ, ଆନିଂ ଅସୁ'ୟା ସା'ଗା'” ଡ'ସେକ୍ ସୁନ' ।
ଆଜିସୁଲା ସୁସପ୍ଡେନ୍
(ମାର୍କ 14:43–50; ଲୁକ 22:47–53; ଜଅନ୍ 18:3–12)
47ମାଇ ମା'ଏବୁରଂ ଅଇଁୟ' ଡୁକୁନୁଂବେଲାଉ ବାରଲକ୍ ସିସ୍ୟଲେନ୍ ବିତ୍ରେ ମୁଇନ୍ଡା ଜିଉଦାଲା ଡ'କୁନୁଂଆଁ ଆତା ସା'ଗା' । ମାଇବୁରଂ ଅବୁଦି ରେମଲେସା କାନ୍ଦାଲେ ମାରି ବୁ'ଡୁଂଏଁ ସକ୍ସେକ୍ ସା'ଗା' । ଆମା'ଏ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ବେନ୍ଟାୟ'ବୁଂଅଁ' । 48ଆଜିସୁଲା ଅସୁୟ'ବିବେ'ଡା “ନିଂ ଆଜା ବୁଇଁତମ୍ତିଂ ମାଇଉ ଗୁତୁନ୍ ରେମ, ଆମାଇ ପେ ସପ୍” ଡ'ସେକ୍ ଆତୁନ୍ ରେମଲେ ମୁଇ ସିନସୁଗ ସିଁସେଇଁଉ ସୁନ'ବୁଂଅଁ' । 49ସା' ଜିଉଦାଲା ସିଦା ଜିସୁନ୍ବକ୍ ସାକ୍ସେକ୍ ଆଜିସୁଲା “ଅ ଗୁରୁ, ଆନ ନମସ୍କାର୍” ଡ'ସେକ୍ ଆମାଇ ବୁଇଁତମ' ।
50ସା' ଜିସୁଲା ଆମାଇ ସୁନ', “ଅ ବାଇଲକ୍, ନ ମା ସାକ୍ନ ଗୁତୁନ୍ କାମ୍ ସୁରୁଇ' ଡେମ୍” ଡ'ସେକ୍ ସୁନ' । ଆଇ'ତୁନ୍ବେଲା ଜିଉଦାଲାବୁରଂ ଡୁକୁନୁଂ ରେମଲେ ସାକ୍ସେକ୍ ଆଜିସୁଲା ସବ' । 51ସା' ଜିସୁଲାବୁରଂ ଡୁକୁନୁଂ ରେମଲେନ୍ ବିତ୍ରେ ମୁଇନ୍ଡା କାନ୍ଦା ଅ'ତୁର'ସେକ୍ ଆତୁନ୍ ମୁନା'ପୁଜାରିଲେନ୍ ମୁନା'ରେମ୍ନା ଗୁପାମ୍ରେମ୍ନା ଲୁନ୍ତୁର୍ ସେବ'ସା' ମାଇନା ଲୁନ୍ତୁର୍ ସେତୁକ୍ ଉଇଗା' ।
52ସା' ଜିସୁଲା ଆମାଇ ସୁନ' “କାନ୍ଦା ବୁଂବୁଂନାବକ୍ ଗୁତୁନ୍ କାନ୍ଦା ବୁଂ । ମାସା'ଡ'ନା ଜା କାନ୍ଦାବୁରଂ ଆଜାଆଜା ମାମା ଡେମ୍ତ ମାଇ କାନ୍ଦାବୁରଂ ଗୁଇ'ତା । 53ଆନିଂ ସାନ୍ଡୁଂପୁଲେଇ ଆଦୁତଲେ ବେନ୍ଟାୟ'ବେ' ଡ'ସେକ୍ ନିଂ ଆନିଂନା ବା ସୁଁସୁ ଗଂତିଂ ମାରି ମାଇ ଆ'ଇକୁ ଅଜାର୍ ଅଜାର୍ ଦୁତଲେବକ୍ ବେନ୍ଟାୟ'ବେ'ତ ଡ'ସେକ୍ ନ ମା ଆମାକ୍ତୁନ ଇ? 54ମାତର୍ ଡୁ'ତୁନ୍ ନିଂ ଡେମ'ନା ଡି'କେନ୍ ଡେଂନାଉ ଡେନ୍ତା ଡ'ସେକ୍ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ମି ସତ୍ ଡେନ୍ତା?” 55#ଲୁକ 19:47; 21:37ଆଇ'ତୁନ୍ବେଲା ଆମାଇ ସୁସପ୍ ସା'କୁନୁଂ ରେମଲେବକ୍ ଜିସୁଲା ସୁନ' “ମାସା' ଆନିଂ ସୁସପ୍ପୁଲେଇ ପେ କାନ୍ଦାଲେ ବୁ'ଡୁଂଏଁ ଗୁଲାଇ ସକ୍ସେକ୍ ନିଂବକ୍ ସା'ଗୁତୁପେ, ନିଂ ମା ମୁଇନ୍ଡା ଟାକ୍ରିବାଇ' ରେମସା' ଇ? ଜୁ, ନିଂ ଇସାଉ ମନ୍ଦିର୍ବକ୍ ଲେଇ'ସେକ୍ ଆରେମଲେ ମାପ୍ରୁନା ବଲ୍କବର୍ ଅମାଗ'କୁନିଂ ମାତର୍ ଉନ୍ତା ପେ ଆନିଂ ଆସପ୍ତୁପେ । 56ମାତର୍ ବାବବାଦିଲେ ମାପ୍ରୁନା ଉଲାକ୍ବକ୍ ମା ଲେକ୍ଲ'ବୁଂଅଁ'ତା ଗୁତୁନ୍ସୁଗ ଡିନ୍ଡେମ୍ପୁଲେଇ ଆ'ନା ଡି'କେନ୍ ଗୁଲାଇ ଡେଂଗୁତା” ଡ'ସେକ୍ ସୁନ' । ଆଇ'ତୁନ୍ବେଲା ଜିସୁନା ସିସ୍ୟଲେ ଗୁଲାଇର ଆମାଇ ଅନ୍ତୁର'ସେକ୍ ଉର' ଡୁଂଗା' ।
ଆଜିସୁଲା ଜିଉଦିରେମଲେନା ମୁନା'ରେମେ ବିସାର୍ନା ଡିନ୍ଡେମ୍ଡେନ୍
(ମାର୍କ 14:53–65; ଲୁକ 22:54–55,63–71; ଜଅନ୍ 18:13; 14:19–24)
57ଆଜିସୁଲା ସବ'କୁନୁଂ ରେମଲେ କୟାପା ଡ'କୁନୁଂ ମୁନା'ପୁଜାରିଲେନ୍ ମୁନା' ରେମନ୍ବକ୍ ଆମାଇ ରିଂଅଁ' ଉଇଗା' । ଆତା ଜିଉଦିରେମଲେନା ନିୟମ୍ ଅମାକ୍ରେମେ ମାରି ଜିଉଦିରେମଲେନା ମୁନା'ରେମେ ଡି'ତା ଲେଇ'କୁଗା' । 58ମାତର୍ ପିତର୍ଲା ସୁଲୁଂ ସୁଲୁଂ ତଂସେକ୍ ଆଜିସୁଲା ତେଂଗି' ଉଇଗା' । ମାଇ ଡୁ'ତୁନା ମୁନା'ପୁଜାରିଲେନ୍ ମୁନା'ରେମ୍ନା ଡିଂଅଁ ପନ୍ତେକ୍ ଉଇଗା' । ଆଜିସୁଲା ମା ଡେନ୍ତା ଡ'ସେକ୍ ଜୁଜୁପୁଲେଇ ମାଇ ରୁନୁକ୍ସିଂବକ୍ ଗାଇସେକ୍ ଜାଗ୍ବାର୍ରେମେବୁରଂ ଲେଇ'ଗା' ।
