Sakaliya 6
6
Emoneko lyoturukara toyita tune
1Ame kwa mwene hena emoneko limwe. Apa ngesi ame kwa mwene turukara tune toyita tuna kutunda pokatji konondundu mbali dongoporo. 2Karukara komuhowo nonkambe donongeha da ka kokere, kauvali nonkambe dononsovagani, 3kautatu nonkambe dononzera, ano kaune nonkambe doyihanya‐yihanya. 4Makura ame tani pura muengeli asi: “Tate, otu turukara yinke nye tuna kutanta?”
5Age ta limburura asi: “Edi nompepo ne; ntaantani tupu dina kutunda komeho zaHompa gevhu nalinye.”
6Karukara aka da kokere nonkambe dononsovangani kwa vyukire koMuzogo koBabironiya, nonkambe dononzera kwa vyukire koUtokero, ano nonkambe doyihanya‐yihanya kwa vyukire kosirongo sokoMbindakano. 7Apa da tundire mo nonkambe doyihanya‐yihanya, kwa here di bubagure uzuni. Muengeli ta tanta asi: “Zendeni mu konakone uzuni!” — makura ado tadi yi rugana. 8Makura muengeli ta zigire nge asi: “Nonkambe edi dina zi koBabironiya, kuna goromona ehandu lyaHompa.”
Mpangera zokuyengeka Josuwa
9 Hompa kwa pere nge mbudi ezi. 10Ta tanta asi: “Gusa mauhwi aga da gava nonkwate oHelidayi naTobiya naJedaya, o ze usimbu kembo lyaJosiya zaSefaniya. Vagara navenye ava va tunda mo moupika moBabironiya. 11Rugana nkata zosisiliveli nongorodo ezi va gava, makura o ka zi ture komutwe gomupristeli goMunene, Josuwa zaJehosadaka. 12Ka mu tantere asi Hompa Munankondo nadinye ta tanta asi: ‘Mugara ogu ava tumbura asi Mutayi, nga kulira paapa ana kara nga tungurure ntembeli zaHompa. 13Age yige nga zi tunga, ta gwana efumano lyouhompa, makura nga pangere mbunga zendi. Mupristeli nga kara pepi nosipundiuhompa sendi, makura mouvali wawo ngava rugana mompora nomomalizuvho.’ 14Nkata ngazi kara sidiworokeso montembeli zaHompa mefumadeko lyaHelidayi naTobiya naJedaya naJosiya.”
15Ava va kara koure, ngava wiza va ya kwafe mokutungurura ntembeli zaHompa. Apa nye ngava zi tungurura, yipo ngomu diva asi Hompa Munankondo nadinye yige ga tuma nge kweni. Eyi nayinye ngayi kara po, nsene tomu limburukwa nawa‐nawa konompangera daHompa Karunga gweni.
Currently Selected:
Sakaliya 6: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Sakaliya 6
6
Emoneko lyoturukara toyita tune
1Ame kwa mwene hena emoneko limwe. Apa ngesi ame kwa mwene turukara tune toyita tuna kutunda pokatji konondundu mbali dongoporo. 2Karukara komuhowo nonkambe donongeha da ka kokere, kauvali nonkambe dononsovagani, 3kautatu nonkambe dononzera, ano kaune nonkambe doyihanya‐yihanya. 4Makura ame tani pura muengeli asi: “Tate, otu turukara yinke nye tuna kutanta?”
5Age ta limburura asi: “Edi nompepo ne; ntaantani tupu dina kutunda komeho zaHompa gevhu nalinye.”
6Karukara aka da kokere nonkambe dononsovangani kwa vyukire koMuzogo koBabironiya, nonkambe dononzera kwa vyukire koUtokero, ano nonkambe doyihanya‐yihanya kwa vyukire kosirongo sokoMbindakano. 7Apa da tundire mo nonkambe doyihanya‐yihanya, kwa here di bubagure uzuni. Muengeli ta tanta asi: “Zendeni mu konakone uzuni!” — makura ado tadi yi rugana. 8Makura muengeli ta zigire nge asi: “Nonkambe edi dina zi koBabironiya, kuna goromona ehandu lyaHompa.”
Mpangera zokuyengeka Josuwa
9 Hompa kwa pere nge mbudi ezi. 10Ta tanta asi: “Gusa mauhwi aga da gava nonkwate oHelidayi naTobiya naJedaya, o ze usimbu kembo lyaJosiya zaSefaniya. Vagara navenye ava va tunda mo moupika moBabironiya. 11Rugana nkata zosisiliveli nongorodo ezi va gava, makura o ka zi ture komutwe gomupristeli goMunene, Josuwa zaJehosadaka. 12Ka mu tantere asi Hompa Munankondo nadinye ta tanta asi: ‘Mugara ogu ava tumbura asi Mutayi, nga kulira paapa ana kara nga tungurure ntembeli zaHompa. 13Age yige nga zi tunga, ta gwana efumano lyouhompa, makura nga pangere mbunga zendi. Mupristeli nga kara pepi nosipundiuhompa sendi, makura mouvali wawo ngava rugana mompora nomomalizuvho.’ 14Nkata ngazi kara sidiworokeso montembeli zaHompa mefumadeko lyaHelidayi naTobiya naJedaya naJosiya.”
15Ava va kara koure, ngava wiza va ya kwafe mokutungurura ntembeli zaHompa. Apa nye ngava zi tungurura, yipo ngomu diva asi Hompa Munankondo nadinye yige ga tuma nge kweni. Eyi nayinye ngayi kara po, nsene tomu limburukwa nawa‐nawa konompangera daHompa Karunga gweni.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003