MAPISAROME 146
146
Ehamberero lyaKarunga Muparuli
1Hamberereni Hompa!
Mwenyo gwange,
hamberera Hompa!
2Ngani hamberera Hompa
nsene simpe nina kutasuka;
ngani dimbira Karunga gwange
moukaro wange naunye.
3Walye omu huguvara vapangeli wovantu,
ndi nkenye ogu ta dili kuvhura kukuparura.
4Nsene vana fu, kusitunuka evhu;
ezuva olyo yigazo yawo nayinye
tayi va pu.
5Gerago muntu ogu
ga kara naKarunga gwaJakopo gokumukwafa,
ogu ga huguvara Hompa Karunga gwendi,
6ogu ga sita eguru nevhu nefuta
neyi nayinye ya kara mo.
Age kusikisa mo nkenye apa
matumbwidiro gendi;
7age kupangwira ava ava hepeke,
ta pe nondya wonzara.
Hompa kumangurura vanadorongo,
8age kumahura vatwiku.
Age kuzerura valisupipiki,
age kwa hara vantu vendi wokuhungama.
9Age kupopera vanayirongo ava
va kara mosirongo;
age kukwafa vafisavaya nononsigwe,
ta zungurura yigazo yovadinikarunga.
10 Hompa nga kara hompa gwanarunye!
Siyoni, Karunga goge nga pangera narunye!
Hamberereni Hompa!
Currently Selected:
MAPISAROME 146: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
MAPISAROME 146
146
Ehamberero lyaKarunga Muparuli
1Hamberereni Hompa!
Mwenyo gwange,
hamberera Hompa!
2Ngani hamberera Hompa
nsene simpe nina kutasuka;
ngani dimbira Karunga gwange
moukaro wange naunye.
3Walye omu huguvara vapangeli wovantu,
ndi nkenye ogu ta dili kuvhura kukuparura.
4Nsene vana fu, kusitunuka evhu;
ezuva olyo yigazo yawo nayinye
tayi va pu.
5Gerago muntu ogu
ga kara naKarunga gwaJakopo gokumukwafa,
ogu ga huguvara Hompa Karunga gwendi,
6ogu ga sita eguru nevhu nefuta
neyi nayinye ya kara mo.
Age kusikisa mo nkenye apa
matumbwidiro gendi;
7age kupangwira ava ava hepeke,
ta pe nondya wonzara.
Hompa kumangurura vanadorongo,
8age kumahura vatwiku.
Age kuzerura valisupipiki,
age kwa hara vantu vendi wokuhungama.
9Age kupopera vanayirongo ava
va kara mosirongo;
age kukwafa vafisavaya nononsigwe,
ta zungurura yigazo yovadinikarunga.
10 Hompa nga kara hompa gwanarunye!
Siyoni, Karunga goge nga pangera narunye!
Hamberereni Hompa!
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003