59ମୁନା'ପୁଜାରିଲେ ମାରି ମୁନା'ରେମଲେ ଗୁଲାଇର “ଆଜିସୁଲା ଅଗୁଇ'ନେଇ'” ଡ'ସେକ୍ ପଲୁ ସାକିପୁଲେଇ ତୁର' । 60ମାତର୍ ଅବୁଦିର ସାକ୍ସେକ୍ ପଲୁସାକି ସୁନ'ସା'ଏସା ଗୁତୁନା ସମାନ୍ ଆଡେନ୍ତା । ସା' ତିର୍ଗି' ଇମ୍ବାୟ ସାକ୍ସେକ୍ ସୁନ': 61#ଜଅନ୍ 2:19“ମାପ୍ରୁନା ମନ୍ଦିର୍ ଅଲାର'ସେକ୍ ତିନ୍ଦିନ୍ବକ୍ ଗୁତୁନ୍ ମାରି ବୁବ' ଗଂତିଂ ଡ'ସେକ୍ କେନ୍ ରେମ ସୁନ'କୁ” ଡ'ସେକ୍ ସୁନ' ।
62ସା' ମୁନା'ପୁଜାରିଲେନ୍ ମୁନା'ରେମ୍ ତଂସେକ୍ ଆଜିସୁଲା ସୁନ' “ମା'ଏ ଆନନ୍ ବାଗ୍ବକ୍ ସୁନ'କୁନୁଂ ଅଂଅଁ'ସେକ୍ ନ ମାଏସା ମାରି ଆସୁନ୍ତୁନ ଇ?” ଡ'ସେକ୍ ସୁନ' । 63ମାତର୍ ଜିସୁଲା ବାସ୍ ମାସା ଆସୁନ୍ତ ।
ସା' ମୁନା'ପୁଜାରିଲେନ୍ ମୁନା'ରେମ୍ ଆମାଇ ସୁନ' “ନ ମାପ୍ରୁନା ଉଁ'ଉଁ କିରିସ୍ଟଲା ଡ'ନା ଜିବନ୍ ଡୁକୁନୁଂ ମାପ୍ରୁନା ଇମିବକ୍ ନ ପର୍ମାନ୍ ସବ'ସେକ୍ ଆନେଇ ସୁଁ ଡ'ସେକ୍ ଆନ ସୁନ'ତିଂ” ଡ'ସେକ୍ ସୁନ' ।
64ସା' ଜିସୁଲା ଆମାଇ ସୁନ' “ଅଁ'ଅଁ, ନ ସୁନ'କୁନୁଂ ସତ୍ । ଜୁ, ମାପ୍ରୁ ଅବୁଦି ବପୁବାଇ', ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମାଇନା ସୁସୁମ୍ତିକୁରୁଂ ଲେଇ'କୁନୁଂ ମାରି କି'ତୁଂନା ବାଦଲ୍ବୁରଂ ମାରି ଜୁଜର୍ ଡେଂକୁନୁଂ ପେ ଜୁତୁପେ ଡ'ସେକ୍ ନିଂ ଆପେ ସୁନ'ତିଂ” ଡ'ସେକ୍ ସୁନ' ।
65ସା' ଗୁତୁନ୍ ଅଂଅଁ'ସେକ୍ ମୁନା'ପୁଜାରିଲେନ୍ ମୁନା'ରେମ୍ ମାଇନା ନିଜର୍ନା ଇମ୍ପ' ନିଜେ ଗାର'ସେକ୍ ସୁନ' “କୁନା ଆମାପ୍ରୁ ଅଲିରାକ୍ବାଇ' ସୁନ'ତା । ସା' ଆ'ନା ମାରି ଜାଏସା ସାକି ସୁଁସୁ ଦର୍କାର୍ ଆରାକ୍! ମାସା'ଡ'ନା ମାଇ ନିଜେ ଆମାପ୍ରୁ ଅଲିରାକ୍ବାଇ' ସୁନ'କୁନୁଂ ଗୁଲାଇର ଆ'ନା ଅଂଅଁ'ପେ । 66ପେ ଗୁଲାଇର ମା ଡ' ଏତ୍ଗୁତୁପେ?” ଡ'ସେକ୍ ଅ'ଗଁସ୍ଲା'ଗା', ସା':
“ମାଇ ଗୁଇ'ନାଉ ଡେନ୍ତା” ଡ'ସେକ୍ ମା'ଏ ଗୁଲାଇର ସୁନ' ।
67ମାରି ମା'ଏ ଆମାଇନା ସାର୍ମ' ବୁଇ'ତୁର'ବେଡ', ତିତିବୁରଂ ବୁଗ', ମାରି ଏନ୍ତୁକ୍ର ଆମାଇନା ଜାମ୍ବାଲି ବୁଗ'ସେକ୍ 68“ଅ କିରିସ୍ଟ, ଆନ ଜା ବୁଗ' ଡ'ସେକ୍ ଆନେଇ ସୁଁ, ମାସା'ଡ'ନା ନ ବାବବାଦି ମାନ୍କି?” ଡ'ସେକ୍ ସୁନ' ।
ଆଜିସୁଲା ନିଂ ଆମାକ୍ତିଂ ଡ'ସେକ୍ ପିତର୍ଲା ସୁଁସୁଡେନ୍
(ମାର୍କ 14:66–72; ଲୁକ 22:56–62; ଜଅନ୍ 18:15–18,25–27)
69ଆଇ'ତୁନ୍ବେଲା ପିତର୍ଲା ଗୁତୁନ୍ ଡିଂଅଁନା ରୁନୁକ୍ସିଂବକ୍ ବାରେ ଲେଇ'କୁ । ସା' ଆତା ମୁଇନ୍ଡା କାମ୍ବୁଇ' ସାକ୍ସେକ୍ ଆମାଇ, “ନସା ଗାଲିଲି ଜିଲାନା ଗୁତୁନ୍ ଜିସୁଲାବୁରଂ ଡୁକୁନ” ଡ'ସେକ୍ ସୁନ' ।
70ମାତର୍ “ନ ମା ଡ' ସୁନ'ତୁନ ଗୁତୁନ୍ ନିଂ ଆମାକ୍ତିଂ, ନିଂ ଆରାକ୍” ଡ'ସେକ୍ ମା'ଏ ଗୁଲାଇର ଲେଇ'କୁନୁଂବକ୍ ପିତର୍ଲା ସୁନ' ।
71ତିର୍ଗି' ମାଇ ଉନ୍ତ୍କୁରୁଂ ତୁର୍ସେକ୍ ଗୁତୁନ୍ ରୁନୁକ୍ସିଂନା ମୁନା' ଡାନ୍ଡର୍ବକ୍ ଉଇଗା' । ସା' ଆତା ମାରି ମୁଇନ୍ଡା କାମ୍ବୁଇ' ଆମାଇ ଜୁଲ'ସେକ୍, “କେନ୍ ରେମ ଗୁତୁନ୍ ନାଜରିତ୍ ଜିଲାନା ଜିସୁଲାବୁରଂ ଡୁକୁଗା'” ଡ'ସେକ୍ ଆତା ଡୁକୁନୁଂବକ୍ ଆଗୁଲାଇର ସୁନ' ।
