Sakaliya 5
5
Emoneko lyobukegango zokutuka
1Ame kwa kankukire hena, makura apa ngesi tani mono bukegango zina kutuka mompepo. 2Muengeli ta pura nge asi, yinke nina kumona. Ame tani limburura asi: “Bukegango zina kutuka mompepo; monaure wazo nometa ntano‐nane, ano monompatji nometa ne noharufa.”
3Makura age ta tantere nge asi: “Amo kwa tjanga mo efingiliro eli ngali za mosirongo mudima. Kombinga zimwe kwa tanta ko asi, nkenye muwidi ngava mu gusa mo mosirongo; ano oku kombinga nkwawo kwa tanta asi nkenye ogu a tanta yimpempa nye a gane, nage ngava mu gusa mo. 4Hompa Munankondo nadinye ta tanta asi, age nga tuma efingiliro, alyo ngali hwilira mwankenye embo lyomuwidi namwankenye embo lyogu a tanta yimpempa ta gana. Alyo ngali kara momambo gawo dogoro taga zunguruka po.”
Emoneko lyomukadi mosimbamba
5Muengeli ta moneka hena, ta tanta asi: “Kankuka! Taku wiza hena yuma yimwe!”
6Tani pura asi: “Yinke nye oyo?”
Age ta limburura asi: “Simbamba, aso kuna kerere po nzo zosirongo nasinye.”
7Simbamba kwa kere nonswiko zorota. Ame kuna kutara nswiko tazi kudumuka ko, ano omo mosimbamba hawe mukadi ana hingire mo!
8Muengeli ta tanta asi: “Mukadi ogo kuna kerere po udinikarunga.” Ta mu nyikidire mosimbamba, ta mbandwire ko swiko. 9Eyi na kankuka tani mono vakadi vavali vana kutuka va wize kwange. Mavava gawo gononkondo ngwendi samunkoma. Awo kwa damwine simbamba tava tuka naso.
10Makura ame tani pura muengeli asi: “Oku vana kusitwara kupi?”
11Age ta limburura asi: “KoBabironiya, oku ngava ka si tungira ntembeli. Apa nye ngazi pwa ntembeli, yimo ngava si tura oso simbamba va si tongamene.”
Currently Selected:
Sakaliya 5: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Sakaliya 5
5
Emoneko lyobukegango zokutuka
1Ame kwa kankukire hena, makura apa ngesi tani mono bukegango zina kutuka mompepo. 2Muengeli ta pura nge asi, yinke nina kumona. Ame tani limburura asi: “Bukegango zina kutuka mompepo; monaure wazo nometa ntano‐nane, ano monompatji nometa ne noharufa.”
3Makura age ta tantere nge asi: “Amo kwa tjanga mo efingiliro eli ngali za mosirongo mudima. Kombinga zimwe kwa tanta ko asi, nkenye muwidi ngava mu gusa mo mosirongo; ano oku kombinga nkwawo kwa tanta asi nkenye ogu a tanta yimpempa nye a gane, nage ngava mu gusa mo. 4Hompa Munankondo nadinye ta tanta asi, age nga tuma efingiliro, alyo ngali hwilira mwankenye embo lyomuwidi namwankenye embo lyogu a tanta yimpempa ta gana. Alyo ngali kara momambo gawo dogoro taga zunguruka po.”
Emoneko lyomukadi mosimbamba
5Muengeli ta moneka hena, ta tanta asi: “Kankuka! Taku wiza hena yuma yimwe!”
6Tani pura asi: “Yinke nye oyo?”
Age ta limburura asi: “Simbamba, aso kuna kerere po nzo zosirongo nasinye.”
7Simbamba kwa kere nonswiko zorota. Ame kuna kutara nswiko tazi kudumuka ko, ano omo mosimbamba hawe mukadi ana hingire mo!
8Muengeli ta tanta asi: “Mukadi ogo kuna kerere po udinikarunga.” Ta mu nyikidire mosimbamba, ta mbandwire ko swiko. 9Eyi na kankuka tani mono vakadi vavali vana kutuka va wize kwange. Mavava gawo gononkondo ngwendi samunkoma. Awo kwa damwine simbamba tava tuka naso.
10Makura ame tani pura muengeli asi: “Oku vana kusitwara kupi?”
11Age ta limburura asi: “KoBabironiya, oku ngava ka si tungira ntembeli. Apa nye ngazi pwa ntembeli, yimo ngava si tura oso simbamba va si tongamene.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003