Sakaliya 9
9
Epanguro lyonomuhoko domaparambo
1Ezi yizo mbudi zaHompa: Hompa ana tokwere epanguro sirongo saHadaraka nositata saDamasikusi. Nye kapisi mazimo gaIsraeli gelike, nye nositata sepangero saSiliya kwa hamena kwaHompa. 2Hamati esi sa kara mururani naHadaraka, naso kwa mu hamena rambangako yitata yaTirusi naSidoni novanandunge vamo navenye. 3Tirusi ga litungira mwene mapoperonzugo, yiyo ga lipongaikira sisiliveli nongorodo zonzi eyi ya hwa kunyata! 4Nye Hompa nga mu gusa nkenye aka ga kara nako. Age nga zugumina emona lyendi mefuta, ano sitata ngava si swakererera po nuunu.
5Sitata saAsikeroni ngasi yi mona eyi, ngau si kwata woma. Sitata saGasa ngasi mona eyi, makura ngasi zuvha kukora kokunene. Ano Ekironi nendindiro lyendi ngava li haraganesa po. Gasa nga zumbanesa hompa gwendi, ano Asikeroni ngava si siga mapuku. 6Vantu womazimo peke‐peke ngava tunga moAsidodo. Hompa ta tanta asi: “Vafilisiti navenye ava ava linenepeke, ngani va nunupika. 7Awo kapi ngava lya hena nyama azo nohonde zazo ndi nondya dapeke edi va silika. Navenye ava va hupa po ngava kara mombunga zovantu vange, ngava kare ngwendi ekoro lyemezimo lyaJuda. Ekironi nga kara ruha rovantu vange, moomu va rugene Vajebusi. 8Ame ngani nomena sirongo sange, ngani ninka vakwayita va si gende. Ame kapi ngani pulisira hena vahepeki ngava hepeke vantu vange. Ame nina mono omu vana kuhepa vantu.”
Hompa Gokomeho
9Hafeni unene, vantu one womoSiyoni!
Lilikideni morwaehafo, vantu
one womoJerusarema!
Tara Hompa goge kuna kuwiza koge!
Age kuna kuwiza koge
mouhungami nemefundo.
Kwa linunupika, age kuna rondo
kosindongili — komutanda
gosindongili sosikadi.
10 Hompa ta tanta asi:
“Ano ame ngani gusa mo
turukara toyita moIsraeli,
tani gusa mo nonkambe moJerusarema,
mauta gonkanza aga ngava
ruganesa moyita,
ngani ga haraganesa po.
Hompa gweni nga tura mpora
mokatji konomuhoko;
age nga pangera tunda efuta
zende efuta,
kutunda komukuro gwaEufurata
dogoro kooku wa ka twa uzuni.”
Ewapukururo lyovantu vaKarunga
11 Hompa ta tanta asi:
“Pegwanekero lyange neni eli va
korekesere nohonde zonzambo,
yipo ngani mangwilira vantu woge —
va manguruke ko ketope
lya hana mema lyoupika.
12Tengureni one nonkwate
muna kara simpe nehuguvaro;
tengureni kevega lyeni lyougami.
Apa ngesi tani mu tantere asi,
ngani mu tengwidira pwaruvali
etungiko morunyando rweni narunye.
13Juda ngani mu ruganesa
ngwendi uta wonkanza,
ano Israeli ngwendi yikutji.
Vagara womoSiyoni ngani va
ruganesa ngwendi rufuro,
ngava rwise vagara womoGereka.”
14 Hompa nga horoka peguru
lyovantu vendi;
nga ponya yikutji yendi
ngwendi ruvadi.
Hompa Munankondo nadinye
nga fuda mbendo;
ta gendi movakakunguru wokoMbindakano.
15 Hompa Munankondo nadinye
nga popera vantu vendi,
makura awo ngava hanagure
nonkore dawo.
Ngava zigira moyirwa
ngwendi vantu wokukorwa,
makura ngava tjisange honde
zononkore dawo;
ngazi pupa ngwendi honde
zonzambo vana kupimpa
mosiyaha kosizambero.
16Ezuva olyo apa ngali wiza,
Hompa nga parura vantu vendi,
moomu a parura musita
gononzwi siunda kosimpagwa.
Awo ngava paima mosirongo sendi
ngwendi mamanya gomawa
gonkata zosiuhompa.
17Sirongo nani yireru omu ngasi
wapa, tasi fuura!
Vadinkantu ngava kura
tava pama korukokotwa
nokovhinyu zaso.