72ସା' ପିତର୍ଲା, “ଆରାକ୍, ନିଂ ଆମାଇ ଆମାକ୍ତିଂ” ଡ'ସେକ୍ ପର୍ମାନ୍ ସବ'ସେକ୍ ମାରି ସୁନ' ।
73ଇ'କି ପୁର'ଗା ଆତା ତଂକୁନୁଂ ରେମଲେ ଏନ୍ତୁକ୍ର ପିତର୍ବକ୍ ସାକ୍ସେକ୍ “ସତଇସା ନସା ମା'ଏବୁରଂ ଡୁକୁନୁଂ ମୁଇନ୍ଡା ରେମ, ମାସା'ଡ'ନା ନ ଅଇଁୟ'କୁନୁଂ ଅଂଅଁ'ନା ନେଇ ମାଗ'ତୁନେଇ” ଡ'ସେକ୍ ସୁନ' ।
74ସା' ମାଇ “ନିଂ ଆତୁନ୍ ରେମ ଆମାକ୍ତିଂ” ଡ'ସେକ୍ ନିଜେ ଆନାବୁଂବର୍ସେକ୍ ପର୍ମାନ୍ ସବ'ସେକ୍ ସୁନ' ।
ଆଇ'ତୁନ୍ବେଲା ଆ'ଇକୁ ଗିସିଂ ସୁଗା' । 75ସା' “ଗିସିଂ ସୁସୁ ସିଁସେଇଁଉ ଆନିଂ ନ ଆମାକ୍ତିଂ ଡ'ସେକ୍ ତିନ୍ପାଲି ସୁନ୍ତୁନ” ଡ'ସେକ୍ ଜିସୁଲା ସୁନ'କୁନୁଂ ପିତର୍ଲା ଏତ୍ଗା' । ମାରି ମାଇ ବାରେ ତୁର୍ସେକ୍ ଅବୁଦି ସିନ୍ତାଲ'ସେକ୍ ଉ'ଗା' ।
Currently Selected:
ମାତିଉ 26: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 26
26
ଆଜିସୁଲା ଅଗୁଇ'ପୁଲେଇ ଜିଉଦିରେମଲେନା ମୁନା'ରେମେ ଅଇଁଡେନ୍
(ମାର୍କ 14:1–2; ଲୁକ 22:1–2; ଜଅନ୍ 11:45–53)
1କେନ୍ ତୁମ' ଗୁଲାଇ ସୁଁସୁ ଅ'ଡମ'ସେକ୍ ଜିସୁଲା ଆମାଇନା ସିସ୍ୟଲେ ସୁନ', 2“ଜୁ, ଦୁଇଦିନ୍ ତିର୍ଗି' ନିସ୍ତାର୍ ପରବ୍ ଡୁତା ଡ'ସେକ୍ ପେ ମାଗ'ତୁପେ । ଉନ୍ତା ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ କୁର୍ସବକ୍ ଅଗୁଇ'ପୁଲେଇ ବେ'ତ” ଡ'ସେକ୍ ସୁନ' ।
3ଉନ୍ତ୍ଦିନ୍ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ଆତା କୟାପା ଡ'କୁନୁଂ ମୁନା'ପୁଜାରିଲେନା ମୁନା'ରେମ୍ନା ଡିଂଅଁବକ୍ ରୁନ୍ଗା' । 4ମା'ଏ ଆତା ଆଜିସୁଲା ମି ସୁତ୍ରାୟ' ସବ'ସେକ୍ ଅଗୁୟ'ନା ଡେନ୍ତା ଡ'ସେକ୍ ଅଇଁୟ' । 5“ମାତର୍ ପରବ୍ବେଲା ଆଡେମ୍ନେଇ' ଆରା'ଗେ ରେମଲେ ଇନ୍ଡ୍ରିମ୍ ଆର୍ତ” ଡ'ସେକ୍ ମା'ଏ ସୁନ' ।
ଅବୁଦି ବାସ୍ନାବାଇ' ସୁ'ଉ ଆଜିସୁନ୍ ବ'ବ୍ କିପ୍ଲାଡାଗ' ବିବେ'ଡେନ୍
(ମାର୍କ 14:3–9; ଜଅନ୍ 12:1–8)
6ବେତନିୟା ଉଂଗମ୍ବକ୍ ସିମନ୍ ଡ'ସେକ୍ ମୁଇନ୍ଡା ଡୁକୁ । ଆମାଇ ଇନ୍ତେ କୁକୁମ୍ ସି ବାଂସେକ୍ ଡୁକୁଗା' । ମାଇନା ଡିଂଅଁବକ୍ ଜିସୁଲା ଡୁକୁ । 7#ଲୁକ 7:37,38ଆଇ'ତୁନ୍ବେଲା ମୁଇନ୍ଡା ସେଲାନ୍ଲା ଅତର୍ ଡ'ସେକ୍ ଅବୁଦି ଦାମ୍ବାଇ' ବାସ୍ନାବାଇ'ନା ସୁ'ଉ କାଁସେକ୍ ରିଂଅଁ' ସା'ଗା' । ସା' ମାଇ ଗୁତୁନ୍ ରିଂଅଁ' ସାକ୍ସେକ୍ ଜିସୁଲା ସୁସୁମ୍ପୁଲେଇ ଲେଇ'କୁନୁଂବକ୍ ଆମାଇନା ବ'ବ୍ କିବ୍ଲାଡାଗ'ବେଡ' । 8ଜିସୁନା ସିସ୍ୟଲେ ମାଇ ଡେମ'କୁନୁଂ ଜୁଲ'ସେକ୍ ଗିସେକ୍ସେକ୍ ସୁନ', “ମାସା' ମାଇ ଡି'କେନା ସରଉ ବୁଡାୟ'ତା? 9କେନା ସୁଂଅଁ'ସେକ୍ ଗୁତୁନ୍ ଡାବୁ ଆଗରିବ୍ରେମେ ବେଡ'ନାତା ଡେମାନା” ଡ'ସେକ୍ ସୁନ' । 10ସା' ଜିସୁଲା ମା'ଏ ସୁନ'କୁନୁଂ ମାଗ'ସେକ୍ ଆମା'ଏ ସୁନ' “ମାସା' ପେ ଆତୁନ୍ ସେଲାନ୍ଲା କସ୍ଟ ବେଡ'ତୁପେ? ମାଇ ନିଂପୁଲେଇ ମୁଇ ବଲ୍କାମ୍ ଡେମ'ତା । 11ଗରିବ୍ରେମ୍ତ ପେବୁରଂ ଇସାଉ ଡୁତା । ମାତର୍ ନିଂ ପେବୁରଂ ଇସାଉ ଆଡୁତିଂ । 12ନିଂ ଗୁଇ'ନା ନିଂନା ମଟ୍ ରାଇ'ସାଂ ଇନ୍ଡ୍ରିଂ ସିଁସେଇଁ ବାସ୍ନାବାଇ'ନା ସୁ'ଉ ସୁସୁପୁଲେଇ ମାଇ ନିଂନା ଞେରିବକ୍ ଆ'ନାଉ ସୁସୁଲ'ବେଡ' ଡ'ସେକ୍ ଏତ୍କୁଲା । 13ସା' ଗୁଲାଇ ଦେସ୍ଦୁନିଆବକ୍ ମାପ୍ରୁନା କେନ୍ ବାନିକବର୍ ସୁଁସୁବେଲା ମାଇ ଡେମ'କୁନୁଂସା ଆମାଇ ଏତ୍ବାର୍ପୁଲେଇ ରେମଲେ ବାର୍ସୁନ୍ତ ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ଜିସୁଲା ସୁନ' ।
