MAPISAROME 145
145
Unene nounongo waKarunga
Rusumo rwehamberero rwaNdafita.
1Ame kuna hara ni udise unene woge,
hompa Karunga gwange;
kuna hara ngani ku pandure
narunye nanarunye.
2Ame kuna hara ngani ku pandure
nkenye ezuva;
ngani ku hamberere narunye nanarunye.
3 Hompa munene, age ga fira
kumufumadeka unene;
unene wendi nokuvhura si kuuyereka.
4Eyi wa rugana ngava yi fumadeka
ava vana kara ko
nava ngava ka kara ko oko;
ngava udisa yirugana yoge yononkondo.
5Vantu ngava uyunga youyerere
woge nefumano lyoge,
ano ame ngani simwitira yirugana
yoge yokutetura.
6Vantu ngava uyunga yoyirugana
yoge yononkondo,
ano ame ngani udisa unene woge.
7Awo ngava uyunga yokuhamena
uwa woge,
ngava dimba yokuhamena unambili woge.
8 Hompa geharo, age munankenda
kapi a handuka usimbu, age eharo
lyendi enene.
9Age kuwapeka nkenye ogu,
age kuzaverera nkenye aka
ga rugana.
10Yisitwa yoge nayinye, Hompa,
ngayi ku hamberera,
ano vantu woge ngava ku pandura!
11Awo ngava uyunga youyerere
wountungi woge,
va sanseke nonkondo doge,
12nkumwe ngava divire po vantu navenye
yirugana yoge yononkondo,
nefumano lyouyerere wountungi woge.
13Untungi woge wanarunye,
ano ove hompa gwanarunye.
Karunga kusikisa mo matumbwidiro gendi,
age kuwapeka nayinye eyi a rugana.
14Age kukwafa navenye ava
ava kara moudigu;
age kuzerura ava va nunupa.
15Yinamwenyo mwendi mwelike
ya tara,
age kuyipa nondya nsene yina
di hepa.
16Ove kuyipa yoyinzi,
to kutike nayinye moufenkenda woge.
17 Hompa kuhungika nayinye
eyi a rugana,
munankenda moyirugana yendi nayinye.
18Age kwa kara pepi nava navenye
ava mu zigida,
ava ava mu zigida mousili.
19Age kuhepurura maruhepo gava
ava mu tjira;
age kuzuvha nkugo zawo,
ta va parura.
20Age kupopera navenye ava
va mu hara,
nye age nga hanagura po
vadinikarunga navenye.
21Ame ngani hamberera nkenye apa Hompa;
yisitwa nayinye yi hamberere
edina lyendi lyokupongoka narunye nanarunye!
Currently Selected:
MAPISAROME 145: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
MAPISAROME 145
145
Unene nounongo waKarunga
Rusumo rwehamberero rwaNdafita.
1Ame kuna hara ni udise unene woge,
hompa Karunga gwange;
kuna hara ngani ku pandure
narunye nanarunye.
2Ame kuna hara ngani ku pandure
nkenye ezuva;
ngani ku hamberere narunye nanarunye.
3 Hompa munene, age ga fira
kumufumadeka unene;
unene wendi nokuvhura si kuuyereka.
4Eyi wa rugana ngava yi fumadeka
ava vana kara ko
nava ngava ka kara ko oko;
ngava udisa yirugana yoge yononkondo.
5Vantu ngava uyunga youyerere
woge nefumano lyoge,
ano ame ngani simwitira yirugana
yoge yokutetura.
6Vantu ngava uyunga yoyirugana
yoge yononkondo,
ano ame ngani udisa unene woge.
7Awo ngava uyunga yokuhamena
uwa woge,
ngava dimba yokuhamena unambili woge.
8 Hompa geharo, age munankenda
kapi a handuka usimbu, age eharo
lyendi enene.
9Age kuwapeka nkenye ogu,
age kuzaverera nkenye aka
ga rugana.
10Yisitwa yoge nayinye, Hompa,
ngayi ku hamberera,
ano vantu woge ngava ku pandura!
11Awo ngava uyunga youyerere
wountungi woge,
va sanseke nonkondo doge,
12nkumwe ngava divire po vantu navenye
yirugana yoge yononkondo,
nefumano lyouyerere wountungi woge.
13Untungi woge wanarunye,
ano ove hompa gwanarunye.
Karunga kusikisa mo matumbwidiro gendi,
age kuwapeka nayinye eyi a rugana.
14Age kukwafa navenye ava
ava kara moudigu;
age kuzerura ava va nunupa.
15Yinamwenyo mwendi mwelike
ya tara,
age kuyipa nondya nsene yina
di hepa.
16Ove kuyipa yoyinzi,
to kutike nayinye moufenkenda woge.
17 Hompa kuhungika nayinye
eyi a rugana,
munankenda moyirugana yendi nayinye.
18Age kwa kara pepi nava navenye
ava mu zigida,
ava ava mu zigida mousili.
19Age kuhepurura maruhepo gava
ava mu tjira;
age kuzuvha nkugo zawo,
ta va parura.
20Age kupopera navenye ava
va mu hara,
nye age nga hanagura po
vadinikarunga navenye.
21Ame ngani hamberera nkenye apa Hompa;
yisitwa nayinye yi hamberere
edina lyendi lyokupongoka narunye nanarunye!
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003