Currently Selected:
Sakaliya 9: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Sakaliya 9
9
Epanguro lyonomuhoko domaparambo
1Ezi yizo mbudi zaHompa: Hompa ana tokwere epanguro sirongo saHadaraka nositata saDamasikusi. Nye kapisi mazimo gaIsraeli gelike, nye nositata sepangero saSiliya kwa hamena kwaHompa. 2Hamati esi sa kara mururani naHadaraka, naso kwa mu hamena rambangako yitata yaTirusi naSidoni novanandunge vamo navenye. 3Tirusi ga litungira mwene mapoperonzugo, yiyo ga lipongaikira sisiliveli nongorodo zonzi eyi ya hwa kunyata! 4Nye Hompa nga mu gusa nkenye aka ga kara nako. Age nga zugumina emona lyendi mefuta, ano sitata ngava si swakererera po nuunu.
5Sitata saAsikeroni ngasi yi mona eyi, ngau si kwata woma. Sitata saGasa ngasi mona eyi, makura ngasi zuvha kukora kokunene. Ano Ekironi nendindiro lyendi ngava li haraganesa po. Gasa nga zumbanesa hompa gwendi, ano Asikeroni ngava si siga mapuku. 6Vantu womazimo peke‐peke ngava tunga moAsidodo. Hompa ta tanta asi: “Vafilisiti navenye ava ava linenepeke, ngani va nunupika. 7Awo kapi ngava lya hena nyama azo nohonde zazo ndi nondya dapeke edi va silika. Navenye ava va hupa po ngava kara mombunga zovantu vange, ngava kare ngwendi ekoro lyemezimo lyaJuda. Ekironi nga kara ruha rovantu vange, moomu va rugene Vajebusi. 8Ame ngani nomena sirongo sange, ngani ninka vakwayita va si gende. Ame kapi ngani pulisira hena vahepeki ngava hepeke vantu vange. Ame nina mono omu vana kuhepa vantu.”
Hompa Gokomeho
9Hafeni unene, vantu one womoSiyoni!
Lilikideni morwaehafo, vantu
one womoJerusarema!
Tara Hompa goge kuna kuwiza koge!
Age kuna kuwiza koge
mouhungami nemefundo.
Kwa linunupika, age kuna rondo
kosindongili — komutanda
gosindongili sosikadi.
10 Hompa ta tanta asi:
“Ano ame ngani gusa mo
turukara toyita moIsraeli,
tani gusa mo nonkambe moJerusarema,
mauta gonkanza aga ngava
ruganesa moyita,
ngani ga haraganesa po.
Hompa gweni nga tura mpora
mokatji konomuhoko;
age nga pangera tunda efuta
zende efuta,
kutunda komukuro gwaEufurata
dogoro kooku wa ka twa uzuni.”
Ewapukururo lyovantu vaKarunga
11 Hompa ta tanta asi:
“Pegwanekero lyange neni eli va
korekesere nohonde zonzambo,
yipo ngani mangwilira vantu woge —
va manguruke ko ketope
lya hana mema lyoupika.
12Tengureni one nonkwate
muna kara simpe nehuguvaro;
tengureni kevega lyeni lyougami.
Apa ngesi tani mu tantere asi,
ngani mu tengwidira pwaruvali
etungiko morunyando rweni narunye.
13Juda ngani mu ruganesa
ngwendi uta wonkanza,
ano Israeli ngwendi yikutji.
Vagara womoSiyoni ngani va
ruganesa ngwendi rufuro,
ngava rwise vagara womoGereka.”
14 Hompa nga horoka peguru
lyovantu vendi;
nga ponya yikutji yendi
ngwendi ruvadi.
Hompa Munankondo nadinye
nga fuda mbendo;
ta gendi movakakunguru wokoMbindakano.
15 Hompa Munankondo nadinye
nga popera vantu vendi,
makura awo ngava hanagure
nonkore dawo.
Ngava zigira moyirwa
ngwendi vantu wokukorwa,
makura ngava tjisange honde
zononkore dawo;
ngazi pupa ngwendi honde
zonzambo vana kupimpa
mosiyaha kosizambero.
16Ezuva olyo apa ngali wiza,
Hompa nga parura vantu vendi,
moomu a parura musita
gononzwi siunda kosimpagwa.
Awo ngava paima mosirongo sendi
ngwendi mamanya gomawa
gonkata zosiuhompa.
17Sirongo nani yireru omu ngasi
wapa, tasi fuura!
Vadinkantu ngava kura
tava pama korukokotwa
nokovhinyu zaso.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003