ଆଜିସୁଲା ଅସୁୟ'ବେ'ତିଂ ଡ'ସେକ୍ ଜିଉଦାଲା ଅଇଁଡେନ୍
(ମାର୍କ 14:10–11; ଲୁକ 22:3–6)
14ଗୁତୁନ୍ ତିର୍ଗି' ଜିସୁନା ବାରଲକ୍ ସିସ୍ୟଲେନ୍ ବିତ୍ରେ ମୁଇନ୍ଡା ଇସ୍କରିୟତ୍ ଜିଉଦା ଡ'ସେକ୍ ଇମି ଡୁକୁନୁଂଆଁ ମୁନା'ପୁଜାରିଲେନ୍ବକ୍ ଉଇଗା' । 15ଉଇସେକ୍ “ନିଂ ଆଜିସୁଲା ଅସୁୟ' ବେଡ'ନା ପେ ଆନିଂ ମା ବେ'ତୁପେ?” ଡ'ସେକ୍ ଅ'ଗଁସ୍ଲା'ଗା' । ସା' ମା'ଏ ତିରିସ୍ଟା ରୁପାନା ଡାବୁ ଏଜାଲ'ସେକ୍ ଆମାଇ ବେଡ' । 16ସା' ଉନ୍ତ୍ଦିନ୍ବାଂସା' ବେଲା ବାଂନା ଆଜିସୁଲା ଅସୁୟ'ବେ'ତିଂ ଡ'ସେକ୍ ଜିଉଦାଲା ଜାଗ୍ଲ'ସେକ୍ ଡୁକୁ ।
ଜିସୁଲା ମାଇନା ସିସ୍ୟଲେବୁରଂ ନିସ୍ତାର୍ ପରବ୍ନା ବଜି ସୁସୁମ୍ଡେନ୍
(ମାର୍କ 14:12–21; ଲୁକ 22:7–13; 21:23; ଜଅନ୍ 13:21–30)
17କମିର୍ ଡ'କୁନୁଂ ମମିସାଇବାର୍ ରୁଟି ସୁସୁମ୍ନା ପରବ୍ନା ମୁଲ୍ନା ଦିନ୍ବକ୍ ଜିସୁନା ସିସ୍ୟଲେ ମାଇନ୍ବକ୍ ସାକ୍ସେକ୍, “ନପୁଲେଇ ନିସ୍ତାର୍ ପରବ୍ନା ବଜି ନେଇ ଆମ୍ବ' ଉଇସେକ୍ ଅଜାକ୍ଅ'ଜୁଂତୁନେଇ ଡ'ସେକ୍ ନ ଏତ୍ଗୁତୁନ?” ଡ'ସେକ୍ ଅ'ଗଁସ୍ଲା'ଗା' ।
18ସା' ମାଇ ସୁନ' “ପେ ମୁନା'ଉଂଗମ୍ବକ୍ ଉଇଗା' ଡ'ନା ନିଂ ସମଡ'କୁନୁଂ ଆମୁଇନ୍ଡା ଆତା ଜୁତୁପେ, ଆମାଇ ସୁଁ: ନିଂନା ବେଲା ଆ'ନା ଡେଂଗୁତା, ଆ'ନା ନନା ଡିଂଅଁବକ୍ ନିଂ ନିଂନା ସିସ୍ୟଲେବୁରଂ ନିସ୍ତାର୍ ପରବ୍ନା ବଜି ସୁମ୍ତିଂ ଡ'ସେକ୍ ନେଇନା ଗୁରୁ ସୁନ'ତା ଡ'ସେକ୍ ସୁଁ” ଡ'ସେକ୍ ସୁନ' । 19ଜିସୁଲା ସୁନ'କୁନୁଂସୁଗ ଗୁତୁନ୍ ସିସ୍ୟଲେ ଉଇସେକ୍ ନିସ୍ତାର୍ ପରବ୍ନା ବଜି ଗୁଲାଇ ଅଜାଗ'ଅ'ଜୁଂଅଁ' ।
20ମୁନ୍ଡି'ଗା'ସା' ଜିସୁଲା ମାଇନା ବାରଲକ୍ ସିସ୍ୟଲେବୁରଂ ସୁସୁମ୍ପୁଲେଇ ଲେଇ'ଗା' । 21ମା'ଏ ଗୁଲାଇର ସୁସୁମ୍ ଡେଂକୁନୁଂବେଲା ଜିସୁଲା ସୁନ' “ପେନ୍ ବିତ୍ରେ ମୁଇନ୍ଡା ଆନିଂ ନିଂନା ଦାଇରେମେନ୍ବକ୍ ଅସୁୟ'ବେ'ତ ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ସୁନ' । 22ସା' ମା'ଏ ଗୁତୁନ୍ ଅଂଅଁ'ସେକ୍ ଅବୁଦି ସିନ୍ତାଲ' ରୁନ୍ତାଲ'ସେ'ଗା ମୁଇନ୍ଡା ମୁଇନ୍ଡା “ଅ ପ୍ରବୁ, ନିଂ କି ଡ'ନ୍ ନିଂ କି?” ଡ'ସେକ୍ ଅ'ଗଁସ୍ଲା'ଗ୍ ମୁଲାୟ' ।
23ସା' ଜିସୁଲା ସୁନ', “ଆ'ନା ଜା ନିଂବୁରଂ ତିରେ ଗିଲାବକ୍ ତିତି ସୁସୁବ'ତା ମାଇଉ ଆନିଂ ଅସୁୟ'ବେ'ତ । 24ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମି ଗୁଇ'ତା ଡ'ସେକ୍ ମାପ୍ରୁନା ଉଲାକ୍ବକ୍ ଲେକ୍ଲ'ବୁଂଅଁ'ତା ଡୁ'ତୁନ୍ଉ ମାଇ ଗୁଇ'ତା । ମାତର୍ ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ଜା ଆଦାଇରେମେ ଅସୁୟ'ବେ'ତ ଆମାଇ ମାପ୍ରୁ ଅବୁଦି ଡନ୍ଡ୍ ବେ'ତ । ଆମାଇ ଆକେ ଜନମ୍ ଆବେଡ'ନା ଅବୁଦି ବଲ୍ ଡେମାନା” ଡ'ସେକ୍ ସୁନ' ।
25ସା' ଇମ୍ବ'ନ୍ ଜିଉଦାଲା ଆଜିସୁଲା ଅସୁୟ'ବେ'ତ ମାଇସା ଆଜିସୁଲା “ଅ ଗୁରୁ, ନିଂ କି?” ଡ'ସେକ୍ ଅ'ଗଁସ୍ଲା'ଗା' ।
ସା' ଜିସୁଲା ଆମାଇ “ଅ'ଅଁ, ନଉ ଗୁତୁନା” ଡ'ସେକ୍ ସୁନ' ।
ପ୍ରବୁବଜ
(ମାର୍କ 14:22–26; ଲୁକ 22:14–20; 1 କରିନ୍ତିୟ 11:23–25)
