Sakaliya 2
2
Emoneko lyongodi zokuhetekesa
1Memoneko limwe ame kwa mwene mugara, age nongodi zokuhetekesa mokuwoko kwendi. 2Tani mu pura asi: “Kupi ono kuza?”
Age ta limburura asi: “Tani ka heteka Jerusarema, ni ka dive asi papi ga hura monaure nomonompatji.”
3Makura tani mono muengeli ogu ga uyungire name ta vyuka komeho, ano muengeli gumwe ta wiza a ya gwanekere nendi. 4Gwina gomuhowo ta tantare mukwawo asi: “Duka o ka tantere ogo mumati ana kara nongodi zokuhetekesa asi, moJerusarema ngamu kara vantu wovanzi nonongombe dononzi, ngazi nenepa unene nokuwapa si kutunga ko ekuma. 5Hompa kuna tumbwidire asi mwene yige nga kara ekuma lyomundiro, li kundurukide sitata a si popere, makura nga kare nouyerere wendi naunye.”
Nonkwate tava di zigida di tengure kwawo
6-7 Hompa ta tantere vantu vendi asi: “Ame kwa mu haraganesera konombinga nadinye. Ano ntaantani one nonkwate, tundeni mo moBabironiya mu tengure koJerusarema. 8Nkenye ogu ana kumuguma, ta gumu eyi yondiro po zonene kwange.”
Hompa Munankondo nadinye yipo nye ana tumine nge nombudi ezi konomuhoko asi: 9“Hompa mwene yige nga mu rwisa, makura ngava mu hakane vantu ava va kere vakareli veni.”
Apa ngayi horoka eyi, navenye tava diva asi Hompa Munankondo nadinye yige ga tuma nge.
10 Hompa ta tanta asi: “Dimbeni oku tomu hafa, one Vajerusarema! Ame tani wiza ni ya kare mokatji keni!”
11Posiruwo oso nomuhoko dononzi ngadi wiza kwaHompa, tadi kara vantu vendi. Age nga kara mokatji keni, makura tomu diva asi yige ga tuma nge kweni. 12Juda nga kara hena emonazuni lyaHompa mosirongo sendi sokupongoka, ano Jerusarema nga kara sitata esi ga hara po unene kwanayinye.
13Mweneni namuvenye kosipara saHompa, morwa ta wiza a tunde mevega lyendi lyokupongoka.
Currently Selected:
Sakaliya 2: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
