Sakaliya 4
4
Emoneko lyouzweko woramba
1Muengeli ogu ga uyungisire nge, ta wiza hena, makura ta pindura nge, ngwendi gogu asi ame kwa ponyokere. 2Age ta pura asi: “Yinke eyi ono kumona?”
Ame tani mu limburura asi: “Uzweko woramba ou va rugana nongorodo. Ano korweguru kwa kara ko eronga lyomagadi. Kouzweko kwa kara ko noramba ntano‐nambali. Ano nkenye ezi kwa kara nomavega goyikehe yitano‐nayivali. 3Nkenye koruha rouzweko kwa kere ko yitji yivali youzwe, nkenye esi kombinga zimwe.” 4Ame makura tani pura muengeli asi: “Munekuto, yene eyi yininke yinke nani ya kerera po?”
5Age ta pura nge asi: “Kapi wa yi diva nani?” Ame tani limburura asi: “Hawe, munekuto, ame kapi na yi diva.”
Etumbwidiro lyaKarunga kwaSerubabeli
6Muengeli ta tantere nge ni gave mbudi kwaSerubabeli zaHompa asi: “Ngo ragopa, nye kapisi kononkondo doukwayita ndi kononkondo daamoge, nye kompepo zange. 7Yilimbika eyi ya nenepa ngwendi nondundu, ngayi dongonoka komeho zoge. Ngo tungurura ntembeli, ano apa ngo manesa kutura po emanya lyokuhulilira, vantu ngava zigira asi: ‘Ngwa, ngwa!’ ”
8Mbudi zimwe zakwaHompa tazi wiza kwange. 9Ta tanta asi: “Serubabeli yige ga tunga etateko lyontembeli, ano age yige nga mana kuzitunga. Apa ngayi horoka eyi, vantu vange ngava diva asi, nyame na ku tuma kwawo. 10Awo kapi va hafere morwa kapi ya gendere nawa. Nye ngava mona Serubabeli kuna kutwikira kutunga ntembeli, makura ngava hafe.”
Muengeli ta tantere nge asi: “Noramba ntano‐nambali yigo meho gatano‐nagavali gaHompa, aga aga mono evhu nalinye.”
11Makura ame tani mu pura asi: “Oyo yitji yomauzwe yivali oyo yina kara komaruha nagenye gouzweko wonoramba, yinke yina kutanta? 12Nodo nomutayi mbali domauzwe odo dina kara komaruha gonomuliu mbali dongorodo omu aga gendi magadi gononzwe, yinke dina kutanta?”
13Gwina ta pura nge asi: “Kapi ono yi diva?” Ame tani limburura asi: “Kapi na yi diva, tate.”
14Makura age ta tanta asi: “Ava yiwo vagara vavali ava ga horowora Karunga yiyo ga va gwaveka va mu kerere, Hompa gevhu nalinye.”
Currently Selected:
Sakaliya 4: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