26 ମା'ଏ ସୁସୁମ୍ବେଲା ଜିସୁଲା ରୁଟି ଜୁଗ'ସେକ୍ ଆମାପ୍ରୁ ସୁନ୍ଡ୍ରକ୍ସେକ୍ ଗୁତୁନ୍ ରୁଟି ସିସିଡ' । ସିସିଡ'ସେକ୍ ଆସିସ୍ୟଲେ ବେଡ'ସେକ୍ ସୁନ' “ଇନ୍ଡ ଜୁଗ' ସୁମ୍, କେନା ନିଂନା ଞେରି” ଡ'ସେକ୍ ସୁନ' ।
27ତିର୍ଗି' ମାଇ ମୁଇ ଗିଲାବକ୍ #26:27 ଗିରିକ୍ ସାମ୍ବକ୍ “ଜିସୁଲା ମୁଇ ଗିଲା ଜୁଗ'ସେକ୍ ଆମାପ୍ରୁ ସୁନ୍ଡ୍ରଗା'” ଡ'ସେକ୍ ଲେକ୍ଲ'ତା । ଜିଉଦିରେମଲେ ଅଂଗୁର୍ନା ସାଗୁର୍ ଇଡ'କୁ । ସା' ଗୁତୁନ୍ ଗିଲାବକ୍ ଅଂଗୁର୍ନା ସାଗୁର୍ ଡୁକୁଗା' ଡ'ସେକ୍ ନେଇ' ସୁଁସୁ ଗଂତୁନେଇ' ।ଅଂଗୁର୍ନା ଡାଗ୍ ଜୁଗ'ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେକ୍ ଗୁତୁନ୍ ଅଂଗୁର୍ନା ଡାଗ୍ ଆମା'ଏ ବେଡ'ସେକ୍ ସୁନ', “ପେ ଗୁଲାଇର କେନା ଇ', 28କେନା ନିଂନା ବନି । କେନ୍ ଅଂଗୁର୍ନା ଡାଗ୍ ଡ'ନା ରେମଲେନା ପାପ୍ କେମା ଡେମ'ସେକ୍ ଆମା'ଏ ପାପ୍ନା ଡନ୍ଡ୍କୁରୁଂ ରକ୍ୟା ଡେମ୍ତିଂ ଡ'ସେକ୍ ରେମଲେବୁରଂ ମାପ୍ରୁ ପର୍ମାନ୍#26:28 ରେମଲେନା ପାପ୍ କେମା ଡେମ'ସେକ୍ ଆମା'ଏ ପାପ୍ନା ଡନ୍ଡ୍କୁରୁଂ ରକ୍ୟା ଡେମ୍ତିଂ ଡ'ସେକ୍ ମାପ୍ରୁ ରେମଲେବୁରଂ ପର୍ମାନ୍ ସବ'କୁନୁଂ ସିନ । ସବ'କୁନୁଂ ମୁଇ ସିନ । ସା' ନିଂନା ବନି ଟାଟେଉ ବେଡ'ସେକ୍ ନିଂ ଗୁଇ'ନାଉ ଗୁତୁନ୍ ପର୍ମାନ୍ ସତ୍ ଡେନ୍ତା । 29ମାତର୍ ନେମ୍ବା ମାଇନା ରାଜି ଅ'ରଇଁୟ'ସେକ୍ ଆରେମଲେ ଜୁଜୁବେଲା ଆତା ପେବୁରଂ ଡୁକୁକ୍ସେକ୍ ମାରି ତିମେ ଅଂଗୁର୍ନା ଡାଗ୍ ଇ'ପନ୍ତେକ୍ ନିଂ କେନ୍ ଅଂଗୁର୍ଡାଗ୍ ମାରି ଇନ୍ଡ'ଇଏସା ଆଇ'ତିଂ ଡ'ସେକ୍ ନିଂ ଆପେ ସୁନ'ତିଂ” ଡ'ସେକ୍ ସୁନ' ।
30ମାରି ଆମାପ୍ରୁ ସୁନ୍ଡ୍ରପୁଲେଇ ମା'ଏ ମୁଇ ସିସେର୍ ସେର'ସେକ୍ ଜିତ କୁନ୍ଡାବକ୍ ଉଇଗା' ।
ପିତର୍ଲା ମା ଡେମ୍ତ ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 14:27–31; ଲୁକ 22:31–34; ଜଅନ୍ 13:36–38)
31ମାରି ଜିସୁଲା ଆମା'ଏ ସୁନ', “ଆ'ନା ତୁମୁଂଗ ପେ ଗୁଲାଇର ଆନିଂ ଅଡକ୍ସୁଂଅଁ'ସେକ୍ ଉର' ଡୁଂତୁପେ । ମାସା'ଡ'ନା ଇନ୍ତେକନ୍ଡେ'କା ମାପ୍ରୁନା ଉଲାକ୍ବକ୍ ମାପ୍ରୁ ସୁନ'କୁନୁଂ ଡି'କେନ୍ ଲେକ୍ଲ'ତା, ମା ଡ'ନା:
ନିଂ ଆଗୁଗୁଇ'ରେମ୍ ସେପ୍ତିଂ,
ସା' ରାସିମେନ୍ଡାଲେ ତଂରିତଂକେ ଡେନ୍ତା ଡ'ସେକ୍ ଲେକ୍ଲ'ତା ।
32 #
ମାତିଉ 28:16
ମାତର୍ ନିଂ ଗୁଇ'କୁନୁଂକୁରୁଂ ମୁରାକ୍ସେକ୍ ପେନ୍ ସିଁସେଇଁ ଗାଲିଲି ଜିଲାବକ୍ ଉଇତିଂ” ଡ'ସେକ୍ ସୁନ' ।
33ସା' ପିତର୍ଲା ସୁନ' “ମା'ଏ ଗୁଲାଇର ଆନ ଅନ୍ତୁର'ସେକ୍ ଡୁଂନାସା ନିଂ ଆନ ଇନ୍ଡଇ'ଏସା ଆଅନ୍ତୁର୍ତିଂ ” ଡ'ସେକ୍ ସୁନ' ।
34ସା' ଜିସୁଲା ଆମାଇ ସୁନ' “ଆ'ନା ତୁମୁଂଗ ଗିସିଂ ସୁସୁ ସିଁସେଇଁଉ ନିଂ ଆମାଇ ଆମାକ୍ତିଂ ଡ'ସେକ୍ ତିନ୍ପାଲି ନ ସୁନ୍ତୁନ ଡ'ସେକ୍ ନିଂ ଆନ ସତଇସା ସୁନ'ତିଂ” ଡ'ସେକ୍ ସୁନ' ।
35ମାତର୍ ପିତର୍ଲା ମାରି ସୁନ' “ନବୁରଂ ଗୁଗୁଇ' ପଡ୍ତା ଡ'ନାସା ଆନ ନିଂ ଆମାକ୍ତିଂ ଡ'ସେକ୍ ଇନ୍ଡଇ'ଏସା ଆସୁନ୍ତିଂ” ଡ'ସେକ୍ ସୁନ' । ମାରି ମାଇବୁରଂ ଡୁକୁନୁଂ ଗୁଲାଇ ସିସ୍ୟଲେସା ଡୁ'ତୁନାଉ ଆଜିସୁଲା ସୁନ' ।
ଗେତ୍ସିମାନି ଡ'ସେକ୍ ମୁଇ ଡିନ୍ଜାବୁର୍ବକ୍ ଜିସୁଲା ପାର୍ତନା ଡିନ୍ଡେମ୍ଡେନ୍
(ମାର୍କ 14:32–42; ଲୁକ 22:39–46)
