Sakaliya 8
8
Matumbwidiro gaHompa gokuwapukururura Jerusarema
1 Hompa munankondo nadinye kwa gavere mbudi ezi kwaSakaliya asi: 2“Ame nina diworoka kukwafa Jerusarema, morwaeharo lyange lyenene lyokuhara vantu vamo. Ame kwa hara ava va handukisa nge kumwe nononkore damo. 3Ame na hara kutengura koJerusarema, sitata sange sokupongoka, ni ka tunge mo. Aso ngasi divikwa asi sitata sokulimburukwa. Ano nondundu zaHompa Munankondo nadinye ngava zi tumbura asi, ndundu zokupongoka. 4Vagara novakadi wokukurupa unene ngava ruganesa nompango nsene tava gendi. Awo ngava hingira pomaharango gositata. 5Mononzira ngamu zura hena vamati novakadona wokudanena mo.
6“Eyi kuvhura yi moneke kwava womuhoko ava vana hupu po ntaantani asi udigu, nye kwange ko ame ureru. 7Ame ngani yoworora vantu vange koyirongo oku va va twara, 8makura ngani va tengwide ni va guse koUpumezuva nokoUtokero, va ka kare moJerusarema. Ame ngani kare Karunga gwawo, awo tava kara vantu vange, tani va pangere noulimburukwi nouhungami.
9“Likorerereni! One kuna kuzuvha nonkango dokufumana ngwendi dedi va uyungire vaporofete posiruwo esi va tulire etateko lyetungururo lyontembeli. 10Siruwo esi aso sa hana kusika, kutupu muntu ogu ga vhulire kukuta vantu ndi yinamwenyo, nagumwe si ogu ga yoworokere kononkore dendi. Ame kwa ninkisire vantu va lipiraukire. 11Nye ntaantani, ame kuna kurugana ava va paruka womomuhoko ogu, mwapeke. 12Awo ngava kuna muzangu gwawo nombili. Yitji yawo yovhinyu ngayi yima mandjembere, ano evhu ngali reta muzangu, nomvhura ngazi vhuka. Matungiko aga nagenye ngani ya gava kovantu womuhoko gwange ava vana kara nomwenyo. 13Vantu womoJuda naIsraeli! Pwanare vanayirongo ngava lifinga‐finga mokuuyunga asi: ‘Yimpagwa yoyidona ngano none yi mu gwane, eyi ya gwana Juda naIsraeli!’ Nye ame ngani mu parura, makura vanayirongo owo, ngava litantera‐tantere asi: ‘None ngano tomu tambura matungiko gokulifana ngwendi gaga ga gwana Juda naIsraeli!’ Ano nye kareni nouradi, mwa ha tjira.”
14 Hompa Munankondo nadinye kuna kutanta asi: “Ozinyakurweni apa va handukisire nge, ame kwa va gazarerere yiponga yoyinene, kapi na rundwilire etokoro lyange, nye na sikisire mo magazaro gange. 15Nye ntaantani, ame kuna gazara ni ruganene monaruwa vantu womoJerusarema naJuda. Ano wa ha mu kwata woma. 16Yininke eyi mwa hepa kurugana yeyi: Omu liuyungire yousili. Omu uyunge yokuhungama momapanguro — yininke eyi ayi reta mbili. 17Walye omu gazarere vakweneni yokuvakoresa konomutjima. Walye omu ninki undipo woyimpempa nomugano. Ame kwa nyenga yimpempa nouhahungami nepiyagano.”
18 Hompa Munankondo nadinye ta gava mbudi ezi kwaSakaliya asi: 19“Mazuva gokudilira gokwedi kwaune noku kwautano noku kwautano‐nauvali noku komurongo ngaga kara gehafo nepemburo lyovantu womoJuda. Hareni usili nombili.”
20 Hompa Munankondo nadinye kuna kutanta asi: “Siruwo sina siki mo sokutunda vantu wovanzi moyitata va ze koJerusarema. 21Ano ava ngava tunda mositata simwe ngava tantera vakwaawo ava ngava tunda kositata sapeke asi: ‘Ose tatu zi tu ka tongamene Hompa Munankondo nadinye tu ka mu kanderere, morwaetungiko lyendi. Tu zeni kumwe!’ 22Vantu wovanzi nonomuhoko dononkondo ngadi za koJerusarema, di ka tongamene Hompa Munankondo nadinye oku tadi mu kandererere etungiko lyendi. 23Ano momazuva ogo, vanayirongo murongo ngava wiza koMujuda gumwe va mu tantere asi: ‘Ose kuna hara tu kare mositambo soge, yeeyi ose kwa zuvha asi Karunga, neni ga kara.’ ”
Currently Selected:
Sakaliya 8: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Sakaliya 8
8
Matumbwidiro gaHompa gokuwapukururura Jerusarema
1 Hompa munankondo nadinye kwa gavere mbudi ezi kwaSakaliya asi: 2“Ame nina diworoka kukwafa Jerusarema, morwaeharo lyange lyenene lyokuhara vantu vamo. Ame kwa hara ava va handukisa nge kumwe nononkore damo. 3Ame na hara kutengura koJerusarema, sitata sange sokupongoka, ni ka tunge mo. Aso ngasi divikwa asi sitata sokulimburukwa. Ano nondundu zaHompa Munankondo nadinye ngava zi tumbura asi, ndundu zokupongoka. 4Vagara novakadi wokukurupa unene ngava ruganesa nompango nsene tava gendi. Awo ngava hingira pomaharango gositata. 5Mononzira ngamu zura hena vamati novakadona wokudanena mo.
