Sakaliya 1
1
Hompa ta zigida vantu vendi va tengwire kwendi
1Mokwedi kwautano‐nautatu komvhura zauvali zepangero lyaDaliusi, hompa gwaPeresiya, Hompa kwa gavere mbudi ezi komuporofete Sakaliya zaBerekiya, mutekurwaIdo. 2Hompa Munankondo nadinye kwa tanterere Sakaliya a tantere mbunga asi: “Ame Hompa, kwa handukilire unene ozinyakurweni 3nye apa ngesi ame tani mu tantere asi: Tengwireni kwange, name ni tengwire kweni. 4Mwa ha fana ngwendi ozinyakurweni. Nare‐nare vaporofete ngava va pe mbudi zange, tava va tantere asi walye ava kara moyikara yoyidona nomouturanzo. Nye awo nokupurakena si ndi asi va limburukwe kwange. 5Ozinyakurweni nowo vaporofete va fa nye. 6Movakereli vange vaporofete na pererere ozinyakurweni nompangera nomarondoro, nye awo tava ga swaura, makura yiyo ya va hepekesere ntani nye va litezwilire tava yi nongonona asi ame Hompa Munankondo nadinye, nyame na va futisa moomu va yi liruganena nomu na tokora asi yimo ngani rugana.”
Muporofete ta mono nonkambe memoneko
7Mvhura zauvali zepangero lyaDaliusi, momazuva nomurongo mbali nagane gokwedi komurongo nakumwe (kwedi kwaSebata), Hompa ta pe nge mbudi masiku memoneko. 8Ame tani mono muengeli gwaHompa ana rondo konkambe zongeha. Age kwa sikamene moyitji yimwe yomirete momuramba. Ano konyima zendi, kwa kere ko nonkambe dimwe — donongeha nedi doyihanya‐yihanya nedi dononzera. 9Ame makura tani mu pura asi: “Tate, nonkambe edi nani yinke dina kutanta?”
Age ta limburura nge asi: “Ame tani ka ku likida eyi dina kutanta. 10Hompa kwa di tuma di ka konakone evhu.”
11Ado tadi zi, di ka sansekere muengeli asi: “Mouzuni mudima yimo tuna gendi, makura yiyo tuna koneke asi uzuni naunye kuna limwenene, mbili zelike mo.”
12Muengeli ta tanta asi: “Hompa Munankondo nadinye, ntaantani ngesi, ove kuna handukire nye Jerusarema noyitata yaJuda nomvhura nomurongo ntano nambali. Siruwo sokusika kupi sina hupu ko sokudira kuvafira nkenda?”
13 Hompa ta limburura muengeli nononkango dehengagwido, 14makura muengeli ta tantere nge, ni faturure eyi ga uyungire Hompa Munankondo nadinye asi: “Ame kuna kara neharo lyenene morwaJerusarema sitata sange sokupongoka. 15Nye ame kuna handukire unene nomuhoko edi dina kara nehafo nokumwena teete nombili. Yeeyi asi apa na gusa po ehandu lyange kombunga zange, nomuhoko odo kwa yipikisa unene mahepeko gombunga zange. 16Ano ame nina tengwire koJerusarema ni ya fire nkenda sitata. Ntembeli zange ngava zi wapeka nositata ngava si tungurura.”
17Muengeli ta tantere nge hena ni faturure asi: “Hompa Munankondo nadinye kuna kuuyunga asi yitata yendi ngayi ragopa hena, nga kwafa simpe Jerusarema nokusininka si kare sitata sendi.”
Emoneko lyonombinga
18Memoneko limwe, ame kwa mwene mo nombinga ne donohove. 19Makura ame tani pura muengeli ogu ga uyungisire nge asi: “Edi nombinga yinke dina kutanta?” Age ta limburura asi: “Ado kuna kerere po nonkondo douzuni edi da haraganesa mbunga zaJuda nezi zaIsraeli nezi zaJerusarema.”
20 Hompa makura ta likida nge hena vagara vane vana kurugana, awo nonohamara dawo. 21Ame tani mu pura asi: “Yinke va wizira nani ava vagara?”
Age ta limburura asi: “Awo kwa wizira va ya tjilise nokufunda nomuhoko edi da teza po nuunu sirongo saJuda nokuharaganesa po vantu vaso.”