36ତିର୍ଗି' ଜିସୁଲା ମାଇନା ସିସ୍ୟଲେବୁରଂ ଗେତ୍ସିମାନି ଡ'କୁନୁଂ ମୁଇ ଡିନ୍ଜାବୁର୍ବକ୍ ଉଇଗା' । ଆତା ମାଇ ଆମାଇନା ସିସ୍ୟଲେ ସୁନ' “ନିଂ ଆତା ଉଇସେକ୍ ପାର୍ତନା ଅ'ଡମ'ସେକ୍ ସୁସାପ୍ପନ୍ତେ'କା ପେ ଆକେ ଲେଇ'କୁଲା” ଡ'ସେକ୍ ସୁନ' । 37ସୁନ'ସେକ୍ ମାଇ ଆପିତର୍ଲା ମାରି ଆଜେବଦିନା ଉଁ'ଉଁପାସା ଇମ୍ବାୟବକ୍ ମାଇବୁରଂ ୱାୟ' ଉଇସେକ୍ ଆତା ମାଇ ଅବୁଦି ସିନ୍ତାଲ'ରୁନ୍ତାଲ'ସେକ୍ ଅବୁଦି କସ୍ଟ ମାଇନା ଜିବନ୍ବକ୍ ସା'ଗା' । 38ମାରି ମାଇ ଆମା'ଏ ସୁନ', “ନିଂନା ଜିବନ୍ବକ୍ ଅବୁଦି ସିନ୍ତା ସାକ୍ସେକ୍ ନିଂ ଗୁଗୁଇ'ଗାଗାଇ' ଡେଂକୁନୁଂସୁଗ ଡେଂଗୁତିଂ । ପେ ଆକେ ନିଂବୁରଂ ମଲେମ' ଡୁକୁଲା” ଡ'ସେକ୍ ସୁନ' ।
39ମାରି ମାଇ ଇ'କି ଡଗ୍ରି'ତା ଉଇସେକ୍ ଏନ୍ଡିକ୍ସେକ୍ “ଅ ନିଂନା ବା, ଡି'କେନ୍ବାଇ' କସ୍ଟ ଗୁଲାଇ ନିଂକୁରୁଂ ସୁଲୁଂ ବୁଂବୁଂ ଡେନ୍ତା ଡ'ନା ସୁଲୁଂ ବୁଂ । ମାତର୍ ନିଂନା ମୁନ୍ ଆରାକ୍ ନନା ମୁନ୍ସୁଗ ନ ଡେମ୍” ଡ'ସେକ୍ ମାଇ ପାର୍ତନା ଡେମ' ।
40ମାରି ମାଇ ମାଇନା ସିସ୍ୟଲେନ୍ବକ୍ ସା'ଗା', ସା' ମା'ଏ ଲେମ'କୁନୁଂ ଜୁଲ' । ସା' ମାଇ ଆପିତର୍ଲା, “ପେ ମଲେମ' ନିଂବୁରଂ ମୁଇ ଗନ୍ଟାସା ଲିଲେଇ' ଆଗଂତୁପେ ଇ? 41ପେ ମଲେମ' ପାର୍ତନା ଡେମ' ଡୁକୁଲା, ଡୁ'ତୁନ୍ ଡେମ'ନା ପେନ୍ ଜିବନ୍ବକ୍ ପରିକା ଆସାପ୍ତା । ମାସା'ଡ'ନା ନିଂ ସୁନ'କୁନୁଂସୁଗ ଡିନ୍ଡେମ୍ପୁଲେଇ ଆପେ ମୁନ୍ ଡୁତା ମାତର୍ ବପୁ ଆରାକ୍ସା' ଆଗଂତୁପେ” ଡ'ସେକ୍ ସୁନ' ।
42ମାଇ ମାରି ଉଇସେକ୍, “ଅ ନିଂନା ବା, କେନ୍ କସ୍ଟ ନିଂବକ୍ ସାକ୍ସେକ୍ ଗୁତୁନ୍ କସ୍ଟ ଆନିଂ ଡେଂନାଉ ଡେନ୍ତା ଡ'ସେକ୍ ଡୁତା ଡ'ନା ନନା ମୁନ୍ସୁଗ ଡେମେଇ'” ଡ'ସେକ୍ ପାର୍ତନା ଡେମ' ।
43ମାରି ସାକ୍ସେକ୍ ମାଇ ଜୁଲ'ସା' ମା'ଏ ମାରି ଲେମ'କୁନୁଂ ଜୁଲ' । ଆମା'ଏନା ମ' ଜୁଲ'ନା ଲେମ' ଡୁସୁ'କୁସା' ଅବୁଦି କସ୍ଟ ଡେଂକୁ । 44ସା' ମାଇ ମା'ଏନ୍କୁରୁଂ ମାରି ଉଇସେକ୍ ସିଁସେଇଁଉ ମି ପାର୍ତନା ଡେମ'କୁ ଡୁ'ତୁନ୍ଉ ମାରି ପାର୍ତନା ଡେମ' ।
45ତିର୍ଗି' ମାଇ ମାର୍ ମୁସ ସିସ୍ୟଲେନ୍ବକ୍ ସାକ୍ସେକ୍ ସୁନ', “ମାରି ଲେମ'ଗୁତୁପେ ଇ? ଲେମ'ସେକ୍ ବାନି ପୁନ୍ଗୁତୁପେ ଇ? ଆ'ଇତୁନ୍ ଡେନ୍ତାବେ । ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ପାପ୍ବାଇ' ରେମଲେନା ତିତିବକ୍ ଅସୁୟ' ବିବେ'ନା ବେଲା ଆ'ନା ଡେଂଗୁତା । 46ଇନ୍ସେଇ'ଉ ତନା, ଡ ଉୟାନେଇ' । ଜୁ, ଆନିଂ ଅସୁ'ୟା ସା'ଗା'” ଡ'ସେକ୍ ସୁନ' ।
ଆଜିସୁଲା ସୁସପ୍ଡେନ୍
(ମାର୍କ 14:43–50; ଲୁକ 22:47–53; ଜଅନ୍ 18:3–12)
47ମାଇ ମା'ଏବୁରଂ ଅଇଁୟ' ଡୁକୁନୁଂବେଲାଉ ବାରଲକ୍ ସିସ୍ୟଲେନ୍ ବିତ୍ରେ ମୁଇନ୍ଡା ଜିଉଦାଲା ଡ'କୁନୁଂଆଁ ଆତା ସା'ଗା' । ମାଇବୁରଂ ଅବୁଦି ରେମଲେସା କାନ୍ଦାଲେ ମାରି ବୁ'ଡୁଂଏଁ ସକ୍ସେକ୍ ସା'ଗା' । ଆମା'ଏ ମୁନା'ପୁଜାରିଲେ ମାରି ଜିଉଦିରେମଲେନା ମୁନା'ରେମେ ବେନ୍ଟାୟ'ବୁଂଅଁ' । 48ଆଜିସୁଲା ଅସୁୟ'ବିବେ'ଡା “ନିଂ ଆଜା ବୁଇଁତମ୍ତିଂ ମାଇଉ ଗୁତୁନ୍ ରେମ, ଆମାଇ ପେ ସପ୍” ଡ'ସେକ୍ ଆତୁନ୍ ରେମଲେ ମୁଇ ସିନସୁଗ ସିଁସେଇଁଉ ସୁନ'ବୁଂଅଁ' । 49ସା' ଜିଉଦାଲା ସିଦା ଜିସୁନ୍ବକ୍ ସାକ୍ସେକ୍ ଆଜିସୁଲା “ଅ ଗୁରୁ, ଆନ ନମସ୍କାର୍” ଡ'ସେକ୍ ଆମାଇ ବୁଇଁତମ' ।