6“Eyi kuvhura yi moneke kwava womuhoko ava vana hupu po ntaantani asi udigu, nye kwange ko ame ureru. 7Ame ngani yoworora vantu vange koyirongo oku va va twara, 8makura ngani va tengwide ni va guse koUpumezuva nokoUtokero, va ka kare moJerusarema. Ame ngani kare Karunga gwawo, awo tava kara vantu vange, tani va pangere noulimburukwi nouhungami.
9“Likorerereni! One kuna kuzuvha nonkango dokufumana ngwendi dedi va uyungire vaporofete posiruwo esi va tulire etateko lyetungururo lyontembeli. 10Siruwo esi aso sa hana kusika, kutupu muntu ogu ga vhulire kukuta vantu ndi yinamwenyo, nagumwe si ogu ga yoworokere kononkore dendi. Ame kwa ninkisire vantu va lipiraukire. 11Nye ntaantani, ame kuna kurugana ava va paruka womomuhoko ogu, mwapeke. 12Awo ngava kuna muzangu gwawo nombili. Yitji yawo yovhinyu ngayi yima mandjembere, ano evhu ngali reta muzangu, nomvhura ngazi vhuka. Matungiko aga nagenye ngani ya gava kovantu womuhoko gwange ava vana kara nomwenyo. 13Vantu womoJuda naIsraeli! Pwanare vanayirongo ngava lifinga‐finga mokuuyunga asi: ‘Yimpagwa yoyidona ngano none yi mu gwane, eyi ya gwana Juda naIsraeli!’ Nye ame ngani mu parura, makura vanayirongo owo, ngava litantera‐tantere asi: ‘None ngano tomu tambura matungiko gokulifana ngwendi gaga ga gwana Juda naIsraeli!’ Ano nye kareni nouradi, mwa ha tjira.”
14 Hompa Munankondo nadinye kuna kutanta asi: “Ozinyakurweni apa va handukisire nge, ame kwa va gazarerere yiponga yoyinene, kapi na rundwilire etokoro lyange, nye na sikisire mo magazaro gange. 15Nye ntaantani, ame kuna gazara ni ruganene monaruwa vantu womoJerusarema naJuda. Ano wa ha mu kwata woma. 16Yininke eyi mwa hepa kurugana yeyi: Omu liuyungire yousili. Omu uyunge yokuhungama momapanguro — yininke eyi ayi reta mbili. 17Walye omu gazarere vakweneni yokuvakoresa konomutjima. Walye omu ninki undipo woyimpempa nomugano. Ame kwa nyenga yimpempa nouhahungami nepiyagano.”
18 Hompa Munankondo nadinye ta gava mbudi ezi kwaSakaliya asi: 19“Mazuva gokudilira gokwedi kwaune noku kwautano noku kwautano‐nauvali noku komurongo ngaga kara gehafo nepemburo lyovantu womoJuda. Hareni usili nombili.”
20 Hompa Munankondo nadinye kuna kutanta asi: “Siruwo sina siki mo sokutunda vantu wovanzi moyitata va ze koJerusarema. 21Ano ava ngava tunda mositata simwe ngava tantera vakwaawo ava ngava tunda kositata sapeke asi: ‘Ose tatu zi tu ka tongamene Hompa Munankondo nadinye tu ka mu kanderere, morwaetungiko lyendi. Tu zeni kumwe!’ 22Vantu wovanzi nonomuhoko dononkondo ngadi za koJerusarema, di ka tongamene Hompa Munankondo nadinye oku tadi mu kandererere etungiko lyendi. 23Ano momazuva ogo, vanayirongo murongo ngava wiza koMujuda gumwe va mu tantere asi: ‘Ose kuna hara tu kare mositambo soge, yeeyi ose kwa zuvha asi Karunga, neni ga kara.’ ”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003