Currently Selected:
Sakaliya 1: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Sakaliya 1
1
Hompa ta zigida vantu vendi va tengwire kwendi
1Mokwedi kwautano‐nautatu komvhura zauvali zepangero lyaDaliusi, hompa gwaPeresiya, Hompa kwa gavere mbudi ezi komuporofete Sakaliya zaBerekiya, mutekurwaIdo. 2Hompa Munankondo nadinye kwa tanterere Sakaliya a tantere mbunga asi: “Ame Hompa, kwa handukilire unene ozinyakurweni 3nye apa ngesi ame tani mu tantere asi: Tengwireni kwange, name ni tengwire kweni. 4Mwa ha fana ngwendi ozinyakurweni. Nare‐nare vaporofete ngava va pe mbudi zange, tava va tantere asi walye ava kara moyikara yoyidona nomouturanzo. Nye awo nokupurakena si ndi asi va limburukwe kwange. 5Ozinyakurweni nowo vaporofete va fa nye. 6Movakereli vange vaporofete na pererere ozinyakurweni nompangera nomarondoro, nye awo tava ga swaura, makura yiyo ya va hepekesere ntani nye va litezwilire tava yi nongonona asi ame Hompa Munankondo nadinye, nyame na va futisa moomu va yi liruganena nomu na tokora asi yimo ngani rugana.”
Muporofete ta mono nonkambe memoneko
7Mvhura zauvali zepangero lyaDaliusi, momazuva nomurongo mbali nagane gokwedi komurongo nakumwe (kwedi kwaSebata), Hompa ta pe nge mbudi masiku memoneko. 8Ame tani mono muengeli gwaHompa ana rondo konkambe zongeha. Age kwa sikamene moyitji yimwe yomirete momuramba. Ano konyima zendi, kwa kere ko nonkambe dimwe — donongeha nedi doyihanya‐yihanya nedi dononzera. 9Ame makura tani mu pura asi: “Tate, nonkambe edi nani yinke dina kutanta?”
Age ta limburura nge asi: “Ame tani ka ku likida eyi dina kutanta. 10Hompa kwa di tuma di ka konakone evhu.”
11Ado tadi zi, di ka sansekere muengeli asi: “Mouzuni mudima yimo tuna gendi, makura yiyo tuna koneke asi uzuni naunye kuna limwenene, mbili zelike mo.”
12Muengeli ta tanta asi: “Hompa Munankondo nadinye, ntaantani ngesi, ove kuna handukire nye Jerusarema noyitata yaJuda nomvhura nomurongo ntano nambali. Siruwo sokusika kupi sina hupu ko sokudira kuvafira nkenda?”
13 Hompa ta limburura muengeli nononkango dehengagwido, 14makura muengeli ta tantere nge, ni faturure eyi ga uyungire Hompa Munankondo nadinye asi: “Ame kuna kara neharo lyenene morwaJerusarema sitata sange sokupongoka. 15Nye ame kuna handukire unene nomuhoko edi dina kara nehafo nokumwena teete nombili. Yeeyi asi apa na gusa po ehandu lyange kombunga zange, nomuhoko odo kwa yipikisa unene mahepeko gombunga zange. 16Ano ame nina tengwire koJerusarema ni ya fire nkenda sitata. Ntembeli zange ngava zi wapeka nositata ngava si tungurura.”
17Muengeli ta tantere nge hena ni faturure asi: “Hompa Munankondo nadinye kuna kuuyunga asi yitata yendi ngayi ragopa hena, nga kwafa simpe Jerusarema nokusininka si kare sitata sendi.”
Emoneko lyonombinga
18Memoneko limwe, ame kwa mwene mo nombinga ne donohove. 19Makura ame tani pura muengeli ogu ga uyungisire nge asi: “Edi nombinga yinke dina kutanta?” Age ta limburura asi: “Ado kuna kerere po nonkondo douzuni edi da haraganesa mbunga zaJuda nezi zaIsraeli nezi zaJerusarema.”
20 Hompa makura ta likida nge hena vagara vane vana kurugana, awo nonohamara dawo. 21Ame tani mu pura asi: “Yinke va wizira nani ava vagara?”
Age ta limburura asi: “Awo kwa wizira va ya tjilise nokufunda nomuhoko edi da teza po nuunu sirongo saJuda nokuharaganesa po vantu vaso.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003