50ସା' ଜିସୁଲା ଆମାଇ ସୁନ', “ଅ ବାଇଲକ୍, ନ ମା ସାକ୍ନ ଗୁତୁନ୍ କାମ୍ ସୁରୁଇ' ଡେମ୍” ଡ'ସେକ୍ ସୁନ' । ଆଇ'ତୁନ୍ବେଲା ଜିଉଦାଲାବୁରଂ ଡୁକୁନୁଂ ରେମଲେ ସାକ୍ସେକ୍ ଆଜିସୁଲା ସବ' । 51ସା' ଜିସୁଲାବୁରଂ ଡୁକୁନୁଂ ରେମଲେନ୍ ବିତ୍ରେ ମୁଇନ୍ଡା କାନ୍ଦା ଅ'ତୁର'ସେକ୍ ଆତୁନ୍ ମୁନା'ପୁଜାରିଲେନ୍ ମୁନା'ରେମ୍ନା ଗୁପାମ୍ରେମ୍ନା ଲୁନ୍ତୁର୍ ସେବ'ସା' ମାଇନା ଲୁନ୍ତୁର୍ ସେତୁକ୍ ଉଇଗା' ।
52ସା' ଜିସୁଲା ଆମାଇ ସୁନ' “କାନ୍ଦା ବୁଂବୁଂନାବକ୍ ଗୁତୁନ୍ କାନ୍ଦା ବୁଂ । ମାସା'ଡ'ନା ଜା କାନ୍ଦାବୁରଂ ଆଜାଆଜା ମାମା ଡେମ୍ତ ମାଇ କାନ୍ଦାବୁରଂ ଗୁଇ'ତା । 53ଆନିଂ ସାନ୍ଡୁଂପୁଲେଇ ଆଦୁତଲେ ବେନ୍ଟାୟ'ବେ' ଡ'ସେକ୍ ନିଂ ଆନିଂନା ବା ସୁଁସୁ ଗଂତିଂ ମାରି ମାଇ ଆ'ଇକୁ ଅଜାର୍ ଅଜାର୍ ଦୁତଲେବକ୍ ବେନ୍ଟାୟ'ବେ'ତ ଡ'ସେକ୍ ନ ମା ଆମାକ୍ତୁନ ଇ? 54ମାତର୍ ଡୁ'ତୁନ୍ ନିଂ ଡେମ'ନା ଡି'କେନ୍ ଡେଂନାଉ ଡେନ୍ତା ଡ'ସେକ୍ ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ମି ସତ୍ ଡେନ୍ତା?” 55#ଲୁକ 19:47; 21:37ଆଇ'ତୁନ୍ବେଲା ଆମାଇ ସୁସପ୍ ସା'କୁନୁଂ ରେମଲେବକ୍ ଜିସୁଲା ସୁନ' “ମାସା' ଆନିଂ ସୁସପ୍ପୁଲେଇ ପେ କାନ୍ଦାଲେ ବୁ'ଡୁଂଏଁ ଗୁଲାଇ ସକ୍ସେକ୍ ନିଂବକ୍ ସା'ଗୁତୁପେ, ନିଂ ମା ମୁଇନ୍ଡା ଟାକ୍ରିବାଇ' ରେମସା' ଇ? ଜୁ, ନିଂ ଇସାଉ ମନ୍ଦିର୍ବକ୍ ଲେଇ'ସେକ୍ ଆରେମଲେ ମାପ୍ରୁନା ବଲ୍କବର୍ ଅମାଗ'କୁନିଂ ମାତର୍ ଉନ୍ତା ପେ ଆନିଂ ଆସପ୍ତୁପେ । 56ମାତର୍ ବାବବାଦିଲେ ମାପ୍ରୁନା ଉଲାକ୍ବକ୍ ମା ଲେକ୍ଲ'ବୁଂଅଁ'ତା ଗୁତୁନ୍ସୁଗ ଡିନ୍ଡେମ୍ପୁଲେଇ ଆ'ନା ଡି'କେନ୍ ଗୁଲାଇ ଡେଂଗୁତା” ଡ'ସେକ୍ ସୁନ' । ଆଇ'ତୁନ୍ବେଲା ଜିସୁନା ସିସ୍ୟଲେ ଗୁଲାଇର ଆମାଇ ଅନ୍ତୁର'ସେକ୍ ଉର' ଡୁଂଗା' ।
ଆଜିସୁଲା ଜିଉଦିରେମଲେନା ମୁନା'ରେମେ ବିସାର୍ନା ଡିନ୍ଡେମ୍ଡେନ୍
(ମାର୍କ 14:53–65; ଲୁକ 22:54–55,63–71; ଜଅନ୍ 18:13; 14:19–24)
57ଆଜିସୁଲା ସବ'କୁନୁଂ ରେମଲେ କୟାପା ଡ'କୁନୁଂ ମୁନା'ପୁଜାରିଲେନ୍ ମୁନା' ରେମନ୍ବକ୍ ଆମାଇ ରିଂଅଁ' ଉଇଗା' । ଆତା ଜିଉଦିରେମଲେନା ନିୟମ୍ ଅମାକ୍ରେମେ ମାରି ଜିଉଦିରେମଲେନା ମୁନା'ରେମେ ଡି'ତା ଲେଇ'କୁଗା' । 58ମାତର୍ ପିତର୍ଲା ସୁଲୁଂ ସୁଲୁଂ ତଂସେକ୍ ଆଜିସୁଲା ତେଂଗି' ଉଇଗା' । ମାଇ ଡୁ'ତୁନା ମୁନା'ପୁଜାରିଲେନ୍ ମୁନା'ରେମ୍ନା ଡିଂଅଁ ପନ୍ତେକ୍ ଉଇଗା' । ଆଜିସୁଲା ମା ଡେନ୍ତା ଡ'ସେକ୍ ଜୁଜୁପୁଲେଇ ମାଇ ରୁନୁକ୍ସିଂବକ୍ ଗାଇସେକ୍ ଜାଗ୍ବାର୍ରେମେବୁରଂ ଲେଇ'ଗା' ।
59ମୁନା'ପୁଜାରିଲେ ମାରି ମୁନା'ରେମଲେ ଗୁଲାଇର “ଆଜିସୁଲା ଅଗୁଇ'ନେଇ'” ଡ'ସେକ୍ ପଲୁ ସାକିପୁଲେଇ ତୁର' । 60ମାତର୍ ଅବୁଦିର ସାକ୍ସେକ୍ ପଲୁସାକି ସୁନ'ସା'ଏସା ଗୁତୁନା ସମାନ୍ ଆଡେନ୍ତା । ସା' ତିର୍ଗି' ଇମ୍ବାୟ ସାକ୍ସେକ୍ ସୁନ': 61#ଜଅନ୍ 2:19“ମାପ୍ରୁନା ମନ୍ଦିର୍ ଅଲାର'ସେକ୍ ତିନ୍ଦିନ୍ବକ୍ ଗୁତୁନ୍ ମାରି ବୁବ' ଗଂତିଂ ଡ'ସେକ୍ କେନ୍ ରେମ ସୁନ'କୁ” ଡ'ସେକ୍ ସୁନ' ।
62ସା' ମୁନା'ପୁଜାରିଲେନ୍ ମୁନା'ରେମ୍ ତଂସେକ୍ ଆଜିସୁଲା ସୁନ' “ମା'ଏ ଆନନ୍ ବାଗ୍ବକ୍ ସୁନ'କୁନୁଂ ଅଂଅଁ'ସେକ୍ ନ ମାଏସା ମାରି ଆସୁନ୍ତୁନ ଇ?” ଡ'ସେକ୍ ସୁନ' । 63ମାତର୍ ଜିସୁଲା ବାସ୍ ମାସା ଆସୁନ୍ତ ।
ସା' ମୁନା'ପୁଜାରିଲେନ୍ ମୁନା'ରେମ୍ ଆମାଇ ସୁନ' “ନ ମାପ୍ରୁନା ଉଁ'ଉଁ କିରିସ୍ଟଲା ଡ'ନା ଜିବନ୍ ଡୁକୁନୁଂ ମାପ୍ରୁନା ଇମିବକ୍ ନ ପର୍ମାନ୍ ସବ'ସେକ୍ ଆନେଇ ସୁଁ ଡ'ସେକ୍ ଆନ ସୁନ'ତିଂ” ଡ'ସେକ୍ ସୁନ' ।
64ସା' ଜିସୁଲା ଆମାଇ ସୁନ' “ଅଁ'ଅଁ, ନ ସୁନ'କୁନୁଂ ସତ୍ । ଜୁ, ମାପ୍ରୁ ଅବୁଦି ବପୁବାଇ', ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମାଇନା ସୁସୁମ୍ତିକୁରୁଂ ଲେଇ'କୁନୁଂ ମାରି କି'ତୁଂନା ବାଦଲ୍ବୁରଂ ମାରି ଜୁଜର୍ ଡେଂକୁନୁଂ ପେ ଜୁତୁପେ ଡ'ସେକ୍ ନିଂ ଆପେ ସୁନ'ତିଂ” ଡ'ସେକ୍ ସୁନ' ।
65ସା' ଗୁତୁନ୍ ଅଂଅଁ'ସେକ୍ ମୁନା'ପୁଜାରିଲେନ୍ ମୁନା'ରେମ୍ ମାଇନା ନିଜର୍ନା ଇମ୍ପ' ନିଜେ ଗାର'ସେକ୍ ସୁନ' “କୁନା ଆମାପ୍ରୁ ଅଲିରାକ୍ବାଇ' ସୁନ'ତା । ସା' ଆ'ନା ମାରି ଜାଏସା ସାକି ସୁଁସୁ ଦର୍କାର୍ ଆରାକ୍! ମାସା'ଡ'ନା ମାଇ ନିଜେ ଆମାପ୍ରୁ ଅଲିରାକ୍ବାଇ' ସୁନ'କୁନୁଂ ଗୁଲାଇର ଆ'ନା ଅଂଅଁ'ପେ । 66ପେ ଗୁଲାଇର ମା ଡ' ଏତ୍ଗୁତୁପେ?” ଡ'ସେକ୍ ଅ'ଗଁସ୍ଲା'ଗା', ସା':
“ମାଇ ଗୁଇ'ନାଉ ଡେନ୍ତା” ଡ'ସେକ୍ ମା'ଏ ଗୁଲାଇର ସୁନ' ।
67ମାରି ମା'ଏ ଆମାଇନା ସାର୍ମ' ବୁଇ'ତୁର'ବେଡ', ତିତିବୁରଂ ବୁଗ', ମାରି ଏନ୍ତୁକ୍ର ଆମାଇନା ଜାମ୍ବାଲି ବୁଗ'ସେକ୍ 68“ଅ କିରିସ୍ଟ, ଆନ ଜା ବୁଗ' ଡ'ସେକ୍ ଆନେଇ ସୁଁ, ମାସା'ଡ'ନା ନ ବାବବାଦି ମାନ୍କି?” ଡ'ସେକ୍ ସୁନ' ।
ଆଜିସୁଲା ନିଂ ଆମାକ୍ତିଂ ଡ'ସେକ୍ ପିତର୍ଲା ସୁଁସୁଡେନ୍
(ମାର୍କ 14:66–72; ଲୁକ 22:56–62; ଜଅନ୍ 18:15–18,25–27)
69ଆଇ'ତୁନ୍ବେଲା ପିତର୍ଲା ଗୁତୁନ୍ ଡିଂଅଁନା ରୁନୁକ୍ସିଂବକ୍ ବାରେ ଲେଇ'କୁ । ସା' ଆତା ମୁଇନ୍ଡା କାମ୍ବୁଇ' ସାକ୍ସେକ୍ ଆମାଇ, “ନସା ଗାଲିଲି ଜିଲାନା ଗୁତୁନ୍ ଜିସୁଲାବୁରଂ ଡୁକୁନ” ଡ'ସେକ୍ ସୁନ' ।
70ମାତର୍ “ନ ମା ଡ' ସୁନ'ତୁନ ଗୁତୁନ୍ ନିଂ ଆମାକ୍ତିଂ, ନିଂ ଆରାକ୍” ଡ'ସେକ୍ ମା'ଏ ଗୁଲାଇର ଲେଇ'କୁନୁଂବକ୍ ପିତର୍ଲା ସୁନ' ।
71ତିର୍ଗି' ମାଇ ଉନ୍ତ୍କୁରୁଂ ତୁର୍ସେକ୍ ଗୁତୁନ୍ ରୁନୁକ୍ସିଂନା ମୁନା' ଡାନ୍ଡର୍ବକ୍ ଉଇଗା' । ସା' ଆତା ମାରି ମୁଇନ୍ଡା କାମ୍ବୁଇ' ଆମାଇ ଜୁଲ'ସେକ୍, “କେନ୍ ରେମ ଗୁତୁନ୍ ନାଜରିତ୍ ଜିଲାନା ଜିସୁଲାବୁରଂ ଡୁକୁଗା'” ଡ'ସେକ୍ ଆତା ଡୁକୁନୁଂବକ୍ ଆଗୁଲାଇର ସୁନ' ।
72ସା' ପିତର୍ଲା, “ଆରାକ୍, ନିଂ ଆମାଇ ଆମାକ୍ତିଂ” ଡ'ସେକ୍ ପର୍ମାନ୍ ସବ'ସେକ୍ ମାରି ସୁନ' ।
73ଇ'କି ପୁର'ଗା ଆତା ତଂକୁନୁଂ ରେମଲେ ଏନ୍ତୁକ୍ର ପିତର୍ବକ୍ ସାକ୍ସେକ୍ “ସତଇସା ନସା ମା'ଏବୁରଂ ଡୁକୁନୁଂ ମୁଇନ୍ଡା ରେମ, ମାସା'ଡ'ନା ନ ଅଇଁୟ'କୁନୁଂ ଅଂଅଁ'ନା ନେଇ ମାଗ'ତୁନେଇ” ଡ'ସେକ୍ ସୁନ' ।
74ସା' ମାଇ “ନିଂ ଆତୁନ୍ ରେମ ଆମାକ୍ତିଂ” ଡ'ସେକ୍ ନିଜେ ଆନାବୁଂବର୍ସେକ୍ ପର୍ମାନ୍ ସବ'ସେକ୍ ସୁନ' ।
ଆଇ'ତୁନ୍ବେଲା ଆ'ଇକୁ ଗିସିଂ ସୁଗା' । 75ସା' “ଗିସିଂ ସୁସୁ ସିଁସେଇଁଉ ଆନିଂ ନ ଆମାକ୍ତିଂ ଡ'ସେକ୍ ତିନ୍ପାଲି ସୁନ୍ତୁନ” ଡ'ସେକ୍ ଜିସୁଲା ସୁନ'କୁନୁଂ ପିତର୍ଲା ଏତ୍ଗା' । ମାରି ମାଇ ବାରେ ତୁର୍ସେକ୍ ଅବୁଦି ସିନ୍ତାଲ'ସେକ୍ ଉ'ଗା' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0